UzbekAI

Ўзбекистон Республикаси Вазирлар Маҳкамасининг

қарори

Давлат томонидан тартибга солинадиган соҳаларга хусусий секторни кенг жалб этиш доирасида кадастр соҳасида давлат хизматларини кўрсатиш тизимини янада такомиллаштириш чора-тадбирлари тўғрисида

Кейинги йилларда мамлакатимизда давлатнинг иқтисодиётдаги иштирокини қисқартириш, самарали рақобатбардош муҳитни шакллантириш ҳамда тадбиркорларга янада қулай шарт-шароитлар яратишга қаратилган чора-тадбирлар изчил амалга оширилмоқда.

Хусусан, 2020 йил 1 январдан бошлаб тажриба-синов тариқасида Тошкент вилояти ва Тошкент шаҳрида кўчмас мулк бўйича кадастр муҳандиси институти жорий этилди.

Тошкент вилояти ва Тошкент шаҳрида кўчмас мулк бўйича малака талабларига жавоб берадиган ҳамда малака имтиҳонини муваффақиятли топширган талабгорлар малака шаҳодатномасига эга бўлди ва улар томонидан кадастр йиғмажилдлари тайёрланмоқда.

Давлат томонидан тартибга солинадиган соҳаларга хусусий секторни кенг жалб этиш бўйича Тошкент шаҳри ва Тошкент вилоятида ўтказилган тажриба-синов натижаларини инобатга олиб, кадастр муҳандиси институтини босқичма-босқич жорий этиш орқали аҳолига давлат хизматларини кўрсатиш тизимини янада такомиллаштириш мақсадида Вазирлар Маҳкамаси қарор қилади:

1. Ўзбекистон Республикаси Президентининг « Кўчмас мулкка бўлган ҳуқуқларни давлат рўйхатидан ўтказиш тизимини янада такомиллаштириш чора-тадбирлари тўғрисида » 2019 йил 5 апрелдаги ПҚ-4270-сон, « Давлат томонидан тартибга солинадиган соҳаларга хусусий секторни жалб этиш бўйича қўшимча чора-тадбирлар тўғрисида » 2020 йил 7 декабрдаги ПҚ-4913-сон қарорларига мувофиқ 2020 йил 1 январдан 2022 йил 31 декабрга қадар тажриба-синов тариқасида Тошкент вилояти ва Тошкент шаҳрида кўчмас мулк бўйича кадастр муҳандиси институти жорий этилганлиги маълумот учун қабул қилинсин.

2. Белгилансинки, кўчмас мулк бўйича кадастр муҳандиси институти уй-жой фондига оид кўчмас мулк объектларига нисбатан:

2023 йил 1 октябрдан бошлаб Тошкент шаҳри, Тошкент, Навоий, Наманган, Фарғона ва Хоразм вилоятларида;

2024 йил 1 июлдан бошлаб республиканинг барча ҳудудларида жорий этилади.

3. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:

кадастр муҳандиси фаолияти билан шуғулланиши мумкин бўлган мутахассислик йўналишларини кенгайтириш;

кадастр муҳандислари томонидан шаҳодатнома олиш учун ариза топширишдан малака имтиҳонигача бўлган вақтни қисқартириш;

малака имтиҳонини топшириш вақтини узайтириш;

кўп йиллик дов-дарахтларга кадастр йиғмажилдини тайёрлаш муддатини белгилаш.

4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.

Вазирлар Маҳкамасининг 2023 йил 22 августдаги 411-сон қарорига ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Якка тартибдаги тадбиркорлар шуғулланиши мумкин бўлган фаолият турлари рўйхатини тасдиқлаш тўғрисида» 2011 йил 7 январдаги 6-сон қарорига 1-илова қуйидаги мазмундаги 89-позиция билан тўлдирилсин:

« 89. Кадастр муҳандислари томонидан кўрсатиладиган хизматлар ».

