UzbekAI

Ўзбекистон Республикаси Вазирлар Маҳкамасининг

қарори

МАЪМУРИЙ РЕГЛАМЕНТИ

СХЕМАСИ

Махсус иқтисодий зоналар ҳудудида инвесторларга давлат хизматларини кўрсатишнинг маъмурий регламентини тасдиқлаш тўғрисида

Ўзбекистон Республикаси Президентининг «Махсус иқтисодий, кичик саноат, ёшлар саноат ва тадбиркорлик зоналари фаолияти самарадорлигини оширишнинг қўшимча чора-тадбирлари тўғрисида» 2022 йил 13 июндаги ПФ-153-сон Фармони ижросини таъминлаш, шунингдек, махсус иқтисодий зоналар ҳудудида фаолият юритиш истагини билдирган инвесторларга қулайликлар яратиш, уларнинг махсус иқтисодий зоналар дирекциялари ва давлат ташкилотлари билан ҳамкорлик жараёнларини автоматлаштириш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Махсус иқтисодий, кичик саноат, ёшлар саноат ва тадбиркорлик зоналари фаолияти самарадорлигини оширишнинг қўшимча чора-тадбирлари тўғрисида» 2022 йил 13 июндаги ПФ-153-сон Фармонига мувофиқ инвесторларнинг махсус иқтисодий зоналар дирекциялари ва давлат ташкилотлари билан ҳамкорлик жараёнларида «ягона дарча» тамойили асосида хизмат кўрсатиш тизимини жорий қилиш белгиланганлиги маълумот учун қабул қилинсин.

2. 2023 йил 1 декабрдан бошлаб махсус иқтисодий зоналар ҳудудида инвестиция лойиҳаларини жойлаштириш, иштирокчиларни рўйхатдан ўтказиш, улар билан инвестиция лойиҳасини амалга ошириш тўғрисидаги битим ва ижара шартномаларини тузиш бўйича давлат хизматлари Ягона интерактив давлат хизматлари портали (кейинги ўринларда — ЯИДХП), Давлат хизматлари марказлари ёки махсус иқтисодий зоналар дирекцияларига тўғридан-тўғри мурожаат қилиш орқали амалга оширилади.

3. Қуйидагиларни назарда тутувчи Махсус иқтисодий зоналар ҳудудида инвесторларга давлат хизматларини кўрсатишнинг маъмурий регламенти иловага мувофиқ тасдиқлансин:

махсус иқтисодий зоналар ҳудудида инвестиция лойиҳасини жойлаштириш учун инвестиция буюртманомасини тақдим этиш тартиби;

инвестиция буюртманомасини махсус иқтисодий зоналар дирекцияси томонидан кўриб чиқиш тартиби;

инвестиция лойиҳасини амалга ошириш тўғрисида битим тузиш ва махсус иқтисодий зоналар иштирокчиларини рўйхатдан ўтказиш тартиби.

4. Инвестициялар, саноат ва савдо вазирлиги Адлия вазирлиги ҳамда маҳаллий ижро этувчи ҳокимият органлари билан биргаликда Давлат хизматлари марказлари ва ЯИДХП орқали махсус иқтисодий зоналар ҳудудида инвесторларга кўрсатиладиган давлат хизматлари турини кўпайтириш чораларини кўрсин.

5. Рақамли технологиялар вазирлиги Инвестициялар, саноат ва савдо вазирлиги ҳамда Адлия вазирлиги билан биргаликда икки ой муддатда:

махсус иқтисодий зоналар ҳудудида инвесторларга давлат хизматлари ЯИДХП ва Давлат хизматлари маркази орқали кўрсатилишини таъминласин;

ЯИДХПда давлат хизматлари кўрсатилишининг ҳар бир босқичида мурожаатларнинг кўриб чиқилишини кузатиб бориш тартибини жорий этсин;

давлат хизматларини кўрсатиш учун тўловлар Ягона биллинг тизими орқали амалга оширилишини йўлга қўйсин.

6. Адлия вазирлиги:

махсус иқтисодий зоналар дирекциялари ҳамда давлат ташкилотлари томонидан давлат хизматлари кўрсатилишининг белгиланган тартибига риоя этилиши юзасидан уларнинг фаолияти бўйича, шу жумладан, ЯИДХП орқали доимий назорат ўрнатсин;

ушбу қарор билан тасдиқланган маъмурий регламентнинг талабларини бузганлик учун махсус иқтисодий зоналар дирекциялари ҳамда давлат ташкилотлари мансабдор шахсларига нисбатан белгиланган тартибда жавобгарлик чораларини қўлласин.

7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев зиммасига юклансин.

Вазирлар Маҳкамасининг 2023 йил 7 сентябрдаги 452-сон қарорига ИЛОВА

Махсус иқтисодий зоналар ҳудудида инвесторларга давлат хизматларини кўрсатишнинг

1-боб. Умумий қоидалар

1. Ушбу Регламент махсус иқтисодий зоналар ҳудудида инвесторларга махсус иқтисодий зоналар дирекциялари (кейинги ўринларда — Дирекция) ҳамда давлат ташкилотлари томонидан давлат хизматини (кейинги ўринларда — давлат хизмати) кўрсатиш тартибини белгилайди.

2. Ушбу Регламент қоидалари махсус иқтисодий зоналар ҳудудида инвесторларга кўрсатиладиган қуйидаги давлат хизмати турларига нисбатан татбиқ этилади:

инвестиция лойиҳаларини амалга ошириш учун уларни танлаб олиш (бизнес-режалар бўйича хулосалар бериш, ер майдонлари ҳамда бино ва иншоотларни аукционга чиқариш);

махсус иқтисодий зоналар иштирокчиларини рўйхатдан ўтказиш;

махсус иқтисодий зоналар иштирокчилари билан инвестиция лойиҳасини амалга ошириш тўғрисида битим ва ижара шартномаларини тузиш.

3. Махсус иқтисодий зоналар ҳудудида инвесторларга Дирекция томонидан давлат хизмати ушбу Регламентга 1-иловадаги схемага мувофиқ кўрсатилади.

2-боб. Давлат хизматини кўрсатиш тартиби

4. Махсус иқтисодий зоналар ҳудудида янги инвестиция лойиҳасини молиялаштириш ва амалга ошириш истагини билдирган юридик шахслар (кейинги ўринларда — Инвестор) давлат хизматидан фойдаланиш учун Давлат хизматлари марказига ўзи келиб мурожаат қилади ёки Ўзбекистон Республикаси Ягона интерактив давлат хизматлари порталидан (кейинги ўринларда — ЯИДХП) рўйхатдан ўтади ёхуд бевосита Дирекцияга мурожаат қилади.

5. Инвестор Давлат хизматлари марказига келиб мурожаат этганда, ушбу Регламентга 2-иловадаги шаклга мувофиқ инвестиция буюртманомаси Давлат хизмати маркази ходими томонидан тўлдирилиб, Инвестор томонидан тасдиқланади.

