📅 2023-yil 9-avgust · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 9 август · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 9 августа 2023 г. · Законы и кодексы
Официальный текст. Официальный документ. Редакционные примечания не включены.
📅 9 August 2023 · Laws and codes
Official text. Official document. Editorial notes are not included.
Ўзбекистон Республикасининг Қонуни
«Наркологик касалликлар профилактикаси ва уларни даволаш тўғрисида»ги Ўзбекистон Республикаси Қонунига ўзгартишлар ва қўшимча киритиш ҳақида
Қонунчилик палатаси томонидан 2023 йил 31 январда қабул қилинган Сенат томонидан 2023 йил 22 июнда маъқулланган
Кейинги йилларда республикамизда наркологик касалликлар профилактикаси, уларга ташхис қўйиш ва уларни даволаш, наркологик касалликларга чалинган шахсларни тиббий-ижтимоий реабилитация қилишни ривожлантириш бўйича комплекс чора-тадбирлар амалга оширилмоқда.
Наркологик касалликларга чалинган шахслар томонидан фуқаролар хавфсизлиги ва соғлиғига таҳдид қилиниши, жамоат тартиби бузилиши, ҳуқуқбузарликлар содир этилиши ҳолларининг барвақт олдини олиш мақсадида мазкур шахсларни мажбурий даволашга юбориш тўғрисидаги материалларни нафақат наркология муассасаларининг, оила аъзоларининг (қариндошларининг) илтимосномаларига асосан, балки ички ишлар органларининг ташаббусига кўра ҳам расмийлаштириш зарурати юзага келмоқда.
Шу муносабат билан «Наркологик касалликлар профилактикаси ва уларни даволаш тўғрисида»ги Ўзбекистон Республикаси Қонунига ички ишлар органларига наркологик касалликларга чалинган шахсларни мажбурий даволашга юбориш тўғрисидаги материалларни расмийлаштириш ваколати берилишини, шунингдек мазкур материалларни тайёрлаш тартиби белгиланишини назарда тутувчи тегишли ўзгартишлар киритилмоқда. Шу билан бирга клиник текширувлар наркология диспансерлари билан бир қаторда тегишли мутахассислар мавжуд бўлган бошқа тиббиёт муассасаларида ҳам ўтказилиши мумкинлиги белгиланмоқда.
Ушбу Қонун наркологик касалликларга чалинган шахсларни мажбурий даволашга юбориш ташаббуси билан чиқадиган шахслар доирасини кенгайтиришга, ҳуқуқбузарликлар содир этилишининг олдини олишга ҳамда наркологик ёрдам кўрсатиш сифати ва самарадорлигини янада оширишга хизмат қилади.
1-модда. Ўзбекистон Республикасининг 2020 йил 27 октябрда қабул қилинган «Наркологик касалликлар профилактикаси ва уларни даволаш тўғрисида»ги ЎРҚ-644-сонли Қонунига (Ўзбекистон Республикаси Олий Мажлиси палаталарининг Ахборотномаси, 2020 йил, № 10, 597-модда; 2021 йил, 4-сонга илова) қуйидаги ўзгартишлар ва қўшимча киритилсин:
1) 12-модданинг учинчи хатбошиси қуйидаги таҳрирда баён этилсин:
«текширувдан ўтказилишни, маслаҳат берилишини, ташхис қўйилишини, шунингдек наркологик касалликларга чалинган шахсларнинг амбулатория ва стационар шароитларда даволанишини ҳамда тиббий-ижтимоий реабилитация қилинишини кафолатлайди»;
2) 25-модданинг матни қуйидаги таҳрирда баён этилсин:
«Мажбурий даволаш атрофдагиларнинг хавфсизлиги ва соғлиғига таҳдид солаётган ёхуд жамоат тартибини, бошқа шахсларнинг ҳуқуқларини бузаётган, психоактив моддалар таъсиридан мастлик ҳолатида маъмурий ҳуқуқбузарликлар содир этганлик учун бир йил ичида бир мартадан ортиқ маъмурий жавобгарликка тортилган ҳамда ушбу Қонунга мувофиқ мажбурий даволашга юборилиши мумкинлиги тўғрисида огоҳлантирилган наркологик касалликка чалинган шахсга нисбатан суднинг қарорига асосан қўлланилади. Бунда мажбурий даволаш диспансер кузатуви остида (диспансер ҳисобида) бўлган ва ихтиёрий даволанишни рад этаётган наркологик касалликка чалинган шахсга нисбатан қўлланилади»;
3) 27-модданинг биринчи қисми қуйидаги мазмундаги жумла билан тўлдирилсин:
«Наркологик касалликка чалинган шахсни мажбурий даволаш заруриятини аниқлаш билан боғлиқ барча клиник текширувлар наркология диспансерида, зарур ҳолларда эса тегишли мутахассислар мавжуд бўлган бошқа тиббиёт муассасаларида ўтказилади»;
4) 28-модданинг матни қуйидаги таҳрирда баён этилсин:
«Наркологик касалликка чалинган шахсни мажбурий даволашга юбориш тўғрисидаги материаллар ички ишлар органлари томонидан наркология муассасаларининг, наркологик касалликка чалинган шахс оила аъзоларининг ёки қариндошларининг илтимосномаларига асосан, шунингдек наркологик касалликка чалинган шахснинг оила аъзолари хабардор қилинган ҳолда, ички ишлар органларининг ташаббусига кўра тайёрланади ва расмийлаштирилади.
