📅 2023-yil 12-iyul · Vazirlik va idoralar hujjatlari · Ichki ishlar vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 12 июль · Вазирлик ва идоралар ҳужжатлари · Ички ишлар вазири
Расмий матн. Расмий ҳужжат. Таҳририй изоҳлар киритилмаган.
📅 12 июля 2023 г. · Документы министерств и ведомств · Министр внутренних дел
Официальный текст. Официальный документ. Редакционные примечания не включены.
📅 12 July 2023 · Ministry and agency documents · Ichki ishlar vaziri
Official text. Official document. Editorial notes are not included.
Ўзбекистон Республикаси Ички ишлар вазирининг
буйруғи
Йўл ҳаракати қоидаларининг бузилишига доир маъмурий ишларни кўриб чиқиш тартиби тўғрисидаги йўриқномага ўзгартиришлар киритиш ҳақида
Ўзбекистон Республикасининг 2023 йил 18 апрелдаги ЎРҚ-830-сон «Маъмурий жарималарни тўлашда аҳолига қўшимча қулайликлар яратилиши муносабати билан Ўзбекистон Республикаси Маъмурий жавобгарлик тўғрисидаги кодексининг 332 1 -моддасига ўзгартириш киритиш ҳақида»ги Қонунига мувофиқ буюраман:
1. Ўзбекистон Республикаси ички ишлар вазирининг 2011 йил 31 майдаги 68-сон буйруғи (рўйхат рақами 2240, 2011 йил 5 июль) (Ўзбекистон Республикаси қонун ҳужжатлари тўплами, 2011 й., 27-сон, 286-модда) билан тасдиқланган Йўл ҳаракати қоидаларининг бузилишига доир маъмурий ишларни кўриб чиқиш тартиби тўғрисидаги йўриқномага иловага мувофиқ ўзгартиришлар киритилсин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси ички ишлар вазирининг 2023 йил 12 июлдаги 361-сон буйруғига ИЛОВА
Йўл ҳаракати қоидаларининг бузилишига доир маъмурий ишларни кўриб чиқиш тартиби тўғрисидаги йўриқномага киритилаётган ўзгартиришлар
1. 11-банднинг тўртинчи хатбошиси қуйидаги таҳрирда баён этилсин:
«Ҳуқуқбузар унга жарима солиш тўғрисидаги қарор топширилган кундан бошлаб ўн беш кун ичида жарима миқдорининг эллик фоизини ёки ўттиз кун ичида жарима миқдорининг етмиш фоизини ихтиёрий равишда тўлаган тақдирда, у жариманинг қолган қисмини тўлашдан озод қилиниши;».
2. 70-банднинг бешинчи ва олтинчи хатбошилари қуйидаги таҳрирда баён этилсин:
«Ҳуқуқбузар унга жарима солиш тўғрисидаги қарор топширилган кундан бошлаб ўн беш кун ичида жарима миқдорининг эллик фоизини ёки ўттиз кун ичида жарима миқдорининг етмиш фоизини ихтиёрий равишда тўлаган тақдирда, у жариманинг қолган қисмини тўлашдан озод қилинади қуйидаги ҳоллар бундан мустасно:
Кодекснинг 131, 132, 136 ва 140-моддаларида назарда тутилган ҳуқуқбузарликлар содир этилганда;».
3. 1 2 -илова мазкур ўзгартиришларнинг иловасига мувофиқ таҳрирда баён этилсин.
