📅 2023-yil 28-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 28 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 июля 2023 г. · Постановления Президента
Официальный текст. Официальный документ. Редакционные примечания не включены.
📅 28 July 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Жисмоний тарбия ва спорт соҳаси учун тиббиёт кадрларини тайёрлаш ҳамда спортчиларга тиббий хизмат кўрсатиш тизимини янада такомиллаштириш чора-тадбирлари тўғрисида
Ўзбекистон Республикаси Президентининг 2022 йил 3 ноябрдаги «Жисмоний тарбия ва спорт соҳасида кадрларни тайёрлаш ҳамда илмий тадқиқотлар тизимини янада такомиллаштириш чора-тадбирлари тўғрисида»ги ПҚ-414-сон қарорига мувофиқ, шунингдек, спорт тиббиёти соҳасида кадрлар тайёрлашнинг замонавий усулларини амалиётга жорий этиш орқали спортчиларга юқори сифатли тиббий хизмат кўрсатишни янада такомиллаштириш мақсадида:
1. Қуйидагилар жисмоний тарбия ва спорт соҳаси учун спорт тиббиёти йўналишини ривожлантириш ва кадрлар тайёрлаш тизимини такомиллаштиришнинг асосий йўналишлари этиб белгилансин:
кадрлар тайёрлаш бўйича илғор инновацион, илмий-услубий технологияларни жорий этиш орқали ўқув жараёнларини спорт-таълим муассасалари ва миллий терма жамоалар билан узвий боғлиқ ҳолда ташкил этиш;
спорт тиббиёти йўналишида кадрлар тайёрлашда талабаларнинг амалий машғулот дарслари ҳамда амалиётини Республика спорт тиббиёти илмий-амалий марказида ташкил этиш орқали дуал таълим тизимини ривожлантириш;
хорижий мутахассислар (спорт шифокори, спорт диетологи, спорт физиологи, спорт фармакологи, спорт психологи)ни жалб қилган ҳолда спорт тиббиёти соҳасидаги ходимларнинг малакасини оширишни тизимли йўлга қўйиш;
хорижий давлатларнинг илғор тажрибасини ўрганган ҳолда спорт шифокори ва спорт диетологи мутахассисликлари бўйича кадрлар тайёрлаш тизимини такомиллаштириш бўйича илмий асосланган таклифларни ишлаб чиқиш ва амалиётга татбиқ этиш;
Республика спорт тиббиёти илмий-амалий маркази фаолиятини кенгайтириш ва янада такомиллаштириш орқали спортчиларга тиббий хизмат кўрсатиш инфратузилмасини яхшилаш.
2. Белгилансинки:
а) жисмоний тарбия ва спорт соҳаси учун спорт шифокори ва спорт диетологи мутахассисларини тайёрлаш бўйича Тошкент тиббиёт академияси бош олий таълим муассасаси ҳисобланади;
б) 2024/2025 ўқув йилидан бошлаб:
Тошкент тиббиёт академиясида «Спорт шифокори» ва «Спорт диетологияси (овқатланиш илми)» бўйича магистратура мутахассисликлари жорий этилади;
Тошкент фармацевтика институтида «Экспериментал ва спорт фармакологияси» магистратура мутахассислиги бўйича амалдаги ўқишга қабул қилишнинг давлат буюртмаси параметрлари икки бараварга оширилади.
3. Соғлиқни сақлаш вазирлиги (А. Иноятов), Ёшлар сиёсати ва спорт вазирлиги (А. Икрамов), Олий таълим, фан ва инновациялар вазирлиги (И. Абдурахмонов) ва Тошкент вилояти ҳокимлиги (З. Мирзаев)нинг қуйидаги таклифларига розилик берилсин:
а) Тошкент вилоятида соғлиқни сақлаш соҳаси учун олий маълумотли кадрлар тайёрлаш мақсадида:
Ўзбекистон давлат жисмоний тарбия ва спорт университети ҳузурида ташкил этилган тиббиёт факультетини («Даволаш иши» таълим йўналиши) янада кенгайтириш орқали уни Тошкент тиббиёт академиясининг Чирчиқ филиали (кейинги ўринларда — Филиал)га айлантириш;
Филиалда спорт тиббиёти ва бошқа тиббиёт мутахассисликлари («Даволаш иши», «Фармацевтика», «Педиатрия») бўйича кадрлар тайёрлаш тизимини йўлга қўйиш ҳамда Чирчиқ шаҳридаги барча турдаги тиббиёт муассасаларини Филиалга клиник-ўқув база сифатида бириктириш;
Тошкент вилояти, Чирчиқ шаҳри, Аранча қўрғони, А. Яссавий маҳалласида жойлашган Соғлиқни сақлаш вазирлиги тасарруфидаги собиқ 3-сонли оилавий поликлиника, Чирчиқ шаҳри, А. Темур маҳалласида жойлашган Чирчиқ тиббиёт коллежининг бино-иншоотларини тегишли ҳудуди билан бирга оператив бошқарув ҳуқуқи асосида Филиалга беғараз бериш;
Филиалга ажратилган бино ва иншоотларни заруратга кўра 2024/2025 ўқув йилига қадар Соғлиқни сақлаш вазирлиги ва Тошкент тиббиёт академиясининг бюджетдан ташқари маблағлари ҳисобидан жорий таъмирлаш ва Филиални ушбу объектларга тўлиқ жойлаштириш;
б) Филиалнинг спорт тиббиёти бўйича («Спорт шифокори», «Спорт диетологи» ва «Спорт фармакологи») кадрлар тайёрлашга ихтисослашган факультетини Ўзбекистон давлат жисмоний тарбия ва спорт университети бино-иншоотларининг бир қисмига текин фойдаланиш ҳуқуқи асосида жойлаштириш орқали спорт соҳасида кадрларни комплекс тайёрлаш бўйича «Чирчиқ спорт кластери» намунасини яратиш.