2. Вазирлар Маҳкамасининг «Кадастр соҳасида айрим давлат хизматлари кўрсатишнинг маъмурий регламентларини тасдиқлаш тўғрисида» 2020 йил 2 сентябрдаги 535-сон қарорида :

а) 1-банднинг тўққизинчи хатбошиси қуйидаги таҳрирда баён этилсин:

«Кўчмас мулк бўйича кадастр муҳандисининг малака шаҳодатномасини бериш бўйича давлат хизматлари кўрсатишнинг маъмурий регламенти 5в-иловага мувофиқ тасдиқлансин»;

б) 1-иловада :

6-банд қуйидаги таҳрирда баён этилсин:

«6. Давлат кадастрлари палатасининг туман (шаҳар) филиаллари (кейинги ўринларда — филиаллар) кадастр йиғмажилдини шакллантириб, унинг натижаси бўйича кадастр паспортини тақдим этади.

Давлат сири билан боғлиқ бўлган кўчмас мулк объектлари бўйича кадастр паспортини тайёрлаш учун тўғридан-тўғри филиалларга мурожаат қилинади»;

7-банддаги «ДК филиаллари» сўзлари «филиаллар» сўзи билан алмаштирилсин;

12-банддаги «ДК филиалига» сўзлари «филиалга» сўзи билан алмаштирилсин;

14-банддаги ва 15-банднинг иккинчи хатбошисидаги «ДК филиали» сўзлари «филиал» сўзи билан алмаштирилсин;

16-банд қуйидаги таҳрирда баён этилсин:

«16. Кадастр паспорти объектнинг мураккаблигига қараб, қуйидаги муддатларда тайёрланади:

а) кўчмас мулк объектларининг турар жойга оид қисми бўйича:

кўп квартирали уйдаги квартира учун — 3 иш кунигача;

якка тартибдаги турар жой учун — 5 иш кунигача;

б) кўчмас мулк объектларининг нотурар жойга оид қисми ҳамда яхлит кўп квартирали уйлар бўйича:

умумий майдони 100 кв.м. гача бўлганда — 5 иш кунигача;

умумий майдони 100 кв.м дан 1 000 кв.м. гача бўлганда — 7 иш кунигача;

умумий майдони 1 000 кв.м дан 5 000 кв.м. гача бўлганда — 10 иш кунигача;

умумий майдони 5 000 кв.м дан 15 000 кв.м. гача бўлганда — 15 иш кунигача;

умумий майдони 15 000 кв.м дан 50 000 кв.м гача бўлганда — 20 иш кунигача;

умумий майдони 50 000 кв.м дан ортиқ бўлганда — 25 иш кунигача;

ажратилган ер участкалари бўйича — 3 иш кунигача;

в) кўп йиллик дов-дарахтларга оид қисми бўйича:

кўп йиллик дов-дарахтлар учун — 10 иш кунигача.

Кадастр (йиғмажилди) паспорти йўқолганда (яроқсиз ҳолга келганда), қоғоз ёки пластик шаклда янги кадастр паспорти икки иш куни мобайнида берилади»;

17-банд қуйидаги таҳрирда баён этилсин:

«17. Малака шаҳодатномасига эга бўлган кўчмас мулк бўйича кадастр муҳандиси томонидан ўтказилган техник хатлов натижасига кўра тайёрланган йиғмажилдга асосан кўчмас мулкни ҳисобга олиш ва кадастр паспортини бериш филиал томонидан 3 иш куни мобайнида амалга оширилади»;

18-банддаги «ДК филиали» сўзлари «филиал» сўзи билан алмаштирилсин;

20-бандда :

«а» кичик банднинг учинчи хатбошисидаги «Қорақалпоғистон Республикаси, вилоятлар ва Тошкент шаҳар ер тузиш ва кўчмас мулк кадастри давлат корхонаси» сўзлари «Давлат кадастрлари палатасининг Қорақалпоғистон Республикаси, вилоятлар ва Тошкент шаҳар бошқармалари» сўзлари билан алмаштирилсин;

«б» кичик банднинг тўртинчи хатбошисидаги «Қорақалпоғистон Республикаси, вилоятлар ва Тошкент шаҳар ер тузиш ва кўчмас мулк кадастри давлат корхонаси» сўзлари «Давлат кадастрлари палатасининг Қорақалпоғистон Республикаси, вилоятлар ва Тошкент шаҳар бошқармалари» сўзлари билан алмаштирилсин;

