📅 2023-yil 15-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 15 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 августа 2023 г. · Постановления Президента
Официальный текст. Официальный документ. Редакционные примечания не включены.
📅 15 August 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ҲОЛАТИ
ТАРКИБИ
«ЙЎЛ ХАРИТАСИ»
Кўп квартирали уйларни бошқаришни янада самарали ташкил қилиш чора-тадбирлари тўғрисида
Кўп квартирали уйларни бошқариш тизимини янада такомиллаштириш, бошқариш органлари билан мулкдорлар ўртасидаги ҳамкорликни кучайтириш, аҳолига сифатли хизмат кўрсатилишини ҳамда кўрсатилган хизматлар учун тўлов интизомини таъминлаш ҳамда соҳага етарли малака, кўникма ва моддий-техник базага эга бўлган бошқариш органларини жалб қилиш мақсадида:
1. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари 1-иловага мувофиқ чегаралари белгиланган кўп квартирали уйларга туташ ер участкаларини кўп квартирали уйлардаги жойлар мулкдорларига бир ой муддатда доимий фойдаланиш ҳуқуқи асосида бериш тўғрисида қарор қабул қилсин.
Қурилиш ва уй-жой коммунал хўжалиги вазирлиги Иқтисодиёт ва молия вазирлиги билан биргаликда икки ой муддатда республикадаги қолган кўп квартирали уйларнинг туташ ер участкалари чегараларини белгилаб, «YERELEKTRON» автоматлаштирилган ахборот тизимига киритилишини таъминласин.
Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари чегаралари белгиланган кўп квартирали уйларга туташ ер участкаларини тегишли кўп квартирали уйлардаги жойлар мулкдорларига бир ой муддатда доимий фойдаланиш ҳуқуқи асосида бериш тўғрисида қарор қабул қилсин.
2. Шундай тартиб ўрнатилсинки, унга кўра:
а) Кадастр агентлиги томонидан кўп квартирали уйларга туташ ер участкаларининг мавжуд топографик тасвирлари Қурилиш ва уй-жой коммунал хўжалиги вазирлигига бепул тақдим этилади;
б) 2024 йил 1 январдан бошлаб:
кўп квартирали уйлардаги кўчмас мулк билан боғлиқ битимларни тасдиқлаш нотариуслар томонидан Қурилиш ва уй-жой коммунал хўжалиги вазирлигининг ахборот тизими орқали тегишли мулкдорнинг мажбурий бадаллар ёки тўловлар бўйича қарздорлиги мавжуд эмаслиги текширилгандан кейин амалга оширилади;
умумий мол-мулкни сақлаш, ундан фойдаланиш ва уни таъмирлаш ҳамда кўп квартирали уйга туташ ер участкасини ободонлаштириш учун мажбурий бадалларнинг ёки тўловларнинг энг кам миқдори Қурилиш ва уй-жой коммунал хўжалиги вазирлиги томонидан белгиланади;
кўп квартирали уйларни бошқариш органларига агротехник ишлов беришдан ҳосил бўладиган чиқиндиларни (дарахт ва бута шох-шаббалари, барглари) ва кўп квартирали уйларга туташ ҳудудларни тозалашдан ҳосил бўлган чиқиндиларни маиший чиқиндиларни тўплаш пунктларида ёки чиқиндиларни олиб чиқиб кетиш операторлари билан келишилган махсус жойларда йиғишга рухсат этилади. Бунда:
мазкур чиқиндиларни олиб чиқиб кетиш бўйича хизматлар учун тўлов қаттиқ маиший чиқиндиларни тўплаш ва олиб чиқиб кетиш бўйича хизматлар учун белгиланган мажбурий тўловларга қўшилган ҳолда ягона тўлов сифатида ундирилади;
агротехник ишлов беришдан ҳосил бўладиган чиқиндиларни (дарахт ва бута шох-шаббалари, барглари) ва кўп квартирали уйларга туташ ҳудудларни тозалашдан ҳосил бўлган чиқиндиларни йиғиш ва маиший чиқиндиларни тўплаш пунктларига ёки келишилган махсус жойларга етказиш тўлиқ кўп квартирали уйларни бошқариш органлари томонидан амалга оширилади;
маиший чиқиндиларни тўплаш пунктларида ёки келишилган махсус жойларда тўпланган агротехник ишлов беришдан ҳосил бўладиган чиқиндилар (дарахт ва бута шох-шаббалари, барглари) ва кўп квартирали уйларга туташ ҳудудларни тозалашдан ҳосил бўлган чиқиндиларни олиб чиқиб кетиш операторлар томонидан кўп квартирали уйларни бошқариш органлари билан келишилган ҳолда режа-график асосида амалга оширилади;
в) қурувчи ташкилот қурилиши тугалланган кўп квартирали уйни бошқариш учун бошқарувчи ташкилотни жалб қилади. Бошқарувчи ташкилот аниқланмаган кўп квартирали уйлар фойдаланишга қабул қилинмайди;
г) кўп квартирали уйлардаги умумий мол-мулкнинг талаб даражасида сақланишини таъминлаш учун зарур бўлган хизматлар ва ишларнинг минимал рўйхати Қурилиш ва уй-жой коммунал хўжалиги вазирлиги томонидан тасдиқланади.
3. Қурилиш ва уй-жой коммунал хўжалиги вазирлиги бир ой муддатда кўп квартирали уйларни бошқариш соҳасидаги қонунчиликни такомиллаштириш бўйича қуйидагиларни назарда тутувчи қонун лойиҳасини Вазирлар Маҳкамасига киритсин:
кўп квартирали уйлар ва уларга туташ ер участкалари учун қарз маблағлари, шу жумладан банк кредитлари кўп квартирали уйларнинг барча жойлар мулкдорлари томонидан бир овоздан қабул қилинган қарор асосида олиниши мумкинлиги;
кўп квартирали уйни бошқариш ташкилотини ёки бошқарувчини алмаштириш муддатига чеклов қўйиш;
кўп квартирали уйни бошқариш усулини ва бошқариш органини танлаш масаласи юзасидан барча жойлар мулкдорларининг ёки улар вакилларининг эллик фоизидан кўпроғи уни ёқлаб овоз берса, умумий йиғилишнинг қарори қабул қилинган деб ҳисобланиши.
4. Қурилиш ва уй-жой коммунал хўжалиги вазирлиги Давлат активларини бошқариш агентлиги, Кадастр агентлиги ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда икки ой муддатда кўп квартирали уйларнинг бошқариш органлари фойдаланишида бўлган давлатга тегишли бино ва иншоотларни, шунингдек, давлат рўйхатидан ўтказилмаган бино ва иншоотларни хатловдан ўтказсин ҳамда уларни Қурилиш ва уй-жой коммунал хўжалиги вазирлиги ҳузуридаги «Коммунал таъминот маркази» давлат муассасасига оператив бошқарув ҳуқуқи асосида ўтказиш бўйича чоралар кўрсин.
5. Ҳисоб палатаси Бош прокуратура ҳамда Қурилиш ва уй-жой коммунал хўжалиги вазирлиги билан биргаликда бир ой муддатда кўп квартирали уй-жойлар мулкдорлари ширкатларининг ва бошқарувчи ташкилотларнинг ҳудудий электр тармоқлари корхоналари олдидаги 80,5 млрд сўм миқдоридаги қарздорлиги ва улар учун ҳисобланган жарималар юзасидан ўрганиш ўтказсин ҳамда ушбу қарздорликни ундириш бўйича таклиф киритсин. Бунда, мазкур қарздорликнинг тўлов муддати 2024 йил 1 октябрга қадар кечиктирилсин.
