📅 2023-yil 8-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 8 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 августа 2023 г. · Постановления Президента
Официальный текст. Официальный документ. Редакционные примечания не включены.
📅 8 August 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Чимён» халқаро умуммавсумий курорти қурилишини жадаллаштириш чора-тадбирлари тўғрисида
Республиканинг туризм салоҳиятини янада ошириш, инновацион туризм инфратузилмаларини яратиш ва уларга инвестицияларнинг жалб қилинишини ташкил этиш, Тошкент вилояти Бўстонлиқ туманида «Чимён» халқаро умуммавсумий курортини қуриш учун зарур шарт-шароитларни яратиш мақсадида:
1. Ўзбекистон Республикаси Ҳукумати ва Франция Республикаси Ҳукумати ўртасида 2021 йил 10 майда «Чимён» халқаро умуммавсумий курортини қуриш лойиҳаси (кейинги ўринларда — Лойиҳа)ни амалга ошириш учун Молиявий протокол ҳамда ушбу протокол бўйича 2022 йил 22 ноябрда Ўзбекистон Республикаси Ҳукумати ва Франция Республикаси Ҳукумати ўртасида 47,9 миллион евро миқдоридаги қарз маблағларини жалб қилиш юзасидан Амалга оширув келишуви имзоланганлиги маълумот учун қабул қилинсин.
Адлия вазирлиги Ўзбекистон Республикаси Ҳукумати ва Франция Республикаси Ҳукумати ўртасида тузилган Амалга оширув келишувига белгиланган тартибда юридик хулоса берсин.
2. Лойиҳа доирасида «Ўзбекистон Республикаси Ташқи иқтисодий фаолият миллий банки» АЖ томонидан 20 миллион АҚШ доллари миқдорида тақдим этиладиган кредитнинг гаров таъминоти сифатида «Белдирсой-Чимён-Нанай» халқаро умуммавсумий курортини қуриш ва эксплуатация қилиш бўйича лойиҳа офиси» давлат унитар корхонаси (кейинги ўринларда — Лойиҳа офиси) томонидан сотиб олинадиган ускуналар белгилансин.
3. Лойиҳа ҳудуди чегарасигача ташқи муҳандислик тармоқлари ва инфратузилма объектларини барпо этиш ишларини бажаришда:
«Ўзсувтаъминот» АЖнинг «Сув таъминоти ва оқова сув объектлари қурилиши бўйича инжиниринг компанияси» УК — сув таъминоти ва оқова сув тармоқларини қуриш;
«Ҳудудий электр тармоқлари» АЖ — электр энергияси билан таъминлаш;
Автомобиль йўллари қўмитаси — Лойиҳа ҳудудидаги давлат аҳамиятидаги автомобиль йўлини қуриш (йўл бўйида ташқи ёритиш воситаларини ўрнатиш ҳамда ободонлаштиришни инобатга олган ҳолда), Лойиҳа доирасида 2 515 м баландликдаги ўрта-станциясигача вақтинчалик йўл ўтказиш;
«Ўзбектелеком» АК — телекоммуникация тармоқларини тортиш ва ўрнатиш ишларини бажариш бўйича буюртмачи этиб белгилансин.
Буюртмачи этиб белгиланган ташкилотлар икки ой муддатда лойиҳа ташкилотларини ўрнатилган тартибда ўтказиладиган танлов (тендер) савдолари орқали аниқлаб, улар томонидан лойиҳалаштириш ишларининг бошланишини таъминласин.
4. Экология, атроф-муҳитни муҳофаза қилиш ва иқлим ўзгариши вазирлиги, Иқтисодиёт ва молия вазирлиги, Энергетика вазирлиги, Рақамли технологиялар вазирлиги, Автомобиль йўллари қўмитаси, «Ҳудудий электр тармоқлари» АЖ, «Ўзсувтаъминот» АЖ, «Ўзбектелеком» АК Лойиҳа ҳудуди чегарасигача ташқи муҳандислик тармоқлари ва инфратузилма объектларини барпо этиш бўйича амалга ошириладиган қурилиш-муҳандислик ишларининг 2024 йил Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурига киритилишини, шунингдек, мазкур дастур доирасида ҳудудларни муҳандислик-коммуникация инфратузилмаси билан таъминлаш учун назарда тутилган маблағлар ҳисобидан молиялаштирилишини таъминласин.
