📅 2023-yil 10-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 10 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 10 августа 2023 г. · Постановления Кабинета Министров
Официальный текст. Официальный документ. Редакционные примечания не включены.
📅 10 August 2023 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Вазирлар Маҳкамасининг «Йирик инвестиция лойиҳасини амалга ошириш учун энг яхши таклифни танлаб олишнинг маъмурий регламентини тасдиқлаш тўғрисида» 2021 йил 21 сентябрдаги 592-сон қарорига қўшимча киритиш тўғрисида
Қорақалпоғистон Республикасини ижтимоий-иқтисодий ривожлантириш, унинг иқтисодиётини эркинлаштириш ва тадбиркорликни қўллаб-қувватлаш ҳамда ҳудуднинг иқтисодий ва ижтимоий ривожланишини янги босқичга олиб чиқиш бўйича кенг кўламли ишлар амалга оширилмоқда.
Шу билан бирга, инвестициявий жозибадорликни ошириш, ишбилармонлик муҳитини яхшилаш ва ёшлар бандлигини таъминлаш орқали Қорақалпоғистон Республикасининг иқтисодий салоҳиятини янада ошириш мақсадида қўшимча чоралар кўриш зарурати юзага келмоқда.
Ўзбекистон Республикаси Президентининг «Қорақалпоғистон Республикасида тадбиркорларга қулай шароитлар яратишга оид қўшимча чора-тадбирлари тўғрисида» 2023 йил 8 августдаги ПФ-129-сон Фармони ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Қорақалпоғистон Республикасида тадбиркорларга қулай шароитлар яратишга оид қўшимча чора-тадбирлари тўғрисида» 2023 йил 8 августдаги ПФ-129-сон Фармони билан 2023-2024 йилларда Қорақалпоғистон Республикасининг Нукус шаҳрида қиймати 1 миллион АҚШ доллари ва ундан ортиқ эквивалентдаги, қолган туманларда қиймати 300 минг АҚШ доллари ва ундан ортиқ эквивалентдаги инвестиция киритиш мажбуриятини юклаган ҳолда лойиҳа ташаббускорларига Қорақалпоғистон Республикаси Вазирлар Кенгаши қарори асосида ер участкаларини тўғридан-тўғри узоқ муддатли ижара ҳуқуқи билан бериш тизими жорий этилганлиги маълумот учун қабул қилинсин.
2. Вазирлар Маҳкамасининг «Йирик инвестиция лойиҳасини амалга ошириш учун энг яхши таклифни танлаб олишнинг маъмурий регламентини тасдиқлаш тўғрисида» 2021 йил 21 сентябрдаги 592-сон қарори қуйидаги мазмундаги 8-банд билан тўлдирилсин:
«8. Белгилансинки, 2023-2024 йилларда Қорақалпоғистон Республикасининг Нукус шаҳрида қиймати 1 миллион АҚШ доллари ва ундан ортиқ эквивалентдаги, қолган туманларда қиймати 300 минг АҚШ доллари ва ундан ортиқ эквивалентдаги инвестиция киритиш мажбуриятини юклаган ҳолда лойиҳа ташаббускорларига ер участкалари ушбу қарор талабларига мувофиқ Қорақалпоғистон Республикаси Вазирлар Кенгаши томонидан белгиланган вақтинча тартиб асосида тўғридан-тўғри ижарага берилади.
Бунда мазкур қарор билан тасдиқланган Йирик инвестиция лойиҳасини амалга ошириш учун энг яхши таклифни танлаб олишнинг маъмурий регламенти талаблари 2025 йил 1 январга қадар ушбу банднинг биринчи хатбошисида кўрсатилган муносабатларга нисбатан татбиқ этилмайди».
