📅 2023-yil 28-iyul · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 28 июль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 28 июля 2023 г. · Указы Президента
Официальный текст. Официальный документ. Редакционные примечания не включены.
📅 28 July 2023 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Мудофаа саноати соҳасида давлат бошқаруви такомиллаштирилганлиги муносабати билан Ўзбекистон Республикаси Президентининг айрим ҳужжатларига ўзгартиришлар киритиш тўғрисида
Кейинги йилларда мамлакатимизда илғор хорижий тажрибани инобатга олган ҳолда миллий мудофаа саноати комплексини босқичма-босқич яратиш, импорт ўрнини босувчи ва рақобатбардош ҳарбий маҳсулотлар ишлаб чиқаришни йўлга қўйиш, шунингдек, Ўзбекистон Республикаси Қуролли Кучларини қуроллантириш бўйича бир қатор муҳим чора-тадбирлар амалга оширилмоқда.
Ушбу йўналишда амалга оширилаётган ислоҳотларни сифат жиҳатидан янги босқичга олиб чиқиш орқали Ўзбекистон Республикаси Қуролли Кучлари таркибига кирувчи вазирлик ва идоралар ҳамда ҳуқуқни муҳофаза қилувчи органларни замонавий қурол-яроғ, ҳарбий ва махсус техника билан таъминлаш мақсадида Ўзбекистон Республикаси Мудофаа саноати давлат қўмитаси негизида Мудофаа вазирлиги ҳузурида Мудофаа саноати агентлиги ҳамда Инвестициялар, саноат ва савдо вазирлиги ҳузурида «Oʻztextreyd» давлат унитар корхонаси ташкил этилди.
Ўзбекистон Республикаси Президентининг 2023 йил 31 январдаги «Ўзбекистон Республикаси Қуролли Кучларини қуроллантириш вa мудофаа саноати соҳасида давлат бошқарувини такомиллаштириш бўйича чора-тадбирлар тўғрисида»ги ПФ-16-сон Фармонига мувофиқ:
1. Ўзбекистон Республикаси Президентининг айрим ҳужжатларига иловага мувофиқ қуйидагиларни назарда тутувчи ўзгартиришлар киритилсин:
Мудофаа саноати давлат қўмитаси негизида Мудофаа вазирлиги ҳузурида Мудофаа саноати агентлиги ҳамда Инвестициялар, саноат ва савдо вазирлиги ҳузурида «Oʻztextreyd» давлат унитар корхонаси ташкил этилганлиги;
Мудофаа вазирлиги ҳузуридаги Мудофаа саноати агентлигининг ва Инвестициялар, саноат ва савдо вазирлиги ҳузуридаги «Oʻztextreyd» давлат унитар корхонасининг ваколатлари доираси белгиланганлиги муносабати билан қонунчилик ҳужжатларини ўзаро мувофиқлаштириш.
2. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президентининг 2023 йил 28 июлдаги ПФ-117-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартиришлар
1. Ўзбекистон Республикаси Президентининг 2022 йил 27 апрелдаги «Божхона маъмуриятчилигини янада такомиллаштиришга доир қўшимча чора-тадбирлар тўғрисида»ги ПФ-122-сон Фармонига 2-илованинг 43 ва 44-позицияларида:
«Амалга ошириш механизми» устунидаги «Мудофаа саноати давлат қўмитасига» сўзлари «Инвестициялар, саноат ва савдо вазирлиги ҳузуридаги «Oʻztextreyd» давлат унитар корхонасига» сўзлари билан алмаштирилсин;
«Масъул ижрочилар» устунидаги «Мудофаа саноати давлат қўмитаси (О. Исмоилов)» сўзлари «Инвестициялар, саноат ва савдо вазирлиги ҳузуридаги «Oʻztextreyd» давлат унитар корхонаси (Х. Юсупов)» сўзлари билан алмаштирилсин.