«в» кичик банднинг учинчи хатбошисидаги «Қорақалпоғистон Республикаси, вилоятлар ва Тошкент шаҳар ер тузиш ва кўчмас мулк кадастри давлат корхонаси» сўзлари «Давлат кадастрлари палатасининг Қорақалпоғистон Республикаси, вилоятлар ва Тошкент шаҳар бошқармалари» сўзлари билан алмаштирилсин;

24-банддаги «ДК филиаллари» сўзлари «филиаллар» сўзи билан алмаштирилсин;

в) 5в-иловада :

номи қуйидаги таҳрирда баён этилсин:

«Кўчмас мулк бўйича кадастр муҳандисининг малака шаҳодатномасини бериш бўйича давлат хизматларини кўрсатишнинг маъмурий регламенти»;

1-банд қуйидаги таҳрирда баён этилсин:

«1. Мазкур Маъмурий регламент кўчмас мулк бўйича кадастр муҳандисининг малака шаҳодатномасини бериш бўйича давлат хизматларини кўрсатиш тартибини белгилайди»;

3 — 5-бандлар қуйидаги таҳрирда баён этилсин:

«3. Кадастр муносабатлари соҳасидаги тайёрлаш курсларида ўқиш Тошкент геодезия ва картография коллежининг Кадрларни қайта тайёрлаш ва уларнинг малакасини ошириш маркази (кейинги ўринларда — ўқув маркази) томонидан ташкил этилади.

4. Малака имтиҳонини топшириш учун талабгорлар қуйидаги талабларга жавоб бериши лозим:

геодезия, картография ва кадастр, бино ва иншоотлар қурилиши, қурилиш экспертизаси, кўчмас мулк экспертизаси, архитектура, ер тузиш ва ер кадастри йўналишлари бўйича олий маълумотга эга бўлиши;

геодезия, картография ва кадастр, бино ва иншоотлар қурилиши, қурилиш экспертизаси, кўчмас мулк экспертизаси, архитектура, ер тузиш ва ер кадастри йўналишлари бўйича камида бир йил иш стажига эга бўлиши ёки иш стажига эга бўлмаган ҳолда, кадастр муносабатлари соҳасида касбий қайта тайёрлаш курслари бўйича таълим олган бўлиши.

5. Кадастр муҳандиси Қорақалпоғистон Республикаси, вилоятлар ҳамда Тошкент шаҳри ҳудудида фаолият юритади.

Бунда кадастр муҳандиси ўз фаолиятини амалга ошириш учун юридик шахслар билан меҳнат шартномаси тузади ёки якка тартибдаги тадбиркор сифатида амалга оширади.»;

6-7-бандлар қуйидаги таҳрирда баён этилсин:

«6. Малака имтиҳонини ўтказиш учун Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги (кейинги ўринларда — Агентлик) директорининг буйруғи билан беш кишидан кам бўлмаган тоқ сонли таркибда малака имтиҳони комиссияси тузилади.

Агентлик директори малака имтиҳони комиссияси раиси ҳисобланади.

Малака имтиҳони комиссиясининг таркиби Агентлик ва Агентликнинг Давлат кадастрлари палатаси (кейинги ўринларда — Палата) масъул ходимлари ҳамда Ўзбекистон Савдо-саноат палатасининг масъул вакилларидан шакллантирилади.

7. Малака имтиҳони комиссиясининг таркиби доимий ҳисобланади.

Агентлик малака имтиҳони комиссиясининг таркибини шакллантириш учун Палата ва Ўзбекистон Савдо-саноат палатасига ёзма шаклда мурожаат қилади.

