📅 2023-yil 31-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 31 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 31 июля 2023 г. · Постановления Президента
Официальный текст. Официальный документ. Редакционные примечания не включены.
📅 31 July 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
«Ўзсаноатқурилишбанк» акциядорлик тижорат банкининг молиявий барқарорлигини мустаҳкамлаш ва хусусийлаштиришни жадаллаштиришга оид қўшимча чора-тадбирлар тўғрисида
«Ўзсаноатқурилишбанк» акциядорлик тижорат банкининг (кейинги ўринларда — «Ўзсаноатқурилишбанк» АТБ) молиявий барқарорлиги ва инвестицион жозибадорлигини ҳамда операцион самарадорлигини ошириш, хусусийлаштиришга тайёрлаш ва банк тизимига стратегик инвесторларни жалб қилиш мақсадида:
1. Қуйидагилар:
Халқаро молия корпорацияси (кейинги ўринларда — ХМК) ҳамда Европа тикланиш ва тараққиёт банкидан (кейинги ўринларда — ЕТТБ) жами 125 миллион АҚШ доллари миқдоридаги «Ўзсаноатқурилишбанк» АТБнинг қўшимча чиқарилган оддий акцияларига конвертация қилиш имконияти билан кредит линиялари жалб қилинганлиги;
ХМК, Осиё тараққиёт банки (кейинги ўринларда — ОТБ) ва ЕТТБнинг «Ўзсаноатқурилишбанк» АТБни трансформация қилиш ва хусусийлаштириш масалалари бўйича қўшма тавсиялари тақдим этилганлиги маълумот учун қабул қилинсин.
2. Ўзбекистон Республикаси Президенти ҳузуридаги Стратегик ислоҳотлар агентлиги (кейинги ўринларда — Агентлик), Давлат активларини бошқариш агентлиги ҳамда Тикланиш ва тараққиёт жамғармасининг «Ўзсаноатқурилишбанк» АТБнинг инвестицион жозибадорлигини оширишга қаратилган қуйидаги таклифлари маъқуллансин:
а) «Ўзсаноатқурилишбанк» АТБ Кузатув кенгаши томонидан Банк бошқарув раиси ва унинг аъзоларини мустақил равишда тайинлаш ва лавозимидан озод қилиш амалиётини тўлақонли жорий этиш ҳамда бу борада тайинлаш ва рағбатлантириш қўмитаси ролини кучайтириш;
б) «Ўзсаноатқурилишбанк» АТБ хусусийлаштирилгунга қадар банк оддий акциялари бўйича дивиденд тўланмаган ҳолда унинг соф фойдасини тақсимламаслик;
в) 2023 йилнинг якунига қадар:
ОТБ билан 50 миллион АҚШ доллари миқдоридаги кредит маблағларини «Ўзсаноатқурилишбанк» АТБга жалб қилиш ҳамда мазкур кредит маблағларини банк акцияларига конвертация қилиш имкониятини бериш бўйича битимни имзолаш;
ХМКнинг 40 миллион АҚШ доллари миқдоридаги субординар қарз маблағларини жалб қилиш;
банкнинг раҳбарлик лавозимларига хорижий мутахассисларни жалб қилиш;
ЕТТБ, ХМК ва ОТБ билан ҳамкорликда экологик, ижтимоий ва корпоратив бошқарув (ESG) тамойилларини жорий этиш;
халқаро молия институтлари ва экспертларни жалб этган ҳолда «Ўзсаноатқурилишбанк» АТБни уч йиллик ривожлантириш ва рақамли трансформация қилиш стратегиясини ишлаб чиқиш;
ХМК кўмагида 100 миллион АҚШ доллари миқдорида «яшил» облигацияларни маҳаллий ва халқаро капитал бозорларида муомалага чиқариш;
3. Агентлик бош директорига Ўзбекистон Республикаси номидан «Ўзсаноатқурилишбанк» АТБ капиталига халқаро молия институтларининг маблағларини жалб қилиш бўйича музокаралар олиб бориш ҳамда тегишли ҳужжатларни имзолаш ваколати берилсин.
