UzbekAI

Ўзбекистон Республикасининг Қонуни

«Волонтёрлик фаолияти тўғрисида»ги Ўзбекистон Республикаси Қонунига ўзгартириш ва қўшимчалар киритиш ҳақида

Қонунчилик палатаси томонидан 2023 йил 16 майда қабул қилинган Сенат томонидан 2023 йил 5 августда маъқулланган

Кейинги йилларда мамлакатимизда волонтёрлик фаолиятини ривожлантиришга, фуқароларнинг ижтимоий ташаббусларини қўллаб-қувватлашга, уларнинг ижтимоий вазифаларни ҳал этишдаги масъулиятини, бирдамлигини ва ўзаро ёрдам бериш кўникмаларини кучайтиришга қаратилган ҳуқуқий асослар яратилди.

Шу билан бирга волонтёрлик фаолиятини янада ривожлантириш ушбу фаолиятнинг қўллаб-қувватланишини, волонтёрлик фаолиятини амалга оширувчи субъектлар билан давлат органларининг ҳамкорлиги кучайтирилишини, ижтимоий вазифаларни ҳал қилишда волонтёрларга кўмаклашилишини, уларнинг хизматлари эътироф этилишини ҳамда уларнинг фаолиятини рағбатлантириш механизмлари такомиллаштирилишини талаб қилмоқда.

Ушбу Қонун билан «Волонтёрлик фаолияти тўғрисида»ги Ўзбекистон Республикаси Қонунига Ўзбекистон Республикаси Вазирлар Маҳкамасига ва маҳаллий давлат ҳокимияти органларига волонтёрлик фаолияти соҳасидаги давлат мақсадли дастурларини ишлаб чиқиш, тасдиқлаш ва уларнинг бажарилишини таъминлаш, шунингдек мазкур соҳадаги норматив-ҳуқуқий ҳужжатларни ишлаб чиқиш ва қабул қилиш бўйича ваколатлар берилишини назарда тутувчи ўзгартиришлар киритилмоқда.

Бундан ташқари ушбу Қонун билан Ўзбекистон Республикаси Ёшлар сиёсати ва спорт вазирлиги ҳузуридаги Ёшлар ишлари агентлигини волонтёрлик фаолияти соҳасидаги махсус ваколатли давлат органи этиб белгилаш, унинг мазкур соҳадаги ваколатларини аниқлаштириш, шунингдек республика ижро этувчи ҳокимият органларининг волонтёрликни қўллаб-қувватлаш ва унга кўмаклашиш бўйича ваколатларини аниқлаштириш назарда тутилмоқда.

Ушбу Қонун волонтёрлик фаолиятини қўллаб-қувватлашга, волонтёрлик фаолиятини ривожлантириш соҳасида республика ижро этувчи ҳокимият органларининг ваколатларини белгилашга, шунингдек волонтёрлик фаолиятини янада рағбатлантиришга хизмат қилади.

1-модда. Ўзбекистон Республикасининг 2019 йил 2 декабрда қабул қилинган «Волонтёрлик фаолияти тўғрисида»ги ЎРҚ-585-сонли Қонунига (Ўзбекистон Республикаси Олий Мажлиси палаталарининг Ахборотномаси, 2019 йил, № 12, 879-модда; 2021 йил, 4-сонга илова) қуйидаги ўзгартириш ва қўшимчалар киритилсин:

1) 3-модданинг тўққизинчи хатбошисидаги «давлат ҳокимияти ва бошқаруви органлари» деган сўзлар «давлат ҳокимияти органлари, республика ижро этувчи ҳокимият органлари» деган сўзлар билан алмаштирилсин;

2) 9-модданинг биринчи қисми қуйидаги таҳрирда баён этилсин:

«Ўзбекистон Республикаси Вазирлар Маҳкамаси:

волонтёрлик фаолияти соҳасида ягона давлат сиёсати амалга оширилишини таъминлайди;

волонтёрлик фаолияти соҳасидаги давлат мақсадли дастурларини тасдиқлайди ва уларнинг бажарилишини таъминлайди;

волонтёрлик фаолияти соҳасидаги норматив-ҳуқуқий ҳужжатларни ўз ваколатлари доирасида қабул қилади;

