UzbekAI

Ўзбекистон Республикаси Президентининг

Фармони

Қорақалпоғистон Республикаси аҳолисини ижтимоий қўллаб-қувватлаш ҳамда жисмоний шахслар томонидан қурилган уй-жойларга бўлган ҳуқуқларни эътироф этиш тўғрисида

Ўзбекистон Республикаси Конституциясининг 47-моддасига мувофиқ Қорақалпоғистон Республикасида аҳолининг уй-жойга бўлган ҳуқуқи амалга оширилиши учун шарт-шароитлар яратиш, жисмоний шахслар томонидан қурилган кўчмас мулк объектларига бўлган ҳуқуқларни эътироф этиш орқали аҳолини ижтимоий қўллаб-қувватлаш мақсадида:

1. Қорақалпоғистон Республикаси ҳудудида:

Ўзбекистон Республикаси Вазирлар Маҳкамасининг 2016 йил 3 августдаги «2016-2017 йиллар даврида жисмоний ва юридик шахсларга тегишли бўлган кўчмас мулк объектларини ялпи хатловдан ўтказиш тўғрисида»ги 251-сон қарорига асосан ҳуқуқ белгиловчи ҳужжатларсиз 71 987 та уй-жойга бўлган ҳуқуқлар эътироф этилганлиги;

Ўзбекистон Республикаси Президентининг 2018 йил 20 апрелдаги «Фуқароларни ижтимоий қўллаб-қувватлаш бўйича қўшимча чора-тадбирлар ҳамда ўзбошимчалик билан қурилган турар жойларга нисбатан мулк ҳуқуқини эътироф этиш бўйича бир марталик умумдавлат акциясини ўтказиш тўғрисида»ги ПФ-5421-сон Фармонига асосан ҳуқуқ белгиловчи ҳужжатларсиз 50 361 та уй-жойга бўлган ҳуқуқлар эътироф этилганлиги;

Қорақалпоғистон Республикаси Вазирлар Кенгашининг маълумотларига кўра, юқоридаги қарор ва Фармон доирасида ҳуқуқ эътироф этилмаган қўшимча 43 432 та уй-жойлар мавжудлиги маълумот учун қабул қилинсин.

2. Қорақалпоғистон Республикаси Жўқорғи Кенгесининг Қорақалпоғистон Республикаси ҳудудида фуқароларнинг ҳуқуқ белгиловчи ҳужжатларсиз қурилган уй-жойлари жойлашган ер участкасига ижара ҳуқуқини, унда жойлашган бино ва иншоотларга мулк ҳуқуқини эътироф этиш тўғрисидаги таклифи қўллаб-қувватлансин. Бунда:

а) ер участкасига ижара ҳуқуқи ҳамда бино ва иншоотларга мулк ҳуқуқини эътироф этиш учун:

фуқаро ушбу уй-жойдан 2018 йил 1 майгача бўлган даврдан бошлаб ўзиники каби ҳалол, ошкора ва узлуксиз фойдаланган бўлиши, ушбу ҳолат космик суратларни қайта ишлаш орқали ҳамда сўнгги беш йил учун ер солиғи ва мол-мулк солиғи тўланганлиги билан тасдиқланган бўлиши;

ҳуқуқни эътироф этиш бошқа шахсларнинг ҳуқуқлари ва қонун билан муҳофаза қилинадиган манфаатларини бузмаслиги;

ер участкаси бўш бўлмаслиги, унда қурилган уй-жой яшаш учун мўлжалланган бўлиши, фуқароларнинг ҳаёти ва соғлиғига хавф туғдирмаслиги;

ер участкаси суғориладиган ерлар, муҳофаза этиладиган табиий ҳудудлар, тарихий-маданий аҳамиятга молик ерлар, транспорт, алоқа ва мудофаа мақсадларига мўлжалланган ерлар, кимёвий ёки радиоактив моддалар билан ифлосланган ерлар тоифасига кирмаслиги, сув объектларининг санитария муҳофазаси зоналарида, ер усти ва ер ости сувларининг ҳосил бўлиш зоналарида жойлашмаган бўлиши шартлиги;

б) ер участкасига ижара ҳуқуқи 1998 йил 30 апрелга қадар эгалланган ерлар учун — 0,24 гектаргача, 1998 йил 1 майдан 2018 йил 1 майга қадар эгалланган ерлар учун — 0,06 гектаргача ҳажмда эътироф этилиши;

в) уй-жой эгалари ҳамда туман (шаҳар) ҳокими ўртасида ер участкаси ижараси шартномасини тузиш талаб этилмаслиги;

г) ушбу банд доирасига тушмайдиган ёки белгиланган ҳажмдан ортиқча ер участкалари захирага қайтарилиши, уларни бериш (реализация қилиш) Ер кодексида белгиланган тартибда амалга оширилиши инобатга олинсин.

