UzbekAI

Ўзбекистон Республикаси Вазирлар Маҳкамасининг

қарори

НИЗОМ

Давлат иштирокидаги корхоналарнинг бошқарув органларида давлат вакилларининг самарали иштирокини таъминлаш чора-тадбирлари тўғрисида

«Давлат мулкини бошқариш тўғрисида»ги Ўзбекистон Республикасининг Қонуни ва Ўзбекистон Республикаси Президентининг «Давлат активларини бошқариш агентлиги фаолиятини самарали ташкил этиш чора-тадбирлари тўғрисида» 2023 йил 24 мартдаги ПҚ-101-сон қарори ижросини таъминлаш, шунингдек, давлат вакилларининг фаолияти самарадорлигини ошириш мақсадида Вазирлар Маҳкамаси қарор қилади:

1. Қуйидагиларни назарда тутувчи Давлат иштирокидаги корхоналардаги давлат вакилларининг фаолиятини амалга ошириш тартиби тўғрисидаги низом иловага мувофиқ тасдиқлансин:

давлат иштирокидаги корхоналарнинг акциядорлар (иштирокчилар) умумий йиғилишида давлат номидан иштирок этадиган шахслар ва кун тартибидаги олдиндан келишиладиган масалалар;

давлат иштирокидаги корхоналар соф фойдасидан дивиденд (ажратма) миқдорини Давактив агентлиги билан келишиш тартиби;

давлат иштирокидаги корхоналарнинг акциядорлар (иштирокчилар) умумий йиғилиши кун тартибига киритилган масалалар юзасидан хабарнома ва ҳужжатларни тақдим этиш тартиби ва муддатлари.

2. Давлат иштирокидаги корхоналарда давлат номидан акциядор (иштирокчи) функцияларини амалга оширувчи вазирлик ва идоралар, маҳаллий ижро этувчи ҳокимият органлари корхоналарнинг бошқарув органларининг йиғилишларида давлат вакилларининг иштирокини таъминлашда ҳамда кун тартибига киритилган масалалар бўйича қарор қабул қилишда мазкур қарор талабларига қатъий риоя қилинишини таъминласин.

3. Ушбу қарор расмий эълон қилинган кундан эътиборан уч ойдан кейин кучга киради.

4. Мазкур қарорнинг бажарилишини назорат қилиш Ўзбекистон Республикаси Давлат активларини бошқариш агентлиги директори А.Ж. Ортиқов зиммасига юклансин.

Вазирлар Маҳкамасининг 2023 йил 14 августдаги 373-сон қарорига ИЛОВА

Давлат иштирокидаги корхоналардаги давлат вакилларининг фаолиятини амалга ошириш тартиби тўғрисида

1-боб. Умумий қоидалар

Мазкур Низом давлат иштирокидаги корхоналарнинг акциядорлар (иштирокчилар) умумий йиғилишида давлат вакилининг давлат акциялар пакети (улуши) бўйича иштирок этиши ва овоз бериш тартибини белгилайди.

1. Ушбу Низомда қуйидаги асосий тушунчалар қўлланилади:

ваколатли орган — давлат иштирокидаги корхоналарда давлат номидан акциядор (иштирокчи) функцияларини амалга оширувчи Давлат активларини бошқариш агентлиги, махсус ваколатли давлат органлари, маҳаллий ижро этувчи ҳокимият органлари;

давлат вакили — давлат улушини ишончли бошқаришни амалга оширадиган инвестиция активлари бўйича ишончли бошқарувчи ёки тегишли ишончномага асосан давлат улуши бўйича овоз бериш ваколатига эга бўлган жисмоний шахс ёхуд давлат улуши бўйича давлат иштирокидаги корхонанинг кузатув кенгаши таркибига сайланган шахс, давлат улуши бўйича сайланган мустақил аъзолар бундан мустасно.

2-боб. Давлат вакилининг давлат иштирокидаги корхоналар акциядорлар (иштирокчилар) умумий йиғилишида иштирок этиш ва кун тартибидаги масалаларни келишиш тартиби

2. Ваколатли орган давлат улуши ишончли бошқарувга берилганлиги ёки ишончли бошқарув шартномаси бекор қилинганлиги тўғрисида давлат иштирокидаги корхонани ишончли бошқарув шартномаси имзоланган ёки бекор қилинган кундан бошлаб уч иш куни ичида хабардор қилади.