Комиссия ишчи органи вазифаси Палата томонидан амалга оширилади.»;

11-банддаги «9» рақами «10» рақами билан алмаштирилсин;

17-банднинг иккинчи хатбошисидаги «ўн беш» сўзлари «беш» сўзи билан алмаштирилсин;

28-банднинг иккинчи хатбошисидаги «45» рақами «60» рақами билан алмаштирилсин;

41-банддаги «ва Тошкент вилоятининг барча ҳудудларида» сўзлари «ва бутун республика бўйича» сўзлари билан алмаштирилсин;

1-2-иловаларнинг илова белгисидаги «Тошкент вилояти ва Тошкент шаҳрида» сўзлари чиқариб ташлансин;

3-илова қуйидаги таҳрирда баён этилсин:

«Кўчмас мулк бўйича кадастр муҳандисининг малака шаҳодатномасини бериш бўйича давлат хизматларини кўрсатишнинг маъмурий регламентига 3-ИЛОВА

‎ ‎ ‎ ‎ ‎ ‎ ‎ ‎ ‎ ‎ Ўзбекистон Республикасининг ‎Давлат герби тасвири ‎ ‎ ‎ ‎ ‎ ‎ ‎ ‎ ‎ ‎ Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги ‎ ‎ ‎ ‎ ‎ ‎ ‎ ‎ ‎ ‎ КАДАСТР МУҲАНДИСИНИНГ ‎МАЛАКА ШАҲОДАТНОМАСИ ‎______-сон ‎ ‎ ‎ ‎ ‎ ‎ ‎ ‎ ‎ ‎ 20___ йил «___» ___________ ‎ ‎ ‎ ‎ ‎ ‎ ‎ ‎ ‎ ‎ Кўчмас мулк бўйича кадастр муҳандиси малака шаҳодатномаси Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги томонидан ‎________________________________________________________________________ ‎_______________________________________________________________________га (кадастр муҳандиси малака шаҳодатномасини олган шахснинг Ф.И.О.) малака имтиҳон комиссиясининг 20___ йил «___» ___________даги қарорига асосан берилди. ‎ ‎ ‎ ‎ ‎ ‎ ‎ ‎ ‎ ‎ ___________________________ ‎ ‎ ‎ ‎ ‎ ‎ (ваколатли шахснинг Ф.И.О.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ QR-code»; ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

4-илованинг илова белгисидаги «Тошкент вилояти ва Тошкент шаҳрида» сўзлари чиқариб ташлансин».

3. Вазирлар Маҳкамасининг 2021 йил 22 июндаги 389-сон қарори билан тасдиқланган Кўчмас мулк объектларига кадастр йиғмажилдини тайёрлаш тартиби тўғрисидаги низомда :

4-банднинг биринчи хатбошисидаги «Давлат солиқ қўмитаси» сўзлари «Иқтисодиёт ва молия вазирлиги» сўзлари билан алмаштирилсин;

8-банд қуйидаги мазмундаги «в» кичик банд билан тўлдирилсин:

«в) кўп йиллик дов-дарахтларга оид қисми бўйича:

кўп йиллик дов-дарахтлар — 10 иш кунигача»;

12-банднинг иккинчи хатбошисидаги «ҳудудий бошқармасига» сўзлари «туман (шаҳар) филиалига» сўзлари билан алмаштирилсин;

39-бандда :

иккинчи хатбошидаги «ҳудудий бошқармасига» сўзлари «туман (шаҳар) филиалига» сўзлари билан алмаштирилсин;

учинчи хатбошидаги «ҳудудий бошқармалари» сўзлари «туман (шаҳар) филиали» сўзлари билан алмаштирилсин;

41-банднинг биринчи хатбошисидаги «ҳудудий бошқармаси» сўзлари «туман (шаҳар) филиали» сўзлари билан алмаштирилсин;

42-банднинг биринчи хатбошисидаги «ҳудудий бошқармаси» сўзлари «туман (шаҳар) филиали» сўзлари билан алмаштирилсин.

Ўзбекистон Республикасининг Бош вазири А. АРИПОВ

Тошкент ш.,

2023 йил 22 август,

411-сон

(Қонунчилик маълумотлари миллий базаси, 24.08.2023 й., 09/23/411/0649-сон)

lex.uz

Oʻzbekiston Respublikasi Vazirlar Mahkamasining

qarori

Davlat tomonidan tartibga solinadigan sohalarga xususiy sektorni keng jalb etish doirasida kadastr sohasida davlat xizmatlarini koʻrsatish tizimini yanada takomillashtirish chora-tadbirlari toʻgʻrisida

Keyingi yillarda mamlakatimizda davlatning iqtisodiyotdagi ishtirokini qisqartirish, samarali raqobatbardosh muhitni shakllantirish hamda tadbirkorlarga yanada qulay shart-sharoitlar yaratishga qaratilgan chora-tadbirlar izchil amalga oshirilmoqda.

