UzbekAI

Ўзбекистон Республикасининг Қонуни

Ўзбекистон Республикаси Ҳисоб палатасининг фаолияти янада такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида

Қонунчилик палатаси томонидан 2022 йил 8 ноябрда қабул қилинган Сенат томонидан 2023 йил 22 июнда маъқулланган

Мамлакатимизда давлат молиявий ресурсларининг самарали бошқарилиши, бюджет маблағларидан мақсадли ва оқилона фойдаланилиши устидан давлат молиявий назорати тизимини такомиллаштириш, шунингдек қонунчилик ҳужжатларининг ижроси самарали ташкил этилишини таъминлаш юзасидан тизимли чоралар кўрилмоқда.

Шу билан бирга ҳозирги вақтда Ўзбекистон Республикаси Ҳисоб палатаси фаолиятининг очиқлиги ва шаффофлигини ошириш, амалга ошириладиган назорат тадбирларининг мақсадлари ва тартибини белгилаш, шунингдек Ўзбекистон Республикаси Ҳисоб палатасининг қонунлар ижроси, шу жумладан давлат харидлари соҳасидаги қонунлар ижроси устидан давлат назоратини амалга оширишга доир вазифаларини аниқлаштириш зарурати долзарб аҳамият касб этмоқда.

Ушбу Қонунда Ўзбекистон Республикаси Ҳисоб палатасига оз миқдорда талон-торож қилинганлиги ва давлат харидлари тўғрисидаги қонунчилик бузилганлиги, Ўзбекистон Республикаси Молия вазирлигининг Давлат молиявий назорати органларига эса оз миқдорда талон-торож қилинганлиги учун маъмурий ҳуқуқбузарликлар тўғрисида баённома тузиш ваколатларини бериш назарда тутилмоқда.

Шунингдек «Ўзбекистон Республикасининг Ҳисоб палатаси тўғрисида»ги Ўзбекистон Республикаси Қонунига Ўзбекистон Республикаси Ҳисоб палатасининг ўз иш режалари, молиявий ҳуқуқбузарликлар ва уларни бартараф этиш натижалари тўғрисидаги маълумотларни ўзининг расмий веб-сайтига жойлаштиришга, шунингдек жамоатчиликни ўз фаолияти ҳақида ҳар чоракда хабардор қилиб боришга доир мажбуриятларини назарда тутувчи ўзгартишлар киритилмоқда. Бундан ташқари Ўзбекистон Республикаси Ҳисоб палатаси томонидан ўтказиладиган назорат тадбирларининг шакллари ва турлари белгилаб қўйилмоқда ҳамда унинг қонунлар ижроси устидан назоратни ташкил этишга доир вазифалари аниқлаштирилмоқда.

Ушбу Қонун Ўзбекистон Республикаси Ҳисоб палатасининг фаолиятини такомиллаштиришга ва унинг зиммасига юклатилган вазифаларнинг самарали бажарилишига, шунингдек бюджет тўғрисидаги қонунчилик бузилишларининг олдини олишга ва бюджет интизомини мустаҳкамлашга хизмат қилади.

1-модда. Ўзбекистон Республикасининг 1994 йил 22 сентябрда қабул қилинган 2015-ХII-сонли Қонуни билан тасдиқланган Ўзбекистон Республикасининг Маъмурий жавобгарлик тўғрисидаги кодексига (Ўзбекистон Республикаси Олий Кенгашининг Ахборотномаси, 1995 йил, № 3, 6-модда; Ўзбекистон Республикаси Олий Мажлисининг Ахборотномаси, 1995 йил, № 9, 193-модда, № 12, 269-модда; 1996 йил, № 5-6, 69-модда, № 9, 144-модда; 1997 йил, № 2, 56-модда, № 4-5, 126-модда, № 9, 241-модда; 1998 йил, № 3, 38-модда, № 5-6, 102-модда, № 9, 181-модда; 1999 йил, № 1, 20-модда, № 5, 124-модда, № 9, 229-модда; 2000 йил, № 5-6, 153-модда, № 7-8, 217-модда; 2001 йил, № 1-2, 23-модда, № 9-10, 165, 182-моддалар; 2002 йил, № 1, 20-модда, № 9, 165-модда; 2003 йил, № 1, 8-модда, № 5, 67-модда, № 9-10, 149-модда; 2004 йил, № 1-2, 18-модда, № 5, 90-модда, № 9, 171-модда; 2005 йил, № 1, 18-модда; Ўзбекистон Республикаси Олий Мажлиси палаталарининг Ахборотномаси, 2005 йил, № 9, 312-модда, № 12, 413, 417, 418-моддалар; 2006 йил, № 6, 261-модда, № 9, 498-модда, №10, 536-модда, № 12, 656, 659-моддалар; 2007 йил, № 4, 158, 159, 164, 165-моддалар, № 9, 416, 421-моддалар, № 12, 596, 604, 607-моддалар; 2008 йил, № 4, 181, 189, 192-моддалар, № 9, 486, 488-моддалар, № 12, 640, 641-моддалар; 2009 йил, № 1, 1-модда, № 9, 334, 335, 337-моддалар, № 10, 380-модда, № 12, 462, 468, 470, 472, 474-моддалар; 2010 йил, № 5, 175, 179-моддалар, № 6, 231-модда, № 9, 335, 339, 341-моддалар, № 10, 380-модда, № 12, 468, 473, 474-моддалар; 2011 йил, № 1, 1-модда, № 4, 104, 105-моддалар, № 9, 247, 252-моддалар, № 12/2, 365-модда; 2012 йил, № 4, 108-модда, № 9/1, 242-модда, № 12, 336-модда; 2013 йил, № 4, 98-модда, № 10, 263-модда; 2014 йил, № 1, 2-модда, № 5, 130-модда, № 9, 244-модда, № 12, 341, 343-моддалар; 2015 йил, № 6, 228-модда, № 8, 310, 312-моддалар, № 12, 452-модда; 2016 йил, № 1, 2-модда, № 4, 125-модда, № 9, 276-модда, № 12, 383, 385-моддалар; 2017 йил, № 4, 137-модда, № 6, 300-модда, № 9, 510-модда, № 10, 605-модда; 2018 йил, № 1, 1, 4, 5-моддалар, № 4, 224-модда, № 7, 430, 431, 432-моддалар, № 10, 671, 673, 679-моддалар; 2019 йил, № 1, 1, 3, 5-моддалар, № 2, 47-модда, № 3, 161, 165, 166-моддалар, № 5, 259, 261, 267, 268-моддалар, № 7, 386-модда, № 8, 469, 471-моддалар, № 9, 591, 592-моддалар, № 10, 674, 676-моддалар, № 11, 787, 791-моддалар, № 12, 880, 891-моддалар; 2020 йил, № 1, 4-модда, № 3, 203, 204-моддалар, № 7, 449-модда, № 9, 539, 540-моддалар, № 10, 593, 596-моддалар, № 11, 651-модда, № 12, 691-модда; 2021 йил, № 1, 5, 7, 12, 13, 14-моддалар, № 2, 142-модда, № 3, 217-модда, № 4, 290, 293-моддалар, 4-сонга илова, № 8, 800, 803-моддалар, № 9, 903-модда, № 10, 966, 967, 968, 973-моддалар, № 11, 1066-модда; 2022 йил, № 1, 1, 2-моддалар, № 2, 80, 81-моддалар, № 3, 215, 216-моддалар, № 4, 337-модда, № 5, 464, 465, 466, 467-моддалар, № 8, 787-модда) қуйидаги ўзгартишлар киритилсин:

