📅 2023-yil 12-oktabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 12 октябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 12 октября 2023 г. · Указы Президента
Официальный текст. Официальный документ. Редакционные примечания не включены.
📅 12 October 2023 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
РЎЙХАТИ
Саноат ва унинг базавий тармоқларини жадал ривожлантириш бўйича қўшимча чора-тадбирлар тўғрисида
Мамлакатда юқори технологияларга асосланган саноат йўналишларини жадал ривожлантириш, саноат тармоқларига хусусий инвестицияларни кенг жалб этиш орқали рақобатбардош тайёр маҳсулотлар ишлаб чиқаришни кенгайтириш, ҳудудларда янги ишлаб чиқариш қувватларини ташкил этиш ҳисобидан аҳоли даромадларини ошириш ҳамда йирик тармоқларга илғор халқаро стандартларга асосланган бошқарув тизимини жорий этиш мақсадида:
1. Белгилансинки, давлат саноат сиёсатини амалга ошириш ҳамда саноатнинг базавий тармоқларини ривожлантириш бўйича вазифа ва функциялар Иқтисодиёт ва молия вазирлигига юкланади.
Бунда, Инвестициялар, саноат ва савдо вазирлиги маҳаллий саноат тармоқларида ишлаб чиқариш, инвестиция, экспорт, маҳаллийлаштириш ва саноат зоналарини ривожлантириш масалалари учун масъул ҳисобланади.
2. Қуйидагилар Иқтисодиёт ва молия вазирлигининг саноатни ривожлантириш бўйича асосий вазифалари этиб белгилансин:
ягона саноат сиёсатини амалга ошириш ҳамда саноат тармоқларини ривожлантириш борасида замонавий механизмларни жорий этиш;
ҳудудларнинг табиий хом ашё, меҳнат ресурсларини ва «нисбий устунликларини» инобатга олган ҳолда саноатни ривожлантиришга туртки берадиган йўналишларни белгилаш ва уларнинг амалга оширилишини мувофиқлаштириш;
саноатнинг базавий тармоқлари, жумладан нефть-газ, энергетика, кимё, тоғ-кон, машинасозлик саноатини ривожлантириш, рақобатбардошлигини ошириш, диверсификация қилиш ҳамда уларни ислоҳ қилиш стратегиялари ва дастурларини ишлаб чиқиш;
ресурсларнинг тармоқлараро ва ҳудудлар бўйича мутаносиб равишда тақсимланишини ҳамда инфратузилманинг ўзаро мувозанатлашган ривожланишини таъминлаш;
тегишли вазирликлар билан биргаликда энергия ресурслари, қимматбаҳо ва рангли металлар, бошқа стратегик ресурсларни ишлаб чиқариш, уларнинг истеъмол балансини шакллантириш ва мониторинг қилиш ҳамда ишлаб чиқариш кучларини оптимал жойлаштириш;
саноат тармоқларида меҳнат унумдорлигини, энергия ва бошқа ишлаб чиқариш ресурслари тежамкорлигини ошириш, маҳсулот таннархини пасайтириш ҳамда операцион самарадорликни оширишда замонавий механизм ва ёндашувларнинг қўлланилиши бўйича чора-тадбирларни мувофиқлаштириш;
муҳим саноат маҳсулотлари бўйича бозор конъюнктурасини ўрганиш асосида тегишли маҳсулотлар билан ички бозор талабини қондириш ва нархлар кескин ўзгаришининг олдини олиш ҳамда саноат корхоналарининг мавжуд ишлаб чиқариш қувватларидан самарали фойдаланиш бўйича таклиф ва чоралар ишлаб чиқиш.
3. Иқтисодиёт ва молия вазирлигига саноатни ривожлантириш бўйича берилаётган ваколатларни инобатга олган ҳолда иқтисодиёт ва молия вазирининг ўринбосарларига қуйидаги қўшимча вазифалар юклатилсин:
а) вазирнинг биринчи ўринбосарига (И. Норқулов):
глобал иқтисодий-молиявий вазиятни ва бозор конъюнктурасини таҳлил қилиш асосида маҳаллий ишлаб чиқарувчилар ва экспортёрларга таъсири бўйича хатарларни баҳолаш ҳамда уларнинг салбий таъсирини юмшатиш ва олдини олиш бўйича чора-тадбирлар ишлаб чиқилишини мувофиқлаштириш;
манфаатдор вазирлик ва идоралар билан биргаликда барқарор иқтисодий ўсишни таъминлаш мақсадида соҳа, тармоқ ва ҳудудлар кесимида манзилли прогноз параметрларини шакллантириш;
б) вазир ўринбосарига (Б. Ходжаев):
саноат сиёсатини ишлаб чиқиш ва унинг амалга оширилишини ташкил этишга масъул этиб белгилаган ҳолда Иқтисодиёт ва молия вазирлигининг ҳудудий бошқарма ва бўлинмаларининг саноатни ривожлантириш йўналишидаги фаолиятини мувофиқлаштириш;
йирик тармоқ корхоналари ва ҳудудларда саноат маҳсулотларини ишлаб чиқариш ҳажмларини мониторинг қилиш ҳамда прогноз кўрсаткичларига эришишда мавжуд хатарларни аниқлаш ва уларни бартараф этиш бўйича чоралар кўриб бориш;
базавий саноат тармоқ корхоналарини трансформация қилиш, уларда маҳсулот ва хизмат таннархини пасайтириш, молиявий барқарорлигини ва операцион самарадорлигини ошириш;
Энергетика вазирлиги билан биргаликда электр энергияси ва табиий газ бозорларини ислоҳ қилиш ва ривожлантириш стратегияларини ишлаб чиқиш ва амалга оширишни ташкил этиш;
иқтисодиёт тармоқларида тариф сиёсатини таҳлил қилиш ва такомиллаштириш чораларини кўриш;
в) вазир ўринбосарига (А. Бобоев) — ҳудудларда саноатни ривожлантириш мақсадида ишлаб чиқариш инфратузилмасини яхшилаш бўйича чоралар кўриш, саноат зоналари ва янги ишга тушириладиган йирик корхоналарнинг инфратузилма билан таъминланганлик ҳолатини таҳлил қилиш ва уларни молиялаштириш ишларини мувофиқлаштириш.
