📅 2023-yil 29-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 29 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 29 сентября 2023 г. · Постановления Кабинета Министров
Официальный текст. Официальный документ. Редакционные примечания не включены.
📅 29 September 2023 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
Коллеж ва техникумларда касб (мутахассислик) эгаллаш истагида бўлган хотин-қизларни янада қўллаб-қувватлаш чора-тадбирлари тўғрисида
Мамлакатимизда хотин-қизларнинг ижтимоий-иқтисодий ва сиёсий фаоллигини ошириш, жамиятда уларнинг ролини мустаҳкамлаш ҳамда гендер тенгликни таъминлаш борасида изчил ишлар амалга оширилмоқда.
Шу билан бирга, Ўзбекистон тараққиётининг янги босқичида хотин-қизларнинг таълим олишлари учун кенг шарт-шароитлар яратиш ҳамда уларни илм-фанга фаол жалб этиш долзарб аҳамият касб этмоқда.
Ўзбекистон Республикаси Президентининг «Оила ва хотин-қизларни тизимли қўллаб-қувватлашга доир ишларни янада жадаллаштириш чора-тадбирлари тўғрисида» 2022 йил 7 мартдаги ПФ-87-сон Фармонида белгиланган вазифалар ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг 2022 йил 7 мартдаги ПФ-87-сон Фармони билан тасдиқланган 2022 — 2026 йилларда хотин-қизларнинг мамлакат иқтисодий, сиёсий ва ижтимоий ҳаётининг барча жабҳаларида фаоллигини ошириш бўйича миллий дастурда қурилиш, транспорт, коммунал, қишлоқ хўжалиги ва хизмат кўрсатиш соҳаларидаги коллеж ва техникумларда касб (мутахассислик) эгаллаш истагида бўлган хотин-қизларнинг тўлиқ давлат гранти асосида таълим олишлари белгиланганлиги маълумот учун қабул қилинсин.
2. Белгилансинки, 2023/2024 ўқув йилидан бошлаб коллеж ва техникумларга қурилиш, транспорт, коммунал, қишлоқ хўжалиги ва хизмат кўрсатиш соҳаларидаги касб (мутахассислик) эгаллаш истагида бўлган хотин-қизлар давлат гранти асосида таълим оладилар ҳамда уларнинг харажатлари тўлиқ Давлат бюджети маблағлари ҳисобидан қопланади.
3. Коллеж ва техникумларда қурилиш, транспорт, коммунал, қишлоқ хўжалиги ва хизмат кўрсатиш соҳаларидаги касб (мутахассислик) бўйича таълим олаётган хотин-қизларнинг тўлиқ давлат гранти асосида таълим олиш тартиби тўғрисидаги низом иловага мувофиқ тасдиқлансин.
4. Ўзбекистон Республикаси Олий таълим, фан ва инновациялар вазирлиги тизимида коллеж ва техникумлар бўлган вазирликлар ва идоралар билан биргаликда умумий ўрта таълим ташкилотларининг 10 ва 11-синф битирувчилари ўртасида касбга (мутахассисликка) йўналтириш ишларини доимий равишда ташкил этиб борсин.
5. Белгилансинки, коллеж ва техникумларда қурилиш, транспорт, коммунал, қишлоқ хўжалиги ва хизмат кўрсатиш соҳаларидаги касб (мутахассислик) бўйича таълим оладиган хотин-қизларни давлат гранти асосида ўқитиш харажатлари:
2023 йилда Ўзбекистон Республикасининг республика бюджетидан бюджет маблағларини тақсимловчи сифатида тизимида коллеж ва техникумлар бўлган вазирлик ва идораларга ажратилган маблағлар доирасида амалга оширилади;
2024 йилдан бошлаб эса Давлат бюджети параметрларини шакллантиришда назарда тутилади.
6. Ўзбекистон Республикаси Олий таълим, фан ва инновациялар вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
7. Мазкур қарорнинг бажарилишини назорат қилиш Ўзбекистон Республикаси олий таълим, фан ва инновациялар вазири И.Ю. Абдурахмонов зиммасига юклансин.
Вазирлар Маҳкамасининг 2023 йил 29 сентябрдаги 516-сон қарорига ИЛОВА
Коллеж ва техникумларда қурилиш, транспорт, коммунал, қишлоқ хўжалиги ва хизмат кўрсатиш соҳаларидаги касб (мутахассислик) бўйича таълим олаётган хотин-қизларнинг тўлиқ давлат гранти асосида таълим олиш тартиби тўғрисида
1-боб. Умумий қоидалар
1. Ушбу Низом коллеж ва техникумларга қурилиш, транспорт, коммунал, қишлоқ хўжалиги ва хизмат кўрсатиш соҳаларидаги (кейинги ўринларда — тегишли йўналишлар) касб (мутахассислик) бўйича тўлов-контракт асосида ўқишга қабул қилинган хотин-қизларни давлат гранти асосида ўқитиш тартибини белгилайди.