Ички ишлар органлари наркологик касалликка чалинган шахсни мажбурий даволашга юбориш тўғрисидаги материалларни тайёрлаш мақсадида мазкур шахсни наркологик экспертизадан ўтказиш учун унинг яшаш жойидаги наркология диспансерига олиб боради.
Ички ишлар органлари наркологик экспертизаларни ўтказиш учун ихтисослаштирилган тиббий комиссиянинг наркологик касалликка чалинган шахсни мажбурий даволаш зарурлиги тўғрисидаги тиббий хулосасини олгач, тўпланган материалларни мазкур шахснинг яшаш жойидаги ёки наркология диспансери жойлашган ердаги судга тақдим этади. Мазкур материаллар судга электрон ҳужжат тарзида ҳам юборилиши мумкин».
2-модда. Ўзбекистон Республикаси Ички ишлар вазирлиги, Соғлиқни сақлаш вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
3-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
4-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2023 йил 9 август,
ЎРҚ-861-сон
Oʻzbekiston Respublikasining Qonuni
“Narkologik kasalliklar profilaktikasi va ularni davolash toʻgʻrisida”gi Oʻzbekiston Respublikasi Qonuniga oʻzgartishlar va qoʻshimcha kiritish haqida
Qonunchilik palatasi tomonidan 2023-yil 31-yanvarda qabul qilingan Senat tomonidan 2023-yil 22-iyunda maʼqullangan
Keyingi yillarda respublikamizda narkologik kasalliklar profilaktikasi, ularga tashxis qoʻyish va ularni davolash, narkologik kasalliklarga chalingan shaxslarni tibbiy-ijtimoiy reabilitatsiya qilishni rivojlantirish boʻyicha kompleks chora-tadbirlar amalga oshirilmoqda.
Narkologik kasalliklarga chalingan shaxslar tomonidan fuqarolar xavfsizligi va sogʻligʻiga tahdid qilinishi, jamoat tartibi buzilishi, huquqbuzarliklar sodir etilishi hollarining barvaqt oldini olish maqsadida mazkur shaxslarni majburiy davolashga yuborish toʻgʻrisidagi materiallarni nafaqat narkologiya muassasalarining, oila aʼzolarining (qarindoshlarining) iltimosnomalariga asosan, balki ichki ishlar organlarining tashabbusiga koʻra ham rasmiylashtirish zarurati yuzaga kelmoqda.
Shu munosabat bilan “Narkologik kasalliklar profilaktikasi va ularni davolash toʻgʻrisida”gi Oʻzbekiston Respublikasi Qonuniga ichki ishlar organlariga narkologik kasalliklarga chalingan shaxslarni majburiy davolashga yuborish toʻgʻrisidagi materiallarni rasmiylashtirish vakolati berilishini, shuningdek mazkur materiallarni tayyorlash tartibi belgilanishini nazarda tutuvchi tegishli oʻzgartishlar kiritilmoqda. Shu bilan birga klinik tekshiruvlar narkologiya dispanserlari bilan bir qatorda tegishli mutaxassislar mavjud boʻlgan boshqa tibbiyot muassasalarida ham oʻtkazilishi mumkinligi belgilanmoqda.