3. Белгилансинки, мазкур Фармонга мувофиқ ҳуқуқларни эътироф этиш халқ депутатлари туман (шаҳар) Кенгашларининг қарорлари билан тасдиқланадиган уй-жойлар рўйхатига мувофиқ Қорақалпоғистон Республикаси Жўқорғи Кенгеси қарори билан расмийлаштирилади. Бунда:

талабгорлар ва (ёки) чегарадош ер участкалари эгалари ўртасида низо мавжуд бўлган ҳолларда, халқ депутатлари туман (шаҳар) Кенгашларининг қарорлари низо бартараф этилганидан кейин қабул қилинади;

халқ депутатлари туман (шаҳар) Кенгашлари томонидан ушбу бандга асосан қарорлар қабул қилиш ҳамда уларга ўзгартириш ва қўшимчалар киритишнинг охирги муддати — 2024 йил 1 август санаси ҳисобланади;

халқ депутатлари туман (шаҳар) Кенгашлари ҳамда Қорақалпоғистон Республикаси Жўқорғи Кенгесининг ушбу бандда назарда тутилган қарорлари тегишли адлия органида ҳуқуқий экспертизадан ўтказилганидан кейин қабул қилинади ва расмий эълон қилинганидан кейин кучга киради.

4. Қуйидагилар Қорақалпоғистон Республикаси Вазирлар Кенгашига:

Кадастр агентлиги — бир ҳафта муддатда ўзининг электрон маълумотлар базасига киритилган уй-жойлар рўйхатини туманлар ва шаҳарлар кесимида;

«Ўзбеккосмос» агентлиги — Қорақалпоғистон Республикаси Вазирлар Кенгаши билан келишилган график асосида ҳудудларнинг 2018 йил 1 майгача бўлган ҳолатига космик суратларини қайта ишлаш натижасида олинган маълумотларни;

Солиқ қўмитаси — икки ой муддатда Кадастр агентлигининг электрон маълумотлар базасига киритилган уй-жойлар орасидан сўнгги беш йил учун ер солиғи ва мол-мулк солиғи тўланган уй-жойлар ҳақидаги маълумотларни;

давлат кадастрларини юритишга масъул бўлган вазирлик, идора ва ташкилотлар — икки ой муддатда ўзларига бириктирилган ҳудудда жойлашган, мазкур Фармоннинг 2-банди «а» кичик бандига мувофиқ ҳуқуқ эътироф этилиши лозим бўлмаган уй-жойлар ҳақидаги маълумотларни тақдим этсин.

5. Қорақалпоғистон Республикаси Жўқорғи Кенгесига мазкур Фармонни амалга ошириш бўйича ташкилий чора-тадбирларни белгилаш, жумладан:

Қорақалпоғистон Республикаси, туманлар ва шаҳарлар бўйича ишчи гуруҳлар ташкил этиш;

ҳуқуқ эътироф этилганлиги учун бир марталик йиғим жорий этиш, ундан тушган маблағларни сарфлаш йўналишларини белгилаш;

мазкур Фармонни амалга ошириш бўйича харажатлар учун, хусусан, «Ижтимоий ҳимоя ягона реестри» ахборот тизимида рўйхатга олинган фуқароларга кўмаклашиш, космик суратларни қайта ишлаш учун Қорақалпоғистон Республикасининг республика бюджети, туманлар ва шаҳарлар бюджетлари, бир марталик йиғимдан тушган маблағларни йўналтириш ваколати берилсин.

6. Қорақалпоғистон Республикаси Вазирлар Кенгаши мазкур Фармон ижроси якунларига кўра 2024 йил 1 августга қадар қишлоқ хўжалигига мўлжалланган суғорилмайдиган ерлар ҳамда ўрмон фонди ерларининг ер фонди тоифасини аҳоли пунктларининг (шаҳарлар, посёлкалар ва қишлоқ аҳоли пунктларининг) ерлари тоифасига ўтказиш бўйича таклифларни белгиланган тартибда киритсин.