4. Иқтисодиёт ва молия вазирлигида халқаро консалтинг компанияларини жалб қилган ҳолда Саноат сиёсатини амалга ошириш ва саноатнинг базавий тармоқларини ривожлантириш йўналишларини ишлаб чиқиш бўйича лойиҳа офиси (кейинги ўринларда — Лойиҳа офиси) ташкил этилсин ва унга қуйидаги вазифалар юклатилсин:
саноатда иқтисодий ўсиш «нуқта»ларини аниқлаш, ҳудудларда «драйвер» соҳаларни белгилаш, янги турдаги қўшилган қиймати юқори бўлган маҳсулотлар ишлаб чиқаришни ташкил этиш бўйича чора-тадбирларни ишлаб чиқиш;
саноат тармоқларида ишлаб чиқариладиган маҳсулот таннархини пасайтириш ва энергиядан самарали фойдаланиш, шу жумладан ресурс ва энергия тежамкорлигини ошириш бўйича дастурларни ишлаб чиқиш;
саноат тармоқларининг ташқи бозорларда рақобатбардошлигини таҳлил қилиш, маҳаллий ишлаб чиқариш корхоналарида самарадорликни ва меҳнат унумдорлигини ошириш сиёсатини ишлаб чиқиш;
саноат соҳаларини ривожлантириш дастурларини ишлаб чиқиш ва уларни амалга оширишда давлат томонидан самарали қўллаб-қувватлаш механизмларини ишлаб чиқиш.
Иқтисодиёт ва молия вазирлигига Лойиҳа офиси фаолиятини қўллаб-қувватлаш учун, истисно тариқасида, халқаро консалтинг компаниялари билан тўғридан-тўғри шартномалар тузишга рухсат этилсин.
5. Қуйидагилар Иқтисодиёт ва молия вазирлигига ўтказилсин:
«Лойиҳалар ва импорт контрактларини комплекс экспертиза қилиш маркази» ДУК;
Инвестициялар, саноат ва савдо вазирлиги марказий аппаратининг 45 та штат бирлиги.
6. Вилоят, шаҳар ва туманларнинг иқтисодиёт ва молия бошқармалари ва бўлимларида саноатни ривожлантириш ва иқтисодиётнинг ресурслар билан таъминланганлигини таҳлил қилиш йиғма бўлимлари ташкил этилсин.
Вазирлар Маҳкамаси (Ж. Ходжаев) икки ҳафта муддатда мазкур Фармондан келиб чиққан ҳолда Инвестициялар, саноат ва савдо вазирлиги фаолиятини қайта ташкил этиш юзасидан Ўзбекистон Республикаси Президенти Фармони лойиҳасини киритсин.
Бунда, саноатни ривожлантириш ва иқтисодиётнинг ресурслар билан таъминланганлигини таҳлил қилиш йиғма бўлимлари штат бирликларини Инвестициялар, саноат ва савдо вазирлигининг ҳудудий бўлинмаларида тегишли штат бирликларини қисқартириш ҳисобига шакллантириш назарда тутилсин.
7. Иқтисодиёт ва молия вазирлиги:
Париж битимининг (Париж, 2015 йил 12 декабрь) 6-моддасига мувофиқ Барқарор ривожланишни қўллаб-қувватлаш механизми юзасидан чора-тадбирлар амалга оширилишини мувофиқлаштириш бўйича ваколатли орган (миллий орган) ҳисобланиши;
«иссиқхона газлари савдоси»ни тартибга солиш ва амалга оширишни мувофиқлаштириш ва бошқариш, шунингдек, ушбу йўналишда лойиҳаларни амалга ошириш даврида мониторинг ва ҳисоботларни юритиш учун масъул орган сифатида иштирок этиши маълумот учун қабул қилинсин.
8. Белгилансинки:
а) Иқтисодиёт ва молия вазирлиги тизимида давлат муассасаси шаклида ташкил этилган «Яшил иқтисодиёт лойиҳалари маркази» лойиҳа офиси «иссиқхона газлари савдоси» соҳасида давлат томонидан тартибга солиш ва халқаро ҳамкорлик бўйича ишчи орган ҳисобланади.
Бунда, ишчи орган углерод бирликларининг реестрини шакллантириш ва юритиш, «иссиқхона газлари савдоси» миллий тизимини жорий этиш ва фаолиятини қўллаб-қувватлаш, углерод бирликларини сотиш ва сотиб олишни тартибга солиш фаолиятини амалга оширади;
б) «иссиқхона газлари савдоси» миллий тизими 2024 йил 1 июндан тажриба-синов тариқасида йўлга қўйилади ҳамда 2025 йил 1 январдан энергетика ва саноат тармоқларида тўлиқ жорий қилинади;
в) республика ҳудудида амалга оширилган лойиҳалар асосида углерод бирликларини халқаро сертификациядан ўтказиш ва халқаро «иссиқхона газлари савдоси» ихтиёрий бозорларига савдога чиқариш учун йўналтириш Иқтисодиёт ва молия вазирлиги билан мажбурий тартибда келишилади.
9. Иқтисодиёт ва молия вазирлиги бир ой муддатда «иссиқхона газлари савдоси» миллий тизими, иссиқхона газлари квотаси миллий режаси ҳамда углерод бирликларининг реестрини шакллантириш ва жорий қилиш масалаларини қамраб олувчи қонун лойиҳасини Вазирлар Маҳкамасига киритсин.