волонтёрлик фаолияти соҳасидаги давлат сиёсатини амалга оширувчи республика ижро этувчи ҳокимият органларининг ишини йўналтиради ва мувофиқлаштиради;

волонтёрлик фаолиятини қўллаб-қувватлаш ва рағбатлантириш механизмларини ишлаб чиқади;

волонтёрлик фаолияти соҳасида халқаро ҳамкорликни ривожлантиришга ва тажриба алмашишга кўмаклашади»;

3) қуйидаги мазмундаги 9 1 ва 9 2 -моддалар билан тўлдирилсин:

«9 1 -модда. Махсус ваколатли давлат органининг волонтёрлик фаолияти соҳасидаги ваколатлари

Ўзбекистон Республикаси Ёшлар сиёсати ва спорт вазирлиги ҳузуридаги Ёшлар ишлари агентлиги волонтёрлик фаолияти соҳасидаги махсус ваколатли давлат органидир (бундан буён матнда махсус ваколатли давлат органи деб юритилади).

Махсус ваколатли давлат органи:

волонтёрлик фаолияти соҳасидаги давлат сиёсатини амалга оширишда иштирок этади;

волонтёрлик фаолияти соҳасидаги норматив-ҳуқуқий ҳужжатлар лойиҳаларини ўз ваколатлари доирасида ишлаб чиқади;

волонтёрлик фаолияти соҳасидаги давлат мақсадли дастурларини ишлаб чиқади ва амалга оширади;

волонтёрлик фаолияти соҳасидаги қонунчиликни такомиллаштириш бўйича таклифлар киритади;

волонтёрлик фаолиятини ахборот ва маслаҳат жиҳатидан, шунингдек ўқув-услубий жиҳатдан ўз ваколатлари доирасида қўллаб-қувватлайди;

жисмоний ва юридик шахслар, шунингдек давлат органлари билан волонтёрлик фаолияти соҳасида ҳамкорлик қилади;

волонтёрлик фаолияти соҳасидаги халқаро ҳамкорликни ривожлантириш бўйича чора-тадбирларни амалга оширади.

Махсус ваколатли давлат органи қонунчиликка мувофиқ бошқа ваколатларни ҳам амалга ошириши мумкин.

9 2 -модда. Республика ижро этувчи ҳокимият органларининг волонтёрлик фаолияти соҳасидаги ваколатлари

Республика ижро этувчи ҳокимият органлари:

волонтёрлик фаолияти соҳасидаги давлат сиёсатини амалга оширишда иштирок этади;

волонтёрлик фаолияти соҳасидаги норматив-ҳуқуқий ҳужжатлар лойиҳаларини ишлаб чиқишда ўз ваколатлари доирасида иштирок этади;

волонтёрлик фаолияти соҳасидаги давлат мақсадли дастурларини ўз ваколатлари доирасида амалга оширади;

жисмоний ва юридик шахслар, шунингдек давлат органлари билан волонтёрлик фаолияти соҳасида ҳамкорлик қилади.

Республика ижро этувчи ҳокимият органлари қонунчиликка мувофиқ бошқа ваколатларни ҳам амалга ошириши мумкин.

Республика ижро этувчи ҳокимият органлари волонтёрлик фаолияти соҳасидаги лойиҳаларни амалга ошириш учун давлат ижтимоий буюртмаларини бериши мумкин»;

4) 10-модданинг биринчи қисми :

қуйидаги мазмундаги тўртинчи ва бешинчи хатбошилар билан тўлдирилсин:

«волонтёрлик фаолияти соҳасидаги норматив-ҳуқуқий ҳужжатлар лойиҳаларини ишлаб чиқишда ўз ваколатлари доирасида иштирок этади;

волонтёрлик фаолияти соҳасидаги давлат мақсадли дастурларини ўз ваколатлари доирасида амалга оширади»;

тўртинчи ва бешинчи хатбошилари тегишинча олтинчи ва еттинчи хатбошилар деб ҳисоблансин;

5) 14-модданинг тўртинчи қисми «шунингдек энг кўп ўзини кўрсатган волонтёрларни рағбатлантириш ва (ёки) мукофотлаш учун номзодларни» деган сўзлардан кейин «махсус ваколатли давлат органига» деган сўзлар билан тўлдирилсин;

6) 19-модда :

қуйидаги мазмундаги иккинчи қисм билан тўлдирилсин:

«Махсус ваколатли давлат органи волонтёрларнинг волонтёрлик фаолияти соҳасидаги хизматларини эътироф этишга доир тадбирларни ўтказади»;

иккинчи қисми учинчи қисм деб ҳисоблансин;

7) 24-модданинг учинчи хатбошисидаги «давлат бошқаруви органлари» деган сўзлар «республика ижро этувчи ҳокимият органлари» деган сўзлар билан алмаштирилсин.