7. Бош прокуратура Фармон ижросини ташкил этишда қонунийликни таъминлаш устидан қатъий назорат ўрнатсин.

8. Ушбу Фармоннинг ижросини самарали ташкил қилишга масъул этиб Қорақалпоғистон Республикаси Вазирлар Кенгаши Раиси Ф.У. Эрманов белгилансин.

9. Мазкур Фармоннинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.

Амалга оширилган ишлар тўғрисида 2024 йил 1 сентябрга қадар Ўзбекистон Республикаси Президентига ахборот берилсин.

Ўзбекистон Республикаси Президенти Ш. МИРЗИЁЕВ

Тошкент ш.,

2023 йил 28 июль,

ПФ-119-сон

(Қонунчилик маълумотлари миллий базаси, 28.07.2023 й., 06/23/119/0533-сон)

lex.uz

Oʻzbekiston Respublikasi Prezidentining

Farmoni

Qoraqalpogʻiston Respublikasi aholisini ijtimoiy qoʻllab-quvvatlash hamda jismoniy shaxslar tomonidan qurilgan uy-joylarga boʻlgan huquqlarni eʼtirof etish toʻgʻrisida

Oʻzbekiston Respublikasi Konstitutsiyasining 47-moddasiga muvofiq Qoraqalpogʻiston Respublikasida aholining uy-joyga boʻlgan huquqi amalga oshirilishi uchun shart-sharoitlar yaratish, jismoniy shaxslar tomonidan qurilgan koʻchmas mulk obyektlariga boʻlgan huquqlarni eʼtirof etish orqali aholini ijtimoiy qoʻllab-quvvatlash maqsadida:

1. Qoraqalpogʻiston Respublikasi hududida:

Oʻzbekiston Respublikasi Vazirlar Mahkamasining 2016-yil 3-avgustdagi “2016-2017-yillar davrida jismoniy va yuridik shaxslarga tegishli boʻlgan koʻchmas mulk obyektlarini yalpi xatlovdan oʻtkazish toʻgʻrisida”gi 251-son qaroriga asosan huquq belgilovchi hujjatlarsiz 71 987 ta uy-joyga boʻlgan huquqlar eʼtirof etilganligi;

Oʻzbekiston Respublikasi Prezidentining 2018-yil 20-apreldagi “Fuqarolarni ijtimoiy qoʻllab-quvvatlash boʻyicha qoʻshimcha chora-tadbirlar hamda oʻzboshimchalik bilan qurilgan turar joylarga nisbatan mulk huquqini eʼtirof etish boʻyicha bir martalik umumdavlat aksiyasini oʻtkazish toʻgʻrisida”gi PF-5421-son Farmoniga asosan huquq belgilovchi hujjatlarsiz 50 361 ta uy-joyga boʻlgan huquqlar eʼtirof etilganligi;

Qoraqalpogʻiston Respublikasi Vazirlar Kengashining maʼlumotlariga koʻra, yuqoridagi qaror va Farmon doirasida huquq eʼtirof etilmagan qoʻshimcha 43 432 ta uy-joylar mavjudligi maʼlumot uchun qabul qilinsin.

2. Qoraqalpogʻiston Respublikasi Joʻqorgʻi Kengesining Qoraqalpogʻiston Respublikasi hududida fuqarolarning huquq belgilovchi hujjatlarsiz qurilgan uy-joylari joylashgan yer uchastkasiga ijara huquqini, unda joylashgan bino va inshootlarga mulk huquqini eʼtirof etish toʻgʻrisidagi taklifi qoʻllab-quvvatlansin. Bunda:

a) yer uchastkasiga ijara huquqi hamda bino va inshootlarga mulk huquqini eʼtirof etish uchun:

fuqaro ushbu uy-joydan 2018-yil 1-maygacha boʻlgan davrdan boshlab oʻziniki kabi halol, oshkora va uzluksiz foydalangan boʻlishi, ushbu holat kosmik suratlarni qayta ishlash orqali hamda soʻnggi besh yil uchun yer soligʻi va mol-mulk soligʻi toʻlanganligi bilan tasdiqlangan boʻlishi;

