📅 2023-yil 2-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 2 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 2 сентября 2023 г. · Указы Президента
Официальный текст. Официальный документ. Редакционные примечания не включены.
📅 2 September 2023 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Тўқимачилик саноатини молиявий қўллаб-қувватлаш бўйича қўшимча чора-тадбирлар тўғрисида
Тўқимачилик саноати корхоналарининг мавжуд имкониятларини тўлиқ сафарбар этиш, уларнинг экспорт салоҳиятини янада ошириш мақсадида:
1. Газлама, трикотаж мато ва тайёр тикув-трикотаж маҳсулотларини экспорт қилувчи корхоналарни револьвер кредитлаш асосида айланма маблағ билан таъминлаш учун Экспортни қўллаб-қувватлаш жамғармасига буюртмаларга асосан 2023 йилда Тикланиш ва тараққиёт жамғармасидан қўшимча 50 миллион АҚШ доллари 2026 йил 1 январга қадар қайтариш шарти билан йиллик 4 фоиз ставкада ажратилсин.
2. Ўзбекистон Республикаси Президентининг 2023 йил 10 январдаги «Пахта-тўқимачилик кластерлари фаолиятини қўллаб-қувватлаш, тўқимачилик ва тикув-трикотаж саноатини тубдан ислоҳ қилиш ҳамда соҳанинг экспорт салоҳиятини янада ошириш чора-тадбирлари тўғрисида»ги ПФ-2-сон Фармонига иловага мувофиқ ўзгартиришлар киритилсин.
3. Мазкур Фармоннинг ижросини назорат қилиш Бош вазир ўринбосари Ж.А. Ходжаев зиммасига юклансин.
Ўзбекистон Республикаси Президентининг 2023 йил 2 сентябрдаги ПФ-155-сон Фармонига ИЛОВА
Ўзбекистон Республикаси Президентининг 2023 йил 10 январдаги «Пахта-тўқимачилик кластерлари фаолиятини қўллаб-қувватлаш, тўқимачилик ва тикув-трикотаж саноатини тубдан ислоҳ қилиш ҳамда соҳанинг экспорт салоҳиятини янада ошириш чора-тадбирлари тўғрисида»ги ПФ-2-сон Фармонига киритилаётган ўзгартиришлар
2-бандининг «а» кичик бандида :
иккинчи хатбошидаги «2023 йилда 50 миллион АҚШ доллари ва 2024 йилда 150 миллион АҚШ доллари миқдоридаги маблағлар 2026 йил 1 январга қадар қайтариш шарти билан йиллик 4 фоиз ставкада» сўзлари «2023 йилда 100 миллион АҚШ доллари ва 2024 йилда 150 миллион АҚШ доллари миқдоридаги маблағлар 2024 йил августдан бошлаб 2026 йил 1 январга қадар қайтариш шарти билан йиллик 4 фоиз ставкада» сўзлари билан алмаштирилсин;
учинчи хатбошидаги «100» рақами «50» рақамига алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 2 сентябрь,
ПФ-155-сон
Oʻzbekiston Respublikasi Prezidentining
Farmoni
Toʻqimachilik sanoatini moliyaviy qoʻllab-quvvatlash boʻyicha qoʻshimcha chora-tadbirlar toʻgʻrisida
Toʻqimachilik sanoati korxonalarining mavjud imkoniyatlarini toʻliq safarbar etish, ularning eksport salohiyatini yanada oshirish maqsadida:
1. Gazlama, trikotaj mato va tayyor tikuv-trikotaj mahsulotlarini eksport qiluvchi korxonalarni revolver kreditlash asosida aylanma mablagʻ bilan taʼminlash uchun Eksportni qoʻllab-quvvatlash jamgʻarmasiga buyurtmalarga asosan 2023-yilda Tiklanish va taraqqiyot jamgʻarmasidan qoʻshimcha 50 million AQSh dollari 2026-yil 1-yanvarga qadar qaytarish sharti bilan yillik 4 foiz stavkada ajratilsin.
