📅 2023-yil 21-avgust · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 21 август · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 21 августа 2023 г. · Законы и кодексы
Официальный текст. Официальный документ. Редакционные примечания не включены.
📅 21 August 2023 · Laws and codes
Official text. Official document. Editorial notes are not included.
Ўзбекистон Республикасининг Қонуни
«Ветеринария тўғрисида»ги Ўзбекистон Республикаси Қонунига ўзгартиришлар киритиш ҳақида
Қонунчилик палатаси томонидан 2023 йил 16 майда қабул қилинган Сенат томонидан 2023 йил 5 августда маъқулланган
Мамлакатимизда ветеринария соҳасидаги кадрларни тайёрлаш тизимини такомиллаштириш, шунингдек самарали ветеринария назоратини таъминлаш ва ветеринария хизматлари кўрсатиш сифатини ошириш бўйича кенг миқёсли ишлар амалга оширилмоқда.
Шу муносабат билан ветеринария соҳасида юқори малакали кадрларни тайёрлаш бўйича замонавий таълим тизимини яратиш, шунингдек мазкур соҳада фаолиятни амалга ошираётган тадбиркорлик субъектларининг ҳуқуқлари ва қонуний манфаатлари ҳимоя қилинишини янада кучайтириш зарурияти юзага келмоқда.
Ушбу Қонун билан «Ветеринария тўғрисида»ги Ўзбекистон Республикаси Қонунига Давлат ветеринария хизмати таркибий бўлинмаларидан бирининг номини аниқлаштирувчи, шунингдек ветеринария назорати объектларига монеликсиз кириш юзасидан бош давлат ветеринария инспекторларининг, улар ўринбосарларининг ва давлат ветеринария инспекторларининг ваколатларини қисқартирувчи ўзгартиришлар киритиш назарда тутилмоқда.
Ушбу Қонуннинг қабул қилиниши ветеринария соҳасидаги кадрлар салоҳиятини ривожлантиришга, тадбиркорлик субъектларининг ҳуқуқларини янада таъминлашга ва давлат ветеринария инспекторлари томонидан ўтказиладиган текширишларнинг тартибини такомиллаштиришга хизмат қилади.
1-модда. Ўзбекистон Республикасининг 1993 йил 3 сентябрда қабул қилинган «Ветеринария тўғрисида»ги 935-XII-сонли Қонунига (Ўзбекистон Республикасининг 2015 йил 29 декабрда қабул қилинган ЎРҚ-397-сонли Қонуни таҳририда) Ўзбекистон Республикаси Олий Мажлиси палаталарининг Ахборотномаси, 2015 йил, № 12, 453-модда; 2017 йил, № 10, 605-модда; 2019 йил, № 11, 791-модда; 2021 йил, 4-сонга илова, № 10, 968-модда) қуйидаги ўзгартиришлар киритилсин:
1) 10-модданинг биринчи қисмидаги «Самарқанд ветеринария медицинаси институти ва» деган сўзлар «Самарқанд давлат ветеринария медицинаси, чорвачилик ва биотехнологиялар университети,» деган сўзлар билан алмаштирилсин;
2) 13-модда биринчи қисмининг тўртинчи хатбошисидаги «монеликсиз» деган сўз «қонунчиликда белгиланган тартибда» деган сўзлар билан алмаштирилсин.
2-модда. Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
3-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
4-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2023 йил 21 август,
ЎРҚ-864-сон
Oʻzbekiston Respublikasining Qonuni
“Veterinariya toʻgʻrisida”gi Oʻzbekiston Respublikasi Qonuniga oʻzgartirishlar kiritish haqida
Qonunchilik palatasi tomonidan 2023-yil 16-mayda qabul qilingan Senat tomonidan 2023-yil 5-avgustda maʼqullangan
Mamlakatimizda veterinariya sohasidagi kadrlarni tayyorlash tizimini takomillashtirish, shuningdek samarali veterinariya nazoratini taʼminlash va veterinariya xizmatlari koʻrsatish sifatini oshirish boʻyicha keng miqyosli ishlar amalga oshirilmoqda.
Shu munosabat bilan veterinariya sohasida yuqori malakali kadrlarni tayyorlash boʻyicha zamonaviy taʼlim tizimini yaratish, shuningdek mazkur sohada faoliyatni amalga oshirayotgan tadbirkorlik subyektlarining huquqlari va qonuniy manfaatlari himoya qilinishini yanada kuchaytirish zaruriyati yuzaga kelmoqda.