6. Ўзбекистон Республикасида реновация дастурини амалга оширишни ташкилий ва ҳуқуқий жиҳатдан таъминлаш бўйича ишчи гуруҳ 2-иловага мувофиқ таркибда тузилсин.
Ишчи гуруҳга қуйидаги вазифалар юклансин:
реновация дастурини амалга ошириш бўйича давлат сиёсатининг устувор йўналишларини ишлаб чиқиш;
реновация тўғрисидаги норматив-ҳуқуқий ҳужжатларнинг ишлаб чиқилишини таъминлаш;
реновация дастури амалга ошириладиган ҳудудларни келишиш;
реновация дастурини амалга оширишдаги муаммоларни аниқлаш ва уларни ечиш бўйича тизимли таклифлар ишлаб чиқиш;
давлат органларининг реновация соҳасидаги келишилган фаолиятини таъминлаш;
амалга оширилаётган реновация дастурларининг самарадорлигини мониторинг қилиш;
хорижий давлатларнинг реновация йўналишидаги илғор тажрибасини ўрганиш.
7. Кўп квартирали уйларни бошқариш органлари томонидан фаолиятни амалга ошириш жараёнида тегишли мулкдорларнинг ҳуқуқлари бузилишини олдини олиш мақсадида Қурилиш ва уй-жой коммунал хўжалиги соҳасида назорат қилиш инспекциясига қуйидаги қўшимча ваколатлар берилсин:
кўп квартирали уйларни бошқариш органлари ва жойлар мулкдорлари томонидан иссиқлик таъминотидан фойдаланишда норматив-ҳуқуқий ҳужжатлар талабларига риоя этилиши устидан давлат назоратини амалга ошириш;
кўп квартирали уйлардаги умумий мол-мулк ва уларга туташ ер участкаларида амалга оширилган таъмирлаш-тиклаш ишларининг қонунчилик ҳужжатлари ва техник жиҳатдан тартибга солиш соҳасидаги норматив ҳужжатларга мувофиқ бажарилиши устидан давлат назоратини амалга ошириш.
8. Уй-жой коммунал хўжалиги соҳасида кўп квартирали уйларни бошқаришни янада самарали ташкил қилиш юзасидан «йўл харитаси» 3-иловага мувофиқ тасдиқлансин.
9. Ўзбекистон Республикаси Президентининг 2021 йил 19 июндаги «Кўп квартирали уй-жойларни бошқариш тизимини янада такомиллаштириш тўғрисида»ги ПҚ-5152-сон қарорига 4-иловага мувофиқ ўзгартиришлар киритилсин.
10. Қурилиш ва уй-жой коммунал хўжалиги вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
11. Мазкур қарорнинг ижросини самарали ташкил қилишга масъул ва шахсий жавобгар этиб қурилиш ва уй-жой коммунал хўжалиги вазири Б.И. Закиров белгилансин.
Қарор ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Бош вазир ўринбосари А.Ж. Раматов зиммасига юклансин.
Ўзбекистон Республикаси Президентининг 2023 йил 15 августдаги ПҚ-278-сон қарорига 1-ИЛОВА
Кўп квартирали уйларга туташ ер участкаларининг чегаралари белгиланиши
T/р Ҳудудлар номи Кўп квартирали уйлар сони шундан, туташ ер участкалари чегаралари белгиланган доимий фойдаланиш ҳуқуқи асосида берилган Жами 40 789 17 804 173 1. Қорақалпоғистон Республикаси 1 576 1 497 2. Андижон вилояти 1 922 1 274 3. Бухоро вилояти 2 117 321 4. Жиззах вилояти 2 344 488 3 5. Қашқадарё вилояти 2 230 2 187 6. Навоий вилояти 1 905 1 870 101 7. Наманган вилояти 1 576 560 8. Самарқанд вилояти 2 214 2 088 9. Сирдарё вилояти 1 838 1 797 10. Сурхондарё вилояти 1 592 942 11. Тошкент вилояти 4 945 1 763 69 12. Фарғона вилояти 3 722 731 13. Хоразм вилояти 1 731 1 011 14. Тошкент шаҳри 11 077 1 275
Ўзбекистон Республикаси Президентининг 2023 йил 15 августдаги ПҚ-278-сон қарорига 2-ИЛОВА
Ўзбекистон Республикасида реновация дастурини амалга оширишни ташкилий ва ҳуқуқий жиҳатдан таъминлаш бўйича ишчи гуруҳ
1. Хидоятов Шерзод Саиджанович қурилиш ва уй-жой коммунал хўжалиги вазирининг биринчи ўринбосари (Ишчи гуруҳ раҳбари) 2. Жўраева Озода Абдурахимовна қурилиш ва уй-жой коммунал хўжалиги вазири ўринбосари 3. Шарипов Зоиржон Зокиржонович Ўзбекистон Республикаси Президенти Администрациясининг масъул ходими 4. Худайбергенов Даулетияр Бахтиярович Ўзбекистон Республикаси Президенти Администрациясининг масъул ходими 5. Ҳамроев Элдор Отамуродович Ўзбекистон Республикаси Президенти Администрациясининг масъул ходими 6. Жуманиязов Мансурбек Базорбоевич Бош вазир ўринбосарининг котибияти мудири 7. Аллаберганов Атабек Валиджанович Кадастр агентлиги директорининг биринчи ўринбосари 8. Аллакулиев Миржалол Давронбекович Адлия вазирлиги департамент бошлиғи 9. Ханнаров Комилжон Каримович Иқтисодиёт ва молия вазирлиги бошқарма бошлиғи 10. Муминов Обиджон Одилович Қурилиш ва уй-жой коммунал хўжалиги вазирлиги бошқарма бошлиғи 11. Убайдуллаев Ботир Бахтиёрович «ТошуйжойЛИТИ» АЖ бош директори 12. Элмуродов Бобир Ҳамидович «ЎзшаҳарсозликЛИТИ» ДУК бош директори 13. Шарипов Саидазим Сайдиолимович «ТошкентбошпланЛИТИ» ДУК директори ўринбосари
Ўзбекистон Республикаси Президентининг 2023 йил 15 августдаги ПҚ-278-сон қарорига 3-ИЛОВА
Уй-жой коммунал хўжалиги соҳасида кўп квартирали уйларни бошқаришни янада самарали ташкил қилиш юзасидан
Т/р Чора-тадбирлар Амалга ошириш муддати Масъул ижрочилар 1. Кўп квартирали уйларни бошқариш билан боғлиқ низоларни ҳал қилишда судлар томонидан қонунларни қўллаш амалиётини умумлаштириш . 2023 йил 1 октябрга қадар Олий суд (Х. Тўрахўжаев), Қурилиш ва уй-жой коммунал хўжалиги вазирлиги (О. Жўраева) 2. Навоий шаҳрида эксперимент тариқасида кўп квартирали уйнинг умумий мол-мулкини сақлаш, ундан фойдаланиш ва уни таъмирлаш ҳамда кўп квартирали уйга туташ ер участкасини ободонлаштириш учун мажбурий бадаллар ва тўловлардан қарздорлиги мавжуд мулкдорларни электр тармоқларидан ўчириш тартибини ишлаб чиқиш ва Вазирлар Маҳкамасига киритиш. 2023 йил 1 октябрга қадар Қурилиш ва уй-жой коммунал хўжалиги вазирлиги (О. Жўраева) 3. «Коммунал таъминот маркази» давлат муассасасининг бино ва иншоотларини кўп квартирали уйларни бошқариш органларига ижарага бериш тартиби ни ишлаб чиқиш ва Вазирлар Маҳкамасига киритиш. 