📅 2023-yil 13-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 13 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 13 сентября 2023 г. · Указы Президента
Официальный текст. Официальный документ. Редакционные примечания не включены.
📅 13 September 2023 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ватан ҳимояси ва эл-юрт тинчлиги йўлида ҳалок бўлган ҳарбий хизматчи ва ходимлар оила аъзоларининг ижтимоий ҳимояси кучайтирилиши муносабати билан Ўзбекистон Республикаси Президентининг айрим ҳужжатларига ўзгартириш ва қўшимчалар киритиш тўғрисида
Ўзбекистон Республикаси Президентининг 2023 йил 13 мартдаги «Ватан ҳимояси ва эл-юртимиз тинчлиги йўлида ҳалок бўлган ҳарбий хизматчилар ва ходимлар оила аъзоларини ижтимоий қўллаб-қувватлашни кучайтириш чора-тадбирлари тўғрисида»ги ПФ-34-сон Фармонига мувофиқ, шунингдек, Ватан ҳимояси ва эл-юртимиз тинчлиги йўлида ҳалок бўлган ҳарбий хизматчилар ва ходимларнинг оила аъзолари ҳамда уларнинг қарамоғидаги шахслар ижтимоий ҳимоя қилинишини таъминлаш мақсадида:
1. Ўзбекистон Республикаси Президентининг иловага мувофиқ айрим ҳужжатларига қуйидагиларни назарда тутувчи ўзгартириш ва қўшимчалар киритилсин:
Мудофаа вазирлиги, Ички ишлар вазирлиги, Фавқулодда вазиятлар вазирлиги, Миллий гвардия, Давлат хавфсизлик хизмати, Ўзбекистон Республикаси Президенти давлат хавфсизлик хизмати, Божхона қўмитаси ҳамда Электрон технологияларни ривожлантириш марказининг Ватан ҳимояси ва эл-юрт тинчлиги йўлида ҳалок бўлган ҳарбий хизматчилари ва ходимларининг оила аъзоларини (кейинги ўринларда — ҳалок бўлган ҳарбий хизматчиларнинг (ходимларнинг) оила аъзолари) Давлат бюджети маблағлари ҳисобидан тиббий ёрдам кўрсатиладиган имтиёзли тоифадаги шахслар рўйхатига киритиш;
ҳалок бўлган ҳарбий хизматчиларнинг (ходимларнинг) оила аъзоларига марҳумнинг охирги эгаллаган лавозими бўйича маоши ва ҳарбий (махсус) унвони маоши йиғиндисининг 150 баравари миқдорида бир йўла тўланадиган нафақа бериш тартибини белгилаш;
ҳалок бўлган ҳарбий хизматчиларнинг (ходимларнинг) оила аъзолари тўғрисидаги маълумотларни Имтиёзли тоифага кирувчи шахсларни ҳисобга олиш ва навбат асосида даволанишга йўллашнинг электрон ахборот тизимига интеграция қилинадиган маълумотлар рўйхатига киритиш.
2. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президентининг 2023 йил 13 сентябрдаги ПФ-159-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2003 йил 26 февралдаги ПФ-3214-сон Фармони билан тасдиқланган Юқори технологик ихтисослаштирилган тиббий ёрдам кўрсатувчи тиббиёт ташкилотлари томонидан Ўзбекистон Республикасининг Давлат бюджети маблағлари ҳисобига тиббий ёрдам кўрсатиладиган имтиёзли тоифадаги шахслар рўйхати қуйидаги мазмундаги 18-банд билан тўлдирилсин:
«18. Мудофаа вазирлиги, Ички ишлар вазирлиги, Фавқулодда вазиятлар вазирлиги, Миллий гвардия, Давлат хавфсизлик хизмати, Ўзбекистон Республикаси Президенти давлат хавфсизлик хизмати, Божхона қўмитаси ва Электрон технологияларни ривожлантириш марказининг Ватан ҳимояси ва эл-юрт тинчлиги йўлида (Ўзбекистон Республикаси Президенти томонидан эълон қилинган фавқулодда ҳолат (уруш ҳолати) даврида жалб қилинган вақтида, шунингдек, жанговар (ҳарбий) ҳаракатлар олиб борилаётган пайтда) яраланганлиги, контузия ёки майиб бўлганлиги оқибатида ҳалок бўлган ҳарбий хизматчилари ва ходимларининг оила аъзолари (ота-онаси, ҳалок бўлган вақтда қонуний никоҳда бўлган хотини (эри) ва фарзандлари)».