5. Ўзбекистон Республикаси Божхона кодексида Ўзбекистон Республикасининг халқаро шартномалари бўйича тўлиқ ёки қисман халқаро молия институтларининг ва хорижий ҳукумат молия ташкилотларининг маблағлари (қарзлари, кредитлари) ҳисобидан Ўзбекистон Республикасида амалга ошириладиган лойиҳалар доирасида юридик шахслар томонидан олинадиган товарларга божхона божидан озод этиш тарзидаги тариф имтиёзлари берилиши белгиланганлиги маълумот учун қабул қилинсин.
Ҳосил бўладиган қўшилган қиймат солиғи суммаси тезлаштирилган тартибда қоплансин (қайтариб берилсин).
6. Лойиҳани амалга ошириш доирасида Лойиҳа офиси билан тузилган шартномалар доирасида транспорт ташкилотлари Ўзбекистон Республикаси божхона ҳудудига кириш йиғимларидан ва Ўзбекистон Республикасининг умумфойдаланиладиган автомобиль йўлларида оғир юкли ва йирик габаритли транспорт воситаларининг ҳаракатланиши учун тўловлардан озод этилсин.
7. Лойиҳани амалга ошириш доирасида Лойиҳа офиси, бош пудратчи ва лойиҳа ташкилотларига Ўзбекистон Республикасига олиб кирилаётган товарлар, жиҳозлар ва ускуналарни «божхона омбори» божхона режимига расмийлаштирган ҳолда пудратчи ташкилотларнинг омборларига жойлаштиришга рухсат берилсин.
8. Лойиҳани амалга ошириш доирасида 2024 йил 31 декабрга қадар:
Лойиҳа офисига, истисно тариқасида, муҳандислик-коммуникация ва инфратузилма объектларидан ташқари қисми учун қурилиш-монтаж ишларини лойиҳа-смета ҳужжатларини ишлаб чиқиш билан бир вақтда (параллель лойиҳалаштирган ҳолда) бажаришга рухсат берилсин;
жалб қилинган пудратчи ташкилот, шунингдек, Франция компанияларининг Консорциуми аъзоси бўлган «Patriarche» компанияси билан биргаликда Ўзбекистон Республикаси ҳудудида лойиҳалаштириш фаолиятини амалдаги қонунчилик ҳужжатларига мувофиқ, Иқтисодий ҳамкорлик ва ривожланиш ташкилотига аъзо давлатларнинг ваколатли органлари, ташкилотлари, жамиятлари ва бирлашмалари томонидан берилган рухсат берувчи ҳужжатлар (лицензиялар)га асосан амалга ошириши инобатга олинсин.
9. Ўзбекистон Республикаси Президентининг 2023 йил 24 мартдаги «Иқтисодиётда давлат иштирокини қисқартиришнинг қўшимча чора-тадбирлари тўғрисида»ги ПҚ-102-сон қарорига 2-иловадан 592 ва 606-позициялар чиқариб ташлансин.
10. Мазкур қарорнинг ижросини самарали ташкил қилишга масъул ва шахсий жавобгар этиб экология, атроф-муҳитни муҳофаза қилиш ва иқлим ўзгариши вазири А.А. Абдухакимов белгилансин.
Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 8 август,
ПҚ-273-сон
Oʻzbekiston Respublikasi Prezidentining
Qarori
“Chimyon” xalqaro umummavsumiy kurorti qurilishini jadallashtirish chora-tadbirlari toʻgʻrisida
Respublikaning turizm salohiyatini yanada oshirish, innovatsion turizm infratuzilmalarini yaratish va ularga investitsiyalarning jalb qilinishini tashkil etish, Toshkent viloyati Boʻstonliq tumanida “Chimyon” xalqaro umummavsumiy kurortini qurish uchun zarur shart-sharoitlarni yaratish maqsadida:
1. Oʻzbekiston Respublikasi Hukumati va Fransiya Respublikasi Hukumati oʻrtasida 2021-yil 10-mayda “Chimyon” xalqaro umummavsumiy kurortini qurish loyihasi (keyingi oʻrinlarda — Loyiha)ni amalga oshirish uchun Moliyaviy protokol hamda ushbu protokol boʻyicha 2022-yil 22-noyabrda Oʻzbekiston Respublikasi Hukumati va Fransiya Respublikasi Hukumati oʻrtasida 47,9 million yevro miqdoridagi qarz mablagʻlarini jalb qilish yuzasidan Amalga oshiruv kelishuvi imzolanganligi maʼlumot uchun qabul qilinsin.
Adliya vazirligi Oʻzbekiston Respublikasi Hukumati va Fransiya Respublikasi Hukumati oʻrtasida tuzilgan Amalga oshiruv kelishuviga belgilangan tartibda yuridik xulosa bersin.
2. Loyiha doirasida “Oʻzbekiston Respublikasi Tashqi iqtisodiy faoliyat milliy banki” AJ tomonidan 20 million AQSh dollari miqdorida taqdim etiladigan kreditning garov taʼminoti sifatida “Byeldirsoy-Chimyon-Nanay” xalqaro umummavsumiy kurortini qurish va ekspluatatsiya qilish boʻyicha loyiha ofisi” davlat unitar korxonasi (keyingi oʻrinlarda — Loyiha ofisi) tomonidan sotib olinadigan uskunalar belgilansin.
3. Loyiha hududi chegarasigacha tashqi muhandislik tarmoqlari va infratuzilma obyektlarini barpo etish ishlarini bajarishda:
“Oʻzsuvtaʼminot” AJning “Suv taʼminoti va oqova suv obyektlari qurilishi boʻyicha injiniring kompaniyasi” UK — suv taʼminoti va oqova suv tarmoqlarini qurish;
“Hududiy elektr tarmoqlari” AJ — elektr energiyasi bilan taʼminlash;
Avtomobil yoʻllari qoʻmitasi — Loyiha hududidagi davlat ahamiyatidagi avtomobil yoʻlini qurish (yoʻl boʻyida tashqi yoritish vositalarini oʻrnatish hamda obodonlashtirishni inobatga olgan holda), Loyiha doirasida 2 515 m balandlikdagi oʻrta-stansiyasigacha vaqtinchalik yoʻl oʻtkazish;
“Oʻzbektelekom” AK — telekommunikatsiya tarmoqlarini tortish va oʻrnatish ishlarini bajarish boʻyicha buyurtmachi etib belgilansin.
Buyurtmachi etib belgilangan tashkilotlar ikki oy muddatda loyiha tashkilotlarini oʻrnatilgan tartibda oʻtkaziladigan tanlov (tender) savdolari orqali aniqlab, ular tomonidan loyihalashtirish ishlarining boshlanishini taʼminlasin.
4. Ekologiya, atrof-muhitni muhofaza qilish va iqlim oʻzgarishi vazirligi, Iqtisodiyot va moliya vazirligi, Energetika vazirligi, Raqamli texnologiyalar vazirligi, Avtomobil yoʻllari qoʻmitasi, “Hududiy elektr tarmoqlari” AJ, “Oʻzsuvtaʼminot” AJ, “Oʻzbektelekom” AK Loyiha hududi chegarasigacha tashqi muhandislik tarmoqlari va infratuzilma obyektlarini barpo etish boʻyicha amalga oshiriladigan qurilish-muhandislik ishlarining 2024-yil Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturiga kiritilishini, shuningdek, mazkur dastur doirasida hududlarni muhandislik-kommunikatsiya infratuzilmasi bilan taʼminlash uchun nazarda tutilgan mablagʻlar hisobidan moliyalashtirilishini taʼminlasin.
