📅 2023-yil 22-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 22 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 22 августа 2023 г. · Постановления Кабинета Министров
Официальный текст. Официальный документ. Редакционные примечания не включены.
📅 22 August 2023 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Япония билан техник ҳамкорлик доирасида «Ўзбекистон-Япония маркази» лойиҳасини (V босқич) амалга ошириш чора-тадбирлари тўғрисида
Ўзбекистон Республикаси ва Япония ўртасидаги савдо-иқтисодий ва гуманитар ҳамкорликни янада ривожлантириш, шунингдек, 2019 йилнинг 17 — 20 декабрь кунлари Ўзбекистон Республикаси Президентининг Японияга олий даражадаги ташрифи доирасида эришилган келишувларни амалга ошириш ҳамда Ўзбекистон Республикаси Президентининг «Ўзбекистон Республикаси ва Япония ўртасида икки томонлама ҳамкорликни янада кенгайтириш ва мустаҳкамлаш чора-тадбирлари тўғрисида» 2019 йил 28 декабрдаги ПҚ-4553-сон қарори ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Инвестициялар, саноат ва савдо вазирлиги ҳамда Япония халқаро ҳамкорлик агентлиги (JICA) ўртасида 2020 йил 10 июлда амалдаги «Ўзбекистон-Япония маркази (IV босқич)» лойиҳасининг амалга ошириш муддати 2020 йил 30 ноябрдан 2021 йил 30 ноябрга қадар узайтирилганлиги тўғрисида баённома имзоланганлиги маълумот учун қабул қилинсин.
2. Ўзбекистон Республикаси Инвестициялар, саноат ва савдо вазирлиги, Иқтисодиёт ва молия вазирлиги ҳамда Япония халқаро ҳамкорлик агентлигининг (JICA) «Ўзбекистон-Япония маркази (V босқич)» лойиҳасини 3,8 млн АҚШ доллари миқдоридаги техник ёрдам маблағларини жалб қилган ҳолда 2025 йил 30 ноябргача амалга ошириш, шунингдек, келгусида Япония халқаро ҳамкорлик агентлиги (JICA) билан келишилган ҳолда лойиҳанинг кейинги босқичларини ҳам амалга ошириш тўғрисидаги таклифига розилик берилсин.
3. Ўзбекистон Республикаси Олий Мажлиси ҳузуридаги Фуқаролик жамияти институтларини қўллаб-қувватлаш жамоат фонди маблағларини бошқариш бўйича Парламент комиссиясига «Ўзбекистон-Япония маркази (V босқич)» лойиҳаси доирасида солиқ, коммунал ва бошқа харажатларни қоплаш учун қонунчиликка мувофиқ давлат субсидияси ажратиш тавсия этилсин.
Бунда Бухоро давлат университети биносида жойлашган Ўзбекистон-Япония маркази филиалининг коммунал тўловлар бўйича харажатлари университетнинг ўз маблағлари ҳисобидан қопланиши белгилансин.
4. Ўзбекистон Республикаси Инвестициялар, саноат ва савдо вазирлиги Ўзбекистон-Япония маркази нодавлат нотижорат ташкилоти билан биргаликда икки ҳафта муддатда ушбу марказнинг таълим ва педагогик фаолиятини такомиллаштириш, шунингдек, Ўзбекистон ва Япония хусусий секторлари ва давлат тузилмалари ўртасидаги савдо-иқтисодий ҳамкорликни ривожлантиришга қаратилган бизнес платформасини яратиш бўйича амалий чора-тадбирлар режасини ишлаб чиқсин ва тасдиқласин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2023 йил 22 август,
413-сон
Oʻzbekiston Respublikasi Vazirlar Mahkamasining
qarori
Yaponiya bilan texnik hamkorlik doirasida “Oʻzbekiston-Yaponiya markazi” loyihasini (V bosqich) amalga oshirish chora-tadbirlari toʻgʻrisida
Oʻzbekiston Respublikasi va Yaponiya oʻrtasidagi savdo-iqtisodiy va gumanitar hamkorlikni yanada rivojlantirish, shuningdek, 2019-yilning 17 — 20-dekabr kunlari Oʻzbekiston Respublikasi Prezidentining Yaponiyaga oliy darajadagi tashrifi doirasida erishilgan kelishuvlarni amalga oshirish hamda Oʻzbekiston Respublikasi Prezidentining “Oʻzbekiston Respublikasi va Yaponiya oʻrtasida ikki tomonlama hamkorlikni yanada kengaytirish va mustahkamlash chora-tadbirlari toʻgʻrisida” 2019-yil 28-dekabrdagi PQ-4553-son qarori ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Investitsiyalar, sanoat va savdo vazirligi hamda Yaponiya xalqaro hamkorlik agentligi (JICA) oʻrtasida 2020-yil 10-iyulda amaldagi “Oʻzbekiston-Yaponiya markazi (IV bosqich)” loyihasining amalga oshirish muddati 2020-yil 30-noyabrdan 2021-yil 30-noyabrga qadar uzaytirilganligi toʻgʻrisida bayonnoma imzolanganligi maʼlumot uchun qabul qilinsin.
2. Oʻzbekiston Respublikasi Investitsiyalar, sanoat va savdo vazirligi, Iqtisodiyot va moliya vazirligi hamda Yaponiya xalqaro hamkorlik agentligining (JICA) “Oʻzbekiston-Yaponiya markazi (V bosqich)” loyihasini 3,8 mln AQSH dollari miqdoridagi texnik yordam mablagʻlarini jalb qilgan holda 2025-yil 30-noyabrgacha amalga oshirish, shuningdek, kelgusida Yaponiya xalqaro hamkorlik agentligi (JICA) bilan kelishilgan holda loyihaning keyingi bosqichlarini ham amalga oshirish toʻgʻrisidagi taklifiga rozilik berilsin.
3. Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi mablagʻlarini boshqarish boʻyicha Parlament komissiyasiga “Oʻzbekiston-Yaponiya markazi (V bosqich)” loyihasi doirasida soliq, kommunal va boshqa xarajatlarni qoplash uchun qonunchilikka muvofiq davlat subsidiyasi ajratish tavsiya etilsin.
Bunda Buxoro davlat universiteti binosida joylashgan Oʻzbekiston-Yaponiya markazi filialining kommunal toʻlovlar boʻyicha xarajatlari universitetning oʻz mablagʻlari hisobidan qoplanishi belgilansin.
4. Oʻzbekiston Respublikasi Investitsiyalar, sanoat va savdo vazirligi Oʻzbekiston-Yaponiya markazi nodavlat notijorat tashkiloti bilan birgalikda ikki hafta muddatda ushbu markazning taʼlim va pedagogik faoliyatini takomillashtirish, shuningdek, Oʻzbekiston va Yaponiya xususiy sektorlari va davlat tuzilmalari oʻrtasidagi savdo-iqtisodiy hamkorlikni rivojlantirishga qaratilgan biznes platformasini yaratish boʻyicha amaliy chora-tadbirlar rejasini ishlab chiqsin va tasdiqlasin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2023-yil 22-avgust,
413-son