4. Белгилаб қўйилсинки:
Филиалнинг спорт тиббиёти факультетини жойлаштириш учун тегишли бино-иншоотларни ажратиш ва уларни сақлаш харажатлари ҳамда талабаларини ётоқхона билан таъминлаш Ўзбекистон давлат жисмоний тарбия ва спорт университети маблағлари ҳисобидан амалга оширилади;
Филиалга талабаларни қабул қилиш параметрлари Ўзбекистон Республикаси таълим ташкилотларига қабул қилиш бўйича давлат комиссияси томонидан белгиланади.
Бунда, спорт тиббиёти («Спорт шифокори», «Спорт диетологи» ва «Спорт фармакологи») йўналишларига қабул параметрлари Спорт вазирлиги томонидан тақдим этиладиган ҳақиқий эҳтиёждан келиб чиқиб, Соғлиқни сақлаш вазирлиги томонидан шакллантирилади.
5. Иқтисодиёт ва молия вазирлиги (Ш. Кудбиев), Олий таълим, фан ва инновациялар вазирлиги (И. Абдурахмонов), Соғликни сақлаш вазирлиги (А. Иноятов) ва Тошкент вилояти ҳокимлиги (З. Мирзаев) 2024 йилда Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида тиббиёт ва фармацевтика йўналишида кадрлар тайёрлаш бўйича халқаро тажрибадан келиб чиққан ҳолда ўқув-машғулотлар базасини яратиш, жумладан замонавий лаборатория, симуляция ускуналари ва бошқа ускуналарни харид қилиш ва ушбу йўналиш учун Филиалга ажратилган бино-иншоотларни реконструкция қилиш ва капитал таъмирлаш чораларини кўрсин.
6. Ёшлар сиёсати ва спорт вазирлиги (А. Икрамов) Иқтисодиёт ва молия вазирлиги (Ш. Кудбиев), Камбағалликни қисқартириш ва бандлик вазирлиги (Б. Мусаев) билан биргаликда 2024 йил 1 январга қадар давлат спорт-таълим муассасаларининг янгиланган штат меъёрларини тасдиқласин.
Бунда, «Спорт шифокори», «Спорт диетологи» ҳамда «Спорт фармакологи» мутахассислиги бўйича штат бирликларига эҳтиёжи мавжуд бўлган давлат спорт-таълим муассасаларига ушбу штат бирликларини ажратиш назарда тутилсин.
7. Белгилансинки, давлат спорт-таълим муассасаларининг спорт шифокорлари, спорт диетологлари ва спорт фармакологлари Тиббиёт ходимларининг касбий малакасини ривожлантириш марказида белгиланган тартибда бепул малака оширади.
Бунда, ушбу мутахассисларнинг малака ошириши билан боғлиқ амалий дарслар Республика спорт тиббиёти илмий-амалий марказида ташкил этилади.
8. Соғлиқни сақлаш вазирлиги (А. Иноятов), Спорт вазирлиги (А. Икрамов):
маҳаллий ва хорижий мутахассислар (спорт шифокори, спорт диетологи, спорт физиологи, спорт фармакологи, спорт психологи)ни жалб қилган ҳолда доимий равишда спорт тиббиёти соҳасидаги мутахассислар учун ўқув курслари, семинарлар ва маҳорат дарсларини ташкил этиб борсин;
2024/2025 ўқув йилига қадар Олий таълим, фан ва инновациялар вазирлиги (И. Абдурахмонов) билан биргаликда «70910233-Спорт тиббиёти» ҳамда «70910401-Гигиена: нутрициология» мутахассисликлари бўйича малака талаблари, ўқув режалари ва фан дастурларини ишлаб чиқсин ва тасдиқласин.
9. Спорт вазирлиги (А. Икрамов) Мудофаа вазирлиги (Б. Курбанов), Ўзбекистон Миллий олимпия қўмитаси (О. Қосимов), Ўзбекистон Миллий паралимпия қўмитаси (М. Ташходжаев) билан биргаликда:
бир ой муддатда миллий терма жамоа аъзоларига тайёргарлик ва мусобақалардан кейинги даврда юқори малакали махсус тиббий амалиёт ўтказиш хизматларини ташкил этиш бўйича Қуролли Кучлар бош ҳарбий клиник госпитали билан ҳамкорликни йўлга қўйсин;
Қуролли Кучлар бош ҳарбий клиник госпитали орқали спортчиларга юқори малакали махсус тиббий амалиёт ўтказиш билан боғлиқ бўлган харажатлар Давлат бюджети параметрларида спорт соҳасини ривожлантириш дастурлари учун назарда тутилган маблағлар ҳисобидан амалга оширилишини назарда тутсин.
Бунда, Давлат бюджети маблағлари ҳисобидан Қуролли Кучлар бош ҳарбий клиник госпиталида юқори малакали махсус тиббий амалиёт ўтказиладиган спортчилар контингенти Ўзбекистон Миллий олимпия қўмитаси ва Ўзбекистон Миллий паралимпия қўмитаси томонидан Спорт вазирлиги билан келишган ҳолда белгиланади.
10. Спорт вазирлиги, Ўзбекистон Миллий олимпия қўмитаси, Ўзбекистон Миллий паралимпия қўмитаси, Қорақалпоғистон Республикаси Вазирлар Кенгаши, Андижон, Бухоро ва Самарқанд вилояти ҳокимликларининг:
Республика спорт тиббиёти илмий-амалий маркази (кейинги ўринларда — Марказ) фаолиятини янгича тартибда йўлга қўйиш;
2027 йилдан бошлаб Нукус, Андижон, Бухоро ва Самарқанд шаҳарларида Давлат спорт тиббиёти илмий-амалий марказининг минтақавий филиаллари (кейинги ўринларда — минтақавий филиаллар) фаолиятини ташкил қилиш тўғрисидаги таклифлари маъқуллансин.