huquqni eʼtirof etish boshqa shaxslarning huquqlari va qonun bilan muhofaza qilinadigan manfaatlarini buzmasligi;

yer uchastkasi boʻsh boʻlmasligi, unda qurilgan uy-joy yashash uchun moʻljallangan boʻlishi, fuqarolarning hayoti va sogʻligʻiga xavf tugʻdirmasligi;

yer uchastkasi sugʻoriladigan yerlar, muhofaza etiladigan tabiiy hududlar, tarixiy-madaniy ahamiyatga molik yerlar, transport, aloqa va mudofaa maqsadlariga moʻljallangan yerlar, kimyoviy yoki radioaktiv moddalar bilan ifloslangan yerlar toifasiga kirmasligi, suv obyektlarining sanitariya muhofazasi zonalarida, yer usti va yer osti suvlarining hosil boʻlish zonalarida joylashmagan boʻlishi shartligi;

b) yer uchastkasiga ijara huquqi 1998-yil 30-aprelga qadar egallangan yerlar uchun — 0,24 gektargacha, 1998-yil 1-maydan 2018-yil 1-mayga qadar egallangan yerlar uchun — 0,06 gektargacha hajmda eʼtirof etilishi;

v) uy-joy egalari hamda tuman (shahar) hokimi oʻrtasida yer uchastkasi ijarasi shartnomasini tuzish talab etilmasligi;

g) ushbu band doirasiga tushmaydigan yoki belgilangan hajmdan ortiqcha yer uchastkalari zaxiraga qaytarilishi, ularni berish (realizatsiya qilish) Yer kodeksida belgilangan tartibda amalga oshirilishi inobatga olinsin.

3. Belgilansinki, mazkur Farmonga muvofiq huquqlarni eʼtirof etish xalq deputatlari tuman (shahar) Kengashlarining qarorlari bilan tasdiqlanadigan uy-joylar roʻyxatiga muvofiq Qoraqalpogʻiston Respublikasi Joʻqorgʻi Kengesi qarori bilan rasmiylashtiriladi. Bunda:

talabgorlar va (yoki) chegaradosh yer uchastkalari egalari oʻrtasida nizo mavjud boʻlgan hollarda, xalq deputatlari tuman (shahar) Kengashlarining qarorlari nizo bartaraf etilganidan keyin qabul qilinadi;

xalq deputatlari tuman (shahar) Kengashlari tomonidan ushbu bandga asosan qarorlar qabul qilish hamda ularga oʻzgartirish va qoʻshimchalar kiritishning oxirgi muddati — 2024-yil 1-avgust sanasi hisoblanadi;

xalq deputatlari tuman (shahar) Kengashlari hamda Qoraqalpogʻiston Respublikasi Joʻqorgʻi Kengesining ushbu bandda nazarda tutilgan qarorlari tegishli adliya organida huquqiy ekspertizadan oʻtkazilganidan keyin qabul qilinadi va rasmiy eʼlon qilinganidan keyin kuchga kiradi.

4. Quyidagilar Qoraqalpogʻiston Respublikasi Vazirlar Kengashiga:

Kadastr agentligi — bir hafta muddatda oʻzining elektron maʼlumotlar bazasiga kiritilgan uy-joylar roʻyxatini tumanlar va shaharlar kesimida;

“Oʻzbekkosmos” agentligi — Qoraqalpogʻiston Respublikasi Vazirlar Kengashi bilan kelishilgan grafik asosida hududlarning 2018-yil 1-maygacha boʻlgan holatiga kosmik suratlarini qayta ishlash natijasida olingan maʼlumotlarni;

Soliq qoʻmitasi — ikki oy muddatda Kadastr agentligining elektron maʼlumotlar bazasiga kiritilgan uy-joylar orasidan soʻnggi besh yil uchun yer soligʻi va mol-mulk soligʻi toʻlangan uy-joylar haqidagi maʼlumotlarni;

davlat kadastrlarini yuritishga masʼul boʻlgan vazirlik, idora va tashkilotlar — ikki oy muddatda oʻzlariga biriktirilgan hududda joylashgan, mazkur Farmonning 2-bandi “a” kichik bandiga muvofiq huquq eʼtirof etilishi lozim boʻlmagan uy-joylar haqidagi maʼlumotlarni taqdim etsin.

