📅 2023-yil 18-iyul · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 18 июль · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 18 июля 2023 г. · Законы и кодексы
Официальный текст. Официальный документ. Редакционные примечания не включены.
📅 18 July 2023 · Laws and codes
Official text. Official document. Editorial notes are not included.
Ўзбекистон Республикасининг Қонуни
Ўзбекистон Республикаси Солиқ кодексининг 483-моддасига қўшимча киритиш тўғрисида
Қонунчилик палатаси томонидан 2023 йил 11 майда қабул қилинган Сенат томонидан 2023 йил 1 июнда маъқулланган
Кейинги йилларда мамлакатимизда маънавий ва жисмоний жиҳатдан баркамол авлодни тарбиялаш, жисмоний тарбия ва спортни ривожлантириш, шу жумладан ёшларни футболга кенг жалб этиш, футбол соҳасида халқаро талаблар ҳамда стандартлар асосида истиқболли ва иқтидорли ўйинчилар, тренерлар ва ҳакамларни тайёрлашнинг самарали тизимини яратиш, шунингдек миллий терма жамоалар ва профессионал футбол клублари учун сифатли спорт захирасини шакллантириш бўйича кенг кўламли ислоҳотлар амалга оширилди.
Шу билан бирга бугунги кунда иқтидорли ёш футболчиларни саралаб олиш (селекция) тизимини ва футбол инфратузилмасини янада ривожлантириш, футбол бўйича спорт мактабларининг фаолияти самарадорлигини янги босқичга кўтариш, соҳада маркетинг ва замонавий бошқарув механизмларидан самарали фойдаланиш, ўтказилаётган мусобақалар савиясини юксалтириш мақсадида амалдаги солиқ имтиёзларининг амал қилиш муддатини узайтириш зарурати мавжуд.
Ушбу Қонун иқтидорли ёш ўйинчиларни танлаш, саралаб олиш ва уларни профессионал спортчилар сифатида тайёрлаш тизимини йўлга қўйишга, футбол клублари фаолиятини ривожлантиришга, терма жамоалар учун ўқув-машқ жараёнини самарали ташкил этишга, мамлакатимизда футбол бўйича йирик халқаро мусобақаларни, шу жумладан ўсмирлар, ёшлар ва хотин-қизлар жамоалари ўртасида жаҳон ҳамда қитъа биринчиликларини юқори даражада ташкил этишни таъминлашга хизмат қилади.
1-модда. Ўзбекистон Республикасининг 2019 йил 30 декабрда қабул қилинган ЎРҚ-599-сонли Қонуни билан янги таҳрирда тасдиқланган Ўзбекистон Республикасининг Солиқ кодекси (Ўзбекистон Республикаси Олий Мажлиси палаталарининг Ахборотномаси, 2019 йил, 12-сонга 1-илова; 2020 йил, № 3, 198-модда, № 10, 593-модда, № 11, 652-модда, № 12, 690, 691-моддалар; 2021 йил, № 1, 6-модда, № 4, 294-модда, 4-сонга илова, № 8, 800-модда, № 9, 901-модда, № 10, 968, 969, 972, 973-моддалар, № 12, 1199-модда; 2022 йил, № 2, 79-модда, № 3, 215, 216-моддалар, № 5, 461, 464, 467-моддалар, № 6, 570-модда, № 7, 664, 666-моддалар, № 12, 1190-модда) 483-моддаси қуйидаги мазмундаги қисм билан тўлдирилсин:
«2023 йил 1 январдан 2026 йил 1 январга қадар Ўзбекистон футбол ассоциацияси, унинг ҳудудий бўлинмалари, «Ўзбекистон Профессионал футбол лигаси» жамоат бирлашмаси, Ўзбекистон футбол ҳакамлари маркази ва профессионал футбол клублари:
барча турдаги солиқларни (бундан ижтимоий солиқ мустасно);
ўзи жалб қилган чет эл мутахассислари ва футболчиларининг даромадларидан тўланадиган жисмоний шахслардан олинадиган даромад солиғини;
белгиланган тартибда шакллантириладиган рўйхатлар бўйича Ўзбекистон Республикаси ҳудудига олиб кириладиган, Ўзбекистон Республикасида ўхшаши ишлаб чиқарилмайдиган спорт асбоб-ускуналари ва инвентари, трансляция қилиш учун зарур бўлган асбоб-ускуналар, инвентарь ва техника, фармакология товарлари, спорт озиқ-овқатлари, футбол (футзал) майдонлари учун сунъий ўтлар, шокпад, гранулалар, махсус елимлар ва махсус профессионал спорт кийим-бошлари, транспорт воситалари, шу жумладан махсус транспорт воситалари учун қўшилган қиймат солиғини тўлашдан озод этилади».
