📅 2023-yil 10-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 10 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 10 августа 2023 г. · Постановления Кабинета Министров
Официальный текст. Официальный документ. Редакционные примечания не включены.
📅 10 August 2023 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
Давлат активларини сотиш учун халқаро ҳамда маҳаллий маслаҳатчини ёки ташкилотларни жалб этишда энг яхши таклифларни танлаб олиш тартибини белгилаш тўғрисида
Ўзбекистон Республикаси Президентининг «Давлат активларини бошқариш агентлиги фаолиятини самарали ташкил этиш чора-тадбирлари тўғрисида» 2023 йил 24 мартдаги ПҚ-101-сон қарори ижросини таъминлаш ҳамда давлат активларини сотиш учун халқаро ҳамда маҳаллий маслаҳатчини ёки ташкилотларни жалб этишда энг яхши таклифларни танлаб олиш жараёнини очиқлик ва ошкоралик тамойиллари асосида амалга ошириш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Давлат активларини бошқариш агентлиги фаолиятини самарали ташкил этиш чора-тадбирлари тўғрисида» 2023 йил 24 мартдаги ПҚ-101-сон қарорига мувофиқ давлат активларини сотиш учун халқаро ва маҳаллий маслаҳатчини ҳамда ташкилотларни жалб этишда энг яхши таклифларни танлаб олиш хусусиятларини белгилаш назарда тутилганлиги маълумот учун қабул қилинсин.
2. Қуйидагиларни назарда тутувчи Давлат активларини сотиш учун халқаро ҳамда маҳаллий маслаҳатчини ёки ташкилотларни жалб этишда энг яхши таклифларни танлаб олиш тартиби тўғрисидаги низом иловага мувофиқ тасдиқлансин:
Давлат активларини хусусийлаштириш ва хусусийлаштириш жараёнларини мувофиқлаштириш бўйича давлат комиссиясининг тегишли қарори ва топшириқларига асосан давлат активларини сотиш учун халқаро ҳамда маҳаллий маслаҳатчини ёки ташкилотларни жалб этиш;
харид комиссиясини ташкил этиш ва унинг фаолият юритиш тартиби ҳамда ваколатларини белгилаш;
танлов ҳужжатларини ишлаб чиқиш, келишиш, экспертизадан ўтказиш ва эълонларни жойлаштириш тартиби;
Давлат активларини бошқариш агентлигининг расмий веб-сайти орқали харид қилиш тартиб-таомиллари иштирокчиларининг таклифларини қабул қилиш;
харид қилиш тартиб-таомиллари иштирокчиларининг таклифларини баҳолаш мезонларини белгилаш;
танлов натижаларини расмийлаштириш тартиби.
3. Мазкур қарорнинг бажарилишини назорат қилиш Ўзбекистон Республикаси Давлат активларини бошқариш агентлиги директори А.Ж. Ортиқов зиммасига юклансин.
Вазирлар Маҳкамасининг 2023 йил 10 августдаги 352-сон қарорига ИЛОВА
Давлат активларини сотиш учун халқаро ҳамда маҳаллий маслаҳатчини ёки ташкилотларни жалб этишда энг яхши таклифларни танлаб олиш тартиби тўғрисида
1-боб. Умумий қоидалар
1. Мазкур Низом давлат активларини сотиш учун халқаро ҳамда маҳаллий маслаҳатчини ёки ташкилотларни жалб этишда энг яхши таклифларни танлаб олиш тартибини белгилайди.
2. Ушбу Низомда қуйидаги асосий тушунчалар қўлланилади:
халқаро ҳамда маҳаллий маслаҳатчи ёки ташкилотлар — халқаро ҳамда маҳаллий консультантлар, консалтинг, аудиторлик ва юридик маслаҳатчи ҳамда ихтисослашган бошқа ташкилотлар, жумладан, халқаро ва маҳаллий компаниялар ҳамда профессионал ташкилотлар;
танлов — харид қилиш тартиб-таомилларига асосан икки ва ундан ортиқ иштирокчидан Давлат активларини бошқариш агентлигининг (кейинги ўринларда — Давактив агентлиги) расмий веб-сайтида жойлаштирилган эълонга мувофиқ қабул қилинган таклифларни таққослаш асосида энг яхши таклифни танлаб олиш орқали харидларни амалга ошириш усули;
харид комиссияси — Давактив агентлиги директорининг тегишли буйруғига асосан Давактив агентлигининг марказий аппаратида фаолият олиб борадиган раҳбар ходимлардан иборат таркибда шакллантириладиган коллегиал орган;
харид қилиш тартиб-таомиллари иштирокчиси — харид қилиш тартиб-таомилларида иштирок этиш учун Давактив агентлигининг расмий веб-сайти орқали таклиф юборган жисмоний ёки юридик шахс;
ғолиб — харид қилиш тартиб-таомиллари якунларига кўра таклифи энг мақбул деб топилган харид қилиш тартиб-таомиллари иштирокчиси;
захирадаги ғолиб — харид қилиш тартиб-таомиллари якунлари бўйича харид комиссиясининг қарорига мувофиқ ғолибнинг таклифидан кейинги энг мақбул таклифни тақдим этган деб топилган харид қилиш тартиб-таомиллари иштирокчиси.
