UzbekAI

Ўзбекистон Республикаси иқтисодиёт ва молия вазирининг

буйруғи

Хорижий авиакомпанияларнинг ҳаво кемалари учун мўлжалланган авиакеросин маҳсулотини божхона расмийлаштирувидан ўтказиш қоидаларига ўзгартиришлар киритиш тўғрисида

Ўзбекистон Республикаси Президентининг 2022 йил 21 декабрдаги ПФ-269-сон «Янги Ўзбекистон маъмурий ислоҳотларини амалга ошириш чора-тадбирлари тўғрисида»ги Фармони ва Ўзбекистон Республикаси Вазирлар Маҳкамасининг 2020 йил 9 апрелдаги 210-сон «Божхона омбори, эркин омбор ва бож олинмайдиган савдо дўкони фаолиятини лицензиялаш юзасидан давлат хизматларини кўрсатишнинг маъмурий регламентларини тасдиқлаш тўғрисида»ги қарорига мувофиқ буюраман:

1. Ўзбекистон Республикаси Давлат божхона қўмитасининг 2013 йил 5 ноябрдаги 01-02/12-29-сон қарори (рўйхат рақами 2525, 2013 йил 18 ноябрь) (Ўзбекистон Республикаси қонун ҳужжатлари тўплами, 2013 й., 47-сон, 619-модда) билан тасдиқланган Хорижий авиакомпанияларнинг ҳаво кемалари учун мўлжалланган авиакеросин маҳсулотини божхона расмийлаштирувидан ўтказиш қоидаларга иловага мувофиқ ўзгартиришлар киритилсин.

2. Мазкур буйруқ Ўзбекистон Республикаси Транспорт вазирлиги билан келишилган.

3. Мазкур буйруқ расмий эълон қилинган кундан эътиборан кучга киради.

Келишилди:

Ўзбекистон Республикаси иқтисодиёт ва молия вазирининг 2023 йил 21 июлдаги 66-сон буйруғига ИЛОВА

Хорижий авиакомпанияларнинг ҳаво кемалари учун мўлжалланган авиакеросин маҳсулотини божхона расмийлаштирувидан ўтказиш қоидаларга киритилаётган ўзгартиришлар

1. 1-бандда :

олтинчи хатбошидаги «Ўзбекистон ҳаво йўллари» миллий авиакомпаниясининг» деган сўзлар «Uzbekistan Airports» акциядорлик жамиятининг» деган сўзлар билан алмаштирилсин;

саккизинчи хатбошидаги «Давлат божхона қўмитасининг» деган сўзлар «Иқтисодиёт ва молия вазирлиги ҳузуридаги Божхона қўмитасининг» деган сўзлар билан алмаштирилсин.

2. 2-банддаги «Вазирлар Маҳкамасининг 2003 йил 20 ноябрдаги 523-сон қарори (Ўзбекистон Республикаси қонун ҳужжатлари тўплами, 2003 й., 22-сон, 224-модда) билан тасдиқланган Божхона омбори фаолиятини лицензиялаш тўғрисида низом» деган сўзлар «Вазирлар Маҳкамасининг 2020 йил 9 апрелдаги 210-сон қарори билан тасдиқланган Божхона омбори фаолиятини лицензиялаш юзасидан давлат хизматларини кўрсатишнинг маъмурий регламенти» деган сўзлар билан алмаштирилсин.

3. 19-банд қуйидаги таҳрирда баён этилсин:

«19. Божхона омборининг эгаси божхона омборига жойлаштирилган ва ундан чиқарилган авиакеросин маҳсулотлари бўйича Ўзбекистон Республикаси Иқтисодиёт ва молия вазирлиги ҳузуридаги Божхона қўмитасининг ахборот тизимида ушбу авиакеросин маҳсулотларининг жойлаштирилиши ва ундан чиқарилиши тўғрисида белги қўйган ҳолда, автоматлаштирилган ҳисобни юритади.».