2. Ўзбекистон Республикаси Президентининг 2020 йил 18 февралдаги «Жамиятда ижтимоий-маънавий муҳитни соғломлаштириш, маҳалла институтини янада қўллаб-қувватлаш ҳамда оила ва хотин-қизлар билан ишлаш тизимини янги даражага олиб чиқиш чора-тадбирлари тўғрисида»ги ПФ-5938-сон Фармони 7-бандининг иккинчи хатбошиси чиқариб ташлансин.
3. Ўзбекистон Республикаси Президентининг 2019 йил 3 июлдаги ПҚ-4382-сон қарори билан тасдиқланган Ўзбекистон Республикаси Қуролли Кучларида хизмат мажбуриятларини бажариш чоғида тан жароҳати олган ҳарбий хизматчиларга (ходимларига) ёки ҳалок бўлган (вафот этган) ҳарбий хизматчиларнинг (ходимларнинг) оила аъзоларига бир марталик нафақа тайинлаш ва тўлаш тартиби тўғрисидаги низомда :
а) 1-банд «оила аъзоларига» сўзларидан кейин «, шунингдек, Ватан ҳимояси ва эл-юрт тинчлиги йўлида ҳалок бўлган ҳарбий хизматчиларнинг (ходимларнинг) оила аъзоларига» сўзлари билан тўлдирилсин;
б) 2-бандда :
қуйидаги мазмундаги учинчи хатбоши билан тўлдирилсин:
« Ватан ҳимояси ва эл-юрт тинчлиги йўлида ҳалок бўлган ҳарбий хизматчи (ходим) — Ўзбекистон Республикаси Президенти томонидан эълон қилинган фавқулодда ҳолат (уруш ҳолати) даврида жалб қилинган вақтида, шунингдек, жанговар (ҳарбий) ҳаракатлар олиб борилаётган пайтда яраланганлиги, контузия ёки майиб бўлганлиги оқибатида ҳалок бўлган ҳарбий хизматчи (ходим)»;
учинчи — олтинчи хатбошилар тегишлича тўртинчи — еттинчи хатбошилар деб ҳисоблансин;
еттинчи хатбоши «оила аъзоларига» сўзларидан кейин «, шунингдек, Ватан ҳимояси ва эл-юрт тинчлиги йўлида ҳалок бўлган ҳарбий хизматчининг (ходимнинг) оила аъзоларига» сўзлари билан тўлдирилсин;
в) 3-бандда :
қуйидаги мазмундаги олтинчи хатбоши билан тўлдирилсин:
«Ватан ҳимояси ва эл-юрт тинчлиги йўлида ҳалок бўлган ҳарбий хизматчиларнинг (ходимларнинг) оила аъзоларига»;
олтинчи ва еттинчи хатбошилар тегишлича еттинчи ва саккизинчи хатбошилар деб ҳисоблансин;
г) 4-банд қуйидаги таҳрирда баён этилсин:
«4. Ҳарбий хизматчи (ходим) Ватан ҳимояси ва эл-юрт тинчлиги йўлида ҳалок бўлганда, унинг оила аъзоларига марҳумнинг асосий эгаллаган лавозими бўйича маоши (олий ҳарбий-таълим муассасаси курсанти, тингловчиси стипендияси) ва ҳарбий (махсус) унвони маоши йиғиндисининг 150 баробари миқдорида нафақа тайинланади.