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев ва Қорақалпоғистон Республикаси Вазирлар Кенгаши Раиси Ф.У. Эрманов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2023 йил 10 август,
353-сон
Oʻzbekiston Respublikasi Vazirlar Mahkamasining
qarori
Vazirlar Mahkamasining “Yirik investitsiya loyihasini amalga oshirish uchun eng yaxshi taklifni tanlab olishning maʼmuriy reglamentini tasdiqlash toʻgʻrisida” 2021-yil 21-sentabrdagi 592-son qaroriga qoʻshimcha kiritish toʻgʻrisida
Qoraqalpogʻiston Respublikasini ijtimoiy-iqtisodiy rivojlantirish, uning iqtisodiyotini erkinlashtirish va tadbirkorlikni qoʻllab-quvvatlash hamda hududning iqtisodiy va ijtimoiy rivojlanishini yangi bosqichga olib chiqish boʻyicha keng koʻlamli ishlar amalga oshirilmoqda.
Shu bilan birga, investitsiyaviy jozibadorlikni oshirish, ishbilarmonlik muhitini yaxshilash va yoshlar bandligini taʼminlash orqali Qoraqalpogʻiston Respublikasining iqtisodiy salohiyatini yanada oshirish maqsadida qoʻshimcha choralar koʻrish zarurati yuzaga kelmoqda.
Oʻzbekiston Respublikasi Prezidentining “Qoraqalpogʻiston Respublikasida tadbirkorlarga qulay sharoitlar yaratishga oid qoʻshimcha chora-tadbirlari toʻgʻrisida” 2023-yil 8-avgustdagi PF-129-son Farmoni ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Qoraqalpogʻiston Respublikasida tadbirkorlarga qulay sharoitlar yaratishga oid qoʻshimcha chora-tadbirlari toʻgʻrisida” 2023-yil 8-avgustdagi PF-129-son Farmoni bilan 2023-2024-yillarda Qoraqalpogʻiston Respublikasining Nukus shahrida qiymati 1 million AQSh dollari va undan ortiq ekvivalentdagi, qolgan tumanlarda qiymati 300 ming AQSh dollari va undan ortiq ekvivalentdagi investitsiya kiritish majburiyatini yuklagan holda loyiha tashabbuskorlariga Qoraqalpogʻiston Respublikasi Vazirlar Kengashi qarori asosida yer uchastkalarini toʻgʻridan-toʻgʻri uzoq muddatli ijara huquqi bilan berish tizimi joriy etilganligi maʼlumot uchun qabul qilinsin.
2. Vazirlar Mahkamasining “Yirik investitsiya loyihasini amalga oshirish uchun eng yaxshi taklifni tanlab olishning maʼmuriy reglamentini tasdiqlash toʻgʻrisida” 2021-yil 21-sentabrdagi 592-son qarori quyidagi mazmundagi 8-band bilan toʻldirilsin:
“8. Belgilansinki, 2023-2024-yillarda Qoraqalpogʻiston Respublikasining Nukus shahrida qiymati 1 million AQSh dollari va undan ortiq ekvivalentdagi, qolgan tumanlarda qiymati 300 ming AQSh dollari va undan ortiq ekvivalentdagi investitsiya kiritish majburiyatini yuklagan holda loyiha tashabbuskorlariga yer uchastkalari ushbu qaror talablariga muvofiq Qoraqalpogʻiston Respublikasi Vazirlar Kengashi tomonidan belgilangan vaqtincha tartib asosida toʻgʻridan-toʻgʻri ijaraga beriladi.
Bunda mazkur qaror bilan tasdiqlangan Yirik investitsiya loyihasini amalga oshirish uchun eng yaxshi taklifni tanlab olishning maʼmuriy reglamenti talablari 2025-yil 1-yanvarga qadar ushbu bandning birinchi xatboshisida koʻrsatilgan munosabatlarga nisbatan tatbiq etilmaydi”.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev va Qoraqalpogʻiston Respublikasi Vazirlar Kengashi Raisi F.U. Ermanov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2023-yil 10-avgust,
353-son