📅 2023-yil 18-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 18 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 18 августа 2023 г. · Постановления Президента
Официальный текст. Официальный документ. Редакционные примечания не включены.
📅 18 August 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
Давлат иштирокидаги корхоналар ва тижорат банкларини ислоҳ қилиш механизмини такомиллаштириш бўйича қўшимча чора-тадбирлари тўғрисида
Давлат улушига эга тижорат банклари ва корхоналарни трансформация қилиш ва уларни хусусийлаштириш бўйича вазифаларни амалга ошириш мақсадида:
1. Ўзбекистон Республикаси Президентининг 2023 йил 1 мартдаги «Давлат иштирокидаги корхоналарни ислоҳ қилиш жараёнларини жадаллаштириш чора-тадбирлари тўғрисида»ги ПҚ-83-сон қарорининг иловасида кўрсатилган давлат иштирокидаги йирик корхоналар ва тижорат банклари, шунингдек «UzAssets» инвестиция компанияси устав капиталидаги давлат акция (улушлари) пакетлари Иқтисодиёт ва молия вазирлигига ўтказилсин.
Тикланиш ва тараққиёт жамғармаси икки ҳафта муддатда 1-иловага асосан рўйхатга мувофиқ ташкилотлар устав капиталидаги ўзига тегишли давлат акция пакетлари бўйича акциядор ваколатларини амалга ошириш ва бошқариш функцияларини ишончнома асосида чекланмаган муддатга Иқтисодиёт ва молия вазирлигига берилишини таъминласин.
Иқтисодиёт ва молия вазирлигига мазкур бандда назарда тутилган йирик корхоналар ва тижорат банкларини ислоҳ қилиш ваколатлари ва вазифалари юклатилсин.
2. Стратегик ислоҳотлар агентлиги, Давлат активларини бошқариш агентлиги икки ҳафта муддатда мазкур қарорда назарда тутилган акция пакетларининг (улушларнинг) Иқтисодиёт ва молия вазирлигига ўтказилишини таъминласин.
Тикланиш ва тараққиёт жамғармасига тегишли акциялар бўйича барча акциядорлик масалалари юзасидан қарорлар Иқтисодиёт ва молия вазирлиги томонидан мустақил қабул қилинади.
Бунда, ташкилотларнинг устав капиталидаги Тикланиш ва тараққиёт жамғармасига тегишли акция пакетлари (улушлари) бўйича дивидендлар ҳамда ушбу акция пакетлари сотилишидан тушадиган маблағлар Тикланиш ва тараққиёт жамғармасига ўтказилади.
3. Иқтисодиёт ва молия вазирлиги (Ж. Қўчқоров):
а) бир ой муддатда «UzAssets» инвестиция компанияси ташкилий тузилмаси ва ички корпоратив ҳужжатларини, ижроия органи ва кузатув кенгаши таркибини қайта тасдиқласин;
б) 2023 йил 31 декабрга қадар:
«UzAssets» инвестиция компанияси билан биргаликда компания ҳамда унинг бошқарувидаги ҳар бир корхона ва тижорат банкининг трансформациясига консультантлар жалб қилсин ҳамда уларни ислоҳ қилиш графигини тасдиқласин;
халқаро молия институтлари ва консультантлари билан биргаликда йирик давлат корхоналари ва тижорат банкларини трансформация қилишнинг кейинги босқичини амалга оширишга, шу жумладан замонавий операцион моделларини жорий этишга қаратилган қарор лойиҳасини ишлаб чиқиб, тасдиқлашга киритсин;
в) 2023 йил 1 декабрга қадар «UzAssets» инвестиция компанияси томонидан унга бошқарувга берилган ташкилотларнинг 2024 йил учун бизнес-режаларининг тасдиқланишини таъминласин;
г) «UzAssets» инвестиция компанияси, давлат иштирокидаги йирик корхоналар ва тижорат банклари раҳбарлик лавозимларига хорижий мутахассисларни тайинлаш бўйича Вазирлар Маҳкамасига таклифлар киритсин.