4. «Ўзсаноатқурилишбанк» АТБга банкни хусусийлаштириш ва трансформация қилиш жараёнида, Кузатув кенгаши томонидан тасдиқланган низомга мувофиқ малакали мутахассислардан иборат танлов комиссияси томонидан мустақил равишда қуйидаги харид жараёнларини амалга ошириш ва тўғридан-тўғри шартномалар тузиш ҳуқуқи берилсин:
халқаро юридик, аудиторлик компаниялари, инвестиция маслаҳатчилари ва инвестиция банклари, илғор хорижий ва маҳаллий таълим муассасалари, юқори малакали хорижий эксперт ва консультантларни жалб этиш;
ахборотлаштириш қурилмалари, дастурий таъминотлар ва банкоматларни етказиб берувчи компаниялар билан шартномалар тузиш.
5. Иқтисодиёт ва молия вазирлиги бир ой муддатда «Ўзсаноатқурилишбанк» АТБга ажратилган умумий қиймати 1 280,12 миллиард сўм миқдоридаги кредит линияси маблағлари дастлабки шартларни ўзгаришсиз қолдирган ҳолда субординар қарз сифатида қайта расмийлаштирилишини таъминласин.
6. Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига иловага мувофиқ ўзгартиришлар ва қўшимча киритилсин.
7. Мазкур қарорнинг ижросини назорат қилиш Ўзбекистон Республикаси Президенти ҳузуридаги Стратегик ислоҳотлар агентлиги бош директори Ш.А. Вафаев зиммасига юклансин.
Ўзбекистон Республикаси Президентининг 2023 йил 31 июлдаги ПҚ-253-сон қарорига ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига киритилаётган ўзгартиришлар ва қўшимча
1. Ўзбекистон Республикаси Президентининг 2022 йил 18 мартдаги «Иқтисодиётда давлат иштирокини янада қисқартириш ва хусусийлаштиришни жадаллаштиришга оид қўшимча чора-тадбирлар тўғрисида»ги ПҚ-168-сон қарорининг 7-бандида :
а) биринчи хатбошидаги «Молия вазирлиги» сўзлари «Стратегик ислоҳотлар агентлиги» сўзлари билан алмаштирилсин;
б) иккинчи хатбошидаги «2022 йил 1 октябрга қадар» сўзлари «2024 йил 1 мартга қадар» сўзлари билан алмаштирилсин;
в) учинчи хатбоши қуйидаги таҳрирда баён этилсин:
«Халқаро молия корпорацияси, Европа тикланиш ва тараққиёт банки ҳамда Осиё тараққиёт банкини жалб қилган ҳолда 2024 йил якунига қадар «Ўзсаноатқурилишбанк» АТБ ва 2025 йил якунига қадар «Асакабанк» АТБнинг давлат улушлари хусусийлаштирилишини таъминласин»;
г) тўртинчи хатбошидаги «2023 йил 1 июлга қадар» сўзлари «2025 йил 1 январга қадар» сўзлари билан алмаштирилсин.
2. Вазирлар Маҳкамасининг 2021 йил 29 мартдаги «Ўзсаноатқурилишбанк» акциядорлик тижорат банкини халқаро молия институтлари иштирокида хусусийлаштириш ва трансформация қилиш чора-тадбирлари тўғрисида»ги 161-сон қарорида :
а) қуйидаги мазмундаги 2 1 -банд билан тўлдирилсин:
«2 1 . Банкни хусусийлаштириш ва трансформация қилиш ишларини жадаллаштириш мақсадида:
Банк томонидан янги бериладиган кредитлар бозор тамойиллари ва хатарларни бошқариш тизимидан келиб чиққан ҳолда банк сиёсати асосида ажратилади;
Банкнинг Кузатув кенгаши раиси 2023 йил 31 августга қадар унинг мустақил аъзолари орасидан сайланади»;
б) 3-банднинг учинчи хатбошиси чиқариб ташлансин;
в) 6-банднинг иккинчи хатбошисидаги «2023» рақами «2024» рақами билан алмаштирилсин;
г) 8-банднинг тўртинчи хатбошисидаги «ХМКга» қисқартмаси «халқаро молия институтларига» сўзлари билан алмаштирилсин.