2023 йил 1 ноябрга қадар Қурилиш ва уй-жой коммунал хўжалиги вазирлиги (О. Жўраева) 4. Қонунчиликда белгиланган тартибда умумий йиғилиш қарорига асосан танланган бошқарувчи ташкилот ёки бошқарувчи билан шартномани умумий йиғилиш қарорида белгиланган шартларда тузилган деб ҳисоблашни назарда тутувчи қонун лойиҳасини Вазирлар Маҳкамасига киритиш. 2023 йил 1 ноябрга қадар Қурилиш ва уй-жой коммунал хўжалиги вазирлиги (О. Жўраева) 5. Кўп квартирали уйларни бошқариш органларини электрон реестрга киритиш ҳамда кўп квартирали уйларни бошқарувчи органларга бириктириш (қайта рўйхатдан ўтказиш) масалаларини Ягона интерактив давлат хизматлари портали орқали амалга ошириш бўйича Вазирлар Маҳкамасига таклиф киритиш. 2023 йил 1 ноябрга қадар Қурилиш ва уй-жой коммунал хўжалиги вазирлиги (О. Жўраева), Адлия вазирлиги (А. Ташкулов), Рақамли технологиялар вазирлиги (Ш. Шерматов) 6. Кўп квартирали уйлардаги умумий мол-мулкни мол-мулк солиғидан ҳамда кўп квартирали уйларга туташ ер участкаларни ер солиғидан озод қилиш бўйича таклифларни Вазирлар Маҳкамасига киритиш. 2023 йил 1 ноябрга қадар Қурилиш ва уй-жой коммунал хўжалиги вазирлиги (О. Жўраева), Иқтисодиёт ва молия вазирлиги (А. Ҳайдаров) 7. «Кўп квартирали уй-жой фондини эксплуатация қилиш қоидаларини тасдиқлаш тўғрисида»ги Вазирлар Маҳкамасининг қарори лойиҳаси ни ишлаб чиқиш ва Ҳукуматга киритиш. 2023 йил 1 декабрга қадар Қурилиш ва уй-жой коммунал хўжалиги вазирлиги (О. Жўраева), Адлия вазирлиги (А. Ташкулов) 8. Кўп квартирали уйларни бошқариш органларининг электрон реестрини шакллантириш ва юритиш тартибини такомиллаштириш. 2023 йил 1 декабрга қадар Қурилиш ва уй-жой коммунал хўжалиги вазирлиги (О. Жўраева) 9. Кўп квартирали уйларни бошқариш фаолиятини амалга ошириш қоидаларини такомиллаштириш. 2023 йил 1 декабрга қадар Қурилиш ва уй-жой коммунал хўжалиги вазирлиги (О. Жўраева) 10. Кўп квартирали уйларни бошқариш органларига агротехник ишлов беришдан ҳосил бўладиган чиқиндиларни (дарахт ва бута шох-шаббалари, барглари) ҳамда смёт маиший чиқиндиларни тўплаш пунктларига йиғишга рухсат этилиши муносабати билан қаттиқ маиший чиқиндиларни тўплаш ва олиб чиқиб кетиш бўйича хизматлар учун мажбурий тўловлар тарифини қайта кўриб чиқиш. 2023 йил 1 декабрга қадар Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, Экология, атроф-муҳитни муҳофаза қилиш ва иқлим ўзгариши вазирлиги (А. Абдухакимов), Қурилиш ва уй-жой коммунал хўжалиги вазирлиги (О. Жўраева) 11. Кўп квартирали уйларда энергияни тежаш, унинг самарадорлигини ошириш ва қайта тикланувчи энергия манбаларини қўллаш. Бунда: 1) кўп квартирали уйларнинг энергия истеъмоли аудитини ўтказиш тизимини жорий этиш; 2) кўп квартирали уйларнинг том қисмида тадбиркорлар томонидан ижара асосида қуёш панелларини жойлаштириш бўйича таклифларни ишлаб чиқиш; 3) кўп квартирали уйлардаги кириш йўлакларига ва зинапояларда ҳаракат датчикли энергия тежовчи чироқларни ўрнатиш орқали электр энергияси истеъмолини камида 30 фоизга камайтириш. 2024 йил 1 январга қадар Қурилиш ва уй-жой коммунал хўжалиги вазирлиги (О. Жўраева) 12. Фаолият юритмаётган уй-жой мулкдорлари ширкатини тугатишнинг соддалаштирилган тартибини (қарздорлиги мавжуд бўлган ҳолларда банкрот деб эълон қилиш орқали) ишлаб чиқиш ва Вазирлар Маҳкамасига киритиш. 2024 йил 1 январга қадар Қурилиш ва уй-жой коммунал хўжалиги вазирлиги (О. Жўраева), Адлия вазирлиги (А. Ташкулов) 13. «Менинг уйим» ахборот тизимида бошқариш органларининг электрон рейтинг тизимини янада такомиллаштириш, шунингдек, рейтингни фақатгина аҳоли ва истеъмолчиларнинг фикр-мулоҳазалари асосида шакллантириш. 2024 йил 1 январга қадар Қурилиш ва уй-жой коммунал хўжалиги вазирлиги (О. Жўраева) 14. Кўп квартирали уйларни бошқариш органлари томонидан амалга оширилган ишлар юзасидан, шунингдек, харажатлар тўғрисидаги ҳисоботларни «Менинг уйим» ахборот тизими орқали тақдим этиш. Бунда, қуйидагиларни назарда тутиш: харажатлар тўғрисидаги ҳисоботларни мулкдорларнинг шахсий кабинетига хабарнома юбориш орқали тақдим этиш; мулкдорларнинг шахсий кабинети орқали умумий йиғилишларни онлайн тарзда ўтказиш, уларда овоз бериш, баённомаларни тасдиқлаш, ишлаб чиқилган харажатлар сметасини онлайн тарзда муҳокама қилиш ва тасдиқлаш, мулкдорлар томонидан носозликлар тўғрисида хабар қилиш ва хизматларга буюртма бериш имкониятини яратиш. 2024 йил 1 январга қадар Қурилиш ва уй-жой коммунал хўжалиги вазирлиги (О. Жўраева) 15. Кўп квартирали уйларни бошқариш билан боғлиқ норматив-ҳуқуқий ҳужжатларни такомиллаштириш. Хусусан: а) кўп квартирали уйларнинг техник ҳужжатлари таркибини (уйнинг лойиҳаси, конструкцияси, коммуникация тармоқлари, барча турдаги автоматик ва механик қурилмалари, ер участкасига оид барча ҳужжатлар) ишлаб чиқиш ва тасдиқлаш; б) мавжуд қонун ҳужжатларига кўп квартирали уйларни бошқариш органлари фаолиятига ноқонуний аралашганлик ёки фаолиятига тўсқинлик қилганлик учун жазо чоралари қўллашни назарда тутувчи нормаларни киритиш. 2024 йил 1 апрелга қадар Қурилиш ва уй-жой коммунал хўжалиги вазирлиги (О. Жўраева) 16. Кўп квартирали уйларнинг техник ҳолати тўғрисидаги маълумотлар жамланган электрон платформани ишлаб чиқиш ва жорий этиш. Электрон платформага уйларнинг техник паспортлари, шунингдек, уйларнинг қурилган йили, охирги таъмирланган вақти (йили) ва молиялаштириш манбаси, таъмирланган қисмлари, геолокация координаталари, муҳандислик тармоқлари, коммуникацияларининг ҳолати ва бошқа кўрсаткичларни киритиш ҳамда Кадастр агентлиги электрон тизими билан интеграция қилиш. 