11. Қуйидагилар спорт тиббиёти илмий-амалий марказлари ва минтақавий филиаллар фаолиятининг устувор йўналишлари этиб белгилансин:
жойларда спортчиларнинг жисмоний ҳолати ва ривожланишини доимий назорат қилиб бориш, улардаги ўткир, сурункали касалликларни барвақт аниқлаш ва даволаш;
спорт-таълим муассасалари, шунингдек, олимпия ва паралимпия спорт турларига тайёрлаш марказларида фаолият олиб бораётган тиббиёт мутахассислари билан яқиндан ҳамкорликни йўлга қўйиш ҳамда уларнинг профессионал фаолиятига кўмаклашиш;
спорт-таълим муассасаларига спорт тиббиёти йўналишида илмий-методик ёрдам кўрсатиш;
спортчиларнинг касаллик ва жароҳатларини даволаш, шунингдек, уларга махсус ҳамда комплекс тезкор тиббий хизматлар кўрсатиш мақсадида тиббий-жисмоний тарбия диспансерлари вазифасини бажариш;
спортчиларнинг касаллик тарихини ўзида акс эттирувчи ягона электрон ахборот тизимини яратиш;
олимпия ва паралимпия спорт турларига тайёрлаш марказлари ҳамда ихтисослаштирилган спорт-таълим муассасаларида тайёрланаётган профессионал спортчиларни бир йилда икки маротаба чуқурлаштирилган тиббий текширувдан ўтказиш ва тиббий мониторинг олиб бориш;
генетик таҳлиллар натижаларидан келиб чиқиб, спортчиларни спорт турларига бириктириш ва селекция тизимини йўлга қўйиш.
12. Минтақавий филиаллар фаолиятини молиялаштириш манбалари этиб қуйидагилар белгилансин:
Қорақалпоғистон Республикаси бюджети ва вилоятлар маҳаллий бюджетлари ҳамда бюджетдан ташқари маблағлари;
тиббий хизматларни кўрсатиш ва бошқа фаолият турларидан олинган даромадлар;
юридик ва жисмоний шахсларнинг ҳомийлик хайриялари;
халқаро ва чет эл ташкилотларининг грантлари;
қонунчилик ҳужжатлари билан тақиқланмаган бошқа манбалар.
Спорт вазири А.И. Икрамовга Олимпия ва Паралимпия, Осиё ва Параосиё ҳамда бошқа нуфузли халқаро спорт мусобақаларига спортчиларни комплекс тайёрлашга ажратилган бюджет маблағларининг бир қисмини спортчиларга чуқурлаштирилган тиббий хизматларни кўрсатиш учун Давлат спорт тиббиёти илмий-амалий маркази ва унинг минтақавий филиалларига ҳамда Марказга мақсадли йўналтириш ҳуқуқи берилсин.
13. Қорақалпоғистон Республикаси Вазирлар Кенгаши, Андижон, Бухоро ва Самарқанд вилоятлари ҳокимликлари 2026 йил якунига қадар:
Спорт вазирлиги билан биргаликда Нукус, Андижон, Бухоро ва Самарқанд шаҳарларидаги давлат мулки бўлган бўш турган биноларни хатловдан ўтказсин ҳамда уларга минтақавий филиалларни текин фойдаланиш ҳуқуқи асосида жойлаштирсин;
минтақавий филиалларнинг фаолиятини йўлга қўйиш учун уларни Спорт вазирлиги томонидан тақдим этиладиган рўйхат бўйича зарур жиҳозлар ҳамда тиббий асбоб-ускуналар билан таъминлаш чораларини кўрсин.
14. Ёшлар сиёсати ва спорт вазирлиги (А. Икрамов) Соғлиқни сақлаш вазирлиги (А. Иноятов) билан биргаликда уч ой муддатда давлат спорт-таълим муассасалари ўқувчилари, миллий терма жамоалар аъзолари ҳамда профессионал футбол ва бошқа спорт клублари спортчиларини жорий ва чуқурлаштирилган тиббий текширувдан ўтказиш тартибини тасдиқласин.
15. Белгилансинки:
Марказ тиббий-биологик ва тиббий-психологик жиҳатдан мусобақаларга тайёрлашни таъминловчи, спорт тиббиёти соҳасидаги ўқув услубий қўлланма ва ўқув дастурларини ишлаб чиқувчи ихтисослаштирилган спорт тиббиёт муассасаси ҳисобланади;
2024/2025 ўқув йилидан бошлаб спорт тиббиёти соҳасидаги ўқув дастурлари ва услубий қўлланмаларни ишлаб чиқиш бевосита Марказ иштирокида амалга оширилади.
16. Иқтисодиёт ва молия вазирлиги Спорт вазирлиги билан биргаликда 2024 йилдан бошлаб ҳар йили спорт-таълим муассасалари харажатларини молиялаштиришда спорт-таълим муассасаларида таҳсил олаётган спортчи-ўқувчиларни чуқурлаштирилган тиббий кўрикдан ўтказиш учун зарур бўладиган маблағларни Давлат бюджети параметрларида назарда тутсин.
17. Ўзбекистон Миллий ахборот агентлиги, Ўзбекистон Миллий телерадиокомпанияси, Ахборот ва оммавий коммуникациялар агентлиги оммавий ахборот воситаларида ушбу қарорнинг мақсад ва вазифалари кенг ёритилишини ташкил этсин.
18. Мазкур қарорнинг ижросини самарали ташкил қилишга масъул ва шахсий жавобгар этиб ёшлар сиёсати ва спорт вазири А.И. Икрамов ҳамда соғлиқни сақлаш вазири А.Ш. Иноятов белгилансин.
