📅 2023-yil 28-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 28 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 июля 2023 г. · Постановления Президента
Официальный текст. Официальный документ. Редакционные примечания не включены.
📅 28 July 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Маҳаллаларда спорт инфратузилмасини ривожлантириш ва спорт майдончаларидан самарали фойдаланишни ташкил этиш чора-тадбирлари тўғрисида
Маҳаллаларда спорт инфратузилмасини ривожлантириш, спорт майдончалари тозалигини сақлаш ва атрофини ободонлаштириш бўйича ишларни тизимли йўлга қўйиш мақсадида, шунингдек, Ўзбекистон Республикаси Президентининг 2021 йил 5 ноябрдаги « Юриш, югуриш, мини-футбол, бадминтон, стритбол ва «Workоut» спорт турларини янада ривожлантириш чора-тадбирлари тўғрисида »ги ПҚ-5282-сон ҳамда 2022 йил 11 апрелдаги « Маҳаллаларда ёшларни оммавий спортга жалб қилишни янги босқичга олиб чиқиш чора-тадбирлари тўғрисида »ги ПҚ-201-сон қарорларига мувофиқ:
1. Ўзбекистон Республикаси Президентининг 2022 йил 11 апрелдаги ПҚ-201-сон қарори билан тасдиқланган Маҳаллаларда ёшлар ўртасида оммавий спортни янада ривожлантириш бўйича чора-тадбирлар дастурининг 5-бандида «Беш ташаббус олимпиадаси» доирасидаги ғолиб ва совриндор бўлган ҳамда ҳудудида спорт инфратузилмаси мавжуд бўлмаган маҳалла терма жамоалари учун универсал, стритбол ва воркаут спорт майдончаларини (кейинги ўринларда — спорт майдончалари) қуриш белгиланганлиги маълумот учун қабул қилинсин.
2. «Беш ташаббус олимпиадаси» доирасида ғолиб ва совриндор бўлган ҳамда ҳудудида спорт инфратузилмаси мавжуд бўлмаган маҳалла терма жамоалари учун 5 000 та спорт майдончаларини 2030 йилга қадар ташкил қилишнинг умумий параметрлари иловага мувофиқ тасдиқлансин.
Иқтисодиёт ва молия вазирлиги (Ш. Кудбиев) 2024 йилдан бошлаб ҳар йили спорт майдончаларини ташкил қилиш учун қўшимча талаб этиладиган маблағларнинг Давлат бюджети параметрларида назарда тутилишини таъминласин.
3. Белгилансинки:
а) спорт майдончаларини қуриш «Беш ташаббус олимпиадаси» доирасидаги спорт мусобақаларининг республика босқичида ғолиб ва совриндор бўлган ҳамда ҳудудида спорт инфратузилмаси мавжуд бўлмаган маҳаллаларда (кейинги ўринларда — спорт инфратузилмаси мавжуд бўлмаган маҳаллалар) амалга оширилади;
б) Сурхондарё вилоятида спорт иншоотларини давлат-хусусий шериклик шартларида барпо этиш лойиҳалари тадбиркорлик субъектининг тўлиқ ўз маблағлари ҳисобидан молиялаштирилган ҳолларда қурилган бино ва иншоотларнинг (бундан ер майдони, бино ва иншоотларнинг умумий фойдаланишга мўлжалланган коммуникация тармоқлари эгаллаган қисми мустасно) 20 фоизидан ошмаган қисми қонунчиликда тақиқланмаган тадбиркорлик фаолияти билан шуғулланиш учун маҳаллий хусусий шерикка мулк ҳуқуқи асосида ўтказилади;
в) спорт майдончаларини қуриш ишларини амалга ошириш доирасида:
Ички ишлар вазирлиги ҳузуридаги Жазони ижро этиш департаменти — буюртмачи;
Ички ишлар вазирлиги ҳузуридаги Жазони ижро этиш департаменти 13-сон Жазони ижро этиш муассасаси — бош пудратчи ҳисобланади.
Бунда, ушбу бандда назарда тутилган тадбирларни молиялаштириш билан боғлиқ харажатлар Спорт вазирлиги маблағлари ҳисобидан амалга оширилади.
4. Шундай тартиб ўрнатилсинки, унга мувофиқ:
а) Спорт вазирлиги:
спорт инфратузилмаси мавжуд бўлмаган ҳамда «Беш ташаббус олимпиадаси» доирасида ғолиб бўлган маҳаллаларни аниқлайди ва уларнинг рўйхатини Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларига спорт майдончаларини қуриш мақсадида тегишли ер участкасини белгиланган тартибда ажратиш учун тақдим этади;
спорт майдончалари қурилиши лозим бўлган маҳаллаларнинг манзилли рўйхатини буюртмачига юборади;
тасдиқланган манзилли дастурга асосан Спорт вазирлиги томонидан буюртмачига буюртма қилинган спорт майдончалари учун маблағ ажратилишини таъминлайди.