3. Давлат вакили давлат иштирокидаги корхонанинг акциядорлар (иштирокчилар) умумий йиғилишининг кун тартибига қуйидаги масалалар киритилганда улар бўйича овоз бериш тартибини олдиндан келишиб олади, жумладан:

а) тегишлилиги бўйича ваколатли орган билан:

корхонани қайта ташкил этиш ёки тугатиш;

шуъба ва тобе хўжалик жамиятларини ташкил этиш;

ташкилий тузилмани тасдиқлаш;

корхона ижроия органини сайлаш, тайинлаш, ёллаш, унинг ваколатларини муддатидан олдин бекор қилиш;

эълон қилинган акцияларнинг энг юқори миқдорини белгилаш;

акцияларни бўлиш ва консолидациялаш;

корхонанинг устав фонди (устав капитали) миқдорини кўпайтириш ёки камайтириш;

мулкни гаровга бериш;

йирик битим тузиш ёки корхонанинг аффилланган шахслари билан битимлар тузиш;

б) Давлат активларини бошқариш агентлиги билан соф фойдани тақсимлаш ва унинг бир қисмини дивидендларга йўналтириш (кейинги ўринларда — келишиладиган масалалар).

4. Келишиладиган масалалардан ташқари қолган масалалар бўйича давлат вакили қонунчиликка ва давлат мулкини ишончли бошқариш шартномасига мувофиқ мустақил равишда қарорлар қабул қилади.

5. Давлат улуши ишончли бошқарувга берилмаган давлат иштирокидаги корхоналарда кузатув кенгаши мавжуд бўлмаган ҳолларда, кузатув кенгаши ташкил этилгунга қадар акциядорлар (иштирокчилар) умумий йиғилиши кун тартибидаги келишиладиган масалалар юзасидан овоз бериш тартиби тўғрисидаги кўрсатма давлат вакилига ишончнома билан бир пайтда берилиши лозим.

6. Келишиладиган масалалар акциядорлар (иштирокчилар) умумий йиғилиши кун тартибига киритилганда акциядорлар (иштирокчилар) умумий йиғилишини чақириш тўғрисида қарор қабул қилинган кундан бошлаб ўн иш кунидан кечиктирмай, ушбу масалалар бўйича овоз бериш тартибини келишиш учун давлат вакили мазкур Низомга 1-иловада келтирилган шаклга мувофиқ ёзма хабарномани ваколатли органга кун тартибидаги масалалар бўйича зарур ахборотни (материалларни) илова қилган ва кўрсатилган масалалар бўйича овоз бериш тартиби бўйича ўз таклифларини кўрсатган ҳолда тақдим этади.

7. Хабарнома давлат улушини ишончли бошқаришни амалга оширадиган инвестиция активларини ишончли бошқарувчи ёки кузатув кенгашининг давлат улуши бўйича сайланган аъзолари томонидан имзоланиши лозим, давлат улуши бўйича сайланган мустақил аъзолар бундан мустасно.

Узрли сабабларга кўра кузатув кенгашининг давлат улуши бўйича сайланган аъзоси (аъзолари) хабарномани имзоламаган бўлса, хабарномада уларни имзоламаганлигининг сабаблари кўрсатилиши лозим.

8. Ваколатли орган келишиладиган масалалар бўйича овоз бериш тартиби тўғрисида ёзма кўрсатмани ушбу Низомга 2-иловада келтирилган шаклга мувофиқ давлат вакилига хабарнома келиб тушган санадан бошлаб ўн иш кунидан кечиктирмай, бироқ йиғилиш ўтказиладиган санадан камида бир кун олдин беради.

9. Келишиладиган масалалар юзасидан кўрсатма бериш учун давлат вакили томонидан тақдим этилган маълумотлар (материаллар) етарли бўлмаган тақдирда, ваколатли орган давлат вакилидан қўшимча маълумотларни сўраб олиши ёки, заруратга кўра, мутасадди вазирлик ва идораларга тегишли сўров билан мурожаат қилиш ҳуқуқига эга.

Бунда хабарномани кўриб чиқиш муддати узайтирилиши мумкин, бироқ ушбу муддат акциядорлар (иштирокчилар) умумий йиғилишини ўтказиш санасидан кеч бўлмаслиги керак.

10. Давлат вакилига бериладиган кўрсатма ваколатли органнинг раҳбари ёки ушбу ваколат тақдим этилган раҳбар ўринбосари томонидан имзоланади.