3. Вазирлар Маҳкамасининг 2021 йил 28 декабрдаги 778-сон қарори билан тасдиқланган 2023 йил якунига қадар «Ўзсаноатқурилишбанк» акциядорлик тижорат банкини хусусийлаштириш бўйича « йўл харитаси »да:
а) 6-позицияда:
«Чора-тадбирлар» устуни қуйидаги таҳрирда баён этилсин:
«Мустақил аъзолар орасидан Банк Кузатув кенгаши раисини сайлаш»;
«Ижро муддати» устунидаги «Халқаро молия институтидан кредит линиясини конвертация қилиш тўғрисидаги хабарнома олингандан кейин 90 кун муддатда» сўзлари «2023 йил 31 августга қадар» сўзлари билан алмаштирилсин;
б) 38-позициянинг «Амалга ошириш механизми» устунидаги 1-банд чиқариб ташлансин;
в) 41-позицияда:
«Чора-тадбирлар» устунидан «2023 йил якунига қадар» сўзлари чиқариб ташлансин;
«Ижро муддати» устунидаги «2023» рақами «2024» рақами билан алмаштирилсин;
«Масъуллар» устунидаги «Молия вазирлиги» сўзлари «Стратегик ислоҳотлар агентлиги» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 31 июль,
ПҚ-253-сон
Oʻzbekiston Respublikasi Prezidentining
qarori
“Oʻzsanoatqurilishbank” aksiyadorlik tijorat bankining moliyaviy barqarorligini mustahkamlash va xususiylashtirishni jadallashtirishga oid qoʻshimcha chora-tadbirlar toʻgʻrisida
“Oʻzsanoatqurilishbank” aksiyadorlik tijorat bankining (keyingi oʻrinlarda — “Oʻzsanoatqurilishbank” ATB) moliyaviy barqarorligi va investitsion jozibadorligini hamda operatsion samaradorligini oshirish, xususiylashtirishga tayyorlash va bank tizimiga strategik investorlarni jalb qilish maqsadida:
1. Quyidagilar:
Xalqaro moliya korporatsiyasi (keyingi oʻrinlarda — XMK) hamda Yevropa tiklanish va taraqqiyot bankidan (keyingi oʻrinlarda — YETTB) jami 125 million AQSH dollari miqdoridagi “Oʻzsanoatqurilishbank” ATBning qoʻshimcha chiqarilgan oddiy aksiyalariga konvertatsiya qilish imkoniyati bilan kredit liniyalari jalb qilinganligi;
XMK, Osiyo taraqqiyot banki (keyingi oʻrinlarda — OTB) va YETTBning “Oʻzsanoatqurilishbank” ATBni transformatsiya qilish va xususiylashtirish masalalari boʻyicha qoʻshma tavsiyalari taqdim etilganligi maʼlumot uchun qabul qilinsin.
2. Oʻzbekiston Respublikasi Prezidenti huzuridagi Strategik islohotlar agentligi (keyingi oʻrinlarda — Agentlik), Davlat aktivlarini boshqarish agentligi hamda Tiklanish va taraqqiyot jamgʻarmasining “Oʻzsanoatqurilishbank” ATBning investitsion jozibadorligini oshirishga qaratilgan quyidagi takliflari maʼqullansin:
a) “Oʻzsanoatqurilishbank” ATB Kuzatuv kengashi tomonidan Bank boshqaruv raisi va uning aʼzolarini mustaqil ravishda tayinlash va lavozimidan ozod qilish amaliyotini toʻlaqonli joriy etish hamda bu borada tayinlash va ragʻbatlantirish qoʻmitasi rolini kuchaytirish;
b) “Oʻzsanoatqurilishbank” ATB xususiylashtirilgunga qadar bank oddiy aksiyalari boʻyicha dividend toʻlanmagan holda uning sof foydasini taqsimlamaslik;
v) 2023-yilning yakuniga qadar:
OTB bilan 50 million AQSH dollari miqdoridagi kredit mablagʻlarini “Oʻzsanoatqurilishbank” ATBga jalb qilish hamda mazkur kredit mablagʻlarini bank aksiyalariga konvertatsiya qilish imkoniyatini berish boʻyicha bitimni imzolash;
XMKning 40 million AQSH dollari miqdoridagi subordinar qarz mablagʻlarini jalb qilish;
bankning rahbarlik lavozimlariga xorijiy mutaxassislarni jalb qilish;
YETTB, XMK va OTB bilan hamkorlikda ekologik, ijtimoiy va korporativ boshqaruv (ESG) tamoyillarini joriy etish;
xalqaro moliya institutlari va ekspertlarni jalb etgan holda “Oʻzsanoatqurilishbank” ATBni uch yillik rivojlantirish va raqamli transformatsiya qilish strategiyasini ishlab chiqish;
XMK koʻmagida 100 million AQSH dollari miqdorida “yashil” obligatsiyalarni mahalliy va xalqaro kapital bozorlarida muomalaga chiqarish;
3. Agentlik bosh direktoriga Oʻzbekiston Respublikasi nomidan “Oʻzsanoatqurilishbank” ATB kapitaliga xalqaro moliya institutlarining mablagʻlarini jalb qilish boʻyicha muzokaralar olib borish hamda tegishli hujjatlarni imzolash vakolati berilsin.
