📅 2023-yil 15-avgust · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 15 август · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 15 августа 2023 г. · Указы Президента
Официальный текст. Официальный документ. Редакционные примечания не включены.
📅 15 August 2023 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикасининг миллий қонунчилиги Жаҳон савдо ташкилоти битимларига уйғунлаштирилиши муносабати билан Ўзбекистон Республикаси Президентининг айрим ҳужжатларига ўзгартиришлар киритиш тўғрисида
Ўзбекистон Республикасининг миллий қонунчилигини Жаҳон савдо ташкилоти битимларига мувофиқлаштириш мақсадида:
1. Ўзбекистон Республикаси Президентининг айрим ҳужжатларига иловага мувофиқ қуйидагиларни назарда тутувчи ўзгартиришлар киритилсин:
2024 йил 1 январдан бошлаб алоҳида давлатлардан олиб кириладиган маҳсулотларнинг мувофиқлигини мажбурий баҳолашдан озод этиш тартибини бекор қилиш;
2024 йил 1 январдан бошлаб импорт товарларни давлат тилида маркировка қилиш тартибига ўзгартириш киритиш;
2025 йил 1 январдан бошлаб дори воситаларини ва тиббиёт буюмларини импорт қилишда божхона қийматининг 1,2 фоизи миқдорида божхона расмийлаштируви учун йиғимни бекор қилиш.
2. Инвестициялар, саноат ва савдо вазирлиги ҳамда Иқтисодиёт ва молия вазирлиги:
2023 йил 1 октябрга қадар товарларни импорт қилиш учун лицензия бериш жараёнини автоматлаштириш (рақамлаштириш) бўйича;
2024 йил 1 январга қадар дори воситаларини ва тиббиёт буюмларини импорт қилишда божхона қийматининг 1,2 фоизи миқдорида божхона расмийлаштируви учун йиғим бекор қилиниши муносабати билан тегишли вазифаларни амалга оширишни молиялаштиришнинг муқобил манбалари юзасидан;
2024 йил 1 январга қадар транспорт харажатларини компенсация қилиш учун субсидия бериш тизимини Жаҳон савдо ташкилоти талабларига мослаштириш бўйича Вазирлар Маҳкамасига таклифлар киритсин.
3. Иқтисодиёт ва молия вазирлиги, Божхона қўмитаси 2023 йил 1 ноябрга қадар товарларни «экспорт» ва «импорт» божхона режимларига расмийлаштириш учун ундириладиган божхона йиғимлари ставкаларини Жаҳон савдо ташкилоти талабларига мувофиқ бирхиллаштириш бўйича таклифларни Вазирлар Маҳкамасига киритсин.
4. Белгилансинки:
мазкур Фармон 2024 йил 1 январдан эътиборан кучга киради;
мазкур Фармонга илованинг 1-банди 2025 йил 1 январдан амалга киритилади.
5. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 15 августдаги ПФ-140-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартиришлар
1. Ўзбекистон Республикаси Президентининг 2019 йил 10 апрелдаги «2019 — 2021 йилларда республиканинг фармацевтика тармоғини янада жадал ривожлантириш чора-тадбирлари тўғрисида»ги ПФ-5707-сон Фармонида :
а) 3-банднинг еттинчи хатбошиси чиқариб ташлансин;
б) 7-бандда :
иккинчи хатбоши чиқариб ташлансин;
учинчи ва тўртинчи хатбошилар тегишинча иккинчи ва учинчи хатбошилар деб ҳисоблансин.
2. Ўзбекистон Республикаси Президентининг 2021 йил 7 сентябрдаги «Экспортчи корхоналарни рағбатлантиришга оид қўшимча чора-тадбирлар тўғрисида»ги ПФ-6306-сон Фармонида :
а) 3-бандда :
учинчи хатбоши чиқариб ташлансин;
тўртинчи хатбоши учинчи хатбоши деб ҳисоблансин;
б) 4-банднинг тўртинчи хатбошиси чиқариб ташлансин.
3. Ўзбекистон Республикаси Президентининг 2006 йил 7 ноябрдаги «Алкоголли маҳсулотларни ишлаб чиқариш ва сотиш самарадорлигини оширишга доир қўшимча чора-тадбирлар тўғрисида»ги ПҚ-505-сон қарори 1-бандининг учинчи хатбошиси қуйидаги таҳрирда баён этилсин:
«ишлаб чиқарувчиларга алкоголли маҳсулотни маркировка қилиш учун акциз маркалар фақат улар томонидан акциз маркалар номинал қийматининг 50 фоизи тўлангач берилади».