11. Давлат улуши бўйича акциядор (иштирокчи) функциялари ваколатли органнинг ҳудудий бошқармаси томонидан амалга оширилганда, овоз бериш бўйича кўрсатма ваколатли органнинг тегишли ҳудудий бошқармасининг раҳбари томонидан имзоланади.

12. Давлат вакилининг мазкур Низомда белгиланган муддатларда тақдим этилган ёзма хабарномасига ваколатли органнинг кўрсатмаси белгиланган муддатларда берилмаган тақдирда ёки акциядорлар (иштирокчилар) умумий йиғилишини қолдириш тўғрисида кўрсатма берилмаган бўлса, келишиладиган масалалар бўйича давлат вакили қонунчиликка ва давлат мулкини ишончли бошқариш шартномасига мувофиқ мустақил равишда қарорлар қабул қилади.

13. Агар давлат вакили томонидан хабарнома белгиланган муддатлар бузилган ҳолда тақдим этилиши натижасида ваколатли орган томонидан тегишли кўрсатма берилмаган бўлса, давлат вакили келишиладиган масалаларни муҳокама қилишда ва улар бўйича овоз беришда иштирок этмайди.

14. Ваколатли орган акциядорлар (иштирокчилар) умумий йиғилишида иштирок этиш ва кун тартибидаги келишиладиган масалалар бўйича овоз бериш учун давлат вакилидан бошқа шахсларга йиғилишда иштирок этиш учун ишончнома ва йиғилиш кун тартибидаги масалалар бўйича овоз бериш юзасидан кўрсатма бериш ҳуқуқига эга.

15. Агар акциядорлар (иштирокчилар) умумий йиғилиши муайян сабабларга кўра қолдирилса, ваколатли орган томонидан берилган кўрсатмалар, башарти давлат вакили берилган кўрсатмаларни қайта кўриб чиқиш зарурлигига олиб келадиган ҳолатлар ва далилларнинг ўзгаргани тўғрисида ахборот тақдим этмаган бўлса, қолдирилган акциядорлар (иштирокчилар) умумий йиғилишининг ўтказиш кунига қадар ўз кучини сақлайди.

16. Акциядорлар (иштирокчилар) умумий йиғилишида келишиладиган масалалар юзасидан ваколатли органнинг кўрсатмасини олмасдан овоз берилган ёки кўрсатмадан ўзгача овоз берилган тақдирда, давлат вакили уч иш кунидан кечиктирмай бу ҳақида ваколатли органни ёки унинг ҳудудий органини ёзма шаклда хабардор қилиши шарт.

Ушбу ҳолатда ваколатли орган ёки уларнинг ҳудудий органлари хабарнома келиб тушган кундан эътиборан ўн иш куни ичида давлат вакилига унинг кейинги ҳаракатлари юзасидан кўрсатма юборади.

17. Ваколатли орган давлат вакилидан келиб тушадиган хабарномалар ҳамда овоз бериш тартиби бўйича уларга берилган кўрсатмаларнинг ҳисобини олиб боради.

18. Давлат улушини ишончли бошқаришни амалга ошираётган инвестиция активлари бўйича ишончли бошқарувчи томонидан келишиладиган масалалар бўйича ваколатли орган билан келишилмасдан ёки ваколатли органнинг кўрсатмасидан ўзгача тарзда овоз берилиши, у билан тузилган ишончли бошқарув шартномасини бекор қилиш учун асос бўлади.

19. Давлат вакили томонидан ушбу Низом 3-бандининг «б» кичик бандида кўрсатилган давлат иштирокидаги корхоналар соф фойдасидан дивиденд (ажратма) ҳисоблаш масаласини Давлат активларини бошқариш агентлиги билан келишиш Вазирлар Маҳкамаси томонидан белгиланган тартибда амалга оширилади.

3-боб. Якунловчи қоидалар

20. Давлат вакиллари тақдим этган маълумотларининг тўлиқлиги ва тўғрилиги учун масъул ҳисобланади.

21. Мазкур Низом талаблари бажарилиши устидан назорат ваколатли орган томонидан амалга оширилади.

22. Мазкур Низом талаблари бузилишида айбдор бўлган шахслар белгиланган тартибда жавобгар бўлади.