5. Oʻzbekiston Respublikasi Bojxona kodeksida Oʻzbekiston Respublikasining xalqaro shartnomalari boʻyicha toʻliq yoki qisman xalqaro moliya institutlarining va xorijiy hukumat moliya tashkilotlarining mablagʻlari (qarzlari, kreditlari) hisobidan Oʻzbekiston Respublikasida amalga oshiriladigan loyihalar doirasida yuridik shaxslar tomonidan olinadigan tovarlarga bojxona bojidan ozod etish tarzidagi tarif imtiyozlari berilishi belgilanganligi maʼlumot uchun qabul qilinsin.
Hosil boʻladigan qoʻshilgan qiymat soligʻi summasi tezlashtirilgan tartibda qoplansin (qaytarib berilsin).
6. Loyihani amalga oshirish doirasida Loyiha ofisi bilan tuzilgan shartnomalar doirasida transport tashkilotlari Oʻzbekiston Respublikasi bojxona hududiga kirish yigʻimlaridan va Oʻzbekiston Respublikasining umumfoydalaniladigan avtomobil yoʻllarida ogʻir yukli va yirik gabaritli transport vositalarining harakatlanishi uchun toʻlovlardan ozod etilsin.
7. Loyihani amalga oshirish doirasida Loyiha ofisi, bosh pudratchi va loyiha tashkilotlariga Oʻzbekiston Respublikasiga olib kirilayotgan tovarlar, jihozlar va uskunalarni “bojxona ombori” bojxona rejimiga rasmiylashtirgan holda pudratchi tashkilotlarning omborlariga joylashtirishga ruxsat berilsin.
8. Loyihani amalga oshirish doirasida 2024-yil 31-dekabrga qadar:
Loyiha ofisiga, istisno tariqasida, muhandislik-kommunikatsiya va infratuzilma obyektlaridan tashqari qismi uchun qurilish-montaj ishlarini loyiha-smeta hujjatlarini ishlab chiqish bilan bir vaqtda (parallel loyihalashtirgan holda) bajarishga ruxsat berilsin;
jalb qilingan pudratchi tashkilot, shuningdek, Fransiya kompaniyalarining Konsorsiumi aʼzosi boʻlgan “Patriarche” kompaniyasi bilan birgalikda Oʻzbekiston Respublikasi hududida loyihalashtirish faoliyatini amaldagi qonunchilik hujjatlariga muvofiq, Iqtisodiy hamkorlik va rivojlanish tashkilotiga aʼzo davlatlarning vakolatli organlari, tashkilotlari, jamiyatlari va birlashmalari tomonidan berilgan ruxsat beruvchi hujjatlar (litsenziyalar)ga asosan amalga oshirishi inobatga olinsin.
9. Oʻzbekiston Respublikasi Prezidentining 2023-yil 24-martdagi “Iqtisodiyotda davlat ishtirokini qisqartirishning qoʻshimcha chora-tadbirlari toʻgʻrisida”gi PQ-102-son qaroriga 2-ilovadan 592 va 606-pozitsiyalar chiqarib tashlansin.
10. Mazkur qarorning ijrosini samarali tashkil qilishga masʼul va shaxsiy javobgar etib ekologiya, atrof-muhitni muhofaza qilish va iqlim oʻzgarishi vaziri A.A. Abduxakimov belgilansin.
Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 8-avgust,
PQ-273-son
Президента Республики Узбекистан
Постановление
О мерах по ускорению строительства Международного всесезонного курорта «Чимган»
В целях дальнейшего повышения туристского потенциала республики, создания инфраструктуры инновационного туризма и организации привлечения инвестиций в нее, создания необходимых условий для строительства Международного всесезонного курорта «Чимган» в Бостанлыкском районе Ташкентской области:
1. Принять к сведению, что между Правительством Республики Узбекистан и Правительством Французской Республики 10 мая 2021 года подписан Финансовый протокол для реализации проекта строительства Международного всесезонного курорта «Чимган» (далее — Проект), в соответствии с данным протоколом 22 ноября 2022 года — Соглашение о реализации привлечения заемных средств в размере 47,9 миллиона евро между Правительством Республики Узбекистан и Правительством Французской Республики.
Министерству юстиции выдать в установленном порядке юридическое заключение по Соглашению о реализации, подписанному между Правительством Республики Узбекистан и Правительством Французской Республики.
