📅 2023-yil 13-iyul · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 13 июль · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 13 июля 2023 г. · Законы и кодексы
Официальный текст. Официальный документ. Редакционные примечания не включены.
📅 13 July 2023 · Laws and codes
Official text. Official document. Editorial notes are not included.
Ўзбекистон Республикасининг Қонуни
«Давлат божи тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида
Қонунчилик палатаси томонидан 2023 йил 22 февралда қабул қилинган Сенат томонидан 2023 йил 22 июнда маъқулланган
Кейинги йилларда мамлакатимизда тадбиркорлик фаолиятини ва рақобат муҳитини янада ривожлантиришга, истеъмолчилар ҳуқуқларининг ишончли ҳимоя қилинишини таъминлашга ҳамда тадбиркорлик субъектларини ҳар томонлама қўллаб-қувватлашга қаратилган кенг кўламли ислоҳотлар амалга оширилди.
Шу билан бирга рақобат муҳитини ривожлантириш ва истеъмолчилар ҳуқуқларини ҳимоя қилиш, тадбиркорлик субъектларига давлат томонидан берилган ҳамда ўз муддатида қайтарилмаган кредит маблағларини ундириш масалаларига доир даъволар, аризалар ва шикоятлар билан судларга мурожаат қилиш чоғида тегишли давлат органларини давлат божини тўлашдан озод этиш зарурати юзага келмоқда.
Ушбу Қонун билан Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитасини ҳамда Ўзбекистон Республикаси Иқтисодиёт ва молия вазирлиги ҳузуридаги Тадбиркорлик фаолиятини қўллаб-қувватлаш давлат жамғармасини судларга мурожаат қилиш чоғида давлат божини тўлашдан озод этиш назарда тутилмоқда.
Ушбу Қонун тегишли давлат органларига судларга мурожаат қилиш учун ажратилган давлат божи тўловидан тежалган маблағларни тадбиркорликни ривожлантириш, тадбиркорлик субъектларининг ва истеъмолчиларнинг ҳуқуқлари янада ишончли ҳимоя қилинишини таъминлаш учун йўналтиришга хизмат қилади.
1-модда. Ўзбекистон Республикасининг 2020 йил 6 январда қабул қилинган «Давлат божи тўғрисида»ги ЎРҚ-600-сонли Қонунига (Ўзбекистон Республикаси Олий Мажлиси палаталарининг Ахборотномаси, 2020 йил, № 1, 1-модда, № 3, 201-модда, № 5, 298-модда, № 10, 593-модда, № 12, 691-модда; 2021 йил, № 1, 13-модда, 4-сонга илова, № 7, 661-модда, № 8, 800, 803-моддалар, № 10, 968-модда; 2022 йил, № 2, 76-модда, № 3, 214, 216-моддалар, № 4, 340-модда, № 5, 463, 464, 467-моддалар, № 12, 1186-модда) қуйидаги ўзгартиш ва қўшимчалар киритилсин:
1) 8-модданинг биринчи қисми :
29-банди қуйидаги таҳрирда баён этилсин:
«29) Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳамда унинг ҳудудий органлари – ўз зиммасига юклатилган ваколатларга мувофиқ судларга кўриб чиқиш учун бериладиган даъволар ва шикоятлар юзасидан»;
қуйидаги мазмундаги 44-банд билан тўлдирилсин:
«44) Ўзбекистон Республикаси Иқтисодиёт ва молия вазирлиги ҳузуридаги Тадбиркорлик фаолиятини қўллаб-қувватлаш давлат жамғармаси — ўз ҳуқуқлари ҳамда қонуний манфаатларини ҳимоя қилиш юзасидан даъволар, аризалар ва шикоятлар билан судга мурожаат қилганда»;
2) 9-модданинг биринчи қисми :
9-банди қуйидаги таҳрирда баён этилсин:
«9) Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳамда унинг ҳудудий органлари — ўз зиммасига юклатилган ваколатларга мувофиқ судларга кўриб чиқиш учун бериладиган даъволар, аризалар ва шикоятлар бўйича»;
қуйидаги мазмундаги 28-банд билан тўлдирилсин:
«28) Ўзбекистон Республикаси Иқтисодиёт ва молия вазирлиги ҳузуридаги Тадбиркорлик фаолиятини қўллаб-қувватлаш давлат жамғармаси — ўз ҳуқуқлари ҳамда қонуний манфаатларини ҳимоя қилиш юзасидан даъволар, аризалар ва шикоятлар билан судга мурожаат қилганда»;
3) 10-модданинг биринчи қисми :
10 1 -банди қуйидаги таҳрирда баён этилсин:
«10 1 ) Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳамда унинг ҳудудий органлари — ўз зиммасига юклатилган ваколатларга мувофиқ судларга кўриб чиқиш учун бериладиган аризалар ва шикоятлар юзасидан»;
қуйидаги мазмундаги 18-банд билан тўлдирилсин:
«18) Ўзбекистон Республикаси Иқтисодиёт ва молия вазирлиги ҳузуридаги Тадбиркорлик фаолиятини қўллаб-қувватлаш давлат жамғармаси — ўз ҳуқуқлари ҳамда қонуний манфаатларини ҳимоя қилиш юзасидан аризалар ва шикоятлар билан судга мурожаат қилганда».
