📅 2023-yil 4-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 4 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 4 августа 2023 г. · Постановления Кабинета Министров
Официальный текст. Официальный документ. Редакционные примечания не включены.
📅 4 August 2023 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Вазирлар Маҳкамасининг «Бўстонлиқ туманидаги бўш турган, фойдаланилмаётган ҳамда самарасиз фойдаланилаётган объектлар ва ер участкаларидан самарали фойдаланиш, улар негизида туризм ва хизмат кўрсатиш инфратузилмасини ташкил этиш чора-тадбирлари тўғрисида» 2020 йил 17 сентябрдаги 560-сон қарорига ўзгартириш киритиш ҳақида
Ўзбекистон халқаро ислом академиясининг моддий-техника базасини мустаҳкамлаш, шунингдек, академия ходимлари, талабалари ва тингловчиларига амалий машғулотлар ўтказиш ҳамда улар ўртасида соғлом турмуш тарзини тарғиб қилиш учун қулай шарт-шароитлар яратиш мақсадида Вазирлар Маҳкамаси қарор қилади:
1. Қуйидагилар:
Вазирлар Маҳкамасининг 2020 йил 17 сентябрдаги 560-сон қарорига мувофиқ Ўзбекистон халқаро ислом академиясига тегишли бўлган Тошкент вилоятининг Бўстонлиқ туманидаги «Чимбойлиқ» МФЙ ҳудудида жойлашган оромгоҳ замонавий туризм инфратузилмаси объектларини барпо этиш шарти билан «E-ijro auksion» электрон савдо майдончаси орқали сотиш учун Давлат активларини бошқариш агентлигига ўтказилганлиги;
Ўзбекистон халқаро ислом академияси ходимлари, талабалари ва тингловчиларига амалий машғулотлар ўтказиш ҳамда улар ўртасида соғлом турмуш тарзини тарғиб қилиш учун қулай шарт-шароитлар яратиш зарурати мавжудлиги маълумот учун қабул қилинсин.
2. Вазирлар Маҳкамасининг «Бўстонлиқ туманидаги бўш турган, фойдаланилмаётган ҳамда самарасиз фойдаланилаётган объектлар ва ер участкаларидан самарали фойдаланиш, улар негизида туризм ва хизмат кўрсатиш инфратузилмасини ташкил этиш чора-тадбирлари тўғрисида» 2020 йил 17 сентябрдаги 560-сон қарорига 1-илованинг 14-позицияси чиқариб ташлансин.
3. Давлат активларини бошқариш агентлиги бир ой муддатда Тошкент вилоятининг Бўстонлиқ туманидаги «Чимбойлиқ» МФЙ ҳудудида жойлашган оромгоҳ Ўзбекистон халқаро ислом академиясига оператив бошқарув ҳуқуқи асосида бепул берилишини таъминласин.
4. Мазкур қарорнинг бажарилишини назорат қилиш Ўзбекистон Республикаси Давлат активларини бошқариш агентлиги директори А.Ж. Ортиқов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2023 йил 4 август,
337-сон
Oʻzbekiston Respublikasi Vazirlar Mahkamasining
qarori
Vazirlar Mahkamasining “Boʻstonliq tumanidagi boʻsh turgan, foydalanilmayotgan hamda samarasiz foydalanilayotgan obyektlar va yer uchastkalaridan samarali foydalanish, ular negizida turizm va xizmat koʻrsatish infratuzilmasini tashkil etish chora-tadbirlari toʻgʻrisida” 2020-yil 17-sentabrdagi 560-son qaroriga oʻzgartirish kiritish haqida
Oʻzbekiston xalqaro islom akademiyasining moddiy-texnika bazasini mustahkamlash, shuningdek, akademiya xodimlari, talabalari va tinglovchilariga amaliy mashgʻulotlar oʻtkazish hamda ular oʻrtasida sogʻlom turmush tarzini targʻib qilish uchun qulay shart-sharoitlar yaratish maqsadida Vazirlar Mahkamasi qaror qiladi:
1. Quyidagilar:
Vazirlar Mahkamasining 2020-yil 17-sentabrdagi 560-son qaroriga muvofiq Oʻzbekiston xalqaro islom akademiyasiga tegishli boʻlgan Toshkent viloyatining Boʻstonliq tumanidagi “Chimboyliq” MFY hududida joylashgan oromgoh zamonaviy turizm infratuzilmasi obyektlarini barpo etish sharti bilan “E-ijro auksion” elektron savdo maydonchasi orqali sotish uchun Davlat aktivlarini boshqarish agentligiga oʻtkazilganligi;
Oʻzbekiston xalqaro islom akademiyasi xodimlari, talabalari va tinglovchilariga amaliy mashgʻulotlar oʻtkazish hamda ular oʻrtasida sogʻlom turmush tarzini targʻib qilish uchun qulay shart-sharoitlar yaratish zarurati mavjudligi maʼlumot uchun qabul qilinsin.
2. Vazirlar Mahkamasining “Boʻstonliq tumanidagi boʻsh turgan, foydalanilmayotgan hamda samarasiz foydalanilayotgan obyektlar va yer uchastkalaridan samarali foydalanish, ular negizida turizm va xizmat koʻrsatish infratuzilmasini tashkil etish chora-tadbirlari toʻgʻrisida” 2020-yil 17-sentabrdagi 560-son qaroriga 1-ilovaning 14-pozitsiyasi chiqarib tashlansin.
3. Davlat aktivlarini boshqarish agentligi bir oy muddatda Toshkent viloyatining Boʻstonliq tumanidagi “Chimboyliq” MFY hududida joylashgan oromgoh Oʻzbekiston xalqaro islom akademiyasiga operativ boshqaruv huquqi asosida bepul berilishini taʼminlasin.
4. Mazkur qarorning bajarilishini nazorat qilish Oʻzbekiston Respublikasi Davlat aktivlarini boshqarish agentligi direktori A.J. Ortiqov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2023-yil 4-avgust,
337-son