Давлат иштирокидаги корхоналардаги давлат вакилларининг фаолиятини амалга ошириш тартиби тўғрисидаги низомга 1-ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _______________________ ‎ ‎ ‎ ‎ ‎ ‎ ‎ ‎ ‎ ‎ (ваколатли органнинг номи) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ __________________________________________________ манзилида жойлашган акциядорлик жамияти (масъулияти чекланган жамият) устав фондидаги (устав капиталидаги) давлат акциялар пакети (улушлари) бўйича давлат манфаатларини ифодалайдиган ‎ _________________________________________________________________________ (давлат вакили) ______________________________________________________ акциядорлик жамияти (масъулияти чекланган жамияти)нинг акциядорлар (иштирокчилар) умумий йиғилишини ўтказиш тўғрисида ‎ХАБАРНОМА ‎ ‎ Сана: ________________ ‎ Вақт: ________________ ‎ Жой: ‎ ‎ ‎ ‎ ‎ ‎ ‎ ‎ ‎ _________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ КУН ТАРТИБИ ‎ 1. ____________________ ‎2. ____________________ ‎3. ____________________ ‎4. ____________________ ‎5. ____________________ ‎ ‎ ‎ ‎ ‎ ‎ ‎ ‎ ‎ ________________________________________________________________________ (кўрсатилган масалалар бўйича овоз бериш тартибига доир давлат вакилининг таклифлари) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Давлат вакилининг алоқа ‎боғлаш телефони __________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Хабарнома тузилган сана: ___________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Давлат вакил (лар)и: _____________ ‎ ________________________________ ‎ ‎ ‎ ‎ (имзо) ‎ Ф.И.О. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Давлат иштирокидаги корхоналардаги давлат вакилларининг фаолиятини амалга ошириш тартиби тўғрисидаги низомга 2-ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 20 ___ йил «___» ____________ даги ______-сон ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ____________________________________________________ акциядорлик жамияти (масъулияти чекланган жамият) устав фондларидаги (устав капиталларидаги) давлат акциялар пакети (улушлари) бўйича давлат манфаатларини ифодалайдиган ‎______________________________________________________________________________ га (давлат вакили) __________________________ да ўтказиладиган _____________________________ акциядорлик (йиғилиш санаси) ‎ ‎ ‎ ‎ ‎ ‎ ‎ ‎ ‎ ‎ жамияти (масъулияти чекланган жамият) акциядорлари (иштирокчилари) умумий йиғилишида (ягона акциядор, иштирокчи қарори бўйича) овоз бериш тартиби тўғрисида ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ КЎРСАТМА ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1. Биринчи масала бўйича _____________________________ (суз билан кўрсатилган) овоз бериш ‎ ‎ ‎ ‎ (ёқлаб/қарши/бетараф) ‎ ‎ ‎ ‎ ‎ ‎ 2. Иккинчи масала бўйича _____________________________ (сўз билан кўрсатилган) овоз бериш ‎ ‎ ‎ ‎ (ёқлаб/қарши/бетараф) ‎ ‎ ‎ ‎ ‎ ‎ 3. Учинчи масала бўйича ______________________________ (суз билан кўрсатилган) овоз бериш ‎ ‎ ‎ ‎ (ёқлаб/қарши/бетараф) ‎ ‎ ‎ ‎ ‎ ‎ 4. Тўртинчи масала бўйича _____________________________ (суз билан кўрсатилган) овоз бериш ‎ ‎ ‎ ‎ (ёқлаб/қарши/бетараф) ‎ ‎ ‎ ‎ ‎ ‎ 5. Бешинчи масала бўйича _____________________________ (суз билан кўрсатилган) овоз бериш ‎ ‎ ‎ ‎ (ёқлаб/қарши/бетараф) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Раҳбар (унинг ўринбосари) _______________ ‎ _____________________________ ‎ ‎ ‎ ‎ ‎ (имзо) ‎ Ф.И.О. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Ўзбекистон Республикасининг Бош вазири А. АРИПОВ

Тошкент ш.,

2023 йил 14 август,

373-сон

(Қонунчилик маълумотлари миллий базаси, 15.08.2023 й., 09/23/373/0604-сон; 16.12.2025 й., 09/25/791/1167-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

Davlat ishtirokidagi korxonalarning boshqaruv organlarida davlat vakillarining samarali ishtirokini taʼminlash chora-tadbirlari toʻgʻrisida

“Davlat mulkini boshqarish toʻgʻrisida”gi Oʻzbekiston Respublikasining Qonuni va Oʻzbekiston Respublikasi Prezidentining “Davlat aktivlarini boshqarish agentligi faoliyatini samarali tashkil etish chora-tadbirlari toʻgʻrisida” 2023-yil 24-martdagi PQ-101-son qarori ijrosini taʼminlash, shuningdek, davlat vakillarining faoliyati samaradorligini oshirish maqsadida Vazirlar Mahkamasi qaror qiladi:

1. Quyidagilarni nazarda tutuvchi Davlat ishtirokidagi korxonalardagi davlat vakillarining faoliyatini amalga oshirish tartibi toʻgʻrisidagi nizom ilovaga muvofiq tasdiqlansin:

davlat ishtirokidagi korxonalarning aksiyadorlar (ishtirokchilar) umumiy yigʻilishida davlat nomidan ishtirok etadigan shaxslar va kun tartibidagi oldindan kelishiladigan masalalar;

davlat ishtirokidagi korxonalar sof foydasidan dividend (ajratma) miqdorini Davaktiv agentligi bilan kelishish tartibi;

davlat ishtirokidagi korxonalarning aksiyadorlar (ishtirokchilar) umumiy yigʻilishi kun tartibiga kiritilgan masalalar yuzasidan xabarnoma va hujjatlarni taqdim etish tartibi va muddatlari.

2. Davlat ishtirokidagi korxonalarda davlat nomidan aksiyador (ishtirokchi) funksiyalarini amalga oshiruvchi vazirlik va idoralar, mahalliy ijro etuvchi hokimiyat organlari korxonalarning boshqaruv organlarining yigʻilishlarida davlat vakillarining ishtirokini taʼminlashda hamda kun tartibiga kiritilgan masalalar boʻyicha qaror qabul qilishda mazkur qaror talablariga qatʼiy rioya qilinishini taʼminlasin.

3. Ushbu qaror rasmiy eʼlon qilingan kundan eʼtiboran uch oydan keyin kuchga kiradi.

4. Mazkur qarorning bajarilishini nazorat qilish Oʻzbekiston Respublikasi Davlat aktivlarini boshqarish agentligi direktori A.J. Ortiqov zimmasiga yuklansin.

Vazirlar Mahkamasining 2023-yil 14-avgustdagi 373-son qaroriga ILOVA

Davlat ishtirokidagi korxonalardagi davlat vakillarining faoliyatini amalga oshirish tartibi toʻgʻrisida

1-bob. Umumiy qoidalar

Mazkur Nizom davlat ishtirokidagi korxonalarning aksiyadorlar (ishtirokchilar) umumiy yigʻilishida davlat vakilining davlat aksiyalar paketi (ulushi) boʻyicha ishtirok etishi va ovoz berish tartibini belgilaydi.

1. Ushbu Nizomda quyidagi asosiy tushunchalar qoʻllaniladi:

vakolatli organ — davlat ishtirokidagi korxonalarda davlat nomidan aksiyador (ishtirokchi) funksiyalarini amalga oshiruvchi Davlat aktivlarini boshqarish agentligi, maxsus vakolatli davlat organlari, mahalliy ijro etuvchi hokimiyat organlari;

davlat vakili — davlat ulushini ishonchli boshqarishni amalga oshiradigan investitsiya aktivlari boʻyicha ishonchli boshqaruvchi yoki tegishli ishonchnomaga asosan davlat ulushi boʻyicha ovoz berish vakolatiga ega boʻlgan jismoniy shaxs yoxud davlat ulushi boʻyicha davlat ishtirokidagi korxonaning kuzatuv kengashi tarkibiga saylangan shaxs, davlat ulushi boʻyicha saylangan mustaqil aʼzolar bundan mustasno.

2-bob. Davlat vakilining davlat ishtirokidagi korxonalar aksiyadorlar (ishtirokchilar) umumiy yigʻilishida ishtirok etish va kun tartibidagi masalalarni kelishish tartibi

2. Vakolatli organ davlat ulushi ishonchli boshqaruvga berilganligi yoki ishonchli boshqaruv shartnomasi bekor qilinganligi toʻgʻrisida davlat ishtirokidagi korxonani ishonchli boshqaruv shartnomasi imzolangan yoki bekor qilingan kundan boshlab uch ish kuni ichida xabardor qiladi.

