📅 2023-yil 14-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 14 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 14 августа 2023 г. · Постановления Кабинета Министров
Официальный текст. Официальный документ. Редакционные примечания не включены.
📅 14 August 2023 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Қорақалпоғистон Республикасининг мавжуд ижтимоий-иқтисодий инфратузилмаси такомиллаштирилиши муносабати билан Вазирлар Маҳкамасининг айрим қарорларига ўзгартириш ва қўшимчалар киритиш тўғрисида
Ўзбекистон Республикаси Президентининг «Қорақалпоғистон Республикасида тадбиркорлик, инновацион технологиялар ва инфратузилмаларни жадал суръатларда ривожлантириш орқали аҳоли фаровонлигини оширишнинг қўшимча чора-тадбирлари тўғрисида» 2022 йил 31 августдаги ПФ-213-сон Фармонига мувофиқ, шунингдек, Қорақалпоғистон Республикасида аҳоли турмуш даражасини ошириш, ишлаб чиқариш ва инвестиция салоҳиятини мустаҳкамлаш, тадбиркорликни қўллаб-қувватлаш бўйича чора-тадбирлар тизимли давом эттирилишини таъминлаш мақсадида Вазирлар Маҳкамаси қарор қилади:
1. Вазирлар Маҳкамасининг айрим қарорларига иловага мувофиқ қуйидагиларни назарда тутувчи ўзгартириш ва қўшимчалар киритилсин:
Қорақалпоғистон Республикасидаги деҳқон хўжаликлари ва томорқа ер эгаларининг суғориш қудуғини бурғилаш ва ишга тушириш билан боғлиқ харажатларини субсидиялар орқали қоплаб бериш;
Қорақалпоғистон Республикасидаги умумий ўрта, ўрта-махсус ва профессионал таълим муассасаларини тамомлаган ҳамда давлат олий таълим муассасаларига қўшимча қабул қилинган ёшларга таълим кредитларини ажратиш.
2. Мазкур қарорнинг бажарилишини назорат қилиш Қорақалпоғистон Республикаси Вазирлар Кенгаши Раиси Ф.У. Эрманов зиммасига юклансин.
Вазирлар Маҳкамасининг 2023 йил 14 августдаги 378-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг 2018 йил 7 июндаги 433-сон қарори билан тасдиқланган Ўзбекистон фермер, деҳқон хўжаликлари ва томорқа ер эгалари кенгаши ҳузуридаги Фермер, деҳқон хўжаликлари ва томорқа ер эгаларини қўллаб-қувватлаш жамғармаси тўғрисидаги низомнинг 17-бандида :
қуйидаги таҳрирдаги ўн бешинчи хатбоши билан тўлдирилсин:
«Қорақалпоғистон Республикасидаги деҳқон хўжаликлари ва томорқа ер эгаларининг ер майдонларини суғориш учун чуқурлиги 5 метрдан ортиқ бўлган ҳар бир вертикал суғориш қудуғини бурғилаш ва ишга тушириш билан боғлиқ харажатларини қоплашга қудуқнинг ҳар бир метр чуқурлиги учун 100 минг сўмдан, бироқ базавий ҳисоблаш миқдорининг 50 бараваридан ошмаган миқдорда субсидиялар ажратилади;»;
мазкур банднинг ўн бешинчи — йигирма бешинчи хатбошилари тегишинча ўн олтинчи — йигирма олтинчи хатбошилар деб ҳисоблансин.
2. Вазирлар Маҳкамасининг 2021 йил 18 августдаги 527-сон қарори билан тасдиқланган Ўзбекистон Республикаси Молия вазирлиги ҳузуридаги Таълим кредитини молиялаштириш жамғармаси ҳисобидан тижорат банклари орқали олий, ўрта махсус ва профессионал таълим ташкилотларида тўлов-контракт асосида ўқиш учун таълим кредитларини ажратиш тартиби тўғрисидаги низомда :
номида ва 1-банднинг биринчи хатбошисидаги «Молия вазирлиги» сўзлари «Иқтисодиёт ва молия вазирлиги» сўзлари билан алмаштирилсин;
4-банд қуйидаги таҳрирдаги хатбоши билан тўлдирилсин:
«Ўзбекистон Республикаси Президентининг «Қорақалпоғистон Республикасида тадбиркорлик, инновацион технологиялар ва инфратузилмаларни жадал суръатларда ривожлантириш орқали аҳоли фаровонлигини оширишнинг қўшимча чора-тадбирлари тўғрисида» 2022 йил 31 августдаги ПФ-213-сон Фармонининг 10-банди «а» кичик бандида белгиланган қўшимча қабул параметрлари асосида ўқишга қабул қилинган талабаларга ажратилган таълим кредитлари бўйича фоиз тўловлари Жамғарма ҳисобидан қоплаб берилади.».