Xususan, 2020-yil 1-yanvardan boshlab tajriba-sinov tariqasida Toshkent viloyati va Toshkent shahrida koʻchmas mulk boʻyicha kadastr muhandisi instituti joriy etildi.

Toshkent viloyati va Toshkent shahrida koʻchmas mulk boʻyicha malaka talablariga javob beradigan hamda malaka imtihonini muvaffaqiyatli topshirgan talabgorlar malaka shahodatnomasiga ega boʻldi va ular tomonidan kadastr yigʻmajildlari tayyorlanmoqda.

Davlat tomonidan tartibga solinadigan sohalarga xususiy sektorni keng jalb etish boʻyicha Toshkent shahri va Toshkent viloyatida oʻtkazilgan tajriba-sinov natijalarini inobatga olib, kadastr muhandisi institutini bosqichma-bosqich joriy etish orqali aholiga davlat xizmatlarini koʻrsatish tizimini yanada takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “ Koʻchmas mulkka boʻlgan huquqlarni davlat roʻyxatidan oʻtkazish tizimini yanada takomillashtirish chora-tadbirlari toʻgʻrisida ” 2019-yil 5-apreldagi PQ-4270-son, “ Davlat tomonidan tartibga solinadigan sohalarga xususiy sektorni jalb etish boʻyicha qoʻshimcha chora-tadbirlar toʻgʻrisida ” 2020-yil 7-dekabrdagi PQ-4913-son qarorlariga muvofiq 2020-yil 1-yanvardan 2022-yil 31-dekabrga qadar tajriba-sinov tariqasida Toshkent viloyati va Toshkent shahrida koʻchmas mulk boʻyicha kadastr muhandisi instituti joriy etilganligi maʼlumot uchun qabul qilinsin.

2. Belgilansinki, koʻchmas mulk boʻyicha kadastr muhandisi instituti uy-joy fondiga oid koʻchmas mulk obyektlariga nisbatan:

2023-yil 1-oktabrdan boshlab Toshkent shahri, Toshkent, Navoiy, Namangan, Fargʻona va Xorazm viloyatlarida;

2024-yil 1-iyuldan boshlab respublikaning barcha hududlarida joriy etiladi.

3. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:

kadastr muhandisi faoliyati bilan shugʻullanishi mumkin boʻlgan mutaxassislik yoʻnalishlarini kengaytirish;

kadastr muhandislari tomonidan shahodatnoma olish uchun ariza topshirishdan malaka imtihonigacha boʻlgan vaqtni qisqartirish;

malaka imtihonini topshirish vaqtini uzaytirish;

koʻp yillik dov-daraxtlarga kadastr yigʻmajildini tayyorlash muddatini belgilash.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.

Vazirlar Mahkamasining 2023-yil 22-avgustdagi 411-son qaroriga ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Yakka tartibdagi tadbirkorlar shugʻullanishi mumkin boʻlgan faoliyat turlari roʻyxatini tasdiqlash toʻgʻrisida” 2011-yil 7-yanvardagi 6-son qaroriga 1-ilova quyidagi mazmundagi 89-pozitsiya bilan toʻldirilsin:

“ 89. Kadastr muhandislari tomonidan koʻrsatiladigan xizmatlar ”.

2. Vazirlar Mahkamasining “Kadastr sohasida ayrim davlat xizmatlari koʻrsatishning maʼmuriy reglamentlarini tasdiqlash toʻgʻrisida” 2020-yil 2-sentabrdagi 535-son qarorida :

a) 1-bandning toʻqqizinchi xatboshisi quyidagi tahrirda bayon etilsin:

“Koʻchmas mulk boʻyicha kadastr muhandisining malaka shahodatnomasini berish boʻyicha davlat xizmatlari koʻrsatishning maʼmuriy reglamenti 5v-ilovaga muvofiq tasdiqlansin”;

b) 1-ilovada :

6-band quyidagi tahrirda bayon etilsin:

“6. Davlat kadastrlari palatasining tuman (shahar) filiallari (keyingi oʻrinlarda — filiallar) kadastr yigʻmajildini shakllantirib, uning natijasi boʻyicha kadastr pasportini taqdim etadi.

