📅 2023-yil 8-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 8 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 августа 2023 г. · Постановления Президента
Официальный текст. Официальный документ. Редакционные примечания не включены.
📅 8 August 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Жаҳон банки иштирокида «Энергетика ислоҳотлари учун инновацион углерод ресурсларини қўллаш» лойиҳасини амалга ошириш чора-тадбирлари тўғрисида
2030 йилгача Ўзбекистон Республикасида «яшил» иқтисодиётга ўтиш ва «яшил» ўсишни таъминлаш дастурида белгиланган вазифаларни амалга ошириш, миллий иқтисодиёт, хусусан, саноатнинг кам углеродли ривожланишини таъминлаш мақсадида:
1. Қуйидагилар:
а) «Энергетика ислоҳотлари учун инновацион углерод ресурсларини қўллаш» (iCRAFT) лойиҳасини (кейинги ўринларда — Лойиҳа) амалга ошириш учун Жаҳон банки томонидан Ўзбекистон Республикасига 46,25 млн АҚШ доллари миқдорида маблағ ажратилиши маъқуллангани;
б) Лойиҳа:
20,0 млн АҚШ доллари миқдоридаги молиялаштириш ҳажмига эга «Қисқартирилган эмиссияларни сотиб олиш шартномаси» компонентидан;
25,0 млн АҚШ доллари миқдоридаги молиялаштириш ҳажмига эга «Оқибатларни юмшатиш натижаларини сотиб олиш шартномаси» компонентидан иборат эканлиги;
в) Лойиҳа доирасида:
1,25 млн АҚШ доллари миқдоридаги маблағлар Жаҳон банки орқали Ўзбекистон Республикаси номидан Мослашиш ва эмиссияларни қисқартириш глобал жамғармасига йўналтирилиши;
2,0 млн АҚШ доллари миқдоридаги қўшимча техник кўмак сифатида ажратиладиган маблағлар институционал салоҳиятни ривожлантириш ҳамда иссиқхона газлари эмиссиясини назорат қилиш инфратузилмасини яратиш (иссиқхона газлари реестрини яратиш, мониторинг, ҳисобот ва текшириш (MRV) тизимини ишлаб чиқиш) ишларини молиялаштиришга йўналтирилиши маълумот учун қабул қилинсин.
2. «Энергетика ислоҳотлари учун инновацион углерод ресурсларини қўллаш» (iCRAFT) лойиҳасининг асосий йўналишлари ва уларга ажратиладиган маблағлар миқдори иловага мувофиқ тасдиқлансин.
3. Белгилансинки:
Лойиҳа 2023 — 2028 йиллар давомида республика миқёсида амалга оширилади;
Иқтисодиёт ва молия вазирлиги тизимида давлат муассасаси шаклида ташкил этилган «Яшил иқтисодиёт лойиҳалари маркази» лойиҳа офиси Жаҳон банки томонидан қўшимча техник кўмак сифатида ажратиладиган маблағлар ҳисобидан 7 та штат бирлигига кенгайтирилиб, Лойиҳани амалга ошириш гуруҳи ташкил этилади;
Лойиҳа доирасида углерод эмиссияларини қисқартириш ва энергия ресурсларини иқтисод қилиш мақсадида электр энергияси ва табиий газ таъминоти соҳасидаги тариф сиёсати босқичма-босқич такомиллаштирилади;
Лойиҳанинг «Қисқартирилган эмиссияларни сотиб олиш шартномаси» компоненти доирасида камайтирилган 1 тонна углерод эмиссияси бўйича келишилган нарх 15 АҚШ долларини, «Оқибатларни юмшатиш натижаларини сотиб олиш шартномаси» компоненти доирасида камайтирилган 1 тонна углерод эмиссияси бўйича келишилган нарх 30 АҚШ долларини ташкил этади.
4. Иқтисодиёт ва молия вазирига Ўзбекистон Республикаси ва Жаҳон банки ўртасидаги Лойиҳани амалга ошириш юзасидан молиявий битимларни Ўзбекистон Республикаси номидан имзолаш ваколати берилсин.