2. Ўзбекистон Республикаси Президентининг 2017 йил 9 августдаги «Сейсмология, сейсмик чидамли қурилиш ҳамда Ўзбекистон Республикаси аҳолиси ва ҳудудининг сейсмик хавфсизлиги соҳасида илмий тадқиқотлар олиб боришни такомиллаштириш чора-тадбирлари тўғрисида»ги ПҚ-3190-сон қарорида :
а) 7-банддаги «Мудофаа саноати давлат қўмитаси (О. Исмоилов)» сўзлари «Инвестициялар, саноат ва савдо вазирлиги ҳузуридаги «Oʻztextreyd» ДУК (Х. Юсупов)» сўзлари билан алмаштирилсин;
б) 10-банднинг биринчи хатбошиси қуйидаги таҳрирда баён этилсин:
«10. Ўзбекистон Республикаси Иқтисодиёт ва молия вазирлиги ҳузуридаги Солиқ қўмитаси (М. Мирзаев) Иқтисодиёт ва молия вазирлиги ҳузуридаги Божхона қўмитаси (А. Мавлонов) билан биргаликда Ўзбекистон Республикасида ишлаб чиқарилмайдиган, Сейсмология институти, Механика ва иншоотлар сейсмик мустаҳкамлиги институти ҳамда Сейсмопрогностик мониторинг республика маркази учун Ўзбекистон Республикаси Инвестициялар, саноат ва савдо вазирлиги ҳузуридаги «Oʻztextreyd» ДУК томонидан ушбу қарорнинг 3, 4, 5-иловаларида кўрсатилган рўйхатларга мувофиқ олиб кириладиган илмий асбоб-ускуналардан ва ҳисоблаш техникаси воситаларидан мақсадли фойдаланилиши устидан қатъий назорат ўрнатсин».
3. Ўзбекистон Республикаси Президентининг 2019 йил 10 апрелдаги «Фавқулодда вазиятлар тузилмаларининг фаолиятини янада такомиллаштириш бўйича ташкилий чора-тадбирлар тўғрисида»ги ПҚ-4276-сон қарорининг 9-банди «б» кичик бандидаги «Мудофаа саноати давлат қўмитаси ва Молия вазирлиги» сўзлари «Инвестициялар, саноат ва савдо вазирлиги ҳузуридаги «Oʻztextreyd» ДУК ва Иқтисодиёт ва молия вазирлиги» сўзлари билан алмаштирилсин.
4. Ўзбекистон Республикаси Президентининг 2020 йил 4 августдаги «Аҳолига давлат ижтимоий хизматлари ва ёрдам тақдим этиш тартиб-таомилларини автоматлаштириш бўйича қўшимча чора-тадбирлар тўғрисида»ги ПҚ-4797-сон қарорининг 11-бандидаги «Мудофаа саноати давлат қўмитаси» сўзлари «Мудофаа вазирлиги ҳузуридаги Мудофаа саноати агентлиги» сўзлари билан алмаштирилсин.
5. Ўзбекистон Республикаси Президентининг 2021 йил 15 июлдаги «Ўзбекистон Республикаси Ўсимликлар карантини ва ҳимояси агентлигини ташкил этиш тўғрисида»ги ПҚ-5185-сон қарорининг 14-банди биринчи хатбошисидаги «Мудофаа саноати бўйича давлат қўмитаси» сўзлари «Инвестициялар, саноат ва савдо вазирлиги ҳузуридаги «Oʻztextreyd» давлат унитар корхонаси» сўзлари билан алмаштирилсин.
6. Ўзбекистон Республикаси Президентининг 2022 йил 6 июлдаги «2022 — 2026 йилларда Ўзбекистон Республикасининг инновацион ривожланиш стратегиясини амалга ошириш бўйича ташкилий чора-тадбирлар тўғрисида»ги ПҚ-307-сон қарорига 8-илованинг 29-позициясида:
«Амалга ошириш механизми» устунидаги «Мудофаа саноати давлат қўмитасига» сўзлари «Инвестициялар, саноат ва савдо вазирлиги ҳузуридаги «Oʻztextreyd» давлат унитар корхонасига» сўзлари билан алмаштирилсин;
«Масъул ижрочилар» устунидаги «Мудофаа саноати давлат қўмитаси (О. Исмоилов)» сўзлари «Инвестициялар, саноат ва савдо вазирлиги ҳузуридаги «Oʻztextreyd» давлат унитар корхонаси (Х. Юсупов)» сўзлари билан алмаштирилсин.