Инвестор ЯИДХП орқали мурожаат қилган тақдирда, мустақил равишда ушбу Регламентга 2-иловага мувофиқ шаклдаги инвестиция буюртманомасини тўлдиради.

Инвестор Дирекцияга мустақил равишда мурожаат қилган ҳолларда инвестиция буюртманомаси қоғоз шаклида ёки почта алоқа воситаси орқали тақдим этилади.

Инвестор инвестиция буюртманомасига «Махсус иқтисодий зоналар тўғрисида»ги Қонуннинг 7-бобига асосан ҳужжатлар тўпламини (кейинги ўринларда — ҳужжатлар тўплами) илова қилади.

6. Инвестиция буюртманомасига илова қилинган ҳужжатлар ва улардаги маълумотларнинг тўғри расмийлаштирилганлиги Давлат хизматлари маркази ходими томонидан текшириб олинади.

7. Инвестор Давлат хизматлари марказига келиб мурожаат қилганда, барча ҳужжатлар реал вақт режимида Дирекцияга электрон шаклда юборилади. ЯИДХП орқали мурожаат қилинганда эса, Инвестиция буюртманомаси автоматик тарзда Дирекцияга юборилади.

8. Инвестор томонидан тақдим этилган ҳужжатларда ишончли бўлмаган ёки бузиб кўрсатилган маълумотлар аниқланиши Давлат хизматини кўрсатишни рад этиш учун асос бўлади.

Давлат хизматини кўрсатишни бошқа асослар бўйича рад этиш тақиқланади.

9. Инвестор давлат хизматидан фойдаланишдан инвестиция буюртманомасини кўриб чиқиш натижаси бўйича Дирекция томонидан қарор қабул қилингунга қадар бош тортиш ҳуқуқига эга.

Инвестор давлат хизматидан фойдаланишдан бош тортганда, унинг мурожаати кўрилмасдан қолдирилади.

10. Дирекцияга келиб тушган инвестиция буюртманомаси шу куннинг ўзида, иш вақти тугаганидан кейин келиб тушган бўлса, кейинги иш куни рўйхатдан ўтказади.

11. Махсус иқтисодий зоналар ҳудудида инвестиция лойиҳаларини жойлаштириш бўйича инвесторлар томонидан тақдим қилинган инвестиция буюртманомаси ва унга илова қилинган ҳужжатлар Дирекция томонидан ўн иш кунида кўриб чиқилади.

12. Инвестиция буюртманомаси ва унга илова қилинган ҳужжатлар «Махсус иқтисодий зоналар тўғрисида»ги Қонун талабларига мувофиқ бўлмаган тақдирда, ҳужжатлар тўплами қайтариш сабаблари кўрсатилган ҳолда ЯИДХП орқали ёки Инвестор бевосита мурожаат этган тақдирда, почта алоқа воситаси орқали қайтариб юборилади.

Қайтариш учун асос бўлган сабаблар бартараф этилганидан кейин инвестиция буюртманомаси Дирекцияга инвестор томонидан такроран ўттиз кун ичида тақдим этилиши мумкин.

13. Инвестиция буюртманомаси ва унга илова қилинадиган ҳужжатларни такроран кўриб чиқиш муддати беш иш кунини ташкил этади. Бунда илгари кўриб чиқилган ҳужжатларга нисбатан янги мулоҳазалар тақдим этилишига йўл қўйилмайди.

3-боб. Инвестиция буюртманомасини кўриб чиқиш натижаси бўйича қарор қабул қилиш

14. Инвестиция буюртманомасини кўриб чиқиш натижаси бўйича Дирекциянинг қарори баённома билан расмийлаштирилади, баённома Дирекция директори томонидан QR код билан тасдиқланади.

15. Баённомадан кўчирма инвестиция буюртманомасини берган инвесторга баённома тасдиқланган куннинг ўзида Дирекция томонидан ЯИДХП орқали ёки Инвестор бевосита мурожаат этган тақдирда, почта алоқа воситаси орқали юборилади.

16. Дирекциянинг махсус иқтисодий зоналар ҳудудида инвестиция лойиҳасини амалга ошириш тўғрисидаги қарори қуйидагилар учун асос бўлади:

инвестиция буюртманомасида кўрсатилган инвестиция лойиҳасини амалга ошириш учун зарур бўлган ер участкаси ёки бино ва иншоотни электрон онлайн-аукционга қўйиш;

электрон онлайн-аукцион ғолиби билан инвестиция битими ва ижара шартномасини тузиш.

17. Инвестиция лойиҳаси махсус иқтисодий зоналар тўғрисидаги қонунчилик талабларига тўғри келмаслиги муносабати билан уни амалга оширишнинг мақсадга мувофиқ эмаслиги тўғрисидаги Дирекция қарори устидан инвестиция буюртманомасини берган Инвестор белгиланган тартибда шикоят қилиши мумкин.

4-боб. Дирекция томонидан ишлаб чиқилган инвестиция буюртманомасини тасдиқлаш ва амалга ошириш

18. Махсус иқтисодий зоналар ҳудудида лойиҳаларни жойлаштириш ва яратилган инфратузилмадан самарали фойдаланиш мақсадида махсус иқтисодий зоналар ихтисослашуви ва бош режасига асосан Дирекция томонидан (консалтинг компаниялар, Хорижий инвестицияларни жалб этиш агентлиги, Лойиҳа гуруҳларини жалб этган ҳолда) инвестиция буюртманомалари ишлаб чиқилиши мумкин.

19. Дирекция томонидан ишлаб чиқилган инвестиция буюртманомаси беш иш кунида Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан тасдиқланади ёки асосли эътирозлар билан ишлаш учун Дирекцияга қайтарилади.

20. Тасдиқланган инвестиция буюртманомалари Дирекция томонидан электрон онлайн-аукцион савдоларига уч иш кунида чиқарилади.

21. Дирекция электрон онлайн-аукцион савдоси ғолибини мазкур регламентнинг 5-бобига асосан рўйхатдан ўтказади.

5-боб. Инвестиция лойиҳасини амалга ошириш тўғрисидаги битимни тузиш ва махсус иқтисодий зоналар иштирокчиларини рўйхатдан ўтказиш тартиби

22. Дирекция электрон-онлайн аукцион ғолиби бўлган Инвестор билан инвестиция лойиҳасини амалга ошириш тўғрисида битим ва ижара шартномаси тузади.

22 1 . Электрон-онлайн аукцион савдолари ғолиби бўлган юридик шахс махсус иқтисодий зона ҳудудидан қайта давлат рўйхатидан ўтказилади (илгари махсус иқтисодий зона ҳудудидан давлат рўйхатидан ўтказилган юридик шахслар бундан мустасно).

Инвесторни қайта рўйхатдан ўтказиш бўйича ариза композит тарзда Давлат хизматлари марказига юборилиши мумкин.