2. Коллеж ва техникумларга ўқишга қабул қилинган хотин-қизлар учун талаб этиладиган давлат гранти маблағлари Ўзбекистон Республикасининг республика бюджетидан бюджет маблағларини тақсимловчи сифатида тизимида коллеж ва техникумлар бўлган тегишли вазирлик ва идораларга (кейинги ўринларда — вазирлик ва идоралар) ажратилади.
3. Давлат гранти асосида касб (мутахассислик) эгаллаш истагида бўлган хотин-қизлар мазкур Низомга иловадаги схемага мувофиқ аниқланади.
2-боб. Давлат гранти асосида касб (мутахассислик) эгаллаш истагида бўлган хотин-қизларни аниқлаш
4. Коллеж ва техникумларга тегишли йўналишлар бўйича ҳужжат топширган хотин-қизлар Вазирлар Маҳкамасининг 2020 йил 11 ноябрдаги 715-сон қарори билан тасдиқланган Профессионал таълим муассасаларига ўқишга қабул қилиш тартиби тўғрисидаги низом талабларига мувофиқ ўқишга қабул қилинади.
5. Коллеж ва техникумларга тегишли йўналишлар бўйича тўлов-контракт асосида ўқишга қабул қилинган хотин-қизлар ўқув йилининг 10 октябрига қадар ушбу коллеж ёки техникум директори номига давлат гранти асосида ўқиш учун ариза билан мурожаат қиладилар.
6. Аризалар тааллуқлилиги бўйича коллеж ва техникумлар томонидан уч иш куни ичида кўриб чиқилади ҳамда умумлаштирилган ҳолда, Қорақалпоғистон Республикаси Олий таълим, фан ва инновациялар вазирлиги, вилоятлар ва Тошкент шаҳар олий таълим, фан ва инновациялар бошқармаларига (кейинги ўринларда — ҳудудий бўлинмалар) тақдим этилади.
7. Ҳудудий бўлинмалар ҳар йили 15 октябрга қадар умумлаштирилган маълумотларни кўриб чиқади ҳамда Олий таълим, фан ва инновациялар вазирлигига юборади.
8. Олий таълим, фан ва инновациялар вазирлиги ҳар йили 20 октябрга қадар умумлаштирилган маълумотлар асосида давлат гранти асосида ўқиш учун ариза билан мурожаат қилган хотин-қизлар рўйхатини тааллуқлилиги бўйича тизимида коллеж ва техникумлар бўлган вазирлик ва идораларга тақдим этади.
Вазирлик ва идоралар Олий таълим, фан ва инновациялар вазирлиги томонидан тақдим этилган рўйхат асосида тегишли йўналишларга қабул қилинган хотин-қизларнинг давлат гранти асосида таълим олишлари учун зарур маблағ ажратиш юзасидан ҳар йили 25 октябрга қадар Иқтисодиёт ва молия вазирлигига мурожаат қилади.
9. Иқтисодиёт ва молия вазирлиги вазирлик ва идораларнинг мурожаатлари асосида 5 иш куни ичида тегишли маблағларни мазкур вазирлик ва идораларга ажратади.
3-боб. Якунловчи қоидалар
10. Коллеж ва техникумлар директорлари 2023/2024 ўқув йилидан бошлаб давлат гранти асосида таълим оладиган хотин-қизлар учун Давлат бюджетидан ажратиладиган маблағларнинг мақсадли ва самарали сарфланиши учун шахсан жавобгар ҳисобланади.
11. Давлат бюджетидан ажратиладиган маблағларнинг мақсадли ва самарали сарфланиши Давлат молиявий назорати инспекцияси томонидан назорат қилинади.
12. Мазкур Низом талабларининг бузилишида айбдор бўлган шахслар қонунчилик ҳужжатларига мувофиқ жавоб берадилар.