2-модда. Ўзбекистон Республикаси Ёшлар сиёсати ва спорт вазирлиги ҳузуридаги Ёшлар ишлари агентлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

3-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.

4-модда. Ушбу Қонун расмий эълон қилинган кундан эътиборан кучга киради.

Ўзбекистон Республикасининг Президенти Ш. МИРЗИЁЕВ

Тошкент ш.,

2023 йил 18 август,

ЎРҚ-863-сон

(Қонунчилик маълумотлари миллий базаси, 19.08.2023 й., 03/23/863/0627-сон)

lex.uz

Oʻzbekiston Respublikasining Qonuni

“Volontyorlik faoliyati toʻgʻrisida”gi Oʻzbekiston Respublikasi Qonuniga oʻzgartirish va qoʻshimchalar kiritish haqida

Qonunchilik palatasi tomonidan 2023-yil 16-mayda qabul qilingan Senat tomonidan 2023-yil 5-avgustda maʼqullangan

Keyingi yillarda mamlakatimizda volontyorlik faoliyatini rivojlantirishga, fuqarolarning ijtimoiy tashabbuslarini qoʻllab-quvvatlashga, ularning ijtimoiy vazifalarni hal etishdagi masʼuliyatini, birdamligini va oʻzaro yordam berish koʻnikmalarini kuchaytirishga qaratilgan huquqiy asoslar yaratildi.

Shu bilan birga volontyorlik faoliyatini yanada rivojlantirish ushbu faoliyatning qoʻllab-quvvatlanishini, volontyorlik faoliyatini amalga oshiruvchi subyektlar bilan davlat organlarining hamkorligi kuchaytirilishini, ijtimoiy vazifalarni hal qilishda volontyorlarga koʻmaklashilishini, ularning xizmatlari eʼtirof etilishini hamda ularning faoliyatini ragʻbatlantirish mexanizmlari takomillashtirilishini talab qilmoqda.

Ushbu Qonun bilan “Volontyorlik faoliyati toʻgʻrisida”gi Oʻzbekiston Respublikasi Qonuniga Oʻzbekiston Respublikasi Vazirlar Mahkamasiga va mahalliy davlat hokimiyati organlariga volontyorlik faoliyati sohasidagi davlat maqsadli dasturlarini ishlab chiqish, tasdiqlash va ularning bajarilishini taʼminlash, shuningdek mazkur sohadagi normativ-huquqiy hujjatlarni ishlab chiqish va qabul qilish boʻyicha vakolatlar berilishini nazarda tutuvchi oʻzgartirishlar kiritilmoqda.

Bundan tashqari ushbu Qonun bilan Oʻzbekiston Respublikasi Yoshlar siyosati va sport vazirligi huzuridagi Yoshlar ishlari agentligini volontyorlik faoliyati sohasidagi maxsus vakolatli davlat organi etib belgilash, uning mazkur sohadagi vakolatlarini aniqlashtirish, shuningdek respublika ijro etuvchi hokimiyat organlarining volontyorlikni qoʻllab-quvvatlash va unga koʻmaklashish boʻyicha vakolatlarini aniqlashtirish nazarda tutilmoqda.

Ushbu Qonun volontyorlik faoliyatini qoʻllab-quvvatlashga, volontyorlik faoliyatini rivojlantirish sohasida respublika ijro etuvchi hokimiyat organlarining vakolatlarini belgilashga, shuningdek volontyorlik faoliyatini yanada ragʻbatlantirishga xizmat qiladi.