3. Davlat vakili davlat ishtirokidagi korxonaning aksiyadorlar (ishtirokchilar) umumiy yigʻilishining kun tartibiga quyidagi masalalar kiritilganda ular boʻyicha ovoz berish tartibini oldindan kelishib oladi, jumladan:

a) tegishliligi boʻyicha vakolatli organ bilan:

korxonani qayta tashkil etish yoki tugatish;

shuʼba va tobe xoʻjalik jamiyatlarini tashkil etish;

tashkiliy tuzilmani tasdiqlash;

korxona ijroiya organini saylash, tayinlash, yollash, uning vakolatlarini muddatidan oldin bekor qilish;

eʼlon qilingan aksiyalarning eng yuqori miqdorini belgilash;

aksiyalarni boʻlish va konsolidatsiyalash;

korxonaning ustav fondi (ustav kapitali) miqdorini koʻpaytirish yoki kamaytirish;

mulkni garovga berish;

yirik bitim tuzish yoki korxonaning affillangan shaxslari bilan bitimlar tuzish;

b) Davlat aktivlarini boshqarish agentligi bilan sof foydani taqsimlash va uning bir qismini dividendlarga yoʻnaltirish (keyingi oʻrinlarda — kelishiladigan masalalar).

4. Kelishiladigan masalalardan tashqari qolgan masalalar boʻyicha davlat vakili qonunchilikka va davlat mulkini ishonchli boshqarish shartnomasiga muvofiq mustaqil ravishda qarorlar qabul qiladi.

5. Davlat ulushi ishonchli boshqaruvga berilmagan davlat ishtirokidagi korxonalarda kuzatuv kengashi mavjud boʻlmagan hollarda, kuzatuv kengashi tashkil etilgunga qadar aksiyadorlar (ishtirokchilar) umumiy yigʻilishi kun tartibidagi kelishiladigan masalalar yuzasidan ovoz berish tartibi toʻgʻrisidagi koʻrsatma davlat vakiliga ishonchnoma bilan bir paytda berilishi lozim.

6. Kelishiladigan masalalar aksiyadorlar (ishtirokchilar) umumiy yigʻilishi kun tartibiga kiritilganda aksiyadorlar (ishtirokchilar) umumiy yigʻilishini chaqirish toʻgʻrisida qaror qabul qilingan kundan boshlab oʻn ish kunidan kechiktirmay, ushbu masalalar boʻyicha ovoz berish tartibini kelishish uchun davlat vakili mazkur Nizomga 1-ilovada keltirilgan shaklga muvofiq yozma xabarnomani vakolatli organga kun tartibidagi masalalar boʻyicha zarur axborotni (materiallarni) ilova qilgan va koʻrsatilgan masalalar boʻyicha ovoz berish tartibi boʻyicha oʻz takliflarini koʻrsatgan holda taqdim etadi.

7. Xabarnoma davlat ulushini ishonchli boshqarishni amalga oshiradigan investitsiya aktivlarini ishonchli boshqaruvchi yoki kuzatuv kengashining davlat ulushi boʻyicha saylangan aʼzolari tomonidan imzolanishi lozim, davlat ulushi boʻyicha saylangan mustaqil aʼzolar bundan mustasno.

Uzrli sabablarga koʻra kuzatuv kengashining davlat ulushi boʻyicha saylangan aʼzosi (aʼzolari) xabarnomani imzolamagan boʻlsa, xabarnomada ularni imzolamaganligining sabablari koʻrsatilishi lozim.

8. Vakolatli organ kelishiladigan masalalar boʻyicha ovoz berish tartibi toʻgʻrisida yozma koʻrsatmani ushbu Nizomga 2-ilovada keltirilgan shaklga muvofiq davlat vakiliga xabarnoma kelib tushgan sanadan boshlab oʻn ish kunidan kechiktirmay, biroq yigʻilish oʻtkaziladigan sanadan kamida bir kun oldin beradi.

9. Kelishiladigan masalalar yuzasidan koʻrsatma berish uchun davlat vakili tomonidan taqdim etilgan maʼlumotlar (materiallar) yetarli boʻlmagan taqdirda, vakolatli organ davlat vakilidan qoʻshimcha maʼlumotlarni soʻrab olishi yoki, zaruratga koʻra, mutasaddi vazirlik va idoralarga tegishli soʻrov bilan murojaat qilish huquqiga ega.

Bunda xabarnomani koʻrib chiqish muddati uzaytirilishi mumkin, biroq ushbu muddat aksiyadorlar (ishtirokchilar) umumiy yigʻilishini oʻtkazish sanasidan kech boʻlmasligi kerak.

10. Davlat vakiliga beriladigan koʻrsatma vakolatli organning rahbari yoki ushbu vakolat taqdim etilgan rahbar oʻrinbosari tomonidan imzolanadi.