Қарор ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президентининг маслаҳатчиси К.К. Куранбаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 28 июль,
ПҚ-244-сон
Oʻzbekiston Respublikasi Prezidentining
Qarori
Jismoniy tarbiya va sport sohasi uchun tibbiyot kadrlarini tayyorlash hamda sportchilarga tibbiy xizmat koʻrsatish tizimini yanada takomillashtirish chora-tadbirlari toʻgʻrisida
Oʻzbekiston Respublikasi Prezidentining 2022-yil 3-noyabrdagi “Jismoniy tarbiya va sport sohasida kadrlarni tayyorlash hamda ilmiy tadqiqotlar tizimini yanada takomillashtirish chora-tadbirlari toʻgʻrisida”gi PQ-414-son qaroriga muvofiq, shuningdek, sport tibbiyoti sohasida kadrlar tayyorlashning zamonaviy usullarini amaliyotga joriy etish orqali sportchilarga yuqori sifatli tibbiy xizmat koʻrsatishni yanada takomillashtirish maqsadida:
1. Quyidagilar jismoniy tarbiya va sport sohasi uchun sport tibbiyoti yoʻnalishini rivojlantirish va kadrlar tayyorlash tizimini takomillashtirishning asosiy yoʻnalishlari etib belgilansin:
kadrlar tayyorlash boʻyicha ilgʻor innovatsion, ilmiy-uslubiy texnologiyalarni joriy etish orqali oʻquv jarayonlarini sport-taʼlim muassasalari va milliy terma jamoalar bilan uzviy bogʻliq holda tashkil etish;
sport tibbiyoti yoʻnalishida kadrlar tayyorlashda talabalarning amaliy mashgʻulot darslari hamda amaliyotini Respublika sport tibbiyoti ilmiy-amaliy markazida tashkil etish orqali dual taʼlim tizimini rivojlantirish;
xorijiy mutaxassislar (sport shifokori, sport diyetologi, sport fiziologi, sport farmakologi, sport psixologi)ni jalb qilgan holda sport tibbiyoti sohasidagi xodimlarning malakasini oshirishni tizimli yoʻlga qoʻyish;
xorijiy davlatlarning ilgʻor tajribasini oʻrgangan holda sport shifokori va sport diyetologi mutaxassisliklari boʻyicha kadrlar tayyorlash tizimini takomillashtirish boʻyicha ilmiy asoslangan takliflarni ishlab chiqish va amaliyotga tatbiq etish;
Respublika sport tibbiyoti ilmiy-amaliy markazi faoliyatini kengaytirish va yanada takomillashtirish orqali sportchilarga tibbiy xizmat koʻrsatish infratuzilmasini yaxshilash.
2. Belgilansinki:
a) jismoniy tarbiya va sport sohasi uchun sport shifokori va sport diyetologi mutaxassislarini tayyorlash boʻyicha Toshkent tibbiyot akademiyasi bosh oliy taʼlim muassasasi hisoblanadi;
b) 2024/2025 oʻquv yilidan boshlab:
Toshkent tibbiyot akademiyasida “Sport shifokori” va “Sport diyetologiyasi (ovqatlanish ilmi)” boʻyicha magistratura mutaxassisliklari joriy etiladi;
Toshkent farmatsevtika institutida “Eksperimental va sport farmakologiyasi” magistratura mutaxassisligi boʻyicha amaldagi oʻqishga qabul qilishning davlat buyurtmasi parametrlari ikki baravarga oshiriladi.
3. Sogʻliqni saqlash vazirligi (A. Inoyatov), Yoshlar siyosati va sport vazirligi (A. Ikramov), Oliy taʼlim, fan va innovatsiyalar vazirligi (I. Abduraxmonov) va Toshkent viloyati hokimligi (Z. Mirzayev)ning quyidagi takliflariga rozilik berilsin:
a) Toshkent viloyatida sogʻliqni saqlash sohasi uchun oliy maʼlumotli kadrlar tayyorlash maqsadida:
Oʻzbekiston davlat jismoniy tarbiya va sport universiteti huzurida tashkil etilgan tibbiyot fakultetini (“Davolash ishi” taʼlim yoʻnalishi) yanada kengaytirish orqali uni Toshkent tibbiyot akademiyasining Chirchiq filiali (keyingi oʻrinlarda — Filial)ga aylantirish;
Filialda sport tibbiyoti va boshqa tibbiyot mutaxassisliklari (“Davolash ishi”, “Farmatsevtika”, “Pediatriya”) boʻyicha kadrlar tayyorlash tizimini yoʻlga qoʻyish hamda Chirchiq shahridagi barcha turdagi tibbiyot muassasalarini Filialga klinik-oʻquv baza sifatida biriktirish;
Toshkent viloyati, Chirchiq shahri, Arancha qoʻrgʻoni, A. Yassaviy mahallasida joylashgan Sogʻliqni saqlash vazirligi tasarrufidagi sobiq 3-sonli oilaviy poliklinika, Chirchiq shahri, A. Temur mahallasida joylashgan Chirchiq tibbiyot kollejining bino-inshootlarini tegishli hududi bilan birga operativ boshqaruv huquqi asosida Filialga begʻaraz berish;
Filialga ajratilgan bino va inshootlarni zaruratga koʻra 2024/2025 oʻquv yiliga qadar Sogʻliqni saqlash vazirligi va Toshkent tibbiyot akademiyasining budjetdan tashqari mablagʻlari hisobidan joriy taʼmirlash va Filialni ushbu obyektlarga toʻliq joylashtirish;
b) Filialning sport tibbiyoti boʻyicha (“Sport shifokori”, “Sport diyetologi” va “Sport farmakologi”) kadrlar tayyorlashga ixtisoslashgan fakultetini Oʻzbekiston davlat jismoniy tarbiya va sport universiteti bino-inshootlarining bir qismiga tekin foydalanish huquqi asosida joylashtirish orqali sport sohasida kadrlarni kompleks tayyorlash boʻyicha “Chirchiq sport klasteri” namunasini yaratish.
4. Belgilab qoʻyilsinki:
Filialning sport tibbiyoti fakultetini joylashtirish uchun tegishli bino-inshootlarni ajratish va ularni saqlash xarajatlari hamda talabalarini yotoqxona bilan taʼminlash Oʻzbekiston davlat jismoniy tarbiya va sport universiteti mablagʻlari hisobidan amalga oshiriladi;
Filialga talabalarni qabul qilish parametrlari Oʻzbekiston Respublikasi taʼlim tashkilotlariga qabul qilish boʻyicha davlat komissiyasi tomonidan belgilanadi.