Бунда инвестор Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизимига юборилган электрон-онлайн аукцион савдоларида ғолиб бўлганлиги ҳақидаги хабарнома асосида автоматик тарзда қайта рўйхатдан ўтказилади.

23. Инвестиция лойиҳасини амалга ошириш тўғрисидаги битим махсус иқтисодий зоналар фаолият кўрсатиш муддатидан ошмайдиган муддатга тузилади.

24. Инвестор томонидан лойиҳа амалга ошириладиган ҳудудда рўйхатдан ўтган тадбиркорлик субъекти (кейинги ўринларда — корхона) ва Дирекция ўртасидаги инвестиция лойиҳасини амалга ошириш тўғрисидаги битим имзоланган санадан бошлаб кучга киради.

25. Инвестиция лойиҳасини амалга ошириш тўғрисидаги битимнинг амал қилиши қуйидаги ҳолларда якунланади:

инвестиция лойиҳасини амалга ошириш тўғрисидаги битим тузилган муддат тугагандан сўнг;

тадбиркорлик субъекти махсус иқтисодий зона иштирокчиси мақомидан маҳрум этилганда;

махсус иқтисодий зоналар муддатидан олдин тугатилганда;

қонунчиликда ёки инвестиция битимида назарда тутилган бошқа ҳолларда.

26. Корхона махсус иқтисодий зона иштирокчиси сифатида рўйхатдан ўтиши учун базавий ҳисоблаш миқдорининг қирқ беш баравари миқдорида тўлов тўлайди ва тўловлар ундирилганлиги Ягона биллинг тизими орқали тасдиқланади.

27. Тўловлар суммаси қуйидаги тартибда тақсимланади:

а) Давлат хизматлари марказлари орқали мурожаат этилганда:

0,5 фоизи (давлат хизмати Ягона биллинг тизими орқали кўрсатилганда) — Рақамли технологиялар вазирлиги ҳузуридаги «Электрон ҳукумат лойиҳаларини бошқариш маркази» давлат муассасасининг ғазначиликдаги махсус ҳисобварағига;

18 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига;

қолган маблағлар — Дирекциянинг махсус ҳисобварағига ўтказилади;

б) ЯИДХП орқали мурожаат этилганда:

11,75 фоизи (шундан 0,5 фоизи — давлат хизмати Ягона биллинг тизими орқали кўрсатилганда) — Рақамли технологиялар вазирлиги ҳузуридаги «Электрон ҳукумат лойиҳаларини бошқариш маркази» давлат муассасасининг ғазначиликдаги махсус ҳисобварағига;

қолган маблағлар — Дирекциянинг махсус ҳисобварағига ўтказилади.

28. Корхона ва Дирекция ўртасидаги инвестиция лойиҳасини амалга ошириш тўғрисидаги битим имзолангандан сўнг ушбу Регламентга 3-иловада белгиланган шакл бўйича QR код қўйилган махсус иқтисодий зоналар иштирокчиси гувоҳномаси берилади.

7-боб. Якунловчи қоидалар

29. Давлат хизматлари маркази ва Дирекция ўз фаолиятини амалга ошириши натижасида олинган маълумотларнинг сир сақланишини таъминлайди.

30. Адлия вазирлиги ва Давлат хизматлари марказлари ушбу Регламентнинг талаблари бажарилиши бўйича давлат органлари ҳамда бошқа ташкилотларнинг фаолиятини доимий назорат қилади ва мониторинг олиб боради.

31. Инвестор давлат органлари ва бошқа ташкилотлар ходимларининг хатти-ҳаракатлари юзасидан қонунчиликка мувофиқ шикоят қилиши мумкин.

32. Ушбу Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.

Махсус иқтисодий зоналар ҳудудида инвесторларга давлат хизматларини кўрсатишнинг маъмурий регламентига 1-ИЛОВА

Махсус иқтисодий зоналар ҳудудида инвесторларга Дирекция томонидан давлат хизматини кўрсатиш

Босқичлар Субъектлар Тадбирлар Бажариш муддатлари 1-босқич Инвестор (юридик шахслар ёки уларнинг ваколатли вакиллари) Давлат хизматидан фойдаланиш учун Давлат хизматлари марказига ўзи келиб мурожаат қилади ёки Ўзбекистон Республикаси Ягона интерактив давлат хизматлари порталидан рўйхатдан ўтади ҳамда бевосита махсус иқтисодий зоналар дирекцияларига (кейинги ўринларда — Дирекция) мурожаат қилади. Реал вақт режимида 2-босқич 1. Давлат хизматлари марказлари 2. Ягона интерактив давлат хизматлари портали Ариза ва унга илова қилинган ҳужжатлар тўпламини Дирекцияга электрон шаклда юборади. Реал вақт режимида 3-босқич Дирекция 1. Тақдим қилинган инвестиция буюртманомаси ва унга илова қилинган ҳужжатларни кўриб чиқади ҳамда натижаси бўйича: а) махсус иқтисодий зоналар тўғрисидаги қонунчилик талабларига мувофиқ бўлмаган тақдирда, ҳужжатлар тўпламини қайтариш сабабларини кўрсатган ҳолда асослантирилган хулоса хатини тақдим этади; б) ҳужжатларда камчиликлар аниқланмаса, инвестиция лойиҳасини амалга ошириш тўғрисидаги қарорни тақдим этади. Ҳужжатлар келиб тушгандан бошлаб 10 иш куни мобайнида 4-босқич Дирекция Маъқулланган инвестиция буюртманомасида талаб этилган ҳажмдаги ер майдони ёки бўш бино ва иншоотни электрон онлайн-аукцион савдоларига чиқаради. Қарор қабул қилингандан бошлаб 3 иш куни мобайнида 5-босқич Инвестор Электрон-онлайн аукцион савдолари ғолиби бўлган юридик шахсни махсус иқтисодий зона ҳудудида қайта (ёки ўзи ташкил этаётган тадбиркорлик субъектини) давлат рўйхатидан ўтказади (илгари махсус иқтисодий зона ҳудудидан давлат рўйхатидан ўтказилган юридик шахслар бундан мустасно). Онлайн-аукцион савдолари якунлангандан сўнг 5 иш куни мобайнида 6-босқич Дирекция Дирекция электрон онлайн-аукцион савдолари ғолиби билан махсус иқтисодий зона ҳудудида инвестиция лойиҳасини амалга ошириш бўйича инвестиция битимини ва ижара шартномасини тузади ёки зарур бўлганда, битим қоидаларини келишиш мақсадида музокаралар ўтказади. Онлайн-аукцион савдолари якунлангандан бошлаб 3 иш куни мобайнида 7-босқич Инвестор 1. Махсус иқтисодий зона иштирокчиси сифатида рўйхатдан ўтказиш бўйича қонунчиликда белгиланган ҳужжатларни тақдим этади. 2. Махсус иқтисодий зона иштирокчилари реестрига киритиш учун бир марталик тўловни амалга оширади. Инвестиция битими имзолангандан бошлаб 2 иш куни мобайнида 8-босқич Дирекция Инвесторни махсус иқтисодий зона иштирокчиси сифатида рўйхатдан ўтказади ва унга гувоҳнома беради. Ҳужжатларни олган кундан бошлаб 2 иш куни мобайнида

