📅 2023-yil 27-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 27 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 27 июля 2023 г. · Постановления Президента
Официальный текст. Официальный документ. Редакционные примечания не включены.
📅 27 July 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
РЎЙХАТИ
«Фарғонаазот» акциядорлик жамиятида мавжуд қувватлардан самарали фойдаланиш ҳамда ички ва ташқи бозорда талаб юқори бўлган маҳсулотлар ишлаб чиқаришни таъминлаш чора-тадбирлари тўғрисида
Кимё тармоғини янада ривожлантириш, хорижий инвестицияларни жалб этган ҳолда кимё маҳсулотларини ишлаб чиқаришнинг мавжуд қувватларини модернизация қилиш ва янги турдаги маҳсулотлар ишлаб чиқаришни ташкил этиш ҳамда корпоратив бошқарувнинг замонавий усулларини татбиқ этиш мақсадида:
1. Давлат мулкини сотишда тендер савдоларини ўтказиш бўйича давлат комиссиясининг қарорига асосан «Фарғонаазот» акциядорлик жамияти (кейинги ўринларда — Жамият) устав капиталидаги 99,02 фоиз акциялар пакетини хусусийлаштириш бўйича тендер якунлари Жамият акциялар пакетини 130 млн АҚШ доллари ва 107 млрд сўмга сотиб олиш ҳамда инвестиция киритиш шарти билан «Indorama Сorporation Pte Ltd» компанияси савдо ғолиби этиб топилганлиги маълумот учун қабул қилинсин.
2. Ўзбекистон Республикаси Ҳукумати номидан Ўзбекистон Республикаси Инвестициялар, саноат ва савдо вазирлиги «Indorama Сorporation Pte Ltd» компанияси билан инвестиция битимини имзоласин.
Бунда, Жамиятнинг:
ишлаб чиқариш қувватларини модернизация қилиш лойиҳаси техник-иқтисодий асосларини ишлаб чиқиш натижаларига кўра 5 йил муддатда 100 миллион АҚШ доллари миқдорида инвестиция киритилиши;
барча жорий ижтимоий дастурлар сақлаб қолиниши, жумладан ходимлар сонини ва уларнинг меҳнатига тўланадиган ҳақ миқдорини қисқартирмаслик, ходимларнинг малакасини ошириш, экологик, ижтимоий ва корпоратив бошқарув тамойиллари (ESG) жорий қилиниши назарда тутилсин.
3. Белгилансинки, Жамият маҳсулотларни ташқи ва ички бозорга тўғридан-тўғри ёхуд биржа савдолари орқали эркин реализация қилади.
4. Энергетика вазирлиги, «UzGasTrade» АЖ, «Ўзтрансгаз» АЖ Жамиятни хусусийлаштириш бўйича олди-сотди шартномасига мувофиқ табиий газни ишлаб чиқариш ва етказиб бериш имкониятидан келиб чиққан ҳолда Жамиятни 10 йил давомида маҳсулот ишлаб чиқариш учун зарур ҳажмларда табиий газ билан узлуксиз таъминлаш чораларини кўрсин.
5. Давлат активларини бошқариш агентлиги ва «Ўзкимёсаноат» АЖнинг 1-иловага мувофиқ хўжалик жамиятлари устав капиталидаги Жамиятга тегишли улушларни (акция пакетларини) Давлат активларини бошқариш агентлигига баланс (қолдиқ) қийматида беғараз бериш тўғрисидаги таклифи маъқуллансин.
6. Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига 2-иловага мувофиқ ўзгартириш ва қўшимчалар киритилсин.
7. Мазкур қарор ижросини самарали ташкил қилишга масъул ва шахсий жавобгар этиб Давлат активларини бошқариш агентлиги директори А.Ж. Ортиков белгилансин.