3. Давлат активларини хусусийлаштириш ва хусусийлаштириш жараёнларини мувофиқлаштириш бўйича давлат комиссиясининг тегишли қарори ва топшириқларига асосан давлат активларини сотиш учун халқаро ҳамда маҳаллий маслаҳатчи ёки ташкилотлар жалб этилади.
4. Харид комиссияси харид қилиш тартиб-таомиллари иштирокчилари таклифларининг танлов ҳужжатларига мувофиқлигини баҳолайди ҳамда ғолибни аниқлайди.
5. Харид комиссияси тоқ сонли аъзолардан иборат бўлиб, унинг таркиби ва аъзоларининг сони харид қилиш тартиб-таомилининг турига боғлиқ бўлади ҳамда қонунчиликка мувофиқ ва харид қилинаётган хизматнинг хусусиятларидан келиб чиққан ҳолда ўзгартирилиши мумкин.
6. Харид комиссияси аъзолари холис бўлиши ва харид қилиш тартиб-таомили ғолибини танлашда ҳамда харидга доир битимнинг натижаси бўлган ҳар қандай шахсий фойдани бевосита ёки билвосита олишдан шахсий манфаатга эга бўлмаслиги лозим.
7. Харид комиссиясининг фаолияти унинг овоз бериш ҳуқуқига эга бўлмаган масъул котиби томонидан ташкил этилади.
8. Харид комиссиясининг барча ҳужжатлари масъул котибда сақланади ва масъул котиб мазкур ҳужжатларнинг бут сақланиши учун жавобгар ҳисобланади.
9. Харид комиссияси раисининг ва (ёки) унинг аъзоларининг аффилланганлик хусусиятига эга алоқалари мавжуд бўлганда, танловни ўтказиш жараёнида янги харид комиссияси раиси қайта тайинлангунига қадар тўхтатилади ва (ёки) унинг аъзолари овоз беришда иштирок этмайди.
10. Харид комиссиясининг мажлислари харид комиссияси аъзолари ҳозирлигида, яъни юзма-юз, шунингдек, мажлислар видеоконференциялар (телеконференциялар ва бошқалар) шаклида ҳам ўтказилиши мумкин.
11. Харид комиссиясининг қарори харид комиссияси аъзолари умумий сонининг кўпчилик овози билан қабул қилинади.
12. Овозлар тенг бўлиб қолган тақдирда, харид комиссияси раисининг овози ҳал қилувчи овоз бўлади.
2-боб. Харид комиссиясининг вазифалари
13. Харид комиссияси қуйидаги вазифаларни бажаради:
харид қилиш ҳужжатларини (эълон, техник топшириқ, шартнома лойиҳалари ва бошқа ҳужжатлар) келишади (тасдиқлайди);
танлов иштирокчилари таклифларининг харид ҳужжатларига мувофиқлигини баҳолайди;
харид қилиш тартиб-таомиллари ғолибини ва зарур бўлганда, захирадаги ғолибни аниқлайди ёки танловни амалга ошмаган деб топади.
14. Харид комиссияси қуйидаги мажбуриятларга эга:
харид қилиш тартиб-таомилларини ташкил этиш ва ўтказишда давлат харидлари соҳасида коррупцияга оид ҳуқуқбузарликларга йўл қўймаслик;
харид комиссияси аъзолари бошқа шахс билан муносабатларда, агар бундай ахборотни ошкор этмаслик давлат хавфсизлиги манфаатларини ҳимоя қилиш учун зарур бўлса ёки бундай ахборотнинг ошкор этилиши қонунчиликка зид бўлса, уларга риоя этилишини таъминлашга монелик қилса, харид жараёни субъектларининг қонуний манфаатларига зарар етказса ёхуд инсофли рақобатга тўсқинлик қилса, давлат харидлари соҳасидаги ваколатли орган бундай ахборотни ошкор этиш тўғрисида қарор қабул қилмаса, ҳеч бир ахборотни ошкор этмаслик.