2024 йил 1 апрелга қадар Қурилиш ва уй-жой коммунал хўжалиги вазирлиги (О. Жўраева), Кадастр агентлиги (А. Аллаберганов) 17. Кўп квартирали уйларнинг юқори қаватларига ичимлик сувни етказиб бериш (насосларни эксплуатация қилиш) харажатларини сув таъминоти ташкилотлари томонидан қоплаб бериш тартибини ишлаб чиқиш ва Вазирлар Маҳкамасига киритиш. Бунда, бошқарув органи харажатларини қоплаб бериш механизмини ва кўп квартирали уйнинг бошқарув органи билан ичимлик сувни етказиб берувчи ташкилот ўртасида харажатларни қоплаб бериш тизимини жорий этиш. 2024 йил 1 апрелга қадар Қурилиш ва уй-жой коммунал хўжалиги вазирлиги (О. Жўраева), «Ўзсувтаъминот» АЖ (Д. Азимов) 18. Ўзбекистон Республикасида реновация амалга оширилишини ташкилий ва ҳуқуқий таъминлаш бўйича ишчи гуруҳнинг иш режасини тасдиқлаш. 2023 йил 1 октябрга қадар Қурилиш ва уй-жой коммунал хўжалиги вазирлиги (Ш. Хидоятов) Хорижий давлатларнинг реновация соҳасидаги илғор тажрибасини ўрганиш учун Қурилиш ва уй-жой коммунал хўжалиги вазирлиги фаолиятини қўллаб-қувватлаш жамғармаси маблағлари ҳисобидан Ишчи гуруҳ аъзоларини хизмат сафарига юбориш. 2023-2024 йиллар давомида
Ўзбекистон Республикаси Президентининг 2023 йил 15 августдаги ПҚ-278-сон қарорига 4-ИЛОВА
Ўзбекистон Республикаси Президентининг 2021 йил 19 июндаги «Кўп квартирали уй-жойларни бошқариш тизимини янада такомиллаштириш тўғрисида»ги ПҚ-5152-сон қарорига киритилаётган ўзгартиришлар
1. 7-бандда :
«е» ва «ж» кичик бандлар ўз кучини йўқотган деб ҳисоблансин;
«к» кичик банднинг тўртинчи хатбошиси чиқариб ташлансин.
2. 5-илованинг 15-позицияси чиқариб ташлансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 15 август,
ПҚ-278-сон
Oʻzbekiston Respublikasi Prezidentining
Qarori
HOLATI
TARKIBI
“YOʻL XARITASI”
Koʻp kvartirali uylarni boshqarishni yanada samarali tashkil qilish chora-tadbirlari toʻgʻrisida
Koʻp kvartirali uylarni boshqarish tizimini yanada takomillashtirish, boshqarish organlari bilan mulkdorlar oʻrtasidagi hamkorlikni kuchaytirish, aholiga sifatli xizmat koʻrsatilishini hamda koʻrsatilgan xizmatlar uchun toʻlov intizomini taʼminlash hamda sohaga yetarli malaka, koʻnikma va moddiy-texnik bazaga ega boʻlgan boshqarish organlarini jalb qilish maqsadida:
1. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 1-ilovaga muvofiq chegaralari belgilangan koʻp kvartirali uylarga tutash yer uchastkalarini koʻp kvartirali uylardagi joylar mulkdorlariga bir oy muddatda doimiy foydalanish huquqi asosida berish toʻgʻrisida qaror qabul qilsin.
Qurilish va uy-joy kommunal xoʻjaligi vazirligi Iqtisodiyot va moliya vazirligi bilan birgalikda ikki oy muddatda respublikadagi qolgan koʻp kvartirali uylarning tutash yer uchastkalari chegaralarini belgilab, “YERELEKTRON” avtomatlashtirilgan axborot tizimiga kiritilishini taʼminlasin.
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari chegaralari belgilangan koʻp kvartirali uylarga tutash yer uchastkalarini tegishli koʻp kvartirali uylardagi joylar mulkdorlariga bir oy muddatda doimiy foydalanish huquqi asosida berish toʻgʻrisida qaror qabul qilsin.
2. Shunday tartib oʻrnatilsinki, unga koʻra:
a) Kadastr agentligi tomonidan koʻp kvartirali uylarga tutash yer uchastkalarining mavjud topografik tasvirlari Qurilish va uy-joy kommunal xoʻjaligi vazirligiga bepul taqdim etiladi;
b) 2024-yil 1-yanvardan boshlab:
koʻp kvartirali uylardagi koʻchmas mulk bilan bogʻliq bitimlarni tasdiqlash notariuslar tomonidan Qurilish va uy-joy kommunal xoʻjaligi vazirligining axborot tizimi orqali tegishli mulkdorning majburiy badallar yoki toʻlovlar boʻyicha qarzdorligi mavjud emasligi tekshirilgandan keyin amalga oshiriladi;
umumiy mol-mulkni saqlash, undan foydalanish va uni taʼmirlash hamda koʻp kvartirali uyga tutash yer uchastkasini obodonlashtirish uchun majburiy badallarning yoki toʻlovlarning eng kam miqdori Qurilish va uy-joy kommunal xoʻjaligi vazirligi tomonidan belgilanadi;
koʻp kvartirali uylarni boshqarish organlariga agrotexnik ishlov berishdan hosil boʻladigan chiqindilarni (daraxt va buta shox-shabbalari, barglari) va koʻp kvartirali uylarga tutash hududlarni tozalashdan hosil boʻlgan chiqindilarni maishiy chiqindilarni toʻplash punktlarida yoki chiqindilarni olib chiqib ketish operatorlari bilan kelishilgan maxsus joylarda yigʻishga ruxsat etiladi. Bunda:
mazkur chiqindilarni olib chiqib ketish boʻyicha xizmatlar uchun toʻlov qattiq maishiy chiqindilarni toʻplash va olib chiqib ketish boʻyicha xizmatlar uchun belgilangan majburiy toʻlovlarga qoʻshilgan holda yagona toʻlov sifatida undiriladi;
agrotexnik ishlov berishdan hosil boʻladigan chiqindilarni (daraxt va buta shox-shabbalari, barglari) va koʻp kvartirali uylarga tutash hududlarni tozalashdan hosil boʻlgan chiqindilarni yigʻish va maishiy chiqindilarni toʻplash punktlariga yoki kelishilgan maxsus joylarga yetkazish toʻliq koʻp kvartirali uylarni boshqarish organlari tomonidan amalga oshiriladi;
maishiy chiqindilarni toʻplash punktlarida yoki kelishilgan maxsus joylarda toʻplangan agrotexnik ishlov berishdan hosil boʻladigan chiqindilar (daraxt va buta shox-shabbalari, barglari) va koʻp kvartirali uylarga tutash hududlarni tozalashdan hosil boʻlgan chiqindilarni olib chiqib ketish operatorlar tomonidan koʻp kvartirali uylarni boshqarish organlari bilan kelishilgan holda reja-grafik asosida amalga oshiriladi;
v) quruvchi tashkilot qurilishi tugallangan koʻp kvartirali uyni boshqarish uchun boshqaruvchi tashkilotni jalb qiladi. Boshqaruvchi tashkilot aniqlanmagan koʻp kvartirali uylar foydalanishga qabul qilinmaydi;
g) koʻp kvartirali uylardagi umumiy mol-mulkning talab darajasida saqlanishini taʼminlash uchun zarur boʻlgan xizmatlar va ishlarning minimal roʻyxati Qurilish va uy-joy kommunal xoʻjaligi vazirligi tomonidan tasdiqlanadi.
