📅 2023-yil 16-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 16 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 16 октября 2023 г. · Постановления Президента
Официальный текст. Официальный документ. Редакционные примечания не включены.
📅 16 October 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Маиший чиқинди полигонларида ҳосил бўладиган чиқинди газидан муқобил электр энергиясини ишлаб чиқаришга доир қўшимча чора-тадбирлар тўғрисида
Мамлакатимизда қаттиқ маиший чиқиндилар билан боғлиқ ишларни амалга ошириш соҳасини янада такомиллаштириш, «Ноль чиқинди» тамойили асосида янги ҳосил бўлаётган чиқиндиларни полигонларга йўналтирмасдан, максимал даражада қайта ишлаш ёки куйдириш, соҳага айланма (циркуляр) иқтисодиёт амалиётини жорий этиш, шунингдек, янги иш ўринлари яратиш борасида амалга оширилаётган ислоҳотларни изчил давом эттириш мақсадида:
1. Қуйидагилар:
«Sejin G&E Co., Ltd» компанияси (Корея Республикаси) (кейинги ўринларда — Инвестор) иштирокида «Тошкент вилоятининг «Оҳангарон» (Оҳангарон тумани) ва «Майдонтол» (Паркент тумани) қаттиқ маиший чиқиндилар полигонларида ҳосил бўладиган чиқинди газидан қуввати 16 МВт бўлган муқобил электр энергиясини ишлаб чиқариш» лойиҳаси (кейинги ўринларда — Инвестиция лойиҳаси) тўғридан-тўғри хорижий инвестициялар ҳисобига амалга оширилаётганлиги;
Инвестиция лойиҳасини амалга ошириш мақсадида Инвестор томонидан «Sejin Uz» масъулияти чекланган жамият кўринишидаги хорижий корхона (кейинги ўринларда — Лойиҳа ижрочиси) ташкил этилганлиги;
Ўзбекистон Республикаси Ҳукумати номидан Инвестициялар, саноат ва савдо вазирлиги ҳамда Инвестор ўртасида 2018 йил 14 сентябрда «Тошкент вилоятининг «Оҳангарон» ва «Майдонтол» маиший чиқиндилар полигонларида (кейинги ўринларда — Полигонлар) ҳосил бўладиган чиқинди газини қайта ишлаш ҳисобига электр энергияси ишлаб чиқариш» инвестиция лойиҳасини амалга ошириш тўғрисида инвестиция шартномаси имзоланганлиги маълумот учун қабул қилинсин.
2. Экология, атроф-муҳитни муҳофаза қилиш ва иқлим ўзгариши вазирлиги (кейинги ўринларда — Вазирлик), Инвестициялар, саноат ва савдо вазирлиги, Иқтисодиёт ва молия вазирлиги, Энергетика вазирлиги, Тошкент вилояти ҳамда Тошкент шаҳри ҳокимликларининг Инвестор иштирокида Инвестиция лойиҳасини давом эттириш тўғрисидаги таклифига розилик берилсин.
Вазирлик ҳамда Инвестициялар, саноат ва савдо вазирлиги Инвестиция лойиҳасини 2023 — 2026 йилларда амалга ошириш учун масъул этиб белгилансин.
3. Қуйидагилар бир ой муддатда:
Вазирлик ҳамда Инвестициялар, саноат ва савдо вазирлиги Инвестиция шартномасига Инвестиция лойиҳасини амалга ошириш муддатларини янгилаш ҳамда томонларнинг ўз мажбуриятларини тўлиқ бажаришларини таъминлаш бўйича талабларни қатъий белгилашни назарда тутувчи қўшимча келишув тузилишини;
Энергетика вазирлиги Инвестор билан биргаликда Инвестиция лойиҳасининг тўлиқ амалга оширилишини таъминлаш мақсадида ишлаб чиқариладиган 16 МВт электр энергияси бўйича «Ўзбекистон миллий электр тармоқлари» АЖ ва Лойиҳа ижрочиси ўртасида Электр энергиясини сотиб олиш тўғрисидаги битим имзоланишини таъминласин.
4. Тошкент шаҳри ва Тошкент вилояти ҳокимликлари:
а) 2024 йил 1 январга қадар Осиё тараққиёт банки иштирокида амалга оширилаётган «Тошкент шаҳрида қаттиқ маиший чиқиндиларни бошқариш» лойиҳаси доирасида Тошкент вилояти Оҳангарон туманидаги 59 гектар ер майдонида жойлашган «Оҳангарон» маиший чиқиндилар полигонига туташ ҳудудца янги маиший чиқинди полигонини қуриш ва ишга тушириш ишлари якунланишини;
б) Давлат активларини бошқариш агентлиги билан биргаликда:
бир ой муддатда Полигонларда ҳосил бўлган чиқинди газидан муқобил электр энергиясини ишлаб чиқариш фаолиятини таъминлашга хизмат қилувчи ҳаво электр узатиш линияси учун зарур бўлган ер майдонлари таянч қурилмалар эгаллайдиган ер координаталаридан келиб чиқиб, Вазирликка доимий фойдаланиш ҳуқуқи асосида бепул ўтказиб берилишини;
2024 йил 1 мартга қадар «Оҳангарон» қаттиқ маиший чиқинди полигонини Вазирликка оператив бошқариш ҳуқуқи асосида бепул ўтказиб берилишини таъминласин.