5. Иқтисодиёт ва молия вазирлиги:
уч ой муддатда Лойиҳа доирасида Углерод активлари трансформатив фондининг васийси ҳисобланадиган Жаҳон банки билан «Қабул қилувчи томон билан келишув» имзоланишини;
уч ой муддатда Энергетика вазирлиги билан биргаликда жорий йил Углерод активлари трансформатив фондининг васийси ҳисобланадиган Жаҳон банки билан «Қисқартирилган эмиссияларни сотиб олиш келишуви» ва «Иқлим ўзгариши оқибатларини юмшатиш натижаларини сотиб олиш келишуви» имзоланишини;
икки ой муддатда Лойиҳа доирасида тижорат банкларида миллий ва чет эл валюталарида махсус мақсадли ҳисоб рақами очилишини;
ташкил этилаётган «Яшил» иқтисодиёт онлайн платформаси доирасида иссиқхона газлари реестри яратилишини ҳамда мониторинг, ҳисобот ва текшириш (MRV) тизими бўйича йиғиладиган маълумотлар базаси ишлаб чиқилишини;
2024 йил 1 июлга қадар манфаатдор вазирлик ва идоралар билан биргаликда иқтисодий фаолият турларини экологик жиҳатдан таснифлаш имкониятини берувчи «яшил» таксономия тизими жорий этилишини таъминласин.
6. Ўзбекистон Республикаси Президентининг 2023 йил 12 майдаги «Яшил энергия» сертификатлари тизимини жорий этиш чора-тадбирлари тўғрисида»ги ПҚ-156-сон қарори 5-бандидан олтинчи хатбоши чиқариб ташлансин.
7. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.
Ўзбекистон Республикаси Президентининг 2023 йил 8 августдаги ПҚ-271-сон қарорига ИЛОВА
«Энергетика ислоҳотлари учун инновацион углерод ресурсларини қўллаш» лойиҳасининг асосий йўналишлари ва уларга ажратиладиган маблағлар миқдори
Асосий йўналишлар Масъул идоралар Молиялаштиришнинг тахминий миқдори * ( млн АҚШ долл. ) 1-компонент: Қисқартирилган эмиссияларни сотиб олиш ** 1.1-субкомпонент: UNFCCC талаблари асосида мониторинг, ҳисобот ва текшириш (MRV) тизимини ишлаб чиқиш Иқтисодиёт ва молия вазирлиги, Ўзгидромет 6,00 Иссиқхона газлари кадастри (расмий статистика маълумотларига асосланган иссиқхона газларининг чиқарилиши ва тутиб қолинишини тавсифловчи тизимлаштирилган маълумотлар жамланмаси) Иссиқхона газлари реестри (иссиқхона газларининг чиқарилиши тўғрисида ҳисоботларни ўз ичига олган ахборот тизими) Углерод бирликлари реестри («яшил» лойиҳалар рўйхатдан ўтказиладиган, углерод бирликлари ва улар билан боғлиқ операциялар ҳисоби юритиладиган ахборот тизими) Маълумот ва ахборот маркази 1.2-субкомпонент: «Яшил» ўсиш ва углерод савдоси бўйича қуйидаги вазирлик ва идораларнинг салоҳиятини ошириш: Иқтисодиёт ва молия вазирлиги, Энергетика вазирлиги, Инвестициялар, саноат ва савдо вазирлиги, Стратегик ислоҳотлар агентлиги, Гидрометеорология хизмати агентлиги Иқтисодиёт ва молия вазирлиги 2,00 1.3-субкомпонент: Париж битими 6-моддасига мувофиқ Иқтисодиёт ва молия вазирлиги ҳузурида Лойиҳани амалга ошириш гуруҳини ташкил этиш (иссиқхона газлари эмиссияси савдоси, лойиҳаларни кўриб чиқиш, MRV, iCRAFT лойиҳаларини мувофиқлаштириш, мониторинг юритиш ва бошқалар) Иқтисодиёт ва молия вазирлиги 7,00 Миллий қонунчилик базасини тайёрлаш Лойиҳани амалга ошириш гуруҳи (маркази)нинг низомини тайёрлаш UNFCCC талаблари асосида лойиҳани кўриб чиқишнинг миллий қоидаларини тайёрлаш Халқаро бозорларда биринчи