Davlat siri bilan bogʻliq boʻlgan koʻchmas mulk obyektlari boʻyicha kadastr pasportini tayyorlash uchun toʻgʻridan-toʻgʻri filiallarga murojaat qilinadi”;

7-banddagi “DK filiallari” soʻzlari “filiallar” soʻzi bilan almashtirilsin;

12-banddagi “DK filialiga” soʻzlari “filialga” soʻzi bilan almashtirilsin;

14-banddagi va 15-bandning ikkinchi xatboshisidagi “DK filiali” soʻzlari “filial” soʻzi bilan almashtirilsin;

16-band quyidagi tahrirda bayon etilsin:

“16. Kadastr pasporti obyektning murakkabligiga qarab, quyidagi muddatlarda tayyorlanadi:

a) koʻchmas mulk obyektlarining turar joyga oid qismi boʻyicha:

koʻp kvartirali uydagi kvartira uchun — 3 ish kunigacha;

yakka tartibdagi turar joy uchun — 5 ish kunigacha;

b) koʻchmas mulk obyektlarining noturar joyga oid qismi hamda yaxlit koʻp kvartirali uylar boʻyicha:

umumiy maydoni 100 kv.m. gacha boʻlganda — 5 ish kunigacha;

umumiy maydoni 100 kv.m dan 1 000 kv.m. gacha boʻlganda — 7 ish kunigacha;

umumiy maydoni 1 000 kv.m dan 5 000 kv.m. gacha boʻlganda — 10 ish kunigacha;

umumiy maydoni 5 000 kv.m dan 15 000 kv.m. gacha boʻlganda — 15 ish kunigacha;

umumiy maydoni 15 000 kv.m dan 50 000 kv.m gacha boʻlganda — 20 ish kunigacha;

umumiy maydoni 50 000 kv.m dan ortiq boʻlganda — 25 ish kunigacha;

ajratilgan yer uchastkalari boʻyicha — 3 ish kunigacha;

v) koʻp yillik dov-daraxtlarga oid qismi boʻyicha:

koʻp yillik dov-daraxtlar uchun — 10 ish kunigacha.

Kadastr (yigʻmajildi) pasporti yoʻqolganda (yaroqsiz holga kelganda), qogʻoz yoki plastik shaklda yangi kadastr pasporti ikki ish kuni mobaynida beriladi”;

17-band quyidagi tahrirda bayon etilsin:

“17. Malaka shahodatnomasiga ega boʻlgan koʻchmas mulk boʻyicha kadastr muhandisi tomonidan oʻtkazilgan texnik xatlov natijasiga koʻra tayyorlangan yigʻmajildga asosan koʻchmas mulkni hisobga olish va kadastr pasportini berish filial tomonidan 3 ish kuni mobaynida amalga oshiriladi”;

18-banddagi “DK filiali” soʻzlari “filial” soʻzi bilan almashtirilsin;

20-bandda :

“a” kichik bandning uchinchi xatboshisidagi “Qoraqalpogʻiston Respublikasi, viloyatlar va Toshkent shahar yer tuzish va koʻchmas mulk kadastri davlat korxonasi” soʻzlari “Davlat kadastrlari palatasining Qoraqalpogʻiston Respublikasi, viloyatlar va Toshkent shahar boshqarmalari” soʻzlari bilan almashtirilsin;

“b” kichik bandning toʻrtinchi xatboshisidagi “Qoraqalpogʻiston Respublikasi, viloyatlar va Toshkent shahar yer tuzish va koʻchmas mulk kadastri davlat korxonasi” soʻzlari “Davlat kadastrlari palatasining Qoraqalpogʻiston Respublikasi, viloyatlar va Toshkent shahar boshqarmalari” soʻzlari bilan almashtirilsin;