4. “Oʻzsanoatqurilishbank” ATBga bankni xususiylashtirish va transformatsiya qilish jarayonida, Kuzatuv kengashi tomonidan tasdiqlangan nizomga muvofiq malakali mutaxassislardan iborat tanlov komissiyasi tomonidan mustaqil ravishda quyidagi xarid jarayonlarini amalga oshirish va toʻgʻridan-toʻgʻri shartnomalar tuzish huquqi berilsin:
xalqaro yuridik, auditorlik kompaniyalari, investitsiya maslahatchilari va investitsiya banklari, ilgʻor xorijiy va mahalliy taʼlim muassasalari, yuqori malakali xorijiy ekspert va konsultantlarni jalb etish;
axborotlashtirish qurilmalari, dasturiy taʼminotlar va bankomatlarni yetkazib beruvchi kompaniyalar bilan shartnomalar tuzish.
5. Iqtisodiyot va moliya vazirligi bir oy muddatda “Oʻzsanoatqurilishbank” ATBga ajratilgan umumiy qiymati 1 280,12 milliard soʻm miqdoridagi kredit liniyasi mablagʻlari dastlabki shartlarni oʻzgarishsiz qoldirgan holda subordinar qarz sifatida qayta rasmiylashtirilishini taʼminlasin.
6. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga ilovaga muvofiq oʻzgartirishlar va qoʻshimcha kiritilsin.
7. Mazkur qarorning ijrosini nazorat qilish Oʻzbekiston Respublikasi Prezidenti huzuridagi Strategik islohotlar agentligi bosh direktori Sh.A. Vafayev zimmasiga yuklansin.
Oʻzbekiston Respublikasi Prezidentining 2023-yil 31-iyuldagi PQ-253-son qaroriga ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga kiritilayotgan oʻzgartirishlar va qoʻshimcha
1. Oʻzbekiston Respublikasi Prezidentining 2022-yil 18-martdagi “Iqtisodiyotda davlat ishtirokini yanada qisqartirish va xususiylashtirishni jadallashtirishga oid qoʻshimcha chora-tadbirlar toʻgʻrisida”gi PQ-168-son qarorining 7-bandida :
a) birinchi xatboshidagi “Moliya vazirligi” soʻzlari “Strategik islohotlar agentligi” soʻzlari bilan almashtirilsin;
b) ikkinchi xatboshidagi “2022-yil 1-oktabrga qadar” soʻzlari “2024-yil 1-martga qadar” soʻzlari bilan almashtirilsin;
v) uchinchi xatboshi quyidagi tahrirda bayon etilsin:
“Xalqaro moliya korporatsiyasi, Yevropa tiklanish va taraqqiyot banki hamda Osiyo taraqqiyot bankini jalb qilgan holda 2024-yil yakuniga qadar “Oʻzsanoatqurilishbank” ATB va 2025-yil yakuniga qadar “Asakabank” ATBning davlat ulushlari xususiylashtirilishini taʼminlasin”;
g) toʻrtinchi xatboshidagi “2023-yil 1-iyulga qadar” soʻzlari “2025-yil 1-yanvarga qadar” soʻzlari bilan almashtirilsin.
2. Vazirlar Mahkamasining 2021-yil 29-martdagi “Oʻzsanoatqurilishbank” aksiyadorlik tijorat bankini xalqaro moliya institutlari ishtirokida xususiylashtirish va transformatsiya qilish chora-tadbirlari toʻgʻrisida”gi 161-son qarorida :
a) quyidagi mazmundagi 2 1 -band bilan toʻldirilsin:
“2 1 . Bankni xususiylashtirish va transformatsiya qilish ishlarini jadallashtirish maqsadida:
Bank tomonidan yangi beriladigan kreditlar bozor tamoyillari va xatarlarni boshqarish tizimidan kelib chiqqan holda bank siyosati asosida ajratiladi;
Bankning Kuzatuv kengashi raisi 2023-yil 31-avgustga qadar uning mustaqil aʼzolari orasidan saylanadi”;
b) 3-bandning uchinchi xatboshisi chiqarib tashlansin;
v) 6-bandning ikkinchi xatboshisidagi “2023” raqami “2024” raqami bilan almashtirilsin;
g) 8-bandning toʻrtinchi xatboshisidagi “XMKga” qisqartmasi “xalqaro moliya institutlariga” soʻzlari bilan almashtirilsin.