Bunda, sport tibbiyoti (“Sport shifokori”, “Sport diyetologi” va “Sport farmakologi”) yoʻnalishlariga qabul parametrlari Sport vazirligi tomonidan taqdim etiladigan haqiqiy ehtiyojdan kelib chiqib, Sogʻliqni saqlash vazirligi tomonidan shakllantiriladi.
5. Iqtisodiyot va moliya vazirligi (Sh. Kudbiyev), Oliy taʼlim, fan va innovatsiyalar vazirligi (I. Abduraxmonov), Sogʻlikni saqlash vazirligi (A. Inoyatov) va Toshkent viloyati hokimligi (Z. Mirzayev) 2024-yilda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida tibbiyot va farmatsevtika yoʻnalishida kadrlar tayyorlash boʻyicha xalqaro tajribadan kelib chiqqan holda oʻquv-mashgʻulotlar bazasini yaratish, jumladan zamonaviy laboratoriya, simulyatsiya uskunalari va boshqa uskunalarni xarid qilish va ushbu yoʻnalish uchun Filialga ajratilgan bino-inshootlarni rekonstruksiya qilish va kapital taʼmirlash choralarini koʻrsin.
6. Yoshlar siyosati va sport vazirligi (A. Ikramov) Iqtisodiyot va moliya vazirligi (Sh. Kudbiyev), Kambagʻallikni qisqartirish va bandlik vazirligi (B. Musayev) bilan birgalikda 2024-yil 1-yanvarga qadar davlat sport-taʼlim muassasalarining yangilangan shtat meʼyorlarini tasdiqlasin.
Bunda, “Sport shifokori”, “Sport diyetologi” hamda “Sport farmakologi” mutaxassisligi boʻyicha shtat birliklariga ehtiyoji mavjud boʻlgan davlat sport-taʼlim muassasalariga ushbu shtat birliklarini ajratish nazarda tutilsin.
7. Belgilansinki, davlat sport-taʼlim muassasalarining sport shifokorlari, sport diyetologlari va sport farmakologlari Tibbiyot xodimlarining kasbiy malakasini rivojlantirish markazida belgilangan tartibda bepul malaka oshiradi.
Bunda, ushbu mutaxassislarning malaka oshirishi bilan bogʻliq amaliy darslar Respublika sport tibbiyoti ilmiy-amaliy markazida tashkil etiladi.
8. Sogʻliqni saqlash vazirligi (A. Inoyatov), Sport vazirligi (A. Ikramov):
mahalliy va xorijiy mutaxassislar (sport shifokori, sport diyetologi, sport fiziologi, sport farmakologi, sport psixologi)ni jalb qilgan holda doimiy ravishda sport tibbiyoti sohasidagi mutaxassislar uchun oʻquv kurslari, seminarlar va mahorat darslarini tashkil etib borsin;
2024/2025 oʻquv yiliga qadar Oliy taʼlim, fan va innovatsiyalar vazirligi (I. Abduraxmonov) bilan birgalikda “70910233-Sport tibbiyoti” hamda “70910401-Gigiyena: nutritsiologiya” mutaxassisliklari boʻyicha malaka talablari, oʻquv rejalari va fan dasturlarini ishlab chiqsin va tasdiqlasin.
9. Sport vazirligi (A. Ikramov) Mudofaa vazirligi (B. Kurbanov), Oʻzbekiston Milliy olimpiya qoʻmitasi (O. Qosimov), Oʻzbekiston Milliy paralimpiya qoʻmitasi (M. Tashxodjayev) bilan birgalikda:
bir oy muddatda milliy terma jamoa aʼzolariga tayyorgarlik va musobaqalardan keyingi davrda yuqori malakali maxsus tibbiy amaliyot oʻtkazish xizmatlarini tashkil etish boʻyicha Qurolli Kuchlar bosh harbiy klinik gospitali bilan hamkorlikni yoʻlga qoʻysin;
Qurolli Kuchlar bosh harbiy klinik gospitali orqali sportchilarga yuqori malakali maxsus tibbiy amaliyot oʻtkazish bilan bogʻliq boʻlgan xarajatlar Davlat budjeti parametrlarida sport sohasini rivojlantirish dasturlari uchun nazarda tutilgan mablagʻlar hisobidan amalga oshirilishini nazarda tutsin.
Bunda, Davlat budjeti mablagʻlari hisobidan Qurolli Kuchlar bosh harbiy klinik gospitalida yuqori malakali maxsus tibbiy amaliyot oʻtkaziladigan sportchilar kontingenti Oʻzbekiston Milliy olimpiya qoʻmitasi va Oʻzbekiston Milliy paralimpiya qoʻmitasi tomonidan Sport vazirligi bilan kelishgan holda belgilanadi.
10. Sport vazirligi, Oʻzbekiston Milliy olimpiya qoʻmitasi, Oʻzbekiston Milliy paralimpiya qoʻmitasi, Qoraqalpogʻiston Respublikasi Vazirlar Kengashi, Andijon, Buxoro va Samarqand viloyati hokimliklarining:
Respublika sport tibbiyoti ilmiy-amaliy markazi (keyingi oʻrinlarda — Markaz) faoliyatini yangicha tartibda yoʻlga qoʻyish;
2027-yildan boshlab Nukus, Andijon, Buxoro va Samarqand shaharlarida Davlat sport tibbiyoti ilmiy-amaliy markazining mintaqaviy filiallari (keyingi oʻrinlarda — mintaqaviy filiallar) faoliyatini tashkil qilish toʻgʻrisidagi takliflari maʼqullansin.