15. Харид комиссияси ўзи қабул қилган қарорларнинг қонунчилик талабларига мувофиқлиги, асослилиги ва беғаразлиги учун жавобгар бўлади.
16. Харид комиссияси харидларнинг бошқа субъектлари томонидан амалга ошириладиган ҳаракатлар учун жавобгар бўлмайди.
3-боб. Танлов ҳужжатларини ишлаб чиқиш, тасдиқлаш, экспертизадан ўтказиш ва танлов ўтказилиши тўғрисидаги эълонларни жойлаштириш
17. Танлов ҳужжатлари Давактив агентлиги томонидан ишлаб чиқилади ҳамда харид комиссияси томонидан тасдиқланади.
Танлов ҳужжатлари қонунчиликка мувофиқ белгиланган ҳолларда экспертизадан ўтказиш учун Ўзбекистон Республикаси Инвестициялар, саноат ва савдо вазирлиги ҳузуридаги «Лойиҳалар ва импорт контрактларини комплекс экспертиза қилиш маркази» давлат унитар корхонасига тақдим этилади.
18. Танлов ҳужжатларини (шартнома лойиҳаси, техник топшириқ ва бошқа ҳужжатлар) ҳимоя қилиш, заруратга кўра экспертизадан ўтказиш вазифаси Давактив агентлиги томонидан амалга оширилади.
19. Танлов ҳужжатлари тегишли тартибда экспертизадан ўтказилганидан сўнг харид комиссияси танлов ўтказилиши тўғрисида Давактив агентлигининг расмий веб-сайти орқали эълон жойлаштиради.
Бунда танлов бўйича эълон танлов ўтказилишидан камида 15 (ўн беш) кун олдин жойлаштирилади.
20. Давлат активларини сотиш учун халқаро ҳамда маҳаллий маслаҳатчини ёки ташкилотларни жалб этиш бўйича таклифлар Давактив агентлигининг расмий веб-сайти орқали қабул қилинади.
4-боб. Танловни ўтказиш натижаларини расмийлаштириш тартиби
21. Харид комиссияси харид қилиш тартиб-таомиллари якунларига кўра келиб тушган таклифларни мазкур Низомга 1-иловада белгиланган мезонларга мувофиқ кўриб чиқади ҳамда энг яхши таклифларни танлаб олади.
22. Давлат активларини сотиш учун халқаро ҳамда маҳаллий маслаҳатчини ёки ташкилотларни жалб этишда энг яхши таклифлар мазкур Низомга 2-иловага мувофиқ схемада кўрсатилган босқичларда танлаб олинади.
23. Танлов натижалари бўйича баённома харид комиссияси томонидан расмийлаштирилади.
24. Танлов натижаларига доир шартнома танлов бўйича харид қилиш ҳужжатларида ва ўзи билан шартнома тузилаётган танлов ғолиби томонидан тақдим этилган таклифда назарда тутилган шартлар асосида ғолиб аниқланган вақтдан бошлаб 10 (ўн) иш кунидан кечиктирмасдан тузилади.
Ғолиб шартнома тузишдан бош тортган тақдирда, харид комиссияси томонидан захирадаги ғолиб аниқланган бўлса, шартнома тузиш ва унга доир мажбуриятларни бажариш ҳуқуқи захирадаги ғолибга ўтади.
Бунда захирадаги ғолиб танлов ғолиби томонидан таклиф этилган нархда (захирадаги ғолиб таклиф этган нарх ғолиб томонидан таклиф этилган нархдан паст бўлган ҳоллар бундан мустасно) шартнома тузади ёки шартнома тузишдан бош тортиши мумкин.
25. Захирадаги ғолиб билан шартнома захирадаги ғолибга таклиф берилган кундан бошлаб 10 (ўн) иш кунидан кечиктирмасдан тузилади.
26. Агар харид комиссияси томонидан захирадаги ғолиб аниқланмаган бўлса ёки захирадаги ғолиб шартнома тузишдан бош тортса, харид комиссияси янги танлов ўтказади.
27. Давактив агентлиги томонидан шартнома ва тегишли харид ҳужжатлари Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасига рўйхатдан ўтказиш учун тақдим этилади.
5-боб. Якунловчи қоидалар
28. Харидларни расмийлаштириш, тузилган шартномалар бўйича ҳисоб-китоб қилиш, шартномавий мажбуриятлар бажарилишини мониторинг қилиш, шикоятларни, низо ва келишмовчиликларни кўриб чиқиш ҳамда харид қилиш тартиб-таомилларининг давлат назорати қонунчиликка мувофиқ амалга оширилади.