5. Qoraqalpogʻiston Respublikasi Joʻqorgʻi Kengesiga mazkur Farmonni amalga oshirish boʻyicha tashkiliy chora-tadbirlarni belgilash, jumladan:

Qoraqalpogʻiston Respublikasi, tumanlar va shaharlar boʻyicha ishchi guruhlar tashkil etish;

huquq eʼtirof etilganligi uchun bir martalik yigʻim joriy etish, undan tushgan mablagʻlarni sarflash yoʻnalishlarini belgilash;

mazkur Farmonni amalga oshirish boʻyicha xarajatlar uchun, xususan, “Ijtimoiy himoya yagona reyestri” axborot tizimida roʻyxatga olingan fuqarolarga koʻmaklashish, kosmik suratlarni qayta ishlash uchun Qoraqalpogʻiston Respublikasining respublika budjeti, tumanlar va shaharlar budjetlari, bir martalik yigʻimdan tushgan mablagʻlarni yoʻnaltirish vakolati berilsin.

6. Qoraqalpogʻiston Respublikasi Vazirlar Kengashi mazkur Farmon ijrosi yakunlariga koʻra 2024-yil 1-avgustga qadar qishloq xoʻjaligiga moʻljallangan sugʻorilmaydigan yerlar hamda oʻrmon fondi yerlarining yer fondi toifasini aholi punktlarining (shaharlar, posyolkalar va qishloq aholi punktlarining) yerlari toifasiga oʻtkazish boʻyicha takliflarni belgilangan tartibda kiritsin.

7. Bosh prokuratura Farmon ijrosini tashkil etishda qonuniylikni taʼminlash ustidan qatʼiy nazorat oʻrnatsin.

8. Ushbu Farmonning ijrosini samarali tashkil qilishga masʼul etib Qoraqalpogʻiston Respublikasi Vazirlar Kengashi Raisi F.U. Ermanov belgilansin.

9. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Amalga oshirilgan ishlar toʻgʻrisida 2024-yil 1-sentabrga qadar Oʻzbekiston Respublikasi Prezidentiga axborot berilsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 28-iyul,

PF-119-son

(Qonunchilik maʼlumotlari milliy bazasi, 28.07.2023-y., 06/23/119/0533-son)

lex.uz

Президента Республики Узбекистан

Указ

О социальной поддержке населения Республики Каракалпакстан и признании прав на жилье, построенное физическими лицами

В соответствии со статьей 47 Конституции Республики Узбекистан в целях создания условий для реализации прав на жилище жителей Республики Каракалпакстан, социальной поддержки населения путем признания прав на объекты недвижимого имущества, построенные физическими лицами:

1. Принять к сведению, что на территории Республики Каракалпакстан:

в соответствии с постановлением Кабинета Министров Республики Узбекистан от 3 августа 2016 года № 251 «О проведении сплошной инвентаризации объектов недвижимого имущества, принадлежащих физическим и юридическим лицам в период 2016-2017 годов» признаны права на 71 987 жилых помещений без правоустанавливающих документов;

в соответствии с Указом Президента Республики Узбекистан от 20 апреля 2018 года № УП-5421 «О дополнительных мерах по социальной поддержке граждан и проведении разовой общегосударственной акции по признанию права собственности на самовольно построенные жилые помещения» признаны права на 50 361 жилое помещение без правоустанавливающих документов;

по данным Совета Министров Республики Каракалпакстан, имеется дополнительно 43 432 жилых помещения, право на которые не признано в рамках вышеуказанных постановления и Указа.

2. Поддержать предложение Жокаргы Кенеса Республики Каракалпакстан о признании на территории Республики Каракалпакстан права аренды на земельный участок, на котором расположено жилье граждан, построенное без правоустанавливающих документов, права собственности на здания и сооружения, расположенные на нем. При этом принять во внимание, что:

а) для признания права аренды на земельный участок и права собственности на здания и сооружения:

гражданин должен был использовать это жилье, как собственное — добросовестно, открыто и непрерывно начиная с периода до 1 мая 2018 года, что должно быть подтверждено обработкой космических снимков, а также уплатой земельного налога и налога на имущество за последние пять лет;

признание права не должно нарушать права и охраняемые законом интересы других лиц;

земельный участок не должен быть пустующим, построенное на нем жилье должно быть предназначено для проживания и не создавать угрозу жизни и здоровью граждан;