11. Quyidagilar sport tibbiyoti ilmiy-amaliy markazlari va mintaqaviy filiallar faoliyatining ustuvor yoʻnalishlari etib belgilansin:
joylarda sportchilarning jismoniy holati va rivojlanishini doimiy nazorat qilib borish, ulardagi oʻtkir, surunkali kasalliklarni barvaqt aniqlash va davolash;
sport-taʼlim muassasalari, shuningdek, olimpiya va paralimpiya sport turlariga tayyorlash markazlarida faoliyat olib borayotgan tibbiyot mutaxassislari bilan yaqindan hamkorlikni yoʻlga qoʻyish hamda ularning professional faoliyatiga koʻmaklashish;
sport-taʼlim muassasalariga sport tibbiyoti yoʻnalishida ilmiy-metodik yordam koʻrsatish;
sportchilarning kasallik va jarohatlarini davolash, shuningdek, ularga maxsus hamda kompleks tezkor tibbiy xizmatlar koʻrsatish maqsadida tibbiy-jismoniy tarbiya dispanserlari vazifasini bajarish;
sportchilarning kasallik tarixini oʻzida aks ettiruvchi yagona elektron axborot tizimini yaratish;
olimpiya va paralimpiya sport turlariga tayyorlash markazlari hamda ixtisoslashtirilgan sport-taʼlim muassasalarida tayyorlanayotgan professional sportchilarni bir yilda ikki marotaba chuqurlashtirilgan tibbiy tekshiruvdan oʻtkazish va tibbiy monitoring olib borish;
genetik tahlillar natijalaridan kelib chiqib, sportchilarni sport turlariga biriktirish va seleksiya tizimini yoʻlga qoʻyish.
12. Mintaqaviy filiallar faoliyatini moliyalashtirish manbalari etib quyidagilar belgilansin:
Qoraqalpogʻiston Respublikasi budjeti va viloyatlar mahalliy budjetlari hamda budjetdan tashqari mablagʻlari;
tibbiy xizmatlarni koʻrsatish va boshqa faoliyat turlaridan olingan daromadlar;
yuridik va jismoniy shaxslarning homiylik xayriyalari;
xalqaro va chet el tashkilotlarining grantlari;
qonunchilik hujjatlari bilan taqiqlanmagan boshqa manbalar.
Sport vaziri A.I. Ikramovga Olimpiya va Paralimpiya, Osiyo va Paraosiyo hamda boshqa nufuzli xalqaro sport musobaqalariga sportchilarni kompleks tayyorlashga ajratilgan budjet mablagʻlarining bir qismini sportchilarga chuqurlashtirilgan tibbiy xizmatlarni koʻrsatish uchun Davlat sport tibbiyoti ilmiy-amaliy markazi va uning mintaqaviy filiallariga hamda Markazga maqsadli yoʻnaltirish huquqi berilsin.
13. Qoraqalpogʻiston Respublikasi Vazirlar Kengashi, Andijon, Buxoro va Samarqand viloyatlari hokimliklari 2026-yil yakuniga qadar:
Sport vazirligi bilan birgalikda Nukus, Andijon, Buxoro va Samarqand shaharlaridagi davlat mulki boʻlgan boʻsh turgan binolarni xatlovdan oʻtkazsin hamda ularga mintaqaviy filiallarni tekin foydalanish huquqi asosida joylashtirsin;
mintaqaviy filiallarning faoliyatini yoʻlga qoʻyish uchun ularni Sport vazirligi tomonidan taqdim etiladigan roʻyxat boʻyicha zarur jihozlar hamda tibbiy asbob-uskunalar bilan taʼminlash choralarini koʻrsin.
14. Yoshlar siyosati va sport vazirligi (A. Ikramov) Sogʻliqni saqlash vazirligi (A. Inoyatov) bilan birgalikda uch oy muddatda davlat sport-taʼlim muassasalari oʻquvchilari, milliy terma jamoalar aʼzolari hamda professional futbol va boshqa sport klublari sportchilarini joriy va chuqurlashtirilgan tibbiy tekshiruvdan oʻtkazish tartibini tasdiqlasin.
15. Belgilansinki:
Markaz tibbiy-biologik va tibbiy-psixologik jihatdan musobaqalarga tayyorlashni taʼminlovchi, sport tibbiyoti sohasidagi oʻquv uslubiy qoʻllanma va oʻquv dasturlarini ishlab chiquvchi ixtisoslashtirilgan sport tibbiyot muassasasi hisoblanadi;
2024/2025 oʻquv yilidan boshlab sport tibbiyoti sohasidagi oʻquv dasturlari va uslubiy qoʻllanmalarni ishlab chiqish bevosita Markaz ishtirokida amalga oshiriladi.
16. Iqtisodiyot va moliya vazirligi Sport vazirligi bilan birgalikda 2024-yildan boshlab har yili sport-taʼlim muassasalari xarajatlarini moliyalashtirishda sport-taʼlim muassasalarida tahsil olayotgan sportchi-oʻquvchilarni chuqurlashtirilgan tibbiy koʻrikdan oʻtkazish uchun zarur boʻladigan mablagʻlarni Davlat budjeti parametrlarida nazarda tutsin.
17. Oʻzbekiston Milliy axborot agentligi, Oʻzbekiston Milliy teleradiokompaniyasi, Axborot va ommaviy kommunikatsiyalar agentligi ommaviy axborot vositalarida ushbu qarorning maqsad va vazifalari keng yoritilishini tashkil etsin.
18. Mazkur qarorning ijrosini samarali tashkil qilishga masʼul va shaxsiy javobgar etib yoshlar siyosati va sport vaziri A.I. Ikramov hamda sogʻliqni saqlash vaziri A.Sh. Inoyatov belgilansin.
