📅 2023-yil 18-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 18 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 18 июля 2023 г. · Постановления Президента
Официальный текст. Официальный документ. Редакционные примечания не включены.
📅 18 July 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Халқаро шартномани тасдиқлаш тўғрисида
«Ўзбекистон Республикасининг халқаро шартномалари тўғрисида»ги Ўзбекистон Республикаси Қонунининг 22-моддасига мувофиқ:
1. 2023 йил 24 февраль куни Тошкент шаҳрида имзоланган Ўзбекистон Республикаси Ҳукумати билан Озарбайжон Республикаси Ҳукумати ўртасида Ўзбекистон-Озарбайжон инвестиция жамғармасини ташкил этиш тўғрисидаги битим тасдиқлансин.
2. Инвестициялар, саноат ва савдо вазирлиги ушбу халқаро шартномани амалга ошириш учун масъул бўлган ваколатли орган этиб белгилансин.
3. Белгилансинки:
Инвестициялар, саноат ва савдо вазири Л. Кудратов ва Ўзбекистон Республикаси Президенти ҳузуридаги Стратегик ислоҳотлар агентлиги бош директори — Тикланиш ва тараққиёт жамғармаси ижрочи директори Ш. Вафаев Ўзбекистон Республикаси томонидан Ўзбекистон-Озарбайжон инвестиция жамғармаси директорлар кенгаши аъзолари ҳисобланади;
Ўзбекистон-Озарбайжон инвестиция жамғармасининг устав капиталида Ўзбекистон Республикаси Ҳукуматининг улуши Тикланиш ва тараққиёт жамғармаси маблағлари ҳисобидан шакллантирилади;
Ўзбекистон Республикаси Президенти ҳузуридаги Стратегик ислоҳотлар агентлиги бош директори — Ўзбекистон Республикаси Тикланиш ва тараққиёт жамғармаси ижрочи директори Ш. Вафаевга Ўзбекистон-Озарбайжон инвестиция жамғармасининг уставини имзолаш ваколати берилади.
4. Ташқи ишлар вазирлиги Ўзбекистон Республикаси томонидан ушбу халқаро шартноманинг кучга кириши учун зарур бўлган давлат ички тартиб-таомиллари бажарилганлиги ҳамда уни амалга ошириш учун масъул бўлган ваколатли орган тўғрисида Озарбайжон томонига тегишли билдиришномани юборсин.
5. Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга кирганидан кейин унинг қоидалари амалга оширилиши устидан белгиланган тартибда назоратни таъминласин.
6. Инвестициялар, саноат ва савдо вазирлиги манфаатдор вазирлик ва идоралар билан биргаликда икки ой муддатда Ўзбекистон Республикасининг «2023 йил учун Ўзбекистон Республикасининг Давлат бюджети тўғрисида»ги Қонунига тегишли ўзгартириш ва қўшимчалар киритишни назарда тутувчи қонун лойиҳасини Вазирлар Маҳкамасига киритсин.
7. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 18 июль,
ПҚ-230-сон
Oʻzbekiston Respublikasi Prezidentining
qarori
Xalqaro shartnomani tasdiqlash toʻgʻrisida
“Oʻzbekiston Respublikasining xalqaro shartnomalari toʻgʻrisida”gi Oʻzbekiston Respublikasi Qonunining 22-moddasiga muvofiq:
1. 2023-yil 24-fevral kuni Toshkent shahrida imzolangan Oʻzbekiston Respublikasi Hukumati bilan Ozarbayjon Respublikasi Hukumati oʻrtasida Oʻzbekiston-Ozarbayjon investitsiya jamgʻarmasini tashkil etish toʻgʻrisidagi bitim tasdiqlansin.
2. Investitsiyalar, sanoat va savdo vazirligi ushbu xalqaro shartnomani amalga oshirish uchun masʼul boʻlgan vakolatli organ etib belgilansin.