4. Ўзбекистон Республикаси Президентининг 2018 йил 29 июндаги «Ўзбекистон Республикасининг ташқи иқтисодий фаолиятини янада тартибга солиш ҳамда божхона-тариф жиҳатдан тартибга солиш тизимини такомиллаштириш чора-тадбирлари тўғрисида»ги ПҚ-3818-сон қарори 3-бандининг учинчи хатбошиси қуйидаги таҳрирда баён этилсин:
«товарларнинг «эркин муомалага чиқариш (импорт)» режимига божхона расмийлаштируви учун товарларни давлат тилида мажбурий маркировка қилиш талаб этилмайди. Бунда Вазирлар Маҳкамаси томонидан тасдиқланган рўйхат бўйича импорт қилинадиган истеъмол товарларининг айрим турлари (истеъмол қадоқларига эга бўлмаган ҳамда ўз эҳтиёжи учун олиб келинган товарлардан ташқари) ишлаб чиқарувчи, ишлаб чиқарувчининг ваколатли вакили ва импорт қилувчи томонидан Ўзбекистон Республикасининг давлат тилида (лотин ёзувига асосланган ўзбек алифбосида) маркировка қилинмаган тақдирда, мазкур товарларга мувофиқлик сертификатини ҳамда санитария-эпидемиологик хулосани расмийлаштириш тақиқланади, қонунчилик ҳужжатларида назарда тутилган ҳоллар бундан мустасно».
5. Ўзбекистон Республикаси Президентининг 2018 йил 12 декабрдаги «Техник жиҳатдан тартибга солиш, стандартлаштириш, сертификатлаштириш ва метрология тизимларини янада ривожлантириш чора-тадбирлари тўғрисида»ги ПҚ-4059-сон қарорида :
1-банднинг тўртинчи хатбошиси чиқариб ташлансин;
3-банд ўз кучини йўқотган деб ҳисоблансин.
6. Ўзбекистон Республикаси Президентининг 2022 йил 12 октябрдаги «Саноат ишлаб чиқаришида хомашё узлуксизлигини таъминлаш бўйича қўшимча қулайликларни яратиш чора-тадбирлари тўғрисида»ги ПҚ-392-сон қарорининг 5-бандида :
учинчи хатбоши чиқариб ташлансин;
тўртинчи хатбоши учинчи хатбоши деб ҳисоблансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 15 август,
ПФ-140-сон
Oʻzbekiston Respublikasi Prezidentining
Farmoni
Oʻzbekiston Respublikasining milliy qonunchiligi Jahon savdo tashkiloti bitimlariga uygʻunlashtirilishi munosabati bilan Oʻzbekiston Respublikasi Prezidentining ayrim hujjatlariga oʻzgartirishlar kiritish toʻgʻrisida
Oʻzbekiston Respublikasining milliy qonunchiligini Jahon savdo tashkiloti bitimlariga muvofiqlashtirish maqsadida:
1. Oʻzbekiston Respublikasi Prezidentining ayrim hujjatlariga ilovaga muvofiq quyidagilarni nazarda tutuvchi oʻzgartirishlar kiritilsin:
2024-yil 1-yanvardan boshlab alohida davlatlardan olib kiriladigan mahsulotlarning muvofiqligini majburiy baholashdan ozod etish tartibini bekor qilish;
2024-yil 1-yanvardan boshlab import tovarlarni davlat tilida markirovka qilish tartibiga oʻzgartirish kiritish;
2025-yil 1-yanvardan boshlab dori vositalarini va tibbiyot buyumlarini import qilishda bojxona qiymatining 1,2 foizi miqdorida bojxona rasmiylashtiruvi uchun yigʻimni bekor qilish.
2. Investitsiyalar, sanoat va savdo vazirligi hamda Iqtisodiyot va moliya vazirligi:
2023-yil 1-oktabrga qadar tovarlarni import qilish uchun litsenziya berish jarayonini avtomatlashtirish (raqamlashtirish) boʻyicha;
2024-yil 1-yanvarga qadar dori vositalarini va tibbiyot buyumlarini import qilishda bojxona qiymatining 1,2 foizi miqdorida bojxona rasmiylashtiruvi uchun yigʻim bekor qilinishi munosabati bilan tegishli vazifalarni amalga oshirishni moliyalashtirishning muqobil manbalari yuzasidan;
2024-yil 1-yanvarga qadar transport xarajatlarini kompensatsiya qilish uchun subsidiya berish tizimini Jahon savdo tashkiloti talablariga moslashtirish boʻyicha Vazirlar Mahkamasiga takliflar kiritsin.
3. Iqtisodiyot va moliya vazirligi, Bojxona qoʻmitasi 2023-yil 1-noyabrga qadar tovarlarni “eksport” va “import” bojxona rejimlariga rasmiylashtirish uchun undiriladigan bojxona yigʻimlari stavkalarini Jahon savdo tashkiloti talablariga muvofiq birxillashtirish boʻyicha takliflarni Vazirlar Mahkamasiga kiritsin.