29. Харид қилиш тартиб-таомили натижаси бўйича тузилган шартноманинг қуйидаги муҳим шартларига:
хизматни ўзгартиришга;
хизматнинг сифатини ва турларини ўзгартиришга;
хизматнинг ҳажмини ва баҳосини оширишга;
хизмат кўрсатиш муддатини узайтиришга (форс-мажор ҳолатлар бундан мустасно);
амалга оширилиши лозим бўлган қўшимча ишлар ва кўрсатиладиган хизматлар қийматини шартнома бўйича унинг умумий бошланғич суммасининг 10 фоизидан кўп бўлган суммага оширишга йўл қўйилмайди.
30. Ушбу Низом қоидалари қўлланиши билан боғлиқ низолар қонунчилик ҳужжатларида белгиланган тартибда ҳал этилади.
31. Ушбу Низом талаблари бузилишида айбдор деб топилган шахслар қонунчилик ҳужжатларида белгиланган тартибда жавоб берадилар.
Давлат активларини сотиш учун халқаро ҳамда маҳаллий маслаҳатчи ёки ташкилотларни жалб этишда энг яхши таклифларни танлаб олиш тартиби тўғрисидаги низомга 1-ИЛОВА
Харид қилиш тартиб-таомиллари иштирокчиларининг таклифларини баҳолаш мезонлари *
Т/р Мезонлар номи I. Малакавий имконият 1. Давлат активларини сотиш учун белгиланган муддатга харид қилиш тартиб-таомиллари иштирокчиси таклифининг мувофиқлиги 2. Харид қилиш тартиб-таомиллари иштирокчисининг иш тажрибаси, шу соҳада амалга оширилган ва эришилган битимлари 3. Харид қилиш тартиб-таомиллари иштирокчиси томонидан жалб қилинган жамоа/мутахассислар салоҳияти тўғрисидаги маълумотлар 4. Давлат активларини сотиш бўйича вазифанинг ҳал этилишига қаратилган харид қилиш тартиб-таомиллари иштирокчисининг иш режаси II. Нарх қиймати бўйича имконият 5. Харид қилиш тартиб-таомиллари иштирокчиси таклифининг нарх қиймати (операцион харажатлар ва ҚҚС ҳисобга олган ҳолда)
Давлат активларини сотиш учун халқаро ҳамда маҳаллий маслаҳатчи ёки ташкилотларни жалб этишда энг яхши таклифларни танлаб олиш тартиби тўғрисидаги низомга 2-ИЛОВА
Давлат активларини сотиш учун халқаро ҳамда маҳаллий маслаҳатчини ёки ташкилотларни жалб этишда энг яхши таклифларни танлаб олиш
Босқич Субъектлар Тадбирлар Муддат 1-босқич Давлат активларини хусусийлаштириш ва хусусийлаштириш жараёнларини мувофиқлаштириш бўйича давлат комиссияси Давлат активларини сотиш учун халқаро ҳамда маҳаллий маслаҳатчини ёки ташкилотларни жалб этиш юзасидан Давлат активларини хусусийлаштириш ва хусусийлаштириш жараёнларини мувофиқлаштириш бўйича давлат комиссиясининг тегишли қарори ва топшириқларини қабул қили ш. заруратга кўра 2-босқич Давлат активларини бошқариш агентлиги 1. Харид комиссияси томонидан танлов ўтказилиши тўғрисида Давлат активларини бошқариш агентлигининг расмий веб-сайтида эълон жойлаштириш. 1. 2 кун ичида 2. Харид қилиш тартиб-таомиллари иштирокчиларининг келиб тушган таклифларини харид комиссияси томонидан кўриб чиқиш. 2. 2 кун ичида 3. Танлов натижалари бўйича харид комиссияси томонидан баённома расмийлаштириш. 3. 2 кун ичида 3-босқич Давлат активларини бошқариш агентлиги, харид қилиш тартиб-таомиллари иштирокчиси Танлов ўтказиш натижалари бўйича белгиланган тартибда шартномани имзолаш. 10 иш куни ичида
Ўзбекистон Республикасининг Бош вазири А. АРИПОВ
Тошкент ш.,
2023 йил 10 август,
352-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
Davlat aktivlarini sotish uchun xalqaro hamda mahalliy maslahatchini yoki tashkilotlarni jalb etishda eng yaxshi takliflarni tanlab olish tartibini belgilash toʻgʻrisida
Oʻzbekiston Respublikasi Prezidentining “Davlat aktivlarini boshqarish agentligi faoliyatini samarali tashkil etish chora-tadbirlari toʻgʻrisida” 2023-yil 24-martdagi PQ-101-son qarori ijrosini taʼminlash hamda davlat aktivlarini sotish uchun xalqaro hamda mahalliy maslahatchini yoki tashkilotlarni jalb etishda eng yaxshi takliflarni tanlab olish jarayonini ochiqlik va oshkoralik tamoyillari asosida amalga oshirish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Davlat aktivlarini boshqarish agentligi faoliyatini samarali tashkil etish chora-tadbirlari toʻgʻrisida” 2023-yil 24-martdagi PQ-101-son qaroriga muvofiq davlat aktivlarini sotish uchun xalqaro va mahalliy maslahatchini hamda tashkilotlarni jalb etishda eng yaxshi takliflarni tanlab olish xususiyatlarini belgilash nazarda tutilganligi maʼlumot uchun qabul qilinsin.