1) 245 6 -модданинг биринчи қисмидаги «Ушбу Кодекснинг 175 2 , 175 7 » деган сўзлар «Ушбу Кодекснинг 61-моддасида (бюджет ташкилотларининг, бюджет маблағларини олувчиларнинг, давлат мақсадли жамғармаларининг ҳамда белгиланган тартибда ташкил этилган бошқа жамғармаларнинг мол-мулкини ўзлаштириш ёки растрата қилиш йўли билан оз миқдорда талон-торож қилишга оид қисмида), 175 2 , 175 7 , 175 8 » деган сўзлар билан алмаштирилсин;

2) 264 1 -модданинг биринчи қисмидаги «Ушбу Кодекснинг 175 2 ва 175 8 -моддаларида» деган сўзлар «Ушбу Кодекснинг 61-моддасида (бюджет ташкилотларининг, бюджет маблағларини олувчиларнинг, давлат мақсадли жамғармаларининг ҳамда белгиланган тартибда ташкил этилган бошқа жамғармаларнинг мол-мулкини ўзлаштириш ёки растрата қилиш йўли билан оз миқдорда талон-торож қилишга оид қисмида), 175 2 ва 175 8 -моддаларида» деган сўзлар билан алмаштирилсин

2-модда. Ўзбекистон Республикасининг 2019 йил 1 июлда қабул қилинган «Ўзбекистон Республикасининг Ҳисоб палатаси тўғрисида»ги ЎРҚ-546-сонли Қонунига (Ўзбекистон Республикаси Олий Мажлиси палаталарининг Ахборотномаси, 2019 йил, № 7, 384-модда, № 9, 588-модда; 2021 йил, 4-сонга илова; № 8, 803, 804-моддалар, № 12, 1198-модда) қуйидаги қўшимча ва ўзгартишлар киритилсин:

1) 3-модданинг иккинчи қисми «Ҳисоб палатаси» деган сўзлардан кейин «юридик шахс бўлиб, у» деган сўзлар билан тўлдирилсин;

2) 4-модданинг ўн иккинчи хатбошиси қуйидаги таҳрирда баён этилсин:

«ўз ваколатлари доирасида Ўзбекистон Республикасининг қонунлари ижроси устидан назоратни, шунингдек Ўзбекистон Республикаси Президентининг фармонлари, қарорлари, фармойишлари ва топшириқлари тўлиқ ҳамда ўз вақтида бажарилиши устидан назоратни ташкил этиш ва амалга ошириш»;

3) 9-модда қуйидаги мазмундаги тўртинчи, бешинчи ва олтинчи қисмлар билан тўлдирилсин:

«Ҳисоб палатаси молия йилининг биринчи ойида молия йили учун иш режалари тўғрисидаги маълумотларни ўз расмий веб-сайтига жойлаштиради.

Ҳисоб палатаси назорат тадбирлари натижалари бўйича аниқланган молиявий ҳуқуқбузарликлар ва уларнинг бартараф этилиши тўғрисидаги маълумотларни ҳар чорак якунларига кўра, чоракдан кейинги ойнинг 25 санасидан кечиктирмай ўз расмий веб-сайтига жойлаштиради, бундан давлат сирини ёки қонун билан қўриқланадиган бошқа сирни ўз ичига олган маълумотлар мустасно.

Ҳисоб палатаси ҳар чоракда камида бир марта ўз фаолияти тўғрисида жамоатчилик олдида оммавий ахборот воситаларининг вакиллари иштирокида ҳисобот бериб боради»;

4) 11-модданинг иккинчи қисмидаги «ҳамда ёрдамчи ходимларидан» деган сўзлар «ёрдамчи ва техник ходимларидан» деган сўзлар билан алмаштирилсин;

5) 12-модданинг :

учинчи қисми қуйидаги таҳрирда баён этилсин:

«Ҳисоб палатасининг шўъба мудирлари, бош инспекторлари, етакчи инспекторлари, инспекторлари, ёрдамчи ва техник ходимлари Ҳисоб палатасининг раиси томонидан лавозимга тайинланади ҳамда лавозимидан озод қилинади»;

тўртинчи қисми чиқариб ташлансин;

6) 13-модда қуйидаги мазмундаги ўн биринчи, ўн иккинчи ва ўн учинчи хатбошилар билан тўлдирилсин:

«меҳнат тўғрисидаги қонунчиликка мувофиқ Ҳисоб палатасига ходимларни ишга қабул қилишни амалга оширади ва улар билан тузилган меҳнат шартномаларини бекор қилади;

буйруқлар чиқаради ва Ҳисоб палатасининг таркибий тузилмалари тўғрисидаги низомларни тасдиқлайди;

Ҳисоб палатасининг штат жадвалини тасдиқлайди»;

7) 14-модда қуйидаги мазмундаги иккинчи қисм билан тўлдирилсин:

«Ҳисоб палатасининг раиси йўқлигида унинг ваколатларини раиснинг биринчи ўринбосари, биринчи ўринбосар ҳам йўқлигида эса Ҳисоб палатаси раисининг ўринбосарларидан бири амалга оширади»;

8) 28-модда қуйидаги таҳрирда баён этилсин:

«28-модда. Ҳисоб палатасининг Ўзбекистон Республикаси қонунлари ижроси устидан назоратни, шунингдек Ўзбекистон Республикаси Президентининг фармонлари, қарорлари, фармойишлари ва топшириқлари тўлиқ ҳамда ўз вақтида бажарилиши устидан назоратни ташкил этиш ва амалга ошириш соҳасидаги функциялари

Ҳисоб палатаси ўз ваколатлари доирасида Ўзбекистон Республикасининг қонунлари ижроси устидан назоратни, шунингдек Ўзбекистон Республикаси Президентининг фармонлари, қарорлари, фармойишлари ва топшириқлари тўлиқ ҳамда ўз вақтида бажарилиши устидан назоратни ташкил этиш ва амалга ошириш соҳасида:

Ўзбекистон Республикаси қонунларининг ижроси устидан, шунингдек Ўзбекистон Республикаси Президентининг фармонлари, қарорлари, фармойишлари ва топшириқлари тўлиқ ҳамда ўз вақтида бажарилиши устидан доимий назоратни ўз ваколатлари доирасида амалга оширади ва уларнинг натижалари бўйича Ўзбекистон Республикаси Президенти Администрациясига ахборот киритади;

Ўзбекистон Республикаси Президентининг фармонлари, қарорлари, фармойишлари ва топшириқларида белгиланган ижро муддатларини узайтириш тўғрисидаги таклифлар бўйича Ўзбекистон Республикаси Президенти Администрациясига хулосалар киритади»;

9) 30-модда :

ўн еттинчи хатбошисидаги «Ўзбекистон Республикаси Президентининг қарорлари ва топшириқлари тўлиқ ва ўз вақтида ижро этилмаганлиги, шу жумладан уларнинг ижро этилиши жараёни тўғрисидаги ахборот «ijro.gov.uz» ахборот тизими орқали тўлиқ, ҳаққоний тарзда ва ўз вақтида тақдим этилмаганлиги» деган сўзлар «Ўзбекистон Республикасининг қонунлари ижро этилмаганлиги, шунингдек Ўзбекистон Республикаси Президентининг фармонлари, қарорлари, фармойишлари ва топшириқлари тўлиқ ҳамда ўз вақтида ижро этилмаганлиги, шу жумладан уларнинг ижро этилиши жараёни тўғрисидаги ахборот қонунчиликда белгиланган тартибда «ijro.gov.uz» ахборот тизими орқали тўлиқ, ҳаққоний тарзда ва ўз вақтида тақдим этилмаганлиги» деган сўзлар билан алмаштирилсин;

йигирманчи хатбошиси «интизомини» деган сўздан кейин «бюджет жараёнининг очиқлигини таъминлаш тартибини, давлат харидлари тўғрисидаги қонунчиликни» деган сўзлар билан тўлдирилсин;

қуйидаги мазмундаги йигирма учинчи хатбоши билан тўлдирилсин:

«қонунчилик ташаббуси ҳуқуқи субъектларига қонунчиликни такомиллаштириш бўйича таклифлар киритишга ҳақли»;

10) 31-модда :

биринчи қисмидаги «назоратни» деган сўз «назорат тадбирларини» деган сўзлар билан алмаштирилсин;

қуйидаги мазмундаги иккинчи — еттинчи қисмлар билан тўлдирилсин:

«Тафтиш назорат тадбири билан қамраб олинган даврда назорат объекти томонидан амалга оширилган барча молия-хўжалик операцияларининг қонунийлиги ва асослилигини, уларнинг бухгалтерия ҳисоботларида ҳамда молиявий ҳисоботларда ҳаққоний тарзда ва тўғри акс эттирилишини ҳужжатлар асосида аниқлаш мақсадида ўтказилади.

Текшириш назорат объектининг муайян даврдаги айрим ҳаракатларини (операцияларини) ёки фаолиятининг муайян йўналишини назорат қилиш мақсадида ўтказилади.

Текшириш камерал ва сайёр турларга бўлинади.

Камерал текшириш, қоида тариқасида, Ҳисоб палатаси жойлашган ерда, Ҳисоб палатасида мавжуд бўлган ёки Ҳисоб палатасининг сўровига кўра тақдим этилган маълумотларга ва ҳужжатларга асосан ўтказилади.

Сайёр текшириш назорат объекти жойлашган ерда ўтказилади.

Ўрганиш назорат объектининг муайян соҳасини ҳамда фаолиятини статистик, молиявий ва бошқа маълумотлар асосида таҳлил қилиш ҳамда баҳолаш мақсадида амалга оширилади»;

иккинчи қисми саккизинчи қисм деб ҳисоблансин;

11) 33-модданинг иккинчи қисми қуйидаги таҳрирда баён этилсин:

«Ўзбекистон Республикасининг қонунлари ижро этилмаганлиги учун, шунингдек Ўзбекистон Республикаси Президентининг фармонлари, қарорлари, фармойишлари ва топшириқлари сифатли тарзда ҳамда ўз вақтида ижро этилмаганлиги, шу жумладан уларнинг ижроси тўғрисидаги ахборот қонунчиликда белгиланган тартибда «ijro.gov.uz» ахборот тизими орқали тўлиқ, ҳаққоний тарзда ва ўз вақтида тақдим этилмаганлиги учун, шунингдек коррупцияга қарши курашиш бўйича ички назорат тизимининг жорий этилишига ва самарали фаолият кўрсатишига доир чоралар ўз вақтида амалга оширилмаганлиги кейинги назорат жараёнида аниқланган тақдирда, Ҳисоб палатаси вазирликларга, давлат қўмиталарига, идораларга, маҳаллий давлат ҳокимияти органларига ва бошқа ташкилотларга уларнинг ходимларига нисбатан интизомий жазо чораларини қўллаш тўғрисида тақдимномалар киритишга ҳақли»;

12) 38-модда қуйидаги мазмундаги тўртинчи қисм билан тўлдирилсин:

«Назорат тадбирлари фақат назорат ишларининг йиллик дастурига киритилган назорат объектларида амалга оширилади, бундан Ўзбекистон Республикаси Президентининг қарорлари ва топшириқларига, Ўзбекистон Республикаси Олий Мажлиси палаталарининг сўровларига асосан ўтказиладиган назорат тадбирлари, камерал назорат ва қонунчиликда назарда тутилган бошқа ҳоллар мустасно»;

13) 45-модданинг матни қуйидаги таҳрирда баён этилсин:

«Ҳисоб палатаси фаолиятининг молиявий ва моддий-техника таъминоти Ўзбекистон Республикаси Давлат бюджети маблағлари ҳамда қонунчиликда тақиқланмаган бошқа манбалар ҳисобидан амалга оширилади.

Ҳисоб палатасида бюджетдан ташқари жамғарма ташкил этилади, ундан фойдаланиш тартиби қонунчиликда белгиланади».

3-модда. Ўзбекистон Республикаси Ҳисоб палатаси ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

4-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.

5-модда . Ушбу Қонун расмий эълон қилинган кундан эътиборан кучга киради.