10. Шундай тартиб ўрнатилсинки, унга мувофиқ 2024 йил 1 январдан бошлаб кимё саноатини тартибга солиш ва мувофиқлаштириш функциялари қуйидагича тақсимланади:
а) Иқтисодиёт ва молия вазирлигига:
кимё саноатида ислоҳотларни амалга ошириш, тармоқда ишлаб чиқаришни диверсификация қилиш, мавжуд табиий ресурсларни чуқур қайта ишлаш ва талаб юқори бўлган сифатли маҳсулотлар ишлаб чиқаришни рағбатлантириш бўйича ягона сиёсатни амалга ошириш;
кимё саноатида сиёсатни белгиловчи стратегик ҳамда ўрта ва узоқ муддатли ривожланиш ва ислоҳотлар дастурлари, шунингдек, бошқа дастурий ҳужжатларни ишлаб чиқиш ва уларнинг амалга оширилишини мувофиқлаштириш;
тармоқ корхоналарини трансформация қилиш ва уларнинг операцион самарадорлигини ошириш бўйича чора-тадбирларни белгилаш;
кимё саноати корхоналарини асосий хом ашё билан таъминлаш прогнозларини, шу жумладан ишлаб чиқариш ва ресурс балансларини шакллантириш ҳамда ижросини мувофиқлаштириш;
б) Инвестициялар, саноат ва савдо вазирлигига:
кимё саноати тармоғидаги лойиҳаларга замонавий юқори технология ускуналар ва инновацион технологияларни жалб қилиш, маҳаллий маҳсулотларни янги ташқи бозорларга чиқаришга кўмаклашиш;
янги ишлаб чиқариш қувватларини яратишга хусусий капитални, жумладан хорижий инвестицияларни жалб қилиш;
кимё саноати корхоналарида техник стандартларни ишлаб чиқиш;
в) Давлат активларини бошқариш агентлигига:
давлат улушига эга бўлган тармоқ корхоналарида бошқарув тизимини такомиллаштириш, шу жумладан корпоратив бошқарув ва барқарор ривожланиш бўйича халқаро стандартларни жорий этиш;
давлат улушига эга бўлган тармоқ корхоналарини хусусийлаштиришни ташкил этиш.
11. Вазирлар Маҳкамаси (Ж. Қўчқоров) икки ой муддатда иловага мувофиқ кимё саноати корхоналаридаги «Ўзкимёсаноат» АЖнинг акция пакетлари Давлат активларини бошқариш агентлиги ҳамда Ўзбекистон Республикаси Тикланиш ва тараққиёт жамғармасига ўтказилишини таъминласин.
Давлат активларини бошқариш агентлиги «Ўзкимёсаноат» АЖ билан биргаликда бир ой муддатда «Ўзкимёсанот» АЖ улуши (акциялари) мавжуд бўлган барча корхоналарни хатловдан ўтказиб, уларни Давлат активларини бошқариш агентлигига ўтказиш бўйича таклифларни киритсин.
12. Иқтисодиёт ва молия вазирлиги, Рақобатни ривожлантириш ва истеъмолчилар ҳуқуқларини ҳимоя қилиш қўмитасининг қуйидаги таклифларига розилик берилсин:
каустик сода, кальцийланган сода, қурилиш ойнаси, техник керосин, нефть парафини, формалин маҳсулотларини Ўзбекистон Республикаси Президентининг 2017 йил 14 ноябрдаги ПҚ-3386-сон қарори билан тасдиқланган монополист корхоналар томонидан фақат биржа савдолари орқали бозор тамойиллари асосида сотиладиган юқори ликвидли ва монопол турдаги маҳсулотлар, хом ашё ва материалларнинг рўйхатидан (кейинги ўринларда — Рўйхат) чиқариш;
Рақобатни ривожлантириш ва истеъмолчилар ҳуқуқларини ҳимоя қилиш қўмитасига товар-хом ашё биржалари савдоларига рухсат этиладиган товар ва хом ашёларга мезонлар ва тавсифларни белгилаш ҳамда Рўйхатга ўзгартириш ва қўшимчалар киритиш ҳуқуқини бериш.
13. Рақобатни ривожлантириш ва истеъмолчилар ҳуқуқларини ҳимоя қилиш қўмитаси 2024 йил 1 мартга қадар Ўзбекистон Республикасининг «Товар-хом ашё биржалари тўғрисида»ги Қонуни лойиҳасини Вазирлар Маҳкамасига киритсин ҳамда унда, шу жумладан, товар-хом ашё биржаларининг фаолият юритиш тартиби ва хусусиятлари, биржа орқали сотиладиган товарларга қўйиладиган талаблар, молиявий ҳосилавий инструментларни чиқариш механизмлари назарда тутилсин.
14. Ўзбекистон Республикаси Президентининг 2021 йил 10 декабрдаги «Гидроэнергетикани янада ривожлантириш бўйича қўшимча чора-тадбирлар тўғрисида»ги ПҚ-44-сон қарори 6-бандининг «а» кичик банди ўз кучини йўқотган деб ҳисоблансин.
Вазирлар Маҳкамаси ҳузуридаги Идоралараро тариф комиссияси (Ж. Қўчқоров) бир ҳафта муддатда «Ўзбекгидроэнерго» АЖ таркибидаги гидроэлектр станциялари томонидан ишлаб чиқариладиган электр энергиясини харид қилиш тарифларини «Ўзбекгидроэнерго» АЖнинг инвестиция дастурларини молиялаштириш учун етарли миқдорда тасдиқласин.
15. Иқтисодиёт ва молия вазирлиги:
2023 йил 1 декабрга қадар Ўзбекистон Республикаси Президентининг «Иқтисодиёт ва молия вазирлиги фаолиятини ташкил этиш чора-тадбирлари тўғрисида»ги қарори лойиҳасини;
икки ой муддатда Адлия вазирлиги ҳамда манфаатдор вазирлик ва идоралар билан биргаликда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида таклифларни Вазирлар Маҳкамасига киритсин.
16. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 12 октябрдаги ПФ-169-сон Фармонига ИЛОВА
Давлат активларини бошқариш агентлиги ҳамда Ўзбекистон Республикаси Тикланиш ва тараққиёт жамғармасига «Ўзкимёсаноат» АЖнинг акция пакетлари ўтказиб бериладиган корхоналар
Т/р Корхона номи Берилаётган улушлар (фоизда) Давлат активларини бошқариш агентлигига Тикланиш ва тараққиёт жамғармасига 1. «Деҳқонобод калий заводи» АЖ 53,37 46,63 2. «Қўнғирот сода заводи» ҚК МЧЖ 49 3. «Кимётранс-логистик» МЧЖ 100 4. «Ҳамкор-кимёсервис» МЧЖ 100 5. «Кимётранс» МЧЖ 25
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 12 октябрь,
ПФ-169-сон
Oʻzbekiston Respublikasi Prezidentining
Farmoni
ROʻYXATI
Sanoat va uning bazaviy tarmoqlarini jadal rivojlantirish boʻyicha qoʻshimcha chora-tadbirlar toʻgʻrisida
Mamlakatda yuqori texnologiyalarga asoslangan sanoat yoʻnalishlarini jadal rivojlantirish, sanoat tarmoqlariga xususiy investitsiyalarni keng jalb etish orqali raqobatbardosh tayyor mahsulotlar ishlab chiqarishni kengaytirish, hududlarda yangi ishlab chiqarish quvvatlarini tashkil etish hisobidan aholi daromadlarini oshirish hamda yirik tarmoqlarga ilgʻor xalqaro standartlarga asoslangan boshqaruv tizimini joriy etish maqsadida:
1. Belgilansinki, davlat sanoat siyosatini amalga oshirish hamda sanoatning bazaviy tarmoqlarini rivojlantirish boʻyicha vazifa va funksiyalar Iqtisodiyot va moliya vazirligiga yuklanadi.
Bunda, Investitsiyalar, sanoat va savdo vazirligi mahalliy sanoat tarmoqlarida ishlab chiqarish, investitsiya, eksport, mahalliylashtirish va sanoat zonalarini rivojlantirish masalalari uchun masʼul hisoblanadi.
2. Quyidagilar Iqtisodiyot va moliya vazirligining sanoatni rivojlantirish boʻyicha asosiy vazifalari etib belgilansin:
yagona sanoat siyosatini amalga oshirish hamda sanoat tarmoqlarini rivojlantirish borasida zamonaviy mexanizmlarni joriy etish;
hududlarning tabiiy xomashyo, mehnat resurslarini va “nisbiy ustunliklarini” inobatga olgan holda sanoatni rivojlantirishga turtki beradigan yoʻnalishlarni belgilash va ularning amalga oshirilishini muvofiqlashtirish;
sanoatning bazaviy tarmoqlari, jumladan neft-gaz, energetika, kimyo, togʻ-kon, mashinasozlik sanoatini rivojlantirish, raqobatbardoshligini oshirish, diversifikatsiya qilish hamda ularni isloh qilish strategiyalari va dasturlarini ishlab chiqish;
resurslarning tarmoqlararo va hududlar boʻyicha mutanosib ravishda taqsimlanishini hamda infratuzilmaning oʻzaro muvozanatlashgan rivojlanishini taʼminlash;
tegishli vazirliklar bilan birgalikda energiya resurslari, qimmatbaho va rangli metallar, boshqa strategik resurslarni ishlab chiqarish, ularning isteʼmol balansini shakllantirish va monitoring qilish hamda ishlab chiqarish kuchlarini optimal joylashtirish;
sanoat tarmoqlarida mehnat unumdorligini, energiya va boshqa ishlab chiqarish resurslari tejamkorligini oshirish, mahsulot tannarxini pasaytirish hamda operatsion samaradorlikni oshirishda zamonaviy mexanizm va yondashuvlarning qoʻllanilishi boʻyicha chora-tadbirlarni muvofiqlashtirish;
muhim sanoat mahsulotlari boʻyicha bozor konyunkturasini oʻrganish asosida tegishli mahsulotlar bilan ichki bozor talabini qondirish va narxlar keskin oʻzgarishining oldini olish hamda sanoat korxonalarining mavjud ishlab chiqarish quvvatlaridan samarali foydalanish boʻyicha taklif va choralar ishlab chiqish.
3. Iqtisodiyot va moliya vazirligiga sanoatni rivojlantirish boʻyicha berilayotgan vakolatlarni inobatga olgan holda iqtisodiyot va moliya vazirining oʻrinbosarlariga quyidagi qoʻshimcha vazifalar yuklatilsin:
a) vazirning birinchi oʻrinbosariga (I. Norqulov):
global iqtisodiy-moliyaviy vaziyatni va bozor konyunkturasini tahlil qilish asosida mahalliy ishlab chiqaruvchilar va eksportyorlarga taʼsiri boʻyicha xatarlarni baholash hamda ularning salbiy taʼsirini yumshatish va oldini olish boʻyicha chora-tadbirlar ishlab chiqilishini muvofiqlashtirish;
manfaatdor vazirlik va idoralar bilan birgalikda barqaror iqtisodiy oʻsishni taʼminlash maqsadida soha, tarmoq va hududlar kesimida manzilli prognoz parametrlarini shakllantirish;
b) vazir oʻrinbosariga (B. Xodjayev):
sanoat siyosatini ishlab chiqish va uning amalga oshirilishini tashkil etishga masʼul etib belgilagan holda Iqtisodiyot va moliya vazirligining hududiy boshqarma va boʻlinmalarining sanoatni rivojlantirish yoʻnalishidagi faoliyatini muvofiqlashtirish;
yirik tarmoq korxonalari va hududlarda sanoat mahsulotlarini ishlab chiqarish hajmlarini monitoring qilish hamda prognoz koʻrsatkichlariga erishishda mavjud xatarlarni aniqlash va ularni bartaraf etish boʻyicha choralar koʻrib borish;
bazaviy sanoat tarmoq korxonalarini transformatsiya qilish, ularda mahsulot va xizmat tannarxini pasaytirish, moliyaviy barqarorligini va operatsion samaradorligini oshirish;
Energetika vazirligi bilan birgalikda elektr energiyasi va tabiiy gaz bozorlarini isloh qilish va rivojlantirish strategiyalarini ishlab chiqish va amalga oshirishni tashkil etish;
iqtisodiyot tarmoqlarida tarif siyosatini tahlil qilish va takomillashtirish choralarini koʻrish;
v) vazir oʻrinbosariga (A. Boboyev) — hududlarda sanoatni rivojlantirish maqsadida ishlab chiqarish infratuzilmasini yaxshilash boʻyicha choralar koʻrish, sanoat zonalari va yangi ishga tushiriladigan yirik korxonalarning infratuzilma bilan taʼminlanganlik holatini tahlil qilish va ularni moliyalashtirish ishlarini muvofiqlashtirish.