7. Ўзбекистон Республикаси Президентининг 2022 йил 22 августдаги «2022-2023 йилларда ахборот-коммуникация технологиялари соҳасини янги босқичга олиб чиқиш чора-тадбирлари тўғрисида»ги ПҚ-357-сон қарорига 3б-илованинг 8-позицияси «Масъул ижрочилар» устунидаги «Мудофаа саноати бўйича давлат қўмитаси» сўзлари «Инвестициялар, саноат ва савдо вазирлиги ҳузуридаги «Oʻztextreyd» давлат унитар корхонаси» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 28 июль,
ПФ-117-сон
Oʻzbekiston Respublikasi Prezidentining
Farmoni
Mudofaa sanoati sohasida davlat boshqaruvi takomillashtirilganligi munosabati bilan Oʻzbekiston Respublikasi Prezidentining ayrim hujjatlariga oʻzgartirishlar kiritish toʻgʻrisida
Keyingi yillarda mamlakatimizda ilgʻor xorijiy tajribani inobatga olgan holda milliy mudofaa sanoati kompleksini bosqichma-bosqich yaratish, import oʻrnini bosuvchi va raqobatbardosh harbiy mahsulotlar ishlab chiqarishni yoʻlga qoʻyish, shuningdek, Oʻzbekiston Respublikasi Qurolli Kuchlarini qurollantirish boʻyicha bir qator muhim chora-tadbirlar amalga oshirilmoqda.
Ushbu yoʻnalishda amalga oshirilayotgan islohotlarni sifat jihatidan yangi bosqichga olib chiqish orqali Oʻzbekiston Respublikasi Qurolli Kuchlari tarkibiga kiruvchi vazirlik va idoralar hamda huquqni muhofaza qiluvchi organlarni zamonaviy qurol-yarogʻ, harbiy va maxsus texnika bilan taʼminlash maqsadida Oʻzbekiston Respublikasi Mudofaa sanoati davlat qoʻmitasi negizida Mudofaa vazirligi huzurida Mudofaa sanoati agentligi hamda Investitsiyalar, sanoat va savdo vazirligi huzurida “Oʻztextreyd” davlat unitar korxonasi tashkil etildi.
Oʻzbekiston Respublikasi Prezidentining 2023-yil 31-yanvardagi “Oʻzbekiston Respublikasi Qurolli Kuchlarini qurollantirish va mudofaa sanoati sohasida davlat boshqaruvini takomillashtirish boʻyicha chora-tadbirlar toʻgʻrisida”gi PF-16-son Farmoniga muvofiq:
1. Oʻzbekiston Respublikasi Prezidentining ayrim hujjatlariga ilovaga muvofiq quyidagilarni nazarda tutuvchi oʻzgartirishlar kiritilsin:
Mudofaa sanoati davlat qoʻmitasi negizida Mudofaa vazirligi huzurida Mudofaa sanoati agentligi hamda Investitsiyalar, sanoat va savdo vazirligi huzurida “Oʻztextreyd” davlat unitar korxonasi tashkil etilganligi;
Mudofaa vazirligi huzuridagi Mudofaa sanoati agentligining va Investitsiyalar, sanoat va savdo vazirligi huzuridagi “Oʻztextreyd” davlat unitar korxonasining vakolatlari doirasi belgilanganligi munosabati bilan qonunchilik hujjatlarini oʻzaro muvofiqlashtirish.
2. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidentining 2023-yil 28-iyuldagi PF-117-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar
1. Oʻzbekiston Respublikasi Prezidentining 2022-yil 27-apreldagi “Bojxona maʼmuriyatchiligini yanada takomillashtirishga doir qoʻshimcha chora-tadbirlar toʻgʻrisida”gi PF-122-son Farmoniga 2-ilovaning 43 va 44-pozitsiyalarida:
“Amalga oshirish mexanizmi” ustunidagi “Mudofaa sanoati davlat qoʻmitasiga” soʻzlari “Investitsiyalar, sanoat va savdo vazirligi huzuridagi “Oʻztextreyd” davlat unitar korxonasiga” soʻzlari bilan almashtirilsin;
“Masʼul ijrochilar” ustunidagi “Mudofaa sanoati davlat qoʻmitasi (O. Ismoilov)” soʻzlari “Investitsiyalar, sanoat va savdo vazirligi huzuridagi “Oʻztextreyd” davlat unitar korxonasi (X. Yusupov)” soʻzlari bilan almashtirilsin.