2. Quyidagilarni nazarda tutuvchi Davlat aktivlarini sotish uchun xalqaro hamda mahalliy maslahatchini yoki tashkilotlarni jalb etishda eng yaxshi takliflarni tanlab olish tartibi toʻgʻrisidagi nizom ilovaga muvofiq tasdiqlansin:
Davlat aktivlarini xususiylashtirish va xususiylashtirish jarayonlarini muvofiqlashtirish boʻyicha davlat komissiyasining tegishli qarori va topshiriqlariga asosan davlat aktivlarini sotish uchun xalqaro hamda mahalliy maslahatchini yoki tashkilotlarni jalb etish;
xarid komissiyasini tashkil etish va uning faoliyat yuritish tartibi hamda vakolatlarini belgilash;
tanlov hujjatlarini ishlab chiqish, kelishish, ekspertizadan oʻtkazish va eʼlonlarni joylashtirish tartibi;
Davlat aktivlarini boshqarish agentligining rasmiy veb-sayti orqali xarid qilish tartib-taomillari ishtirokchilarining takliflarini qabul qilish;
xarid qilish tartib-taomillari ishtirokchilarining takliflarini baholash mezonlarini belgilash;
tanlov natijalarini rasmiylashtirish tartibi.
3. Mazkur qarorning bajarilishini nazorat qilish Oʻzbekiston Respublikasi Davlat aktivlarini boshqarish agentligi direktori A.J. Ortiqov zimmasiga yuklansin.
Vazirlar Mahkamasining 2023-yil 10-avgustdagi 352-son qaroriga ILOVA
Davlat aktivlarini sotish uchun xalqaro hamda mahalliy maslahatchini yoki tashkilotlarni jalb etishda eng yaxshi takliflarni tanlab olish tartibi toʻgʻrisida
1-bob. Umumiy qoidalar
1. Mazkur Nizom davlat aktivlarini sotish uchun xalqaro hamda mahalliy maslahatchini yoki tashkilotlarni jalb etishda eng yaxshi takliflarni tanlab olish tartibini belgilaydi.
2. Ushbu Nizomda quyidagi asosiy tushunchalar qoʻllaniladi:
xalqaro hamda mahalliy maslahatchi yoki tashkilotlar — xalqaro hamda mahalliy konsultantlar, konsalting, auditorlik va yuridik maslahatchi hamda ixtisoslashgan boshqa tashkilotlar, jumladan, xalqaro va mahalliy kompaniyalar hamda professional tashkilotlar;
tanlov — xarid qilish tartib-taomillariga asosan ikki va undan ortiq ishtirokchidan Davlat aktivlarini boshqarish agentligining (keyingi oʻrinlarda — Davaktiv agentligi) rasmiy veb-saytida joylashtirilgan eʼlonga muvofiq qabul qilingan takliflarni taqqoslash asosida eng yaxshi taklifni tanlab olish orqali xaridlarni amalga oshirish usuli;
xarid komissiyasi — Davaktiv agentligi direktorining tegishli buyrugʻiga asosan Davaktiv agentligining markaziy apparatida faoliyat olib boradigan rahbar xodimlardan iborat tarkibda shakllantiriladigan kollegial organ;
xarid qilish tartib-taomillari ishtirokchisi — xarid qilish tartib-taomillarida ishtirok etish uchun Davaktiv agentligining rasmiy veb-sayti orqali taklif yuborgan jismoniy yoki yuridik shaxs;
gʻolib — xarid qilish tartib-taomillari yakunlariga koʻra taklifi eng maqbul deb topilgan xarid qilish tartib-taomillari ishtirokchisi;
zaxiradagi gʻolib — xarid qilish tartib-taomillari yakunlari boʻyicha xarid komissiyasining qaroriga muvofiq gʻolibning taklifidan keyingi eng maqbul taklifni taqdim etgan deb topilgan xarid qilish tartib-taomillari ishtirokchisi.