Ўзбекистон Республикасининг Президенти Ш. МИРЗИЁЕВ

Тошкент ш.,

2023 йил 17 июль,

ЎРҚ-856-сон

(Қонунчилик маълумотлари миллий базаси, 18.07.2023 й., 03/23/856/0489-сон)

lex.uz

Oʻzbekiston Respublikasining Qonuni

Oʻzbekiston Respublikasi Hisob palatasining faoliyati yanada takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida

Qonunchilik palatasi tomonidan 2022-yil 8-noyabrda qabul qilingan Senat tomonidan 2023-yil 22-iyunda maʼqullangan

Mamlakatimizda davlat moliyaviy resurslarining samarali boshqarilishi, budjet mablagʻlaridan maqsadli va oqilona foydalanilishi ustidan davlat moliyaviy nazorati tizimini takomillashtirish, shuningdek qonunchilik hujjatlarining ijrosi samarali tashkil etilishini taʼminlash yuzasidan tizimli choralar koʻrilmoqda.

Shu bilan birga hozirgi vaqtda Oʻzbekiston Respublikasi Hisob palatasi faoliyatining ochiqligi va shaffofligini oshirish, amalga oshiriladigan nazorat tadbirlarining maqsadlari va tartibini belgilash, shuningdek Oʻzbekiston Respublikasi Hisob palatasining qonunlar ijrosi, shu jumladan davlat xaridlari sohasidagi qonunlar ijrosi ustidan davlat nazoratini amalga oshirishga doir vazifalarini aniqlashtirish zarurati dolzarb ahamiyat kasb etmoqda.

Ushbu Qonunda Oʻzbekiston Respublikasi Hisob palatasiga oz miqdorda talon-toroj qilinganligi va davlat xaridlari toʻgʻrisidagi qonunchilik buzilganligi, Oʻzbekiston Respublikasi Moliya vazirligining Davlat moliyaviy nazorati organlariga esa oz miqdorda talon-toroj qilinganligi uchun maʼmuriy huquqbuzarliklar toʻgʻrisida bayonnoma tuzish vakolatlarini berish nazarda tutilmoqda.

Shuningdek “Oʻzbekiston Respublikasining Hisob palatasi toʻgʻrisida”gi Oʻzbekiston Respublikasi Qonuniga Oʻzbekiston Respublikasi Hisob palatasining oʻz ish rejalari, moliyaviy huquqbuzarliklar va ularni bartaraf etish natijalari toʻgʻrisidagi maʼlumotlarni oʻzining rasmiy veb-saytiga joylashtirishga, shuningdek jamoatchilikni oʻz faoliyati haqida har chorakda xabardor qilib borishga doir majburiyatlarini nazarda tutuvchi oʻzgartishlar kiritilmoqda. Bundan tashqari Oʻzbekiston Respublikasi Hisob palatasi tomonidan oʻtkaziladigan nazorat tadbirlarining shakllari va turlari belgilab qoʻyilmoqda hamda uning qonunlar ijrosi ustidan nazoratni tashkil etishga doir vazifalari aniqlashtirilmoqda.

Ushbu Qonun Oʻzbekiston Respublikasi Hisob palatasining faoliyatini takomillashtirishga va uning zimmasiga yuklatilgan vazifalarning samarali bajarilishiga, shuningdek budjet toʻgʻrisidagi qonunchilik buzilishlarining oldini olishga va budjet intizomini mustahkamlashga xizmat qiladi.

1-modda. Oʻzbekiston Respublikasining 1994-yil 22-sentabrda qabul qilingan 2015-XII-sonli Qonuni bilan tasdiqlangan Oʻzbekiston Respublikasining Maʼmuriy javobgarlik toʻgʻrisidagi kodeksiga (Oʻzbekiston Respublikasi Oliy Kengashining Axborotnomasi, 1995-yil, № 3, 6-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 23-modda, № 9-10, 165, 182-moddalar; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda, № 9-10, 149-modda; 2004-yil, № 1-2, 18-modda, № 5, 90-modda, № 9, 171-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 9, 312-modda, № 12, 413, 417, 418-moddalar; 2006-yil, № 6, 261-modda, № 9, 498-modda, №10, 536-modda, № 12, 656, 659-moddalar; 2007-yil, № 4, 158, 159, 164, 165-moddalar, № 9, 416, 421-moddalar, № 12, 596, 604, 607-moddalar; 2008-yil, № 4, 181, 189, 192-moddalar, № 9, 486, 488-moddalar, № 12, 640, 641-moddalar; 2009-yil, № 1, 1-modda, № 9, 334, 335, 337-moddalar, № 10, 380-modda, № 12, 462, 468, 470, 472, 474-moddalar; 2010-yil, № 5, 175, 179-moddalar, № 6, 231-modda, № 9, 335, 339, 341-moddalar, № 10, 380-modda, № 12, 468, 473, 474-moddalar; 2011-yil, № 1, 1-modda, № 4, 104, 105-moddalar, № 9, 247, 252-moddalar, № 12/2, 365-modda; 2012-yil, № 4, 108-modda, № 9/1, 242-modda, № 12, 336-modda; 2013-yil, № 4, 98-modda, № 10, 263-modda; 2014-yil, № 1, 2-modda, № 5, 130-modda, № 9, 244-modda, № 12, 341, 343-moddalar; 2015-yil, № 6, 228-modda, № 8, 310, 312-moddalar, № 12, 452-modda; 2016-yil, № 1, 2-modda, № 4, 125-modda, № 9, 276-modda, № 12, 383, 385-moddalar; 2017-yil, № 4, 137-modda, № 6, 300-modda, № 9, 510-modda, № 10, 605-modda; 2018-yil, № 1, 1, 4, 5-moddalar, № 4, 224-modda, № 7, 430, 431, 432-moddalar, № 10, 671, 673, 679-moddalar; 2019-yil, № 1, 1, 3, 5-moddalar, № 2, 47-modda, № 3, 161, 165, 166-moddalar, № 5, 259, 261, 267, 268-moddalar, № 7, 386-modda, № 8, 469, 471-moddalar, № 9, 591, 592-moddalar, № 10, 674, 676-moddalar, № 11, 787, 791-moddalar, № 12, 880, 891-moddalar; 2020-yil, № 1, 4-modda, № 3, 203, 204-moddalar, № 7, 449-modda, № 9, 539, 540-moddalar, № 10, 593, 596-moddalar, № 11, 651-modda, № 12, 691-modda; 2021-yil, № 1, 5, 7, 12, 13, 14-moddalar, № 2, 142-modda, № 3, 217-modda, № 4, 290, 293-moddalar, 4-songa ilova, № 8, 800, 803-moddalar, № 9, 903-modda, № 10, 966, 967, 968, 973-moddalar, № 11, 1066-modda; 2022-yil, № 1, 1, 2-moddalar, № 2, 80, 81-moddalar, № 3, 215, 216-moddalar, № 4, 337-modda, № 5, 464, 465, 466, 467-moddalar, № 8, 787-modda) quyidagi oʻzgartishlar kiritilsin:

1) 245 6 -moddaning birinchi qismidagi “Ushbu Kodeksning 175 2 , 175 7 ” degan soʻzlar “Ushbu Kodeksning 61-moddasida (budjet tashkilotlarining, budjet mablagʻlarini oluvchilarning, davlat maqsadli jamgʻarmalarining hamda belgilangan tartibda tashkil etilgan boshqa jamgʻarmalarning mol-mulkini oʻzlashtirish yoki rastrata qilish yoʻli bilan oz miqdorda talon-toroj qilishga oid qismida), 175 2 , 175 7 , 175 8 ” degan soʻzlar bilan almashtirilsin;

2) 264 1 -moddaning birinchi qismidagi “Ushbu Kodeksning 175 2 va 175 8 -moddalarida” degan soʻzlar “Ushbu Kodeksning 61-moddasida (budjet tashkilotlarining, budjet mablagʻlarini oluvchilarning, davlat maqsadli jamgʻarmalarining hamda belgilangan tartibda tashkil etilgan boshqa jamgʻarmalarning mol-mulkini oʻzlashtirish yoki rastrata qilish yoʻli bilan oz miqdorda talon-toroj qilishga oid qismida), 175 2 va 175 8 -moddalarida” degan soʻzlar bilan almashtirilsin

2-modda. Oʻzbekiston Respublikasining 2019-yil 1-iyulda qabul qilingan “Oʻzbekiston Respublikasining Hisob palatasi toʻgʻrisida”gi OʻRQ-546-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2019-yil, № 7, 384-modda, № 9, 588-modda; 2021-yil, 4-songa ilova; № 8, 803, 804-moddalar, № 12, 1198-modda) quyidagi qoʻshimcha va oʻzgartishlar kiritilsin:

1) 3-moddaning ikkinchi qismi “Hisob palatasi” degan soʻzlardan keyin “yuridik shaxs boʻlib, u” degan soʻzlar bilan toʻldirilsin;

2) 4-moddaning oʻn ikkinchi xatboshisi quyidagi tahrirda bayon etilsin:

“oʻz vakolatlari doirasida Oʻzbekiston Respublikasining qonunlari ijrosi ustidan nazoratni, shuningdek Oʻzbekiston Respublikasi Prezidentining farmonlari, qarorlari, farmoyishlari va topshiriqlari toʻliq hamda oʻz vaqtida bajarilishi ustidan nazoratni tashkil etish va amalga oshirish”;

3) 9-modda quyidagi mazmundagi toʻrtinchi, beshinchi va oltinchi qismlar bilan toʻldirilsin:

“Hisob palatasi moliya yilining birinchi oyida moliya yili uchun ish rejalari toʻgʻrisidagi maʼlumotlarni oʻz rasmiy veb-saytiga joylashtiradi.

Hisob palatasi nazorat tadbirlari natijalari boʻyicha aniqlangan moliyaviy huquqbuzarliklar va ularning bartaraf etilishi toʻgʻrisidagi maʼlumotlarni har chorak yakunlariga koʻra, chorakdan keyingi oyning 25 sanasidan kechiktirmay oʻz rasmiy veb-saytiga joylashtiradi, bundan davlat sirini yoki qonun bilan qoʻriqlanadigan boshqa sirni oʻz ichiga olgan maʼlumotlar mustasno.

Hisob palatasi har chorakda kamida bir marta oʻz faoliyati toʻgʻrisida jamoatchilik oldida ommaviy axborot vositalarining vakillari ishtirokida hisobot berib boradi”;

4) 11-moddaning ikkinchi qismidagi “hamda yordamchi xodimlaridan” degan soʻzlar “yordamchi va texnik xodimlaridan” degan soʻzlar bilan almashtirilsin;

5) 12-moddaning :

uchinchi qismi quyidagi tahrirda bayon etilsin:

“Hisob palatasining shoʻba mudirlari, bosh inspektorlari, yetakchi inspektorlari, inspektorlari, yordamchi va texnik xodimlari Hisob palatasining raisi tomonidan lavozimga tayinlanadi hamda lavozimidan ozod qilinadi”;

toʻrtinchi qismi chiqarib tashlansin;

6) 13-modda quyidagi mazmundagi oʻn birinchi, oʻn ikkinchi va oʻn uchinchi xatboshilar bilan toʻldirilsin:

“mehnat toʻgʻrisidagi qonunchilikka muvofiq Hisob palatasiga xodimlarni ishga qabul qilishni amalga oshiradi va ular bilan tuzilgan mehnat shartnomalarini bekor qiladi;

buyruqlar chiqaradi va Hisob palatasining tarkibiy tuzilmalari toʻgʻrisidagi nizomlarni tasdiqlaydi;

Hisob palatasining shtat jadvalini tasdiqlaydi”;

7) 14-modda quyidagi mazmundagi ikkinchi qism bilan toʻldirilsin:

“Hisob palatasining raisi yoʻqligida uning vakolatlarini raisning birinchi oʻrinbosari, birinchi oʻrinbosar ham yoʻqligida esa Hisob palatasi raisining oʻrinbosarlaridan biri amalga oshiradi”;

8) 28-modda quyidagi tahrirda bayon etilsin:

“28-modda. Hisob palatasining Oʻzbekiston Respublikasi qonunlari ijrosi ustidan nazoratni, shuningdek Oʻzbekiston Respublikasi Prezidentining farmonlari, qarorlari, farmoyishlari va topshiriqlari toʻliq hamda oʻz vaqtida bajarilishi ustidan nazoratni tashkil etish va amalga oshirish sohasidagi funksiyalari

Hisob palatasi oʻz vakolatlari doirasida Oʻzbekiston Respublikasining qonunlari ijrosi ustidan nazoratni, shuningdek Oʻzbekiston Respublikasi Prezidentining farmonlari, qarorlari, farmoyishlari va topshiriqlari toʻliq hamda oʻz vaqtida bajarilishi ustidan nazoratni tashkil etish va amalga oshirish sohasida:

Oʻzbekiston Respublikasi qonunlarining ijrosi ustidan, shuningdek Oʻzbekiston Respublikasi Prezidentining farmonlari, qarorlari, farmoyishlari va topshiriqlari toʻliq hamda oʻz vaqtida bajarilishi ustidan doimiy nazoratni oʻz vakolatlari doirasida amalga oshiradi va ularning natijalari boʻyicha Oʻzbekiston Respublikasi Prezidenti Administratsiyasiga axborot kiritadi;

Oʻzbekiston Respublikasi Prezidentining farmonlari, qarorlari, farmoyishlari va topshiriqlarida belgilangan ijro muddatlarini uzaytirish toʻgʻrisidagi takliflar boʻyicha Oʻzbekiston Respublikasi Prezidenti Administratsiyasiga xulosalar kiritadi”;