4. Iqtisodiyot va moliya vazirligida xalqaro konsalting kompaniyalarini jalb qilgan holda Sanoat siyosatini amalga oshirish va sanoatning bazaviy tarmoqlarini rivojlantirish yoʻnalishlarini ishlab chiqish boʻyicha loyiha ofisi (keyingi oʻrinlarda — Loyiha ofisi) tashkil etilsin va unga quyidagi vazifalar yuklatilsin:
sanoatda iqtisodiy oʻsish “nuqta”larini aniqlash, hududlarda “drayver” sohalarni belgilash, yangi turdagi qoʻshilgan qiymati yuqori boʻlgan mahsulotlar ishlab chiqarishni tashkil etish boʻyicha chora-tadbirlarni ishlab chiqish;
sanoat tarmoqlarida ishlab chiqariladigan mahsulot tannarxini pasaytirish va energiyadan samarali foydalanish, shu jumladan resurs va energiya tejamkorligini oshirish boʻyicha dasturlarni ishlab chiqish;
sanoat tarmoqlarining tashqi bozorlarda raqobatbardoshligini tahlil qilish, mahalliy ishlab chiqarish korxonalarida samaradorlikni va mehnat unumdorligini oshirish siyosatini ishlab chiqish;
sanoat sohalarini rivojlantirish dasturlarini ishlab chiqish va ularni amalga oshirishda davlat tomonidan samarali qoʻllab-quvvatlash mexanizmlarini ishlab chiqish.
Iqtisodiyot va moliya vazirligiga Loyiha ofisi faoliyatini qoʻllab-quvvatlash uchun, istisno tariqasida, xalqaro konsalting kompaniyalari bilan toʻgʻridan-toʻgʻri shartnomalar tuzishga ruxsat etilsin.
5. Quyidagilar Iqtisodiyot va moliya vazirligiga oʻtkazilsin:
“Loyihalar va import kontraktlarini kompleks ekspertiza qilish markazi” DUK;
Investitsiyalar, sanoat va savdo vazirligi markaziy apparatining 45 ta shtat birligi.
6. Viloyat, shahar va tumanlarning iqtisodiyot va moliya boshqarmalari va boʻlimlarida sanoatni rivojlantirish va iqtisodiyotning resurslar bilan taʼminlanganligini tahlil qilish yigʻma boʻlimlari tashkil etilsin.
Vazirlar Mahkamasi (J. Xodjayev) ikki hafta muddatda mazkur Farmondan kelib chiqqan holda Investitsiyalar, sanoat va savdo vazirligi faoliyatini qayta tashkil etish yuzasidan Oʻzbekiston Respublikasi Prezidenti Farmoni loyihasini kiritsin.
Bunda, sanoatni rivojlantirish va iqtisodiyotning resurslar bilan taʼminlanganligini tahlil qilish yigʻma boʻlimlari shtat birliklarini Investitsiyalar, sanoat va savdo vazirligining hududiy boʻlinmalarida tegishli shtat birliklarini qisqartirish hisobiga shakllantirish nazarda tutilsin.
7. Iqtisodiyot va moliya vazirligi:
Parij bitimining (Parij, 2015-yil 12-dekabr) 6-moddasiga muvofiq Barqaror rivojlanishni qoʻllab-quvvatlash mexanizmi yuzasidan chora-tadbirlar amalga oshirilishini muvofiqlashtirish boʻyicha vakolatli organ (milliy organ) hisoblanishi;
“issiqxona gazlari savdosi”ni tartibga solish va amalga oshirishni muvofiqlashtirish va boshqarish, shuningdek, ushbu yoʻnalishda loyihalarni amalga oshirish davrida monitoring va hisobotlarni yuritish uchun masʼul organ sifatida ishtirok etishi maʼlumot uchun qabul qilinsin.
8. Belgilansinki:
a) Iqtisodiyot va moliya vazirligi tizimida davlat muassasasi shaklida tashkil etilgan “Yashil iqtisodiyot loyihalari markazi” loyiha ofisi “issiqxona gazlari savdosi” sohasida davlat tomonidan tartibga solish va xalqaro hamkorlik boʻyicha ishchi organ hisoblanadi.
Bunda, ishchi organ uglerod birliklarining reyestrini shakllantirish va yuritish, “issiqxona gazlari savdosi” milliy tizimini joriy etish va faoliyatini qoʻllab-quvvatlash, uglerod birliklarini sotish va sotib olishni tartibga solish faoliyatini amalga oshiradi;
b) “issiqxona gazlari savdosi” milliy tizimi 2024-yil 1-iyundan tajriba-sinov tariqasida yoʻlga qoʻyiladi hamda 2025-yil 1-yanvardan energetika va sanoat tarmoqlarida toʻliq joriy qilinadi;
v) respublika hududida amalga oshirilgan loyihalar asosida uglerod birliklarini xalqaro sertifikatsiyadan oʻtkazish va xalqaro “issiqxona gazlari savdosi” ixtiyoriy bozorlariga savdoga chiqarish uchun yoʻnaltirish Iqtisodiyot va moliya vazirligi bilan majburiy tartibda kelishiladi.
9. Iqtisodiyot va moliya vazirligi bir oy muddatda “issiqxona gazlari savdosi” milliy tizimi, issiqxona gazlari kvotasi milliy rejasi hamda uglerod birliklarining reyestrini shakllantirish va joriy qilish masalalarini qamrab oluvchi qonun loyihasini Vazirlar Mahkamasiga kiritsin.