Ushbu Qonun bilan “Veterinariya toʻgʻrisida”gi Oʻzbekiston Respublikasi Qonuniga Davlat veterinariya xizmati tarkibiy boʻlinmalaridan birining nomini aniqlashtiruvchi, shuningdek veterinariya nazorati obyektlariga moneliksiz kirish yuzasidan bosh davlat veterinariya inspektorlarining, ular oʻrinbosarlarining va davlat veterinariya inspektorlarining vakolatlarini qisqartiruvchi oʻzgartirishlar kiritish nazarda tutilmoqda.
Ushbu Qonunning qabul qilinishi veterinariya sohasidagi kadrlar salohiyatini rivojlantirishga, tadbirkorlik subyektlarining huquqlarini yanada taʼminlashga va davlat veterinariya inspektorlari tomonidan oʻtkaziladigan tekshirishlarning tartibini takomillashtirishga xizmat qiladi.
1-modda. Oʻzbekiston Respublikasining 1993-yil 3-sentabrda qabul qilingan “Veterinariya toʻgʻrisida”gi 935-XII-sonli Qonuniga (Oʻzbekiston Respublikasining 2015-yil 29-dekabrda qabul qilingan OʻRQ-397-sonli Qonuni tahririda) Oʻzbekiston Respublikasi Oliy Majlisi palatalarining Axborotnomasi, 2015-yil, № 12, 453-modda; 2017-yil, № 10, 605-modda; 2019-yil, № 11, 791-modda; 2021-yil, 4-songa ilova, № 10, 968-modda) quyidagi oʻzgartirishlar kiritilsin:
1) 10-moddaning birinchi qismidagi “Samarqand veterinariya meditsinasi instituti va” degan soʻzlar “Samarqand davlat veterinariya meditsinasi, chorvachilik va biotexnologiyalar universiteti,” degan soʻzlar bilan almashtirilsin;
2) 13-modda birinchi qismining toʻrtinchi xatboshisidagi “moneliksiz” degan soʻz “qonunchilikda belgilangan tartibda” degan soʻzlar bilan almashtirilsin.
2-modda. Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
3-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
4-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2023-yil 21-avgust,
OʻRQ-864-son
Закон Республики Узбекистан
О внесении изменений в Закон Республики Узбекистан «О ветеринарии»
Принят Законодательной палатой 16 мая 2023 года Одобрен Сенатом 5 августа 2023 года
В нашей стране проводится широкомасштабная работа по совершенствованию системы подготовки кадров в сфере ветеринарии, а также обеспечению эффективного ветеринарного контроля и повышению качества оказания ветеринарных услуг.
В связи с этим возникает необходимость создания современной образовательной системы по подготовке высококвалифицированных кадров в сфере ветеринарии, а также дальнейшего усиления защиты прав и законных интересов субъектов предпринимательства, осуществляющих деятельность в данной сфере.
Настоящим Законом предусматривается внесение в Закон Республики Узбекистан «О ветеринарии» изменений, уточняющих название одного из структурных подразделений Государственной ветеринарной службы, а также сокращающих полномочия главных государственных ветеринарных инспекторов, их заместителей и государственных ветеринарных инспекторов по беспрепятственному посещению объектов ветеринарного надзора.
Принятие настоящего Закона послужит развитию кадрового потенциала в сфере ветеринарии, дальнейшему обеспечению прав субъектов предпринимательства и усовершенствованию порядка проверки, проводимой государственными ветеринарными инспекторами.
Статья 1. Внести в Закон Республики Узбекистан от 3 сентября 1993 года № 935-XII «О ветеринарии» (в редакции Закона Республики Узбекистан от 29 декабря 2015 года № ЗРУ-397) (Ведомости палат Олий Мажлиса Республики Узбекистан, 2015 г., № 12, ст. 453; 2017 г., № 10, ст. 605; 2019 г., № 11, ст. 791; 2021 г., приложение к № 4, № 10, ст. 968) следующие изменения:
1) в части первой статьи 10 слова «Самаркандского института ветеринарной медицины и» заменить словами «Самаркандского государственного университета ветеринарной медицины, животноводства и биотехнологий,»;
2) в абзаце четвертом части первой статьи 13 слово «беспрепятственно» заменить словами «в порядке, установленном законодательством».
Статья 2. Комитету ветеринарии и развития животноводства при Министерстве сельского хозяйства Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 3. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.
Статья 4. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
21 августа 2023 г.,
№ ЗРУ-864