📅 2023-yil 27-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 27 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 27 сентября 2023 г. · Постановления Президента
Официальный текст. Официальный документ. Редакционные примечания не включены.
📅 27 September 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Мактабгача таълим соҳасида давлат-хусусий шерикликни янада қўллаб-қувватлашга оид қўшимча чора-тадбирлар тўғрисида
Мактабгача таълим тизимида амалга оширилаётган ислоҳотларни изчил давом эттириш, давлат-хусусий шериклик асосидаги нодавлат мактабгача таълим ташкилотлари фаолиятини янада қўллаб-қувватлаш ва уларнинг тармоғини кенгайтириш мақсадида:
1. Тадбиркорлик субъектларига, уларнинг хоҳишига кўра, 2018 — 2022 йилларда давлат-хусусий шериклик асосидаги нодавлат мактабгача таълим ташкилотларини ташкил этиш учун тузилган битимларга мувофиқ ажратилган имтиёзли кредитлар бўйича имтиёзли давр муддатини 2024 йил 1 октябрга қадар узайтиришга рухсат этилсин.
Бунда:
имтиёзли давр давомида тадбиркорлик субъектлари томонидан кредит бўйича фақат фоиз тўловлари амалга оширилади;
имтиёзли даврда тўланиши лозим бўлган асосий қарз бўйича тўловлар кредит даврининг қолган қисмига тенг миқдорда тақсимланади.
2. Белгилаб қўйилсинки:
а) давлат-хусусий шериклик асосидаги нодавлат мактабгача таълим ташкилотларини ташкил этиш учун имтиёзли кредитлар лойиҳа ташаббускорларига қуйидаги табақалаштирилган фоиз ставкаларида ва шартларда ажратилади:
Тошкент шаҳрида — 10 йил муддатга, шу жумладан 2 йиллик имтиёзли давр билан йиллик 12 фоиз ставка бўйича;
Нукус шаҳри, вилоятлар маъмурий марказлари ва вилоятга бўйсунувчи шаҳарларда — 10 йил муддатга, шу жумладан 2 йиллик имтиёзли давр билан йиллик 8 фоиз ставка бўйича;
туманларда — 10 йил муддатга, шу жумладан 2 йиллик имтиёзли давр билан йиллик 5 фоиз ставка бўйича;
б) мазкур банднинг «а» кичик бандида белгиланган имтиёзли кредит шартлари ва фоиз ставкалари Ўзбекистон Республикаси Президентининг 2021 йил 12 апрелдаги «Мактабгача таълим соҳасида давлат-хусусий шерикликни ривожлантиришга доир қўшимча чора-тадбирлар тўғрисида»ги ПҚ-5071-сон қарорига асосан табақалаштирилган фоиз ставкалари бўйича ажратилган имтиёзли кредитларга ҳам татбиқ этилади.
3. Мактабгача ва мактаб таълими вазирлиги 2018 — 2022 йилларда имзоланган давлат-хусусий шериклик тўғрисидаги битимлар бўйича амалга оширилмаган лойиҳаларни манзилли таҳлил қилиб:
икки ой муддатда хусусий шерикнинг имкониятларини ҳисобга олган ҳолда, давлат-хусусий шериклик лойиҳаларини 2025 йил 1 мартга қадар ишга тушириш бўйича «йўл харитаси»ни тасдиқласин;
ўз мажбуриятларини бажара олмайдиган хусусий шериклар билан тузилган битимларни белгиланган тартибда босқичма-босқич бекор қилиш чораларини кўрсин.
4. Мактабгача ва мактаб таълими вазирлиги:
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Давлат активларини бошқариш агентлиги, Иқтисодиёт ва молия вазирлиги ҳамда Марказий банк билан биргаликда давлат-хусусий шериклик тўғрисидаги битим бекор қилинган лойиҳаларнинг объектларини келгусида ушбу объектларда нодавлат мактабгача таълим ташкилоти фаолиятини йўлга қўйиш шарти билан аукцион савдолари орқали сотиш юзасидан;
манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
5. Ўзбекистон Республикаси Президентининг айрим қарорларига иловага мувофиқ ўзгартиришлар ва қўшимча киритилсин.