Қарор ижросини таъминлаш учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 27 июлдаги ПҚ-242-сон қарорига 1-ИЛОВА
Давлат активларини бошқариш агентлигига баланс (қолдиқ) қийматида беғараз бериладиган хўжалик жамиятлари устав капиталидаги «Фарғонаазот» АЖга тегишли улуш (акция пакетлари)
Т/р СТИР Номи ТҲШ Ҳудуд Улуш ёки акция пакети (фоизда) 1. 302623299 «Кимёгар ёшлар маданият боғи» МЧЖ Фарғона вилояти 100,0 2. 202360550 «Кимёсавдотаъминот» МЧЖ Тошкент шаҳри 8,34 3. 305048781 «Ўзкимёимпэкс» * МЧЖ Тошкент шаҳри 0,58 4. 306921130 «РКТУнинг Тошкент шаҳридаги филиали қурилиши дирекцияси» * МЧЖ Тошкент шаҳри 25,05 5. 308301085 «Farmatsevtik PVХ» * МЧЖ Наманган вилояти 100,0 6. 309013332 «Fargonamelamine» МЧЖ Фарғона вилояти 26,0 7. 200000097 «Электрокимёзавод» АЖ Навоий вилояти 0,28 8. 200547792 «Микрокредитбанк» АТБ Тошкент шаҳри 0,002 9. 200833707 «Ўзсаноатқурилишбанк» АТБ Тошкент шаҳри 0,08 10. 303724021 «Ўзсаноатэкспорт» АЖ Тошкент шаҳри 1,53 11. 200138906 Марғилон шаҳар «Деҳқон бозори» АЖ Фарғона вилояти 22,93
Ўзбекистон Республикаси Президентининг 2023 йил 27 июлдаги ПҚ-242-сон қарорига 2-ИЛОВА
Ўзбекистон Республикаси Президентининг ва Ўзбекистон Республикаси Ҳукуматнинг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2017 йил 29 августдаги «Кимё саноати ташкилотларининг экспорт-импорт фаолиятини такомиллаштириш чора-тадбирлари тўғрисида»ги ПҚ-3246-сон қарорига 1-илованинг 3-позицияси чиқариб ташлансин.
2. Ўзбекистон Республикаси Президентининг 2020 йил 12 августдаги «Кимё ва биология йўналишларида узлуксиз таълим сифатини ва илм-фан натижадорлигини ошириш чора-тадбирлари тўғрисида»ги ПҚ-4805-сон қарорига 4-илованинг 1 — 7-позициялари «Ишлаб чиқариш тармоқлари» устунидаги «Фарғонаазот» АЖ» сўзлари чиқариб ташлансин.
3. Ўзбекистон Республикаси Президентининг 2020 йил 28 декабрдаги «Ўзбекистон Республикасининг 2021 — 2023 йилларга мўлжалланган инвестиция дастурини амалга ошириш чора-тадбирлари тўғрисида»ги ПҚ-4937-сон қарорида :
6-илованинг 42-позицияси чиқариб ташлансин;
7-илованинг 25 ва 26-позициялари чиқариб ташлансин.
4. Ўзбекистон Республикаси Президентининг 2021 йил 2 июлдаги ПҚ-5171-сон қарори билан тасдиқланган Давлат харидларини амалга ошириш жараёнлари алоҳида тартибда назорат қилинадиган айрим корпоратив ва бюджет буюртмачилари рўйхатининг 7-позицияси чиқариб ташлансин.
5. Ўзбекистон Республикаси Президентининг 2022 йил 15 июндаги «Табиий газ бозорини ислоҳ қилишнинг қўшимча чора-тадбирлари тўғрисида»ги ПҚ-280-сон қарорининг 7-банди ўз кучини йўқотган деб ҳисоблансин.
6. Ўзбекистон Республикаси Президентининг 2022 йил 28 декабрдаги «Ўзбекистон Республикасининг 2023 — 2025 йилларга мўлжалланган инвестиция дастурини амалга ошириш чора-тадбирлари тўғрисида»ги ПҚ-459-сон қарорида :
а) 3-илованинг 78-позицияси, 5-илованинг 37-позицияси ва 7-илованинг 41-позицияси чиқариб ташлансин;
б) 9-илова қуйидаги мазмундаги 47 1 -позиция билан тўлдирилсин:
« 47 1 . Меламин ишлаб чиқаришни ташкил этиш Фарғона вилояти 60 минг т «Тropidia holding b.v.» (Нидерландия) 200,0 ».