9) 30-modda :

oʻn yettinchi xatboshisidagi “Oʻzbekiston Respublikasi Prezidentining qarorlari va topshiriqlari toʻliq va oʻz vaqtida ijro etilmaganligi, shu jumladan ularning ijro etilishi jarayoni toʻgʻrisidagi axborot “ijro.gov.uz” axborot tizimi orqali toʻliq, haqqoniy tarzda va oʻz vaqtida taqdim etilmaganligi” degan soʻzlar “Oʻzbekiston Respublikasining qonunlari ijro etilmaganligi, shuningdek Oʻzbekiston Respublikasi Prezidentining farmonlari, qarorlari, farmoyishlari va topshiriqlari toʻliq hamda oʻz vaqtida ijro etilmaganligi, shu jumladan ularning ijro etilishi jarayoni toʻgʻrisidagi axborot qonunchilikda belgilangan tartibda “ijro.gov.uz” axborot tizimi orqali toʻliq, haqqoniy tarzda va oʻz vaqtida taqdim etilmaganligi” degan soʻzlar bilan almashtirilsin;

yigirmanchi xatboshisi “intizomini” degan soʻzdan keyin “budjet jarayonining ochiqligini taʼminlash tartibini, davlat xaridlari toʻgʻrisidagi qonunchilikni” degan soʻzlar bilan toʻldirilsin;

quyidagi mazmundagi yigirma uchinchi xatboshi bilan toʻldirilsin:

“qonunchilik tashabbusi huquqi subyektlariga qonunchilikni takomillashtirish boʻyicha takliflar kiritishga haqli”;

10) 31-modda :

birinchi qismidagi “nazoratni” degan soʻz “nazorat tadbirlarini” degan soʻzlar bilan almashtirilsin;

quyidagi mazmundagi ikkinchi — yettinchi qismlar bilan toʻldirilsin:

“Taftish nazorat tadbiri bilan qamrab olingan davrda nazorat obyekti tomonidan amalga oshirilgan barcha moliya-xoʻjalik operatsiyalarining qonuniyligi va asosliligini, ularning buxgalteriya hisobotlarida hamda moliyaviy hisobotlarda haqqoniy tarzda va toʻgʻri aks ettirilishini hujjatlar asosida aniqlash maqsadida oʻtkaziladi.

Tekshirish nazorat obyektining muayyan davrdagi ayrim harakatlarini (operatsiyalarini) yoki faoliyatining muayyan yoʻnalishini nazorat qilish maqsadida oʻtkaziladi.

Tekshirish kameral va sayyor turlarga boʻlinadi.

Kameral tekshirish, qoida tariqasida, Hisob palatasi joylashgan erda, Hisob palatasida mavjud boʻlgan yoki Hisob palatasining soʻroviga koʻra taqdim etilgan maʼlumotlarga va hujjatlarga asosan oʻtkaziladi.

Sayyor tekshirish nazorat obyekti joylashgan erda oʻtkaziladi.

Oʻrganish nazorat obyektining muayyan sohasini hamda faoliyatini statistik, moliyaviy va boshqa maʼlumotlar asosida tahlil qilish hamda baholash maqsadida amalga oshiriladi”;

ikkinchi qismi sakkizinchi qism deb hisoblansin;

11) 33-moddaning ikkinchi qismi quyidagi tahrirda bayon etilsin:

“Oʻzbekiston Respublikasining qonunlari ijro etilmaganligi uchun, shuningdek Oʻzbekiston Respublikasi Prezidentining farmonlari, qarorlari, farmoyishlari va topshiriqlari sifatli tarzda hamda oʻz vaqtida ijro etilmaganligi, shu jumladan ularning ijrosi toʻgʻrisidagi axborot qonunchilikda belgilangan tartibda “ijro.gov.uz” axborot tizimi orqali toʻliq, haqqoniy tarzda va oʻz vaqtida taqdim etilmaganligi uchun, shuningdek korrupsiyaga qarshi kurashish boʻyicha ichki nazorat tizimining joriy etilishiga va samarali faoliyat koʻrsatishiga doir choralar oʻz vaqtida amalga oshirilmaganligi keyingi nazorat jarayonida aniqlangan taqdirda, Hisob palatasi vazirliklarga, davlat qoʻmitalariga, idoralarga, mahalliy davlat hokimiyati organlariga va boshqa tashkilotlarga ularning xodimlariga nisbatan intizomiy jazo choralarini qoʻllash toʻgʻrisida taqdimnomalar kiritishga haqli”;

12) 38-modda quyidagi mazmundagi toʻrtinchi qism bilan toʻldirilsin:

“Nazorat tadbirlari faqat nazorat ishlarining yillik dasturiga kiritilgan nazorat obyektlarida amalga oshiriladi, bundan Oʻzbekiston Respublikasi Prezidentining qarorlari va topshiriqlariga, Oʻzbekiston Respublikasi Oliy Majlisi palatalarining soʻrovlariga asosan oʻtkaziladigan nazorat tadbirlari, kameral nazorat va qonunchilikda nazarda tutilgan boshqa hollar mustasno”;

13) 45-moddaning matni quyidagi tahrirda bayon etilsin:

“Hisob palatasi faoliyatining moliyaviy va moddiy-texnika taʼminoti Oʻzbekiston Respublikasi Davlat budjeti mablagʻlari hamda qonunchilikda taqiqlanmagan boshqa manbalar hisobidan amalga oshiriladi.

Hisob palatasida budjetdan tashqari jamgʻarma tashkil etiladi, undan foydalanish tartibi qonunchilikda belgilanadi”.

3-modda. Oʻzbekiston Respublikasi Hisob palatasi ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

4-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

5-modda . Ushbu Qonun rasmiy eʼlon qilingan kundan eʼtiboran kuchga kiradi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2023-yil 17-iyul,

OʻRQ-856-son

(Qonunchilik maʼlumotlari milliy bazasi, 18.07.2023-y., 03/23/856/0489-son)

lex.uz

Закон Республики Узбекистан

О внесении изменений и дополнений в некоторые законодательные акты Республики Узбекистан в связи с дальнейшим совершенствованием деятельности Счетной палаты Республики Узбекистан

Принят Законодательной палатой 8 ноября 2022 года Одобрен Сенатом 22 июня 2023 года

В стране принимаются системные меры по совершенствованию системы государственного финансового контроля за эффективным управлением государственными финансовыми ресурсами, целевым и рациональным использованием бюджетных средств, а также по обеспечению эффективной организации исполнения актов законодательства.

Вместе с тем в настоящее время актуальное значение приобретает необходимость повышения открытости и прозрачности деятельности Счетной палаты Республики Узбекистан, определения целей и порядка, проводимых ею контрольных мероприятий, а также уточнения функций Счетной палаты Республики Узбекистан по осуществлению государственного контроля за исполнением законов, в том числе в сфере государственных закупок.