6. Мазкур қарорнинг ижросини самарали ташкил қилишга масъул ва шахсий жавобгар этиб мактабгача ва мактаб таълими вазири Х.У. Умарова ҳамда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари белгилансин.
7. Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2023 йил 27 сентябрдаги ПҚ-316-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартиришлар ва қўшимча
1. Ўзбекистон Республикаси Президентининг 2018 йил 5 апрелдаги «Мактабгача таълим тизимини янада рағбатлантириш ва ривожлантириш чора-тадбирлари тўғрисида»ги ПҚ-3651-сон қарорида :
а) 4-банд қуйидаги таҳрирда баён этилсин:
«4. Белгилансинки:
давлат-хусусий шериклик тўғрисидаги битим Мактабгача ва мактаб таълими вазирлиги томонидан ўтказиладиган танлов натижалари бўйича тузилади. Мазкур қарор 1-бандининг саккизинчи — ўнинчи хатбошиларида назарда тутилган ҳолларда танлов ўтказилмайди;
Мактабгача ва мактаб таълими вазирлиги 2023 йил 1 октябрдан бошлаб давлат-хусусий шериклик асосидаги нодавлат мактабгача таълим ташкилотларини ташкил этишда давлат шериги сифатида хусусий шерик билан битим тузади (2023 йил 1 октябрга қадар тузилган битимлар учун давлат шериги этиб Мактабгача таълим агентлиги белгиланади) ҳамда битим шартлари хусусий шерик томонидан лозим даражада бажарилишини мониторинг қилади;
Мактабгача таълим агентлиги оилавий нодавлат мактабгача таълим ташкилотларини ташкил этишда давлат шериги сифатида хусусий шерик билан битим тузади ҳамда битим шартлари хусусий шерик томонидан лозим даражада бажарилишини мониторинг қилади»;
б) 11-банднинг учинчи хатбошисидаги «Мактабгача таълим агентлигига» сўзлари «Мактабгача ва мактаб таълими вазирлигига» сўзлари билан алмаштирилсин;
в) 1-иловада :
2-банднинг бешинчи хатбошиси қуйидаги таҳрирда баён этилсин:
«давлат шериги — оилавий нодавлат мактабгача таълим ташкилотларини ташкил этиш лойиҳалари бўйича — Мактабгача таълим агентлиги (кейинги ўринларда — Агентлик деб юритилади), бошқа шаклдаги давлат-хусусий шериклик асосидаги нодавлат мактабгача таълим ташкилотларини ташкил этиш лойиҳалари бўйича — Мактабгача ва мактаб таълими вазирлиги (кейинги ўринларда — Вазирлик деб юритилади)»;
15-банддаги «Агентлик расмий сайтининг» сўзлари «Вазирлик расмий сайтининг» сўзлари билан алмаштирилсин;
17-банднинг биринчи хатбошиси ва 27-банддаги тегишли келишикдаги «Агентлик» сўзи тегишли келишикдаги «Вазирлик» сўзи билан алмаштирилсин;
96-банддаги «хусусий шерик лицензия олган кундан» сўзлари «томонлар тарафидан имзоланган вақтдан» сўзлари билан алмаштирилсин;
100-банд қуйидаги таҳрирда баён этилсин:
«100. Оилавий нодавлат мактабгача таълим ташкилоти шаклидаги давлат-хусусий шериклик лойиҳасини амалга ошириш учун хусусий шерик ахборот тизими орқали электрон шаклда ариза билан мурожаат қилади.
Ариза тўлдирилишида ахборот тизими томонидан сўралган маълумотлар киритилади. Хусусий шерик ахборот тизимига киритиладиган маълумотларнинг ишончлилиги учун шахсан жавобгар бўлади»;
101-банд қуйидаги таҳрирда баён этилсин:
«101. Оилавий нодавлат мактабгача таълим ташкилоти ташкил этилиши рад этилмаса, ахборот тизимида автоматик шакллантирилган битим хусусий шерик ва давлат шериги томонидан электрон рақамли имзо орқали имзоланади.
Оилавий нодавлат мактабгача таълим ташкилоти ўз фаолиятини давлат-хусусий шериклик тўғрисидаги битим давлат шериги томонидан имзоланганидан кейин бошлашга ҳақли»;
118-банднинг биринчи хатбошисидаги «Агентлик» сўзи «Тегишлилиги бўйича Вазирлик ва Агентлик» сўзлари билан алмаштирилсин.