7. Вазирлар Маҳкамасининг 2022 йил 9 мартдаги 107-сон қарори билан тасдиқланган Ташқи қарзларни жалб қилиш, улардан фойдаланиш ва уларнинг миқдорини мақбуллаштириш устидан назорат қилинадиган давлат иштирокидаги корхоналар рўйхатида :
а) 19-позиция чиқариб ташлансин;
б) изоҳ қисмида :
иккинчи хатбоши чиқариб ташлансин;
учинчи хатбоши иккинчи хатбоши деб ҳисоблансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 27 июль,
ПҚ-242-сон
Oʻzbekiston Respublikasi Prezidentining
qarori
ROʻYXATI
“Fargʻonaazot” aksiyadorlik jamiyatida mavjud quvvatlardan samarali foydalanish hamda ichki va tashqi bozorda talab yuqori boʻlgan mahsulotlar ishlab chiqarishni taʼminlash chora-tadbirlari toʻgʻrisida
Kimyo tarmogʻini yanada rivojlantirish, xorijiy investitsiyalarni jalb etgan holda kimyo mahsulotlarini ishlab chiqarishning mavjud quvvatlarini modernizatsiya qilish va yangi turdagi mahsulotlar ishlab chiqarishni tashkil etish hamda korporativ boshqaruvning zamonaviy usullarini tatbiq etish maqsadida:
1. Davlat mulkini sotishda tender savdolarini oʻtkazish boʻyicha davlat komissiyasining qaroriga asosan “Fargʻonaazot” aksiyadorlik jamiyati (keyingi oʻrinlarda — Jamiyat) ustav kapitalidagi 99,02 foiz aksiyalar paketini xususiylashtirish boʻyicha tender yakunlari Jamiyat aksiyalar paketini 130 mln AQSh dollari va 107 mlrd soʻmga sotib olish hamda investitsiya kiritish sharti bilan “Indorama Sorporation Pte Ltd” kompaniyasi savdo gʻolibi etib topilganligi maʼlumot uchun qabul qilinsin.
2. Oʻzbekiston Respublikasi Hukumati nomidan Oʻzbekiston Respublikasi Investitsiyalar, sanoat va savdo vazirligi “Indorama Sorporation Pte Ltd” kompaniyasi bilan investitsiya bitimini imzolasin.
Bunda, Jamiyatning:
ishlab chiqarish quvvatlarini modernizatsiya qilish loyihasi texnik-iqtisodiy asoslarini ishlab chiqish natijalariga koʻra 5 yil muddatda 100 million AQSh dollari miqdorida investitsiya kiritilishi;
barcha joriy ijtimoiy dasturlar saqlab qolinishi, jumladan xodimlar sonini va ularning mehnatiga toʻlanadigan haq miqdorini qisqartirmaslik, xodimlarning malakasini oshirish, ekologik, ijtimoiy va korporativ boshqaruv tamoyillari (ESG) joriy qilinishi nazarda tutilsin.
3. Belgilansinki, Jamiyat mahsulotlarni tashqi va ichki bozorga toʻgʻridan-toʻgʻri yoxud birja savdolari orqali erkin realizatsiya qiladi.
4. Energetika vazirligi, “UzGasTrade” AJ, “Oʻztransgaz” AJ Jamiyatni xususiylashtirish boʻyicha oldi-sotdi shartnomasiga muvofiq tabiiy gazni ishlab chiqarish va yetkazib berish imkoniyatidan kelib chiqqan holda Jamiyatni 10 yil davomida mahsulot ishlab chiqarish uchun zarur hajmlarda tabiiy gaz bilan uzluksiz taʼminlash choralarini koʻrsin.
5. Davlat aktivlarini boshqarish agentligi va “Oʻzkimyosanoat” AJning 1-ilovaga muvofiq xoʻjalik jamiyatlari ustav kapitalidagi Jamiyatga tegishli ulushlarni (aksiya paketlarini) Davlat aktivlarini boshqarish agentligiga balans (qoldiq) qiymatida begʻaraz berish toʻgʻrisidagi taklifi maʼqullansin.
6. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.
7. Mazkur qaror ijrosini samarali tashkil qilishga masʼul va shaxsiy javobgar etib Davlat aktivlarini boshqarish agentligi direktori A.J. Ortikov belgilansin.
Qaror ijrosini taʼminlash uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 27-iyuldagi PQ-242-son qaroriga 1-ILOVA
Davlat aktivlarini boshqarish agentligiga balans (qoldiq) qiymatida begʻaraz beriladigan xoʻjalik jamiyatlari ustav kapitalidagi “Fargʻonaazot” AJga tegishli ulush (aksiya paketlari)
T/r STIR Nomi THSh Hudud Ulush yoki aksiya paketi (foizda) 1. 302623299 “Kimyogar yoshlar madaniyat bogʻi” MChJ Fargʻona viloyati 100,0 2. 202360550 “Kimyosavdotaʼminot” MChJ Toshkent shahri 8,34 3. 305048781 “Oʻzkimyoimpeks” * MChJ Toshkent shahri 0,58 4. 306921130 “RKTUning Toshkent shahridagi filiali qurilishi direksiyasi” * MChJ Toshkent shahri 25,05 5. 308301085 “Farmatsevtik PVX” * MChJ Namangan viloyati 100,0 6. 309013332 “Fargonamelamine” MChJ Fargʻona viloyati 26,0 7. 200000097 “Elektrokimyozavod” AJ Navoiy viloyati 0,28 8. 200547792 “Mikrokreditbank” ATB Toshkent shahri 0,002 9. 200833707 “Oʻzsanoatqurilishbank” ATB Toshkent shahri 0,08 10. 303724021 “Oʻzsanoateksport” AJ Toshkent shahri 1,53 11. 200138906 Margʻilon shahar “Dehqon bozori” AJ Fargʻona viloyati 22,93
Oʻzbekiston Respublikasi Prezidentining 2023-yil 27-iyuldagi PQ-242-son qaroriga 2-ILOVA
Oʻzbekiston Respublikasi Prezidentining va Oʻzbekiston Respublikasi Hukumatning ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2017-yil 29-avgustdagi “Kimyo sanoati tashkilotlarining eksport-import faoliyatini takomillashtirish chora-tadbirlari toʻgʻrisida”gi PQ-3246-son qaroriga 1-ilovaning 3-pozitsiyasi chiqarib tashlansin.
2. Oʻzbekiston Respublikasi Prezidentining 2020-yil 12-avgustdagi “Kimyo va biologiya yoʻnalishlarida uzluksiz taʼlim sifatini va ilm-fan natijadorligini oshirish chora-tadbirlari toʻgʻrisida”gi PQ-4805-son qaroriga 4-ilovaning 1 — 7-pozitsiyalari “Ishlab chiqarish tarmoqlari” ustunidagi “Fargʻonaazot” AJ” soʻzlari chiqarib tashlansin.
3. Oʻzbekiston Respublikasi Prezidentining 2020-yil 28-dekabrdagi “Oʻzbekiston Respublikasining 2021 — 2023-yillarga moʻljallangan investitsiya dasturini amalga oshirish chora-tadbirlari toʻgʻrisida”gi PQ-4937-son qarorida :
6-ilovaning 42-pozitsiyasi chiqarib tashlansin;
7-ilovaning 25 va 26-pozitsiyalari chiqarib tashlansin.
4. Oʻzbekiston Respublikasi Prezidentining 2021-yil 2-iyuldagi PQ-5171-son qarori bilan tasdiqlangan Davlat xaridlarini amalga oshirish jarayonlari alohida tartibda nazorat qilinadigan ayrim korporativ va budjet buyurtmachilari roʻyxatining 7-pozitsiyasi chiqarib tashlansin.
5. Oʻzbekiston Respublikasi Prezidentining 2022-yil 15-iyundagi “Tabiiy gaz bozorini isloh qilishning qoʻshimcha chora-tadbirlari toʻgʻrisida”gi PQ-280-son qarorining 7-bandi oʻz kuchini yoʻqotgan deb hisoblansin.