Махсус иқтисодий зоналар ҳудудида инвесторларга давлат хизматларини кўрсатишнинг маъмурий регламентига 2-ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ «________________________» махсус иқтисодий зона дирекциясига ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ «_____________________» махсус иқтисодий зонасида инвестиция лойиҳасини жойлаштириш учун тақдим этиладиган инвестиция буюртманомасининг ‎НАМУНАВИИ ШАКЛИ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1. Инвестор (инвесторлар) тўғрисида маълумотлар Мурожаатчи (инвестор ёки инвесторлар) ташкилотнинг номи, келиб чиққан давлати Инвестор (ёки инвесторлар) тўғрисида маълумот, жумладан, давлат рўйхатидан ўтган санаси ва жойи, таъсисчи(лар) ва бошқалар Юридик шахснинг ташкилий-ҳуқуқий шакли, таъсисчиларнинг устав фондидаги улушининг тақсимланиши ва қўйилмаларнинг шакли Мурожаатчи ташкилотнинг жойлашуви (манзили) СТИР 2. Инвестиция лойиҳаси тўғрисида маълумотлар Инвестиция лойиҳасининг номи Инвестиция лойиҳасининг мақсади ва қисқача тавсифи, жумладан, ишлаб чиқаришнинг йиллик қуввати Ишлаб чиқариладиган маҳсулотнинг, кўрсатиладиган хизматнинг номи, қўлланилиши ва асосий белгилари Ишлаб чиқариладиган маҳсулотнинг ТИФ ТН коди (10 та белги) Маҳсулот ва хизматнинг ўртача йиллик ишлаб чиқариш ҳажми, экспортга ва ички бозорга йўналтириладиган ҳажмини (натура кўринишида ва АҚШ доллари экв.) ҳисобга олган ҳолда Йиллик солиқ тушуми (млн сўмда) Асосий хом ашё, материал ва бутловчи қисмлар (маҳаллий ва импорт), уларнинг тайёр маҳсулотдаги улуши (фоизда) Хом ашё, материаллар, бутловчи қисмларга бўлган йиллик талаб (АҚШ доллари экв.), шу жумладан, маҳаллий ва импорт Маҳаллийлаштириш даражаси (МД=(1-И/Т)х100%)* ҳамда тайёр маҳсулот товар позициясининг ТИФ ТН коди бўйича ўзгариши (1 йил, 2 йил, 3 йил) Маҳсулот ва хизмат стандартлари — ГОСТ, ОСТ, ТУ, OʻzDst, ISO 9001, ISO 14001 ва бошқалар Фойдаланилиши мўлжалланаётган савдо маркаси Ишлаб чиқаришнинг бошланиш санаси Ташкил этилаётган иш ўрни, жумладан, маҳаллий ходимлар Ер участкасини электрон онлайн-аукционга қўйиш чогидаги бошланғич нарх ҳақидаги, шунингдек, ҳар йилги ижара тўлови миқдори ҳақидаги таклиф (агар мавжуд бўлса) 3. Зарур майдон ва инфратузилма тўғрисида маълумотлар Талаб этиладиган майдон (га) Ишлаб чиқариш майдонлари (кв.м.) Электр энергиясига бўлган талаб (кВт/соат йилига), ўрнатиладиган қувват (кВт ёки МВт) Табиий газга бўлган талаб (куб.м., йилига), босим (атм.) Ичимлик ва техник сувга бўлган талаб (куб.м., йилига) Ифлослантирувчи моддалар чиқаришнинг мавжудлиги, жумладан, газлар (номлари) кг, йилига ёки соатига, қаттиқ чиқиндилар (номлари) тн/ойда, суюқ чиқиндилар (номлари) тн/ойда ва бошқалар 4. Лойиҳанинг молиявий-иқтисодий кўрсаткичлари Лойиҳанинг қиймати (АҚШ доллари экв.) Молиялаштириш манбалари (тўғридан-тўғри инвестициялар, маҳаллий инвесторлар маблағлари, тижорат банклари кредитлари) Машина ва асбоблар қиймати (АҚШ доллари экв.), жумладан, маҳаллий ва импорт ҚМИ қиймати (АҚШ доллари экв.) Айланма капитал суммаси (АҚШ доллари экв.) Инвестицияларни киритиш шакли ва жадвали Лойиҳанинг қопланиш муддати (бизнес-режага мувофиқ) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ * МД — ишлаб чиқаришни маҳаллийлаштириш даражаси; И — импорт қилинаётган хомашё, материаллар ва бутловчи қисмларнинг валютадаги қиймати (божхона тўловлари билан бирга); Т — маҳсулот бирлигини ишлаб чиқариш таннархи (маҳаллий етказиб берувчилардан олинган импорт хомашё маҳаллий ҳисобланмайди) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Раҳбар _____________ __________________________ ____________ ‎ ‎ ‎ ‎ (QR-код) ‎ (Ф.И.О.) ‎ ‎ (сана) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Махсус иқтисодий зоналар ҳудудида инвесторларга давлат хизматларини кўрсатишнинг маъмурий регламентига 3-ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ «_________________» МАХСУС ИҚТИСОДИЙ ЗОНАСИ ДИРЕКЦИЯСИ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ГУВОҲНОМА ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Тартиб рақами: _______________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Берилди: _______________________________________________________________га ‎ ‎ (ташкилот номи) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ «________________» МАХСУС ИКТИСОДИЙ ЗОНАСИ ‎ИШТИРОКЧИСИ СИФАТИДА ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Берилган сана: ____________________ Асос: __________________________________________________________________ («_______________» махсус иқтисодий зонаси дирекцияси қарорининг санаси ва рақами) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Солиқ тўловчининг идентификация рақами (СТИР коди) _________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Директор: ____________________ ‎ ‎ ‎ ‎ ____________________ ‎ ‎ ‎ (Ф.И.О.) ‎ ‎ ‎ ‎ (QR-код) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Ўзбекистон Республикасининг Бош вазири А. АРИПОВ

Тошкент ш.,

2023 йил 7 сентябрь,

452-сон

(Қонунчилик маълумотлари миллий базаси, 08.09.2023 й., 09/23/452/0686-сон; 29.03.2024 й., 09/24/165/0251-сон; 24.01.2025 й., 09/25/30/0065-сон)

lex.uz

Oʻzbekiston Respublikasi Vazirlar Mahkamasining

qarori

MAʼMURIY REGLAMENTI

SXEMASI

Maxsus iqtisodiy zonalar hududida investorlarga davlat xizmatlarini koʻrsatishning maʼmuriy reglamentini tasdiqlash toʻgʻrisida