Бунда Спорт вазирлиги томонидан буюртмачига буюртма қилинган спорт майдончалари қийматига тенг маблағ тўлиқ ўтказиб берилади. Буюртмачи томонидан тизимидаги ташкилотларга ишлаб чиқариладиган инвентарлар учун 100 фоиз маблағлар олдиндан тўлаб берилади;
б) буюртмачи:
спорт майдончаларининг намунавий лойиҳасини Спорт вазирлиги билан келишади, лойиҳа-смета ҳужжатларини ишлаб чиқади ҳамда уларнинг тегишли экспертизадан ўтказилишини таъминлайди;
Спорт вазирлиги томонидан тақдим этилган рўйхат асосида молиялаштириш ҳажмларини кўрсатган ҳолда манзилли дастурни ишлаб чиқади ва вазирлик билан келишилган ҳолда уни тасдиқлайди;
бош пудратчи билан пудрат шартномасини тузади ҳамда спорт майдончаларини қуриш ишларини амалга оширади;
Спорт вазирлиги ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда қуриб битказилган спорт майдончаларини қабул қилиш бўйича ҳудудий қабул қилиш комиссияларига (кейинги ўринларда — ҳудудий қабул комиссиялари) белгиланган тартибда топширилишини таъминлайди;
в) Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
Спорт вазирлиги томонидан тасдиқланган рўйхатга асосан спорт майдончаларини қуриш учун бир ой муддатда белгиланган тартибда ер участкалари ажратилишини таъминлайди;
қурилган спорт майдончалари тегишли ҳудудий қабул комиссиялари томонидан белгиланган тартибда қабул қилиб олинишини таъминлайди;
спорт майдончалари бўйича давлат кўчмас мулк объектларига бўлган ҳуқуқларни давлат рўйхатидан ўтказади ҳамда улардан самарали фойдаланилишини назорат қилади.
Бунда ер участкаларини ажратиш ҳамда спорт майдончалари бўйича давлат кўчмас мулк объектларига бўлган ҳуқуқларни давлат рўйхатидан ўтказиш билан боғлиқ харажатлар тегишли маҳаллий бюджетлар ҳисобидан қопланади.
5. Ўзбекистон Республикаси Президентининг 2021 йил 5 ноябрдаги «Юриш, югуриш, мини-футбол, бадминтон, стритбол ва «Workоut» спорт турларини янада ривожлантириш чора-тадбирлари тўғрисида»ги ПҚ-5282-сон қарори билан:
2021 — 2025 йилларда ҳудудларда бадминтон, стритбол ва «Workоut» спорт турлари учун 1 164 та спорт майдончаларини ташкил этиш параметрлари тасдиқланганлиги;
ушбу параметрлар доирасида 2023 йилда жами 255 та спорт майдончалари қурилиши назарда тутилганлиги;
2021 йилдан бошлаб Давлат бюджетидан мазкур қарор билан тасдиқланган дастур ва параметрлар тўлиқ бажарилгунга қадар ҳар йили 104 миллиард сўмдан маблағлар ажратилиши белгиланганлиги маълумот учун қабул қилинсин.
6. Белгилансинки, 2023 йил 1 августдан бошлаб Ўзбекистон Республикаси Президентининг 2021 йил 5 ноябрдаги «Юриш, югуриш, мини-футбол, бадминтон, стритбол ва «Workоut» спорт турларини янада ривожлантириш чора-тадбирлари тўғрисида»ги ПҚ-5282-сон қарори доирасида:
Спорт вазирлиги томонидан заруратга кўра ҳудудида спорт майдончалари барпо этиладиган маҳаллалар рўйхати Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларига тақдим этилади;
Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари бир ой муддатда рўйхатдаги маҳаллаларда спорт майдончаларини барпо этиш учун белгиланган тартибда тегишли ер участкаларини ажратиш бўйича қарорлар қабул қилади ва бу ҳақда Спорт вазирлигини хабардор қилади;
буюртмачи ташкилот томонидан тасдиқланган манзилли дастурга асосан икки ҳафта муддатда барпо этиладиган спорт майдончаларининг лойиҳа-смета ҳужжатлари ишлаб чиқилиб, белгиланган тартибда экспертизадан ўтказилади ҳамда молиялаштириш учун Спорт вазирлигига тақдим этилади;
спорт майдончаларининг лойиҳа-смета ҳужжатларини ишлаб чиқиш ва экспертизадан ўтказиш билан боғлиқ харажатлар бош пудратчининг бошқа харажатлари ҳисобидан қопланади;
буюртмачи ва бош пудратчи ўртасида спорт майдончаларини қуриш бўйича тузилган шартномалар Иқтисодиёт ва молия вазирлиги ҳузуридаги «Лойиҳалар ва импорт контрактларини комплекс экспертиза қилиш маркази» давлат унитар корхонаси томонидан ўн иш куни ичида кўриб чиқилади ва тегишли хулоса тақдим этилади;
Спорт вазирлиги молиялаштируви асосида 2023 йил ва ундан кейинги йилларда олис ва чекка ҳудудларда жойлашган маҳаллалар ҳамда умумий ўрта таълим муассасалари ҳудудида қурилган спорт майдончалари улар жойлашган ҳудудига қараб тегишлилиги бўйича Мактабгача ва мактаб таълими вазирлиги ҳамда фуқароларнинг ўзини ўзи бошқариш органлари тизимига ўтказилади ва сақланади. Бунда, спорт майдончалари бошқа давлат ташкилотларига ҳам оператив бошқарув ҳуқуқи асосида берилиши мумкин;
спорт майдончаларининг жойлашув ҳудудидан қатъи назар (таълим ташкилотлари ҳудудида дарсдан ташқари вақтларда), барча фуқаролар учун фойдаланиш бепул бўлади ва вақти чегараланмайди;
спорт майдончаларидан самарали ва мақсадли фойдаланилишини ташкил этиш маҳаллалардаги ёшлар етакчилари ва профилактика инспекторлари томонидан амалга оширилади;
маҳаллаларда барпо этилган спорт майдончалари тозалигини сақлаш, атрофини ободонлаштириш ишларини бажариш учун Камбағалликни қисқартириш ва бандлик вазирлиги ҳузуридаги Жамоат ишлари жамғармаси маблағлари ҳисобидан битта штат бирлиги ажратилади;
спорт майдончаларидан самарали фойдаланиш, уларнинг яроқлилигини таъминлаш ва жорий таъмирлаш балансда сақловчи томонидан амалга оширилади.