Ҳарбий хизматчи (ходим) хизмат мажбуриятларини бажариш чоғида ҳалок бўлганда (вафот этганда) унинг оила аъзоларига марҳумнинг асосий эгаллаган лавозими бўйича маоши (олий ҳарбий таълим муассасаси курсанти, тингловчисининг стипендияси) ва ҳарбий (махсус) унвони маоши йиғиндисининг 100 баробари миқдорида нафақа тайинланади.
Ушбу банднинг биринчи хатбошисида назарда тутилган нафақа 2023 йил 1 апрелдан кейинги даврда ҳалок бўлган ҳарбий хизматчининг (ходимнинг) оила аъзоларига тўланади.
Мазкур банднинг биринчи ва иккинчи хатбошиларида назарда тутилган нафақаларнинг иккаласини ҳам олиш ҳуқуқига эга бўлган ҳалок бўлган (вафот этган) ҳарбий хизматчининг (ходимнинг) оила аъзоларига фақат ушбу банднинг биринчи хатбошисида кўрсатилган нафақа тайинланади»;
д) 19-бандда :
қуйидаги мазмундаги ўн бешинчи хатбоши билан тўлдирилсин:
«е) командирнинг (бошлиқнинг) Ватан ҳимояси ва эл-юрт тинчлиги йўлида ҳарбий хизматчи (ходим) яраланганлиги, контузия ёки майиб бўлганлиги оқибатида ҳалок бўлганлигини (иштирок этган даврини кўрсатган ҳолда) тасдиқловчи буйруғидан кўчирма»;
ўн бешинчи хатбоши ўн олтинчи хатбоши деб ҳисоблансин.
4. Ўзбекистон Республикаси Президентининг 2021 йил 28 июлдаги ПҚ-5199-сон қарори билан тасдиқланган Имтиёзли тоифага кирувчи шахсларни ҳисобга олиш ва навбат асосида даволанишга йўллашнинг электрон ахборот тизимига интеграция қилинадиган маълумотлар рўйхати қуйидаги мазмундаги 5-позиция билан тўлдирилсин:
« 5. Мудофаа вазирлиги, Ички ишлар вазирлиги, Фавқулодда вазиятлар вазирлиги, Миллий гвардия, Давлат хавфсизлик хизмати, Ўзбекистон Республикаси Президенти давлат хавфсизлик хизмати, Божхона қўмитаси, Электрон технологияларни ривожлантириш маркази Ватан ҳимояси ва эл-юрт тинчлиги йўлида яраланганлиги, контузия ёки майиб бўлганлиги оқибатида ҳалок бўлган ҳарбий хизматчининг (ходимнинг) оила аъзолари тўғрисидаги маълумот » .
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 13 сентябрь,
ПФ-159-сон
Oʻzbekiston Respublikasi Prezidentining
Farmoni
Vatan himoyasi va el-yurt tinchligi yoʻlida halok boʻlgan harbiy xizmatchi va xodimlar oila aʼzolarining ijtimoiy himoyasi kuchaytirilishi munosabati bilan Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisida
Oʻzbekiston Respublikasi Prezidentining 2023-yil 13-martdagi “Vatan himoyasi va el-yurtimiz tinchligi yoʻlida halok boʻlgan harbiy xizmatchilar va xodimlar oila aʼzolarini ijtimoiy qoʻllab-quvvatlashni kuchaytirish chora-tadbirlari toʻgʻrisida”gi PF-34-son Farmoniga muvofiq, shuningdek, Vatan himoyasi va el-yurtimiz tinchligi yoʻlida halok boʻlgan harbiy xizmatchilar va xodimlarning oila aʼzolari hamda ularning qaramogʻidagi shaxslar ijtimoiy himoya qilinishini taʼminlash maqsadida:
1. Oʻzbekiston Respublikasi Prezidentining ilovaga muvofiq ayrim hujjatlariga quyidagilarni nazarda tutuvchi oʻzgartirish va qoʻshimchalar kiritilsin:
Mudofaa vazirligi, Ichki ishlar vazirligi, Favqulodda vaziyatlar vazirligi, Milliy gvardiya, Davlat xavfsizlik xizmati, Oʻzbekiston Respublikasi Prezidenti davlat xavfsizlik xizmati, Bojxona qoʻmitasi hamda Elektron texnologiyalarni rivojlantirish markazining Vatan himoyasi va el-yurt tinchligi yoʻlida halok boʻlgan harbiy xizmatchilari va xodimlarining oila aʼzolarini (keyingi oʻrinlarda — halok boʻlgan harbiy xizmatchilarning (xodimlarning) oila aʼzolari) Davlat budjeti mablagʻlari hisobidan tibbiy yordam koʻrsatiladigan imtiyozli toifadagi shaxslar roʻyxatiga kiritish;
halok boʻlgan harbiy xizmatchilarning (xodimlarning) oila aʼzolariga marhumning oxirgi egallagan lavozimi boʻyicha maoshi va harbiy (maxsus) unvoni maoshi yigʻindisining 150 baravari miqdorida bir yoʻla toʻlanadigan nafaqa berish tartibini belgilash;
halok boʻlgan harbiy xizmatchilarning (xodimlarning) oila aʼzolari toʻgʻrisidagi maʼlumotlarni Imtiyozli toifaga kiruvchi shaxslarni hisobga olish va navbat asosida davolanishga yoʻllashning elektron axborot tizimiga integratsiya qilinadigan maʼlumotlar roʻyxatiga kiritish.
2. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidentining 2023-yil 13-sentabrdagi PF-159-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2003-yil 26-fevraldagi PF-3214-son Farmoni bilan tasdiqlangan Yuqori texnologik ixtisoslashtirilgan tibbiy yordam koʻrsatuvchi tibbiyot tashkilotlari tomonidan Oʻzbekiston Respublikasining Davlat budjeti mablagʻlari hisobiga tibbiy yordam koʻrsatiladigan imtiyozli toifadagi shaxslar roʻyxati quyidagi mazmundagi 18-band bilan toʻldirilsin:
“18. Mudofaa vazirligi, Ichki ishlar vazirligi, Favqulodda vaziyatlar vazirligi, Milliy gvardiya, Davlat xavfsizlik xizmati, Oʻzbekiston Respublikasi Prezidenti davlat xavfsizlik xizmati, Bojxona qoʻmitasi va Elektron texnologiyalarni rivojlantirish markazining Vatan himoyasi va el-yurt tinchligi yoʻlida (Oʻzbekiston Respublikasi Prezidenti tomonidan eʼlon qilingan favqulodda holat (urush holati) davrida jalb qilingan vaqtida, shuningdek, jangovar (harbiy) harakatlar olib borilayotgan paytda) yaralanganligi, kontuziya yoki mayib boʻlganligi oqibatida halok boʻlgan harbiy xizmatchilari va xodimlarining oila aʼzolari (ota-onasi, halok boʻlgan vaqtda qonuniy nikohda boʻlgan xotini (eri) va farzandlari)”.
2. Oʻzbekiston Respublikasi Prezidentining 2020-yil 18-fevraldagi “Jamiyatda ijtimoiy-maʼnaviy muhitni sogʻlomlashtirish, mahalla institutini yanada qoʻllab-quvvatlash hamda oila va xotin-qizlar bilan ishlash tizimini yangi darajaga olib chiqish chora-tadbirlari toʻgʻrisida”gi PF-5938-son Farmoni 7-bandining ikkinchi xatboshisi chiqarib tashlansin.