2. Ўзбекистон Республикаси Президентининг 2020 йил 30 январдаги «Мактабгача таълим соҳасида давлат-хусусий шерикликни янада ривожлантириш чора-тадбирлари тўғрисида»ги ПҚ-4581-сон қарорида :
а) 3-бандда :
«б» кичик банд қуйидаги таҳрирда баён этилсин:
«б) давлат-хусусий шериклик асосидаги нодавлат мактабгача таълим ташкилотларини ташкил этиш учун ажратиладиган ҳамда халқаро молия институтларидан жалб қилинган маблағлар ҳисобидан молиялаштириладиган кредитлар:
Тошкент шаҳрида — 10 йил муддатга, шу жумладан, 2 йиллик имтиёзли давр билан йиллик 12 фоиз ставка бўйича;
Нукус шаҳри, вилоятларнинг маъмурий марказлари ва вилоят бўйсунувидаги шаҳарларда — 10 йил муддатга, шу жумладан, 2 йиллик имтиёзли давр билан йиллик 8 фоиз ставка бўйича;
туманларда — 10 йил муддатга, шу жумладан, 2 йиллик имтиёзли давр билан йиллик 5 фоиз ставка бўйича берилади»;
«в» кичик банд қуйидаги таҳрирда баён этилсин:
«в) 2021 йил ва келгуси йилларда тузиладиган битимлар халқаро молия институтларидан жалб этиладиган имтиёзли кредитлар (қарзлар), шунингдек, давлат-хусусий шериклик асосида мактабгача таълим ташкилотларини ташкил этиш учун аввал ажратилган кредитлар бўйича хусусий шерик томонидан қайтариладиган асосий қарзлар ҳисобидан молиялаштирилади»;
б) 6-банднинг биринчи хатбошисидаги «Мактабгача таълим вазирлиги» сўзлари «Мактабгача ва мактаб таълими вазирлиги» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 27 сентябрь,
ПҚ-316-сон
Oʻzbekiston Respublikasi Prezidentining
Qarori
Maktabgacha taʼlim sohasida davlat-xususiy sheriklikni yanada qoʻllab-quvvatlashga oid qoʻshimcha chora-tadbirlar toʻgʻrisida
Maktabgacha taʼlim tizimida amalga oshirilayotgan islohotlarni izchil davom ettirish, davlat-xususiy sheriklik asosidagi nodavlat maktabgacha taʼlim tashkilotlari faoliyatini yanada qoʻllab-quvvatlash va ularning tarmogʻini kengaytirish maqsadida:
1. Tadbirkorlik subyektlariga, ularning xohishiga koʻra, 2018 — 2022-yillarda davlat-xususiy sheriklik asosidagi nodavlat maktabgacha taʼlim tashkilotlarini tashkil etish uchun tuzilgan bitimlarga muvofiq ajratilgan imtiyozli kreditlar boʻyicha imtiyozli davr muddatini 2024-yil 1-oktabrga qadar uzaytirishga ruxsat etilsin.
Bunda:
imtiyozli davr davomida tadbirkorlik subyektlari tomonidan kredit boʻyicha faqat foiz toʻlovlari amalga oshiriladi;
imtiyozli davrda toʻlanishi lozim boʻlgan asosiy qarz boʻyicha toʻlovlar kredit davrining qolgan qismiga teng miqdorda taqsimlanadi.
2. Belgilab qoʻyilsinki:
a) davlat-xususiy sheriklik asosidagi nodavlat maktabgacha taʼlim tashkilotlarini tashkil etish uchun imtiyozli kreditlar loyiha tashabbuskorlariga quyidagi tabaqalashtirilgan foiz stavkalarida va shartlarda ajratiladi:
Toshkent shahrida — 10 yil muddatga, shu jumladan 2 yillik imtiyozli davr bilan yillik 12 foiz stavka boʻyicha;
Nukus shahri, viloyatlar maʼmuriy markazlari va viloyatga boʻysunuvchi shaharlarda — 10 yil muddatga, shu jumladan 2 yillik imtiyozli davr bilan yillik 8 foiz stavka boʻyicha;
tumanlarda — 10 yil muddatga, shu jumladan 2 yillik imtiyozli davr bilan yillik 5 foiz stavka boʻyicha;
b) mazkur bandning “a” kichik bandida belgilangan imtiyozli kredit shartlari va foiz stavkalari Oʻzbekiston Respublikasi Prezidentining 2021-yil 12-apreldagi “Maktabgacha taʼlim sohasida davlat-xususiy sheriklikni rivojlantirishga doir qoʻshimcha chora-tadbirlar toʻgʻrisida”gi PQ-5071-son qaroriga asosan tabaqalashtirilgan foiz stavkalari boʻyicha ajratilgan imtiyozli kreditlarga ham tatbiq etiladi.