7. Мактабгача ва мактаб таълими вазирлиги:
маҳаллалардаги умумий ўрта таълим мактабларига тегишли ҳудудларда спорт майдончалари қурилишини инобатга олсин ва тегишли чоралар кўрсин;
умумий ўрта таълим мактаблари ҳудудида қурилган спорт майдончаларидан ўқувчилар, шунингдек, дарсдан ташқари ва ўқув жараёнига халақит бермайдиган вақтларда маҳалла аҳолисининг бепул фойдаланиши учун барча зарур шарт-шароитларни яратсин.
8. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, Мактабгача ва мактаб таълими вазирлиги, Камбағалликни қисқартириш ва бандлик вазирлиги ҳудудий қабул комиссиялари томонидан спорт майдончалари қабул қилинган кундан бошлаб бир ой муддатда ушбу объектлар бўйича давлат кўчмас мулк объектларига бўлган ҳуқуқларни давлат рўйхатидан ўтказилишини таъминлаб борсин.
9. Ёшлар сиёсати ва спорт вазирлиги, Мактабгача ва мактаб таълими вазирлиги, Камбағалликни қисқартириш ва бандлик вазирлиги Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда барпо этилаётган спорт майдончаларининг атрофида «Яшил макон» умуммиллий лойиҳаси доирасида соф экологик муҳит яратиш мақсадида мевали ва манзарали дарахт кўчатларини экиш ҳамда объект атрофини кўкаламзорлаштириш чораларини кўрсин.
10. Қурилиш ва уй-жой коммунал хўжалиги вазирлиги ушбу қарорда назарда тутилган спорт майдончаларини қуриш бўйича лойиҳа-смета ҳужжатларини белгиланган тартибда экспертизадан ўтказсин ҳамда қурилиш-монтаж ишларининг сифатли бажарилиши юзасидан давлат архитектура-қурилиш назоратини ўрнатсин.
11. Ўзбекистон Миллий телерадиокомпанияси ва Ўзбекистон Миллий ахборот агентлигига ҳудудларда барпо этилган спорт майдончалари ҳамда уларда ташкил этилаётган оммавий спорт мусобақаларини оммавий ахборот воситаларида мунтазам ёритиб бориш тавсия этилсин.
12. Мазкур қарорнинг ижросини самарали ташкил қилишга масъул ва шахсий жавобгар этиб ёшлар сиёсати ва спорт вазири А.И. Икрамов ҳамда ички ишлар вазири П.Р. Бобожонов белгилансин.
Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президентининг маслаҳатчиси К.К. Куранбаев зиммасига юклансин.
Ўзбекистон Республикаси Президентининг 2023 йил 28 июлдаги ПҚ-245-сон қарорига ИЛОВА
«Беш ташаббус олимпиадаси» доирасида ғолиб ва совриндор бўлган ҳамда ҳудудида спорт инфратузилмаси мавжуд бўлмаган маҳалла терма жамоалари учун универсал, стритбол ва воркаут спорт майдончаларини 2030 йилга қадар ташкил қилишнинг умумий параметрлари
Т/р Ҳудудлар Спорт майдончаларининг умумий сони шундан универсал стритбол воркаут йиллар кесимида 2023 2024 2025 2026 2027 2028 2029 2030 жами 5 000 3 129 1 073 838 446 400 460 520 580 651 674 749 1. Қорақалпоғистон Республикаси 319 214 52 53 32 28 33 37 41 46 48 53 2. Андижон вилояти 387 260 63 64 39 35 40 45 50 56 58 65 3. Бухоро вилояти 233 156 38 39 23 21 24 27 30 34 35 39 4. Жиззах вилояти 344 231 56 57 34 31 35 40 45 50 52 58 5. Қашқадарё вилояти 207 139 34 34 21 18 21 24 27 30 31 35 6. Навоий вилояти 302 202 49 50 30 27 31 35 39 44 45 50 7. Наманган вилояти 302 202 49 50 30 27 31 35 39 44 45 50 8. Самарқанд вилояти 362 243 59 60 36 32 37 42 47 53 54 60 9. Сирдарё вилояти 241 162 39 40 24 22 25 28 31 35 36 40 10. Сурхондарё вилояти 336 225 55 56 33 30 35 39 44 49 51 56 11. Тошкент вилояти 560 376 91 93 56 50 58 65 73 81 84 94 12. Фарғона вилояти 388 260 63 64 39 35 40 45 50 56 58 65 13. Хоразм вилояти 258 173 42 43 26 23 27 30 33 38 39 43 14. Тошкент шаҳри 241 162 39 40 24 22 25 28 31 35 36 40
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 28 июль,
ПҚ-245-сон
Oʻzbekiston Respublikasi Prezidentining
Qarori
Mahallalarda sport infratuzilmasini rivojlantirish va sport maydonchalaridan samarali foydalanishni tashkil etish chora-tadbirlari toʻgʻrisida
Mahallalarda sport infratuzilmasini rivojlantirish, sport maydonchalari tozaligini saqlash va atrofini obodonlashtirish boʻyicha ishlarni tizimli yoʻlga qoʻyish maqsadida, shuningdek, Oʻzbekiston Respublikasi Prezidentining 2021-yil 5-noyabrdagi “ Yurish, yugurish, mini-futbol, badminton, stritbol va “Workout” sport turlarini yanada rivojlantirish chora-tadbirlari toʻgʻrisida ”gi PQ-5282-son hamda 2022-yil 11-apreldagi “ Mahallalarda yoshlarni ommaviy sportga jalb qilishni yangi bosqichga olib chiqish chora-tadbirlari toʻgʻrisida ”gi PQ-201-son qarorlariga muvofiq:
1. Oʻzbekiston Respublikasi Prezidentining 2022-yil 11-apreldagi PQ-201-son qarori bilan tasdiqlangan Mahallalarda yoshlar oʻrtasida ommaviy sportni yanada rivojlantirish boʻyicha chora-tadbirlar dasturining 5-bandida “Besh tashabbus olimpiadasi” doirasidagi gʻolib va sovrindor boʻlgan hamda hududida sport infratuzilmasi mavjud boʻlmagan mahalla terma jamoalari uchun universal, stritbol va vorkaut sport maydonchalarini (keyingi oʻrinlarda — sport maydonchalari) qurish belgilanganligi maʼlumot uchun qabul qilinsin.