2. Определить в качестве залогового обеспечения кредита, выделяемого АО «Национальный банк внешнеэкономической деятельности Республики Узбекистан» в размере 20 миллионов долларов США, оборудование, закупаемое в рамках Проекта государственным унитарным предприятием «Проектный офис строительства и эксплуатации Международного всесезонного курорта «Бельдерсай-Чимган-Нанай» (далее — Проектный офис).
3. При выполнении работ по подведению внешних инженерных сетей и инфраструктурных объектов до границ территории Проекта определить заказчиками:
УП «Инжиниринговая компания по строительству объектов водоснабжения и канализации» АО «Узсувтаъминот» — по строительству сетей водоснабжения и сточных вод;
АО «Региональные электрические сети» — по энергоснабжению;
Комитет по автомобильным дорогам — по строительству автомобильных дорог государственного значения на территории Проекта (с учетом установки средств наружного освещения и работ по благоустройству придорожной территории), прокладке временной дороги до средней станции на высоте 2 515 метров в рамках Проекта;
АО «Узбектелеком» — по прокладке и установке телекоммуникационных сетей.
Организациям-заказчикам в двухмесячный срок определить путем проводимых в установленном порядке конкурсных (тендерных) торгов проектные организации и обеспечить начало ими проведения проектных работ.
4. Министерству экологии, охраны окружающей среды и изменения климата, Министерству экономики и финансов, Министерству энергетики, Министерству цифровых технологий, Комитету по автомобильным дорогам, АО «Региональные электрические сети», АО «Узсувтаъминот» и АО «Узбектелеком» обеспечить включение строительно-инженерных работ по строительству объектов внешней инженерной инфраструктуры и инфраструктурных объектов до границ территории Проекта в Программу развития социальной и производственной инфраструктуры Республики Узбекистан на 2024 год, а также их финансирование в рамках данной программы за счет средств, предусмотренных для обеспечения инженерно-коммуникационной инфраструктурой регионов.
5. Принять к сведению, что на основании Таможенного кодекса Республики Узбекистан к товарам, приобретаемым юридическими лицами в рамках проектов, реализуемых в Республике Узбекистан, полностью либо частично финансируемых за счет средств (займов, кредитов) международных финансовых институтов и зарубежных правительственных финансовых организаций в соответствии с международными договорами Республики Узбекистан, предоставляются тарифные льготы в форме освобождения от таможенного сбора.
Обеспечить покрытие (возврат) образовавшейся суммы налога на добавленную стоимость в ускоренном порядке.
6. В рамках реализации Проекта освободить от сборов за въезд на таможенную территорию Республики Узбекистан и платы за проезд тяжеловесных и крупногабаритных транспортных средств по дорогам общего пользования Республики Узбекистан транспортные организации в рамках договоров, заключенных с Проектным офисом.
7. В рамках реализации Проекта разрешить Проектному офису, генеральным подрядным и проектным организациям помещать на склады подрядных организаций, товары, оборудование и инвентарь, ввозимые в Республику Узбекистан, с их оформлением в таможенный режим «таможенный склад».
8. В рамках реализации Проекта на срок до 31 декабря 2024 года:
Проектному офису в порядке исключения разрешить выполнять строительно-монтажные работы в части за пределами инженерно-коммуникационных и инфраструктурных объектов одновременно с разработкой проектно-сметной документации (параллельным проектированием);
принять во внимание, что проектная деятельность на территории Республики Узбекистан привлеченных подрядных организаций и члена Консорциума французских компаний — компании «Patriarche» (Франция) осуществляется в соответствии с действующим законодательством на основании разрешительных документов (лицензий), выданных уполномоченными органами, организациями, обществами и объединениями государств — членов Организации экономического сотрудничества и развития.
9. Из приложения № 2 к постановлению Президента Республики Узбекистан от 24 марта 2023 года № ПП-102 «О дополнительных мерах по сокращению государственного участия в экономике» позиции 592 и 606 исключить.
10. Возложить на министра экологии, охраны окружающей среды и изменения климата А.А. Абдухакимова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
8 августа 2023 г.,
№ ПП-273