3. Maktabgacha va maktab taʼlimi vazirligi 2018 — 2022-yillarda imzolangan davlat-xususiy sheriklik toʻgʻrisidagi bitimlar boʻyicha amalga oshirilmagan loyihalarni manzilli tahlil qilib:
ikki oy muddatda xususiy sherikning imkoniyatlarini hisobga olgan holda, davlat-xususiy sheriklik loyihalarini 2025-yil 1-martga qadar ishga tushirish boʻyicha “yoʻl xaritasi”ni tasdiqlasin;
oʻz majburiyatlarini bajara olmaydigan xususiy sheriklar bilan tuzilgan bitimlarni belgilangan tartibda bosqichma-bosqich bekor qilish choralarini koʻrsin.
4. Maktabgacha va maktab taʼlimi vazirligi:
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Davlat aktivlarini boshqarish agentligi, Iqtisodiyot va moliya vazirligi hamda Markaziy bank bilan birgalikda davlat-xususiy sheriklik toʻgʻrisidagi bitim bekor qilingan loyihalarning obyektlarini kelgusida ushbu obyektlarda nodavlat maktabgacha taʼlim tashkiloti faoliyatini yoʻlga qoʻyish sharti bilan auksion savdolari orqali sotish yuzasidan;
manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
5. Oʻzbekiston Respublikasi Prezidentining ayrim qarorlariga ilovaga muvofiq oʻzgartirishlar va qoʻshimcha kiritilsin.
6. Mazkur qarorning ijrosini samarali tashkil qilishga masʼul va shaxsiy javobgar etib maktabgacha va maktab taʼlimi vaziri X.U. Umarova hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.
7. Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2023-yil 27-sentabrdagi PQ-316-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar va qoʻshimcha
1. Oʻzbekiston Respublikasi Prezidentining 2018-yil 5-apreldagi “Maktabgacha taʼlim tizimini yanada ragʻbatlantirish va rivojlantirish chora-tadbirlari toʻgʻrisida”gi PQ-3651-son qarorida :
a) 4-band quyidagi tahrirda bayon etilsin:
“4. Belgilansinki:
davlat-xususiy sheriklik toʻgʻrisidagi bitim Maktabgacha va maktab taʼlimi vazirligi tomonidan oʻtkaziladigan tanlov natijalari boʻyicha tuziladi. Mazkur qaror 1-bandining sakkizinchi — oʻninchi xatboshilarida nazarda tutilgan hollarda tanlov oʻtkazilmaydi;
Maktabgacha va maktab taʼlimi vazirligi 2023-yil 1-oktabrdan boshlab davlat-xususiy sheriklik asosidagi nodavlat maktabgacha taʼlim tashkilotlarini tashkil etishda davlat sherigi sifatida xususiy sherik bilan bitim tuzadi (2023-yil 1-oktabrga qadar tuzilgan bitimlar uchun davlat sherigi etib Maktabgacha taʼlim agentligi belgilanadi) hamda bitim shartlari xususiy sherik tomonidan lozim darajada bajarilishini monitoring qiladi;
Maktabgacha taʼlim agentligi oilaviy nodavlat maktabgacha taʼlim tashkilotlarini tashkil etishda davlat sherigi sifatida xususiy sherik bilan bitim tuzadi hamda bitim shartlari xususiy sherik tomonidan lozim darajada bajarilishini monitoring qiladi”;
b) 11-bandning uchinchi xatboshisidagi “Maktabgacha taʼlim agentligiga” soʻzlari “Maktabgacha va maktab taʼlimi vazirligiga” soʻzlari bilan almashtirilsin;
v) 1-ilovada :
2-bandning beshinchi xatboshisi quyidagi tahrirda bayon etilsin:
“davlat sherigi — oilaviy nodavlat maktabgacha taʼlim tashkilotlarini tashkil etish loyihalari boʻyicha — Maktabgacha taʼlim agentligi (keyingi oʻrinlarda — Agentlik deb yuritiladi), boshqa shakldagi davlat-xususiy sheriklik asosidagi nodavlat maktabgacha taʼlim tashkilotlarini tashkil etish loyihalari boʻyicha — Maktabgacha va maktab taʼlimi vazirligi (keyingi oʻrinlarda — Vazirlik deb yuritiladi)”;
15-banddagi “Agentlik rasmiy saytining” soʻzlari “Vazirlik rasmiy saytining” soʻzlari bilan almashtirilsin;