2. Oʻzbekiston Respublikasi Prezidentining 2017-yil 9-avgustdagi “Seysmologiya, seysmik chidamli qurilish hamda Oʻzbekiston Respublikasi aholisi va hududining seysmik xavfsizligi sohasida ilmiy tadqiqotlar olib borishni takomillashtirish chora-tadbirlari toʻgʻrisida”gi PQ-3190-son qarorida :
a) 7-banddagi “Mudofaa sanoati davlat qoʻmitasi (O. Ismoilov)” soʻzlari “Investitsiyalar, sanoat va savdo vazirligi huzuridagi “Oʻztextreyd” DUK (X. Yusupov)” soʻzlari bilan almashtirilsin;
b) 10-bandning birinchi xatboshisi quyidagi tahrirda bayon etilsin:
“10. Oʻzbekiston Respublikasi Iqtisodiyot va moliya vazirligi huzuridagi Soliq qoʻmitasi (M. Mirzayev) Iqtisodiyot va moliya vazirligi huzuridagi Bojxona qoʻmitasi (A. Mavlonov) bilan birgalikda Oʻzbekiston Respublikasida ishlab chiqarilmaydigan, Seysmologiya instituti, Mexanika va inshootlar seysmik mustahkamligi instituti hamda Seysmoprognostik monitoring respublika markazi uchun Oʻzbekiston Respublikasi Investitsiyalar, sanoat va savdo vazirligi huzuridagi “Oʻztextreyd” DUK tomonidan ushbu qarorning 3, 4, 5-ilovalarida koʻrsatilgan roʻyxatlarga muvofiq olib kiriladigan ilmiy asbob-uskunalardan va hisoblash texnikasi vositalaridan maqsadli foydalanilishi ustidan qatʼiy nazorat oʻrnatsin”.
3. Oʻzbekiston Respublikasi Prezidentining 2019-yil 10-apreldagi “Favqulodda vaziyatlar tuzilmalarining faoliyatini yanada takomillashtirish boʻyicha tashkiliy chora-tadbirlar toʻgʻrisida”gi PQ-4276-son qarorining 9-bandi “b” kichik bandidagi “Mudofaa sanoati davlat qoʻmitasi va Moliya vazirligi” soʻzlari “Investitsiyalar, sanoat va savdo vazirligi huzuridagi “Oʻztextreyd” DUK va Iqtisodiyot va moliya vazirligi” soʻzlari bilan almashtirilsin.
4. Oʻzbekiston Respublikasi Prezidentining 2020-yil 4-avgustdagi “Aholiga davlat ijtimoiy xizmatlari va yordam taqdim etish tartib-taomillarini avtomatlashtirish boʻyicha qoʻshimcha chora-tadbirlar toʻgʻrisida”gi PQ-4797-son qarorining 11-bandidagi “Mudofaa sanoati davlat qoʻmitasi” soʻzlari “Mudofaa vazirligi huzuridagi Mudofaa sanoati agentligi” soʻzlari bilan almashtirilsin.
5. Oʻzbekiston Respublikasi Prezidentining 2021-yil 15-iyuldagi “Oʻzbekiston Respublikasi Oʻsimliklar karantini va himoyasi agentligini tashkil etish toʻgʻrisida”gi PQ-5185-son qarorining 14-bandi birinchi xatboshisidagi “Mudofaa sanoati boʻyicha davlat qoʻmitasi” soʻzlari “Investitsiyalar, sanoat va savdo vazirligi huzuridagi “Oʻztextreyd” davlat unitar korxonasi” soʻzlari bilan almashtirilsin.