Qaror ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidentining maslahatchisi K.K. Kuranbayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 28-iyul,
PQ-244-son
Президента Республики Узбекистан
Постановление
О мерах по подготовке медицинских кадров для сферы физической культуры и спорта, а также дальнейшему совершенствованию системы медицинского обслуживания спортсменов
В соответствии с постановлением Президента Республики Узбекистан от 3 ноября 2022 года № ПП-414 «О мерах по дальнейшему совершенствованию системы подготовки кадров и научных исследований в сфере физической культуры и спорта», а также в целях дальнейшего совершенствования оказания высококачественных медицинских услуг спортсменам путем внедрения в практику современных методов подготовки кадров в сфере спортивной медицины:
1. Определить основными направлениями развития спортивной медицины и совершенствования системы подготовки кадров для сферы физической культуры и спорта:
организацию учебного процесса в неразрывной связи со спортивно-образовательными учреждениями и национальными сборными командами путем внедрения передовых инновационных, научно-методических технологий подготовки кадров;
развитие системы дуального образования в подготовке кадров для направления спортивной медицины путем организации практических занятий и практики студентов в Республиканском научно-практическом центре спортивной медицины;
налаживание системного повышения квалификации работников в сфере спортивной медицины с привлечением зарубежных специалистов (спортивных врачей, спортивных диетологов, спортивных физиологов, спортивных фармакологов, спортивных психологов);
разработку и внедрение в практику научно обоснованных предложений о совершенствовании системы подготовки кадров по специальностям «спортивный врач» и «спортивный диетолог» с изучением передового опыта зарубежных государств;
улучшение инфраструктуры медицинского обслуживания спортсменов путем расширения и дальнейшего совершенствования деятельности Республиканского научно-практического центра спортивной медицины.
2. Установить, что:
а) Ташкентская медицинская академия является головным высшим образовательным учреждением по подготовке спортивных врачей и спортивных диетологов для сферы физической культуры и спорта;
б) начиная с 2024/2025 учебного года:
в Ташкентской медицинской академии открываются специальности магистратуры «Спортивный врач» и «Спортивная диетология (наука о питании)»;
в Ташкентском фармацевтическом институте действующие параметры государственного заказа приема на учебу по специальности магистратуры «Экспериментальная и спортивная фармакология» увеличиваются в два раза.
3. Согласиться с предложениями Министерства здравоохранения (А. Иноятов), Министерства молодежной политики и спорта (А. Икрамов), Министерства высшего образования, науки и инноваций (И. Абдурахмонов) и хокимията Ташкентской области (З. Мирзаев), предусматривающими:
а) в целях подготовки кадров с высшим образованием для сферы здравоохранения в Ташкентской области:
преобразование медицинского факультета (направление образования «Лечебное дело»), созданного при Узбекском государственном университете физической культуры и спорта, в Чирчикский филиал Ташкентской медицинской академии (далее – Филиал) с дальнейшим его расширением;
создание системы подготовки кадров по спортивной медицине и другим медицинским специальностям («Лечебное дело», «Фармацевтика», «Педиатрия») и закрепление за Филиалом всех видов медицинских учреждений города Чирчика в качестве клинической учебной базы;
безвозмездную передачу Филиалу на основе права оперативного управления бывшей семейной поликлиники № 3, подведомственной Министерству здравоохранения, расположенной по адресу Ташкентская область, город Чирчик, поселок Аранча, махалля А. Яссави, а также зданий и сооружений Чирчикского медицинского колледжа, расположенных по адресу город Чирчик, махалля А. Темура вместе с прилегающей территорией;
проведение при необходимости текущего ремонта зданий и сооружений, выделенных Филиалу, до начала 2024/2025 учебного года за счет внебюджетных средств Министерства здравоохранения и Ташкентской медицинской академии, а также полное размещение Филиала на данных объектах;
б) создание в качестве образца Чирчикского спортивного кластера по комплексной подготовке кадров в сфере спорта путем размещения факультета Филиала, специализированного на подготовке кадров в сфере спортивной медицины («Спортивный врач», «Спортивный диетолог» и «Спортивный фармаколог»), в части зданий и сооружений Узбекского государственного университета физической культуры и спорта на основе права безвозмездного пользования.
4. Определить, что:
расходы на выделение для размещения факультета спортивной медицины Филиала и содержание соответствующих зданий и сооружений, а также обеспечение общежитием студентов производятся за счет средств Узбекского государственного университета физической культуры и спорта;
параметры приема студентов в Филиал устанавливаются Государственной комиссией по приему в образовательные организации Республики Узбекистан.
При этом параметры приема по направлениям спортивной медицины («Спортивный врач», «Спортивный диетолог» и «Спортивный фармаколог») формируются Министерством здравоохранения исходя из фактической потребности, предоставляемой Министерством спорта.
5. Министерству экономики и финансов (Ш. Кудбиев), Министерству высшего образования, науки и инноваций (И. Абдурахмонов), Министерству здравоохранения (А. Иноятов) и хокимияту Ташкентской области (З. Мирзаев) в рамках Программы развития социальной и производственной инфраструктуры Республики Узбекистан на 2024 год и исходя из международного опыта подготовки кадров в сфере медицины и фармацевтики принять меры по созданию учебно-тренировочной базы, в том числе закупке современного лабораторного, симуляционного и иного оборудования, а также реконструкции и капитальному ремонту зданий и сооружений, выделенных Филиалу для данного направления.
6. Министерству молодежной политики и спорта (А. Икрамов) совместно с Министерством экономики и финансов (Ш. Кудбиев) и Министерством занятости и сокращения бедности (Б. Мусаев) в срок до 1 января 2024 года утвердить обновленные штатные нормативы государственных спортивно-образовательных учреждений.
При этом предусмотреть выделение штатных единиц специалистов «Спортивный врач», «Спортивный диетолог» и «Спортивный фармаколог» государственным спортивно-образовательным учреждениям, имеющим потребность в них.
7. Установить, что спортивные врачи, спортивные диетологи и спортивные фармакологи государственных спортивно-образовательных учреждений повышают квалификацию в Центре развития профессиональной квалификации медицинских работников в установленном порядке на безвозмездной основе.
При этом практические занятия, связанные с повышением квалификации данных специалистов, проводятся в Республиканском научно-практическом центре спортивной медицины.
8. Министерству здравоохранения (А. Иноятов) и Министерству спорта (А. Икрамов):
привлекать отечественных и зарубежных специалистов (спортивных врачей, спортивных диетологов, спортивных физиологов, спортивных фармакологов, спортивных психологов) и организовывать учебные курсы, семинары и мастер-классы для специалистов сферы спортивной медицины на постоянной основе;
совместно с Министерством высшего образования, науки и инноваций (И. Абдурахмонов) до начала 2024/2025 учебного года разработать и утвердить квалификационные требования, учебные планы и программы дисциплин специальностей «70910233-Спортивная медицина» и «70910401-Гигиена: нутрициология».