земельный участок не должен относиться к категории орошаемых земель, охраняемых природных территорий, земель историко-культурного значения, земель, предназначенных для связи, транспортных и оборонных целей, земель, загрязненных химическими или радиоактивными веществами, не должен располагаться в санитарно-защитных зонах водных объектов, в зонах формирования поверхностных и подземных вод;

б) права аренды на земельные участки, занятые до 30 апреля 1998 года, должна признаться в размере — до 0,24 га, для земель, занятых с 1 мая 1998 года по 1 мая 2018 года — до 0,06 га;

в) не требуется заключение договора аренды земельного участка между собственниками жилья и хокимом района (города);

г) земельные участки, не подпадающие под действие настоящего пункта или превышающие определенный размер, возвращаются в резерв, их предоставление (реализация) осуществляется в порядке, установленном Земельным кодексом .

3. Установить, что признание прав в соответствии с настоящим Указом оформляется постановлением Жокаргы Кенеса Республики Каракалпакстан в соответствии с перечнем жилых помещений, утверждаемым решениями районных (городских) Кенгашей народных депутатов. При этом:

в случае возникновения спора между претендентами и (или) владельцами сопредельных земельных участков решения районных (городских) Кенгашей народных депутатов принимаются после разрешения спора;

предельный срок принятия районными (городскими) Кенгашами народных депутатов решений на основании настоящего пункта и внесения в них изменений и дополнений — 1 августа 2024 года;

решения районных (городских) Кенгашей народных депутатов и Жокаргы Кенеса Республики Каракалпакстан, предусмотренные настоящим пунктом, принимаются после проведения правовой экспертизы в соответствующем органе юстиции и вступают в силу после официального опубликования.

4. Нижеследующим представить в Совет Министров Республики Каракалпакстан:

Агентству по кадастру — в недельный срок перечень жилых помещений, включенных в его электронную базу данных в разрезе районов и городов;

Агентству «Узбеккосмос» — по графику, согласованному с Советом Министров Республики Каракалпакстан, данные, полученные в результате обработки космических снимков территорий по состоянию до 1 мая 2018 года;

Налоговому комитету — в двухмесячный срок данные о жилых помещениях, за которые уплачивался земельный налог и налог на имущество за последние пять лет, из числа жилых помещений, включенных в электронную базу данных Агентства по кадастру;

министерствам, ведомствам и организациям, ответственным за ведение государственных кадастров, — в двухмесячный срок информацию о жилых помещениях, находящихся на закрепленной за ними территории, которые не подлежат признанию права собственности в соответствии с подпунктом «а» пункта 2 настоящего Указа.

5. Предоставить Жокаргы Кенесу Республики Каракалпакстан полномочия по определению организационных мероприятий по реализации настоящего Указа, в том числе:

созданию рабочих групп по Республике Каракалпакстан, районам и городам;

введению разового сбора за признание права, определению направлений расходования полученных от него средств;

направлению средств из республиканского бюджета Республики Каракалпакстан, бюджетов районов и городов, а также разовых сборов, на расходы по реализации настоящего Указа, в частности, на оказание помощи гражданам, зарегистрированным в информационной системе «Единый реестр социальной защиты», обработку космических снимков.

6. Совету Министров Республики Каракалпакстан до 1 августа 2024 года по результатам реализации настоящего Указа в установленном порядке внести предложения по переводу категории земельного фонда неорошаемых земель сельскохозяйственного назначения и земель лесного фонда на категорию земель населенных пунктов (городов, поселков и сельских населенных пунктов).

7. Генеральной прокуратуре установить строгий надзор за обеспечением законности в организации исполнения Указа.

8. Возложить на Председателя Совета Министров Республики Каракалпакстан Ф.У. Эрманова персональную ответственность за эффективную организацию исполнения настоящего Указа.

9. Контроль за исполнением настоящего Указа возложить на Премьер-министра Республики Узбекистан А.Н. Арипова.

О проделанной работе информировать Президента Республики Узбекистан до 1 сентября 2024 года.

Президент Республики Узбекистан Ш. МИРЗИЁЕВ

г. Ташкент,

28 июля 2023 г.,

№ УП-119

(Национальная база данных законодательства, 28.07.2023 г., № 06/23/119/0533)

lex.uz