4. Иқтисодиёт ва молия вазирлиги ҳамда «UzAssets» инвестиция компаниясининг давлат иштирокидаги корхоналарни ислоҳ қилиш ва бошқариш билан боғлиқ харажатларини молиялаштириш манбалари этиб қуйидагилар белгилансин:
мазкур қарорда кўзда тутилган давлат иштирокидаги корхоналар ва тижорат банклари томонидан давлат улуши бўйича ҳисобланган дивидендлар (бундан Ўзбекистон Республикаси Давлат бюджетига ҳамда Тикланиш ва тараққиёт жамғармасига ўтказиладиган қисми мустасно);
халқаро молия институтларидан давлат молиясини ва давлат корхоналарини бошқаришни кучайтиришга, уларни хусусийлаштиришга қаратилган институционал ривожланиш, бозор ислоҳотларини ривожлантириш сиёсатини қўллаб-қувватлаш ва бошқа мақсадлар учун жалб қилинадиган маблағлар;
қонунчилик ҳужжатларида тақиқланмаган бошқа манбалар.
5. Давлат активларини бошқариш агентлиги (А. Ортиқов) икки ҳафта муддатда «UzAssets» инвестиция компаниясини жойлаштириш бўйича таклифларни Вазирлар Маҳкамасига киритсин.
6. Ўзбекистон Республикаси Президентининг 2023 йил 1 мартдаги «Давлат иштирокидаги корхоналарни ислоҳ қилиш жараёнларини жадаллаштириш чора-тадбирлари тўғрисида»ги ПҚ-83-сон қарорига 2-иловага мувофиқ ўзгартиришлар киритилсин.
7. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 18 августдаги ПҚ-283-сон қарорига 1-ИЛОВА
Тикланиш ва тараққиёт жамғармасининг давлат акция пакети (улуши) бўйича акциядор (иштирокчи) функцияси мавжуд ташкилотлар
Т/р Ташкилот номи Улуши, % 1. «Агробанк» АТБ 46,3 2. «Асакабанк» АТБ 88,2 3. «Ўзсаноатқурилишбанк» АТБ 82,1 4. «Халқ банки» АТ 78,5 5. «Туронбанк» АТБ 90,1 6. «Қишлоққурилишбанк» АТБ 23,9 7. «Алоқабанк» АТБ 54,5 8. «Ўзмиллий банк» АЖ 59,3 9. «Микрокредитбанк» АТБ 28,2 10. «Ўзбекистон металлургия комбинати» АЖ 37,0
Ўзбекистон Республикаси Президентининг 2023 йил 18 августдаги ПҚ-283-сон қарорига 2-ИЛОВА
Ўзбекистон Республикаси Президентининг 2023 йил 1 мартдаги «Давлат иштирокидаги корхоналарни ислоҳ қилиш жараёнларини жадаллаштириш чора-тадбирлари тўғрисида»ги ПҚ-83-сон қарорига киритилаётган ўзгартиришлар
1. 1-банднинг иккинчи хатбошиси қуйидаги таҳрирда баён этилсин:
«Иқтисодиёт ва молия вазирлигига мазкур корхоналарни ислоҳ қилиш вазифаси юклансин»;
2. 2-банднинг иккинчи хатбошисидаги «Стратегик ислоҳотлар агентлиги» сўзлари «Иқтисодиёт ва молия вазирлиги» сўзлари билан алмаштирилсин;
3. 3-банднинг биринчи хатбошисидаги «Стратегик ислоҳотлар агентлигининг» сўзлари «Иқтисодиёт ва молия вазирлигининг» сўзлари билан алмаштирилсин;
4. 4 , 5 ва 6-бандлар ўз кучини йўқотган деб ҳисоблансин;
5. Илованинг изоҳ қисмидаги «Стратегик ислоҳотлар агентлигига» сўзлари «Иқтисодиёт ва молия вазирлигига» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 18 август,
ПҚ-283-сон
Oʻzbekiston Respublikasi Prezidentining
Qarori
ROʻYXATI
Davlat ishtirokidagi korxonalar va tijorat banklarini isloh qilish mexanizmini takomillashtirish boʻyicha qoʻshimcha chora-tadbirlari toʻgʻrisida
Davlat ulushiga ega tijorat banklari va korxonalarni transformatsiya qilish va ularni xususiylashtirish boʻyicha vazifalarni amalga oshirish maqsadida:
1. Oʻzbekiston Respublikasi Prezidentining 2023-yil 1-martdagi “Davlat ishtirokidagi korxonalarni isloh qilish jarayonlarini jadallashtirish chora-tadbirlari toʻgʻrisida”gi PQ-83-son qarorining ilovasida koʻrsatilgan davlat ishtirokidagi yirik korxonalar va tijorat banklari, shuningdek “UzAssets” investitsiya kompaniyasi ustav kapitalidagi davlat aksiya (ulushlari) paketlari Iqtisodiyot va moliya vazirligiga oʻtkazilsin.