3. Qurilish va uy-joy kommunal xoʻjaligi vazirligi bir oy muddatda koʻp kvartirali uylarni boshqarish sohasidagi qonunchilikni takomillashtirish boʻyicha quyidagilarni nazarda tutuvchi qonun loyihasini Vazirlar Mahkamasiga kiritsin:
koʻp kvartirali uylar va ularga tutash yer uchastkalari uchun qarz mablagʻlari, shu jumladan bank kreditlari koʻp kvartirali uylarning barcha joylar mulkdorlari tomonidan bir ovozdan qabul qilingan qaror asosida olinishi mumkinligi;
koʻp kvartirali uyni boshqarish tashkilotini yoki boshqaruvchini almashtirish muddatiga cheklov qoʻyish;
koʻp kvartirali uyni boshqarish usulini va boshqarish organini tanlash masalasi yuzasidan barcha joylar mulkdorlarining yoki ular vakillarining ellik foizidan koʻprogʻi uni yoqlab ovoz bersa, umumiy yigʻilishning qarori qabul qilingan deb hisoblanishi.
4. Qurilish va uy-joy kommunal xoʻjaligi vazirligi Davlat aktivlarini boshqarish agentligi, Kadastr agentligi hamda Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda ikki oy muddatda koʻp kvartirali uylarning boshqarish organlari foydalanishida boʻlgan davlatga tegishli bino va inshootlarni, shuningdek, davlat roʻyxatidan oʻtkazilmagan bino va inshootlarni xatlovdan oʻtkazsin hamda ularni Qurilish va uy-joy kommunal xoʻjaligi vazirligi huzuridagi “Kommunal taʼminot markazi” davlat muassasasiga operativ boshqaruv huquqi asosida oʻtkazish boʻyicha choralar koʻrsin.
5. Hisob palatasi Bosh prokuratura hamda Qurilish va uy-joy kommunal xoʻjaligi vazirligi bilan birgalikda bir oy muddatda koʻp kvartirali uy-joylar mulkdorlari shirkatlarining va boshqaruvchi tashkilotlarning hududiy elektr tarmoqlari korxonalari oldidagi 80,5 mlrd soʻm miqdoridagi qarzdorligi va ular uchun hisoblangan jarimalar yuzasidan oʻrganish oʻtkazsin hamda ushbu qarzdorlikni undirish boʻyicha taklif kiritsin. Bunda, mazkur qarzdorlikning toʻlov muddati 2024-yil 1-oktabrga qadar kechiktirilsin.
6. Oʻzbekiston Respublikasida renovatsiya dasturini amalga oshirishni tashkiliy va huquqiy jihatdan taʼminlash boʻyicha ishchi guruh 2-ilovaga muvofiq tarkibda tuzilsin.
Ishchi guruhga quyidagi vazifalar yuklansin:
renovatsiya dasturini amalga oshirish boʻyicha davlat siyosatining ustuvor yoʻnalishlarini ishlab chiqish;
renovatsiya toʻgʻrisidagi normativ-huquqiy hujjatlarning ishlab chiqilishini taʼminlash;
renovatsiya dasturi amalga oshiriladigan hududlarni kelishish;
renovatsiya dasturini amalga oshirishdagi muammolarni aniqlash va ularni yechish boʻyicha tizimli takliflar ishlab chiqish;
davlat organlarining renovatsiya sohasidagi kelishilgan faoliyatini taʼminlash;
amalga oshirilayotgan renovatsiya dasturlarining samaradorligini monitoring qilish;
xorijiy davlatlarning renovatsiya yoʻnalishidagi ilgʻor tajribasini oʻrganish.
7. Koʻp kvartirali uylarni boshqarish organlari tomonidan faoliyatni amalga oshirish jarayonida tegishli mulkdorlarning huquqlari buzilishini oldini olish maqsadida Qurilish va uy-joy kommunal xoʻjaligi sohasida nazorat qilish inspeksiyasiga quyidagi qoʻshimcha vakolatlar berilsin:
koʻp kvartirali uylarni boshqarish organlari va joylar mulkdorlari tomonidan issiqlik taʼminotidan foydalanishda normativ-huquqiy hujjatlar talablariga rioya etilishi ustidan davlat nazoratini amalga oshirish;
koʻp kvartirali uylardagi umumiy mol-mulk va ularga tutash yer uchastkalarida amalga oshirilgan taʼmirlash-tiklash ishlarining qonunchilik hujjatlari va texnik jihatdan tartibga solish sohasidagi normativ hujjatlarga muvofiq bajarilishi ustidan davlat nazoratini amalga oshirish.
8. Uy-joy kommunal xoʻjaligi sohasida koʻp kvartirali uylarni boshqarishni yanada samarali tashkil qilish yuzasidan “yoʻl xaritasi” 3-ilovaga muvofiq tasdiqlansin.
9. Oʻzbekiston Respublikasi Prezidentining 2021-yil 19-iyundagi “Koʻp kvartirali uy-joylarni boshqarish tizimini yanada takomillashtirish toʻgʻrisida”gi PQ-5152-son qaroriga 4-ilovaga muvofiq oʻzgartirishlar kiritilsin.
10. Qurilish va uy-joy kommunal xoʻjaligi vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
11. Mazkur qarorning ijrosini samarali tashkil qilishga masʼul va shaxsiy javobgar etib qurilish va uy-joy kommunal xoʻjaligi vaziri B.I. Zakirov belgilansin.
Qaror ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Bosh vazir oʻrinbosari A.J. Ramatov zimmasiga yuklansin.