Йўл ҳаракати қоидаларининг бузилишига доир маъмурий ишларни кўриб чиқиш тартиби тўғрисидаги йўриқномага киритилаётган ўзгартиришларга ИЛОВА
«Йўл ҳаракати қоидаларининг бузилишига доир маъмурий ишларни кўриб чиқиш тартиби тўғрисидаги йўриқномага 1 2 -ИЛОВА
«GA 00000000000 — рақамли Жарима солиш тўғрисидаги қарор
____________________ ____________________ (қарор чиқарилган сана) (қарор чиқарилган жой) Мен,_______________________________________________________________________________ (қарорни чиқарган орган номи, мансабдор шахснинг лавозими, унвони, фамилияси, исми, отасининг исми) махсус автоматлаштирилган фото ва видео қайд этиш техника воситалари орқали қайд этилган йўл ҳаракати қоидаларининг бузилиши тафсилотларини кўриб чиқиб, қуйидагиларни АНИҚЛАДИМ: 20__ йил _____ куни соат ____да «____________» кўчалари (чорраҳаси)да, _____________________________________да рўйхатда турувчи фуқаро _________________/ юридик шахс ________________________га тегишли бўлган ____________ русумли__________________________ давлат рақам белгили транспорт воситасида ҳайдовчи _______________________ (ҳуқуқбузарликнинг тафсилоти), бу билан Ўзбекистон Республикаси МЖтКнинг ___-моддаси _____ қисмида назарда тутилган ҳуқуқбузарликни содир этган. GA 00000000000 Транспорт воситасининг мулкдори Ф.И.О. Яшаш манзили Ўзбекистон Республикаси МЖтКнинг 171, 248, 304, 307 ва 309 1 -моддаларига асосланган ҳолда ҚАРОР ҚИЛАМАН: ________________русумли ___________________ давлат рақам белгили транспорт воситаси мулкдори _______________________________________га Ўзбекистон Республикаси МЖтКнинг ___-моддаси ___ қисмига асосан ____________ (__________________сўзларда ёзилади) миқдорида жарима белгилансин. Давлат рақам белгиси туширилган транспорт воситаси фотосурати Қоидабузарлик содир этилган вақтдаги транспорт воситаси фотосурати Мазкур қарор устидан эътирозингиз бўлса телефон рақамига соат 09:00дан 22:00гача мурожаат қилишингизни тавсия қиламиз. __________________________________________________________________________________ (қарор қабул қилган масъул шахснинг электрон рақамли имзоси) Ҳуқуқ ва мажбуриятларингиз: Тайинланган жаримани қарор чиқарилган кундан бошлаб олтмиш (60) кундан кечиктирмай, ушбу қарор хусусида шикоят берилган ёки протест билдирилган тақдирда эса, шикоят ёки протест қаноатлантирилмаганлиги тўғрисида хабар берилган кундан эътиборан ўттиз (30) кундан кечиктирмай тўлашингиз лозим. Мазкур қарор чиқарилган кундан эътиборан олтмиш (60) кун ўтгач жарима тўланмаган тақдирда транспорт воситангиз қарорнинг ижроси юзасидан иш юритиш тугагунига қадар ушлаб турилади. Мазкур қарор устидан юқори турувчи органга (мансабдор шахсга ёки жиноят ишлари бўйича туман (шаҳар) судига унинг нусхасини олган кунингиздан бошлаб (10) ўн кун ичида шикоят беришингиз мумкин. Шикоят маъмурий ҳуқуқбузарлик тўғрисидаги иш юзасидан қарор қабул қилган орган (мансабдор шахс) орқали ёки бевосита шикоят йўлланган судга юборилади. Ўзбекистон Республикаси МЖтКнинг 332 1 -моддасига мувофиқ ҳуқуқбузар жарима солиш тўғрисидаги қарор топширилган кундан бошлаб ўн беш кун ичида жарима миқдорининг эллик фоизини ёки ўттиз кун ичида жарима миқдорининг етмиш фоизини ихтиёрий равишда тўлаган тақдирда, у жариманинг қолган қисмини тўлашдан озод қилинади, қуйидаги ҳоллар бундан мустасно: Ўзбекистон Республикаси МЖтКнинг 131, 132, 136 ва 140-моддаларида назарда тутилган ҳуқуқбузарликлар содир этилганда; жарима солиш тўғрисидаги қарор устидан шикоят қилинганда ёки протест билдирилганда; худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилганда. » .