углерод сотилишига қадар молиялаштириш (иш ҳақи, техника) «Яшил энергия» сертификатлари ягона электрон платформасини ишга тушириш 2-компонент: Иқлим ўзгариши оқибатларини юмшатиш натижаларини сотиб олиш ** 2.1-субкомпонент: Energy Sector Reforms (энергия регулятори ва UzPower Trade ташкил этиш; энергия бозорига ўтиш; энергетика соҳасидаги ҳуқуқий, тартибга солиш, режалаштириш ва институционал ислоҳотлар, шунингдек, янги ўқув марказини ташкил қилиш ва бошқалар) Энергетика вазирлиги, Стратегик ислоҳотлар агентлиги 18,00 2.2-субкомпонент: Энергия тарифлари (субсидия) ислоҳотлари ва унга тааллуқли бўлган алоқа кампаниялари Иқтисодиёт ва молия вазирлиги, Энергетика вазирлиги 2,00 Самарали тариф сиёсати, нархларни шакллантириш ва амалга ошириш Алоқа кампанияларини ишлаб чиқиш 2.3-субкомпонент: Ижтимоий заиф уй хўжаликларини энергия тарифлари ислоҳотларидан ҳимоя қилиш бўйича ижтимоий ёрдам фаолияти (ижтимоий хавфсизлик тармоғи тизимини, ижтимоий рўйхатларни ва бошқаларни кучайтириш) Иқтисодиёт ва молия вазирлиги, Энергетика вазирлиги 5,00 2.4-субкомпонент: Қайта тикланувчи энергия манбаларидан фойдаланиш (уй-жойларга қуёш панеллари, қуёш сув иситкичларини ўрнатиш ва бошқалар) ҳамда энергия самарадорлигини ошириш чораларини (иссиқлик насослари, қуёш сув иситкич ва совиткич тизими ва бошқалар) ишлаб чиқиш ва пилот лойиҳаларини амалга ошириш Энергетика вазирлиги, Иқтисодиёт ва молия вазирлиги 5,00
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 8 август,
ПҚ-271-сон
Oʻzbekiston Respublikasi Prezidentining
Qarori
Jahon banki ishtirokida “Energetika islohotlari uchun innovatsion uglerod resurslarini qoʻllash” loyihasini amalga oshirish chora-tadbirlari toʻgʻrisida
2030-yilgacha Oʻzbekiston Respublikasida “yashil” iqtisodiyotga oʻtish va “yashil” oʻsishni taʼminlash dasturida belgilangan vazifalarni amalga oshirish, milliy iqtisodiyot, xususan, sanoatning kam uglerodli rivojlanishini taʼminlash maqsadida:
1. Quyidagilar:
a) “Energetika islohotlari uchun innovatsion uglerod resurslarini qoʻllash” (iCRAFT) loyihasini (keyingi oʻrinlarda — Loyiha) amalga oshirish uchun Jahon banki tomonidan Oʻzbekiston Respublikasiga 46,25 mln AQSh dollari miqdorida mablagʻ ajratilishi maʼqullangani;
b) Loyiha:
20,0 mln AQSh dollari miqdoridagi moliyalashtirish hajmiga ega “Qisqartirilgan emissiyalarni sotib olish shartnomasi” komponentidan;
25,0 mln AQSh dollari miqdoridagi moliyalashtirish hajmiga ega “Oqibatlarni yumshatish natijalarini sotib olish shartnomasi” komponentidan iborat ekanligi;
v) Loyiha doirasida:
1,25 mln AQSh dollari miqdoridagi mablagʻlar Jahon banki orqali Oʻzbekiston Respublikasi nomidan Moslashish va emissiyalarni qisqartirish global jamgʻarmasiga yoʻnaltirilishi;
2,0 mln AQSh dollari miqdoridagi qoʻshimcha texnik koʻmak sifatida ajratiladigan mablagʻlar institutsional salohiyatni rivojlantirish hamda issiqxona gazlari emissiyasini nazorat qilish infratuzilmasini yaratish (issiqxona gazlari reyestrini yaratish, monitoring, hisobot va tekshirish (MRV) tizimini ishlab chiqish) ishlarini moliyalashtirishga yoʻnaltirilishi maʼlumot uchun qabul qilinsin.