4. Belgilansinki:
mazkur Farmon 2024-yil 1-yanvardan eʼtiboran kuchga kiradi;
mazkur Farmonga ilovaning 1-bandi 2025-yil 1-yanvardan amalga kiritiladi.
5. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 15-avgustdagi PF-140-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar
1. Oʻzbekiston Respublikasi Prezidentining 2019-yil 10-apreldagi “2019 — 2021-yillarda respublikaning farmatsevtika tarmogʻini yanada jadal rivojlantirish chora-tadbirlari toʻgʻrisida”gi PF-5707-son Farmonida :
a) 3-bandning yettinchi xatboshisi chiqarib tashlansin;
b) 7-bandda :
ikkinchi xatboshi chiqarib tashlansin;
uchinchi va toʻrtinchi xatboshilar tegishincha ikkinchi va uchinchi xatboshilar deb hisoblansin.
2. Oʻzbekiston Respublikasi Prezidentining 2021-yil 7-sentabrdagi “Eksportchi korxonalarni ragʻbatlantirishga oid qoʻshimcha chora-tadbirlar toʻgʻrisida”gi PF-6306-son Farmonida :
a) 3-bandda :
uchinchi xatboshi chiqarib tashlansin;
toʻrtinchi xatboshi uchinchi xatboshi deb hisoblansin;
b) 4-bandning toʻrtinchi xatboshisi chiqarib tashlansin.
3. Oʻzbekiston Respublikasi Prezidentining 2006-yil 7-noyabrdagi “Alkogolli mahsulotlarni ishlab chiqarish va sotish samaradorligini oshirishga doir qoʻshimcha chora-tadbirlar toʻgʻrisida”gi PQ-505-son qarori 1-bandining uchinchi xatboshisi quyidagi tahrirda bayon etilsin:
“ishlab chiqaruvchilarga alkogolli mahsulotni markirovka qilish uchun aksiz markalar faqat ular tomonidan aksiz markalar nominal qiymatining 50 foizi toʻlangach beriladi”.
4. Oʻzbekiston Respublikasi Prezidentining 2018-yil 29-iyundagi “Oʻzbekiston Respublikasining tashqi iqtisodiy faoliyatini yanada tartibga solish hamda bojxona-tarif jihatdan tartibga solish tizimini takomillashtirish chora-tadbirlari toʻgʻrisida”gi PQ-3818-son qarori 3-bandining uchinchi xatboshisi quyidagi tahrirda bayon etilsin:
“tovarlarning “erkin muomalaga chiqarish (import)” rejimiga bojxona rasmiylashtiruvi uchun tovarlarni davlat tilida majburiy markirovka qilish talab etilmaydi. Bunda Vazirlar Mahkamasi tomonidan tasdiqlangan roʻyxat boʻyicha import qilinadigan isteʼmol tovarlarining ayrim turlari (isteʼmol qadoqlariga ega boʻlmagan hamda oʻz ehtiyoji uchun olib kelingan tovarlardan tashqari) ishlab chiqaruvchi, ishlab chiqaruvchining vakolatli vakili va import qiluvchi tomonidan Oʻzbekiston Respublikasining davlat tilida (lotin yozuviga asoslangan oʻzbek alifbosida) markirovka qilinmagan taqdirda, mazkur tovarlarga muvofiqlik sertifikatini hamda sanitariya-epidemiologik xulosani rasmiylashtirish taqiqlanadi, qonunchilik hujjatlarida nazarda tutilgan hollar bundan mustasno”.
5. Oʻzbekiston Respublikasi Prezidentining 2018-yil 12-dekabrdagi “Texnik jihatdan tartibga solish, standartlashtirish, sertifikatlashtirish va metrologiya tizimlarini yanada rivojlantirish chora-tadbirlari toʻgʻrisida”gi PQ-4059-son qarorida :
1-bandning toʻrtinchi xatboshisi chiqarib tashlansin;
3-band oʻz kuchini yoʻqotgan deb hisoblansin.