Tiklanish va taraqqiyot jamgʻarmasi ikki hafta muddatda 1-ilovaga asosan roʻyxatga muvofiq tashkilotlar ustav kapitalidagi oʻziga tegishli davlat aksiya paketlari boʻyicha aksiyador vakolatlarini amalga oshirish va boshqarish funksiyalarini ishonchnoma asosida cheklanmagan muddatga Iqtisodiyot va moliya vazirligiga berilishini taʼminlasin.
Iqtisodiyot va moliya vazirligiga mazkur bandda nazarda tutilgan yirik korxonalar va tijorat banklarini isloh qilish vakolatlari va vazifalari yuklatilsin.
2. Strategik islohotlar agentligi, Davlat aktivlarini boshqarish agentligi ikki hafta muddatda mazkur qarorda nazarda tutilgan aksiya paketlarining (ulushlarning) Iqtisodiyot va moliya vazirligiga oʻtkazilishini taʼminlasin.
Tiklanish va taraqqiyot jamgʻarmasiga tegishli aksiyalar boʻyicha barcha aksiyadorlik masalalari yuzasidan qarorlar Iqtisodiyot va moliya vazirligi tomonidan mustaqil qabul qilinadi.
Bunda, tashkilotlarning ustav kapitalidagi Tiklanish va taraqqiyot jamgʻarmasiga tegishli aksiya paketlari (ulushlari) boʻyicha dividendlar hamda ushbu aksiya paketlari sotilishidan tushadigan mablagʻlar Tiklanish va taraqqiyot jamgʻarmasiga oʻtkaziladi.
3. Iqtisodiyot va moliya vazirligi (J. Qoʻchqorov):
a) bir oy muddatda “UzAssets” investitsiya kompaniyasi tashkiliy tuzilmasi va ichki korporativ hujjatlarini, ijroiya organi va kuzatuv kengashi tarkibini qayta tasdiqlasin;
b) 2023-yil 31-dekabrga qadar:
“UzAssets” investitsiya kompaniyasi bilan birgalikda kompaniya hamda uning boshqaruvidagi har bir korxona va tijorat bankining transformatsiyasiga konsultantlar jalb qilsin hamda ularni isloh qilish grafigini tasdiqlasin;
xalqaro moliya institutlari va konsultantlari bilan birgalikda yirik davlat korxonalari va tijorat banklarini transformatsiya qilishning keyingi bosqichini amalga oshirishga, shu jumladan zamonaviy operatsion modellarini joriy etishga qaratilgan qaror loyihasini ishlab chiqib, tasdiqlashga kiritsin;
v) 2023-yil 1-dekabrga qadar “UzAssets” investitsiya kompaniyasi tomonidan unga boshqaruvga berilgan tashkilotlarning 2024-yil uchun biznes-rejalarining tasdiqlanishini taʼminlasin;
g) “UzAssets” investitsiya kompaniyasi, davlat ishtirokidagi yirik korxonalar va tijorat banklari rahbarlik lavozimlariga xorijiy mutaxassislarni tayinlash boʻyicha Vazirlar Mahkamasiga takliflar kiritsin.
4. Iqtisodiyot va moliya vazirligi hamda “UzAssets” investitsiya kompaniyasining davlat ishtirokidagi korxonalarni isloh qilish va boshqarish bilan bogʻliq xarajatlarini moliyalashtirish manbalari etib quyidagilar belgilansin:
mazkur qarorda koʻzda tutilgan davlat ishtirokidagi korxonalar va tijorat banklari tomonidan davlat ulushi boʻyicha hisoblangan dividendlar (bundan Oʻzbekiston Respublikasi Davlat budjetiga hamda Tiklanish va taraqqiyot jamgʻarmasiga oʻtkaziladigan qismi mustasno);
xalqaro moliya institutlaridan davlat moliyasini va davlat korxonalarini boshqarishni kuchaytirishga, ularni xususiylashtirishga qaratilgan institutsional rivojlanish, bozor islohotlarini rivojlantirish siyosatini qoʻllab-quvvatlash va boshqa maqsadlar uchun jalb qilinadigan mablagʻlar;
qonunchilik hujjatlarida taqiqlanmagan boshqa manbalar.