17-bandning birinchi xatboshisi va 27-banddagi tegishli kelishikdagi “Agentlik” soʻzi tegishli kelishikdagi “Vazirlik” soʻzi bilan almashtirilsin;
96-banddagi “xususiy sherik litsenziya olgan kundan” soʻzlari “tomonlar tarafidan imzolangan vaqtdan” soʻzlari bilan almashtirilsin;
100-band quyidagi tahrirda bayon etilsin:
“100. Oilaviy nodavlat maktabgacha taʼlim tashkiloti shaklidagi davlat-xususiy sheriklik loyihasini amalga oshirish uchun xususiy sherik axborot tizimi orqali elektron shaklda ariza bilan murojaat qiladi.
Ariza toʻldirilishida axborot tizimi tomonidan soʻralgan maʼlumotlar kiritiladi. Xususiy sherik axborot tizimiga kiritiladigan maʼlumotlarning ishonchliligi uchun shaxsan javobgar boʻladi”;
101-band quyidagi tahrirda bayon etilsin:
“101. Oilaviy nodavlat maktabgacha taʼlim tashkiloti tashkil etilishi rad etilmasa, axborot tizimida avtomatik shakllantirilgan bitim xususiy sherik va davlat sherigi tomonidan elektron raqamli imzo orqali imzolanadi.
Oilaviy nodavlat maktabgacha taʼlim tashkiloti oʻz faoliyatini davlat-xususiy sheriklik toʻgʻrisidagi bitim davlat sherigi tomonidan imzolanganidan keyin boshlashga haqli”;
118-bandning birinchi xatboshisidagi “Agentlik” soʻzi “Tegishliligi boʻyicha Vazirlik va Agentlik” soʻzlari bilan almashtirilsin.
2. Oʻzbekiston Respublikasi Prezidentining 2020-yil 30-yanvardagi “Maktabgacha taʼlim sohasida davlat-xususiy sheriklikni yanada rivojlantirish chora-tadbirlari toʻgʻrisida”gi PQ-4581-son qarorida :
a) 3-bandda :
“b” kichik band quyidagi tahrirda bayon etilsin:
“b) davlat-xususiy sheriklik asosidagi nodavlat maktabgacha taʼlim tashkilotlarini tashkil etish uchun ajratiladigan hamda xalqaro moliya institutlaridan jalb qilingan mablagʻlar hisobidan moliyalashtiriladigan kreditlar:
Toshkent shahrida — 10 yil muddatga, shu jumladan, 2 yillik imtiyozli davr bilan yillik 12 foiz stavka boʻyicha;
Nukus shahri, viloyatlarning maʼmuriy markazlari va viloyat boʻysunuvidagi shaharlarda — 10 yil muddatga, shu jumladan, 2 yillik imtiyozli davr bilan yillik 8 foiz stavka boʻyicha;
tumanlarda — 10 yil muddatga, shu jumladan, 2 yillik imtiyozli davr bilan yillik 5 foiz stavka boʻyicha beriladi”;
“v” kichik band quyidagi tahrirda bayon etilsin:
“v) 2021-yil va kelgusi yillarda tuziladigan bitimlar xalqaro moliya institutlaridan jalb etiladigan imtiyozli kreditlar (qarzlar), shuningdek, davlat-xususiy sheriklik asosida maktabgacha taʼlim tashkilotlarini tashkil etish uchun avval ajratilgan kreditlar boʻyicha xususiy sherik tomonidan qaytariladigan asosiy qarzlar hisobidan moliyalashtiriladi”;
b) 6-bandning birinchi xatboshisidagi “Maktabgacha taʼlim vazirligi” soʻzlari “Maktabgacha va maktab taʼlimi vazirligi” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 27-sentabr,
PQ-316-son
Президента Республики Узбекистан
Постановление
О дополнительных мерах по дальнейшей поддержке государственно-частного партнерства в сфере дошкольного образования
В целях последовательного продолжения проводимых реформ в системе дошкольного образования, дальнейшей поддержки деятельности и расширения сети негосударственных дошкольных образовательных организаций на основе государственно-частного партнерства:
1. Разрешить субъектам предпринимательства, по их желанию, продлить до 1 октября 2024 года срок льготного периода по льготным кредитам, выделенным в соответствии с заключенными в 2018 — 2022 годах соглашениями по созданию негосударственных дошкольных образовательных организаций на основе государственно-частного партнерства.