3. Vazirlar Mahkamasining 2021-yil 28-dekabrdagi 778-son qarori bilan tasdiqlangan 2023-yil yakuniga qadar “Oʻzsanoatqurilishbank” aksiyadorlik tijorat bankini xususiylashtirish boʻyicha “ yoʻl xaritasi ”da:
a) 6-pozitsiyada:
“Chora-tadbirlar” ustuni quyidagi tahrirda bayon etilsin:
“Mustaqil aʼzolar orasidan Bank Kuzatuv kengashi raisini saylash”;
“Ijro muddati” ustunidagi “Xalqaro moliya institutidan kredit liniyasini konvertatsiya qilish toʻgʻrisidagi xabarnoma olingandan keyin 90 kun muddatda” soʻzlari “2023-yil 31-avgustga qadar” soʻzlari bilan almashtirilsin;
b) 38-pozitsiyaning “Amalga oshirish mexanizmi” ustunidagi 1-band chiqarib tashlansin;
v) 41-pozitsiyada:
“Chora-tadbirlar” ustunidan “2023-yil yakuniga qadar” soʻzlari chiqarib tashlansin;
“Ijro muddati” ustunidagi “2023” raqami “2024” raqami bilan almashtirilsin;
“Masʼullar” ustunidagi “Moliya vazirligi” soʻzlari “Strategik islohotlar agentligi” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 31-iyul,
PQ-253-son
Президента Республики Узбекистан
Постановление
О дополнительных мерах по укреплению финансовой устойчивости и ускорению приватизации Акционерного коммерческого банка «Узпромстройбанк»
В целях повышения финансовой устойчивости, инвестиционной привлекательности, операционной эффективности и подготовки к приватизации Акционерного коммерческого банка «Узпромстройбанк» (далее — АКБ «Узпромстройбанк»), а также привлечения стратегических инвесторов в банковский сектор:
1. Принять к сведению, что:
привлечены кредитные линии Международной финансовой корпорации (далее — МФК) и Европейского банка реконструкции и развития (далее — ЕБРР) в размере всего 125 млн долларов США с возможностью конвертации в простые акции, дополнительно выпущенные АКБ «Узпромстройбанк»;
МФК, Азиатским банком развития (далее — АБР) и ЕБРР предоставлены совместные рекомендации по вопросам трансформации и приватизации АКБ «Узпромстройбанк».
2. Одобрить предложения Агентства стратегических реформ при Президенте Республики Узбекистан (далее — Агентство), Агентства по управлению государственными активами, а также Фонда реконструкции и развития, направленные на повышение инвестиционной привлекательности АКБ «Узпромстройбанк», предусматривающие:
а) полное внедрение практики самостоятельного назначения на должность и освобождения от должности председателя Правления банка и его членов Наблюдательным советом АКБ «Узпромстройбанк», а также усиление роли комитета по назначению и стимулированию в этом направлении;
б) нераспределение чистой прибыли без выплаты дивидендов по простым акциям банка до приватизации АКБ «Узпромстройбанк»;
в) до конца 2023 года:
подписание с АБР соглашения о привлечении в АКБ «Узпромстройбанк» его кредитных средств в размере 50 млн долларов США и предоставлении возможности конвертации данных кредитных средств в акции банка;
привлечение субординарных заемных средств МФК в размере 40 млн долларов США;
привлечение зарубежных специалистов на руководящие должности банка;
внедрение принципов экологического, социального и корпоративного управления (ESG) в сотрудничестве с ЕБРР, МФК и АБР;
разработку трехлетней стратегии развития и цифровой трансформации АКБ «Узпромстройбанк» с привлечением международных финансовых институтов и экспертов;
выпуск в обращение на отечественном и международном рынках капитала «зеленых» облигаций в размере 100 млн долларов США при содействии МФК;
3. Уполномочить генерального директора Агентства вести переговоры по привлечению средств международных финансовых институтов в капитал АКБ «Узпромстройбанк» и подписывать соответствующие документы от имени Республики Узбекистан.