2. “Besh tashabbus olimpiadasi” doirasida gʻolib va sovrindor boʻlgan hamda hududida sport infratuzilmasi mavjud boʻlmagan mahalla terma jamoalari uchun 5 000 ta sport maydonchalarini 2030-yilga qadar tashkil qilishning umumiy parametrlari ilovaga muvofiq tasdiqlansin.
Iqtisodiyot va moliya vazirligi (Sh. Kudbiyev) 2024-yildan boshlab har yili sport maydonchalarini tashkil qilish uchun qoʻshimcha talab etiladigan mablagʻlarning Davlat budjeti parametrlarida nazarda tutilishini taʼminlasin.
3. Belgilansinki:
a) sport maydonchalarini qurish “Besh tashabbus olimpiadasi” doirasidagi sport musobaqalarining respublika bosqichida gʻolib va sovrindor boʻlgan hamda hududida sport infratuzilmasi mavjud boʻlmagan mahallalarda (keyingi oʻrinlarda — sport infratuzilmasi mavjud boʻlmagan mahallalar) amalga oshiriladi;
b) Surxondaryo viloyatida sport inshootlarini davlat-xususiy sheriklik shartlarida barpo etish loyihalari tadbirkorlik subyektining toʻliq oʻz mablagʻlari hisobidan moliyalashtirilgan hollarda qurilgan bino va inshootlarning (bundan yer maydoni, bino va inshootlarning umumiy foydalanishga moʻljallangan kommunikatsiya tarmoqlari egallagan qismi mustasno) 20 foizidan oshmagan qismi qonunchilikda taqiqlanmagan tadbirkorlik faoliyati bilan shugʻullanish uchun mahalliy xususiy sherikka mulk huquqi asosida oʻtkaziladi;
v) sport maydonchalarini qurish ishlarini amalga oshirish doirasida:
Ichki ishlar vazirligi huzuridagi Jazoni ijro etish departamenti — buyurtmachi;
Ichki ishlar vazirligi huzuridagi Jazoni ijro etish departamenti 13-son Jazoni ijro etish muassasasi — bosh pudratchi hisoblanadi.
Bunda, ushbu bandda nazarda tutilgan tadbirlarni moliyalashtirish bilan bogʻliq xarajatlar Sport vazirligi mablagʻlari hisobidan amalga oshiriladi.
4. Shunday tartib oʻrnatilsinki, unga muvofiq:
a) Sport vazirligi:
sport infratuzilmasi mavjud boʻlmagan hamda “Besh tashabbus olimpiadasi” doirasida gʻolib boʻlgan mahallalarni aniqlaydi va ularning roʻyxatini Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklariga sport maydonchalarini qurish maqsadida tegishli yer uchastkasini belgilangan tartibda ajratish uchun taqdim etadi;
sport maydonchalari qurilishi lozim boʻlgan mahallalarning manzilli roʻyxatini buyurtmachiga yuboradi;
tasdiqlangan manzilli dasturga asosan Sport vazirligi tomonidan buyurtmachiga buyurtma qilingan sport maydonchalari uchun mablagʻ ajratilishini taʼminlaydi.
Bunda Sport vazirligi tomonidan buyurtmachiga buyurtma qilingan sport maydonchalari qiymatiga teng mablagʻ toʻliq oʻtkazib beriladi. Buyurtmachi tomonidan tizimidagi tashkilotlarga ishlab chiqariladigan inventarlar uchun 100 foiz mablagʻlar oldindan toʻlab beriladi;
b) buyurtmachi:
sport maydonchalarining namunaviy loyihasini Sport vazirligi bilan kelishadi, loyiha-smeta hujjatlarini ishlab chiqadi hamda ularning tegishli ekspertizadan oʻtkazilishini taʼminlaydi;
Sport vazirligi tomonidan taqdim etilgan roʻyxat asosida moliyalashtirish hajmlarini koʻrsatgan holda manzilli dasturni ishlab chiqadi va vazirlik bilan kelishilgan holda uni tasdiqlaydi;
bosh pudratchi bilan pudrat shartnomasini tuzadi hamda sport maydonchalarini qurish ishlarini amalga oshiradi;
Sport vazirligi hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda qurib bitkazilgan sport maydonchalarini qabul qilish boʻyicha hududiy qabul qilish komissiyalariga (keyingi oʻrinlarda — hududiy qabul komissiyalari) belgilangan tartibda topshirilishini taʼminlaydi;
v) Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
Sport vazirligi tomonidan tasdiqlangan roʻyxatga asosan sport maydonchalarini qurish uchun bir oy muddatda belgilangan tartibda yer uchastkalari ajratilishini taʼminlaydi;
qurilgan sport maydonchalari tegishli hududiy qabul komissiyalari tomonidan belgilangan tartibda qabul qilib olinishini taʼminlaydi;
sport maydonchalari boʻyicha davlat koʻchmas mulk obyektlariga boʻlgan huquqlarni davlat roʻyxatidan oʻtkazadi hamda ulardan samarali foydalanilishini nazorat qiladi.