3. Oʻzbekiston Respublikasi Prezidentining 2019-yil 3-iyuldagi PQ-4382-son qarori bilan tasdiqlangan Oʻzbekiston Respublikasi Qurolli Kuchlarida xizmat majburiyatlarini bajarish chogʻida tan jarohati olgan harbiy xizmatchilarga (xodimlariga) yoki halok boʻlgan (vafot etgan) harbiy xizmatchilarning (xodimlarning) oila aʼzolariga bir martalik nafaqa tayinlash va toʻlash tartibi toʻgʻrisidagi nizomda :
a) 1-band “oila aʼzolariga” soʻzlaridan keyin “, shuningdek, Vatan himoyasi va el-yurt tinchligi yoʻlida halok boʻlgan harbiy xizmatchilarning (xodimlarning) oila aʼzolariga” soʻzlari bilan toʻldirilsin;
b) 2-bandda :
quyidagi mazmundagi uchinchi xatboshi bilan toʻldirilsin:
“ Vatan himoyasi va el-yurt tinchligi yoʻlida halok boʻlgan harbiy xizmatchi (xodim) — Oʻzbekiston Respublikasi Prezidenti tomonidan eʼlon qilingan favqulodda holat (urush holati) davrida jalb qilingan vaqtida, shuningdek, jangovar (harbiy) harakatlar olib borilayotgan paytda yaralanganligi, kontuziya yoki mayib boʻlganligi oqibatida halok boʻlgan harbiy xizmatchi (xodim)”;
uchinchi — oltinchi xatboshilar tegishlicha toʻrtinchi — yettinchi xatboshilar deb hisoblansin;
yettinchi xatboshi “oila aʼzolariga” soʻzlaridan keyin “, shuningdek, Vatan himoyasi va el-yurt tinchligi yoʻlida halok boʻlgan harbiy xizmatchining (xodimning) oila aʼzolariga” soʻzlari bilan toʻldirilsin;
v) 3-bandda :
quyidagi mazmundagi oltinchi xatboshi bilan toʻldirilsin:
“Vatan himoyasi va el-yurt tinchligi yoʻlida halok boʻlgan harbiy xizmatchilarning (xodimlarning) oila aʼzolariga”;
oltinchi va yettinchi xatboshilar tegishlicha yettinchi va sakkizinchi xatboshilar deb hisoblansin;
g) 4-band quyidagi tahrirda bayon etilsin:
“4. Harbiy xizmatchi (xodim) Vatan himoyasi va el-yurt tinchligi yoʻlida halok boʻlganda, uning oila aʼzolariga marhumning asosiy egallagan lavozimi boʻyicha maoshi (oliy harbiy-taʼlim muassasasi kursanti, tinglovchisi stipendiyasi) va harbiy (maxsus) unvoni maoshi yigʻindisining 150 barobari miqdorida nafaqa tayinlanadi.
Harbiy xizmatchi (xodim) xizmat majburiyatlarini bajarish chogʻida halok boʻlganda (vafot etganda) uning oila aʼzolariga marhumning asosiy egallagan lavozimi boʻyicha maoshi (oliy harbiy taʼlim muassasasi kursanti, tinglovchisining stipendiyasi) va harbiy (maxsus) unvoni maoshi yigʻindisining 100 barobari miqdorida nafaqa tayinlanadi.
Ushbu bandning birinchi xatboshisida nazarda tutilgan nafaqa 2023-yil 1-apreldan keyingi davrda halok boʻlgan harbiy xizmatchining (xodimning) oila aʼzolariga toʻlanadi.
Mazkur bandning birinchi va ikkinchi xatboshilarida nazarda tutilgan nafaqalarning ikkalasini ham olish huquqiga ega boʻlgan halok boʻlgan (vafot etgan) harbiy xizmatchining (xodimning) oila aʼzolariga faqat ushbu bandning birinchi xatboshisida koʻrsatilgan nafaqa tayinlanadi”;
d) 19-bandda :
quyidagi mazmundagi oʻn beshinchi xatboshi bilan toʻldirilsin:
“e) komandirning (boshliqning) Vatan himoyasi va el-yurt tinchligi yoʻlida harbiy xizmatchi (xodim) yaralanganligi, kontuziya yoki mayib boʻlganligi oqibatida halok boʻlganligini (ishtirok etgan davrini koʻrsatgan holda) tasdiqlovchi buyrugʻidan koʻchirma”;
oʻn beshinchi xatboshi oʻn oltinchi xatboshi deb hisoblansin.