Коллеж ва техникумларда қурилиш, транспорт, коммунал, қишлоқ хўжалиги ва хизмат кўрсатиш соҳаларидаги касб (мутахассислик) бўйича таълим олаётган хотин-қизларнинг тўлиқ давлат гранти асосида таълим олиш тартиби тўғрисидаги низомга ИЛОВА
Давлат гранти асосида касб (мутахассислик) эгаллаш истагида бўлган хотин-қизларни аниқлаш
Босқичлар Субъектлар Тадбирлар Бажариш муддатлари 1-босқич Талабгор Коллеж (техникум)га тўлов-контракт асосида ўқишга қабул қилинганда давлат гранти асосида ўқиш учун коллеж (техникум) директори номига ариза билан мурожаат қилади. Ҳар йили 10 октябрга қадар 2-босқич Коллеж (техникум) директори Аризаларни кўриб чиқади ва умумлаштирган ҳолда Қорақалпоғистон Республикаси Олий таълим, фан ва инновациялар вазирлиги, вилоятлар ҳамда Тошкент шаҳар олий таълим, фан ва инновациялар бошқармалари (ҳудудий бўлинмалар)га тақдим этади. Уч иш кунида 3-босқич Ҳудудий бўлинмалар Умумлаштирилган маълумотларни кўриб чиқади ҳамда Олий таълим, фан ва инновациялар вазирлигига юборади. Ҳар йили 15 октябрга қадар 4-босқич Олий таълим, фан ва инновациялар вазирлиги Умумлаштирилган маълумотлар асосида хотин-қизларнинг якуний рўйхатини шакллантиради ва тааллуқлилиги бўйича тизимида коллеж (техникум) бўлган вазирлик ва идораларга юборади. Ҳар йили 20 октябрга қадар 5-босқич Тизимида коллеж (техникум) бўлган вазирлик ва идоралар Тақдим қилинган рўйхат асосида тегишли йўналишларга қабул қилинган хотин-қизларни давлат гранти асосида таълим олишлари учун зарур маблағ ажратиш юзасидан Иқтисодиёт ва молия вазирлигига мурожаат қилади. Ҳар йили 25 октябрга қадар 6-босқич Иқтисодиёт ва молия вазирлиги Вазирлик ва идораларнинг мурожаатлари асосида уларга тегишли маблағлар ажратилишини таъминлайди. Беш иш кунида
Ўзбекистон Республикасининг Бош вазири А. АРИПОВ
Тошкент ш.,
2023 йил 29 сентябрь,
516-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
Kollej va texnikumlarda kasb (mutaxassislik) egallash istagida boʻlgan xotin-qizlarni yanada qoʻllab-quvvatlash chora-tadbirlari toʻgʻrisida
Mamlakatimizda xotin-qizlarning ijtimoiy-iqtisodiy va siyosiy faolligini oshirish, jamiyatda ularning rolini mustahkamlash hamda gender tenglikni taʼminlash borasida izchil ishlar amalga oshirilmoqda.
Shu bilan birga, Oʻzbekiston taraqqiyotining yangi bosqichida xotin-qizlarning taʼlim olishlari uchun keng shart-sharoitlar yaratish hamda ularni ilm-fanga faol jalb etish dolzarb ahamiyat kasb etmoqda.
Oʻzbekiston Respublikasi Prezidentining “Oila va xotin-qizlarni tizimli qoʻllab-quvvatlashga doir ishlarni yanada jadallashtirish chora-tadbirlari toʻgʻrisida” 2022-yil 7-martdagi PF-87-son Farmonida belgilangan vazifalar ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining 2022-yil 7-martdagi PF-87-son Farmoni bilan tasdiqlangan 2022 — 2026-yillarda xotin-qizlarning mamlakat iqtisodiy, siyosiy va ijtimoiy hayotining barcha jabhalarida faolligini oshirish boʻyicha milliy dasturda qurilish, transport, kommunal, qishloq xoʻjaligi va xizmat koʻrsatish sohalaridagi kollej va texnikumlarda kasb (mutaxassislik) egallash istagida boʻlgan xotin-qizlarning toʻliq davlat granti asosida taʼlim olishlari belgilanganligi maʼlumot uchun qabul qilinsin.
2. Belgilansinki, 2023/2024 oʻquv yilidan boshlab kollej va texnikumlarga qurilish, transport, kommunal, qishloq xoʻjaligi va xizmat koʻrsatish sohalaridagi kasb (mutaxassislik) egallash istagida boʻlgan xotin-qizlar davlat granti asosida taʼlim oladilar hamda ularning xarajatlari toʻliq Davlat budjeti mablagʻlari hisobidan qoplanadi.
3. Kollej va texnikumlarda qurilish, transport, kommunal, qishloq xoʻjaligi va xizmat koʻrsatish sohalaridagi kasb (mutaxassislik) boʻyicha taʼlim olayotgan xotin-qizlarning toʻliq davlat granti asosida taʼlim olish tartibi toʻgʻrisidagi nizom ilovaga muvofiq tasdiqlansin.