Bunda yer uchastkalarini ajratish hamda sport maydonchalari boʻyicha davlat koʻchmas mulk obyektlariga boʻlgan huquqlarni davlat roʻyxatidan oʻtkazish bilan bogʻliq xarajatlar tegishli mahalliy budjetlar hisobidan qoplanadi.
5. Oʻzbekiston Respublikasi Prezidentining 2021-yil 5-noyabrdagi “Yurish, yugurish, mini-futbol, badminton, stritbol va “Workout” sport turlarini yanada rivojlantirish chora-tadbirlari toʻgʻrisida”gi PQ-5282-son qarori bilan:
2021 — 2025-yillarda hududlarda badminton, stritbol va “Workout” sport turlari uchun 1 164 ta sport maydonchalarini tashkil etish parametrlari tasdiqlanganligi;
ushbu parametrlar doirasida 2023-yilda jami 255 ta sport maydonchalari qurilishi nazarda tutilganligi;
2021-yildan boshlab Davlat budjetidan mazkur qaror bilan tasdiqlangan dastur va parametrlar toʻliq bajarilgunga qadar har yili 104 milliard soʻmdan mablagʻlar ajratilishi belgilanganligi maʼlumot uchun qabul qilinsin.
6. Belgilansinki, 2023-yil 1-avgustdan boshlab Oʻzbekiston Respublikasi Prezidentining 2021-yil 5-noyabrdagi “Yurish, yugurish, mini-futbol, badminton, stritbol va “Workout” sport turlarini yanada rivojlantirish chora-tadbirlari toʻgʻrisida”gi PQ-5282-son qarori doirasida:
Sport vazirligi tomonidan zaruratga koʻra hududida sport maydonchalari barpo etiladigan mahallalar roʻyxati Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklariga taqdim etiladi;
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bir oy muddatda roʻyxatdagi mahallalarda sport maydonchalarini barpo etish uchun belgilangan tartibda tegishli yer uchastkalarini ajratish boʻyicha qarorlar qabul qiladi va bu haqda Sport vazirligini xabardor qiladi;
buyurtmachi tashkilot tomonidan tasdiqlangan manzilli dasturga asosan ikki hafta muddatda barpo etiladigan sport maydonchalarining loyiha-smeta hujjatlari ishlab chiqilib, belgilangan tartibda ekspertizadan oʻtkaziladi hamda moliyalashtirish uchun Sport vazirligiga taqdim etiladi;
sport maydonchalarining loyiha-smeta hujjatlarini ishlab chiqish va ekspertizadan oʻtkazish bilan bogʻliq xarajatlar bosh pudratchining boshqa xarajatlari hisobidan qoplanadi;
buyurtmachi va bosh pudratchi oʻrtasida sport maydonchalarini qurish boʻyicha tuzilgan shartnomalar Iqtisodiyot va moliya vazirligi huzuridagi “Loyihalar va import kontraktlarini kompleks ekspertiza qilish markazi” davlat unitar korxonasi tomonidan oʻn ish kuni ichida koʻrib chiqiladi va tegishli xulosa taqdim etiladi;
Sport vazirligi moliyalashtiruvi asosida 2023-yil va undan keyingi yillarda olis va chekka hududlarda joylashgan mahallalar hamda umumiy oʻrta taʼlim muassasalari hududida qurilgan sport maydonchalari ular joylashgan hududiga qarab tegishliligi boʻyicha Maktabgacha va maktab taʼlimi vazirligi hamda fuqarolarning oʻzini oʻzi boshqarish organlari tizimiga oʻtkaziladi va saqlanadi. Bunda, sport maydonchalari boshqa davlat tashkilotlariga ham operativ boshqaruv huquqi asosida berilishi mumkin;
sport maydonchalarining joylashuv hududidan qatʼi nazar (taʼlim tashkilotlari hududida darsdan tashqari vaqtlarda), barcha fuqarolar uchun foydalanish bepul boʻladi va vaqti chegaralanmaydi;
sport maydonchalaridan samarali va maqsadli foydalanilishini tashkil etish mahallalardagi yoshlar yetakchilari va profilaktika inspektorlari tomonidan amalga oshiriladi;
mahallalarda barpo etilgan sport maydonchalari tozaligini saqlash, atrofini obodonlashtirish ishlarini bajarish uchun Kambagʻallikni qisqartirish va bandlik vazirligi huzuridagi Jamoat ishlari jamgʻarmasi mablagʻlari hisobidan bitta shtat birligi ajratiladi;
sport maydonchalaridan samarali foydalanish, ularning yaroqliligini taʼminlash va joriy taʼmirlash balansda saqlovchi tomonidan amalga oshiriladi.
