📅 2023-yil 9-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 9 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 9 августа 2023 г. · Постановления Кабинета Министров
Официальный текст. Официальный документ. Редакционные примечания не включены.
📅 9 August 2023 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЎЙХАТИ
Тошкент метрополитенининг ер усти йўли бекатларига ном бериш тўғрисида
Ўзбекистон Республикасининг «Географик объектларнинг номлари тўғрисида»ги Қонунига мувофиқ маҳаллий аҳоли ва жамоатчиликнинг фикрлари, таклифларини инобатга олган ҳолда ҳамда Географик объектларни номлаш ва қайта номлаш масалалари бўйича республика комиссиясининг хулосасига кўра Вазирлар Маҳкамаси қарор қилади:
1. Тошкент метрополитени «Ўзбекистон мустақиллигининг ўттиз йиллиги» ер усти метро ҳалқа йўлининг «Дўстлик-Қўйлиқ» йўналиши 1 — 14 бекатларига, «Чилонзор» йўлининг «Олмазор-Сергели» йўналиши 1 — 5 бекатларига жами 19 та бекат) иловадаги рўйхат асосида ном берилсин.
2. Ўзбекистон Республикаси Транспорт вазирлиги Тошкент шаҳар ҳокимлиги, Иқтисодиёт ва молия вазирлиги ҳузуридаги Кадастр агентлиги, «Тошкент метрополитени» ДУК билан биргаликда бир ой муддатда:
Тошкент метрополитени «Ўзбекистон мустақиллигининг ўттиз йиллиги» ер усти метро ҳалқа йўлининг 14 та, «Чилонзор» йўлининг 5 та бекати номларининг тасдиқланиши муносабати билан амалга оширилиши лозим бўлган барча зарур чоралари кўрсин;
Тошкент метрополитенининг барча бекатларида ўрнатилган пешлавҳалар ва ахборот кўрсаткичларидаги ёзувларнинг давлат тили қоида ва меъёрларига мувофиқ лотин ёзувига асосланган ўзбек алифбосида ёзилишини таъминласин;
Ўзбекистон Миллий ахборот агентлиги, Ўзбекистон Миллий телерадиокомпанияси, Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги оммавий ахборот воситаларида ушбу қарорнинг мазмун-моҳияти кенг ёритилишини ташкил этсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов ва Ўзбекистон Республикаси транспорт вазири И.Р. Маҳкамов зиммасига юклансин.
Вазирлар Маҳкамасининг 2023 йил 2 августдаги 349-сон қарорига ИЛОВА
Тошкент метрополитени ер усти йўли бекатлари номлари
Т/р Бекатлар Бекат номи I. «Дўстлик-Қўйлиқ» ер усти метро йўналиши 1. 1-бекат Технопарк 2. 2-бекат Яшнобод 3. 3-бекат Тузел 4. 4-бекат Олмос 5. 5-бекат Роҳат 6. 6-бекат Янгиобод 7. 7-бекат Қўйлиқ 8. 8-бекат Матонат 9. 9-бекат Қиёт 10. 10-бекат Толариқ 11. 11-бекат Хонобод 12. 12-бекат Қурувчилар 13. 13-бекат Турон 14. 14-бекат Қипчоқ II. «Олмазор-Сергели» ер усти метро йўналиши 15. 1-бекат Чоштепа 16. 2-бекат Ўзгариш 17. 3-бекат Сергели 18. 4-бекат Янгиҳаёт 19. 5-бекат Чинор
Ўзбекистон Республикасининг Бош вазири А. АРИПОВ
Тошкент ш.,
2023 йил 9 август,
349-сон
Oʻzbekiston Respublikasi Vazirlar Mahkamasining
qarori
ROʻYXATI
Toshkent metropolitenining yer usti yoʻli bekatlariga nom berish toʻgʻrisida
Oʻzbekiston Respublikasining “Geografik obyektlarning nomlari toʻgʻrisida”gi Qonuniga muvofiq mahalliy aholi va jamoatchilikning fikrlari, takliflarini inobatga olgan holda hamda Geografik obyektlarni nomlash va qayta nomlash masalalari boʻyicha respublika komissiyasining xulosasiga koʻra Vazirlar Mahkamasi qaror qiladi:
1. Toshkent metropoliteni “Oʻzbekiston mustaqilligining oʻttiz yilligi” yer usti metro halqa yoʻlining “Doʻstlik-Qoʻyliq” yoʻnalishi 1 — 14 bekatlariga, “Chilonzor” yoʻlining “Olmazor-Sergeli” yoʻnalishi 1 — 5 bekatlariga jami 19 ta bekat) ilovadagi roʻyxat asosida nom berilsin.
2. Oʻzbekiston Respublikasi Transport vazirligi Toshkent shahar hokimligi, Iqtisodiyot va moliya vazirligi huzuridagi Kadastr agentligi, “Toshkent metropoliteni” DUK bilan birgalikda bir oy muddatda:
Toshkent metropoliteni “Oʻzbekiston mustaqilligining oʻttiz yilligi” yer usti metro halqa yoʻlining 14 ta, “Chilonzor” yoʻlining 5 ta bekati nomlarining tasdiqlanishi munosabati bilan amalga oshirilishi lozim boʻlgan barcha zarur choralari koʻrsin;
Toshkent metropolitenining barcha bekatlarida oʻrnatilgan peshlavhalar va axborot koʻrsatkichlaridagi yozuvlarning davlat tili qoida va meʼyorlariga muvofiq lotin yozuviga asoslangan oʻzbek alifbosida yozilishini taʼminlasin;
Oʻzbekiston Milliy axborot agentligi, Oʻzbekiston Milliy teleradiokompaniyasi, Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi ommaviy axborot vositalarida ushbu qarorning mazmun-mohiyati keng yoritilishini tashkil etsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov va Oʻzbekiston Respublikasi transport vaziri I.R. Mahkamov zimmasiga yuklansin.
Vazirlar Mahkamasining 2023-yil 2-avgustdagi 349-son qaroriga ILOVA
Toshkent metropoliteni yer usti yoʻli bekatlari nomlari
T/r Bekatlar Bekat nomi I. “Doʻstlik-Qoʻyliq” yer usti metro yoʻnalishi 1. 1-bekat Texnopark 2. 2-bekat Yashnobod 3. 3-bekat Tuzel 4. 4-bekat Olmos 5. 5-bekat Rohat 6. 6-bekat Yangiobod 7. 7-bekat Qoʻyliq 8. 8-bekat Matonat 9. 9-bekat Qiyot 10. 10-bekat Tolariq 11. 11-bekat Xonobod 12. 12-bekat Quruvchilar 13. 13-bekat Turon 14. 14-bekat Qipchoq II. “Olmazor-Sergeli” yer usti metro yoʻnalishi 15. 1-bekat Choshtepa 16. 2-bekat Oʻzgarish 17. 3-bekat Sergeli 18. 4-bekat Yangihayot 19. 5-bekat Chinor
Oʻzbekiston Respublikasining Bosh vaziri A. ARIPOV
Toshkent sh.,
2023-yil 9-avgust,
349-son