Ўзбекистон Республикасининг Бош вазири А. АРИПОВ
Тошкент ш.,
2023 йил 14 август,
378-сон
Oʻzbekiston Respublikasi Vazirlar Mahkamasining
qarori
Qoraqalpogʻiston Respublikasining mavjud ijtimoiy-iqtisodiy infratuzilmasi takomillashtirilishi munosabati bilan Vazirlar Mahkamasining ayrim qarorlariga oʻzgartirish va qoʻshimchalar kiritish toʻgʻrisida
Oʻzbekiston Respublikasi Prezidentining “Qoraqalpogʻiston Respublikasida tadbirkorlik, innovatsion texnologiyalar va infratuzilmalarni jadal surʼatlarda rivojlantirish orqali aholi farovonligini oshirishning qoʻshimcha chora-tadbirlari toʻgʻrisida” 2022-yil 31-avgustdagi PF-213-son Farmoniga muvofiq, shuningdek, Qoraqalpogʻiston Respublikasida aholi turmush darajasini oshirish, ishlab chiqarish va investitsiya salohiyatini mustahkamlash, tadbirkorlikni qoʻllab-quvvatlash boʻyicha chora-tadbirlar tizimli davom ettirilishini taʼminlash maqsadida Vazirlar Mahkamasi qaror qiladi:
1. Vazirlar Mahkamasining ayrim qarorlariga ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:
Qoraqalpogʻiston Respublikasidagi dehqon xoʻjaliklari va tomorqa yer egalarining sugʻorish qudugʻini burgʻilash va ishga tushirish bilan bogʻliq xarajatlarini subsidiyalar orqali qoplab berish;
Qoraqalpogʻiston Respublikasidagi umumiy oʻrta, oʻrta-maxsus va professional taʼlim muassasalarini tamomlagan hamda davlat oliy taʼlim muassasalariga qoʻshimcha qabul qilingan yoshlarga taʼlim kreditlarini ajratish.
2. Mazkur qarorning bajarilishini nazorat qilish Qoraqalpogʻiston Respublikasi Vazirlar Kengashi Raisi F.U. Ermanov zimmasiga yuklansin.
Vazirlar Mahkamasining 2023-yil 14-avgustdagi 378-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 2018-yil 7-iyundagi 433-son qarori bilan tasdiqlangan Oʻzbekiston fermer, dehqon xoʻjaliklari va tomorqa yer egalari kengashi huzuridagi Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasi toʻgʻrisidagi nizomning 17-bandida :
quyidagi tahrirdagi oʻn beshinchi xatboshi bilan toʻldirilsin:
“Qoraqalpogʻiston Respublikasidagi dehqon xoʻjaliklari va tomorqa yer egalarining yer maydonlarini sugʻorish uchun chuqurligi 5 metrdan ortiq boʻlgan har bir vertikal sugʻorish qudugʻini burgʻilash va ishga tushirish bilan bogʻliq xarajatlarini qoplashga quduqning har bir metr chuqurligi uchun 100 ming soʻmdan, biroq bazaviy hisoblash miqdorining 50 baravaridan oshmagan miqdorda subsidiyalar ajratiladi;”;
mazkur bandning oʻn beshinchi — yigirma beshinchi xatboshilari tegishincha oʻn oltinchi — yigirma oltinchi xatboshilar deb hisoblansin.
2. Vazirlar Mahkamasining 2021-yil 18-avgustdagi 527-son qarori bilan tasdiqlangan Oʻzbekiston Respublikasi Moliya vazirligi huzuridagi Taʼlim kreditini moliyalashtirish jamgʻarmasi hisobidan tijorat banklari orqali oliy, oʻrta maxsus va professional taʼlim tashkilotlarida toʻlov-kontrakt asosida oʻqish uchun taʼlim kreditlarini ajratish tartibi toʻgʻrisidagi nizomda :
nomida va 1-bandning birinchi xatboshisidagi “Moliya vazirligi” soʻzlari “Iqtisodiyot va moliya vazirligi” soʻzlari bilan almashtirilsin;
4-band quyidagi tahrirdagi xatboshi bilan toʻldirilsin:
“Oʻzbekiston Respublikasi Prezidentining “Qoraqalpogʻiston Respublikasida tadbirkorlik, innovatsion texnologiyalar va infratuzilmalarni jadal surʼatlarda rivojlantirish orqali aholi farovonligini oshirishning qoʻshimcha chora-tadbirlari toʻgʻrisida” 2022-yil 31-avgustdagi PF-213-son Farmonining 10-bandi “a” kichik bandida belgilangan qoʻshimcha qabul parametrlari asosida oʻqishga qabul qilingan talabalarga ajratilgan taʼlim kreditlari boʻyicha foiz toʻlovlari Jamgʻarma hisobidan qoplab beriladi.”.
Oʻzbekiston Respublikasining Bosh vaziri A. ARIPOV
Toshkent sh.,
2023-yil 14-avgust,
378-son