2. Oʻzbekiston Respublikasi Prezidentining 2023-yil 10-yanvardagi “Paxta-toʻqimachilik klasterlari faoliyatini qoʻllab-quvvatlash, toʻqimachilik va tikuv-trikotaj sanoatini tubdan isloh qilish hamda sohaning eksport salohiyatini yanada oshirish chora-tadbirlari toʻgʻrisida”gi PF-2-son Farmoniga ilovaga muvofiq oʻzgartirishlar kiritilsin.
3. Mazkur Farmonning ijrosini nazorat qilish Bosh vazir oʻrinbosari J.A. Xodjayev zimmasiga yuklansin.
Oʻzbekiston Respublikasi Prezidentining 2023-yil 2-sentabrdagi PF-155-son Farmoniga ILOVA
Oʻzbekiston Respublikasi Prezidentining 2023-yil 10-yanvardagi “Paxta-toʻqimachilik klasterlari faoliyatini qoʻllab-quvvatlash, toʻqimachilik va tikuv-trikotaj sanoatini tubdan isloh qilish hamda sohaning eksport salohiyatini yanada oshirish chora-tadbirlari toʻgʻrisida”gi PF-2-son Farmoniga kiritilayotgan oʻzgartirishlar
2-bandining “a” kichik bandida :
ikkinchi xatboshidagi “2023-yilda 50 million AQSh dollari va 2024-yilda 150 million AQSh dollari miqdoridagi mablagʻlar 2026-yil 1-yanvarga qadar qaytarish sharti bilan yillik 4 foiz stavkada” soʻzlari “2023-yilda 100 million AQSh dollari va 2024-yilda 150 million AQSh dollari miqdoridagi mablagʻlar 2024-yil avgustdan boshlab 2026-yil 1-yanvarga qadar qaytarish sharti bilan yillik 4 foiz stavkada” soʻzlari bilan almashtirilsin;
uchinchi xatboshidagi “100” raqami “50” raqamiga almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 2-sentabr,
PF-155-son
Президента Республики Узбекистан
Указ
О дополнительных мерах по финансовой поддержке текстильной промышленности
В целях полной мобилизации имеющихся возможностей предприятий текстильной промышленности, дальнейшего повышения их экспортного потенциала:
1. Выделить в 2023 году из Фонда реконструкции и развития на основе заказов дополнительно 50 миллионов долларов США Фонду поддержки экспорта для обеспечения оборотными средствами предприятий, осуществляющих экспорт тканей, трикотажного полотна и готовой швейно-трикотажной продукции, на основе револьверного кредитования с условием возврата до 1 января 2026 года по ставке 4 процента годовых.
2. Внести изменения в Указ Президента Республики Узбекистан от 10 января 2023 года № УП-2 «О мерах по поддержке деятельности хлопково-текстильных кластеров, коренному реформированию текстильной и швейно-трикотажной промышленности, а также дальнейшему повышению экспортного потенциала сферы» согласно приложению .
3. Контроль за исполнением настоящего Указа возложить на заместителя Премьер-министра Ж.А. Ходжаева.
ПРИЛОЖЕНИЕ к Указу Президента Республики Узбекистан от 2 сентября 2023 года № УП-155
Изменения, вносимые в Указ Президента Республики Узбекистан от 10 января 2023 года № УП-2 «О мерах по поддержке деятельности хлопково-текстильных кластеров, коренному реформированию текстильной и швейно-трикотажной промышленности, а также дальнейшему повышению экспортного потенциала сферы»
В подпункте «а» пункта 2:
в абзаце втором слова «в 2023 году средства в размере 50 миллионов долларов США, в 2024 году — в размере 150 миллионов долларов США с условием возврата до 1 января 2026 года по ставке 4 процента годовых» заменить словами «в 2023 году средства в размере 100 миллионов долларов США, в 2024 году — в размере 150 миллионов долларов США с условием возврата начиная с августа 2024 года до 1 января 2026 года по ставке 4 процента годовых»;
в абзаце третьем цифру «100» заменить цифрой «50».
Президент Республики Узбекистан Ш. МИРЗИЁЕВ
г. Ташкент,
2 сентября 2023 г.,
№ УП-155