11. Davlat ulushi boʻyicha aksiyador (ishtirokchi) funksiyalari vakolatli organning hududiy boshqarmasi tomonidan amalga oshirilganda, ovoz berish boʻyicha koʻrsatma vakolatli organning tegishli hududiy boshqarmasining rahbari tomonidan imzolanadi.

12. Davlat vakilining mazkur Nizomda belgilangan muddatlarda taqdim etilgan yozma xabarnomasiga vakolatli organning koʻrsatmasi belgilangan muddatlarda berilmagan taqdirda yoki aksiyadorlar (ishtirokchilar) umumiy yigʻilishini qoldirish toʻgʻrisida koʻrsatma berilmagan boʻlsa, kelishiladigan masalalar boʻyicha davlat vakili qonunchilikka va davlat mulkini ishonchli boshqarish shartnomasiga muvofiq mustaqil ravishda qarorlar qabul qiladi.

13. Agar davlat vakili tomonidan xabarnoma belgilangan muddatlar buzilgan holda taqdim etilishi natijasida vakolatli organ tomonidan tegishli koʻrsatma berilmagan boʻlsa, davlat vakili kelishiladigan masalalarni muhokama qilishda va ular boʻyicha ovoz berishda ishtirok etmaydi.

14. Vakolatli organ aksiyadorlar (ishtirokchilar) umumiy yigʻilishida ishtirok etish va kun tartibidagi kelishiladigan masalalar boʻyicha ovoz berish uchun davlat vakilidan boshqa shaxslarga yigʻilishda ishtirok etish uchun ishonchnoma va yigʻilish kun tartibidagi masalalar boʻyicha ovoz berish yuzasidan koʻrsatma berish huquqiga ega.

15. Agar aksiyadorlar (ishtirokchilar) umumiy yigʻilishi muayyan sabablarga koʻra qoldirilsa, vakolatli organ tomonidan berilgan koʻrsatmalar, basharti davlat vakili berilgan koʻrsatmalarni qayta koʻrib chiqish zarurligiga olib keladigan holatlar va dalillarning oʻzgargani toʻgʻrisida axborot taqdim etmagan boʻlsa, qoldirilgan aksiyadorlar (ishtirokchilar) umumiy yigʻilishining oʻtkazish kuniga qadar oʻz kuchini saqlaydi.

16. Aksiyadorlar (ishtirokchilar) umumiy yigʻilishida kelishiladigan masalalar yuzasidan vakolatli organning koʻrsatmasini olmasdan ovoz berilgan yoki koʻrsatmadan oʻzgacha ovoz berilgan taqdirda, davlat vakili uch ish kunidan kechiktirmay bu haqida vakolatli organni yoki uning hududiy organini yozma shaklda xabardor qilishi shart.

Ushbu holatda vakolatli organ yoki ularning hududiy organlari xabarnoma kelib tushgan kundan eʼtiboran oʻn ish kuni ichida davlat vakiliga uning keyingi harakatlari yuzasidan koʻrsatma yuboradi.

17. Vakolatli organ davlat vakilidan kelib tushadigan xabarnomalar hamda ovoz berish tartibi boʻyicha ularga berilgan koʻrsatmalarning hisobini olib boradi.

18. Davlat ulushini ishonchli boshqarishni amalga oshirayotgan investitsiya aktivlari boʻyicha ishonchli boshqaruvchi tomonidan kelishiladigan masalalar boʻyicha vakolatli organ bilan kelishilmasdan yoki vakolatli organning koʻrsatmasidan oʻzgacha tarzda ovoz berilishi, u bilan tuzilgan ishonchli boshqaruv shartnomasini bekor qilish uchun asos boʻladi.

19. Davlat vakili tomonidan ushbu Nizom 3-bandining “b” kichik bandida koʻrsatilgan davlat ishtirokidagi korxonalar sof foydasidan dividend (ajratma) hisoblash masalasini Davlat aktivlarini boshqarish agentligi bilan kelishish Vazirlar Mahkamasi tomonidan belgilangan tartibda amalga oshiriladi.