5. Davlat aktivlarini boshqarish agentligi (A. Ortiqov) ikki hafta muddatda “UzAssets” investitsiya kompaniyasini joylashtirish boʻyicha takliflarni Vazirlar Mahkamasiga kiritsin.
6. Oʻzbekiston Respublikasi Prezidentining 2023-yil 1-martdagi “Davlat ishtirokidagi korxonalarni isloh qilish jarayonlarini jadallashtirish chora-tadbirlari toʻgʻrisida”gi PQ-83-son qaroriga 2-ilovaga muvofiq oʻzgartirishlar kiritilsin.
7. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 18-avgustdagi PQ-283-son qaroriga 1-ILOVA
Tiklanish va taraqqiyot jamgʻarmasining davlat aksiya paketi (ulushi) boʻyicha aksiyador (ishtirokchi) funksiyasi mavjud tashkilotlar
T/r Tashkilot nomi Ulushi, % 1. “Agrobank” ATB 46,3 2. “Asakabank” ATB 88,2 3. “Oʻzsanoatqurilishbank” ATB 82,1 4. “Xalq banki” AT 78,5 5. “Turonbank” ATB 90,1 6. “Qishloqqurilishbank” ATB 23,9 7. “Aloqabank” ATB 54,5 8. “Oʻzmilliy bank” AJ 59,3 9. “Mikrokreditbank” ATB 28,2 10. “Oʻzbekiston metallurgiya kombinati” AJ 37,0
Oʻzbekiston Respublikasi Prezidentining 2023-yil 18-avgustdagi PQ-283-son qaroriga 2-ILOVA
Oʻzbekiston Respublikasi Prezidentining 2023-yil 1-martdagi “Davlat ishtirokidagi korxonalarni isloh qilish jarayonlarini jadallashtirish chora-tadbirlari toʻgʻrisida”gi PQ-83-son qaroriga kiritilayotgan oʻzgartirishlar
1. 1-bandning ikkinchi xatboshisi quyidagi tahrirda bayon etilsin:
“Iqtisodiyot va moliya vazirligiga mazkur korxonalarni isloh qilish vazifasi yuklansin”;
2. 2-bandning ikkinchi xatboshisidagi “Strategik islohotlar agentligi” soʻzlari “Iqtisodiyot va moliya vazirligi” soʻzlari bilan almashtirilsin;
3. 3-bandning birinchi xatboshisidagi “Strategik islohotlar agentligining” soʻzlari “Iqtisodiyot va moliya vazirligining” soʻzlari bilan almashtirilsin;
4. 4 , 5 va 6-bandlar oʻz kuchini yoʻqotgan deb hisoblansin;
5. Ilovaning izoh qismidagi “Strategik islohotlar agentligiga” soʻzlari “Iqtisodiyot va moliya vazirligiga” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 18-avgust,
PQ-283-son
Президента Республики Узбекистан
Постановление
ПЕРЕЧЕНЬ
О дополнительных мерах по совершенствованию механизма реформирования предприятий и коммерческих банков с участием государства
В целях реализации задач по трансформации и приватизации коммерческих банков и предприятий с долей государства:
1. Передать Министерству экономики и финансов государственные пакеты акций (доли) в уставном капитале крупных предприятий и коммерческих банков с участием государства, указанных в приложении к постановлению Президента Республики Узбекистан от 1 марта 2023 года № ПП-83 «О мерах по ускорению процессов реформирования предприятий с участием государства», а также инвестиционной компании «UzAssets».
Фонду реконструкции и развития в двухнедельный срок обеспечить передачу Министерству экономики и финансов функций осуществления полномочий акционера и управления по принадлежащим ему государственным пакетам акций в уставном капитале организаций, указанных в перечне согласно приложению № 1 , на основе доверенности на неограниченный срок.
Возложить на Министерство экономики и финансов полномочия и задачи по реформированию крупных предприятий и коммерческих банков, предусмотренных настоящим пунктом.
2. Агентству стратегических реформ, Агентству по управлению государственными активами (А. Ортиков) в двухнедельный срок обеспечить передачу Министерству экономики и финансов пакетов акций (долей), предусмотренных в настоящем постановлении.