6. Oʻzbekiston Respublikasi Prezidentining 2022-yil 28-dekabrdagi “Oʻzbekiston Respublikasining 2023 — 2025-yillarga moʻljallangan investitsiya dasturini amalga oshirish chora-tadbirlari toʻgʻrisida”gi PQ-459-son qarorida :
a) 3-ilovaning 78-pozitsiyasi, 5-ilovaning 37-pozitsiyasi va 7-ilovaning 41-pozitsiyasi chiqarib tashlansin;
b) 9-ilova quyidagi mazmundagi 47 1 -pozitsiya bilan toʻldirilsin:
“ 47 1 . Melamin ishlab chiqarishni tashkil etish Fargʻona viloyati 60 ming t “Tropidia holding b.v.” (Niderlandiya) 200,0 ”.
7. Vazirlar Mahkamasining 2022-yil 9-martdagi 107-son qarori bilan tasdiqlangan Tashqi qarzlarni jalb qilish, ulardan foydalanish va ularning miqdorini maqbullashtirish ustidan nazorat qilinadigan davlat ishtirokidagi korxonalar roʻyxatida :
a) 19-pozitsiya chiqarib tashlansin;
b) izoh qismida :
ikkinchi xatboshi chiqarib tashlansin;
uchinchi xatboshi ikkinchi xatboshi deb hisoblansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 27-iyul,
PQ-242-son
Президента Республики Узбекистан
Постановление
ПЕРЕЧЕНЬ
О мерах по эффективному использованию действующих мощностей и обеспечению производства продукции, востребованной на внутреннем и внешнем рынках, в Акционерном обществе «Фаргонаазот»
В целях дальнейшего развития химической отрасли, модернизации действующих мощностей производства химической продукции и организации производства новых видов продукции с привлечением иностранных инвестиций, а также внедрения современных методов корпоративного управления:
1. Принять к сведению, что на основании решения Государственной комиссии по проведению тендерных торгов при продаже государственного имущества по итогам тендера по приватизации 99,2-процентного пакета акций в уставном капитале Акционерного общества «Фаргонаазот» (далее — Общество) с условием приобретения пакета акций Общества за 130 миллионов долларов США и 107 миллиардов сумов и внесением инвестиций победителем торгов признана компания «Indorama Сorporation Pte Ltd».
2. Министерству инвестиций, промышленности и торговли Республики Узбекистан подписать от имени Правительства Республики Узбекистан инвестиционное соглашение с компанией «Indorama Сorporation Pte Ltd».
При этом предусмотреть:
внесение инвестиций в размере 100 миллионов долларов США в течение 5 лет по результатам разработки технико-экономического обоснования проекта модернизации производственных мощностей Общества;
сохранение всех действующих социальных программ, в том числе несокращение численности работников и размера оплаты их труда, повышение квалификации сотрудников Общества, внедрение принципов экологического, социального и корпоративного управления (ESG).
3. Установить, что Общество самостоятельно реализует продукцию на внутреннем и внешнем рынках напрямую или через биржевые торги.
4. Министерству энергетики, АО «UzGasTrade» и АО «Узтрансгаз» в соответствии с договором купли-продажи о приватизации Общества исходя из возможностей производства и поставки природного газа принять меры по бесперебойному обеспечению Общества природным газом в течение 10 лет в объемах, необходимых для производства продукции.
5. Одобрить предложение Агентства по управлению государственными активами и АО «Узкимёсаноат» о безвозмезной передаче Агентству по управлению государственными активами долей (пакетов акций), принадлежащих Обществу, в уставном капитале хозяйственных обществ по балансовой (остаточной) стоимости, согласно приложению № 1 .
6. Внести изменения и дополнения в некоторые решения Президента Республики Узбекистан и Правительства Республики Узбекистан, согласно приложению № 2 .
7. Возложить на директора Агентства по управлению государственными активами А.Ж. Ортикова персональную ответственность за эффективную организацию исполнения настоящего постановления.