3-bob. Yakunlovchi qoidalar

20. Davlat vakillari taqdim etgan maʼlumotlarining toʻliqligi va toʻgʻriligi uchun masʼul hisoblanadi.

21. Mazkur Nizom talablari bajarilishi ustidan nazorat vakolatli organ tomonidan amalga oshiriladi.

22. Mazkur Nizom talablari buzilishida aybdor boʻlgan shaxslar belgilangan tartibda javobgar boʻladi.

Davlat ishtirokidagi korxonalardagi davlat vakillarining faoliyatini amalga oshirish tartibi toʻgʻrisidagi nizomga 1-ILOVA

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _______________________ ‎ ‎ ‎ ‎ ‎ ‎ ‎ ‎ ‎ ‎ (vakolatli organning nomi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ __________________________________________________ manzilida joylashgan aksiyadorlik jamiyati (masʼuliyati cheklangan jamiyat) ustav fondidagi (ustav kapitalidagi) davlat aksiyalar paketi (ulushlari) boʻyicha davlat manfaatlarini ifodalaydigan ‎ _________________________________________________________________________ (davlat vakili) ______________________________________________________ aksiyadorlik jamiyati (masʼuliyati cheklangan jamiyati)ning aksiyadorlar (ishtirokchilar) umumiy yigʻilishini oʻtkazish toʻgʻrisida ‎XABARNOMA ‎ ‎ Sana: ________________ ‎ Vaqt: ________________ ‎ Joy: ‎ ‎ ‎ ‎ ‎ ‎ ‎ ‎ ‎ _________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ KUN TARTIBI ‎ 1. ____________________ ‎2. ____________________ ‎3. ____________________ ‎4. ____________________ ‎5. ____________________ ‎ ‎ ‎ ‎ ‎ ‎ ‎ ‎ ‎ ________________________________________________________________________ (koʻrsatilgan masalalar boʻyicha ovoz berish tartibiga doir davlat vakilining takliflari) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Davlat vakilining aloqa ‎bogʻlash telefoni __________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Xabarnoma tuzilgan sana: ___________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Davlat vakil (lar)i: _____________ ‎ ________________________________ ‎ ‎ ‎ ‎ (imzo) ‎ F.I.O. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Davlat ishtirokidagi korxonalardagi davlat vakillarining faoliyatini amalga oshirish tartibi toʻgʻrisidagi nizomga 2-ILOVA

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 20 ___ yil “___” ____________ dagi ______-son ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ____________________________________________________ aksiyadorlik jamiyati (masʼuliyati cheklangan jamiyat) ustav fondlaridagi (ustav kapitallaridagi) davlat aksiyalar paketi (ulushlari) boʻyicha davlat manfaatlarini ifodalaydigan ‎______________________________________________________________________________ ga (davlat vakili) __________________________ da oʻtkaziladigan _____________________________ aksiyadorlik (yigʻilish sanasi) ‎ ‎ ‎ ‎ ‎ ‎ ‎ ‎ ‎ ‎ jamiyati (masʼuliyati cheklangan jamiyat) aksiyadorlari (ishtirokchilari) umumiy yigʻilishida (yagona aksiyador, ishtirokchi qarori boʻyicha) ovoz berish tartibi toʻgʻrisida ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ KOʻRSATMA ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1. Birinchi masala boʻyicha _____________________________ (suz bilan koʻrsatilgan) ovoz berish ‎ ‎ ‎ ‎ (yoqlab/qarshi/betaraf) ‎ ‎ ‎ ‎ ‎ ‎ 2. Ikkinchi masala boʻyicha _____________________________ (soʻz bilan koʻrsatilgan) ovoz berish ‎ ‎ ‎ ‎ (yoqlab/qarshi/betaraf) ‎ ‎ ‎ ‎ ‎ ‎ 3. Uchinchi masala boʻyicha ______________________________ (suz bilan koʻrsatilgan) ovoz berish ‎ ‎ ‎ ‎ (yoqlab/qarshi/betaraf) ‎ ‎ ‎ ‎ ‎ ‎ 4. Toʻrtinchi masala boʻyicha _____________________________ (suz bilan koʻrsatilgan) ovoz berish ‎ ‎ ‎ ‎ (yoqlab/qarshi/betaraf) ‎ ‎ ‎ ‎ ‎ ‎ 5. Beshinchi masala boʻyicha _____________________________ (suz bilan koʻrsatilgan) ovoz berish ‎ ‎ ‎ ‎ (yoqlab/qarshi/betaraf) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Rahbar (uning oʻrinbosari) _______________ ‎ _____________________________ ‎ ‎ ‎ ‎ ‎ (imzo) ‎ F.I.O. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Oʻzbekiston Respublikasining Bosh vaziri A. ARIPOV

Toshkent sh.,

2023-yil 14-avgust,

373-son

(Qonunchilik maʼlumotlari milliy bazasi, 15.08.2023-y., 09/23/373/0604-son; 16.12.2025-y., 09/25/791/1167-son)

lex.uz