6. Oʻzbekiston Respublikasi Prezidentining 2022-yil 6-iyuldagi “2022 — 2026-yillarda Oʻzbekiston Respublikasining innovatsion rivojlanish strategiyasini amalga oshirish boʻyicha tashkiliy chora-tadbirlar toʻgʻrisida”gi PQ-307-son qaroriga 8-ilovaning 29-pozitsiyasida:
“Amalga oshirish mexanizmi” ustunidagi “Mudofaa sanoati davlat qoʻmitasiga” soʻzlari “Investitsiyalar, sanoat va savdo vazirligi huzuridagi “Oʻztextreyd” davlat unitar korxonasiga” soʻzlari bilan almashtirilsin;
“Masʼul ijrochilar” ustunidagi “Mudofaa sanoati davlat qoʻmitasi (O. Ismoilov)” soʻzlari “Investitsiyalar, sanoat va savdo vazirligi huzuridagi “Oʻztextreyd” davlat unitar korxonasi (X. Yusupov)” soʻzlari bilan almashtirilsin.
7. Oʻzbekiston Respublikasi Prezidentining 2022-yil 22-avgustdagi “2022-2023-yillarda axborot-kommunikatsiya texnologiyalari sohasini yangi bosqichga olib chiqish chora-tadbirlari toʻgʻrisida”gi PQ-357-son qaroriga 3b-ilovaning 8-pozitsiyasi “Masʼul ijrochilar” ustunidagi “Mudofaa sanoati boʻyicha davlat qoʻmitasi” soʻzlari “Investitsiyalar, sanoat va savdo vazirligi huzuridagi “Oʻztextreyd” davlat unitar korxonasi” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 28-iyul,
PF-117-son
Президента Республики Узбекистан
Указ
О внесении изменений в некоторые акты Президента Республики Узбекистан в связи с совершенствованием государственного управления в сфере оборонной промышленности
В последние годы в стране реализуется ряд важных мер по поэтапному созданию национального оборонно-промышленного комплекса с учетом передового зарубежного опыта, налаживанию производства импортозамещающей и конкурентоспособной военной продукции, а также по оснащению Вооруженных Сил Республики Узбекистан.
В целях обеспечения современным вооружением, военной и специальной техникой министерств и ведомств, входящих в состав Вооруженных Сил Республики Узбекистан, и правоохранительных органов путем выведения на качественно новый уровень реформ, осуществляемых в этом направлении, на базе Государственного комитета по оборонной промышленности Республики Узбекистан создано Агентство по оборонной промышленности при Министерстве обороны и Государственное унитарное предприятие «Oʻztextreyd» при Министерстве инвестиций, промышленности и торговли.
Согласно Указу Президента Республики Узбекистан от 31 января 2023 года № УП-16 «О мерах по совершенствованию государственного управления в области оснащения Вооруженных Сил Республики Узбекистан и оборонной промышленности»:
1. Внести изменения в некоторые акты Президента Республики Узбекистан, согласно приложению, предусматривающие приведение в соответствие актов законодательства в связи с:
созданием на базе Государственного комитета по оборонной промышленности Агентства по оборонной промышленности при Министерстве обороны и Государственного унитарного предприятия «Oʻztextreyd» при Министерстве инвестиций, промышленности и торговли;
определением круга полномочий Агентства по оборонной промышленности при Министерстве обороны и Государственного унитарного предприятия «O`ztextreyd» при Министерстве инвестиций, промышленности и торговли.
2. Контроль за исполнением настоящего Указа возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
ПРИЛОЖЕНИЕ к Указу Президента Республики Узбекистан от 28 июля 2023 года № УП-117
Изменения, вносимые в некоторые акты Президента Республики Узбекистан
1. В позициях 43 и 44 текста на государственном языке приложения № 2 к Указу Президента Республики Узбекистан от 27 апреля 2022 года № УП-122 «О дополнительных мерах по дальнейшему совершенствованию таможенного администрирования»:
в графе «Амалга ошириш механизми» слова «Мудофаа саноати давлат қўмитасига» заменить словами «Инвестициялар, саноат ва савдо вазирлиги ҳузуридаги «Oʻztextreyd» давлат унитар корхонасига»;
в графе «Масъул ижрочилар» слова «Мудофаа саноати давлат қўмитаси (О. Исмоилов)» заменить словами «Инвестициялар, саноат ва савдо вазирлиги ҳузуридаги «Oʻztextreyd» давлат унитар корхонаси (Х. Юсупов)».