Oʻzbekiston Respublikasi Prezidentining “Maxsus iqtisodiy, kichik sanoat, yoshlar sanoat va tadbirkorlik zonalari faoliyati samaradorligini oshirishning qoʻshimcha chora-tadbirlari toʻgʻrisida” 2022-yil 13-iyundagi PF-153-son Farmoni ijrosini taʼminlash, shuningdek, maxsus iqtisodiy zonalar hududida faoliyat yuritish istagini bildirgan investorlarga qulayliklar yaratish, ularning maxsus iqtisodiy zonalar direksiyalari va davlat tashkilotlari bilan hamkorlik jarayonlarini avtomatlashtirish maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Maxsus iqtisodiy, kichik sanoat, yoshlar sanoat va tadbirkorlik zonalari faoliyati samaradorligini oshirishning qoʻshimcha chora-tadbirlari toʻgʻrisida” 2022-yil 13-iyundagi PF-153-son Farmoniga muvofiq investorlarning maxsus iqtisodiy zonalar direksiyalari va davlat tashkilotlari bilan hamkorlik jarayonlarida “yagona darcha” tamoyili asosida xizmat koʻrsatish tizimini joriy qilish belgilanganligi maʼlumot uchun qabul qilinsin.

2. 2023-yil 1-dekabrdan boshlab maxsus iqtisodiy zonalar hududida investitsiya loyihalarini joylashtirish, ishtirokchilarni roʻyxatdan oʻtkazish, ular bilan investitsiya loyihasini amalga oshirish toʻgʻrisidagi bitim va ijara shartnomalarini tuzish boʻyicha davlat xizmatlari Yagona interaktiv davlat xizmatlari portali (keyingi oʻrinlarda — YIDXP), Davlat xizmatlari markazlari yoki maxsus iqtisodiy zonalar direksiyalariga toʻgʻridan-toʻgʻri murojaat qilish orqali amalga oshiriladi.

3. Quyidagilarni nazarda tutuvchi Maxsus iqtisodiy zonalar hududida investorlarga davlat xizmatlarini koʻrsatishning maʼmuriy reglamenti ilovaga muvofiq tasdiqlansin:

maxsus iqtisodiy zonalar hududida investitsiya loyihasini joylashtirish uchun investitsiya buyurtmanomasini taqdim etish tartibi;

investitsiya buyurtmanomasini maxsus iqtisodiy zonalar direksiyasi tomonidan koʻrib chiqish tartibi;

investitsiya loyihasini amalga oshirish toʻgʻrisida bitim tuzish va maxsus iqtisodiy zonalar ishtirokchilarini roʻyxatdan oʻtkazish tartibi.

4. Investitsiyalar, sanoat va savdo vazirligi Adliya vazirligi hamda mahalliy ijro etuvchi hokimiyat organlari bilan birgalikda Davlat xizmatlari markazlari va YIDXP orqali maxsus iqtisodiy zonalar hududida investorlarga koʻrsatiladigan davlat xizmatlari turini koʻpaytirish choralarini koʻrsin.

5. Raqamli texnologiyalar vazirligi Investitsiyalar, sanoat va savdo vazirligi hamda Adliya vazirligi bilan birgalikda ikki oy muddatda:

maxsus iqtisodiy zonalar hududida investorlarga davlat xizmatlari YIDXP va Davlat xizmatlari markazi orqali koʻrsatilishini taʼminlasin;

YIDXPda davlat xizmatlari koʻrsatilishining har bir bosqichida murojaatlarning koʻrib chiqilishini kuzatib borish tartibini joriy etsin;

davlat xizmatlarini koʻrsatish uchun toʻlovlar Yagona billing tizimi orqali amalga oshirilishini yoʻlga qoʻysin.

6. Adliya vazirligi:

maxsus iqtisodiy zonalar direksiyalari hamda davlat tashkilotlari tomonidan davlat xizmatlari koʻrsatilishining belgilangan tartibiga rioya etilishi yuzasidan ularning faoliyati boʻyicha, shu jumladan, YIDXP orqali doimiy nazorat oʻrnatsin;

ushbu qaror bilan tasdiqlangan maʼmuriy reglamentning talablarini buzganlik uchun maxsus iqtisodiy zonalar direksiyalari hamda davlat tashkilotlari mansabdor shaxslariga nisbatan belgilangan tartibda javobgarlik choralarini qoʻllasin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev zimmasiga yuklansin.

Vazirlar Mahkamasining 2023-yil 7-sentabrdagi 452-son qaroriga ILOVA

Maxsus iqtisodiy zonalar hududida investorlarga davlat xizmatlarini koʻrsatishning

1-bob. Umumiy qoidalar

1. Ushbu Reglament maxsus iqtisodiy zonalar hududida investorlarga maxsus iqtisodiy zonalar direksiyalari (keyingi oʻrinlarda — Direksiya) hamda davlat tashkilotlari tomonidan davlat xizmatini (keyingi oʻrinlarda — davlat xizmati) koʻrsatish tartibini belgilaydi.

2. Ushbu Reglament qoidalari maxsus iqtisodiy zonalar hududida investorlarga koʻrsatiladigan quyidagi davlat xizmati turlariga nisbatan tatbiq etiladi:

investitsiya loyihalarini amalga oshirish uchun ularni tanlab olish (biznes-rejalar boʻyicha xulosalar berish, yer maydonlari hamda bino va inshootlarni auksionga chiqarish);

maxsus iqtisodiy zonalar ishtirokchilarini roʻyxatdan oʻtkazish;

maxsus iqtisodiy zonalar ishtirokchilari bilan investitsiya loyihasini amalga oshirish toʻgʻrisida bitim va ijara shartnomalarini tuzish.

3. Maxsus iqtisodiy zonalar hududida investorlarga Direksiya tomonidan davlat xizmati ushbu Reglamentga 1-ilovadagi sxemaga muvofiq koʻrsatiladi.

2-bob. Davlat xizmatini koʻrsatish tartibi

4. Maxsus iqtisodiy zonalar hududida yangi investitsiya loyihasini moliyalashtirish va amalga oshirish istagini bildirgan yuridik shaxslar (keyingi oʻrinlarda — Investor) davlat xizmatidan foydalanish uchun Davlat xizmatlari markaziga oʻzi kelib murojaat qiladi yoki Oʻzbekiston Respublikasi Yagona interaktiv davlat xizmatlari portalidan (keyingi oʻrinlarda — YIDXP) roʻyxatdan oʻtadi yoxud bevosita Direksiyaga murojaat qiladi.

5. Investor Davlat xizmatlari markaziga kelib murojaat etganda, ushbu Reglamentga 2-ilovadagi shaklga muvofiq investitsiya buyurtmanomasi Davlat xizmati markazi xodimi tomonidan toʻldirilib, Investor tomonidan tasdiqlanadi.

Investor YIDXP orqali murojaat qilgan taqdirda, mustaqil ravishda ushbu Reglamentga 2-ilovaga muvofiq shakldagi investitsiya buyurtmanomasini toʻldiradi.