7. Maktabgacha va maktab taʼlimi vazirligi:
mahallalardagi umumiy oʻrta taʼlim maktablariga tegishli hududlarda sport maydonchalari qurilishini inobatga olsin va tegishli choralar koʻrsin;
umumiy oʻrta taʼlim maktablari hududida qurilgan sport maydonchalaridan oʻquvchilar, shuningdek, darsdan tashqari va oʻquv jarayoniga xalaqit bermaydigan vaqtlarda mahalla aholisining bepul foydalanishi uchun barcha zarur shart-sharoitlarni yaratsin.
8. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Maktabgacha va maktab taʼlimi vazirligi, Kambagʻallikni qisqartirish va bandlik vazirligi hududiy qabul komissiyalari tomonidan sport maydonchalari qabul qilingan kundan boshlab bir oy muddatda ushbu obyektlar boʻyicha davlat koʻchmas mulk obyektlariga boʻlgan huquqlarni davlat roʻyxatidan oʻtkazilishini taʼminlab borsin.
9. Yoshlar siyosati va sport vazirligi, Maktabgacha va maktab taʼlimi vazirligi, Kambagʻallikni qisqartirish va bandlik vazirligi Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda barpo etilayotgan sport maydonchalarining atrofida “Yashil makon” umummilliy loyihasi doirasida sof ekologik muhit yaratish maqsadida mevali va manzarali daraxt koʻchatlarini ekish hamda obyekt atrofini koʻkalamzorlashtirish choralarini koʻrsin.
10. Qurilish va uy-joy kommunal xoʻjaligi vazirligi ushbu qarorda nazarda tutilgan sport maydonchalarini qurish boʻyicha loyiha-smeta hujjatlarini belgilangan tartibda ekspertizadan oʻtkazsin hamda qurilish-montaj ishlarining sifatli bajarilishi yuzasidan davlat arxitektura-qurilish nazoratini oʻrnatsin.
11. Oʻzbekiston Milliy teleradiokompaniyasi va Oʻzbekiston Milliy axborot agentligiga hududlarda barpo etilgan sport maydonchalari hamda ularda tashkil etilayotgan ommaviy sport musobaqalarini ommaviy axborot vositalarida muntazam yoritib borish tavsiya etilsin.
12. Mazkur qarorning ijrosini samarali tashkil qilishga masʼul va shaxsiy javobgar etib yoshlar siyosati va sport vaziri A.I. Ikramov hamda ichki ishlar vaziri P.R. Bobojonov belgilansin.
Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidentining maslahatchisi K.K. Kuranbayev zimmasiga yuklansin.
Oʻzbekiston Respublikasi Prezidentining 2023-yil 28-iyuldagi PQ-245-son qaroriga ILOVA
“Besh tashabbus olimpiadasi” doirasida gʻolib va sovrindor boʻlgan hamda hududida sport infratuzilmasi mavjud boʻlmagan mahalla terma jamoalari uchun universal, stritbol va vorkaut sport maydonchalarini 2030-yilga qadar tashkil qilishning umumiy parametrlari
T/r Hududlar Sport maydonchalarining umumiy soni shundan universal stritbol vorkaut yillar kesimida 2023 2024 2025 2026 2027 2028 2029 2030 jami 5 000 3 129 1 073 838 446 400 460 520 580 651 674 749 1. Qoraqalpogʻiston Respublikasi 319 214 52 53 32 28 33 37 41 46 48 53 2. Andijon viloyati 387 260 63 64 39 35 40 45 50 56 58 65 3. Buxoro viloyati 233 156 38 39 23 21 24 27 30 34 35 39 4. Jizzax viloyati 344 231 56 57 34 31 35 40 45 50 52 58 5. Qashqadaryo viloyati 207 139 34 34 21 18 21 24 27 30 31 35 6. Navoiy viloyati 302 202 49 50 30 27 31 35 39 44 45 50 7. Namangan viloyati 302 202 49 50 30 27 31 35 39 44 45 50 8. Samarqand viloyati 362 243 59 60 36 32 37 42 47 53 54 60 9. Sirdaryo viloyati 241 162 39 40 24 22 25 28 31 35 36 40 10. Surxondaryo viloyati 336 225 55 56 33 30 35 39 44 49 51 56 11. Toshkent viloyati 560 376 91 93 56 50 58 65 73 81 84 94 12. Fargʻona viloyati 388 260 63 64 39 35 40 45 50 56 58 65 13. Xorazm viloyati 258 173 42 43 26 23 27 30 33 38 39 43 14. Toshkent shahri 241 162 39 40 24 22 25 28 31 35 36 40
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 28-iyul,
PQ-245-son
Президента Республики Узбекистан
Постановление
О мерах по развитию спортивной инфраструктуры и организации эффективного пользования спортивными площадками в махаллях
В целях системной организации работ по развитию спортивной инфраструктуры, поддержанию чистоты спортивных площадок и благоустройству прилегающей территории в махаллях, а также в соответствии с постановлениями Президента Республики Узбекистан от 5 ноября 2021 года № ПП-5282 « О мерах по дальнейшему развитию видов спорта ходьба, бег, мини-футбол, бадминтон, стритбол и «Workоut » и от 11 апреля 2022 года № ПП-201 « О мерах по поднятию на новый этап привлечения молодежи к массовому спорту в махаллях »:
1. Принять к сведению, что пунктом 5 Программы мер по дальнейшему развитию массового спорта среди молодежи в махаллях, утвержденной постановлением Президента Республики Узбекистан от 11 апреля 2022 года № ПП-201, определено строительство универсальных, стритбольных и воркаутных спортивных площадок для сборных команд махаллей, ставших победителями и призерами «Олимпиады пяти инициатив» и не имеющих на своей территории спортивную инфраструктуру (далее — спортивные площадки).