2. “Energetika islohotlari uchun innovatsion uglerod resurslarini qoʻllash” (iCRAFT) loyihasining asosiy yoʻnalishlari va ularga ajratiladigan mablagʻlar miqdori ilovaga muvofiq tasdiqlansin.
3. Belgilansinki:
Loyiha 2023 — 2028-yillar davomida respublika miqyosida amalga oshiriladi;
Iqtisodiyot va moliya vazirligi tizimida davlat muassasasi shaklida tashkil etilgan “Yashil iqtisodiyot loyihalari markazi” loyiha ofisi Jahon banki tomonidan qoʻshimcha texnik koʻmak sifatida ajratiladigan mablagʻlar hisobidan 7 ta shtat birligiga kengaytirilib, Loyihani amalga oshirish guruhi tashkil etiladi;
Loyiha doirasida uglerod emissiyalarini qisqartirish va energiya resurslarini iqtisod qilish maqsadida elektr energiyasi va tabiiy gaz taʼminoti sohasidagi tarif siyosati bosqichma-bosqich takomillashtiriladi;
Loyihaning “Qisqartirilgan emissiyalarni sotib olish shartnomasi” komponenti doirasida kamaytirilgan 1 tonna uglerod emissiyasi boʻyicha kelishilgan narx 15 AQSh dollarini, “Oqibatlarni yumshatish natijalarini sotib olish shartnomasi” komponenti doirasida kamaytirilgan 1 tonna uglerod emissiyasi boʻyicha kelishilgan narx 30 AQSh dollarini tashkil etadi.
4. Iqtisodiyot va moliya vaziriga Oʻzbekiston Respublikasi va Jahon banki oʻrtasidagi Loyihani amalga oshirish yuzasidan moliyaviy bitimlarni Oʻzbekiston Respublikasi nomidan imzolash vakolati berilsin.
5. Iqtisodiyot va moliya vazirligi:
uch oy muddatda Loyiha doirasida Uglerod aktivlari transformativ fondining vasiysi hisoblanadigan Jahon banki bilan “Qabul qiluvchi tomon bilan kelishuv” imzolanishini;
uch oy muddatda Energetika vazirligi bilan birgalikda joriy yil Uglerod aktivlari transformativ fondining vasiysi hisoblanadigan Jahon banki bilan “Qisqartirilgan emissiyalarni sotib olish kelishuvi” va “Iqlim oʻzgarishi oqibatlarini yumshatish natijalarini sotib olish kelishuvi” imzolanishini;
ikki oy muddatda Loyiha doirasida tijorat banklarida milliy va chet el valyutalarida maxsus maqsadli hisob raqami ochilishini;
tashkil etilayotgan “Yashil” iqtisodiyot onlayn platformasi doirasida issiqxona gazlari reyestri yaratilishini hamda monitoring, hisobot va tekshirish (MRV) tizimi boʻyicha yigʻiladigan maʼlumotlar bazasi ishlab chiqilishini;
2024-yil 1-iyulga qadar manfaatdor vazirlik va idoralar bilan birgalikda iqtisodiy faoliyat turlarini ekologik jihatdan tasniflash imkoniyatini beruvchi “yashil” taksonomiya tizimi joriy etilishini taʼminlasin.
6. Oʻzbekiston Respublikasi Prezidentining 2023-yil 12-maydagi “Yashil energiya” sertifikatlari tizimini joriy etish chora-tadbirlari toʻgʻrisida”gi PQ-156-son qarori 5-bandidan oltinchi xatboshi chiqarib tashlansin.
7. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.
Oʻzbekiston Respublikasi Prezidentining 2023-yil 8-avgustdagi PQ-271-son qaroriga ILOVA
“Energetika islohotlari uchun innovatsion uglerod resurslarini qoʻllash” loyihasining asosiy yoʻnalishlari va ularga ajratiladigan mablagʻlar miqdori
Asosiy yoʻnalishlar Masʼul idoralar Moliyalashtirishning taxminiy miqdori * ( mln AQSh doll. ) 1-komponent: Qisqartirilgan emissiyalarni sotib olish ** 1.1-subkomponent: UNFCCC talablari asosida monitoring, hisobot va tekshirish (MRV) tizimini ishlab chiqish Iqtisodiyot va moliya vazirligi, Oʻzgidromet 6,00 Issiqxona gazlari kadastri (rasmiy statistika maʼlumotlariga a�oslangan issiqxona gazlarining chiqarilishi va tutib qolinishini tavsiflovchi tizimlashtirilgan maʼlumotlar jamlanmasi) Issiqxona gazlari reyestri (issiqxona gazlarining chiqarilishi toʻgʻrisida hisobotlarni oʻz ichiga olgan axborot tizimi) Uglerod birliklari reyestri (“yashil” loyihalar roʻyxatdan oʻtkaziladigan, uglerod birliklari va ular bilan bogʻliq operatsiyalar hisobi yuritiladigan axborot tizimi) Maʼlumot va axborot markazi 1.2-subkomponent: “Yashil” oʻsish va uglerod savdosi boʻyicha quyidagi vazirlik va idoralarning salohiyatini oshirish: Iqtisodiyot va moliya vazirligi, Energetika vazirligi, Investitsiyalar, sanoat va savdo vazirligi, Strategik islohotlar agentligi, Gidrometeorologiya xizmati agentligi Iqtisodiyot va moliya vazirligi 2,00 1.3-subkomponent: Parij bitimi 6-moddasiga muvofiq Iqtisodiyot va moliya vazirligi huzurida Loyihani amalga oshirish guruhini tashkil etish (issiqxona gazlari emissiyasi savdosi, loyihalarni koʻrib chiqish, MRV, iCRAFT loyihalarini muvofiqlashtirish, monitoring yuritish va boshqalar) Iqtisodiyot va moliya vazirligi 7,00 Milliy qonunchilik bazasini tayyorlash Loyihani amalga oshirish guruhi (markazi)ning nizomini tayyorlash UNFCCC talablari asosida loyihani koʻrib chiqishning milliy qoidalarini tayyorlash Xalqaro bozorlarda birinchi uglerod sotilishiga qadar moliyalashtirish (ish haqi, texnika) “Yashil energiya” sertifikatlari yagona elektron platformasini ishga tushirish 2-komponent: Iqlim oʻzgarishi oqibatlarini yumshatish natijalarini sotib olish ** 2.1-subkomponent: Energy Sector Reforms (energiya regulyatori va UzPower Trade tashkil etish; energiya bozoriga oʻtish; energetika sohasidagi huquqiy, tartibga solish, rejalashtirish va institutsional islohotlar, shuningdek, yangi oʻquv markazini tashkil qilish va boshqalar) Energetika vazirligi, Strategik islohotlar agentligi 18,00 2.2-subkomponent: Energiya tariflari (subsidiya) islohotlari va unga taalluqli boʻlgan aloqa kampaniyalari Iqtisodiyot va moliya vazirligi, Energetika vazirligi 2,00 Samarali tarif siyosati, narxlarni shakllantirish va amalga oshirish Aloqa kampaniyalarini ishlab chiqish 2.3-subkomponent: Ijtimoiy zaif uy xoʻjaliklarini energiya tariflari islohotlaridan himoya qilish boʻyicha ijtimoiy yordam faoliyati (ijtimoiy xavfsizlik tarmogʻi tizimini, ijtimoiy roʻyxatlarni va boshqalarni kuchaytirish) Iqtisodiyot va moliya vazirligi, Energetika vazirligi 5,00 2.4-subkomponent: Qayta tiklanuvchi energiya manbalaridan foydalanish (uy-joylarga quyosh panellari, quyosh suv isitkichlarini oʻrnatish va boshqalar) hamda energiya samaradorligini oshirish choralarini (issiqlik nasoslari, quyosh suv isitkich va sovitkich tizimi va boshqalar) ishlab chiqish va pilot loyihalarini amalga oshirish Energetika vazirligi, Iqtisodiyot va moliya vazirligi 5,00
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 8-avgust,
PQ-271-son
Президента Республики Узбекистан
Постановление