“v” kichik bandning uchinchi xatboshisidagi “Qoraqalpogʻiston Respublikasi, viloyatlar va Toshkent shahar yer tuzish va koʻchmas mulk kadastri davlat korxonasi” soʻzlari “Davlat kadastrlari palatasining Qoraqalpogʻiston Respublikasi, viloyatlar va Toshkent shahar boshqarmalari” soʻzlari bilan almashtirilsin;

24-banddagi “DK filiallari” soʻzlari “filiallar” soʻzi bilan almashtirilsin;

v) 5v-ilovada :

nomi quyidagi tahrirda bayon etilsin:

“Koʻchmas mulk boʻyicha kadastr muhandisining malaka shahodatnomasini berish boʻyicha davlat xizmatlarini koʻrsatishning maʼmuriy reglamenti”;

1-band quyidagi tahrirda bayon etilsin:

“1. Mazkur Maʼmuriy reglament koʻchmas mulk boʻyicha kadastr muhandisining malaka shahodatnomasini berish boʻyicha davlat xizmatlarini koʻrsatish tartibini belgilaydi”;

3 — 5-bandlar quyidagi tahrirda bayon etilsin:

“3. Kadastr munosabatlari sohasidagi tayyorlash kurslarida oʻqish Toshkent geodeziya va kartografiya kollejining Kadrlarni qayta tayyorlash va ularning malakasini oshirish markazi (keyingi oʻrinlarda — oʻquv markazi) tomonidan tashkil etiladi.

4. Malaka imtihonini topshirish uchun talabgorlar quyidagi talablarga javob berishi lozim:

geodeziya, kartografiya va kadastr, bino va inshootlar qurilishi, qurilish ekspertizasi, koʻchmas mulk ekspertizasi, arxitektura, yer tuzish va yer kadastri yoʻnalishlari boʻyicha oliy maʼlumotga ega boʻlishi;

geodeziya, kartografiya va kadastr, bino va inshootlar qurilishi, qurilish ekspertizasi, koʻchmas mulk ekspertizasi, arxitektura, yer tuzish va yer kadastri yoʻnalishlari boʻyicha kamida bir yil ish stajiga ega boʻlishi yoki ish stajiga ega boʻlmagan holda, kadastr munosabatlari sohasida kasbiy qayta tayyorlash kurslari boʻyicha taʼlim olgan boʻlishi.

5. Kadastr muhandisi Qoraqalpogʻiston Respublikasi, viloyatlar hamda Toshkent shahri hududida faoliyat yuritadi.

Bunda kadastr muhandisi oʻz faoliyatini amalga oshirish uchun yuridik shaxslar bilan mehnat shartnomasi tuzadi yoki yakka tartibdagi tadbirkor sifatida amalga oshiradi.”;

6-7-bandlar quyidagi tahrirda bayon etilsin:

“6. Malaka imtihonini oʻtkazish uchun Oʻzbekiston Respublikasi Iqtisodiyot va moliya vazirligi huzuridagi Kadastr agentligi (keyingi oʻrinlarda — Agentlik) direktorining buyrugʻi bilan besh kishidan kam boʻlmagan toq sonli tarkibda malaka imtihoni komissiyasi tuziladi.

Agentlik direktori malaka imtihoni komissiyasi raisi hisoblanadi.

Malaka imtihoni komissiyasining tarkibi Agentlik va Agentlikning Davlat kadastrlari palatasi (keyingi oʻrinlarda — Palata) masʼul xodimlari hamda Oʻzbekiston Savdo-sanoat palatasining masʼul vakillaridan shakllantiriladi.

7. Malaka imtihoni komissiyasining tarkibi doimiy hisoblanadi.

Agentlik malaka imtihoni komissiyasining tarkibini shakllantirish uchun Palata va Oʻzbekiston Savdo-sanoat palatasiga yozma shaklda murojaat qiladi.