Настоящим Законом предусматривается наделение Счетной палаты Республики Узбекистан полномочиями по составлению протокола об административных правонарушениях за мелкое хищение и нарушение законодательства о государственных закупках, а органов Государственного финансового контроля Министерства финансов Республики Узбекистан — за мелкое хищение.

В Закон Республики Узбекистан «О Счетной палате Республики Узбекистан» также вносятся изменения, предусматривающие обязанности Счетной палаты Республики Узбекистан по размещению на своем официальном веб-сайте сведений о планах работы, финансовых правонарушениях и результатах их устранения, а также по ежеквартальному уведомлению общественности о своей деятельности. Кроме того, определяются формы и виды контрольных мероприятий проводимых Счетной палатой Республики Узбекистан и уточняются ее задачи по организации контроля за исполнением законов.

Настоящий Закон послужит совершенствованию деятельности Счетной палаты Республики Узбекистан и эффективному выполнению возложенных на нее задач, а также предотвращению нарушений бюджетного законодательства и укреплению бюджетной дисциплины.

Статья 1. Внести в Кодекс Республики Узбекистан об административной ответственности, утвержденный Законом Республики Узбекистан от 22 сентября 1994 года № 2015-ХII (Ведомости Верховного Совета Республики Узбекистан, 1995 г., № 3, ст. 6; Ведомости Олий Мажлиса Республики Узбекистан, 1995 г., № 9, ст. 193, № 12, ст. 269; 1996 г., № 5-6, ст. 69, № 9, ст. 144; 1997 г., № 2, ст. 56, № 4-5, ст. 126, № 9, ст. 241; 1998 г., № 3, ст. 38, № 5-6, ст. 102, № 9, ст. 181; 1999 г., № 1, ст. 20, № 5, ст. 124, № 9, ст. 229; 2000 г., № 5-6, ст. 153, № 7-8, ст. 217; 2001 г., № 1-2, ст. 23, № 9-10, ст.ст. 165, 182; 2002 г., № 1, ст. 20, № 9, ст. 165; 2003 г., № 1, ст. 8, № 5, ст. 67, № 9-10, ст. 149; 2004 г., № 1-2, ст. 18, № 5, ст. 90, № 9, ст. 171; 2005 г., № 1, ст. 18; Ведомости палат Олий Мажлиса Республики Узбекистан, 2005 г., № 9, ст. 312, № 12, ст.ст. 413, 417, 418; 2006 г., № 6, ст. 261, № 9, ст. 498, № 10, ст. 536, № 12, ст.ст. 656, 659; 2007 г., № 4, ст.ст. 158, 159, 164, 165, № 9, ст.ст. 416, 421, № 12, ст.ст. 596, 604, 607; 2008 г., № 4, ст.ст. 181, 189, 192, № 9, ст.ст. 486, 488, № 12, ст.ст. 640, 641; 2009 г., № 1, ст. 1, № 9, ст.ст. 334, 335, 337, № 10, ст. 380, № 12, ст.ст. 462, 468, 470, 472, 474; 2010 г., № 5, ст.ст. 175, 179, № 6, ст. 231, № 9, ст.ст. 335, 339, 341, № 10, ст. 380, № 12, ст.ст. 468, 473, 474; 2011 г., № 1, ст. 1, № 4, ст.ст. 104, 105, № 9, ст.ст. 247, 252, № 12/2, ст. 365; 2012 г., № 4, ст. 108, № 9/1, ст. 242, № 12, ст. 336; 2013 г., № 4, ст. 98, № 10, ст. 263; 2014 г., № 1, ст. 2, № 5, ст. 130, № 9, ст. 244, № 12, ст.ст. 341, 343; 2015 г., № 6, ст. 228, № 8, ст.ст. 310, 312, № 12, ст. 452; 2016 г., № 1, ст. 2, № 4, ст. 125, № 9, ст. 276, № 12, ст.ст. 383, 385; 2017 г., № 4, ст. 137, № 6, ст. 300, № 9, ст. 510, № 10, ст. 605; 2018 г., № 1, ст.ст. 1, 4, 5, № 4, ст. 224, № 7, ст.ст. 430, 431, 432, № 10, ст.ст. 671, 673, 679; 2019 г., № 1, ст.ст. 1, 3, 5, № 2, ст. 47, № 3, ст.ст. 161, 165, 166, № 5, ст.ст. 259, 261, 267, 268, № 7, ст. 386, № 8, ст.ст. 469, 471, № 9, ст.ст. 591, 592, № 10, ст.ст. 674, 676, № 11, ст.ст. 787, 791, № 12, ст.ст. 880, 891; 2020 г., № 1, ст. 4, № 3, ст.ст. 203, 204, № 7, ст. 449, № 9, ст.ст. 539, 540, № 10, ст.ст. 593, 596, № 11, ст. 651, № 12, ст. 691; 2021 г., № 1, ст.ст. 5, 7, 12, 13, 14, № 2, ст. 142, № 3, ст. 217, № 4, ст.ст. 290, 293, приложение к № 4, № 8, ст.ст. 800, 803, № 9, ст. 903, № 10, ст.ст. 966, 967, 968, 973, № 11, ст. 1066; 2022 г., № 1, ст.ст. 1, 2, № 2, ст.ст. 80, 81, № 3, ст.ст. 215, 216, № 4, ст. 337, № 5, ст. 464, 465, 466, 467, № 8, ст. 787), следующие изменения:

1) в части первой статьи 245 6 слова «статьями 175 2 , 175 7 » заменить словами «статьей 61 (в части мелкого хищения имущества бюджетных организаций, получателей бюджетных средств, государственных целевых фондов и иных фондов, созданных в установленном порядке путем присвоения или растраты), статьями 175 2 , 175 7 , 175 8 »;

2) в части первой статьи 264 1 слова «статьями 175 2 и 175 8 настоящего Кодекса» заменить словами «статьей 61 (в части мелкого хищения имущества бюджетных организаций, получателей бюджетных средств, государственных целевых фондов и иных фондов, созданных в установленном порядке путем присвоения или растраты), статьями 175 2 и 175 8 настоящего Кодекса».

Статья 2. Внести в Закон Республики Узбекистан от 1 июля 2019 года № ЗРУ-546 «О Счетной палате Республики Узбекистан» (Ведомости палат Олий Мажлиса Республики Узбекистан, 2019 г., № 7, ст. 384, № 9, ст. 588; 2021 г., приложение к № 4, № 8, ст.ст. 803, 804, № 12, ст. 1198) следующие дополнения и изменения:

1) часть вторую статьи 3 после слов «Счетная палата» дополнить словами «является юридическим лицом»;

2) абзац двенадцатый статьи 4 изложить в следующей редакции:

«организация и осуществление контроля за исполнением законов Республики Узбекистан в пределах своих полномочий, а также контроля за полным и своевременным исполнением указов, постановлений, распоряжений и поручений Президента Республики Узбекистан»;

3) статью 9 дополнить частями четвертой, пятой и шестой следующего содержания:

«Счетная палата в первом месяце финансового года размещает на своем официальном веб-сайте сведения о планах работы на финансовый год.