3. Davlat aktivlarini xususiylashtirish va xususiylashtirish jarayonlarini muvofiqlashtirish boʻyicha davlat komissiyasining tegishli qarori va topshiriqlariga asosan davlat aktivlarini sotish uchun xalqaro hamda mahalliy maslahatchi yoki tashkilotlar jalb etiladi.
4. Xarid komissiyasi xarid qilish tartib-taomillari ishtirokchilari takliflarining tanlov hujjatlariga muvofiqligini baholaydi hamda gʻolibni aniqlaydi.
5. Xarid komissiyasi toq sonli aʼzolardan iborat boʻlib, uning tarkibi va aʼzolarining soni xarid qilish tartib-taomilining turiga bogʻliq boʻladi hamda qonunchilikka muvofiq va xarid qilinayotgan xizmatning xususiyatlaridan kelib chiqqan holda oʻzgartirilishi mumkin.
6. Xarid komissiyasi aʼzolari xolis boʻlishi va xarid qilish tartib-taomili gʻolibini tanlashda hamda xaridga doir bitimning natijasi boʻlgan har qanday shaxsiy foydani bevosita yoki bilvosita olishdan shaxsiy manfaatga ega boʻlmasligi lozim.
7. Xarid komissiyasining faoliyati uning ovoz berish huquqiga ega boʻlmagan masʼul kotibi tomonidan tashkil etiladi.
8. Xarid komissiyasining barcha hujjatlari masʼul kotibda saqlanadi va masʼul kotib mazkur hujjatlarning but saqlanishi uchun javobgar hisoblanadi.
9. Xarid komissiyasi raisining va (yoki) uning aʼzolarining affillanganlik xususiyatiga ega aloqalari mavjud boʻlganda, tanlovni oʻtkazish jarayonida yangi xarid komissiyasi raisi qayta tayinlanguniga qadar toʻxtatiladi va (yoki) uning aʼzolari ovoz berishda ishtirok etmaydi.
10. Xarid komissiyasining majlislari xarid komissiyasi aʼzolari hozirligida, yaʼni yuzma-yuz, shuningdek, majlislar videokonferensiyalar (telekonferensiyalar va boshqalar) shaklida ham oʻtkazilishi mumkin.
11. Xarid komissiyasining qarori xarid komissiyasi aʼzolari umumiy sonining koʻpchilik ovozi bilan qabul qilinadi.
12. Ovozlar teng boʻlib qolgan taqdirda, xarid komissiyasi raisining ovozi hal qiluvchi ovoz boʻladi.
2-bob. Xarid komissiyasining vazifalari
13. Xarid komissiyasi quyidagi vazifalarni bajaradi:
xarid qilish hujjatlarini (eʼlon, texnik topshiriq, shartnoma loyihalari va boshqa hujjatlar) kelishadi (tasdiqlaydi);
tanlov ishtirokchilari takliflarining xarid hujjatlariga muvofiqligini baholaydi;
xarid qilish tartib-taomillari gʻolibini va zarur boʻlganda, zaxiradagi gʻolibni aniqlaydi yoki tanlovni amalga oshmagan deb topadi.
14. Xarid komissiyasi quyidagi majburiyatlarga ega:
xarid qilish tartib-taomillarini tashkil etish va oʻtkazishda davlat xaridlari sohasida korrupsiyaga oid huquqbuzarliklarga yoʻl qoʻymaslik;
xarid komissiyasi aʼzolari boshqa shaxs bilan munosabatlarda, agar bunday axborotni oshkor etmaslik davlat xavfsizligi manfaatlarini himoya qilish uchun zarur boʻlsa yoki bunday axborotning oshkor etilishi qonunchilikka zid boʻlsa, ularga rioya etilishini taʼminlashga monelik qilsa, xarid jarayoni subyektlarining qonuniy manfaatlariga zarar yetkazsa yoxud insofli raqobatga toʻsqinlik qilsa, davlat xaridlari sohasidagi vakolatli organ bunday axborotni oshkor etish toʻgʻrisida qaror qabul qilmasa, hech bir axborotni oshkor etmaslik.
15. Xarid komissiyasi oʻzi qabul qilgan qarorlarning qonunchilik talablariga muvofiqligi, asosliligi va begʻarazligi uchun javobgar boʻladi.