6. Oʻzbekiston Respublikasi Prezidentining 2022-yil 12-oktabrdagi “Sanoat ishlab chiqarishida xomashyo uzluksizligini taʼminlash boʻyicha qoʻshimcha qulayliklarni yaratish chora-tadbirlari toʻgʻrisida”gi PQ-392-son qarorining 5-bandida :
uchinchi xatboshi chiqarib tashlansin;
toʻrtinchi xatboshi uchinchi xatboshi deb hisoblansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 15-avgust,
PF-140-son
Президента Республики Узбекистан
Указ
О внесении изменений в некоторые акты Президента Республики Узбекистан в связи с гармонизацией национального законодательства Республики Узбекистан с соглашениями Всемирной торговой организации
В целях приведения национального законодательства Республики Узбекистан в соответствие с соглашениями Всемирной торговой организации:
1. Внести в некоторые акты Президента Республики Узбекистан изменения согласно приложению , предусматривающие:
отмену порядка освобождения от обязательной оценки соответствия продукции, ввозимой из отдельных государств, начиная с 1 января 2024 года;
внесение изменения в порядок маркировки на государственном языке импортных товаров начиная с 1 января 2024 года;
отмену сбора за таможенное оформление в размере 1,2 процента от таможенной стоимости при импорте лекарственных средств и изделий медицинского назначения начиная с 1 января 2025 года.
2. Министерству инвестиций, промышленности и торговли, Министерству экономики и финансов внести в Кабинет Министров предложения по:
автоматизации (цифровизации) процесса выдачи лицензии для импорта товаров в срок до 1 октября 2023 года;
альтернативным источникам финансирования выполнения соответствующих задач в связи с отменой сбора для таможенного оформления в размере 1,2 процента от таможенной стоимости при импорте лекарственных средств и изделий медицинского назначения в срок до 1 января 2024 года;
приведению системы выдачи субсидии для компенсации транспортных расходов в соответствие с требованиями Всемирной торговой организации в срок до 1 января 2024 года.
3. Министерству экономики и финансов, Таможенному комитету в срок до 1 ноября 2023 года внести в Кабинет Министров предложения по унификации ставок таможенных сборов, взимаемых для оформления товаров в таможенных режимах «экспорт» и «импорт», в соответствии с требованиями Всемирной торговой организации.
4. Установить, что:
настоящий Указ вступает в силу с 1 января 2024 года;
пункт 1 приложения к настоящему Указу вводится в действие с 1 января 2025 года.
5. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 15 августа 2023 года № УП-140
Изменения, вносимые в некоторые акты Президента Республики Узбекистан
1. В Указе Президента Республики Узбекистан от 10 апреля 2019 года № УП-5707 «О дальнейших мерах по ускоренному развитию фармацевтической отрасли республики в 2019 — 2021 годах»:
а) абзац седьмой пункта 3 исключить;
б) в пункте 7 :
абзац второй исключить;
абзацы третий и четвертый считать соответственно абзацами вторым и третьим.
2. В Указе Президента Республики Узбекистан от 7 сентября 2021 года № УП-6306 «О дополнительных мерах по стимулированию предприятий-экспортеров»:
а) в пункте 3 :
абзац третий исключить;
абзац четвертый считать абзацем третьим;
б) абзац четвертый пункта 4 исключить.
3. Абзац третий пункта 1 постановления Президента Республики Узбекистан от 7 ноября 2006 года № ПП-505 «О дополнительных мерах по повышению эффективности производства и реализации алкогольной продукции» изложить в следующей редакции:
«акцизные марки для маркировки алкогольной продукции выдаются производителям только после оплаты ими 50 процентов номинальной стоимости акцизных марок».
4. Абзац третий пункта 3 постановления Президента Республики Узбекистан от 29 июня 2018 года № ПП-3818 «О мерах по дальнейшему упорядочению внешнеэкономической деятельности и совершенствованию системы таможенно-тарифного регулирования Республики Узбекистан» изложить в следующей редакции:
«для таможенного оформления товаров в режим «выпуск для свободного обращения (импорт)» не требуется обязательная маркировка товаров на государственном языке. При этом запрещается оформление сертификата соответствия и санитарно-эпидемиологического заключения на отдельные виды импортируемых потребительских товаров (за исключением товаров, не имеющих потребительской упаковки, и товаров, ввезенных для собственных нужд) по перечню, утвержденному Кабинетом Министров, при ненанесении производителем, уполномоченным представителем производителя и импортером маркировки на данные товары на государственном языке Республики Узбекистан (узбекском алфавите, основанном на латинской графике), за исключением случаев, предусмотренных актами законодательства».
5. В постановлении Президента Республики Узбекистан от 12 декабря 2018 года № ПП-4059 «О мерах по дальнейшему развитию систем технического регулирования, стандартизации, сертификации и метрологии»:
абзац четвертый пункта 1 исключить;
пункт 3 признать утратившим силу.
6. В пункте 5 постановления Президента Республики Узбекистан от 12 октября 2022 года № ПП-392 «О мерах по созданию дополнительных удобств для бесперебойного обеспечения сырьем промышленного производства»:
абзац третий исключить;
абзац четвертый считать абзацем третьим.
Президент Республики Узбекистан Ш. МИРЗИЁЕВ
г. Ташкент,
15 августа 2023 г.,
№ УП-140