Осуществление координации и контроля за деятельностью ведомств, ответственных за исполнение настоящего постановления, возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к постановлению Президента Республики Узбекистан от 27 июля 2023 года № ПП-242
долей (пакетов акций), принадлежащих АО «Фаргонаазот», в уставном капитале хозяйственных обществ, передаваемых Агентству по управлению государственными активами по балансовой (остаточной) стоимости
№ ИНН Наименование ОПФ Регион Доли или пакеты акций (в процентах) 1. 302623299 «Кимёгар ёшлар маданият боги» ООО Ферганская область 100,0 2. 202360550 «Кимёсавдотаъминот» ООО Город Ташкент 8,34 3. 305048781 «Узкимёимпэкс» * ООО Город Ташкент 0,58 4. 306921130 «РКТУнинг Тошкент шахридаги филиали курилиши дирекцияси» * ООО Город Ташкент 25,05 5. 308301085 «Farmatsevtik PVХ» * ООО Наманганская область 100,0 6. 309013332 «Fargonamelamine» ООО Ферганская область 26,0 7. 200000097 «Электрохимзавод» АО Навоийская область 0,28 8. 200547792 «Микрокредитбанк» АКБ Город Ташкент 0,002 9. 200833707 «Узпромстройбанк» АКБ Город Ташкент 0,08 10. 303724021 «Узсаноатэкспорт» АО Город Ташкент 1,53 11. 200138906 Дехканский рынок города Маргилана АО Ферганская область 22,93
ПРИЛОЖЕНИЕ № 2 к постановлению Президента Республики Узбекистан от 27 июля 2023 года № ПП-242
Изменения и дополнения, вносимые в некоторые решения Президента Республики Узбекистан и Правительства Республики Узбекистан
1. Позицию 3 приложения № 1 к постановлению Президента Республики Узбекистан от 29 августа 2017 года № ПП-3246 «О мерах по совершенствованию экспортно-импортной деятельности организаций химической промышленности» исключить.
2. В тексте на государственном языке в графе «Ишлаб чиқариш тармоқлари» позиций 1 — 7 приложения № 4 к постановлению Президента Республики Узбекистан от 12 августа 2020 года № ПП-4805 «О мерах по повышению качества непрерывного образования и результативности науки по направлениям «химия» и «биология» слова «Фарғонаазот» АЖ» исключить.
3. В постановлении Президента Республики Узбекистан от 28 декабря 2020 года № ПП-4937 «О мерах по реализации Инвестиционной программы Республики Узбекистан на 2021 — 2023 годы»:
позицию 42 приложения № 6 исключить;
позиции 25 и 26 приложения № 7 исключить.
4. Позицию 7 Перечня отдельных корпоративных и бюджетных заказчиков, процесс осуществления государственных закупок которыми контролируется в особом порядке, утвержденного постановлением Президента Республики Узбекистан от 2 июля 2021 года № ПП-5171 исключить.
5. Пункт 7 постановления Президента Республики Узбекистан от 15 июня 2022 года № ПП-280 «О дополнительных мерах по реформированию рынка природного газа» признать утратившим силу.
6. В постановлении Президента Республики Узбекистан от 28 декабря 2022 года № ПП-459 «О мерах по реализации Инвестиционной программы Республики Узбекистан на 2023 — 2025 годы»:
а) позицию 78 приложения № 3, позицию 37 приложения № 5 и позицию 41 приложения № 7 исключить;
б) текст на государственном языке приложения № 9 дополнить позицией 47 1 следующего содержания:
« 47 1 . Меламин ишлаб чиқаришни ташкил этиш Фарғона вилояти 60 минг т «Тropidia holding b.v.» (Нидерландия) 200,0 ».
7. В Перечне предприятий с государственным участием, над которыми осуществляется контроль в части привлечения, использования и оптимизации размеров внешних заимствований, утвержденном постановлением Кабинета Министров от 9 марта 2022 года № 107:
а) позицию 19 исключить;
б) в примечании:
абзац второй исключить;
абзац третий считать абзацем вторым.
Президент Республики Узбекистан Ш. МИРЗИЁЕВ
г. Ташкент,
27 июля 2023 г.,
№ ПП-242