📅 2023-yil 7-sentabr · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 7 сентябрь · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 7 сентября 2023 г. · Законы и кодексы
Официальный текст. Официальный документ. Редакционные примечания не включены.
📅 7 September 2023 · Laws and codes
Official text. Official document. Editorial notes are not included.
Ўзбекистон Республикасининг Қонуни
«Ҳайвонот дунёсини муҳофаза қилиш ва ундан фойдаланиш тўғрисида»ги Ўзбекистон Республикаси Қонунининг 43-моддасига қўшимча ва ўзгартириш киритиш ҳақида
Қонунчилик палатаси томонидан 2023 йил 16 майда қабул қилинган Сенат томонидан 2023 йил 5 августда маъқулланган
Мамлакатимизда атроф-муҳитни муҳофаза қилиш, экологик вазиятни яхшилаш, шунингдек биохилмахилликни сақлаш ҳамда ундан фойдаланиш бўйича амалга оширилаётган чора-тадбирлар ёввойи ҳайвонларнинг табиий зотга оид турларининг, айниқса, камёб ва йўқолиб кетиш хавфи остида турган турларининг барқарор яшаш шароитларини таъминлаш ҳамда сақлаб қолиш учун асос бўлиб хизмат қилмоқда.
Шу билан бирга йиртқич ва заҳарли ёввойи ҳайвонларни ярим эркин шароитларда ёки тутқунликда сақлаш, улардан тижорат мақсадларида фойдаланиш, уларни жамоат жойларида сайр қилдиришнинг турли ҳодисаларга олиб келиши ҳоллари учраётганлиги аҳолининг ҳаёти ва соғлиғини муҳофаза қилиш мақсадида қонун ҳужжатларини такомиллаштиришни талаб этмоқда.
Шу муносабат билан ёввойи ҳайвонларни сақлашни тартибга солиш мақсадида «Ҳайвонот дунёсини муҳофаза қилиш ва ундан фойдаланиш тўғрисида»ги Ўзбекистон Республикаси Қонунида жисмоний шахслар томонидан сақланиши тақиқланган ёввойи ҳайвонларнинг рўйхатини, шунингдек мазкур рўйхатга киритилган ёввойи ҳайвонларни юридик шахслар томонидан сақлаш тартибини белгилаш Ўзбекистон Республикаси Вазирлар Маҳкамасининг зиммасига юклатилмоқда.
Ушбу Қонун ёввойи ҳайвонларни сақлаш ҳамда улардан турли мақсадларда фойдаланиш билан боғлиқ ҳолларда аҳолининг ҳаёти ва соғлиғини муҳофаза қилишга, шунингдек ваколатли давлат органининг ушбу йўналишдаги жавобгарлигини оширишга хизмат қилади.
1-модда. Ўзбекистон Республикасининг 1997 йил 26 декабрда қабул қилинган «Ҳайвонот дунёсини муҳофаза қилиш ва ундан фойдаланиш тўғрисида»ги 545–I-сонли Қонунининг (Ўзбекистон Республикасининг 2016 йил 19 сентябрда қабул қилинган ЎРҚ-408-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2016 йил, № 9, 273-модда; 2017 йил, № 9, 510-модда; 2018 йил, № 4, 224-модда; 2019 йил, № 1, 1-модда, № 8, 470-модда; 2020 йил, № 7, 447-модда; 2021 йил, 4-сонга илова; 2022 йил, № 5, 466-модда, № 6, 570-модда) 43-моддасига қуйидаги қўшимча ва ўзгартириш киритилсин:
қуйидаги мазмундаги бешинчи қисм билан тўлдирилсин:
«Жисмоний шахслар томонидан ярим эркин шароитларда, сунъий яратилган яшаш муҳитида ёки тутқунликда сақланиши тақиқланган ёввойи ҳайвонларнинг рўйхати, шунингдек мазкур рўйхатга киритилган ёввойи ҳайвонларни юридик шахслар томонидан сақлаш тартиби Ўзбекистон Республикаси Вазирлар Маҳкамаси томонидан белгиланади»;
бешинчи қисм олтинчи қисм деб ҳисоблансин.
2-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин;
ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
3-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2023 йил 7 сентябрь,
ЎРҚ-867-сон
Oʻzbekiston Respublikasining Qonuni
“Hayvonot dunyosini muhofaza qilish va undan foydalanish toʻgʻrisida”gi Oʻzbekiston Respublikasi Qonunining 43-moddasiga qoʻshimcha va oʻzgartirish kiritish haqida
Qonunchilik palatasi tomonidan 2023-yil 16-mayda qabul qilingan Senat tomonidan 2023-yil 5-avgustda maʼqullangan
Mamlakatimizda atrof-muhitni muhofaza qilish, ekologik vaziyatni yaxshilash, shuningdek bioxilmaxillikni saqlash hamda undan foydalanish boʻyicha amalga oshirilayotgan chora-tadbirlar yovvoyi hayvonlarning tabiiy zotga oid turlarining, ayniqsa, kamyob va yoʻqolib ketish xavfi ostida turgan turlarining barqaror yashash sharoitlarini taʼminlash hamda saqlab qolish uchun asos boʻlib xizmat qilmoqda.