9. Министерству спорта (А. Икрамов) совместно с Министерством обороны (Б. Курбанов), Национальным олимпийским комитетом Узбекистана (О. Косимов) и Национальным паралимпийским комитетом Узбекистана (М. Ташходжаев):
в месячный срок наладить сотрудничество с Главным военным клиническим госпиталем Вооруженных Сил по организации проведения высококвалифицированных специальных медицинских процедур членам национальных сборных команд в период подготовки и после соревнований;
предусмотреть осуществление расходов, связанных с проведением в Главном военном клиническом госпитале Вооруженных сил высококвалифицированных специальных медицинских процедур спортсменам, за счет средств, предусмотренных для программ развития сферы спорта в параметрах Государственного бюджета.
При этом контингент спортсменов, которым за счет средств Государственного бюджета проводятся высококвалифицированные специальные медицинские процедуры в Главном военном клиническом госпитале Вооруженных Сил, определяется Национальным олимпийским комитетом Узбекистана и Национальным паралимпийским комитетом Узбекистана по согласованию с Министерством спорта.
10. Одобрить предложения Министерства спорта, Национального олимпийского комитета Узбекистана, Совета Министров Республики Каракалпакстан, а также хокимиятов Андижанской, Бухарской и Самаркандской областей:
об организации деятельности Республиканского научно-практического центра спортивной медицины (далее — Центр) в новом порядке;
об организации с 2027 года деятельности региональных филиалов Государственного научно-практического центра спортивной медицины (далее — региональные филиалы) в городах Нукус, Андижан, Бухара и Самарканд.
11. Определить приоритетными направлениями деятельности научно-практических центров спортивной медицины и региональных филиалов:
осуществление постоянного контроля за физическим состоянием и развитием спортсменов на местах, а также раннее выявление и лечение у них острых и хронических заболеваний;
установление тесного сотрудничества с медицинскими специалистами, осуществляющими деятельность в спортивно-образовательных учреждениях, центрах подготовки по олимпийским и паралимпийским видам спорта, а также содействие их профессиональной деятельности;
оказание научно-методической поддержки спортивно-образовательным учреждениям в сфере спортивной медицины;
осуществление функций врачебно-физкультурных диспансеров в целях лечения болезней и травм у спортсменов, а также оказания им специальных и комплексных экстренных медицинских услуг;
создание единой электронной информационной системы, отображающей историю болезни спортсменов;
проведение два раза в год углубленного медицинского освидетельствования и ведение медицинского мониторинга профессиональных спортсменов, занимающихся в центрах подготовки по олимпийским и паралимпийским видам спорта и специализированных спортивно-образовательных учреждениях;
привлечение спортсменов к видам спорта исходя из результатов генетических анализов, а также налаживание системы селекции.
12. Определить источниками финансирования деятельности региональных филиалов:
бюджет Республики Каракалпакстан, местные бюджеты областей и их внебюджетные средства;
доходы от оказания медицинских услуг и других видов деятельности;
благотворительные пожертвования юридических и физических лиц;
гранты международных и зарубежных организаций;
иные источники, не запрещенные актами законодательства.
Предоставить министру спорта А.И. Икрамову право на целевое направление части бюджетных средств, выделяемых на комплексную подготовку спортсменов к Олимпийским и Паралимпийским, Азиатским и Параазиатским и другим престижным международным спортивным соревнованиям, в Государственный научно-практический центр спортивной медицины и его региональные филиалы, а также в Центр для оказания спортсменам углубленных медицинских услуг.
13. Совету Министров Республики Каракалпакстан, хокимиятам Андижанской, Бухарской и Самаркандской областей до конца 2026 года:
совместно с Министерством спорта провести инвентаризацию пустующих зданий, находящихся в государственной собственности, в городах Нукус, Андижан, Бухара и Самарканд, и разместить в них региональные филиалы на основе права безвозмездного пользования;
принять меры по обеспечению региональных филиалов необходимым инвентарем и медицинским оборудованием для налаживания их деятельности по перечню, представляемому Министерством спорта.
14. Министерству молодежной политики и спорта (А. Икрамов) совместно с Министерством здравоохранения (А. Иноятов) в трехмесячный срок утвердить порядок проведения текущего и углубленного медицинского освидетельствования учащихся государственных спортивно-образовательных учреждений, членов национальных сборных команд, спортсменов профессиональных футбольных и иных спортивных клубов.
15. Определить, что:
Центр является специализированным спортивным медицинским учреждением, обеспечивающим медико-биологическую и медико-психологическую подготовку к соревнованиям, разрабатывающим учебно-методические пособия и учебные программы в сфере спортивной медицины;
начиная с 2024/2025 учебного года разработка учебных программ и методических пособий в сфере спортивной медицины осуществляется при непосредственном участии Центра.
16. Министерству экономики и финансов совместно с Министерством спорта ежегодно начиная с 2024 года при финансировании расходов спортивно-образовательных учреждений предусматривать в параметрах Государственного бюджета средства, необходимые для углубленного медицинского освидетельствования спортсменов, обучающихся в спортивно-образовательных учреждениях.
17. Национальному информационному агентству Узбекистана, Национальной телерадиокомпании Узбекистана, Агентству информации и массовых коммуникаций организовать широкое освещение в средствах массовой информации целей и задач настоящего постановления.
18. Возложить на министра молодежной политики и спорта А.И. Икрамова и министра здравоохранения А.Ш. Иноятова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью организаций, ответственных за его выполнение, возложить на Премьер-министра Республики Узбекистан А.Н. Арипова и советника Президента Республики Узбекистан К.К. Куранбаева.
Президент Республики Узбекистан Ш. МИРЗИЁЕВ
г. Ташкент,
28 июля 2023 г.,
№ ПП-244