Oʻzbekiston Respublikasi Prezidentining 2023-yil 15-avgustdagi PQ-278-son qaroriga 1-ILOVA
Koʻp kvartirali uylarga tutash yer uchastkalarining chegaralari belgilanishi
T/r Hududlar nomi Koʻp kvartirali uylar soni shundan, tutash yer uchastkalari chegaralari belgilangan doimiy foydalanish huquqi asosida berilgan Jami 40 789 17 804 173 1. Qoraqalpogʻiston Respublikasi 1 576 1 497 2. Andijon viloyati 1 922 1 274 3. Buxoro viloyati 2 117 321 4. Jizzax viloyati 2 344 488 3 5. Qashqadaryo viloyati 2 230 2 187 6. Navoiy viloyati 1 905 1 870 101 7. Namangan viloyati 1 576 560 8. Samarqand viloyati 2 214 2 088 9. Sirdaryo viloyati 1 838 1 797 10. Surxondaryo viloyati 1 592 942 11. Toshkent viloyati 4 945 1 763 69 12. Fargʻona viloyati 3 722 731 13. Xorazm viloyati 1 731 1 011 14. Toshkent shahri 11 077 1 275
Oʻzbekiston Respublikasi Prezidentining 2023-yil 15-avgustdagi PQ-278-son qaroriga 2-ILOVA
Oʻzbekiston Respublikasida renovatsiya dasturini amalga oshirishni tashkiliy va huquqiy jihatdan taʼminlash boʻyicha ishchi guruh
1. Xidoyatov Sherzod Saidjanovich qurilish va uy-joy kommunal xoʻjaligi vazirining birinchi oʻrinbosari (Ishchi guruh rahbari) 2. Joʻrayeva Ozoda Abduraximovna qurilish va uy-joy kommunal xoʻjaligi vaziri oʻrinbosari 3. Sharipov Zoirjon Zokirjonovich Oʻzbekiston Respublikasi Prezidenti Administratsiyasining masʼul xodimi 4. Xudaybergenov Dauletiyar Baxtiyarovich Oʻzbekiston Respublikasi Prezidenti Administratsiyasining masʼul xodimi 5. Hamroyev Eldor Otamurodovich Oʻzbekiston Respublikasi Prezidenti Administratsiyasining masʼul xodimi 6. Jumaniyazov Mansurbek Bazorboyevich Bosh vazir oʻrinbosarining kotibiyati mudiri 7. Allaberganov Atabek Validjanovich Kadastr agentligi direktorining birinchi oʻrinbosari 8. Allakuliyev Mirjalol Davronbekovich Adliya vazirligi departament boshligʻi 9. Xannarov Komiljon Karimovich Iqtisodiyot va moliya vazirligi boshqarma boshligʻi 10. Muminov Obidjon Odilovich Qurilish va uy-joy kommunal xoʻjaligi vazirligi boshqarma boshligʻi 11. Ubaydullayev Botir Baxtiyorovich “ToshuyjoyLITI” AJ bosh direktori 12. Elmurodov Bobir Hamidovich “OʻzshaharsozlikLITI” DUK bosh direktori 13. Sharipov Saidazim Saydiolimovich “ToshkentboshplanLITI” DUK direktori oʻrinbosari
Oʻzbekiston Respublikasi Prezidentining 2023-yil 15-avgustdagi PQ-278-son qaroriga 3-ILOVA
Uy-joy kommunal xoʻjaligi sohasida koʻp kvartirali uylarni boshqarishni yanada samarali tashkil qilish yuzasidan
T/r Chora-tadbirlar Amalga oshirish muddati Masʼul ijrochilar 1. Koʻp kvartirali uylarni boshqarish bilan bogʻliq nizolarni hal qilishda sudlar tomonidan qonunlarni qoʻllash amaliyotini umumlashtirish . 2023-yil 1-oktabrga qadar Oliy sud (X. Toʻraxoʻjayev), Qurilish va uy-joy kommunal xoʻjaligi vazirligi (O. Joʻrayeva) 2. Navoiy shahrida eksperiment tariqasida koʻp kvartirali uyning umumiy mol-mulkini saqlash, undan foydalanish va uni taʼmirlash hamda koʻp kvartirali uyga tutash yer uchastkasini obodonlashtirish uchun majburiy badallar va toʻlovlardan qarzdorligi mavjud mulkdorlarni elektr tarmoqlaridan oʻchirish tartibini ishlab chiqish va Vazirlar Mahkamasiga kiritish. 2023-yil 1-oktabrga qadar Qurilish va uy-joy kommunal xoʻjaligi vazirligi (O. Joʻrayeva) 3. “Kommunal taʼminot markazi” davlat muassasasining bino va inshootlarini koʻp kvartirali uylarni boshqarish organlariga ijaraga berish tartibi ni ishlab chiqish va Vazirlar Mahkamasiga kiritish. 2023-yil 1-noyabrga qadar Qurilish va uy-joy kommunal xoʻjaligi vazirligi (O. Joʻrayeva) 4. Qonunchilikda belgilangan tartibda umumiy yigʻilish qaroriga asosan tanlangan boshqaruvchi tashkilot yoki boshqaruvchi bilan shartnomani umumiy yigʻilish qarorida belgilangan shartlarda tuzilgan deb hisoblashni nazarda tutuvchi qonun loyihasini Vazirlar Mahkamasiga kiritish. 2023-yil 1-noyabrga qadar Qurilish va uy-joy kommunal xoʻjaligi vazirligi (O. Joʻrayeva) 5. Koʻp kvartirali uylarni boshqarish organlarini elektron reyestrga kiritish hamda koʻp kvartirali uylarni boshqaruvchi organlarga biriktirish (qayta roʻyxatdan oʻtkazish) masalalarini Yagona interaktiv davlat xizmatlari portali orqali amalga oshirish boʻyicha Vazirlar Mahkamasiga taklif kiritish. 2023-yil 1-noyabrga qadar Qurilish va uy-joy kommunal xoʻjaligi vazirligi (O. Joʻrayeva), Adliya vazirligi (A. Tashkulov), Raqamli texnologiyalar vazirligi (Sh. Shermatov) 6. Koʻp kvartirali uylardagi umumiy mol-mulkni mol-mulk soligʻidan hamda koʻp kvartirali uylarga tutash yer uchastkalarni yer soligʻidan ozod qilish boʻyicha takliflarni Vazirlar Mahkamasiga kiritish. 2023-yil 1-noyabrga qadar Qurilish va uy-joy kommunal xoʻjaligi vazirligi (O. Joʻrayeva), Iqtisodiyot va moliya vazirligi (A. Haydarov) 7. “Koʻp kvartirali uy-joy fondini ekspluatatsiya qilish qoidalarini tasdiqlash toʻgʻrisida”gi Vazirlar Mahkamasining qarori loyihasi ni ishlab chiqish va Hukumatga kiritish. 2023-yil 1-dekabrga qadar Qurilish va uy-joy kommunal xoʻjaligi vazirligi (O. Joʻrayeva), Adliya vazirligi (A. Tashkulov) 8. Koʻp kvartirali uylarni boshqarish organlarining elektron reyestrini shakllantirish va yuritish tartibini takomillashtirish. 2023-yil 1-dekabrga qadar Qurilish va uy-joy kommunal xoʻjaligi vazirligi (O. Joʻrayeva) 9. Koʻp kvartirali uylarni boshqarish faoliyatini amalga oshirish qoidalarini takomillashtirish. 2023-yil 1-dekabrga qadar Qurilish va uy-joy kommunal xoʻjaligi vazirligi (O. Joʻrayeva) 10. Koʻp kvartirali uylarni boshqarish organlariga agrotexnik ishlov berishdan hosil boʻladigan chiqindilarni (daraxt va buta shox-shabbalari, barglari) hamda smyot maishiy chiqindilarni toʻplash punktlariga yigʻishga ruxsat etilishi munosabati bilan qattiq maishiy chiqindilarni toʻplash va olib chiqib ketish boʻyicha xizmatlar uchun majburiy toʻlovlar tarifini qayta koʻrib chiqish. 