О мерах по реализации проекта «Применение инновационных углеродных ресурсов для энергетических реформ» с участием Всемирного банка
В целях выполнения задач, определенных в Программе перехода к «зеленой» экономике и обеспечения «зеленого» роста в Республике Узбекистан до 2030 года, обеспечения низкоуглеродного развития национальной экономики, в частности промышленности:
1. Принять к сведению, что:
а) Всемирным банком одобрено выделение Республике Узбекистан средств в размере 46,25 млн долларов США для реализации проекта «Применение инновационных углеродных ресурсов для энергетических реформ» (iCRAFT) (далее — Проект);
б) Проект состоит из:
компонента «Соглашение о покупке сокращенных выбросов» с объемом финансирования в размере 20,0 млн долларов США;
компонента «Соглашение о покупке результатов смягчения последствий» с объемом финансирования в размере 25,0 млн долларов США;
в) в рамках Проекта:
средства в размере 1,25 млн долларов США будут направлены Всемирным банком от имени Республики Узбекистан в Глобальный фонд адаптации и сокращения выбросов;
средства в размере 2,0 млн долларов США, выделяемые в качестве дополнительного технического содействия, направляются на финансирование работ по развитию институционального потенциала и созданию инфраструктуры контроля выбросов парниковых газов (создание реестра парниковых газов, разработка системы мониторинга, отчетности и верификации (MRV)).
2. Утвердить основные направления проекта «Применение инновационных углеродных ресурсов для энергетических реформ» и объем выделяемых на них средств согласно приложению .
3. Определить, что:
Проект реализуется в течение 2023 — 2028 годов в республиканском масштабе;
проектный офис «Центр проектов зеленой экономики», созданный в системе Министерства экономики и финансов в форме государственного учреждения, расширяется на 7 штатных единиц за счет средств, выделяемых Всемирным банком в качестве дополнительного технического содействия, с созданием Группы реализации Проекта;
в рамках проекта в целях сокращения выбросов углерода и экономии энергетических ресурсов тарифная политика в сфере электроснабжения и газоснабжения будет постепенно совершенствоваться;
согласованная цена за 1 тонну сокращенных выбросов углерода в рамках компонента «Соглашение о покупке сокращенных выбросов» Проекта составляет 15 долларов США, за 1 тонну сокращенных выбросов углерода в рамках компонента «Соглашение о покупке результатов смягчения последствий» Проекта — 30 долларов США.
4. Уполномочить министра экономики и финансов подписывать от имени Республики Узбекистан финансовые соглашения по реализации Проекта между Республикой Узбекистан и Всемирным банком.
5. Министерству экономики и финансов обеспечить:
в трехмесячный срок подписание «Соглашения с принимающей стороной» со Всемирным банком, являющимся попечителем Фонда преобразования углеродных активов;
в трехмесячный срок совместно с Министерством энергетики подписание «Соглашения о покупке сокращенных выбросов» и «Соглашения о покупке результатов смягчения последствий» со Всемирным банком, являющимся попечителем Фонда преобразования углеродных активов;
в двухмесячный срок открытие в рамках Проекта специального целевого расчетного счета в национальной и иностранной валютах в коммерческих банках;
разработку базы данных по создаваемому реестру парниковых газов и системе мониторинга, отчетности и верификации (MRV) в рамках создаваемой онлайн платформы «зеленой» экономики;
до 1 июля 2024 года совместно с заинтересованными министерствами и ведомствами внедрение системы «зеленой» таксономии, обеспечивающей возможность экологической классификации видов экономической деятельности.