4. Oʻzbekiston Respublikasi Prezidentining 2021-yil 28-iyuldagi PQ-5199-son qarori bilan tasdiqlangan Imtiyozli toifaga kiruvchi shaxslarni hisobga olish va navbat asosida davolanishga yoʻllashning elektron axborot tizimiga integratsiya qilinadigan maʼlumotlar roʻyxati quyidagi mazmundagi 5-pozitsiya bilan toʻldirilsin:
“ 5. Mudofaa vazirligi, Ichki ishlar vazirligi, Favqulodda vaziyatlar vazirligi, Milliy gvardiya, Davlat xavfsizlik xizmati, Oʻzbekiston Respublikasi Prezidenti davlat xavfsizlik xizmati, Bojxona qoʻmitasi, Elektron texnologiyalarni rivojlantirish markazi Vatan himoyasi va el-yurt tinchligi yoʻlida yaralanganligi, kontuziya yoki mayib boʻlganligi oqibatida halok boʻlgan harbiy xizmatchining (xodimning) oila aʼzolari toʻgʻrisidagi maʼlumot ” .
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 13-sentabr,
PF-159-son
Президента Республики Узбекистан
Указ
О внесении изменений и дополнений в некоторые акты Президента Республики Узбекистан в связи с усилением социальной защиты членов семей военнослужащих и сотрудников, погибших во имя защиты Родины и мирной жизни народа
В соответствии с Указом Президента Республики Узбекистан от 13 марта 2023 года № УП-34 «О мерах по усилению социальной поддержки членов семей военнослужащих и сотрудников, погибших во имя защиты Родины и мирной жизни народа», в целях обеспечения социальной защиты членов семей военнослужащих и сотрудников, погибших во имя защиты Родины и мирной жизни народа, а также лиц, находившихся на их иждивении:
1. Внести изменения и дополнения в некоторые акты Президента Республики Узбекистан, согласно приложению , предусматривающие:
включение членов семей военнослужащих и сотрудников Министерства обороны, Министерства внутренних дел, Министерства по чрезвычайным ситуациям, Национальной гвардии, Службы государственной безопасности, Государственной службы безопасности Президента Республики Узбекистан, Таможенного комитета и Центра развития электронных технологий, погибших во имя защиты Родины и мирной жизни народа (далее — члены семьи погибшего военнослужащего (сотрудника), в Перечень льготной категории лиц, медицинская помощь которым оказывается за счет средств Государственного бюджета;
установление порядка предоставления единовременного пособия, выплачиваемого членам семьи погибшего военнослужащего (сотрудника), в размере 150-кратной суммы должностного оклада по последней занимаемой должности и оклада по военному (специальному) званию погибшего;
включение данных о членах семьи погибшего военнослужащего (сотрудника) в Перечень данных, интегрируемых в электронную информационную систему постановки на учет и направления на лечение в порядке очередности льготной категории лиц.
2. Контроль за исполнением настоящего Указа возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
ПРИЛОЖЕНИЕ к Указу Президента Республики Узбекистан от 13 сентября 2023 года №УП-159
Изменения и дополнения, вносимые в некоторые акты Президента Республики Узбекистан
1. Перечень льготной категории лиц, медицинская помощь которым оказывается медицинскими организациями, оказывающими высокотехнологичную специализированную медицинскую помощь, за счет средств Государственного бюджета Республики Узбекистан, утвержденный Указом Президента Республики Узбекистан от 26 февраля 2003 года № УП-3214, дополнить пунктом 18 следующего содержания:
«18. Члены семей военнослужащих и сотрудников (родители, жена (муж), с которой (ым) они состояли в законном браке на момент смерти, и дети) Министерства обороны, Министерства внутренних дел, Министерства по чрезвычайным ситуациям, Национальной гвардии, Службы государственной безопасности, Государственной службы безопасности Президента Республики Узбекистан, Таможенного комитета и Центра развития электронных технологий, погибших во имя защиты Родины и мирной жизни народа вследствие ранения, контузии или увечья (во время мобилизации в период чрезвычайного положения (состояния войны), объявленного Президентом Республики Узбекистан, а также в период ведения боевых (военных) действий)».