1-modda. Oʻzbekiston Respublikasining 2019-yil 2-dekabrda qabul qilingan “Volontyorlik faoliyati toʻgʻrisida”gi OʻRQ-585-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2019-yil, № 12, 879-modda; 2021-yil, 4-songa ilova) quyidagi oʻzgartirish va qoʻshimchalar kiritilsin:

1) 3-moddaning toʻqqizinchi xatboshisidagi “davlat hokimiyati va boshqaruvi organlari” degan soʻzlar “davlat hokimiyati organlari, respublika ijro etuvchi hokimiyat organlari” degan soʻzlar bilan almashtirilsin;

2) 9-moddaning birinchi qismi quyidagi tahrirda bayon etilsin:

“Oʻzbekiston Respublikasi Vazirlar Mahkamasi:

volontyorlik faoliyati sohasida yagona davlat siyosati amalga oshirilishini taʼminlaydi;

volontyorlik faoliyati sohasidagi davlat maqsadli dasturlarini tasdiqlaydi va ularning bajarilishini taʼminlaydi;

volontyorlik faoliyati sohasidagi normativ-huquqiy hujjatlarni oʻz vakolatlari doirasida qabul qiladi;

volontyorlik faoliyati sohasidagi davlat siyosatini amalga oshiruvchi respublika ijro etuvchi hokimiyat organlarining ishini yoʻnaltiradi va muvofiqlashtiradi;

volontyorlik faoliyatini qoʻllab-quvvatlash va ragʻbatlantirish mexanizmlarini ishlab chiqadi;

volontyorlik faoliyati sohasida xalqaro hamkorlikni rivojlantirishga va tajriba almashishga koʻmaklashadi”;

3) quyidagi mazmundagi 9 1 va 9 2 -moddalar bilan toʻldirilsin:

“9 1 -modda. Maxsus vakolatli davlat organining volontyorlik faoliyati sohasidagi vakolatlari

Oʻzbekiston Respublikasi Yoshlar siyosati va sport vazirligi huzuridagi Yoshlar ishlari agentligi volontyorlik faoliyati sohasidagi maxsus vakolatli davlat organidir (bundan buyon matnda maxsus vakolatli davlat organi deb yuritiladi).

Maxsus vakolatli davlat organi:

volontyorlik faoliyati sohasidagi davlat siyosatini amalga oshirishda ishtirok etadi;

volontyorlik faoliyati sohasidagi normativ-huquqiy hujjatlar loyihalarini oʻz vakolatlari doirasida ishlab chiqadi;

volontyorlik faoliyati sohasidagi davlat maqsadli dasturlarini ishlab chiqadi va amalga oshiradi;

volontyorlik faoliyati sohasidagi qonunchilikni takomillashtirish boʻyicha takliflar kiritadi;

volontyorlik faoliyatini axborot va maslahat jihatidan, shuningdek oʻquv-uslubiy jihatdan oʻz vakolatlari doirasida qoʻllab-quvvatlaydi;

jismoniy va yuridik shaxslar, shuningdek davlat organlari bilan volontyorlik faoliyati sohasida hamkorlik qiladi;

volontyorlik faoliyati sohasidagi xalqaro hamkorlikni rivojlantirish boʻyicha chora-tadbirlarni amalga oshiradi.

Maxsus vakolatli davlat organi qonunchilikka muvofiq boshqa vakolatlarni ham amalga oshirishi mumkin.

9 2 -modda. Respublika ijro etuvchi hokimiyat organlarining volontyorlik faoliyati sohasidagi vakolatlari

Respublika ijro etuvchi hokimiyat organlari:

volontyorlik faoliyati sohasidagi davlat siyosatini amalga oshirishda ishtirok etadi;

volontyorlik faoliyati sohasidagi normativ-huquqiy hujjatlar loyihalarini ishlab chiqishda oʻz vakolatlari doirasida ishtirok etadi;

volontyorlik faoliyati sohasidagi davlat maqsadli dasturlarini oʻz vakolatlari doirasida amalga oshiradi;

jismoniy va yuridik shaxslar, shuningdek davlat organlari bilan volontyorlik faoliyati sohasida hamkorlik qiladi.

Respublika ijro etuvchi hokimiyat organlari qonunchilikka muvofiq boshqa vakolatlarni ham amalga oshirishi mumkin.