6. Исключить абзац шестой пункта 5 постановления Президента Республики Узбекистан от 12 мая 2023 года № ПП-156 «О мерах по внедрению системы сертификатов «зеленой энергии».
7. Контроль за исполнением настоящего постановления возложить на заместителя Премьер-министра Республики Узбекистан — министра экономики и финансов Д.А. Кучкарова.
ПРИЛОЖЕНИЕ к постановлению Президента Республики Узбекистан от 8 августа 2023 года № ПП–271
Основные направления проекта «Применение инновационных углеродных ресурсов для энергетических реформ» и объем выделяемых на них средств
Основные направления Ответственные ведомства Расчетный объем финансирования * (млн долл. США) Компонент-1: Покупка сокращений выбросов ** Субкомпонент-1.1: Создание системы мониторинга, отчетности и верификации согласно требованиям UNFCCC Министерство экономики и финансов, Узгидромет 6,00 Кадастр парниковых газов (систематизированный набор данных, описывающий выбросы и улавливание парниковых газов на основе официальных статистических данных) Реестр выбросов парниковых газов (информационная система, содержащая отчеты о выбросах парниковых газов) Реестр углеродных единиц (информационная система, в которой регистрируются зеленые проекты и учитываются углеродные единицы и связанные с ними операции) Информационный и справочный центр Субкомпонент-1.2: Наращивание потенциала следующих министерств и ведомств в области «зеленого» роста и углеродной торговли: Министерство экономики и финансов, Министерство энергетики, Министерство инвестиций, промышленности и торговли, Агентство стратегических реформ, Агентство гидрометеорологической службы Министерство экономики и финансов 2,00 Субкомпонент-1.3: Организация группы по реализации проекта при Министерстве экономики и финансов в соответствии со статьей 6 Парижского соглашения (торговля выбросами парниковых газов, рассмотрение проектов, MRV, координация проектов ICRAFT, ведение мониторинга и прочие) Министерство экономики и финансов 7,00 Подготовка национальной законодательной базы Подготовка устава офиса (центра) по реализации проекта Подготовка национальных правил для рассмотрения проекта в соответствии с требованиями UNFCCC Финансирование до осуществления первой продажи углерода на международных рынках (заработная плата, техника) Запуск единой электронной площадки сертификатов «зеленой энергии» Компонент-2: Покупка результатов смягчения изменения климата ** Субкомпонент-2.1: Реформы в энергетическом сектора (создание энергетического регулятора и UzPower Trade; переход к энергетическому рынку; правовые, нормативные, плановые и институциональные реформы в энергетическом секторе, а также создание нового учебного центра; и другие) Министерство энергетики, Агентство стратегических реформ 18,00 Субкомпонент-2.2: Реформы энергетических тарифов (субсидий) и связанные с ними коммуникационные кампании Министерство экономики и финансов, Министерство энергетики 2,00 Разработка и внедрение эффективной тарифной политики и цен Разработка коммуникационных кампаний Субкомпонент-2.3: Мероприятия по оказанию социальной помощи для защиты социально уязвимых домохозяйств от реформ тарифов на энергию (укрепление системы социальной защиты, социальных списков и т.д.) Министерство экономики и финансов, Министерство энергетики 5,00 Субкомпонент-2.4: Разработка мер по использованию возобновляемых источников энергии (установка солнечных панелей, солнечных водонагревателей в жилье и т.д.) и повышению энергоэффективности (тепловые насосы, солнечные водонагреватели и система охлаждения и т.д.) и реализация пилотных проектов. Министерство энергетики, Министерство экономики и финансов 5,00
Президент Республики Узбекистан Ш. МИРЗИЁЕВ
г. Ташкент,
8 августа 2023 г.,
№ ПП-271