Решения по всем акционерным вопросам по акциям, принадлежащим Фонду реконструкции и развития, принимаются Министерством экономики и финансов самостоятельно.
При этом дивиденды по пакетам акций (долей) в уставном капитале организаций, принадлежащим Фонду реконструкции и развития, а также средства, поступающие от продажи данных пакетов акций, переводятся Фонду реконструкции и развития.
3. Министерству экономики и финансов (Д. Кучкаров):
а) в месячный срок заново утвердить организационную структуру и внутреннюю корпоративную документацию, состав исполнительного органа и наблюдательного совета инвестиционной компании «UzAssets»;
б) в срок до 31 декабря 2023 года:
совместно с инвестиционной компанией «UzAssets» привлечь консультантов к трансформации компании, а также каждого предприятия и коммерческого банка, переданного ей в управление, и утвердить график их реформирования;
разработать и внести на утверждение проект постановления, направленный на реализацию следующего этапа трансформации крупных государственных предприятий и коммерческих банков, в том числе на внедрение современных операционных моделей совместно с международными финансовыми институтами и консультантами;
в) в срок до 1 декабря 2023 года обеспечить утверждение инвестиционной компанией «UzAssets» бизнес-планов организаций, переданных ей в управление, на 2024 год;
г) внести в Кабинет Министров предложения о назначении иностранных специалистов на руководящие должности инвестиционной компании «UzAssets», крупных предприятий и коммерческих банков с участием государства.
4. Определить источниками финансирования расходов Министерства экономики и финансов и инвестиционной компании «UzAssets», связанных с реформированием и управлением предприятиями с участием государства:
дивиденды, начисленные по доле государства предприятиями и коммерческими банками с участием государства, предусмотренными в настоящем постановлении (за исключением части, переводимой в Государственный бюджет Республики Узбекистан и Фонд реконструкции и развития);
средства, привлекаемые от международных финансовых институтов для поддержки политики институционального развития, развития рыночных реформ, направленных на усиление управления финансами государства и государственными предприятиями, их приватизацию, и для других целей;
иные источники, не запрещенные законодательством.
5. Агентству по управлению государственными активами (А. Ортиков) в двухнедельный срок внести в Кабинет Министров предложения по размещению инвестиционной компании «UzAssets».
6. Внести изменения в постановление Президента Республики Узбекистан от 1 марта 2023 года № ПП-83 «О мерах по ускорению процессов реформирования предприятий с участием государства» согласно приложению № 2 .
7. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к постановлению Президента Республики Узбекистан от 18 августа 2023 года № ПП-283
организаций с функцией акционера (участника) по государственным пакетам акций (долей) Фонда реконструкции и развития
№ Наименование организации Доля, % 1. АКБ «Агробанк» 46,3 2. АКБ «Асакабанк» 88,2 3. АКБ «Узсаноаткурилишбанк» 82,1 4. АК «Халк банки» 78,5 5. АКБ «Туронбанк» 90,1 6. АКБ «Кишлоккурилишбанк» 23,9 7. АКБ «Алокабанк» 54,5 8. АО «Узмиллий банк» 59,3 9. АКБ «Микрокредитбанк» 28,2 10. АО «Узбекистон металлургия комбинати» 37,0
ПРИЛОЖЕНИЕ № 2 к постановлению Президента Республики Узбекистан от 18 августа 2023 года № ПП-283
Изменения, вносимые в постановление Президента Республики Узбекистан от 1 марта 2023 года № ПП-83 «О мерах по ускорению процессов реформирования предприятий с участием государства»
1. Абзац второй пункта 1 изложить в следующей редакции:
«Возложить на Министерство экономики и финансов задачу реформирования указанных предприятий».
2. В абзаце втором пункта 2 слова «Агентство стратегических реформ» заменить словами «Министерство экономики и финансов».
3. В абзаце первом пункта 3 слова «Агентства стратегических реформ» заменить словами «Министерства экономики и финансов».
4. Пункты 4 , 5 и 6 признать утратившими силу.
5. В примечании приложения слова «Агентству стратегических реформ» заменить словами «Министерству экономики и финансов».
Президент Республики Узбекистан Ш. МИРЗИЁЕВ
г. Ташкент,
18 августа 2023 г.,
№ ПП-283