При этом:
в течение льготного периода субъектами предпринимательства осуществляются исключительно процентные платежи по кредитам;
платежи по основному долгу, подлежащие оплате в течение льготного периода, распределяются в равном количестве на оставшуюся часть кредитного периода.
2. Установить, что:
а) льготные кредиты на создание негосударственных дошкольных образовательных организаций на основе государственно-частного партнерства выделяются инициаторам проектов по следующим дифференцированным процентным ставкам и условиям:
в городе Ташкенте — сроком на 10 лет, включая льготный период 2 года, по ставке 12 процентов годовых;
в городе Нукусе, административных центрах областей и городах областного подчинения — сроком на 10 лет, включая льготный период 2 года, по ставке 8 процентов годовых;
в районах — сроком на 10 лет, включая льготный период 2 года, по ставке 5 процентов годовых;
б) условия и процентные ставки льготных кредитов, определенные подпунктом «а» настоящего пункта, распространяются также на льготные кредиты, выделенные по дифференцированным процентным ставкам в соответствии с постановлением Президента Республики Узбекистан от 12 апреля 2021 года № ПП-5071 «О дополнительных мерах по развитию государственно-частного партнерства в сфере дошкольного образования».
3. Министерству дошкольного и школьного образования на основе проведенного адресного анализа нереализованных проектов по соглашениям государственно-частного партнерства, подписанным в 2018 — 2022 годах:
в двухмесячный срок утвердить «Дорожную карту» по вводу в эксплуатацию в срок до 1 марта 2025 года проектов государственно-частного партнерства с учетом возможностей частных партнеров;
принять меры по поэтапному расторжению в установленном порядке соглашений, заключенных с частными партнерами, которые не могут выполнить свои обязательства.
4. Министерству дошкольного и школьного образования внести в Кабинет Министров предложения:
совместно с Советом Министров Республики Каракалпакстан, хокимиятами областей и города Ташкента, Агентством по управлению государственными активами, Министерством экономики и финансов, Центральным банком — о реализации посредством аукционных торгов объектов проектов государственно-частного партнерства, соглашения по которым прекращены, с условием последующего налаживания деятельности негосударственных дошкольных образовательных организаций в данных объектах;
совместно с заинтересованными министерствами и ведомствами в трехмесячный срок — об изменениях и дополнениях в акты законодательства, вытекающих из настоящего постановления.
5. Внести изменения и дополнение в некоторые постановления Президента Республики Узбекистан согласно приложению .
6. Возложить на министра дошкольного и школьного образования Х.У. Умарову, Председателя Совета Министров Республики Каракалпакстан, хокимов областей и города Ташкента персональную ответственность за эффективную организацию исполнения настоящего постановления.
7. Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на заместителя Премьер-министра Д.А. Кучкарова.