2023-yil 1-dekabrga qadar Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Ekologiya, atrof-muhitni muhofaza qilish va iqlim oʻzgarishi vazirligi (A. Abduxakimov), Qurilish va uy-joy kommunal xoʻjaligi vazirligi (O. Joʻrayeva) 11. Koʻp kvartirali uylarda energiyani tejash, uning samaradorligini oshirish va qayta tiklanuvchi energiya manbalarini qoʻllash. Bunda: 1) koʻp kvartirali uylarning energiya isteʼmoli auditini oʻtkazish tizimini joriy etish; 2) koʻp kvartirali uylarning tom qismida tadbirkorlar tomonidan ijara asosida quyosh panellarini joylashtirish boʻyicha takliflarni ishlab chiqish; 3) koʻp kvartirali uylardagi kirish yoʻlaklariga va zinapoyalarda harakat datchikli energiya tejovchi chiroqlarni oʻrnatish orqali elektr energiyasi isteʼmolini kamida 30 foizga kamaytirish. 2024-yil 1-yanvarga qadar Qurilish va uy-joy kommunal xoʻjaligi vazirligi (O. Joʻrayeva) 12. Faoliyat yuritmayotgan uy-joy mulkdorlari shirkatini tugatishning soddalashtirilgan tartibini (qarzdorligi mavjud boʻlgan hollarda bankrot deb eʼlon qilish orqali) ishlab chiqish va Vazirlar Mahkamasiga kiritish. 2024-yil 1-yanvarga qadar Qurilish va uy-joy kommunal xoʻjaligi vazirligi (O. Joʻrayeva), Adliya vazirligi (A. Tashkulov) 13. “Mening uyim” axborot tizimida boshqarish organlarining elektron reyting tizimini yanada takomillashtirish, shuningdek, reytingni faqatgina aholi va isteʼmolchilarning fikr-mulohazalari asosida shakllantirish. 2024-yil 1-yanvarga qadar Qurilish va uy-joy kommunal xoʻjaligi vazirligi (O. Joʻrayeva) 14. Koʻp kvartirali uylarni boshqarish organlari tomonidan amalga oshirilgan ishlar yuzasidan, shuningdek, xarajatlar toʻgʻrisidagi hisobotlarni “Mening uyim” axborot tizimi orqali taqdim etish. Bunda, quyidagilarni nazarda tutish: xarajatlar toʻgʻrisidagi hisobotlarni mulkdorlarning shaxsiy kabinetiga xabarnoma yuborish orqali taqdim etish; mulkdorlarning shaxsiy kabineti orqali umumiy yigʻilishlarni onlayn tarzda oʻtkazish, ularda ovoz berish, bayonnomalarni tasdiqlash, ishlab chiqilgan xarajatlar smetasini onlayn tarzda muhokama qilish va tasdiqlash, mulkdorlar tomonidan nosozliklar toʻgʻrisida xabar qilish va xizmatlarga buyurtma berish imkoniyatini yaratish. 2024-yil 1-yanvarga qadar Qurilish va uy-joy kommunal xoʻjaligi vazirligi (O. Joʻrayeva) 15. Koʻp kvartirali uylarni boshqarish bilan bogʻliq normativ-huquqiy hujjatlarni takomillashtirish. Xususan: a) koʻp kvartirali uylarning texnik hujjatlari tarkibini (uyning loyihasi, konstruksiyasi, kommunikatsiya tarmoqlari, barcha turdagi avtomatik va mexanik qurilmalari, yer uchastkasiga oid barcha hujjatlar) ishlab chiqish va tasdiqlash; b) mavjud qonun hujjatlariga koʻp kvartirali uylarni boshqarish organlari faoliyatiga noqonuniy aralashganlik yoki faoliyatiga toʻsqinlik qilganlik uchun jazo choralari qoʻllashni nazarda tutuvchi normalarni kiritish. 2024-yil 1-aprelga qadar Qurilish va uy-joy kommunal xoʻjaligi vazirligi (O. Joʻrayeva) 16. Koʻp kvartirali uylarning texnik holati toʻgʻrisidagi maʼlumotlar jamlangan elektron platformani ishlab chiqish va joriy etish. Elektron platformaga uylarning texnik pasportlari, shuningdek, uylarning qurilgan yili, oxirgi taʼmirlangan vaqti (yili) va moliyalashtirish manbasi, taʼmirlangan qismlari, geolokatsiya koordinatalari, muhandislik tarmoqlari, kommunikatsiyalarining holati va boshqa koʻrsatkichlarni kiritish hamda Kadastr agentligi elektron tizimi bilan integratsiya qilish. 2024-yil 1-aprelga qadar Qurilish va uy-joy kommunal xoʻjaligi vazirligi (O. Joʻrayeva), Kadastr agentligi (A. Allaberganov) 17. Koʻp kvartirali uylarning yuqori qavatlariga ichimlik suvni yetkazib berish (nasoslarni ekspluatatsiya qilish) xarajatlarini suv taʼminoti tashkilotlari tomonidan qoplab berish tartibini ishlab chiqish va Vazirlar Mahkamasiga kiritish. Bunda, boshqaruv organi xarajatlarini qoplab berish mexanizmini va koʻp kvartirali uyning boshqaruv organi bilan ichimlik suvni yetkazib beruvchi tashkilot oʻrtasida xarajatlarni qoplab berish tizimini joriy etish. 2024-yil 1-aprelga qadar Qurilish va uy-joy kommunal xoʻjaligi vazirligi (O. Joʻrayeva), “Oʻzsuvtaʼminot” AJ (D. Azimov) 18. Oʻzbekiston Respublikasida renovatsiya amalga oshirilishini tashkiliy va huquqiy taʼminlash boʻyicha ishchi guruhning ish rejasini tasdiqlash. 2023-yil 1-oktabrga qadar Qurilish va uy-joy kommunal xoʻjaligi vazirligi (Sh. Xidoyatov) Xorijiy davlatlarning renovatsiya sohasidagi ilgʻor tajribasini oʻrganish uchun Qurilish va uy-joy kommunal xoʻjaligi vazirligi faoliyatini qoʻllab-quvvatlash jamgʻarmasi mablagʻlari hisobidan Ishchi guruh aʼzolarini xizmat safariga yuborish. 2023-2024-yillar davomida
Oʻzbekiston Respublikasi Prezidentining 2023-yil 15-avgustdagi PQ-278-son qaroriga 4-ILOVA
Oʻzbekiston Respublikasi Prezidentining 2021-yil 19-iyundagi “Koʻp kvartirali uy-joylarni boshqarish tizimini yanada takomillashtirish toʻgʻrisida”gi PQ-5152-son qaroriga kiritilayotgan oʻzgartirishlar
1. 7-bandda :
“e” va “j” kichik bandlar oʻz kuchini yoʻqotgan deb hisoblansin;
“k” kichik bandning toʻrtinchi xatboshisi chiqarib tashlansin.
2. 5-ilovaning 15-pozitsiyasi chiqarib tashlansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 15-avgust,
PQ-278-son
Президента Республики Узбекистан
Постановление
О мерах по дальнейшей эффективной организации управления многоквартирными домами
В целях дальнейшего совершенствования системы управления многоквартирными домами, усиления взаимодействия между органами управления и собственниками, обеспечения качественного обслуживания населения и платежной дисциплины за оказанные услуги, а также привлечения в сферу органов управления, имеющих необходимую квалификацию, навыки и материально-техническую базу:
1. Совету Министров Республики Каракалпакстан, хокимиятам областей и города Ташкента в месячный срок принять решение о предоставлении собственникам помещений многоквартирных домов земельных участков, прилегающих к многоквартирному дому, с определенными границами на основе права постоянного пользования согласно приложению № 1 * .