10. Shunday tartib oʻrnatilsinki, unga muvofiq 2024-yil 1-yanvardan boshlab kimyo sanoatini tartibga solish va muvofiqlashtirish funksiyalari quyidagicha taqsimlanadi:
a) Iqtisodiyot va moliya vazirligiga:
kimyo sanoatida islohotlarni amalga oshirish, tarmoqda ishlab chiqarishni diversifikatsiya qilish, mavjud tabiiy resurslarni chuqur qayta ishlash va talab yuqori boʻlgan sifatli mahsulotlar ishlab chiqarishni ragʻbatlantirish boʻyicha yagona siyosatni amalga oshirish;
kimyo sanoatida siyosatni belgilovchi strategik hamda oʻrta va uzoq muddatli rivojlanish va islohotlar dasturlari, shuningdek, boshqa dasturiy hujjatlarni ishlab chiqish va ularning amalga oshirilishini muvofiqlashtirish;
tarmoq korxonalarini transformatsiya qilish va ularning operatsion samaradorligini oshirish boʻyicha chora-tadbirlarni belgilash;
kimyo sanoati korxonalarini asosiy xomashyo bilan taʼminlash prognozlarini, shu jumladan ishlab chiqarish va resurs balanslarini shakllantirish hamda ijrosini muvofiqlashtirish;
b) Investitsiyalar, sanoat va savdo vazirligiga:
kimyo sanoati tarmogʻidagi loyihalarga zamonaviy yuqori texnologiya uskunalar va innovatsion texnologiyalarni jalb qilish, mahalliy mahsulotlarni yangi tashqi bozorlarga chiqarishga koʻmaklashish;
yangi ishlab chiqarish quvvatlarini yaratishga xususiy kapitalni, jumladan xorijiy investitsiyalarni jalb qilish;
kimyo sanoati korxonalarida texnik standartlarni ishlab chiqish;
v) Davlat aktivlarini boshqarish agentligiga:
davlat ulushiga ega boʻlgan tarmoq korxonalarida boshqaruv tizimini takomillashtirish, shu jumladan korporativ boshqaruv va barqaror rivojlanish boʻyicha xalqaro standartlarni joriy etish;
davlat ulushiga ega boʻlgan tarmoq korxonalarini xususiylashtirishni tashkil etish.
11. Vazirlar Mahkamasi (J. Qoʻchqorov) ikki oy muddatda ilovaga muvofiq kimyo sanoati korxonalaridagi “Oʻzkimyosanoat” AJning aksiya paketlari Davlat aktivlarini boshqarish agentligi hamda Oʻzbekiston Respublikasi Tiklanish va taraqqiyot jamgʻarmasiga oʻtkazilishini taʼminlasin.
Davlat aktivlarini boshqarish agentligi “Oʻzkimyosanoat” AJ bilan birgalikda bir oy muddatda “Oʻzkimyosanot” AJ ulushi (aksiyalari) mavjud boʻlgan barcha korxonalarni xatlovdan oʻtkazib, ularni Davlat aktivlarini boshqarish agentligiga oʻtkazish boʻyicha takliflarni kiritsin.
12. Iqtisodiyot va moliya vazirligi, Raqobatni rivojlantirish va isteʼmolchilar huquqlarini himoya qilish qoʻmitasining quyidagi takliflariga rozilik berilsin:
kaustik soda, kalsiylangan soda, qurilish oynasi, texnik kerosin, neft parafini, formalin mahsulotlarini Oʻzbekiston Respublikasi Prezidentining 2017-yil 14-noyabrdagi PQ-3386-son qarori bilan tasdiqlangan monopolist korxonalar tomonidan faqat birja savdolari orqali bozor tamoyillari asosida sotiladigan yuqori likvidli va monopol turdagi mahsulotlar, xomashyo va materiallarning roʻyxatidan (keyingi oʻrinlarda — Roʻyxat) chiqarish;
Raqobatni rivojlantirish va isteʼmolchilar huquqlarini himoya qilish qoʻmitasiga tovar-xomashyo birjalari savdolariga ruxsat etiladigan tovar va xomashyolarga mezonlar va tavsiflarni belgilash hamda Roʻyxatga oʻzgartirish va qoʻshimchalar kiritish huquqini berish.
13. Raqobatni rivojlantirish va isteʼmolchilar huquqlarini himoya qilish qoʻmitasi 2024-yil 1-martga qadar Oʻzbekiston Respublikasining “Tovar-xomashyo birjalari toʻgʻrisida”gi Qonuni loyihasini Vazirlar Mahkamasiga kiritsin hamda unda, shu jumladan, tovar-xomashyo birjalarining faoliyat yuritish tartibi va xususiyatlari, birja orqali sotiladigan tovarlarga qoʻyiladigan talablar, moliyaviy hosilaviy instrumentlarni chiqarish mexanizmlari nazarda tutilsin.
14. Oʻzbekiston Respublikasi Prezidentining 2021-yil 10-dekabrdagi “Gidroenergetikani yanada rivojlantirish boʻyicha qoʻshimcha chora-tadbirlar toʻgʻrisida”gi PQ-44-son qarori 6-bandining “a” kichik bandi oʻz kuchini yoʻqotgan deb hisoblansin.
Vazirlar Mahkamasi huzuridagi Idoralararo tarif komissiyasi (J. Qoʻchqorov) bir hafta muddatda “Oʻzbekgidroenergo” AJ tarkibidagi gidroelektr stansiyalari tomonidan ishlab chiqariladigan elektr energiyasini xarid qilish tariflarini “Oʻzbekgidroenergo” AJning investitsiya dasturlarini moliyalashtirish uchun yetarli miqdorda tasdiqlasin.
15. Iqtisodiyot va moliya vazirligi:
2023-yil 1-dekabrga qadar Oʻzbekiston Respublikasi Prezidentining “Iqtisodiyot va moliya vazirligi faoliyatini tashkil etish chora-tadbirlari toʻgʻrisida”gi qarori loyihasini;
ikki oy muddatda Adliya vazirligi hamda manfaatdor vazirlik va idoralar bilan birgalikda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida takliflarni Vazirlar Mahkamasiga kiritsin.
16. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 12-oktabrdagi PF-169-son Farmoniga ILOVA
Davlat aktivlarini boshqarish agentligi hamda Oʻzbekiston Respublikasi Tiklanish va taraqqiyot jamgʻarmasiga “Oʻzkimyosanoat” AJning aksiya paketlari oʻtkazib beriladigan korxonalar
T/r Korxona nomi Berilayotgan ulushlar (foizda) Davlat aktivlarini boshqarish agentligiga Tiklanish va taraqqiyot jamgʻarmasiga 1. “Dehqonobod kaliy zavodi” AJ 53,37 46,63 2. “Qoʻngʻirot soda zavodi” QK MChJ 49 3. “Kimyotrans-logistik” MChJ 100 4. “Hamkor-kimyoservis” MChJ 100 5. “Kimyotrans” MChJ 25
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 12-oktabr,
PF-169-son
Президента Республики Узбекистан
Указ
ПЕРЕЧЕНЬ
О дополнительных мерах по ускоренному развитию промышленности и ее базовых отраслей
В целях расширения производства готовой конкурентоспособной продукции путем ускоренного развития в стране высокотехнологичных направлений промышленности, широкого привлечения частных инвестиций, повышения доходов населения за счет создания новых производственных мощностей в регионах, а также внедрения системы управления, основанной на передовых международных стандартах, в крупных промышленных отраслях:
1. Определить, что задачи и функции по осуществлению государственной промышленной политики и развитию базовых отраслей промышленности возлагаются на Министерство экономики и финансов.
При этом Министерство инвестиций, промышленности и торговли является ответственным по вопросам производства в отраслях местной промышленности, инвестиций, экспорта, локализации и развития промышленных зон.
2. Определить основными задачами Министерства экономики и финансов по развитию промышленности:
осуществление единой промышленной политики и внедрение современных механизмов развития ее отраслей;
определение направлений, стимулирующих развитие промышленности с учетом наличия природного сырья, трудовых ресурсов и «относительных преимуществ» регионов, а также координацию их реализации;
развитие базовых отраслей, в том числе нефтегазовой, энергетической, химической, горнодобывающей, машиностроительной промышленности, повышение их конкурентоспособности, осуществление диверсификации, разработки стратегий и программ их реформирования;
обеспечение пропорционального распределения ресурсов по отраслям и регионам, а также сбалансированного развития инфраструктуры;
совместно с соответствующими министерствами формирование и мониторинг баланса производства и потребления энергетических ресурсов, ценных и цветных металлов, других стратегических ресурсов, а также оптимальное размещение производственных сил;
координацию мер по применению современных механизмов и подходов при повышении производительности труда, экономии энергии и иных производственных ресурсов, снижении себестоимости продукции и повышении операционной эффективности в отраслях промышленности;
разработку на основе изучения рыночной конъюнктуры по значимой промышленной продукции предложений и комплексных мер, направленных на удовлетворение потребностей внутреннего рынка в соответствующей продукции и предотвращение резких колебаний цен, а также эффективное использование имеющихся производственных мощностей промышленных предприятий.
3. С учетом возлагаемых на Министерство экономики и финансов полномочий по развитию промышленности возложить на заместителей министра экономики и финансов следующие дополнительные задачи:
а) на первого заместителя министра (И. Норкулов):
на основе анализа глобальной финансово-экономической ситуации и рыночной конъюнктуры осуществление координации разработки мер по оценке рисков воздействия на отечественных производителей и экспортеров, смягчению и предотвращению их негативного влияния;
формирование совместно с заинтересованными министерствами и ведомствами адресных прогнозных параметров в разрезе сфер, отраслей и регионов в целях обеспечения устойчивого экономического роста;
б) на заместителя министра (Б. Ходжаев):
координацию деятельности территориальных управлений и отделов Министерства экономики и финансов в сфере развития промышленности, определив его ответственным за разработку промышленной политики и организацию ее реализации;
мониторинг производственных объемов промышленной продукции на крупных отраслевых предприятиях и в регионах, а также принятие мер по определению имеющихся рисков, препятствующих достижению прогнозных показателей, и их устранение;
трансформацию предприятий базовых отраслей промышленности, снижение себестоимости продукции и услуг, повышение их финансовой устойчивости и операционной эффективности;
организацию совместно с Министерством энергетики разработки и реализации стратегий реформирования и развития рынков электроэнергии и природного газа;
принятие мер по анализу и совершенствованию тарифной политики в отраслях экономики;
в) на заместителя министра (А. Бобоев) — принятие мер по улучшению производственной инфраструктуры, анализ уровня обеспеченности инфраструктурой промышленных зон и вновь вводимых крупных предприятий, а также координацию работ по их финансированию в целях развития промышленности в регионах.
4. Создать в Министерстве экономики и финансов с привлечением международных консалтинговых компаний Проектный офис по реализации промышленной политики и выработке направлений развития базовых отраслей промышленности (далее — Проектный офис), возложив на него следующие задачи:
разработку мер по определению «точек» экономического роста в промышленности и отраслей — «драйверов» в регионах, организации производства новых видов продукции с высокой добавленной стоимостью;
разработку программ по снижению себестоимости производимой в промышленных отраслях продукции и эффективному использованию энергии, в том числе повышению ресурсо- и энергосбережения;
анализ конкурентоспособности промышленных отраслей на внешних рынках, выработку политики повышения эффективности и производительности труда на местных производственных предприятиях;
выработку механизмов эффективной государственной поддержки при разработке и реализации программ развития сфер промышленности.
В целях поддержки деятельности Проектного офиса разрешить Министерству экономики и финансов, в порядке исключения, заключать прямые договора с международными консалтинговыми компаниями.
5. Передать Министерству экономики и финансов:
ГУП «Центр комплексной экспертизы проектов и импортных контрактов»;
45 штатных единиц центрального аппарата Министерства инвестиций, промышленности и торговли.
6. Создать в управлениях и отделах экономики и финансов областей, городов и районов сводные отделы по развитию промышленности и анализу обеспеченности экономики ресурсами.
Кабинету Министров (Ж. Ходжаев) в двухнедельный срок внести проект Указа Президента Республики Узбекистан по реорганизации деятельности Министерства инвестиций, промышленности и торговли, исходя из настоящего Указа.
При этом предусмотреть формирование штатных единиц сводных отделов по развитию промышленности и анализу обеспеченности экономики ресурсами за счет сокращения соответствующих штатных единиц в территориальных подразделениях Министерства инвестиций, промышленности и торговли.