2. Абзац второй пункта 7 Указа Президента Республики Узбекистан от 18 февраля 2020 года № УП-5938 «О мерах по оздоровлению социально-духовной атмосферы в обществе, дальнейшей поддержке института махалли, а также поднятию на новый уровень системы работы с семьями и женщинами» исключить.
3. В Положении о порядке назначения и выплаты единовременного пособия военнослужащим (сотрудникам) Вооруженных Сил Республики Узбекистан в случае получения ими телесных повреждений или членам семей военнослужащих (сотрудников) Вооруженных Сил Республики Узбекистан, погибших (умерших) при исполнении служебных обязанностей, утвержденном постановлением Президента Республики Узбекистан от 3 июля 2019 года № ПП-4382:
а) в пункте 1 после слов «при исполнении служебных обязанностей» дополнить словами «, а также членам семей военнослужащих (сотрудников), погибших во имя защиты Родины и мирной жизни народа»;
б) в пункте 2 :
дополнить абзацем третьим следующего содержания :
« военнослужащий (сотрудник), погибший во имя защиты Родины и мирной жизни народа — военнослужащий (сотрудник), погибший вследствие ранения, контузии или увечья, полученных во время мобилизации в период чрезвычайного положения (состояния войны), объявленного Президентом Республики Узбекистан, а также в период ведения боевых (военных) действий»;
абзацы третий — шестой считать соответственно абзацами четвертым — седьмым;
абзац седьмой после слов «при исполнении служебных обязанностей» дополнить словами «, а также членам семей военнослужащих (сотрудников), погибших во имя защиты Родины и мирной жизни народа»;
в) в пункте 3 :
дополнить абзацем шестым следующего содержания:
«членов семей военнослужащих (сотрудников), погибших во имя защиты Родины и мирной жизни народа»;
абзацы шестой и седьмой считать соответственно абзацами седьмым и восьмым;
г) пункт 4 изложить в следующей редакции:
«4. В случае гибели военнослужащего (сотрудника) во имя защиты Родины и мирной жизни народа членам его семьи назначается пособие в размере 150-кратной суммы должностного оклада по основной занимаемой должности (стипендии курсанта, слушателя высшего военного образовательного учреждения) и оклада по воинскому (специальному) званию погибшего.
В случае гибели (смерти) военнослужащего (сотрудника) при исполнении служебных обязанностей членам его семьи назначается пособие в 100-кратном размере суммы должностного оклада по основной занимаемой должности (стипендии курсанта, слушателя высшего военного образовательного учреждения) и оклада по воинскому (специальному) званию погибшего.
Пособие, предусмотренное абзацем первым настоящего пункта, выплачивается членам семьи военнослужащего (сотрудника), погибшего в период после 1 апреля 2023 года.
Членам семьи погибшего (умершего) военнослужащего (сотрудника), имеющим право на получение обоих пособий, предусмотренных абзацами первым и вторым настоящего пункта, назначается исключительно пособие, указанное в абзаце первом данного пункта»;
д) в пункте 19 :
дополнить абзацем пятнадцатым следующего содержания:
«е) выписка из приказа командира (начальника), подтверждающая гибель военнослужащего (сотрудника) во имя защиты Родины и мирной жизни народа вследствие ранения, контузии или увечья (с указанием периода участия)»;
абзац пятнадцатый считать абзацем шестнадцатым.
4. Перечень данных, интегрируемых в электронную информационную систему постановки на учет и направления на лечение в порядке очередности льготной категории лиц, утвержденный постановлением Президента Республики Узбекистан от 28 июля 2021 года № ПП-5199, дополнить позицией 5 следующего содержания:
« 5. Министерство обороны, Министерство внутренних дел, Министерство по чрезвычайным ситуациям, Национальная гвардия, Служба государственной безопасности, Государственная служба безопасности Президента Республики Узбекистан, Таможенный комитет и Центр развития электронных технологий. Данные о членах семей военнослужащих (сотрудников), погибших во имя защиты Родины и мирной жизни народа вследствие ранения, контузии или увечья . » .
Президент Республики Узбекистан Ш. МИРЗИЁЕВ
г. Ташкент,
13 сентября 2023 г.,
№ УП-159