Министерству строительства и жилищно-коммунального хозяйства совместно с Министерством экономики и финансов в двухмесячный срок обеспечить определение и внесение в автоматизированную информационную систему «YERELEKTRON» границ земельных участков, прилегающих к остальным многоквартирным домам, в республике.
Совету Министров Республики Каракалпакстан, хокимиятам областей и города Ташкента в месячный срок принять решение о предоставлении собственникам помещений многоквартирных домов земельных участков, прилегающих к соответствующим многоквартирным домам, с определенными границами на основе права постоянного пользования.
2. Установить порядок, в соответствии с которым:
а) Агентством по кадастру имеющиеся топографические изображения земельных участков, прилегающих к многоквартирным домам, предоставляются Министерству строительства и жилищно-коммунального хозяйства на безвозмездной основе;
б) начиная с 1 января 2024 года:
удостоверение сделок, связанных с недвижимым имуществом в многоквартирных домах, осуществляется нотариусами после проверки отсутствия задолженности соответствующего собственника по обязательным взносам или платежам через информационную систему Министерства строительства и жилищно-коммунального хозяйства;
минимальный размер обязательных взносов или платежей за содержание, эксплуатацию и ремонт общего имущества, а также благоустройство земельного участка, прилегающего к многоквартирному дому, устанавливается Министерством строительства и жилищно-коммунального хозяйства;
органам управления многоквартирных домов разрешается осуществлять сбор отходов, образующихся в результате агротехнической обработки (ветки, сучья деревьев и кустарников, листья), и отходов, образующихся в результате очистки территорий, прилегающих к многоквартирным домам, в пунктах сбора бытовых отходов или в специальных местах, согласованных с операторами по вывозу отходов. При этом:
плата за услуги по вывозу данных отходов взимается в качестве единого платежа с прибавлением к обязательным платежам, установленным за услуги по сбору и вывозу твердых бытовых отходов;
сбор отходов, образующихся в результате агротехнической обработки (ветки, сучья деревьев и кустарников, листья), и отходов, образующихся в результате очистки территорий, прилегающих к многоквартирным домам, и их вывоз в пункты сбора бытовых отходов или доставка в согласованные специальные места полностью осуществляются органами управления многоквартирными домами;
вывоз отходов, образующихся в результате агротехнической обработки (ветки, сучья деревьев и кустарников, листья), и отходов, образующихся в результате очистки территорий, прилегающих к многоквартирным домам, накопленных в пунктах сбора бытовых отходов или согласованных специальных местах, осуществляется операторами по согласованию с органами управления многоквартирными домами на основе плана-графика;
в) организация-застройщик привлекает управляющую организацию для управления завершенным строительством многоквартирным домом. Многоквартирные дома без установленной управляющей организации не принимаются в эксплуатацию;
г) минимальный перечень услуг и работ, необходимых для обеспечения содержания на требуемом уровне общего имущества в многоквартирных домах, утверждается Министерством строительства и жилищно-коммунального хозяйства.
3. Министерству строительства и жилищно-коммунального хозяйства в месячный срок внести в Кабинет Министров проект закона о совершенствовании законодательства в сфере управления многоквартирными домами, предусматривающий:
возможность получения заемных средств, в том числе банковских кредитов, для многоквартирных домов и прилегающих к ним земельных участков на основе решения, принятого единогласно всеми собственниками помещений многоквартирных домов;
установление ограничения на срок замены управляющей организации или управляющего многоквартирным домом;
признание принятым решения общего собрания по вопросу выбора метода управления и органа управления многоквартирным домом в случае, если за него проголосовало более пятидесяти процентов всех собственников помещений или их представителей.
4. Министерству строительства и жилищно-коммунального хозяйства совместно с Агентством по управлению государственными активами, Агентством по кадастру и Советом Министров Республики Каракалпакстан, хокимиятами областей и города Ташкента в двухмесячный срок провести инвентаризацию принадлежащих государству зданий и сооружений, а также зданий и сооружений, не прошедших государственную регистрацию, находящихся в пользовании органов управления многоквартирными домами, а также принять меры по их передаче государственному учреждению «Коммунал таъминот маркази» при Министерстве строительства и жилищно-коммунального хозяйства на основе права оперативного управления.
5. Счетной палате совместно с Генеральной прокуратурой, Министерством строительства и жилищно-коммунального хозяйства в месячный срок провести изучение по задолженности товариществ собственников многоквартирных домов и управляющих организаций перед территориальными предприятиями электросетей в размере 80,5 млрд сумов и начисленным по ней штрафам, а также внести предложение по взысканию данной задолженности. При этом по сроку уплаты данной задолженности предоставить отсрочку до 1 октября 2024 года.
6. Создать Рабочую группу по организационному и правовому обеспечению реализации программы реновации в Республике Узбекистан в составе согласно приложению № 2 * .
Возложить на Рабочую группу следующие задачи:
разработку приоритетных направлений государственной политики по реализации программы реновации;
обеспечение разработки нормативно-правовых актов о реновации;
согласование регионов, в которых будет осуществлена программа реновации;
выявление проблем в реализации программы реновации и разработка системных предложений по их решению;
обеспечение согласованной деятельности государственных органов в сфере реновации;
осуществление мониторинга эффективности реализуемых программ реновации;
изучение передового опыта зарубежных государств в направлении реновации.
7. В целях предотвращения нарушения прав соответствующих собственников органами управления многоквартирными домами в процессе осуществления деятельности предоставить Инспекции по контролю в сфере строительства и жилищно-коммунального хозяйства следующие дополнительные полномочия:
осуществление государственного контроля за соблюдением органами управления многоквартирными домами и собственниками помещений требований нормативно-правовых актов при пользовании теплоснабжением;
осуществление государственного контроля за выполнением ремонтно-восстановительных работ, проведенных с общим имуществом многоквартирных домов и на прилегающих к ним земельных участках, в соответствии с актами законодательства и нормативными документами в сфере технического регулирования.
8. Утвердить «Дорожную карту» по дальнейшей эффективной организации управления многоквартирными домами в сфере жилищно-коммунального хозяйства согласно приложению № 3 * .
9. Внести изменения в постановление Президента Республики Узбекистан от 19 июня 2021 года № ПП-5152 «О дальнейшем совершенствовании системы управления многоквартирными домами» согласно приложению № 4 .
10. Министерству строительства и жилищно-коммунального хозяйства совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
11. Возложить на министра строительства и жилищно-коммунального хозяйства Б.И. Закирова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ответственных организаций возложить на заместителя Премьер-министра А.Ж. Раматова.
ПРИЛОЖЕНИЕ № 4 к постановлению Президента Республики Узбекистан от 15 августа 2023 года № ПП-278
Изменения, вносимые в постановление Президента Республики Узбекистан от 19 июня 2021 года № ПП-5152 «О дальнейшем совершенствовании системы управления многоквартирными домами»
1. В пункте 7 :
подпункты «е» и «ж» признать утратившими силу;
абзац четвертый подпункта «к» исключить.
2. Позицию 15 приложения № 5 исключить.
Президент Республики Узбекистан Ш. МИРЗИЁЕВ
г. Ташкент,
15 августа 2023 г.,
№ ПП-278