Shu bilan birga yirtqich va zaharli yovvoyi hayvonlarni yarim erkin sharoitlarda yoki tutqunlikda saqlash, ulardan tijorat maqsadlarida foydalanish, ularni jamoat joylarida sayr qildirishning turli hodisalarga olib kelishi hollari uchrayotganligi aholining hayoti va sogʻligʻini muhofaza qilish maqsadida qonun hujjatlarini takomillashtirishni talab etmoqda.
Shu munosabat bilan yovvoyi hayvonlarni saqlashni tartibga solish maqsadida “Hayvonot dunyosini muhofaza qilish va undan foydalanish toʻgʻrisida”gi Oʻzbekiston Respublikasi Qonunida jismoniy shaxslar tomonidan saqlanishi taqiqlangan yovvoyi hayvonlarning roʻyxatini, shuningdek mazkur roʻyxatga kiritilgan yovvoyi hayvonlarni yuridik shaxslar tomonidan saqlash tartibini belgilash Oʻzbekiston Respublikasi Vazirlar Mahkamasining zimmasiga yuklatilmoqda.
Ushbu Qonun yovvoyi hayvonlarni saqlash hamda ulardan turli maqsadlarda foydalanish bilan bogʻliq hollarda aholining hayoti va sogʻligʻini muhofaza qilishga, shuningdek vakolatli davlat organining ushbu yoʻnalishdagi javobgarligini oshirishga xizmat qiladi.
1-modda. Oʻzbekiston Respublikasining 1997-yil 26-dekabrda qabul qilingan “Hayvonot dunyosini muhofaza qilish va undan foydalanish toʻgʻrisida”gi 545–I-sonli Qonunining (Oʻzbekiston Respublikasining 2016-yil 19-sentabrda qabul qilingan OʻRQ-408-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2016-yil, № 9, 273-modda; 2017-yil, № 9, 510-modda; 2018-yil, № 4, 224-modda; 2019-yil, № 1, 1-modda, № 8, 470-modda; 2020-yil, № 7, 447-modda; 2021-yil, 4-songa ilova; 2022-yil, № 5, 466-modda, № 6, 570-modda) 43-moddasiga quyidagi qoʻshimcha va oʻzgartirish kiritilsin:
quyidagi mazmundagi beshinchi qism bilan toʻldirilsin:
“Jismoniy shaxslar tomonidan yarim erkin sharoitlarda, sunʼiy yaratilgan yashash muhitida yoki tutqunlikda saqlanishi taqiqlangan yovvoyi hayvonlarning roʻyxati, shuningdek mazkur roʻyxatga kiritilgan yovvoyi hayvonlarni yuridik shaxslar tomonidan saqlash tartibi Oʻzbekiston Respublikasi Vazirlar Mahkamasi tomonidan belgilanadi”;
beshinchi qism oltinchi qism deb hisoblansin.
2-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin;
ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
3-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2023-yil 7-sentabr,
OʻRQ-867-son
Закон Республики Узбекистан
О внесении дополнения и изменения в статью 43 Закона Республики Узбекистан «Об охране и использовании животного мира»
Принят Законодательной палатой 16 мая 2023 года Одобрен Сенатом 5 августа 2023 года
Реализуемые в стране меры по охране окружающей среды, улучшению экологической ситуации, а также сохранению и использованию биоразнообразия служат основой для обеспечения стабильных условий обитания и сохранения естественных популяций диких животных, в особенности их редких и находящихся под угрозой исчезновения видов.
Вместе с тем встречающиеся случаи содержания хищных и ядовитых диких животных в полувольных условиях или в неволе, использования их в коммерческих целях, выгула в общественных местах, приводящие к различным происшествиям, требуют совершенствования законодательных актов в целях защиты жизни и здоровья населения.
В связи с этим в целях упорядочения содержания диких животных в Законе Республики Узбекистан «Об охране и использовании животного мира» на Кабинет Министров Республики Узбекистан возлагается определение перечня диких животных, запрещенных к содержанию физическими лицами, а также порядка содержания юридическими лицами диких животных, включенных в данный перечень.
Настоящий Закон послужит охране жизни и здоровья населения в случаях, связанных с содержанием и использованием диких животных в различных целях, а также повышению ответственности уполномоченного государственного органа в этом направлении.
Статья 1. Внести в статью 43 Закона Республики Узбекистан от 26 декабря 1997 года № 545-I «Об охране и использовании животного мира» (в редакции Закона Республики Узбекистан от 19 сентября 2016 года № ЗРУ-408) (Ведомости палат Олий Мажлиса Республики Узбекистан, 2016 г., № 9, ст. 273; 2017 г., № 9, ст. 510; 2018 г., № 4, ст. 224; 2019 г., № 1, ст. 1, № 8, ст. 470; 2020 г., № 7, ст. 447; 2021 г., приложение к № 4; 2022 г., № 5, ст. 466, № 6, ст. 570) следующие дополнение и изменение:
дополнить частью пятой следующего содержания:
«Перечень диких животных, запрещенных к содержанию физическими лицами в полувольных условиях, искусственно созданной среде обитания или в неволе, а также порядок содержания юридическими лицами диких животных, включенных в данный перечень, определяются Кабинетом Министров Республики Узбекистан»;
часть пятую считать частью шестой.
Статья 2. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону;
обеспечить исполнение, доведение до исполнителей и разъяснение среди населения сути и значения настоящего Закона.
Статья 3. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
7 сентября 2023 г.,
№ ЗРУ-867