2-модда. Ўзбекистон Республикаси Иқтисодиёт ва молия вазирлиги, Рақобатни ривожлантириш ва истеъмолчилар ҳуқуқларини ҳимоя қилиш қўмитаси ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
3-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
4-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2023 йил 13 июль,
ЎРҚ-855-сон
Oʻzbekiston Respublikasining Qonuni
“Davlat boji toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida
Qonunchilik palatasi tomonidan 2023-yil 22-fevralda qabul qilingan Senat tomonidan 2023-yil 22-iyunda maʼqullangan
Keyingi yillarda mamlakatimizda tadbirkorlik faoliyatini va raqobat muhitini yanada rivojlantirishga, isteʼmolchilar huquqlarining ishonchli himoya qilinishini taʼminlashga hamda tadbirkorlik subyektlarini har tomonlama qoʻllab-quvvatlashga qaratilgan keng koʻlamli islohotlar amalga oshirildi.
Shu bilan birga raqobat muhitini rivojlantirish va isteʼmolchilar huquqlarini himoya qilish, tadbirkorlik subyektlariga davlat tomonidan berilgan hamda oʻz muddatida qaytarilmagan kredit mablagʻlarini undirish masalalariga doir daʼvolar, arizalar va shikoyatlar bilan sudlarga murojaat qilish chogʻida tegishli davlat organlarini davlat bojini toʻlashdan ozod etish zarurati yuzaga kelmoqda.
Ushbu Qonun bilan Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasini hamda Oʻzbekiston Respublikasi Iqtisodiyot va moliya vazirligi huzuridagi Tadbirkorlik faoliyatini qoʻllab-quvvatlash davlat jamgʻarmasini sudlarga murojaat qilish chogʻida davlat bojini toʻlashdan ozod etish nazarda tutilmoqda.
Ushbu Qonun tegishli davlat organlariga sudlarga murojaat qilish uchun ajratilgan davlat boji toʻlovidan tejalgan mablagʻlarni tadbirkorlikni rivojlantirish, tadbirkorlik subyektlarining va isteʼmolchilarning huquqlari yanada ishonchli himoya qilinishini taʼminlash uchun yoʻnaltirishga xizmat qiladi.
1-modda. Oʻzbekiston Respublikasining 2020-yil 6-yanvarda qabul qilingan “Davlat boji toʻgʻrisida”gi OʻRQ-600-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2020-yil, № 1, 1-modda, № 3, 201-modda, № 5, 298-modda, № 10, 593-modda, № 12, 691-modda; 2021-yil, № 1, 13-modda, 4-songa ilova, № 7, 661-modda, № 8, 800, 803-moddalar, № 10, 968-modda; 2022-yil, № 2, 76-modda, № 3, 214, 216-moddalar, № 4, 340-modda, № 5, 463, 464, 467-moddalar, № 12, 1186-modda) quyidagi oʻzgartish va qoʻshimchalar kiritilsin:
1) 8-moddaning birinchi qismi :
29-bandi quyidagi tahrirda bayon etilsin:
“29) Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi hamda uning hududiy organlari – oʻz zimmasiga yuklatilgan vakolatlarga muvofiq sudlarga koʻrib chiqish uchun beriladigan daʼvolar va shikoyatlar yuzasidan”;
quyidagi mazmundagi 44-band bilan toʻldirilsin:
“44) Oʻzbekiston Respublikasi Iqtisodiyot va moliya vazirligi huzuridagi Tadbirkorlik faoliyatini qoʻllab-quvvatlash davlat jamgʻarmasi — oʻz huquqlari hamda qonuniy manfaatlarini himoya qilish yuzasidan daʼvolar, arizalar va shikoyatlar bilan sudga murojaat qilganda”;
2) 9-moddaning birinchi qismi :
9-bandi quyidagi tahrirda bayon etilsin:
“9) Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi hamda uning hududiy organlari — oʻz zimmasiga yuklatilgan vakolatlarga muvofiq sudlarga koʻrib chiqish uchun beriladigan daʼvolar, arizalar va shikoyatlar boʻyicha”;
quyidagi mazmundagi 28-band bilan toʻldirilsin:
“28) Oʻzbekiston Respublikasi Iqtisodiyot va moliya vazirligi huzuridagi Tadbirkorlik faoliyatini qoʻllab-quvvatlash davlat jamgʻarmasi — oʻz huquqlari hamda qonuniy manfaatlarini himoya qilish yuzasidan daʼvolar, arizalar va shikoyatlar bilan sudga murojaat qilganda”;
3) 10-moddaning birinchi qismi :
10 1 -bandi quyidagi tahrirda bayon etilsin:
“10 1 ) Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi hamda uning hududiy organlari — oʻz zimmasiga yuklatilgan vakolatlarga muvofiq sudlarga koʻrib chiqish uchun beriladigan arizalar va shikoyatlar yuzasidan”;
quyidagi mazmundagi 18-band bilan toʻldirilsin:
“18) Oʻzbekiston Respublikasi Iqtisodiyot va moliya vazirligi huzuridagi Tadbirkorlik faoliyatini qoʻllab-quvvatlash davlat jamgʻarmasi — oʻz huquqlari hamda qonuniy manfaatlarini himoya qilish yuzasidan arizalar va shikoyatlar bilan sudga murojaat qilganda”.