2. Утвердить Общие параметры строительства 5 000 спортивных площадок до 2030 года для сборных команд махаллей, ставших победителями и призерами «Олимпиады пяти инициатив» и не имеющих на своей территории спортивную инфраструктуру, согласно приложению .
Министерству экономики и финансов (Ш. Кудбиев) ежегодно, начиная с 2024 года, предусмотривать в параметрах Государственного бюджета дополнительные средства, требуемые для строительства спортивных площадок.
3. Определить, что:
а) строительство спортивных площадок осуществляется в махаллях, ставших победителями и призерами республиканского этапа спортивных соревнований в рамках «Олимпиады пяти инициатив» и не имеющих на своей территории спортивную инфраструктуру (далее — махалли, не имеющие спортивную инфраструктуру);
б) в случаях, если проекты строительства спортивных сооружений в Сурхандарьинской области на условиях государственно-частного партнерства полностью финансированы за счет собственных средств субъектов предпринимательства, то часть, не превышающая 20 процентов построенных зданий и сооружений (за исключением земельной площади, а также части зданий и сооружений, занятой коммуникационными сетями общего пользования), передается отечественному частному партнеру для занятия предпринимательской деятельностью, не запрещенной законодательством, на основе права собственности;
в) в рамках осуществления работ по строительству спортивных площадок являются:
заказчиком — Департамент исполнения наказания при Министерстве внутренних дел;
генеральным подрядчиком — Учреждение по исполнению наказания № 13 Департамента исполнения наказания при Министерстве внутренних дел.
При этом расходы, связанные с финансированием мероприятий, предусмотренных настоящим пунктом, производятся за счет средств Министерства спорта.
4. Установить порядок, в соответствии с которым:
а) Министерство спорта:
определяет махалли, в которых отсутствует спортивная инфраструктура, а также махалли, ставшие победителями «Олимпиады пяти инициатив», и представляет их перечень в Совет Министров Республики Каракалпакстан, хокимияты областей и города Ташкента в целях выделения в установленном порядке соответствующих земельных участков под строительство спортивных площадок;
направляет заказчику адресный перечень махаллей, в которых необходимо построить спортивные площадки;
в соответствии с утвержденной адресной программой обеспечивает выделение средств заказчику для спортивных площадок, заказ которых осуществлен Министерством спорта.
При этом сумма средств, равная стоимости спортивных площадок, заказанных Министерством спорта, подлежит перечислению заказчику в полном объеме. Заказчик осуществляет заблаговременную оплату в размере 100 процентов средств организациям его системы за производимый инвентарь;
б) заказчик:
согласует с Министерством спорта типовой проект спортивных площадок, разрабатывает проектно-сметную документацию, а также обеспечивает проведение их соответствующей экспертизы;
разрабатывает и утверждает по согласованию с Министерством спорта адресную программу с указанием объемов финансирования на основании перечня, представленного министерством;
заключает с генеральным подрядчиком договор подряда и выполняет работы по строительству спортивных площадок;
совместно с Министерством спорта, а также Советом Министров Республики Каракалпакстан, хокимиятами областей и города Ташкента обеспечивает передачу в установленном порядке построенных спортивных площадок территориальным комиссиям (далее — территориальные приемочные комиссии);
в) Совет Министров Республики Каракалпакстан, хокимияты областей и города Ташкента:
на основании утвержденного Министерством спорта перечня в месячный срок обеспечивают выделение в установленном порядке земельных участков под строительство спортивных площадок;
обеспечивают прием построенных спортивных площадок соответствующими территориальными комиссиями в установленном порядке;
осуществляют государственную регистрацию прав на государственные объекты недвижимого имущества по спортивным площадкам и контроль за их эффективным использованием.
При этом расходы, связанные с выделением земельных участков и государственной регистрацией прав на государственные объекты недвижимого имущества по спортивным площадкам, покрываются за счет соответствующих местных бюджетов.
5. Принять к сведению, что постановлением Президента Республики Узбекистан от 5 ноября 2021 года № ПП-5282 «О мерах по дальнейшему развитию видов спорта ходьба, бег, мини-футбол, бадминтон, стритбол и «Workоut»:
утверждены параметры строительства в регионах 1 164 спортивных площадок для видов спорта бадминтон, стритбол и «Workоut» в 2021 — 2025 годах;
предусмотрено строительство в рамках указанных параметров в общей сложности 255 спортивных площадок в 2023 году;
установлено ежегодное выделение с 2021 года по 104 миллиарда сумов из Государственного бюджета до полной реализации программ и параметров, утвержденных данным постановлением.