4. Oʻzbekiston Respublikasi Oliy taʼlim, fan va innovatsiyalar vazirligi tizimida kollej va texnikumlar boʻlgan vazirliklar va idoralar bilan birgalikda umumiy oʻrta taʼlim tashkilotlarining 10 va 11-sinf bitiruvchilari oʻrtasida kasbga (mutaxassislikka) yoʻnaltirish ishlarini doimiy ravishda tashkil etib borsin.
5. Belgilansinki, kollej va texnikumlarda qurilish, transport, kommunal, qishloq xoʻjaligi va xizmat koʻrsatish sohalaridagi kasb (mutaxassislik) boʻyicha taʼlim oladigan xotin-qizlarni davlat granti asosida oʻqitish xarajatlari:
2023-yilda Oʻzbekiston Respublikasining respublika budjetidan budjet mablagʻlarini taqsimlovchi sifatida tizimida kollej va texnikumlar boʻlgan vazirlik va idoralarga ajratilgan mablagʻlar doirasida amalga oshiriladi;
2024-yildan boshlab esa Davlat budjeti parametrlarini shakllantirishda nazarda tutiladi.
6. Oʻzbekiston Respublikasi Oliy taʼlim, fan va innovatsiyalar vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
7. Mazkur qarorning bajarilishini nazorat qilish Oʻzbekiston Respublikasi oliy taʼlim, fan va innovatsiyalar vaziri I.Y. Abduraxmonov zimmasiga yuklansin.
Vazirlar Mahkamasining 2023-yil 29-sentabrdagi 516-son qaroriga ILOVA
Kollej va texnikumlarda qurilish, transport, kommunal, qishloq xoʻjaligi va xizmat koʻrsatish sohalaridagi kasb (mutaxassislik) boʻyicha taʼlim olayotgan xotin-qizlarning toʻliq davlat granti asosida taʼlim olish tartibi toʻgʻrisida
1-bob. Umumiy qoidalar
1. Ushbu Nizom kollej va texnikumlarga qurilish, transport, kommunal, qishloq xoʻjaligi va xizmat koʻrsatish sohalaridagi (keyingi oʻrinlarda — tegishli yoʻnalishlar) kasb (mutaxassislik) boʻyicha toʻlov-kontrakt asosida oʻqishga qabul qilingan xotin-qizlarni davlat granti asosida oʻqitish tartibini belgilaydi.
2. Kollej va texnikumlarga oʻqishga qabul qilingan xotin-qizlar uchun talab etiladigan davlat granti mablagʻlari Oʻzbekiston Respublikasining respublika budjetidan budjet mablagʻlarini taqsimlovchi sifatida tizimida kollej va texnikumlar boʻlgan tegishli vazirlik va idoralarga (keyingi oʻrinlarda — vazirlik va idoralar) ajratiladi.
3. Davlat granti asosida kasb (mutaxassislik) egallash istagida boʻlgan xotin-qizlar mazkur Nizomga ilovadagi sxemaga muvofiq aniqlanadi.
2-bob. Davlat granti asosida kasb (mutaxassislik) egallash istagida boʻlgan xotin-qizlarni aniqlash
4. Kollej va texnikumlarga tegishli yoʻnalishlar boʻyicha hujjat topshirgan xotin-qizlar Vazirlar Mahkamasining 2020-yil 11-noyabrdagi 715-son qarori bilan tasdiqlangan Professional taʼlim muassasalariga oʻqishga qabul qilish tartibi toʻgʻrisidagi nizom talablariga muvofiq oʻqishga qabul qilinadi.
5. Kollej va texnikumlarga tegishli yoʻnalishlar boʻyicha toʻlov-kontrakt asosida oʻqishga qabul qilingan xotin-qizlar oʻquv yilining 10-oktabriga qadar ushbu kollej yoki texnikum direktori nomiga davlat granti asosida oʻqish uchun ariza bilan murojaat qiladilar.
6. Arizalar taalluqliligi boʻyicha kollej va texnikumlar tomonidan uch ish kuni ichida koʻrib chiqiladi hamda umumlashtirilgan holda, Qoraqalpogʻiston Respublikasi Oliy taʼlim, fan va innovatsiyalar vazirligi, viloyatlar va Toshkent shahar oliy taʼlim, fan va innovatsiyalar boshqarmalariga (keyingi oʻrinlarda — hududiy boʻlinmalar) taqdim etiladi.