Вазир П. БОБОЖОНОВ
Тошкент ш.,
2023 йил 12 июль,
361-сон
Oʻzbekiston Respublikasi Ichki ishlar vazirining
buyrugʻi
Yoʻl harakati qoidalarining buzilishiga doir maʼmuriy ishlarni koʻrib chiqish tartibi toʻgʻrisidagi yoʻriqnomaga oʻzgartirishlar kiritish haqida
Oʻzbekiston Respublikasining 2023-yil 18-apreldagi OʻRQ-830-son “Maʼmuriy jarimalarni toʻlashda aholiga qoʻshimcha qulayliklar yaratilishi munosabati bilan Oʻzbekiston Respublikasi Maʼmuriy javobgarlik toʻgʻrisidagi kodeksining 332 1 -moddasiga oʻzgartirish kiritish haqida”gi Qonuniga muvofiq buyuraman:
1. Oʻzbekiston Respublikasi ichki ishlar vazirining 2011-yil 31-maydagi 68-son buyrugʻi (roʻyxat raqami 2240, 2011-yil 5-iyul) (Oʻzbekiston Respublikasi qonun hujjatlari toʻplami, 2011-y., 27-son, 286-modda) bilan tasdiqlangan Yoʻl harakati qoidalarining buzilishiga doir maʼmuriy ishlarni koʻrib chiqish tartibi toʻgʻrisidagi yoʻriqnomaga ilovaga muvofiq oʻzgartirishlar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi ichki ishlar vazirining 2023-yil 12-iyuldagi 361-son buyrugʻiga ILOVA
Yoʻl harakati qoidalarining buzilishiga doir maʼmuriy ishlarni koʻrib chiqish tartibi toʻgʻrisidagi yoʻriqnomaga kiritilayotgan oʻzgartirishlar
1. 11-bandning toʻrtinchi xatboshisi quyidagi tahrirda bayon etilsin:
“Huquqbuzar unga jarima solish toʻgʻrisidagi qaror topshirilgan kundan boshlab oʻn besh kun ichida jarima miqdorining ellik foizini yoki oʻttiz kun ichida jarima miqdorining yetmish foizini ixtiyoriy ravishda toʻlagan taqdirda, u jarimaning qolgan qismini toʻlashdan ozod qilinishi;”.
2. 70-bandning beshinchi va oltinchi xatboshilari quyidagi tahrirda bayon etilsin:
“Huquqbuzar unga jarima solish toʻgʻrisidagi qaror topshirilgan kundan boshlab oʻn besh kun ichida jarima miqdorining ellik foizini yoki oʻttiz kun ichida jarima miqdorining yetmish foizini ixtiyoriy ravishda toʻlagan taqdirda, u jarimaning qolgan qismini toʻlashdan ozod qilinadi quyidagi hollar bundan mustasno:
Kodeksning 131, 132, 136 va 140-moddalarida nazarda tutilgan huquqbuzarliklar sodir etilganda;”.
3. 1 2 -ilova mazkur oʻzgartirishlarning ilovasiga muvofiq tahrirda bayon etilsin.