Вазир Ш. КУДБИЕВ

Транспорт вазири И. МАХКАМОВ

Тошкент ш.,

2023 йил 21 июль,

2023 йил 4 июль

66-сон

(Қонунчилик маълумотлари миллий базаси, 31.07.2023 й., 10/23/2525-3/0545-сон)

Oʻzbekiston Respublikasi iqtisodiyot va moliya vazirining

buyrugʻi

Xorijiy aviakompaniyalarning havo kemalari uchun moʻljallangan aviakerosin mahsulotini bojxona rasmiylashtiruvidan oʻtkazish qoidalariga oʻzgartirishlar kiritish toʻgʻrisida

Oʻzbekiston Respublikasi Prezidentining 2022-yil 21-dekabrdagi PF-269-son “Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisida”gi Farmoni va Oʻzbekiston Respublikasi Vazirlar Mahkamasining 2020-yil 9-apreldagi 210-son “Bojxona ombori, erkin ombor va boj olinmaydigan savdo doʻkoni faoliyatini litsenziyalash yuzasidan davlat xizmatlarini koʻrsatishning maʼmuriy reglamentlarini tasdiqlash toʻgʻrisida”gi qaroriga muvofiq buyuraman:

1. Oʻzbekiston Respublikasi Davlat bojxona qoʻmitasining 2013-yil 5-noyabrdagi 01-02/12-29-son qarori (roʻyxat raqami 2525, 2013-yil 18-noyabr) (Oʻzbekiston Respublikasi qonun hujjatlari toʻplami, 2013-y., 47-son, 619-modda) bilan tasdiqlangan Xorijiy aviakompaniyalarning havo kemalari uchun moʻljallangan aviakerosin mahsulotini bojxona rasmiylashtiruvidan oʻtkazish qoidalarga ilovaga muvofiq oʻzgartirishlar kiritilsin.

2. Mazkur buyruq Oʻzbekiston Respublikasi Transport vazirligi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

Kelishildi:

Oʻzbekiston Respublikasi iqtisodiyot va moliya vazirining 2023-yil 21-iyuldagi 66-son buyrugʻiga ILOVA

Xorijiy aviakompaniyalarning havo kemalari uchun moʻljallangan aviakerosin mahsulotini bojxona rasmiylashtiruvidan oʻtkazish qoidalarga kiritilayotgan oʻzgartirishlar

1. 1-bandda :

oltinchi xatboshidagi “Oʻzbekiston havo yoʻllari” milliy aviakompaniyasining” degan soʻzlar “Uzbekistan Airports” aksiyadorlik jamiyatining” degan soʻzlar bilan almashtirilsin;

sakkizinchi xatboshidagi “Davlat bojxona qoʻmitasining” degan soʻzlar “Iqtisodiyot va moliya vazirligi huzuridagi Bojxona qoʻmitasining” degan soʻzlar bilan almashtirilsin.

2. 2-banddagi “Vazirlar Mahkamasining 2003-yil 20-noyabrdagi 523-son qarori (Oʻzbekiston Respublikasi qonun hujjatlari toʻplami, 2003-y., 22-son, 224-modda) bilan tasdiqlangan Bojxona ombori faoliyatini litsenziyalash toʻgʻrisida nizom” degan soʻzlar “Vazirlar Mahkamasining 2020-yil 9-apreldagi 210-son qarori bilan tasdiqlangan Bojxona ombori faoliyatini litsenziyalash yuzasidan davlat xizmatlarini koʻrsatishning maʼmuriy reglamenti” degan soʻzlar bilan almashtirilsin.

3. 19-band quyidagi tahrirda bayon etilsin:

“19. Bojxona omborining egasi bojxona omboriga joylashtirilgan va undan chiqarilgan aviakerosin mahsulotlari boʻyicha Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining axborot tizimida ushbu aviakerosin mahsulotlarining joylashtirilishi va undan chiqarilishi toʻgʻrisida belgi qoʻygan holda, avtomatlashtirilgan hisobni yuritadi.”.

Vazir Sh. KUDBIYEV

Transport vaziri I. MAXKAMOV

Toshkent sh.,

2023-yil 21-iyul,

2023-yil 4-iyul

66-son

(Qonunchilik maʼlumotlari milliy bazasi, 31.07.2023-y., 10/23/2525-3/0545-son)