2-модда. Ўзбекистон Республикаси Ёшлар сиёсати ва спорт вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
3-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
4-модда. Ушбу Қонун расмий эълон қилинган кундан эътиборан кучга киради.
Ушбу Қонун 1-моддасининг қоидалари 2023 йил 1 январдан эътиборан юзага келган муносабатларга нисбатан ҳам татбиқ этилади.
Ўзбекистон Республикасининг Президенти Ш. МИРЗИЁЕВ
Тошкент ш.,
2023 йил 18 июль,
ЎРҚ-857-сон
Oʻzbekiston Respublikasining Qonuni
Oʻzbekiston Respublikasi Soliq kodeksining 483-moddasiga qoʻshimcha kiritish toʻgʻrisida
Qonunchilik palatasi tomonidan 2023-yil 11-mayda qabul qilingan Senat tomonidan 2023-yil 1-iyunda maʼqullangan
Keyingi yillarda mamlakatimizda maʼnaviy va jismoniy jihatdan barkamol avlodni tarbiyalash, jismoniy tarbiya va sportni rivojlantirish, shu jumladan yoshlarni futbolga keng jalb etish, futbol sohasida xalqaro talablar hamda standartlar asosida istiqbolli va iqtidorli oʻyinchilar, trenerlar va hakamlarni tayyorlashning samarali tizimini yaratish, shuningdek milliy terma jamoalar va professional futbol klublari uchun sifatli sport zaxirasini shakllantirish boʻyicha keng koʻlamli islohotlar amalga oshirildi.
Shu bilan birga bugungi kunda iqtidorli yosh futbolchilarni saralab olish (seleksiya) tizimini va futbol infratuzilmasini yanada rivojlantirish, futbol boʻyicha sport maktablarining faoliyati samaradorligini yangi bosqichga koʻtarish, sohada marketing va zamonaviy boshqaruv mexanizmlaridan samarali foydalanish, oʻtkazilayotgan musobaqalar saviyasini yuksaltirish maqsadida amaldagi soliq imtiyozlarining amal qilish muddatini uzaytirish zarurati mavjud.
Ushbu Qonun iqtidorli yosh oʻyinchilarni tanlash, saralab olish va ularni professional sportchilar sifatida tayyorlash tizimini yoʻlga qoʻyishga, futbol klublari faoliyatini rivojlantirishga, terma jamoalar uchun oʻquv-mashq jarayonini samarali tashkil etishga, mamlakatimizda futbol boʻyicha yirik xalqaro musobaqalarni, shu jumladan oʻsmirlar, yoshlar va xotin-qizlar jamoalari oʻrtasida jahon hamda qitʼa birinchiliklarini yuqori darajada tashkil etishni taʼminlashga xizmat qiladi.
1-modda. Oʻzbekiston Respublikasining 2019-yil 30-dekabrda qabul qilingan OʻRQ-599-sonli Qonuni bilan yangi tahrirda tasdiqlangan Oʻzbekiston Respublikasining Soliq kodeksi (Oʻzbekiston Respublikasi Oliy Majlisi palatalarining Axborotnomasi, 2019-yil, 12-songa 1-ilova; 2020-yil, № 3, 198-modda, № 10, 593-modda, № 11, 652-modda, № 12, 690, 691-moddalar; 2021-yil, № 1, 6-modda, № 4, 294-modda, 4-songa ilova, № 8, 800-modda, № 9, 901-modda, № 10, 968, 969, 972, 973-moddalar, № 12, 1199-modda; 2022-yil, № 2, 79-modda, № 3, 215, 216-moddalar, № 5, 461, 464, 467-moddalar, № 6, 570-modda, № 7, 664, 666-moddalar, № 12, 1190-modda) 483-moddasi quyidagi mazmundagi qism bilan toʻldirilsin:
“2023-yil 1-yanvardan 2026-yil 1-yanvarga qadar Oʻzbekiston futbol assotsiatsiyasi, uning hududiy boʻlinmalari, “Oʻzbekiston Professional futbol ligasi” jamoat birlashmasi, Oʻzbekiston futbol hakamlari markazi va professional futbol klublari:
barcha turdagi soliqlarni (bundan ijtimoiy soliq mustasno);
oʻzi jalb qilgan chet el mutaxassislari va futbolchilarining daromadlaridan toʻlanadigan jismoniy shaxslardan olinadigan daromad soligʻini;
belgilangan tartibda shakllantiriladigan roʻyxatlar boʻyicha Oʻzbekiston Respublikasi hududiga olib kiriladigan, Oʻzbekiston Respublikasida oʻxshashi ishlab chiqarilmaydigan sport asbob-uskunalari va inventari, translatsiya qilish uchun zarur boʻlgan asbob-uskunalar, inventar va texnika, farmakologiya tovarlari, sport oziq-ovqatlari, futbol (futzal) maydonlari uchun sunʼiy oʻtlar, shokpad, granulalar, maxsus yelimlar va maxsus professional sport kiyim-boshlari, transport vositalari, shu jumladan maxsus transport vositalari uchun qoʻshilgan qiymat soligʻini toʻlashdan ozod etiladi”.