16. Xarid komissiyasi xaridlarning boshqa subyektlari tomonidan amalga oshiriladigan harakatlar uchun javobgar boʻlmaydi.
3-bob. Tanlov hujjatlarini ishlab chiqish, tasdiqlash, ekspertizadan oʻtkazish va tanlov oʻtkazilishi toʻgʻrisidagi eʼlonlarni joylashtirish
17. Tanlov hujjatlari Davaktiv agentligi tomonidan ishlab chiqiladi hamda xarid komissiyasi tomonidan tasdiqlanadi.
Tanlov hujjatlari qonunchilikka muvofiq belgilangan hollarda ekspertizadan oʻtkazish uchun Oʻzbekiston Respublikasi Investitsiyalar, sanoat va savdo vazirligi huzuridagi “Loyihalar va import kontraktlarini kompleks ekspertiza qilish markazi” davlat unitar korxonasiga taqdim etiladi.
18. Tanlov hujjatlarini (shartnoma loyihasi, texnik topshiriq va boshqa hujjatlar) himoya qilish, zaruratga koʻra ekspertizadan oʻtkazish vazifasi Davaktiv agentligi tomonidan amalga oshiriladi.
19. Tanlov hujjatlari tegishli tartibda ekspertizadan oʻtkazilganidan soʻng xarid komissiyasi tanlov oʻtkazilishi toʻgʻrisida Davaktiv agentligining rasmiy veb-sayti orqali eʼlon joylashtiradi.
Bunda tanlov boʻyicha eʼlon tanlov oʻtkazilishidan kamida 15 (oʻn besh) kun oldin joylashtiriladi.
20. Davlat aktivlarini sotish uchun xalqaro hamda mahalliy maslahatchini yoki tashkilotlarni jalb etish boʻyicha takliflar Davaktiv agentligining rasmiy veb-sayti orqali qabul qilinadi.
4-bob. Tanlovni oʻtkazish natijalarini rasmiylashtirish tartibi
21. Xarid komissiyasi xarid qilish tartib-taomillari yakunlariga koʻra kelib tushgan takliflarni mazkur Nizomga 1-ilovada belgilangan mezonlarga muvofiq koʻrib chiqadi hamda eng yaxshi takliflarni tanlab oladi.
22. Davlat aktivlarini sotish uchun xalqaro hamda mahalliy maslahatchini yoki tashkilotlarni jalb etishda eng yaxshi takliflar mazkur Nizomga 2-ilovaga muvofiq sxemada koʻrsatilgan bosqichlarda tanlab olinadi.
23. Tanlov natijalari boʻyicha bayonnoma xarid komissiyasi tomonidan rasmiylashtiriladi.
24. Tanlov natijalariga doir shartnoma tanlov boʻyicha xarid qilish hujjatlarida va oʻzi bilan shartnoma tuzilayotgan tanlov gʻolibi tomonidan taqdim etilgan taklifda nazarda tutilgan shartlar asosida gʻolib aniqlangan vaqtdan boshlab 10 (oʻn) ish kunidan kechiktirmasdan tuziladi.
Gʻolib shartnoma tuzishdan bosh tortgan taqdirda, xarid komissiyasi tomonidan zaxiradagi gʻolib aniqlangan boʻlsa, shartnoma tuzish va unga doir majburiyatlarni bajarish huquqi zaxiradagi gʻolibga oʻtadi.
Bunda zaxiradagi gʻolib tanlov gʻolibi tomonidan taklif etilgan narxda (zaxiradagi gʻolib taklif etgan narx gʻolib tomonidan taklif etilgan narxdan past boʻlgan hollar bundan mustasno) shartnoma tuzadi yoki shartnoma tuzishdan bosh tortishi mumkin.
25. Zaxiradagi gʻolib bilan shartnoma zaxiradagi gʻolibga taklif berilgan kundan boshlab 10 (oʻn) ish kunidan kechiktirmasdan tuziladi.
26. Agar xarid komissiyasi tomonidan zaxiradagi gʻolib aniqlanmagan boʻlsa yoki zaxiradagi gʻolib shartnoma tuzishdan bosh tortsa, xarid komissiyasi yangi tanlov oʻtkazadi.
27. Davaktiv agentligi tomonidan shartnoma va tegishli xarid hujjatlari Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasiga roʻyxatdan oʻtkazish uchun taqdim etiladi.
5-bob. Yakunlovchi qoidalar
28. Xaridlarni rasmiylashtirish, tuzilgan shartnomalar boʻyicha hisob-kitob qilish, shartnomaviy majburiyatlar bajarilishini monitoring qilish, shikoyatlarni, nizo va kelishmovchiliklarni koʻrib chiqish hamda xarid qilish tartib-taomillarining davlat nazorati qonunchilikka muvofiq amalga oshiriladi.