Investor Direksiyaga mustaqil ravishda murojaat qilgan hollarda investitsiya buyurtmanomasi qogʻoz shaklida yoki pochta aloqa vositasi orqali taqdim etiladi.

Investor investitsiya buyurtmanomasiga “Maxsus iqtisodiy zonalar toʻgʻrisida”gi Qonunning 7-bobiga asosan hujjatlar toʻplamini (keyingi oʻrinlarda — hujjatlar toʻplami) ilova qiladi.

6. Investitsiya buyurtmanomasiga ilova qilingan hujjatlar va ulardagi maʼlumotlarning toʻgʻri rasmiylashtirilganligi Davlat xizmatlari markazi xodimi tomonidan tekshirib olinadi.

7. Investor Davlat xizmatlari markaziga kelib murojaat qilganda, barcha hujjatlar real vaqt rejimida Direksiyaga elektron shaklda yuboriladi. YIDXP orqali murojaat qilinganda esa, Investitsiya buyurtmanomasi avtomatik tarzda Direksiyaga yuboriladi.

8. Investor tomonidan taqdim etilgan hujjatlarda ishonchli boʻlmagan yoki buzib koʻrsatilgan maʼlumotlar aniqlanishi Davlat xizmatini koʻrsatishni rad etish uchun asos boʻladi.

Davlat xizmatini koʻrsatishni boshqa asoslar boʻyicha rad etish taqiqlanadi.

9. Investor davlat xizmatidan foydalanishdan investitsiya buyurtmanomasini koʻrib chiqish natijasi boʻyicha Direksiya tomonidan qaror qabul qilingunga qadar bosh tortish huquqiga ega.

Investor davlat xizmatidan foydalanishdan bosh tortganda, uning murojaati koʻrilmasdan qoldiriladi.

10. Direksiyaga kelib tushgan investitsiya buyurtmanomasi shu kunning oʻzida, ish vaqti tugaganidan keyin kelib tushgan boʻlsa, keyingi ish kuni roʻyxatdan oʻtkazadi.

11. Maxsus iqtisodiy zonalar hududida investitsiya loyihalarini joylashtirish boʻyicha investorlar tomonidan taqdim qilingan investitsiya buyurtmanomasi va unga ilova qilingan hujjatlar Direksiya tomonidan oʻn ish kunida koʻrib chiqiladi.

12. Investitsiya buyurtmanomasi va unga ilova qilingan hujjatlar “Maxsus iqtisodiy zonalar toʻgʻrisida”gi Qonun talablariga muvofiq boʻlmagan taqdirda, hujjatlar toʻplami qaytarish sabablari koʻrsatilgan holda YIDXP orqali yoki Investor bevosita murojaat etgan taqdirda, pochta aloqa vositasi orqali qaytarib yuboriladi.

Qaytarish uchun asos boʻlgan sabablar bartaraf etilganidan keyin investitsiya buyurtmanomasi Direksiyaga investor tomonidan takroran oʻttiz kun ichida taqdim etilishi mumkin.

13. Investitsiya buyurtmanomasi va unga ilova qilinadigan hujjatlarni takroran koʻrib chiqish muddati besh ish kunini tashkil etadi. Bunda ilgari koʻrib chiqilgan hujjatlarga nisbatan yangi mulohazalar taqdim etilishiga yoʻl qoʻyilmaydi.

3-bob. Investitsiya buyurtmanomasini koʻrib chiqish natijasi boʻyicha qaror qabul qilish

14. Investitsiya buyurtmanomasini koʻrib chiqish natijasi boʻyicha Direksiyaning qarori bayonnoma bilan rasmiylashtiriladi, bayonnoma Direksiya direktori tomonidan QR kod bilan tasdiqlanadi.

15. Bayonnomadan koʻchirma investitsiya buyurtmanomasini bergan investorga bayonnoma tasdiqlangan kunning oʻzida Direksiya tomonidan YIDXP orqali yoki Investor bevosita murojaat etgan taqdirda, pochta aloqa vositasi orqali yuboriladi.

16. Direksiyaning maxsus iqtisodiy zonalar hududida investitsiya loyihasini amalga oshirish toʻgʻrisidagi qarori quyidagilar uchun asos boʻladi:

investitsiya buyurtmanomasida koʻrsatilgan investitsiya loyihasini amalga oshirish uchun zarur boʻlgan yer uchastkasi yoki bino va inshootni elektron onlayn-auksionga qoʻyish;

elektron onlayn-auksion gʻolibi bilan investitsiya bitimi va ijara shartnomasini tuzish.

17. Investitsiya loyihasi maxsus iqtisodiy zonalar toʻgʻrisidagi qonunchilik talablariga toʻgʻri kelmasligi munosabati bilan uni amalga oshirishning maqsadga muvofiq emasligi toʻgʻrisidagi Direksiya qarori ustidan investitsiya buyurtmanomasini bergan Investor belgilangan tartibda shikoyat qilishi mumkin.

4-bob. Direksiya tomonidan ishlab chiqilgan investitsiya buyurtmanomasini tasdiqlash va amalga oshirish

18. Maxsus iqtisodiy zonalar hududida loyihalarni joylashtirish va yaratilgan infratuzilmadan samarali foydalanish maqsadida maxsus iqtisodiy zonalar ixtisoslashuvi va bosh rejasiga asosan Direksiya tomonidan (konsalting kompaniyalar, Xorijiy investitsiyalarni jalb etish agentligi, Loyiha guruhlarini jalb etgan holda) investitsiya buyurtmanomalari ishlab chiqilishi mumkin.

19. Direksiya tomonidan ishlab chiqilgan investitsiya buyurtmanomasi besh ish kunida Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan tasdiqlanadi yoki asosli eʼtirozlar bilan ishlash uchun Direksiyaga qaytariladi.

20. Tasdiqlangan investitsiya buyurtmanomalari Direksiya tomonidan elektron onlayn-auksion savdolariga uch ish kunida chiqariladi.

21. Direksiya elektron onlayn-auksion savdosi gʻolibini mazkur reglamentning 5-bobiga asosan roʻyxatdan oʻtkazadi.

5-bob. Investitsiya loyihasini amalga oshirish toʻgʻrisidagi bitimni tuzish va maxsus iqtisodiy zonalar ishtirokchilarini roʻyxatdan oʻtkazish tartibi

22. Direksiya elektron-onlayn auksion gʻolibi boʻlgan Investor bilan investitsiya loyihasini amalga oshirish toʻgʻrisida bitim va ijara shartnomasi tuzadi.

22 1 . Elektron-onlayn auksion savdolari gʻolibi boʻlgan yuridik shaxs maxsus iqtisodiy zona hududidan qayta davlat roʻyxatidan oʻtkaziladi (ilgari maxsus iqtisodiy zona hududidan davlat roʻyxatidan oʻtkazilgan yuridik shaxslar bundan mustasno).

