📅 2023-yil 21-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 21 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 21 августа 2023 г. · Постановления Кабинета Министров
Официальный текст. Официальный документ. Редакционные примечания не включены.
📅 21 August 2023 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикасининг миллий қонунчилиги Жаҳон савдо ташкилоти битимларига уйғунлаштирилиши муносабати билан Ўзбекистон Республикаси Ҳукуматининг айрим қарорларига ўзгартиришлар киритиш тўғрисида
Сўнгги йилларда Ўзбекистон Республикасининг Жаҳон савдо ташкилотига аъзо бўлиши бўйича бир қатор ишлар амалга оширилди, шу жумладан, Ўзбекистоннинг Жаҳон савдо ташкилотига аъзо бўлиши бўйича Ишчи гуруҳнинг йиғилишлари ўтказилди ҳамда тегишли мамлакатлар билан товар ва хизматлар бозорларига кириш бўйича икки томонлама муҳокамалар олиб борилмоқда.
Бунда миллий қонунчиликни Жаҳон савдо ташкилоти битимларига уйғунлаштириш мазкур Ташкилотга аъзо бўлишнинг асосий шартларидан ҳисобланади.
Ўзбекистон Республикасининг Жаҳон савдо ташкилотига аъзо бўлиши борасида амалга оширилаётган ишларни жадаллаштириш ҳамда миллий қонунчиликни Жаҳон савдо ташкилоти битимларига уйғунлаштириш мақсадида Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартиришлар киритилсин:
товарларни экспорт ва импорт қилишда ундириладиган божхона йиғимларини унификация қилиш;
импорт товарларини давлат тилида маркировка қилиш тартибига ўзгартириш киритиш;
ҳуқуқий хизмат кўрсатиш соҳасини янада такомиллаштириш ҳамда унинг самарадорлигини ошириш.
2. Мазкур қарор 2024 йил 1 январдан кучга киради. Бунда мазкур қарорга илованинг 5-банди 2025 йил 1 январдан амалга киритилади.
3. Мазкур қарорнинг бажарилишини назорат қилиш Ўзбекистон Республикаси инвестициялар, саноат ва савдо вазири Л.Ш. Кудратов зиммасига юклансин.
Вазирлар Маҳкамасининг 2023 йил 21 августдаги 407-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартиришлар
1. Вазирлар Маҳкамасининг «Ўзбекистон Республикасига истеъмол товарлари олиб киришни такомиллаштиришга доир қўшимча чора-тадбирлар тўғрисида» 2013 йил 13 майдаги 127-сон қарорида :
а) 1-банднинг биринчи хатбошисидаги «Ишлаб чиқарувчи корхоналар» сўзлари «Ишлаб чиқарувчи, ишлаб чиқарувчининг ваколатли шахси ва импорт қилувчилар» сўзлари билан алмаштирилсин;
б) 4-банднинг биринчи хатбошисидаги «ишлаб чиқарувчи корхоналар» сўзлари «ишлаб чиқарувчи, ишлаб чиқарувчининг ваколатли шахси ва импорт қилувчилар» сўзлари билан алмаштирилсин;
в) 1-илованинг рус тилидаги номи қуйидаги таҳрирда баён этилсин:
«Перечень отдельных видов импортируемых потребительских товаров, подлежащих обязательному маркированию на государственном языке».
2. Вазирлар Маҳкамасининг «Импорт қилинадиган истеъмол товарларининг айрим турларини маркировка қилиш ва божхонада расмийлаштириш тартибини такомиллаштириш тўғрисида» 2014 йил 5 февралдаги 22-сон қарорида :
а) 1-банддаги «Ишлаб чиқарувчи корхоналар» сўзлари «Ишлаб чиқарувчи, ишлаб чиқарувчининг ваколатли шахси ва импорт қилувчилар» сўзлари билан алмаштирилсин;
б) 1-иловада :
номи ва 9-банддаги «Ишлаб чиқарувчи корхоналар» сўзлари «Ишлаб чиқарувчи, ишлаб чиқарувчининг ваколатли шахси ва импорт қилувчилар» сўзлари билан алмаштирилсин;
1 ва 3-бандлардаги «ишлаб чиқарувчи корхона» сўзлари «ишлаб чиқарувчи, ишлаб чиқарувчининг ваколатли шахси ва импорт қилувчилар» сўзлари билан алмаштирилсин.
3. Вазирлар Маҳкамасининг 2018 йил 17 августдаги 675-сон қарорига илова билан тасдиқланган Тижорат ташкилотлари томонидан юридик маслаҳат хизматларини кўрсатиш тўғрисидаги низомнинг 9-банди қуйидаги таҳрирда баён этилсин:
«9. Юридик маслаҳатчи юридик маслаҳатчилар ташкилотини реестрга киритиш вақтида бу ҳақда хабар қилган ҳолда, халқаро ҳуқуқ ва хорижий давлат қонунчилиги бўйича маслаҳат бериши мумкин».
5. Вазирлар Маҳкамасининг 2019 йил 1 августдаги 641-сон қарорига илова билан тасдиқланган Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлигининг Фармацевтика тармоғини қўллаб-қувватлаш ва ривожлантириш жамғармаси тўғрисидаги низомнинг 3-бандида :
а) иккинчи хатбоши чиқариб ташлансин;
б) учинчи ва тўртинчи хатбошилар тегишинча иккинчи ва учинчи хатбошилар деб ҳисоблансин.