4. Наделить АКБ «Узпромстройбанк» правом самостоятельного осуществления в процессе приватизации и трансформации банка нижеследующих процессов закупки и заключения прямых договоров в соответствии с Положением, утвержденным Наблюдательным советом, посредством отборочной комиссии, состоящей из квалифицированных специалистов:
привлечение международных юридических и аудиторских компаний, инвестиционных консультантов и инвестиционных банков, передовых зарубежных и отечественных образовательных учреждений, высококвалифицированных зарубежных экспертов и консультантов;
заключение договоров с компаниями, занимающимися поставкой устройств информатизации, программного обеспечения и банкоматов.
5. Министерству экономики и финансов в месячный срок обеспечить переоформление в качестве субординарного долга средств кредитной линии, выделенной АКБ «Узпромстройбанк», общей стоимостью 1 280,12 миллиарда сумов, без изменения первоначальных условий.
6. Внести изменения и дополнения в некоторые решения Президента Республики Узбекистан и Правительства Республики Узбекистан, согласно приложению .
7. Контроль за исполнением настоящего постановления возложить на генерального директора Агентства стратегических реформ при Президенте Республики Узбекистан Ш.А. Вафаева.
ПРИЛОЖЕНИЕ к постановлению Президента Республики Узбекистан от 31 июля 2023 года № ПП-253
Изменения и дополнение, вносимые в некоторые решения Президента Республики Узбекистан и Правительства Республики Узбекистан
1. В пункте 7 постановления Президента Республики Узбекистан от 18 марта 2022 года № ПП-168 «О дополнительных мерах по дальнейшему сокращению государственного участия в экономике и ускорению приватизации»:
а) в абзаце первом слова «Министерству финансов» заменить словами «Агентству стратегических реформ»;
б) в абзаце втором слова «в срок до 1 октября 2022 года» заменить словами «в срок до 1 марта 2024 года»;
в) абзац третий изложить в следующей редакции:
«приватизацию государственных долей в срок до конца 2024 года — АКБ «Узсаноаткурилишбанк» и в срок до конца 2025 года — АКБ «Асакабанк» с привлечением Международной финансовой корпорации, Европейского банка реконструкции и развития, а также Азиатского банка развития»;
г) в абзаце четвертом слова «в срок до 1 июля 2023 года» заменить словами «в срок до 1 января 2025 года».
2. В тексте на государственном языке постановления Кабинета Министров от 29 марта 2021 года № 161 «О мерах по приватизации и трансформации Акционерного коммерческого банка «Узпромстройбанк» с участием международных финансовых институтов»:
а) дополнить пунктом 2 1 следующего содержания:
«2 1 . Банкни хусусийлаштириш ва трансформация қилиш ишларини жадаллаштириш мақсадида:
Банк томонидан янги бериладиган кредитлар бозор тамойиллари ва хатарларни бошқариш тизимидан келиб чиққан ҳолда банк сиёсати асосида ажратилади;
Банкнинг Кузатув кенгаши раиси 2023 йил 31 августга қадар унинг мустақил аъзолари орасидан сайланади»;
б) абзац третий пункта 3 исключить;
в) в абзаце втором пункта 6 цифру «2023» заменить цифрой «2024»;
г) в абзаце четвертом пункта 8 аббревиатуру «ХМКга» заменить словами «халқаро молия институтларига».
3. В тексте на государственном языке «Дорожной карты» по приватизации Акционерного коммерческого банка «Узпромстройбанк» до конца 2023 года, утвержденной постановлением Кабинета Министров от 28 декабря 2021 года № 778:
а) в позиции 6:
графу «Чора-тадбирлар» изложить в следующей редакции:
«Мустақил аъзолар орасидан Банк Кузатув кенгаши раисини сайлаш»;
в графе «Ижро муддати» слова «Халқаро молия институтидан кредит линиясини конвертация қилиш тўғрисидаги хабарнома олингандан кейин 90 кун муддатда» заменить словами «2023 йил 31 августга қадар»;
б) пункт 1 графы «Амалга ошириш механизми» позиции 38 исключить;
в) в позиции 41:
из графы «Чора-тадбирлар» слова «2023 йил якунига қадар» исключить;
в графе «Ижро муддати» цифру «2023» заменить цифрой «2024»;
в графе «Масъуллар» слова «Молия вазирлиги» заменить словами «Стратегик ислоҳотлар агентлиги».
Президент Республики Узбекистан Ш. МИРЗИЁЕВ
г. Ташкент,
31 июля 2023 г.,
№ ПП-253