3. Belgilansinki:
Investitsiyalar, sanoat va savdo vaziri L. Kudratov va Oʻzbekiston Respublikasi Prezidenti huzuridagi Strategik islohotlar agentligi bosh direktori — Tiklanish va taraqqiyot jamgʻarmasi ijrochi direktori Sh. Vafayev Oʻzbekiston Respublikasi tomonidan Oʻzbekiston-Ozarbayjon investitsiya jamgʻarmasi direktorlar kengashi aʼzolari hisoblanadi;
Oʻzbekiston-Ozarbayjon investitsiya jamgʻarmasining ustav kapitalida Oʻzbekiston Respublikasi Hukumatining ulushi Tiklanish va taraqqiyot jamgʻarmasi mablagʻlari hisobidan shakllantiriladi;
Oʻzbekiston Respublikasi Prezidenti huzuridagi Strategik islohotlar agentligi bosh direktori — Oʻzbekiston Respublikasi Tiklanish va taraqqiyot jamgʻarmasi ijrochi direktori Sh. Vafayevga Oʻzbekiston-Ozarbayjon investitsiya jamgʻarmasining ustavini imzolash vakolati beriladi.
4. Tashqi ishlar vazirligi Oʻzbekiston Respublikasi tomonidan ushbu xalqaro shartnomaning kuchga kirishi uchun zarur boʻlgan davlat ichki tartib-taomillari bajarilganligi hamda uni amalga oshirish uchun masʼul boʻlgan vakolatli organ toʻgʻrisida Ozarbayjon tomoniga tegishli bildirishnomani yuborsin.
5. Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirganidan keyin uning qoidalari amalga oshirilishi ustidan belgilangan tartibda nazoratni taʼminlasin.
6. Investitsiyalar, sanoat va savdo vazirligi manfaatdor vazirlik va idoralar bilan birgalikda ikki oy muddatda Oʻzbekiston Respublikasining “2023-yil uchun Oʻzbekiston Respublikasining Davlat budjeti toʻgʻrisida”gi Qonuniga tegishli oʻzgartirish va qoʻshimchalar kiritishni nazarda tutuvchi qonun loyihasini Vazirlar Mahkamasiga kiritsin.
7. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 18-iyul,
PQ-230-son
Президента Республики Узбекистан
Постановление
Об утверждении международного договора
В соответствии со статьей 22 Закона Республики Узбекистан «О международных договорах Республики Узбекистан»:
1. Утвердить Соглашение между Правительством Республики Узбекистан и Правительством Азербайджанской Республики о создании Узбекско-Азербайджанского инвестиционного фонда, подписанное 24 февраля 2023 года в городе Ташкенте.
2. Определить Министерство инвестиций, промышленности и торговли компетентным органом, ответственным за реализацию данного международного договора.
3. Установить, что:
министр инвестиций, промышленности и торговли Л. Кудратов и генеральный директор Агентства стратегического развития при Президенте Республики Узбекистан — исполнительный директор Фонда реконструкции и развития Ш. Вафаев являются членами Совета директоров Узбекско-Азербайджанского инвестиционного фонда со стороны Республики Узбекистан;
доля Правительства Республики Узбекистан в уставном капитале Узбекско-Азербайджанского инвестиционного фонда формируется за счет средств Фонда реконструкции и развития;
генеральному директору Агентства стратегического развития при Президенте Республики Узбекистан — исполнительному директору Фонда реконструкции и развития Ш. Вафаеву предоставляется полномочие подписать Устав Узбекско-Азербайджанского инвестиционного фонда.
4. Министерству иностранных дел направить Азербайджанской стороне соответствующее уведомление о выполнении Республикой Узбекистан внутригосударственных процедур, необходимых для вступления в силу указанного международного договора, а также о компетентном органе, ответственном за его реализацию.
5. Кабинету Министров и руководителям соответствующих министерств и ведомств после вступления в силу данного международного договора в установленном порядке обеспечить контроль за реализацией его положений.
6. Министерству инвестиций, промышленности и торговли совместно с заинтересованными министерствами и ведомствами в двухмесячный срок внести в Кабинет Министров проект закона, предусматривающий внесение соответствующих изменений и дополнений в Закон Республики Узбекистан «О Государственном бюджете Республики Узбекистан на 2023 год».
7. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
18 июля 2023 г.,
№ ПП-230