📅 2023-yil 9-avgust · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 9 август · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 9 августа 2023 г. · Законы и кодексы
Официальный текст. Официальный документ. Редакционные примечания не включены.
📅 9 August 2023 · Laws and codes
Official text. Official document. Editorial notes are not included.
Ўзбекистон Республикасининг Қонуни
«Адвокатура тўғрисида»ги Ўзбекистон Республикаси Қонунининг 3 1 -моддасига ўзгартириш киритиш ҳақида
Қонунчилик палатаси томонидан 2023 йил 16 майда қабул қилинган Сенат томонидан 2023 йил 4 августда маъқулланган
Кейинги йилларда мамлакатимизда инсон ҳуқуқлари, эркинликлари ва қонуний манфаатлари химоя килинишини таъминлашнинг самарали институтларидан бири сифатида адвокатуранинг ўрни ва аҳамиятини ошириш бўйича кенг кўламли ислоҳотлар амалга оширилди.
Хусусан, адвокатура институтининг ва адвокатларнинг мустақиллигини таъминлашга, суд ишини юритишнинг барча босқичларида тарафларнинг тортишув принципи асосида ишларни ташкил этишга қаратилган чора-тадбирлар кўрилди, адвокатларнинг ўз профессионал фаолиятини амалга ошириши учун зарур қонунчилик базаси яратилди.
Шу билан бирга адвокатурага ишга қабул қилиш тартиб-таомилини, шунингдек адвокатлик фаолияти билан шуғулланиш ҳуқуқига доир лицензияни олиш тартибини соддалаштириш зарурати юзага келмоқда.
Мазкур Қонун билан «Адвокатура тўғрисида»ги Ўзбекистон Республикаси Қонунига адвокатлик фаолияти билан шуғулланиш ҳуқуқига доир лицензияни олиш учун имтихон топширишга талабгор шахснинг юридик мутахассислик бўйича камида икки йиллик иш стажига эга бўлиши тўғрисидаги талаб бекор килинишини назарда тутувчи ўзгартириш киритилмоқда.
Ушбу Қонун адвокатура соҳасининг жозибадорлигини оширишга ҳамда мазкур соҳага ёш кадрларни ва юридик мутахассислик бўйича икки йиллик иш стажига эга бўлмаган кадрларни жалб этишнинг самарали тизимини яратишга хизмат килади.
1-модда. Ўзбекистон Республикасининг 1996 йил 27 декабрда кабул қилинган «Адвокатура туғрисида»ги 349-1-сонли Қонуни (Ўзбекистон Республикаси Олий Мажлисининг Ахборотномаси, 1997 йил, № 2, 48-модда; 2001 йил, № 1-2, 23-модда; 2003 йил, № 5, 67-модда; 2004 йил, № 1-2, 18-модда; Ўзбекистон Республикаси Олий Мажлиси палаталарининг Ахборотномаси, 2005 йил, № 9, 312-модда; 2008 йил, № 12, 641-модда; 2009 йил, № 9, 337-модда; 2018 йил, № 10, 673-модда; 2019 йил, № 1, 3-модда, № 5, 267-модда, № 9, 591-модда; 2021 йил, 4-сонга илова; 2022 йил, № 8, 787-модда) 3 1 -моддасининг иккинчи кисми қуйидаги таҳрирда баён этилсин:
«Адвокат мақомига эга бўлишга талабгор шахс (бундан буён матнда талабгор деб юритилади) лицензия олиш учун адвокатлик тузилмасида (адвокатлик бюросида, адвокатлик фирмасида, адвокатлар ҳайъатида, юридик маслаҳатхонада) камида уч ой муддат стажировка ўташи керак ҳамда малака имтиҳонини топшириши шарт».
2-модда. Ўзбекистон Республикаси Адлия вазирлиги ва бошка манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
3-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳукуқий ҳужжатларини кайта кўриб чиқишлари ва бекор қилишларини таъминласин.
4-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2023 йил 9 август,
ЎРҚ-862-сон
Oʻzbekiston Respublikasining Qonuni
“Advokatura toʻgʻrisida”gi Oʻzbekiston Respublikasi Qonunining 3 1 -moddasiga oʻzgartirish kiritish haqida
Qonunchilik palatasi tomonidan 2023-yil 16-mayda qabul qilingan Senat tomonidan 2023-yil 4-avgustda maʼqullangan
Keyingi yillarda mamlakatimizda inson huquqlari, erkinliklari va qonuniy manfaatlari ximoya kilinishini taʼminlashning samarali institutlaridan biri sifatida advokaturaning oʻrni va ahamiyatini oshirish boʻyicha keng koʻlamli islohotlar amalga oshirildi.
Xususan, advokatura institutining va advokatlarning mustaqilligini taʼminlashga, sud ishini yuritishning barcha bosqichlarida taraflarning tortishuv prinsipi asosida ishlarni tashkil etishga qaratilgan chora-tadbirlar koʻrildi, advokatlarning oʻz professional faoliyatini amalga oshirishi uchun zarur qonunchilik bazasi yaratildi.