2. В постановлении Президента Республики Узбекистан от 9 августа 2017 года № ПП-3190 «О мерах по совершенствованию проведения научных исследований в области сейсмологии, сейсмостойкого строительства и сейсмической безопасности населения и территории Республики Узбекистан»:
а) в пункте 7 слова «Государственному комитету Республики Узбекистан по оборонной промышленности (О. Исмоилов)» заменить словами «ГУП «Oʻztextreyd» при Министерстве инвестиций, промышленности и торговли (Х. Юсупов)»;
б) абзац первый пункта 10 изложить в следующей редакции:
«10. Налоговому комитету при Министерстве экономики и финансов Республики Узбекистан (М. Мирзаев) совместно с Таможенным комитетом при Министерстве экономики и финансов (А. Мавлонов) установить строгий контроль за целевым использованием непроизводимых в Республике Узбекистан научного оборудования и средств вычислительной техники, ввозимых ГУП «Oʻztextreyd» при Министерстве инвестиций, промышленности и торговли Республики Узбекистан для Института сейсмологии, Института механики и сейсмостойкости сооружений и Республиканского центра сейсмопрогностического мониторинга, в соответствии с перечнями, указанными в приложениях №№ 3, 4, 5 к настоящему постановлению».
3. В подпункте «б» пункта 9 постановления Президента Республики Узбекистан от 10 апреля 2019 года № ПП-4276 «Об организационных мерах по дальнейшему совершенствованию деятельности подразделений по чрезвычайным ситуациям» слова «Государственным комитетом по оборонной промышленности и Министерством финансов» заменить словами «ГУП «Oʻztextreyd» при Министерстве инвестиций, промышленности и торговли и Министерством экономики и финансов».
4. В пункте 11 постановления Президента Республики Узбекистан от 4 августа 2020 года № ПП-4797 «О дополнительных мерах по автоматизации процедур предоставления государственных социальных услуг и помощи населению» слова «Государственному комитету по оборонной промышленности» заменить словами «Агентству по оборонной промышленности при Министерстве обороны».
5. В абзаце первом пункта 14 постановления Президента Республики Узбекистан от 15 июля 2021 года № ПП-5185 «О создании Агентства по карантину и защите растений Республики Узбекистан» слова «Государственный комитет оборонной промышленности» заменить словами «ГУП «Oʻztextreyd» при Министерстве инвестиций, промышленности и торговли».
6. В позиции 29 текста на государственном языке приложения № 8 к постановлению Президента Республики Узбекистан от 6 июля 2022 года № ПП-307 «Об организационных мерах по реализации Стратегии инновационного развития Республики Узбекистан на 2022 — 2026 годы»:
в графе «Амалга ошириш механизми» слова «Мудофаа саноати давлат қўмитасига» заменить словами «Инвестициялар, саноат ва савдо вазирлиги ҳузуридаги «Oʻztextreyd» давлат унитар корхонасига»;
в графе «Масъул ижрочилар» слова «Мудофаа саноати давлат қўмитаси (О. Исмоилов)» заменить словами «Инвестициялар, саноат ва савдо вазирлиги ҳузуридаги «Oʻztextreyd» давлат унитар корхонаси (Х. Юсупов)».
7. В тексте на государственном языке в графе «Масъул ижрочилар» позиции 8 приложения № 3б к постановлению Президента Республики Узбекистан от 22 августа 2022 года № ПП-357 «О мерах по поднятию на новый уровень сферы информационно-коммуникационных технологий в 2022-2023 годах» слова «Мудофаа саноати бўйича давлат қўмитаси» заменить словами «Инвестициялар, саноат ва савдо вазирлиги ҳузуридаги «Oʻztextreyd» давлат унитар корхонаси».
Президент Республики Узбекистан Ш. МИРЗИЁЕВ
г. Ташкент,
28 июля 2023 г.,
№ УП-117