Respublika ijro etuvchi hokimiyat organlari volontyorlik faoliyati sohasidagi loyihalarni amalga oshirish uchun davlat ijtimoiy buyurtmalarini berishi mumkin”;

4) 10-moddaning birinchi qismi :

quyidagi mazmundagi toʻrtinchi va beshinchi xatboshilar bilan toʻldirilsin:

“volontyorlik faoliyati sohasidagi normativ-huquqiy hujjatlar loyihalarini ishlab chiqishda oʻz vakolatlari doirasida ishtirok etadi;

volontyorlik faoliyati sohasidagi davlat maqsadli dasturlarini oʻz vakolatlari doirasida amalga oshiradi”;

toʻrtinchi va beshinchi xatboshilari tegishincha oltinchi va yettinchi xatboshilar deb hisoblansin;

5) 14-moddaning toʻrtinchi qismi “shuningdek eng koʻp oʻzini koʻrsatgan volontyorlarni ragʻbatlantirish va (yoki) mukofotlash uchun nomzodlarni” degan soʻzlardan keyin “maxsus vakolatli davlat organiga” degan soʻzlar bilan toʻldirilsin;

6) 19-modda :

quyidagi mazmundagi ikkinchi qism bilan toʻldirilsin:

“Maxsus vakolatli davlat organi volontyorlarning volontyorlik faoliyati sohasidagi xizmatlarini eʼtirof etishga doir tadbirlarni oʻtkazadi”;

ikkinchi qismi uchinchi qism deb hisoblansin;

7) 24-moddaning uchinchi xatboshisidagi “davlat boshqaruvi organlari” degan soʻzlar “respublika ijro etuvchi hokimiyat organlari” degan soʻzlar bilan almashtirilsin.

2-modda. Oʻzbekiston Respublikasi Yoshlar siyosati va sport vazirligi huzuridagi Yoshlar ishlari agentligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

3-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

4-modda. Ushbu Qonun rasmiy eʼlon qilingan kundan eʼtiboran kuchga kiradi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2023-yil 18-avgust,

OʻRQ-863-son

(Qonunchilik maʼlumotlari milliy bazasi, 19.08.2023-y., 03/23/863/0627-son)

lex.uz

Закон Республики Узбекистан

О внесении изменений и дополнений в Закон Республики Узбекистан «О волонтерской деятельности»

Принят Законодательной палатой 16 мая 2023 года Одобрен Сенатом 5 августа 2023 года

В последние годы в нашей стране созданы правовые основы, направленные на развитие волонтерской деятельности, поддержку социальных инициатив граждан, усиление их ответственности, солидарности и навыков взаимопомощи в решении социальных задач.

Вместе с тем дальнейшее развитие волонтерской деятельности требует поддержки этой деятельности, усиления сотрудничества государственных органов с субъектами, осуществляющими волонтерскую деятельность, содействия волонтерам в решении социальных задач, признания их заслуг и совершенствования механизмов поощрения их деятельности.

Настоящим Законом вносятся изменения в Закон Республики Узбекистан «О волонтерской деятельности», предусматривающие наделение Кабинета Министров Республики Узбекистан и органов государственной власти на местах полномочиями по разработке, утверждению государственных целевых программ в сфере волонтерской деятельности и обеспечению их выполнения, а также по разработке и принятию нормативно-правовых актов в данной сфере.

Кроме того, настоящим Законом предусматривается определение Агентства по делам молодежи при Министерстве молодежной политики и спорта Республики Узбекистан специально уполномоченным государственным органом в сфере волонтерской деятельности, уточнение его полномочий в данной сфере, а также конкретизация полномочий республиканских органов исполнительной власти по поддержке и оказанию содействия волонтерству.

Настоящий Закон послужит поддержке волонтерской деятельности, определению полномочий республиканских органов исполнительной власти в сфере развития волонтерской деятельности, а также дальнейшему поощрению волонтерской деятельности.