Shu bilan birga advokaturaga ishga qabul qilish tartib-taomilini, shuningdek advokatlik faoliyati bilan shugʻullanish huquqiga doir litsenziyani olish tartibini soddalashtirish zarurati yuzaga kelmoqda.
Mazkur Qonun bilan “Advokatura toʻgʻrisida”gi Oʻzbekiston Respublikasi Qonuniga advokatlik faoliyati bilan shugʻullanish huquqiga doir litsenziyani olish uchun imtixon topshirishga talabgor shaxsning yuridik mutaxassislik boʻyicha kamida ikki yillik ish stajiga ega boʻlishi toʻgʻrisidagi talab bekor kilinishini nazarda tutuvchi oʻzgartirish kiritilmoqda.
Ushbu Qonun advokatura sohasining jozibadorligini oshirishga hamda mazkur sohaga yosh kadrlarni va yuridik mutaxassislik boʻyicha ikki yillik ish stajiga ega boʻlmagan kadrlarni jalb etishning samarali tizimini yaratishga xizmat kiladi.
1-modda. Oʻzbekiston Respublikasining 1996-yil 27-dekabrda kabul qilingan “Advokatura tugʻrisida”gi 349-1-sonli Qonuni (Oʻzbekiston Respublikasi Oliy Majlisining Axborotnomasi, 1997-yil, № 2, 48-modda; 2001-yil, № 1-2, 23-modda; 2003-yil, № 5, 67-modda; 2004-yil, № 1-2, 18-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 9, 312-modda; 2008-yil, № 12, 641-modda; 2009-yil, № 9, 337-modda; 2018-yil, № 10, 673-modda; 2019-yil, № 1, 3-modda, № 5, 267-modda, № 9, 591-modda; 2021-yil, 4-songa ilova; 2022-yil, № 8, 787-modda) 3 1 -moddasining ikkinchi kismi quyidagi tahrirda bayon etilsin:
“Advokat maqomiga ega boʻlishga talabgor shaxs (bundan buyon matnda talabgor deb yuritiladi) litsenziya olish uchun advokatlik tuzilmasida (advokatlik byurosida, advokatlik firmasida, advokatlar hayʼatida, yuridik maslahatxonada) kamida uch oy muddat stajirovka oʻtashi kerak hamda malaka imtihonini topshirishi shart”.
2-modda. Oʻzbekiston Respublikasi Adliya vazirligi va boshka manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
3-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-hukuqiy hujjatlarini kayta koʻrib chiqishlari va bekor qilishlarini taʼminlasin.
4-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2023-yil 9-avgust,
OʻRQ-862-son
Закон Республики Узбекистан
О внесении изменения в статью 3 1 Закона Республики Узбекистан «Об адвокатуре»
Принят Законодательной палатой 16 мая 2023 года Одобрен Сенатом 4 августа 2023 года
В последние годы в стране реализованы широкомасштабные реформы по повышению роли и значения адвокатуры как одного из эффективных институтов обеспечения защиты прав, свобод и законных интересов человека.
В частности, приняты меры, направленные на обеспечение самостоятельности института адвокатуры и адвокатов, организацию работы на основе принципа состязательности сторон на всех этапах судопроизводства, создана необходимая законодательная база для осуществления адвокатами своей профессиональной деятельности.
Вместе с тем возникает необходимость в упрощении процедуры принятия на работу в адвокатуру, а также порядка получения лицензии на право занятия адвокатской деятельностью.
Данным Законом вносится изменение в Закон Республики Узбекистан «Об адвокатуре», предусматривающее отмену требования о том, чтобы лицо, претендующее на сдачу экзамена для получения лицензии на право занятия адвокатской деятельностью, имело стаж работы по юридической специальности не менее двух лет.
Настоящий Закон послужит повышению привлекательности сферы адвокатуры и созданию эффективной системы привлечения в данную сферу молодых кадров и кадров, не имеющих двухлетнего стажа работы по юридической специальности.
Статья 1. Часть вторую статьи 3 1 Закона Республики Узбекистан от 27 декабря 1996 года № 349-1 «Об адвокатуре» (Ведомости Олий Мажлиса Республики Узбекистан, 1997 г., № 2, ст. 48; 2001 г., № 1-2, ст. 23; 2003 г., № 5, ст. 67; 2004 г., № 1-2, ст. 18; Ведомости палат Олий Мажлиса Республики Узбекистан, 2005 г., № 9, ст. 312; 2008 г., № 12, 2 CT. 641; 2009 г., № 9, ст. 337; 2018 г., № 10, ст. 673; 2019 г., № 1, ст. 3, № 5, ст. 267, № 9, ст. 591; 2021 г., приложение к № 4; 2022 г., № 8, ст. 787) изложить в следующей редакции:
«Для получения лицензии лицо, претендующее на приобретение статуса адвоката (далее — претендент), должно пройти стажировку в адвокатском формировании (адвокатское бюро, адвокатская фирма, коллегия адвокатов, юридическая консультация) сроком не менее трех месяцев, и обязано сдать квалификационный экзамен».
Статья 2. Министерству юстиции Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 3. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.
Статья 4. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
9 августа 2023 г.,
№ ЗРУ-862