Yoʻl harakati qoidalarining buzilishiga doir maʼmuriy ishlarni koʻrib chiqish tartibi toʻgʻrisidagi yoʻriqnomaga kiritilayotgan oʻzgartirishlarga ILOVA
“Yoʻl harakati qoidalarining buzilishiga doir maʼmuriy ishlarni koʻrib chiqish tartibi toʻgʻrisidagi yoʻriqnomaga 1 2 -ILOVA
“GA 00000000000 — raqamli Jarima solish toʻgʻrisidagi qaror
____________________ ____________________ (qaror chiqarilgan sana) (qaror chiqarilgan joy) Men,_______________________________________________________________________________ (qarorni chiqargan organ nomi, mansabdor shaxsning lavozimi, unvoni, familiyasi, ismi, otasining ismi) maxsus avtomatlashtirilgan foto va video qayd etish texnika vositalari orqali qayd etilgan yoʻl harakati qoidalarining buzilishi tafsilotlarini koʻrib chiqib, quyidagilarni ANIQLADIM: 20__ yil _____ kuni soat ____da “____________” koʻchalari (chorrahasi)da, _____________________________________da roʻyxatda turuvchi fuqaro _________________/ yuridik shaxs ________________________ga tegishli boʻlgan ____________ rusumli__________________________ davlat raqam belgili transport vositasida haydovchi _______________________ (huquqbuzarlikning tafsiloti), bu bilan Oʻzbekiston Respublikasi MJtKning ___-moddasi _____ qismida nazarda tutilgan huquqbuzarlikni sodir etgan. GA 00000000000 Transport vositasining mulkdori F.I.O. Yashash manzili Oʻzbekiston Respublikasi MJtKning 171, 248, 304, 307 va 309 1 -moddalariga asoslangan holda QAROR QILAMAN: ________________rusumli ___________________ davlat raqam belgili transport vositasi mulkdori _______________________________________ga Oʻzbekiston Respublikasi MJtKning ___-moddasi ___ qismiga asosan ____________ (__________________soʻzlarda yoziladi) miqdorida jarima belgilansin. Davlat raqam belgisi tushirilgan transport vositasi fotosurati Qoidabuzarlik sodir etilgan vaqtdagi transport vositasi fotosurati Mazkur qaror ustidan eʼtirozingiz boʻlsa telefon raqamiga soat 09:00dan 22:00gacha murojaat qilishingizni tavsiya qilamiz. __________________________________________________________________________________ (qaror qabul qilgan masʼul shaxsning elektron raqamli imzosi) Huquq va majburiyatlaringiz: Tayinlangan jarimani qaror chiqarilgan kundan boshlab oltmish (60) kundan kechiktirmay, ushbu qaror xususida shikoyat berilgan yoki protest bildirilgan taqdirda esa, shikoyat yoki protest qanoatlantirilmaganligi toʻgʻrisida xabar berilgan kundan eʼtiboran oʻttiz (30) kundan kechiktirmay toʻlashingiz lozim. Mazkur qaror chiqarilgan kundan eʼtiboran oltmish (60) kun oʻtgach jarima toʻlanmagan taqdirda transport vositangiz qarorning ijrosi yuzasidan ish yuritish tugaguniga qadar ushlab turiladi. Mazkur qaror ustidan yuqori turuvchi organga (mansabdor shaxsga yoki jinoyat ishlari boʻyicha tuman (shahar) sudiga uning nusxasini olgan kuningizdan boshlab (10) oʻn kun ichida shikoyat berishingiz mumkin. Shikoyat maʼmuriy huquqbuzarlik toʻgʻrisidagi ish yuzasidan qaror qabul qilgan organ (mansabdor shaxs) orqali yoki bevosita shikoyat yoʻllangan sudga yuboriladi. Oʻzbekiston Respublikasi MJtKning 332 1 -moddasiga muvofiq huquqbuzar jarima solish toʻgʻrisidagi qaror topshirilgan kundan boshlab oʻn besh kun ichida jarima miqdorining ellik foizini yoki oʻttiz kun ichida jarima miqdorining yetmish foizini ixtiyoriy ravishda toʻlagan taqdirda, u jarimaning qolgan qismini toʻlashdan ozod qilinadi, quyidagi hollar bundan mustasno: Oʻzbekiston Respublikasi MJtKning 131, 132, 136 va 140-moddalarida nazarda tutilgan huquqbuzarliklar sodir etilganda; jarima solish toʻgʻrisidagi qaror ustidan shikoyat qilinganda yoki protest bildirilganda; xuddi shunday huquqbuzarlik maʼmuriy jazo chorasi qoʻllanilganidan keyin bir yil davomida takror sodir etilganda. ” .
Vazir P. BOBOJONOV
Toshkent sh.,
2023-yil 12-iyul,
361-son