Ushbu Qonun narkologik kasalliklarga chalingan shaxslarni majburiy davolashga yuborish tashabbusi bilan chiqadigan shaxslar doirasini kengaytirishga, huquqbuzarliklar sodir etilishining oldini olishga hamda narkologik yordam koʻrsatish sifati va samaradorligini yanada oshirishga xizmat qiladi.
1-modda. Oʻzbekiston Respublikasining 2020-yil 27-oktabrda qabul qilingan “Narkologik kasalliklar profilaktikasi va ularni davolash toʻgʻrisida”gi OʻRQ-644-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2020-yil, № 10, 597-modda; 2021-yil, 4-songa ilova) quyidagi oʻzgartishlar va qoʻshimcha kiritilsin:
1) 12-moddaning uchinchi xatboshisi quyidagi tahrirda bayon etilsin:
“tekshiruvdan oʻtkazilishni, maslahat berilishini, tashxis qoʻyilishini, shuningdek narkologik kasalliklarga chalingan shaxslarning ambulatoriya va statsionar sharoitlarda davolanishini hamda tibbiy-ijtimoiy reabilitatsiya qilinishini kafolatlaydi”;
2) 25-moddaning matni quyidagi tahrirda bayon etilsin:
“Majburiy davolash atrofdagilarning xavfsizligi va sogʻligʻiga tahdid solayotgan yoxud jamoat tartibini, boshqa shaxslarning huquqlarini buzayotgan, psixoaktiv moddalar taʼsiridan mastlik holatida maʼmuriy huquqbuzarliklar sodir etganlik uchun bir yil ichida bir martadan ortiq maʼmuriy javobgarlikka tortilgan hamda ushbu Qonunga muvofiq majburiy davolashga yuborilishi mumkinligi toʻgʻrisida ogohlantirilgan narkologik kasallikka chalingan shaxsga nisbatan sudning qaroriga asosan qoʻllaniladi. Bunda majburiy davolash dispanser kuzatuvi ostida (dispanser hisobida) boʻlgan va ixtiyoriy davolanishni rad etayotgan narkologik kasallikka chalingan shaxsga nisbatan qoʻllaniladi”;
3) 27-moddaning birinchi qismi quyidagi mazmundagi jumla bilan toʻldirilsin:
“Narkologik kasallikka chalingan shaxsni majburiy davolash zaruriyatini aniqlash bilan bogʻliq barcha klinik tekshiruvlar narkologiya dispanserida, zarur hollarda esa tegishli mutaxassislar mavjud boʻlgan boshqa tibbiyot muassasalarida oʻtkaziladi”;
4) 28-moddaning matni quyidagi tahrirda bayon etilsin:
“Narkologik kasallikka chalingan shaxsni majburiy davolashga yuborish toʻgʻrisidagi materiallar ichki ishlar organlari tomonidan narkologiya muassasalarining, narkologik kasallikka chalingan shaxs oila aʼzolarining yoki qarindoshlarining iltimosnomalariga asosan, shuningdek narkologik kasallikka chalingan shaxsning oila aʼzolari xabardor qilingan holda, ichki ishlar organlarining tashabbusiga koʻra tayyorlanadi va rasmiylashtiriladi.
Ichki ishlar organlari narkologik kasallikka chalingan shaxsni majburiy davolashga yuborish toʻgʻrisidagi materiallarni tayyorlash maqsadida mazkur shaxsni narkologik ekspertizadan oʻtkazish uchun uning yashash joyidagi narkologiya dispanseriga olib boradi.
Ichki ishlar organlari narkologik ekspertizalarni oʻtkazish uchun ixtisoslashtirilgan tibbiy komissiyaning narkologik kasallikka chalingan shaxsni majburiy davolash zarurligi toʻgʻrisidagi tibbiy xulosasini olgach, toʻplangan materiallarni mazkur shaxsning yashash joyidagi yoki narkologiya dispanseri joylashgan erdagi sudga taqdim etadi. Mazkur materiallar sudga elektron hujjat tarzida ham yuborilishi mumkin”.