29. Xarid qilish tartib-taomili natijasi boʻyicha tuzilgan shartnomaning quyidagi muhim shartlariga:
xizmatni oʻzgartirishga;
xizmatning sifatini va turlarini oʻzgartirishga;
xizmatning hajmini va bahosini oshirishga;
xizmat koʻrsatish muddatini uzaytirishga (fors-major holatlar bundan mustasno);
amalga oshirilishi lozim boʻlgan qoʻshimcha ishlar va koʻrsatiladigan xizmatlar qiymatini shartnoma boʻyicha uning umumiy boshlangʻich summasining 10 foizidan koʻp boʻlgan summaga oshirishga yoʻl qoʻyilmaydi.
30. Ushbu Nizom qoidalari qoʻllanishi bilan bogʻliq nizolar qonunchilik hujjatlarida belgilangan tartibda hal etiladi.
31. Ushbu Nizom talablari buzilishida aybdor deb topilgan shaxslar qonunchilik hujjatlarida belgilangan tartibda javob beradilar.
Davlat aktivlarini sotish uchun xalqaro hamda mahalliy maslahatchi yoki tashkilotlarni jalb etishda eng yaxshi takliflarni tanlab olish tartibi toʻgʻrisidagi nizomga 1-ILOVA
Xarid qilish tartib-taomillari ishtirokchilarining takliflarini baholash mezonlari *
T/r Mezonlar nomi I. Malakaviy imkoniyat 1. Davlat aktivlarini sotish uchun belgilangan muddatga xarid qilish tartib-taomillari ishtirokchisi taklifining muvofiqligi 2. Xarid qilish tartib-taomillari ishtirokchisining ish tajribasi, shu sohada amalga oshirilgan va erishilgan bitimlari 3. Xarid qilish tartib-taomillari ishtirokchisi tomonidan jalb qilingan jamoa/mutaxassislar salohiyati toʻgʻrisidagi maʼlumotlar 4. Davlat aktivlarini sotish boʻyicha vazifaning hal etilishiga qaratilgan xarid qilish tartib-taomillari ishtirokchisining ish rejasi II. Narx qiymati boʻyicha imkoniyat 5. Xarid qilish tartib-taomillari ishtirokchisi taklifining narx qiymati (operatsion xarajatlar va QQS hisobga olgan holda)
Davlat aktivlarini sotish uchun xalqaro hamda mahalliy maslahatchi yoki tashkilotlarni jalb etishda eng yaxshi takliflarni tanlab olish tartibi toʻgʻrisidagi nizomga 2-ILOVA
Davlat aktivlarini sotish uchun xalqaro hamda mahalliy maslahatchini yoki tashkilotlarni jalb etishda eng yaxshi takliflarni tanlab olish
Bosqich Subyektlar Tadbirlar Muddat 1-bosqich Davlat aktivlarini xususiylashtirish va xususiylashtirish jarayonlarini muvofiqlashtirish boʻyicha davlat komissiyasi Davlat aktivlarini sotish uchun xalqaro hamda mahalliy maslahatchini yoki tashkilotlarni jalb etish yuzasidan Davlat aktivlarini xususiylashtirish va xususiylashtirish jarayonlarini muvofiqlashtirish boʻyicha davlat komissiyasining tegishli qarori va topshiriqlarini qabul qili sh. zaruratga koʻra 2-bosqich Davlat aktivlarini boshqarish agentligi 1. Xarid komissiyasi tomonidan tanlov oʻtkazilishi toʻgʻrisida Davlat aktivlarini boshqarish agentligining rasmiy veb-saytida eʼlon joylashtirish. 1. 2 kun ichida 2. Xarid qilish tartib-taomillari ishtirokchilarining kelib tushgan takliflarini xarid komissiyasi tomonidan koʻrib chiqish. 2. 2 kun ichida 3. Tanlov natijalari boʻyicha xarid komissiyasi tomonidan bayonnoma rasmiylashtirish. 3. 2 kun ichida 3-bosqich Davlat aktivlarini boshqarish agentligi, xarid qilish tartib-taomillari ishtirokchisi Tanlov oʻtkazish natijalari boʻyicha belgilangan tartibda shartnomani imzolash. 10 ish kuni ichida
Oʻzbekiston Respublikasining Bosh vaziri A. ARIPOV
Toshkent sh.,
2023-yil 10-avgust,
352-son