ПРИЛОЖЕНИЕ к постановлению Президента Республики Узбекистан от 27 сентября 2023 года № ПП-316
Изменения и дополнение, вносимые в некоторые постановления Президента Республики Узбекистан
1. В постановлении Президента Республики Узбекистан от 5 апреля 2018 года № ПП-3651 «О мерах по дальнейшему стимулированию и развитию системы дошкольного образования»:
а) пункт 4 изложить в следующей редакции:
«4. Определить, что:
соглашение о государственно-частном партнерстве заключается по результатам конкурса, проводимого Министерством дошкольного и школьного образования. В случаях, предусмотренных абзацами восьмым — десятым пункта 1 настоящего постановления, конкурс не проводится;
Министерство дошкольного и школьного образования с 1 октября 2023 года при создании негосударственных дошкольных образовательных организаций на основе государственно-частного партнерства заключает с частным партнером соглашение в качестве государственного партнера (для соглашений, заключенных до 1 октября 2023 года, государственным партнером определяется Агентство дошкольного образования), а также осуществляет мониторинг выполнения частным партнером условий соглашения на должном уровне;
Агентство дошкольного образования при создании семейных негосударственных дошкольных образовательных организаций заключает с частным партнером соглашение в качестве государственного партнера, а также осуществляет мониторинг выполнения частным партнером условий соглашения на должном уровне»;
б) в абзаце третьем пункта 11 слова «Агентству дошкольного образования» заменить словами «Министерству дошкольного и школьного образования»;
в) в приложении № 1 :
абзац пятый пункта 2 изложить в следующей редакции:
«государственный партнер — по проектам создания семейных негосударственных дошкольных образовательных организаций — Агентство дошкольного образования (далее — Агентство), по проектам создания негосударственных дошкольных образовательных организаций на основе государственно-частного партнерства в других формах — Министерство дошкольного и школьного образования (далее — Министерство)»;
в пункте 15 слова «официального сайта Агентства» заменить словами «официального сайта Министерства»;
в абзаце первом пункта 17 и пункте 27 слово «Агентство» в соответствующем падеже заменить словом «Министерство» в соответствующем падеже;
в пункте 96 слова «со дня получения лицензии частным партнером» заменить словами «со дня его подписания сторонами»;
пункт 100 изложить в следующей редакции:
«100. Для реализации проекта государственно-частного партнерства в форме семейной негосударственной дошкольной образовательной организации частный партнер обращается с заявлением через информационную систему в электронной форме.
При заполнении заявления вводятся данные, запрашиваемые информационной системой. Частный партнер несет персональную ответственность за достоверность данных, вводимых в информационную систему»;
пункт 101 изложить в следующей редакции:
«101. Если в создании семейной негосударственной дошкольной образовательной организации не будет отказано, соглашение, автоматически сформированное в информационной системе, подписывается частным партнером и государственным партнером посредством электронной цифровой подписи.
Семейная негосударственная дошкольная образовательная организация вправе начать свою деятельность после подписания государственным партнером соглашения о государственно-частном партнерстве»;
в абзаце первом пункта 118 слово «Агентство» заменить словами «Министерство и Агентство соответственно».
2. В постановлении Президента Республики Узбекистан от 30 января 2020 года № ПП-4581 «О мерах по дальнейшему развитию государственно-частного партнерства в сфере дошкольного образования»:
а) в пункте 3 :
подпункт «б» изложить в следующей редакции:
«б) кредиты, выделяемые на создание негосударственных дошкольных образовательных организаций на основе государственно-частного партнерства, а также финансируемые за счет средств, привлекаемых из международных финансовых институтов, предоставляются:
в городе Ташкенте — сроком на 10 лет, включая льготный период 2 года, по ставке 12 процентов годовых;
в городе Нукусе, административных центрах областей и городах областного подчинения — сроком на 10 лет, включая льготный период 2 года, по ставке 8 процентов годовых;
в районах — сроком на 10 лет, включая льготный период 2 года, по ставке 5 процентов годовых»;
подпункт «в» изложить в следующей редакции:
«в) кредиты по соглашениям, заключаемым в 2021 году и в последующие годы, финансируются за счет привлекаемых льготных кредитов (займов) международных финансовых институтов, а также возвращаемого частным партнером основного долга по ранее выделенным кредитам на создание дошкольных образовательных организаций на основе государственно-частного партнерства»;
б) в абзаце первом пункта 6 слова «Министерству дошкольного образования» заменить словами «Министерству дошкольного и школьного образования».
Президент Республики Узбекистан Ш. МИРЗИЁЕВ
г. Ташкент,
27 сентября 2023 г.,
№ ПП-316