Ўзбекистон Республикасининг Бош вазири А. АРИПОВ
Тошкент ш.,
2023 йил 21 август,
407-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasining milliy qonunchiligi Jahon savdo tashkiloti bitimlariga uygʻunlashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida
Soʻnggi yillarda Oʻzbekiston Respublikasining Jahon savdo tashkilotiga aʼzo boʻlishi boʻyicha bir qator ishlar amalga oshirildi, shu jumladan, Oʻzbekistonning Jahon savdo tashkilotiga aʼzo boʻlishi boʻyicha Ishchi guruhning yigʻilishlari oʻtkazildi hamda tegishli mamlakatlar bilan tovar va xizmatlar bozorlariga kirish boʻyicha ikki tomonlama muhokamalar olib borilmoqda.
Bunda milliy qonunchilikni Jahon savdo tashkiloti bitimlariga uygʻunlashtirish mazkur Tashkilotga aʼzo boʻlishning asosiy shartlaridan hisoblanadi.
Oʻzbekiston Respublikasining Jahon savdo tashkilotiga aʼzo boʻlishi borasida amalga oshirilayotgan ishlarni jadallashtirish hamda milliy qonunchilikni Jahon savdo tashkiloti bitimlariga uygʻunlashtirish maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirishlar kiritilsin:
tovarlarni eksport va import qilishda undiriladigan bojxona yigʻimlarini unifikatsiya qilish;
import tovarlarini davlat tilida markirovka qilish tartibiga oʻzgartirish kiritish;
huquqiy xizmat koʻrsatish sohasini yanada takomillashtirish hamda uning samaradorligini oshirish.
2. Mazkur qaror 2024-yil 1-yanvardan kuchga kiradi. Bunda mazkur qarorga ilovaning 5-bandi 2025-yil 1-yanvardan amalga kiritiladi.
3. Mazkur qarorning bajarilishini nazorat qilish Oʻzbekiston Respublikasi investitsiyalar, sanoat va savdo vaziri L.Sh. Kudratov zimmasiga yuklansin.
Vazirlar Mahkamasining 2023-yil 21-avgustdagi 407-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
1. Vazirlar Mahkamasining “Oʻzbekiston Respublikasiga isteʼmol tovarlari olib kirishni takomillashtirishga doir qoʻshimcha chora-tadbirlar toʻgʻrisida” 2013-yil 13-maydagi 127-son qarorida :
a) 1-bandning birinchi xatboshisidagi “Ishlab chiqaruvchi korxonalar” soʻzlari “Ishlab chiqaruvchi, ishlab chiqaruvchining vakolatli shaxsi va import qiluvchilar” soʻzlari bilan almashtirilsin;
b) 4-bandning birinchi xatboshisidagi “ishlab chiqaruvchi korxonalar” soʻzlari “ishlab chiqaruvchi, ishlab chiqaruvchining vakolatli shaxsi va import qiluvchilar” soʻzlari bilan almashtirilsin;
v) 1-ilovaning rus tilidagi nomi quyidagi tahrirda bayon etilsin:
“Perechen otdelnix vidov importiruyemix potrebitelskix tovarov, podlejashix obyazatelnomu markirovaniyu na gosudarstvennom yazike”.
2. Vazirlar Mahkamasining “Import qilinadigan isteʼmol tovarlarining ayrim turlarini markirovka qilish va bojxonada rasmiylashtirish tartibini takomillashtirish toʻgʻrisida” 2014-yil 5-fevraldagi 22-son qarorida :
a) 1-banddagi “Ishlab chiqaruvchi korxonalar” soʻzlari “Ishlab chiqaruvchi, ishlab chiqaruvchining vakolatli shaxsi va import qiluvchilar” soʻzlari bilan almashtirilsin;
b) 1-ilovada :
nomi va 9-banddagi “Ishlab chiqaruvchi korxonalar” soʻzlari “Ishlab chiqaruvchi, ishlab chiqaruvchining vakolatli shaxsi va import qiluvchilar” soʻzlari bilan almashtirilsin;
1 va 3-bandlardagi “ishlab chiqaruvchi korxona” soʻzlari “ishlab chiqaruvchi, ishlab chiqaruvchining vakolatli shaxsi va import qiluvchilar” soʻzlari bilan almashtirilsin.
3. Vazirlar Mahkamasining 2018-yil 17-avgustdagi 675-son qaroriga ilova bilan tasdiqlangan Tijorat tashkilotlari tomonidan yuridik maslahat xizmatlarini koʻrsatish toʻgʻrisidagi nizomning 9-bandi quyidagi tahrirda bayon etilsin:
“9. Yuridik maslahatchi yuridik maslahatchilar tashkilotini reyestrga kiritish vaqtida bu haqda xabar qilgan holda, xalqaro huquq va xorijiy davlat qonunchiligi boʻyicha maslahat berishi mumkin”.
5. Vazirlar Mahkamasining 2019-yil 1-avgustdagi 641-son qaroriga ilova bilan tasdiqlangan Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligining Farmatsevtika tarmogʻini qoʻllab-quvvatlash va rivojlantirish jamgʻarmasi toʻgʻrisidagi nizomning 3-bandida :
a) ikkinchi xatboshi chiqarib tashlansin;
b) uchinchi va toʻrtinchi xatboshilar tegishincha ikkinchi va uchinchi xatboshilar deb hisoblansin.
Oʻzbekiston Respublikasining Bosh vaziri A. ARIPOV
Toshkent sh.,
2023-yil 21-avgust,
407-son