Investorni qayta roʻyxatdan oʻtkazish boʻyicha ariza kompozit tarzda Davlat xizmatlari markaziga yuborilishi mumkin.

Bunda investor Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimiga yuborilgan elektron-onlayn auksion savdolarida gʻolib boʻlganligi haqidagi xabarnoma asosida avtomatik tarzda qayta roʻyxatdan oʻtkaziladi.

23. Investitsiya loyihasini amalga oshirish toʻgʻrisidagi bitim maxsus iqtisodiy zonalar faoliyat koʻrsatish muddatidan oshmaydigan muddatga tuziladi.

24. Investor tomonidan loyiha amalga oshiriladigan hududda roʻyxatdan oʻtgan tadbirkorlik subyekti (keyingi oʻrinlarda — korxona) va Direksiya oʻrtasidagi investitsiya loyihasini amalga oshirish toʻgʻrisidagi bitim imzolangan sanadan boshlab kuchga kiradi.

25. Investitsiya loyihasini amalga oshirish toʻgʻrisidagi bitimning amal qilishi quyidagi hollarda yakunlanadi:

investitsiya loyihasini amalga oshirish toʻgʻrisidagi bitim tuzilgan muddat tugagandan soʻng;

tadbirkorlik subyekti maxsus iqtisodiy zona ishtirokchisi maqomidan mahrum etilganda;

maxsus iqtisodiy zonalar muddatidan oldin tugatilganda;

qonunchilikda yoki investitsiya bitimida nazarda tutilgan boshqa hollarda.

26. Korxona maxsus iqtisodiy zona ishtirokchisi sifatida roʻyxatdan oʻtishi uchun bazaviy hisoblash miqdorining qirq besh baravari miqdorida toʻlov toʻlaydi va toʻlovlar undirilganligi Yagona billing tizimi orqali tasdiqlanadi.

27. Toʻlovlar summasi quyidagi tartibda taqsimlanadi:

a) Davlat xizmatlari markazlari orqali murojaat etilganda:

0,5 foizi (davlat xizmati Yagona billing tizimi orqali koʻrsatilganda) — Raqamli texnologiyalar vazirligi huzuridagi “Elektron hukumat loyihalarini boshqarish markazi” davlat muassasasining gʻaznachilikdagi maxsus hisobvaragʻiga;

18 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga;

qolgan mablagʻlar — Direksiyaning maxsus hisobvaragʻiga oʻtkaziladi;

b) YIDXP orqali murojaat etilganda:

11,75 foizi (shundan 0,5 foizi — davlat xizmati Yagona billing tizimi orqali koʻrsatilganda) — Raqamli texnologiyalar vazirligi huzuridagi “Elektron hukumat loyihalarini boshqarish markazi” davlat muassasasining gʻaznachilikdagi maxsus hisobvaragʻiga;

qolgan mablagʻlar — Direksiyaning maxsus hisobvaragʻiga oʻtkaziladi.

28. Korxona va Direksiya oʻrtasidagi investitsiya loyihasini amalga oshirish toʻgʻrisidagi bitim imzolangandan soʻng ushbu Reglamentga 3-ilovada belgilangan shakl boʻyicha QR kod qoʻyilgan maxsus iqtisodiy zonalar ishtirokchisi guvohnomasi beriladi.

7-bob. Yakunlovchi qoidalar

29. Davlat xizmatlari markazi va Direksiya oʻz faoliyatini amalga oshirishi natijasida olingan maʼlumotlarning sir saqlanishini taʼminlaydi.

30. Adliya vazirligi va Davlat xizmatlari markazlari ushbu Reglamentning talablari bajarilishi boʻyicha davlat organlari hamda boshqa tashkilotlarning faoliyatini doimiy nazorat qiladi va monitoring olib boradi.

31. Investor davlat organlari va boshqa tashkilotlar xodimlarining xatti-harakatlari yuzasidan qonunchilikka muvofiq shikoyat qilishi mumkin.

32. Ushbu Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.

Maxsus iqtisodiy zonalar hududida investorlarga davlat xizmatlarini koʻrsatishning maʼmuriy reglamentiga 1-ILOVA

Maxsus iqtisodiy zonalar hududida investorlarga Direksiya tomonidan davlat xizmatini koʻrsatish

Bosqichlar Subyektlar Tadbirlar Bajarish muddatlari 1-bosqich Investor (yuridik shaxslar yoki ularning vakolatli vakillari) Davlat xizmatidan foydalanish uchun Davlat xizmatlari markaziga oʻzi kelib murojaat qiladi yoki Oʻzbekiston Respublikasi Yagona interaktiv davlat xizmatlari portalidan roʻyxatdan oʻtadi hamda bevosita maxsus iqtisodiy zonalar direksiyalariga (keyingi oʻrinlarda — Direksiya) murojaat qiladi. Real vaqt rejimida 2-bosqich 1. Davlat xizmatlari markazlari 2. Yagona interaktiv davlat xizmatlari portali Ariza va unga ilova qilingan hujjatlar toʻplamini Direksiyaga elektron shaklda yuboradi. Real vaqt rejimida 3-bosqich Direksiya 1. Taqdim qilingan investitsiya buyurtmanomasi va unga ilova qilingan hujjatlarni koʻrib chiqadi hamda natijasi boʻyicha: a) maxsus iqtisodiy zonalar toʻgʻrisidagi qonunchilik talablariga muvofiq boʻlmagan taqdirda, hujjatlar toʻplamini qaytarish sabablarini koʻrsatgan holda asoslantirilgan xulosa xatini taqdim etadi; b) hujjatlarda kamchiliklar aniqlanmasa, investitsiya loyihasini amalga oshirish toʻgʻrisidagi qarorni taqdim etadi. Hujjatlar kelib tushgandan boshlab 10 ish kuni mobaynida 4-bosqich Direksiya Maʼqullangan investitsiya buyurtmanomasida talab etilgan hajmdagi yer maydoni yoki boʻsh bino va inshootni elektron onlayn-auksion savdolariga chiqaradi. Qaror qabul qilingandan boshlab 3 ish kuni mobaynida 5-bosqich Investor Elektron-onlayn auksion savdolari gʻolibi boʻlgan yuridik shaxsni maxsus iqtisodiy zona hududida qayta (yoki oʻzi tashkil etayotgan tadbirkorlik subyektini) davlat roʻyxatidan oʻtkazadi (ilgari maxsus iqtisodiy zona hududidan davlat roʻyxatidan oʻtkazilgan yuridik shaxslar bundan mustasno). Onlayn-auksion savdolari yakunlangandan soʻng 5 ish kuni mobaynida 6-bosqich Direksiya Direksiya elektron onlayn-auksion savdolari gʻolibi bilan maxsus iqtisodiy zona hududida investitsiya loyihasini amalga oshirish boʻyicha investitsiya bitimini va ijara shartnomasini tuzadi yoki zarur boʻlganda, bitim qoidalarini kelishish maqsadida muzokaralar oʻtkazadi. Onlayn-auksion savdolari yakunlangandan boshlab 3 ish kuni mobaynida 7-bosqich Investor 1. Maxsus iqtisodiy zona ishtirokchisi sifatida roʻyxatdan oʻtkazish boʻyicha qonunchilikda belgilangan hujjatlarni taqdim etadi. 2. Maxsus iqtisodiy zona ishtirokchilari reyestriga kiritish uchun bir martalik toʻlovni amalga oshiradi. Investitsiya bitimi imzolangandan boshlab 2 ish kuni mobaynida 8-bosqich Direksiya Investorni maxsus iqtisodiy zona ishtirokchisi sifatida roʻyxatdan oʻtkazadi va unga guvohnoma beradi. Hujjatlarni olgan kundan boshlab 2 ish kuni mobaynida