7. Принять к сведению, что Министерство экономики и финансов:
является уполномоченным органом (национальным органом) по координации реализации мер по механизму поддержки устойчивого развития в соответствии со статьей 6 Парижского соглашения (Париж, 12 декабря 2015 года);
принимает участие в качестве органа, ответственного за координацию и управление регулированием и осуществлением «торговли парниковыми газами», а также ведение мониторинга и отчетности в ходе реализации проектов в данном направлении.
8. Определить, что:
а) Проектный офис «Центр проектов зеленой экономики», созданный в системе Министерства экономики и финансов в форме государственного учреждения, является рабочим органом по государственному регулированию и международному сотрудничеству в сфере «торговли парниковыми газами».
При этом рабочий орган осуществляет деятельность по формированию и ведению реестра углеродных единиц, внедрению и поддержке деятельности национальной системы «торговли парниковыми газами», регулированию реализации и закупки углеродных единиц;
б) с 1 июня 2024 года национальная система «торговли парниковыми газами» внедряется в пилотном порядке, а с 1 января 2025 года — полностью в отраслях энергетики и промышленности;
в) проведение международной сертификации углеродных единиц на основе реализованных на территории республики проектов и направление их для торговли на добровольных международных рынках «торговли парниковыми газами» в обязательном порядке подлежат согласованию с Министерством экономики и финансов.
9. Министерству экономики и финансов в месячный срок внести в Кабинет Министров проект закона, включающий вопросы формирования и внедрения национальной системы «торговли парниковыми газами», национального плана квоты парниковых газов и реестра углеродных единиц.
10. Установить порядок, согласно которому с 1 января 2024 года функции по регулированию и координации химической промышленности распределяются в следующем порядке:
а) Министерство экономики и финансов:
осуществление единой политики по реализации реформ, диверсификации производства, глубокой переработке имеющихся природных ресурсов и стимулированию выпуска востребованной качественной продукции в химической промышленности;
координация разработки определяющих политику в химической промышленности программ стратегического, среднесрочного и долгосрочного развития и реформ, других программных документов, а также их реализации;
определение мер по трансформации отраслевых предприятий и повышению их операционной эффективности;
координация формирования и исполнения прогнозов обеспечения предприятий химической промышленности основным сырьем, в том числе балансов производства и ресурсов;
б) Министерство инвестиций, промышленности и торговли:
привлечение современного высокотехнологического оборудования и инновационных технологий в проекты отраслей химической промышленности, оказание содействия в выходе отечественной продукции на новые внешние рынки;
привлечение частного капитала, в том числе иностранных инвестиций к созданию новых производственных мощностей;
разработка технических стандартов на предприятиях химической промышленности;
в) Агентство по управлению государственными активами:
совершенствование системы управления в отраслевых предприятиях с долей государства, в том числе внедрение международных стандартов по корпоративному управлению и устойчивому развитию;
организация приватизации отраслевых предприятий с долей государства.
11. Кабинету Министров (Д. Кучкаров) в двухмесячный срок обеспечить передачу Агентству по управлению государственными активами и Фонду реконструкции и развития Республики Узбекистан пакета акций АО «Узкимёсаноат» в предприятиях химической промышленности согласно приложению .
Агентству по управлению государственными активами совместно с АО «Узкимёсаноат» в месячный срок провести инвентаризацию всех предприятий, имеющих долю (акции) АО «Узкимёсаноат», а также внести предложения по их передаче Агентству по управлению государственными активами.
12. Согласиться с предложениями Министерства экономики и финансов, Комитета по развитию конкуренции и защите прав потребителей, предусматривающими:
исключение соды каустической, соды кальцинированной, стекла строительного, керосина технического, нефтяного парафина, формалина из перечня высоколиквидных и монопольных видов продукции, сырья и материалов, реализуемых монопольными предприятиями на основе рыночных принципов, исключительно через биржевые торги (далее — Перечень), утвержденного постановлением Президента Республики Узбекистан от 14 ноября 2017 года № ПП-3386;
предоставление Комитету по развитию конкуренции и защите прав потребителей права на определение критериев и описаний товаров и сырья, разрешенных к торгам на товарно-сырьевой бирже, а также внесение изменений и дополнений в Перечень.
13. Комитету по развитию конкуренции и защите прав потребителей в срок до 1 марта 2024 года внести в Кабинет Министров проект Закона Республики Узбекистан «О товарно-сырьевых биржах», предусмотрев в нем в том числе порядок и особенности ведения деятельности товарно-сырьевых бирж, требования к товарам, реализуемым через биржи, механизмы выпуска производных финансовых инструментов.
14. Признать утратившим силу подпункт «а» пункта 6 постановления Президента Республики Узбекистан от 10 декабря 2021 года № ПП-44 «О дополнительных мерах по дальнейшему развитию гидроэнергетики».
Межведомственной тарифной комиссии при Кабинете Министров (Д. Кучкаров) в недельный срок утвердить тарифы на закупку электрической энергии, производимой гидроэлектрическими станциями в составе АО «Узбекгидроэнерго», в размере, достаточном для финансирования инвестиционных программ АО «Узбекгидроэнерго».
15. Министерству экономики и финансов внести в Кабинет Министров:
в срок до 1 декабря 2023 года — проект постановления Президента Республики Узбекистан «О мерах по организации деятельности Министерства экономики и финансов»;
в двухмесячный срок совместно с Министерством юстиции, заинтересованными министерствами и ведомствами — предложения об изменениях и дополнениях в акты законодательства, вытекающих из настоящего Указа.
16. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 12 октября 2023 года № УП-169
предприятий, пакеты акций АО «Узкимёсаноат» в которых передаются Агентству по управлению государственными активами и Фонду реконструкции и развития Республики Узбекистан
№ Наименование предприятия Передаваемые доли (в процентах) Агентству по управлению государственными активами Фонду реконструкции и развития 1. АО «Дехканабадский калийный завод» 53,37 46,63 2. СП ООО «Кунградский содовый завод» 49 3. ООО «Кимётранс-логистик» 100 4. ООО «Хамкор-кимёсервис» 100 5. ООО «Кимётранс» 25
Президент Республики Узбекистан Ш. МИРЗИЁЕВ
г. Ташкент,
12 октября 2023 г.,
№ УП-169