2-modda. Oʻzbekiston Respublikasi Iqtisodiyot va moliya vazirligi, Raqobatni rivojlantirish va isteʼmolchilar huquqlarini himoya qilish qoʻmitasi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
3-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
4-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2023-yil 13-iyul,
OʻRQ-855-son
Закон Республики Узбекистан
О внесении изменений и дополнений в Закон Республики Узбекистан «О государственной пошлине»
Принят Законодательной палатой 22 февраля 2023 года Одобрен Сенатом 22 июня 2023 года
В последние годы в нашей стране реализованы широкомасштабные реформы, направленные на дальнейшее развитие предпринимательской деятельности и конкурентной среды, обеспечение надежной защиты прав потребителей и всестороннюю поддержку субъектов предпринимательства.
Вместе с тем возникает необходимость освобождения соответствующих государственных органов от уплаты государственной пошлины при обращении в суды с исками, заявлениями и жалобами по вопросам развития конкурентной среды и защиты прав потребителей, взыскания кредитных средств, предоставленных государством субъектам предпринимательства и не возвращенных в срок.
Настоящим Законом предусматривается освобождение Комитета по развитию конкуренции и защите прав потребителей Республики Узбекистан и Государственного фонда поддержки предпринимательской деятельности при Министерстве экономики и финансов Республики Узбекистан от уплаты государственной пошлины при обращении в суды.
Настоящий Закон послужит направлению сэкономленных от уплаты государственной пошлины средств, выделенных соответствующим государственным органам для обращения в суды, на развитие предпринимательства, обеспечение более надежной защиты прав субъектов предпринимательства и потребителей.
Статья 1. Внести в Закон Республики Узбекистан от 6 января 2020 года № ЗРУ-600 «О государственной пошлине» (Ведомости палат Олий Мажлиса Республики Узбекистан, 2020 г., № 1, ст. 1, № 3, ст. 201, № 5, ст. 298, № 10, ст. 593, № 12, ст. 691; 2021 г., № 1, ст. 13, приложение к № 4, № 7, ст. 661, № 8, ст.ст. 800, 803, № 10, ст. 968; 2022 г., № 2, ст. 76, № 3, ст.ст. 214, 216, № 4, ст. 340, № 5, ст.ст 463, 464, 467, № 12, ст. 1186) следующие изменения и дополнения:
1) в части первой статьи 8:
пункт 29 изложить в следующей редакции:
«29) Комитет по развитию конкуренции и защите прав потребителей Республики Узбекистан и его территориальные органы – по искам и жалобам, подаваемым на рассмотрение судов в соответствии с возложенными на них полномочиями»;
дополнить пунктом 44 следующего содержания:
«44) Государственный фонд поддержки предпринимательской деятельности при Министерстве экономики и финансов Республики Узбекистан — при обращении в суд с исками, заявлениями и жалобами по защите своих прав и законных интересов»;
2) в части первой статьи 9:
пункт 9 изложить в следующей редакции:
«9) Комитет по развитию конкуренции и защите прав потребителей Республики Узбекистан и его территориальные органы — по искам, заявлениям и жалобам, подаваемым на рассмотрение судов в соответствии с возложенными на них полномочиями»;
дополнить пунктом 28 следующего содержания:
«28) Государственный фонд поддержки предпринимательской деятельности при Министерстве экономики и финансов Республики Узбекистан — при обращении в суд с исками, заявлениями и жалобами по защите своих прав и законных интересов»;
3) в части первой статьи 10:
пункт 10 1 изложить в следующей редакции:
«10 1 ) Комитет по развитию конкуренции и защите прав потребителей Республики Узбекистан и его территориальные органы — по заявлениям и жалобам, подаваемым на рассмотрение судов в соответствии с возложенными на них полномочиями»;
дополнить пунктом 18 следующего содержания:
«18) Государственный фонд поддержки предпринимательской деятельности при Министерстве экономики и финансов Республики Узбекистан — при обращении в суд с заявлениями и жалобами по защите своих прав и законных интересов».
Статья 2. Министерству экономики и финансов, Комитету по развитию конкуренции и защите прав потребителей Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 3. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.
Статья 4. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
13 июля 2023 г.,
№ ЗРУ-855