Счетная палата по итогам каждого квартала не позднее 25 числа месяца, следующего за кварталом, размещает на своем официальном веб-сайте сведения о финансовых правонарушениях, выявленных по результатам контрольных мероприятий, и об их устранении, за исключением сведений, содержащих государственные секреты или иную охраняемую законом тайну.

Счетная палата не менее одного раза в квартал отчитывается о своей деятельности перед общественностью при участии представителей средств массовой информации»;

4) в части второй статьи 11 слова «и работников вспомогательного» заменить словами «работников вспомогательного и технического»;

5) в статье 12 :

часть третью изложить в следующей редакции:

«Заведующие секторами, главные инспекторы, ведущие инспекторы, инспекторы, работники вспомогательного и технического персонала Счетной палаты назначаются на должность и освобождаются от должности председателем Счетной палаты»;

часть четвертую исключить;

6) статью 13 дополнить абзацами одиннадцатым, двенадцатым и тринадцатым следующего содержания:

«осуществляет прием на работу в соответствии с трудовым законодательством работников Счетной палаты и прекращает трудовые договоры с ними;

издает приказы и утверждает положения о структурных подразделениях Счетной палаты;

утверждает штатное расписание Счетной палаты»;

7) статью 14 дополнить частью второй следующего содержания:

«В случае отсутствия председателя Счетной палаты его полномочия осуществляет первый заместитель председателя, а при отсутствии и первого заместителя — один из заместителей председателя Счетной палаты»;

8) статью 28 изложить в следующей редакции:

«Статья 28. Функции Счетной палаты в сфере организации и осуществления контроля за исполнением законов Республики Узбекистан, а также контроля за полным и своевременным исполнением указов, постановлений, распоряжений и поручений Президента Республики Узбекистан

Счетная палата в сфере организации и осуществления контроля за исполнением законов Республики Узбекистан в пределах своих полномочий, а также контроля за полным и своевременным исполнением указов, постановлений, распоряжений и поручений Президента Республики Узбекистан:

осуществляет постоянный контроль за исполнением законов Республики Узбекистан в пределах своих полномочий, а также за полным и своевременным исполнением указов, постановлений, распоряжений и поручений Президента Республики Узбекистан и вносит по их результатам информацию в Администрацию Президента Республики Узбекистан;

вносит в Администрацию Президента Республики Узбекистан заключения по предложениям о продлении сроков исполнения, установленных в указах, постановлениях, распоряжениях и поручениях Президента Республики Узбекистан»;

9) в статье 30 :

в абзаце семнадцатом слова «за неполное и несвоевременное исполнение решений и поручений Президента Республики Узбекистан, в том числе за неполное, недостоверное и несвоевременное предоставление информации о ходе их исполнения посредством информационной системы «ijro.gov.uz» заменить словами «за неисполнение законов Республики Узбекистан, а также за неполное и несвоевременное исполнение указов, постановлений, распоряжений и поручений Президента Республики Узбекистан, в том числе за неполное, недостоверное и несвоевременное предоставление информации о ходе их исполнения посредством информационной системы «ijro.gov.uz» в порядке, установленном законодательством»;

абзац двадцатый после слова «дисциплины» дополнить словами «порядка обеспечения открытости бюджетного процесса, законодательства о государственных закупках»;

дополнить абзацем двадцать третьим следующего содержания:

«вправе вносить субъектам права законодательной инициативы предложения по совершенствованию законодательства»;

10) в статье 31 :

в части первой слово «контроль» заменить словами «контрольные мероприятия»;

дополнить частями второй — седьмой следующего содержания:

«Ревизия проводится в целях определения на основании документов законности и обоснованности всех финансово-хозяйственных операций, совершенных объектом контроля за период, охватываемый контрольным мероприятием, их достоверного и правильного отражения в бухгалтерской и финансовой отчетности.

Проверка проводится в целях контроля отдельных действий (операций) или определенного направления деятельности объекта контроля за определенный период.

Проверка подразделяется на камеральные и выездные виды.

Камеральная проверка проводится, как правило, по месту нахождения Счетной палаты на основании сведений и документов, имеющихся у Счетной палаты или представленных по запросу Счетной палаты.

Выездная проверка проводится по месту нахождения объекта контроля.

Изучение проводится в целях анализа и оценки определенной сферы и деятельности объекта контроля на основе статистических, финансовых и других сведений»;

часть вторую считать частью восьмой;

11) часть вторую статьи 33 изложить в следующей редакции:

«За неисполнение законов Республики Узбекистан, а также за некачественное и несвоевременное исполнение указов, постановлений, распоряжений и поручений Президента Республики Узбекистан, в том числе неполное, недостоверное и несвоевременное предоставление информации о ходе их исполнения посредством информационной системы «ijro.gov.uz» в порядке, установленном законодательством, а также при выявлении в ходе последующего контроля несвоевременной реализации мер по внедрению и эффективному функционированию системы внутреннего антикоррупционного контроля Счетная палата вправе вносить в министерства, государственные комитеты, ведомства, органы государственной власти на местах и иные организации представления о применении к их работникам мер дисциплинарного взыскания»;

12) статью 38 дополнить частью четвертой следующего содержания:

«Контрольные мероприятия проводятся исключительно на объектах контроля, включенных в годовую программу контрольных работ, за исключением контрольных мероприятий, проводимых на основании решений и поручений Президента Республики Узбекистан, запросов палат Олий Мажлиса Республики Узбекистан, камеральной проверки и иных случаев, предусмотренных законодательством»;

13) текст статьи 45 изложить в следующей редакции:

«Финансовое и материально-техническое обеспечение деятельности Счетной палаты осуществляется за счет средств Государственного бюджета Республики Узбекистан и иных источников, не запрещенных законодательством.

В Счетной палате создается внебюджетный фонд, порядок использования которого определяется законодательством».

Статья 3. Счетной палате Республики Узбекистан обеспечить исполнение, доведение до исполнителей и разъяснение среди населения сути и значения настоящего Закона.

Статья 4. Кабинету Министров Республики Узбекистан:

привести решения правительства в соответствие с настоящим Законом;

обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.

Статья 5 . Настоящий Закон вступает в силу со дня его официального опубликования.

Президент Республики Узбекистан Ш. МИРЗИЁЕВ

г. Ташкент,

17 июля 2023 г.,

№ ЗРУ-856

(Национальная база данных законодательства, 18.07.2023 г., № 03/23/856/0489)

lex.uz