7. Hududiy boʻlinmalar har yili 15-oktabrga qadar umumlashtirilgan maʼlumotlarni koʻrib chiqadi hamda Oliy taʼlim, fan va innovatsiyalar vazirligiga yuboradi.
8. Oliy taʼlim, fan va innovatsiyalar vazirligi har yili 20-oktabrga qadar umumlashtirilgan maʼlumotlar asosida davlat granti asosida oʻqish uchun ariza bilan murojaat qilgan xotin-qizlar roʻyxatini taalluqliligi boʻyicha tizimida kollej va texnikumlar boʻlgan vazirlik va idoralarga taqdim etadi.
Vazirlik va idoralar Oliy taʼlim, fan va innovatsiyalar vazirligi tomonidan taqdim etilgan roʻyxat asosida tegishli yoʻnalishlarga qabul qilingan xotin-qizlarning davlat granti asosida taʼlim olishlari uchun zarur mablagʻ ajratish yuzasidan har yili 25-oktabrga qadar Iqtisodiyot va moliya vazirligiga murojaat qiladi.
9. Iqtisodiyot va moliya vazirligi vazirlik va idoralarning murojaatlari asosida 5 ish kuni ichida tegishli mablagʻlarni mazkur vazirlik va idoralarga ajratadi.
3-bob. Yakunlovchi qoidalar
10. Kollej va texnikumlar direktorlari 2023/2024 oʻquv yilidan boshlab davlat granti asosida taʼlim oladigan xotin-qizlar uchun Davlat budjetidan ajratiladigan mablagʻlarning maqsadli va samarali sarflanishi uchun shaxsan javobgar hisoblanadi.
11. Davlat budjetidan ajratiladigan mablagʻlarning maqsadli va samarali sarflanishi Davlat moliyaviy nazorati inspeksiyasi tomonidan nazorat qilinadi.
12. Mazkur Nizom talablarining buzilishida aybdor boʻlgan shaxslar qonunchilik hujjatlariga muvofiq javob beradilar.
Kollej va texnikumlarda qurilish, transport, kommunal, qishloq xoʻjaligi va xizmat koʻrsatish sohalaridagi kasb (mutaxassislik) boʻyicha taʼlim olayotgan xotin-qizlarning toʻliq davlat granti asosida taʼlim olish tartibi toʻgʻrisidagi nizomga ILOVA
Davlat granti asosida kasb (mutaxassislik) egallash istagida boʻlgan xotin-qizlarni aniqlash
Bosqichlar Subyektlar Tadbirlar Bajarish muddatlari 1-bosqich Talabgor Kollej (texnikum)ga toʻlov-kontrakt asosida oʻqishga qabul qilinganda davlat granti asosida oʻqish uchun kollej (texnikum) direktori nomiga ariza bilan murojaat qiladi. Har yili 10-oktabrga qadar 2-bosqich Kollej (texnikum) direktori Arizalarni koʻrib chiqadi va umumlashtirgan holda Qoraqalpogʻiston Respublikasi Oliy taʼlim, fan va innovatsiyalar vazirligi, viloyatlar hamda Toshkent shahar oliy taʼlim, fan va innovatsiyalar boshqarmalari (hududiy boʻlinmalar)ga taqdim etadi. Uch ish kunida 3-bosqich Hududiy boʻlinmalar Umumlashtirilgan maʼlumotlarni koʻrib chiqadi hamda Oliy taʼlim, fan va innovatsiyalar vazirligiga yuboradi. Har yili 15-oktabrga qadar 4-bosqich Oliy taʼlim, fan va innovatsiyalar vazirligi Umumlashtirilgan maʼlumotlar asosida xotin-qizlarning yakuniy roʻyxatini shakllantiradi va taalluqliligi boʻyicha tizimida kollej (texnikum) boʻlgan vazirlik va idoralarga yuboradi. Har yili 20-oktabrga qadar 5-bosqich Tizimida kollej (texnikum) boʻlgan vazirlik va idoralar Taqdim qilingan roʻyxat asosida tegishli yoʻnalishlarga qabul qilingan xotin-qizlarni davlat granti asosida taʼlim olishlari uchun zarur mablagʻ ajratish yuzasidan Iqtisodiyot va moliya vazirligiga murojaat qiladi. Har yili 25-oktabrga qadar 6-bosqich Iqtisodiyot va moliya vazirligi Vazirlik va idoralarning murojaatlari asosida ularga tegishli mablagʻlar ajratilishini taʼminlaydi. Besh ish kunida
Oʻzbekiston Respublikasining Bosh vaziri A. ARIPOV
Toshkent sh.,
2023-yil 29-sentabr,
516-son