2-modda. Oʻzbekiston Respublikasi Yoshlar siyosati va sport vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
3-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
4-modda. Ushbu Qonun rasmiy eʼlon qilingan kundan eʼtiboran kuchga kiradi.
Ushbu Qonun 1-moddasining qoidalari 2023-yil 1-yanvardan eʼtiboran yuzaga kelgan munosabatlarga nisbatan ham tatbiq etiladi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2023-yil 18-iyul,
OʻRQ-857-son
Закон Республики Узбекистан
О внесении дополнения в статью 483 Налогового кодекса Республики Узбекистан
Принят Законодательной палатой 11 мая 2023 года Одобрен Сенатом 1 июня 2023 года
В последние годы в стране осуществлены масштабные реформы по воспитанию духовно и физически развитого поколения, развитию физической культуры и спорта, в том числе широкому вовлечению молодежи в футбол, созданию эффективной системы подготовки перспективных и талантливых игроков, тренеров и судей на основе международных требований и стандартов в области футбола, а также формированию качественного спортивного резерва для национальных сборных команд и профессиональных футбольных клубов.
Вместе с тем на сегоднящний день существует необходимость дальнейшего развития системы отбора (селекции) молодых талантливых игроков и футбольной инфраструктуры, повышения эффективности деятельности спортивных школ по футболу на новый уровень, эффективного использования механизмов маркетинга и современного управления в сфере, продления срока действия действующих налоговых льгот в целях повышения уровня проводимых соревнований.
Настоящий Закон послужит налаживанию системы подбора, отбора молодых талантливых игроков и подготовки их в качестве профессиональных спортсменов, развитию деятельности футбольных клубов, эффективной организации учебно-тренировочного процесса для сборных команд, обеспечению организации в нашей стране на высоком уровне крупных международных соревнований по футболу, в том числе первенств мира и континента среди юношеских, молодежных и женских команд.
Статья 1. Статью 483 Налогового кодекса Республики Узбекистан, утвержденного в новой редакции Законом Республики Узбекистан от 30 декабря 2019 года № ЗРУ-599 (Ведомости палат Олий Мажлиса Республики Узбекистан, 2019 г., приложение 1 к № 12; 2020 г., № 3, ст. 198, № 10, ст. 593, № 11, ст. 652, № 12, ст.ст. 690, 691; 2021 г., № 1, ст. 6, № 4, ст. 294, приложение к № 4, № 8, ст. 800, № 9, ст. 901, № 10, ст.ст. 968, 969, 972, 973, № 12, ст. 1199; 2022 г., № 2, ст. 79, № 3, ст.ст. 215, 216, № 5, ст.ст. 461, 464, 467, № 6, ст. 570, № 7, ст.ст. 664, 666, № 12, ст. 1190), дополнить частью следующего содерждания:
«С 1 января 2023 года до 1 января 2026 года Ассоциация футбола Узбекистана, ее территориальные подразделения, общественное объединение «Профессиональная футбольная Лига Узбекистана», Центр футбольных судей Узбекистана и профессиональные футбольные клубы освобождаются от уплаты:
всех видов налогов (за исключением социального налога);
налога на доходы физических лиц, оплачиваемых от доходов привлеченных ими иностранных специалистов и футболистов;
налога на добавленную стоимость за ввозимые на территорию Республики Узбекистан по перечням, формируемым в установленном порядке, спортивное оборудование и инвентарь, оборудование, инвентарь и технику, необходимые для трансляций, товары фармакологии, спортивное питание, искусственные газоны для футбольных (футзальных) полей, шокпад, гранулы, специальные клеи и специальные профессиональные спортивные экипировки, транспортные средства, в том числе специальные, аналоги которых не производятся в Республике Узбекистан».
Статья 2. Министерству молодежной политики и спорта Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 3. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.
Статья 4. Настоящий Закон вступает в силу со дня его официального опубликования.
Положения статьи 1 настоящего Закона распространяются также на отношения, возникшие с 1 января 2023 года.
Президент Республики Узбекистан Ш. МИРЗИЁЕВ
г. Ташкент,
18 июля 2023 г.,
№ ЗРУ-857