Maxsus iqtisodiy zonalar hududida investorlarga davlat xizmatlarini koʻrsatishning maʼmuriy reglamentiga 2-ILOVA

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ “________________________” maxsus iqtisodiy zona direksiyasiga ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ “_____________________” maxsus iqtisodiy zonasida investitsiya loyihasini joylashtirish uchun taqdim etiladigan investitsiya buyurtmanomasining ‎NAMUNAVII SHAKLI ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1. Investor (investorlar) toʻgʻrisida maʼlumotlar Murojaatchi (investor yoki investorlar) tashkilotning nomi, kelib chiqqan davlati Investor (yoki investorlar) toʻgʻrisida maʼlumot, jumladan, davlat roʻyxatidan oʻtgan sanasi va joyi, taʼsischi(lar) va boshqalar Yuridik shaxsning tashkiliy-huquqiy shakli, taʼsischilarning ustav fondidagi ulushining taqsimlanishi va qoʻyilmalarning shakli Murojaatchi tashkilotning joylashuvi (manzili) STIR 2. Investitsiya loyihasi toʻgʻrisida maʼlumotlar Investitsiya loyihasining nomi Investitsiya loyihasining maqsadi va qisqacha tavsifi, jumladan, ishlab chiqarishning yillik quvvati Ishlab chiqariladigan mahsulotning, koʻrsatiladigan xizmatning nomi, qoʻllanilishi va asosiy belgilari Ishlab chiqariladigan mahsulotning TIF TN kodi (10 ta belgi) Mahsulot va xizmatning oʻrtacha yillik ishlab chiqarish hajmi, eksportga va ichki bozorga yoʻnaltiriladigan hajmini (natura koʻrinishida va AQSH dollari ekv.) hisobga olgan holda Yillik soliq tushumi (mln soʻmda) Asosiy xom ashyo, material va butlovchi qismlar (mahalliy va import), ularning tayyor mahsulotdagi ulushi (foizda) Xom ashyo, materiallar, butlovchi qismlarga boʻlgan yillik talab (AQSH dollari ekv.), shu jumladan, mahalliy va import Mahalliylashtirish darajasi (MD=(1-I/T)x100%)* hamda tayyor mahsulot tovar pozitsiyasining TIF TN kodi boʻyicha oʻzgarishi (1 yil, 2 yil, 3 yil) Mahsulot va xizmat standartlari — GOST, OST, TU, OʻzDst, ISO 9001, ISO 14001 va boshqalar Foydalanilishi moʻljallanayotgan savdo markasi Ishlab chiqarishning boshlanish sanasi Tashkil etilayotgan ish oʻrni, jumladan, mahalliy xodimlar Yer uchastkasini elektron onlayn-auksionga qoʻyish chogidagi boshlangʻich narx haqidagi, shuningdek, har yilgi ijara toʻlovi miqdori haqidagi taklif (agar mavjud boʻlsa) 3. Zarur maydon va infratuzilma toʻgʻrisida maʼlumotlar Talab etiladigan maydon (ga) Ishlab chiqarish maydonlari (kv.m.) Elektr energiyasiga boʻlgan talab (kVt/soat yiliga), oʻrnatiladigan quvvat (kVt yoki MVt) Tabiiy gazga boʻlgan talab (kub.m., yiliga), bosim (atm.) Ichimlik va texnik suvga boʻlgan talab (kub.m., yiliga) Ifloslantiruvchi moddalar chiqarishning mavjudligi, jumladan, gazlar (nomlari) kg, yiliga yoki soatiga, qattiq chiqindilar (nomlari) tn/oyda, suyuq chiqindilar (nomlari) tn/oyda va boshqalar 4. Loyihaning moliyaviy-iqtisodiy koʻrsatkichlari Loyihaning qiymati (AQSH dollari ekv.) Moliyalashtirish manbalari (toʻgʻridan-toʻgʻri investitsiyalar, mahalliy investorlar mablagʻlari, tijorat banklari kreditlari) Mashina va asboblar qiymati (AQSH dollari ekv.), jumladan, mahalliy va import QMI qiymati (AQSH dollari ekv.) Aylanma kapital summasi (AQSH dollari ekv.) Investitsiyalarni kiritish shakli va jadvali Loyihaning qoplanish muddati (biznes-rejaga muvofiq) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ * MD — ishlab chiqarishni mahalliylashtirish darajasi; I — import qilinayotgan xomashyo, materiallar va butlovchi qismlarning valyutadagi qiymati (bojxona toʻlovlari bilan birga); T — mahsulot birligini ishlab chiqarish tannarxi (mahalliy yetkazib beruvchilardan olingan import xomashyo mahalliy hisoblanmaydi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Rahbar _____________ __________________________ ____________ ‎ ‎ ‎ ‎ (QR-kod) ‎ (F.I.O.) ‎ ‎ (sana) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Maxsus iqtisodiy zonalar hududida investorlarga davlat xizmatlarini koʻrsatishning maʼmuriy reglamentiga 3-ILOVA

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ “_________________” MAXSUS IQTISODIY ZONASI DIREKSIYASI ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ GUVOHNOMA ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Tartib raqami: _______________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Berildi: _______________________________________________________________ga ‎ ‎ (tashkilot nomi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ “________________” MAXSUS IKTISODIY ZONASI ‎ISHTIROKCHISI SIFATIDA ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Berilgan sana: ____________________ Asos: __________________________________________________________________ (“_______________” maxsus iqtisodiy zonasi direksiyasi qarorining sanasi va raqami) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Soliq toʻlovchining identifikatsiya raqami (STIR kodi) _________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Direktor: ____________________ ‎ ‎ ‎ ‎ ____________________ ‎ ‎ ‎ (F.I.O.) ‎ ‎ ‎ ‎ (QR-kod) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Oʻzbekiston Respublikasining Bosh vaziri A. ARIPOV

Toshkent sh.,

2023-yil 7-sentabr,

452-son

(Qonunchilik maʼlumotlari milliy bazasi, 08.09.2023-y., 09/23/452/0686-son; 29.03.2024-y., 09/24/165/0251-son; 24.01.2025-y., 09/25/30/0065-son)

lex.uz