Статья 1. Внести в Закон Республики Узбекистан от 2 декабря 2019 года № ЗРУ-585 «О волонтерской деятельности» (Ведомости палат Олий Мажлиса Республики Узбекистан, 2019 г., № 12, ст. 879; 2021 г., приложение к № 4) следующие изменения и дополнения:

1) в абзаце девятом статьи 3 слова «органы государственной власти и управления» заменить словами «органы государственной власти, республиканские органы исполнительной власти»;

2) часть первую статьи 9 изложить в следующей редакции:

«Кабинет Министров Республики Узбекистан:

обеспечивает осуществление единой государственной политики в сфере волонтерской деятельности;

утверждает государственные целевые программы в сфере волонтерской деятельности и обеспечивает их выполнение;

принимает нормативно-правовые акты в сфере волонтерской деятельности в пределах своих полномочий;

направляет и координирует работу республиканских органов исполнительной власти, осуществляющих государственную политику в сфере волонтерской деятельности;

разрабатывает механизмы поддержки и стимулирования волонтерской деятельности;

содействует развитию международного сотрудничества и обмену опытом в сфере волонтерской деятельности»;

3) дополнить статьями 9 1 и 9 2 следующего содержания:

«Статья 9 1 . Полномочия специально уполномоченного государственного органа в сфере волонтерской деятельности

Агентство по делам молодежи при Министерстве молодежной политики и спорта Республики Узбекистан является специально уполномоченным государственным органом в сфере волонтерской деятельности (далее — специально уполномоченный государственный орган).

Специально уполномоченный государственный орган:

участвует в реализации государственной политики в сфере волонтерской деятельности;

разрабатывает проекты нормативно-правовых актов в сфере волонтерской деятельности в пределах своих полномочий;

разрабатывает и реализует государственные целевые программы в сфере волонтерской деятельности;

вносит предложения по совершенствованию законодательства в сфере волонтерской деятельности;

оказывает информационную и консультативную, а также учебно-методическую поддержку волонтерской деятельности в пределах своих полномочий;

сотрудничает с физическими и юридическими лицами, а также государственными органами в сфере волонтерской деятельности;

реализует меры по развитию международного сотрудничества в сфере волонтерской деятельности.

Специально уполномоченный государственный орган может осуществлять и иные полномочия в соответствии с законодательством.

Статья 9 2 . Полномочия республиканских органов исполнительной власти в сфере волонтерской деятельности

Республиканские органы исполнительной власти:

участвуют в реализации государственной политики в сфере волонтерской деятельности;

участвуют в разработке проектов нормативно-правовых актов в сфере волонтерской деятельности в пределах своих полномочий;

реализуют государственные целевые программы в сфере волонтерской деятельности в пределах своих полномочий;

сотрудничают с физическими и юридическими лицами, а также государственными органами в сфере волонтерской деятельности.

Республиканские органы исполнительной власти могут осуществлять и иные полномочия в соответствии с законодательством.

Республиканские органы исполнительной власти могут предоставлять государственные социальные заказы на реализацию проектов в сфере волонтерской деятельности»;

4) в части первой статьи 10:

дополнить абзацами четвертым и пятым следующего содержания:

«участвуют в разработке проектов нормативно-правовых актов в сфере волонтерской деятельности в пределах своих полномочий;

реализуют государственные целевые программы в сфере волонтерской деятельности в пределах своих полномочий»;

абзацы четвертый и пятый считать соответственно абзацами шестым и седьмым;

5) часть четвертую статьи 14 после слов «а также представляет кандидатуры для поощрения и (или) награждения наиболее отличившихся волонтеров» дополнить словами «специально уполномоченному государственному органу»;

6) в статье 19 :

дополнить частью второй следующего содержания:

«Специально уполномоченный государственный орган проводит мероприятия по признанию заслуг волонтеров в сфере волонтерской деятельности»;

часть вторую считать частью третьей;

7) в абзаце третьем статьи 24 слова «органами государственного управления» заменить словами «республиканскими органами исполнительной власти».

Статья 2. Агентству по делам молодежи при Министерстве молодежной политики и спорта Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.

Статья 3. Кабинету Министров Республики Узбекистан:

привести решения правительства в соответствие с настоящим Законом;

обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.

Статья 4. Настоящий Закон вступает в силу со дня его официального опубликования.

Президент Республики Узбекистан Ш. МИРЗИЁЕВ

г. Ташкент,

18 августа 2023 г.,

№ ЗРУ-863

(Национальная база данных законодательства, 19.08.2023 г., № 03/23/863/0627)

lex.uz