Komissiya ishchi organi vazifasi Palata tomonidan amalga oshiriladi.”;

11-banddagi “9” raqami “10” raqami bilan almashtirilsin;

17-bandning ikkinchi xatboshisidagi “oʻn besh” soʻzlari “besh” soʻzi bilan almashtirilsin;

28-bandning ikkinchi xatboshisidagi “45” raqami “60” raqami bilan almashtirilsin;

41-banddagi “va Toshkent viloyatining barcha hududlarida” soʻzlari “va butun respublika boʻyicha” soʻzlari bilan almashtirilsin;

1-2-ilovalarning ilova belgisidagi “Toshkent viloyati va Toshkent shahrida” soʻzlari chiqarib tashlansin;

3-ilova quyidagi tahrirda bayon etilsin:

“Koʻchmas mulk boʻyicha kadastr muhandisining malaka shahodatnomasini berish boʻyicha davlat xizmatlarini koʻrsatishning maʼmuriy reglamentiga 3-ILOVA

‎ ‎ ‎ ‎ ‎ ‎ ‎ ‎ ‎ ‎ Oʻzbekiston Respublikasining ‎Davlat gerbi tasviri ‎ ‎ ‎ ‎ ‎ ‎ ‎ ‎ ‎ ‎ Oʻzbekiston Respublikasi Iqtisodiyot va moliya vazirligi huzuridagi Kadastr agentligi ‎ ‎ ‎ ‎ ‎ ‎ ‎ ‎ ‎ ‎ KADASTR MUHANDISINING ‎MALAKA ShAHODATNOMASI ‎______-son ‎ ‎ ‎ ‎ ‎ ‎ ‎ ‎ ‎ ‎ 20___ yil “___” ___________ ‎ ‎ ‎ ‎ ‎ ‎ ‎ ‎ ‎ ‎ Koʻchmas mulk boʻyicha kadastr muhandisi malaka shahodatnomasi Oʻzbekiston Respublikasi Iqtisodiyot va moliya vazirligi huzuridagi Kadastr agentligi tomonidan ‎________________________________________________________________________ ‎_______________________________________________________________________ga (kadastr muhandisi malaka shahodatnomasini olgan shaxsning F.I.O.) malaka imtihon komissiyasining 20___ yil “___” ___________dagi qaroriga asosan berildi. ‎ ‎ ‎ ‎ ‎ ‎ ‎ ‎ ‎ ‎ ___________________________ ‎ ‎ ‎ ‎ ‎ ‎ (vakolatli shaxsning F.I.O.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ QR-code”; ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

4-ilovaning ilova belgisidagi “Toshkent viloyati va Toshkent shahrida” soʻzlari chiqarib tashlansin”.

3. Vazirlar Mahkamasining 2021-yil 22-iyundagi 389-son qarori bilan tasdiqlangan Koʻchmas mulk obyektlariga kadastr yigʻmajildini tayyorlash tartibi toʻgʻrisidagi nizomda :

4-bandning birinchi xatboshisidagi “Davlat soliq qoʻmitasi” soʻzlari “Iqtisodiyot va moliya vazirligi” soʻzlari bilan almashtirilsin;

8-band quyidagi mazmundagi “v” kichik band bilan toʻldirilsin:

“v) koʻp yillik dov-daraxtlarga oid qismi boʻyicha:

koʻp yillik dov-daraxtlar — 10 ish kunigacha”;

12-bandning ikkinchi xatboshisidagi “hududiy boshqarmasiga” soʻzlari “tuman (shahar) filialiga” soʻzlari bilan almashtirilsin;

39-bandda :

ikkinchi xatboshidagi “hududiy boshqarmasiga” soʻzlari “tuman (shahar) filialiga” soʻzlari bilan almashtirilsin;

uchinchi xatboshidagi “hududiy boshqarmalari” soʻzlari “tuman (shahar) filiali” soʻzlari bilan almashtirilsin;

41-bandning birinchi xatboshisidagi “hududiy boshqarmasi” soʻzlari “tuman (shahar) filiali” soʻzlari bilan almashtirilsin;

42-bandning birinchi xatboshisidagi “hududiy boshqarmasi” soʻzlari “tuman (shahar) filiali” soʻzlari bilan almashtirilsin.

Oʻzbekiston Respublikasining Bosh vaziri A. ARIPOV

Toshkent sh.,

2023-yil 22-avgust,

411-son

(Qonunchilik maʼlumotlari milliy bazasi, 24.08.2023-y., 09/23/411/0649-son)

lex.uz