6. Определить, что с 1 августа 2023 года в рамках постановления Президента Республики Узбекистан от 5 ноября 2021 года № ПП-5282 «О мерах по дальнейшему развитию видов спорта ходьба, бег, мини-футбол, бадминтон, стритбол и «Workоut»:
Министерство спорта представляет при необходимости в Совет Министров Республики Каракалпакстан, хокимияты областей и города Ташкента перечень махаллей, на территории которых строятся спортивные площадки;
Совет Министров Республики Каракалпакстан, хокимияты областей и города Ташкента в месячный срок принимают решения о выделении соответствующих земельных участков под строительство спортивных площадок в махаллях, включенных в перечень, о чем уведомляют Министерство спорта;
в двухнедельный срок на основании утвержденной заказчиком адресной программы разрабатывается и в установленном порядке проводится экспертиза проектно-сметной документации сооружаемых спортивных площадок, которая представляется в Министерство спорта для финансирования;
расходы, связанные с разработкой и проведением экспертизы проектно-сметной документации спортивных площадок, покрываются за счет прочих расходов генерального подрядчика;
Государственное унитарное предприятие «Центр комплексной экспертизы проектов и импортных контрактов» при Министерстве экономики и финансов в течение десяти рабочих дней рассматривает и представляет соответствующее заключение по договорам строительства спортивных площадок, заключенным между заказчиком и генеральным подрядчиком;
в 2023 году и в последующие годы спортивные площадки, построенные на территории махаллей и общих средних образовательных учреждений, расположенных в отдаленных и труднодоступных районах, на основе финансирования Министерством спорта, передаются в зависимости от их местоположения и соответственно в систему Министерства дошкольного и школьного образования, а также органов самоуправления граждан и содержатся ими. При этом спортивные площадки могут быть переданы также другим государственным организациям на основе права оперативного управления;
для всех граждан пользование спортивными площадами является бесплатным и время пользования ими не ограничивается (на территории образовательных организаций — во внеучебное время) независимо от территории расположения спортивных площадок;
организация эффективного и целевого пользования спортивными площадками осуществляется лидерами молодежи в махаллях и инспекторами по профилактике;
для поддержании чистоты спортивных площадок, построенных в махаллях, и выполнения работ по благоустройству прилегающей территории, выделяется одна штатная единица за счет средств Фонда общественных работ при Министерстве занятости и сокращения бедности;
эффективное пользование спортивными площадками, обеспечение их пригодности и текущего ремонта осуществляются балансодержателем.
7. Министерству дошкольного и школьного образования:
учитывать строительство спортивных площадок на территории общих средних образовательных школ в махаллях и принимать соответствующие меры;
создать все условия, необходимые для бесплатного пользования спортивными площадками, построенными на территории общих средних образовательных школ, учащимися, а также жителями махаллей во внеурочное и свободное от учебного процесса время.
8. Совету Министров Республики Каракалпакстан, хокимиятам областей и города Ташкента, Министерству дошкольного и школьного образования, Министерству занятости и сокращения бедности начиная со дня приемки спортивных площадок территориальными приемочными комиссиями в месячный срок обеспечивать государственную регистрацию прав на государственные объекты недвижимого имущества по данным объектам.
9. Министерству молодежной политики и спорта, Министерству дошкольного и школьного образования, Министерству занятости и сокращения бедности совместно с Советом Министров Республики Каракалпакстан, хокимиятами областей и города Ташкента в целях создания экологически чистой среды вокруг строящихся спортивных площадок в рамках Общенационального проекта «Яшил макон» принимать меры по посадке саженцев фруктовых и декоративных деревьев, а также озеленению территорий вокруг объектов.
10. Министерству строительства и жилищно-коммунального хозяйства в установленном порядке проводить экспертизу проектно-сметной документации строительства спортивных площадок, предусмотренных настоящим постановлением, а также установить государственный архитектурно-строительный контроль за качественным выполнением строительно-монтажных работ.
11. Рекомендовать Национальной телерадиокомпании Узбекистана и Национальному информационному агентству Узбекистана регулярно освещать в средствах массовой информации построенные в регионах спортивные площадки и организуемые на них массовые спортивные соревнования.
12. Возложить на министра молодежной политики и спорта А.И. Икрамова и министра внутренних дел П.Р. Бобожонова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью организаций, ответственных за его выполнение, возложить на Премьер-министра Республики Узбекистан А.Н. Арипова и советника Президента Республики Узбекистан К.К. Куранбаева.
ПРИЛОЖЕНИЕ к постановлению Президента Республики Узбекистан от 28 июля 2023 года № ПП-245
Общие параметры строительства универсальных, стритбольных и воркаутных спортивных площадок до 2030 года для сборных команд махаллей, ставших победителями и призерами «Олимпиады пяти инициатив» и не имеющих на своей территории спортивную инфраструктуру
№ Регионы Общее количество спортивных площадок из них универсальные стритбольные воркаутные по годам 2023 2024 2025 2026 2027 2028 2029 2030 Всего 5000 3 129 1 073 838 838 400 460 520 580 651 674 749 1. Республика Каракалпакстан 319 214 52 53 32 28 33 37 41 46 48 53 2. Андижанская область 387 260 63 64 39 35 40 45 50 56 58 65 3. Бухарская область 233 156 38 39 23 21 24 27 30 34 35 39 4. Джизакская область 344 231 56 57 34 31 35 40 45 50 52 58 5. Кашкадарьинская область 207 139 34 34 21 18 21 24 27 30 31 35 6. Навоийская область 302 202 49 50 30 27 31 35 39 44 45 50 7. Наманганская область 302 202 49 50 30 27 31 35 39 44 45 50 8. Самаркандская область 362 243 59 60 36 32 37 42 47 53 54 60 9. Сырдарьинская область 241 162 39 40 24 22 25 28 31 35 36 40 10. Сурхандарьинская область 336 225 55 56 33 30 35 39 44 49 51 56 11. Ташкентская область 560 376 91 93 56 50 58 65 73 81 84 94 12. Ферганская область 388 260 63 64 39 35 40 45 50 56 58 65 13. Хорезмская область 258 173 42 43 26 23 27 30 33 38 39 43 14. Город Ташкент 241 162 39 40 24 22 25 28 31 35 36 40
Президент Республики Узбекистан Ш. МИРЗИЁЕВ
г. Ташкент,
28 июля 2023 г.,
№ ПП-245