2-modda. Oʻzbekiston Respublikasi Ichki ishlar vazirligi, Sogʻliqni saqlash vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
3-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
4-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2023-yil 9-avgust,
OʻRQ-861-son
Закон Республики Узбекистан
О внесении изменений и дополнения в Закон Республики Узбекистан «О профилактике и лечении наркологических заболеваний»
Принят Законодательной палатой 31 января 2023 года Одобрен Сенатом 22 июня 2023 года
В последние годы в республике осуществляются комплексные меры по профилактике, диагностике и лечению наркологических заболеваний, развитию медико-социальной реабилитации лиц, страдающих наркологическими заболеваниями.
В целях раннего предупреждения случаев, угрожающих безопасности и здоровью граждан, нарушения общественного порядка, совершения правонарушений лицами, страдающими наркологическими заболеваниями, возникает необходимость оформления материалов о направлении на принудительное лечение данных лиц не только на основании ходатайств наркологических учреждений, членов семьи (родственников), но и по инициативе органов внутренних дел.
В связи с этим в Закон Республики Узбекистан «О профилактике и лечении наркологических заболеваний» вносятся соответствующие изменения, предусматривающие наделение органов внутренних дел полномочием по оформлению материалов о направлении на принудительное лечение лиц, страдающих наркологическими заболеваниями, а также определение порядка подготовки данных материалов. Вместе с тем устанавливается, что клинические обследования наряду с наркологическими диспансерами могут проводиться и в других медицинских учреждениях, где имеются соответствующие специалисты.
Настоящий Закон послужит расширению круга лиц, инициирующих направление на принудительное лечение лиц, страдающих наркологическими заболеваниями, предупреждению совершения правонарушений и дальнейшему повышению качества и эффективности оказания наркологической помощи.
Статья 1. Внести в Закон Республики Узбекистан от 27 октября 2020 года № ЗРУ-644 «О профилактике и лечении наркологических заболеваний» (Ведомости палат Олий Мажлиса Республики Узбекистан, 2020 г., № 10, ст. 597; 2021 г., приложение к № 4) следующие изменения и дополнение:
1) абзац третий статьи 12 изложить в следующей редакции:
«обследование, консультирование, диагностику, а также лечение и медико-социальную реабилитацию лиц, страдающих наркологическими заболеваниями, в амбулаторных и стационарных условиях»;
2) текст статьи 25 изложить в следующей редакции:
«Принудительное лечение применяется на основании решения суда в отношении лица, страдающего наркологическим заболеванием, создающего угрозу безопасности и здоровью окружающих либо нарушающего общественный порядок, права других лиц, которое в течение года более одного раза привлекалось к административной ответственности за совершение административных правонарушений в состоянии опьянения психоактивными веществами и было предупреждено в соответствии с настоящим Законом о возможности направления его на принудительное лечение. При этом принудительное лечение применяется в отношении лица, страдающего наркологическим заболеванием, которое находится под диспансерным наблюдением (диспансерным учетом) и отказывается от добровольного лечения»;
3) часть первую статьи 27 дополнить предложением следующего содержания:
«Все клинические обследования, связанные с определением необходимости принудительного лечения лица, страдающего наркологическим заболеванием, проводятся в наркологическом диспансере, а в необходимых случаях в других медицинских учреждениях, где имеются соответствующие специалисты»;
4) текст статьи 28 изложить в следующей редакции:
«Материалы о направлении лица, страдающего наркологическим заболеванием, на принудительное лечение подготавливаются и оформляются органами внутренних дел на основании ходатайств учреждений наркологии, членов семьи или родственников лица, страдающего наркологическим заболеванием, а также по инициативе органов внутренних дел с уведомлением членов семьи лица, страдающего наркологическим заболеванием.
Органы внутренних дел в целях подготовки материалов о направлении лица, страдающего наркологическим заболеванием, на принудительное лечение доставляют данное лицо для проведения наркологической экспертизы в наркологический диспансер по месту его жительства.
Органы внутренних дел, получив медицинское заключение специализированной медицинской комиссии для проведения наркологических экспертиз о необходимости принудительного лечения лица, страдающего наркологическим заболеванием, представляют собранные материалы в суд по месту жительства данного лица или по месту нахождения наркологического диспансера. Данные материалы также могут быть направлены в суд в виде электронного документа».
Статья 2. Министерству внутренних дел, Министерству здравоохранения Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 3. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.
Статья 4. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
9 августа 2023 г.,
№ ЗРУ-861