5. Белгилансинки, Вазирлик томонидан:
а) 2045 йилгача Лойиҳа ижрочисига:
Полигонлар ҳамда улардаги мавжуд инфратузилма объектлари, бино ва иншоотлар Инвестиция лойиҳаси доирасида чиқинди газидан муқобил электр энергиясини ишлаб чиқариш учун текин фойдаланишга;
муқобил электр энергиясини ишлаб чиқариш фаолиятини таъминлашга хизмат қилувчи ҳаво электр узатиш линияси учун ажратилган ер майдонлари ижарага берилади;
б) лойиҳа ижрочиси Инвестиция лойиҳаси доирасида электр станциясини ягона электр энергияси тармоғига улаш учун қуриладиган ҳаво электр узатиш тармоқлари ва оширувчи подстанция қуриб ишга туширганидан сўнг электр узатиш тармоқлари жойлашган ер майдонлари «Ўзбекистон миллий электр тармоқлари» АЖ ёки «Ҳудудий электр тармоқлари» АЖга жамоат эҳтиёжлари учун бозор қийматида ижарага берилади.
6. Вазирлик манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
7. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Ходжаев ҳамда экология, атроф-муҳитни муҳофаза қилиш ва иқлим ўзгариши вазири А.А. Абдухакимов белгилансин.
Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 16 октябрь,
ПҚ-335-сон
Oʻzbekiston Respublikasi Prezidentining
Qarori
Maishiy chiqindi poligonlarida hosil boʻladigan chiqindi gazidan muqobil elektr energiyasini ishlab chiqarishga doir qoʻshimcha chora-tadbirlar toʻgʻrisida
Mamlakatimizda qattiq maishiy chiqindilar bilan bogʻliq ishlarni amalga oshirish sohasini yanada takomillashtirish, “Nol chiqindi” tamoyili asosida yangi hosil boʻlayotgan chiqindilarni poligonlarga yoʻnaltirmasdan, maksimal darajada qayta ishlash yoki kuydirish, sohaga aylanma (sirkulyar) iqtisodiyot amaliyotini joriy etish, shuningdek, yangi ish oʻrinlari yaratish borasida amalga oshirilayotgan islohotlarni izchil davom ettirish maqsadida:
1. Quyidagilar:
“Sejin G&E Co., Ltd” kompaniyasi (Koreya Respublikasi) (keyingi oʻrinlarda — Investor) ishtirokida “Toshkent viloyatining “Ohangaron” (Ohangaron tumani) va “Maydontol” (Parkent tumani) qattiq maishiy chiqindilar poligonlarida hosil boʻladigan chiqindi gazidan quvvati 16 MVt boʻlgan muqobil elektr energiyasini ishlab chiqarish” loyihasi (keyingi oʻrinlarda — Investitsiya loyihasi) toʻgʻridan-toʻgʻri xorijiy investitsiyalar hisobiga amalga oshirilayotganligi;
Investitsiya loyihasini amalga oshirish maqsadida Investor tomonidan “Sejin Uz” masʼuliyati cheklangan jamiyat koʻrinishidagi xorijiy korxona (keyingi oʻrinlarda — Loyiha ijrochisi) tashkil etilganligi;
Oʻzbekiston Respublikasi Hukumati nomidan Investitsiyalar, sanoat va savdo vazirligi hamda Investor oʻrtasida 2018-yil 14-sentabrda “Toshkent viloyatining “Ohangaron” va “Maydontol” maishiy chiqindilar poligonlarida (keyingi oʻrinlarda — Poligonlar) hosil boʻladigan chiqindi gazini qayta ishlash hisobiga elektr energiyasi ishlab chiqarish” investitsiya loyihasini amalga oshirish toʻgʻrisida investitsiya shartnomasi imzolanganligi maʼlumot uchun qabul qilinsin.
2. Ekologiya, atrof-muhitni muhofaza qilish va iqlim oʻzgarishi vazirligi (keyingi oʻrinlarda — Vazirlik), Investitsiyalar, sanoat va savdo vazirligi, Iqtisodiyot va moliya vazirligi, Energetika vazirligi, Toshkent viloyati hamda Toshkent shahri hokimliklarining Investor ishtirokida Investitsiya loyihasini davom ettirish toʻgʻrisidagi taklifiga rozilik berilsin.
Vazirlik hamda Investitsiyalar, sanoat va savdo vazirligi Investitsiya loyihasini 2023 — 2026-yillarda amalga oshirish uchun masʼul etib belgilansin.
3. Quyidagilar bir oy muddatda:
Vazirlik hamda Investitsiyalar, sanoat va savdo vazirligi Investitsiya shartnomasiga Investitsiya loyihasini amalga oshirish muddatlarini yangilash hamda tomonlarning oʻz majburiyatlarini toʻliq bajarishlarini taʼminlash boʻyicha talablarni qatʼiy belgilashni nazarda tutuvchi qoʻshimcha kelishuv tuzilishini;
Energetika vazirligi Investor bilan birgalikda Investitsiya loyihasining toʻliq amalga oshirilishini taʼminlash maqsadida ishlab chiqariladigan 16 MVt elektr energiyasi boʻyicha “Oʻzbekiston milliy elektr tarmoqlari” AJ va Loyiha ijrochisi oʻrtasida Elektr energiyasini sotib olish toʻgʻrisidagi bitim imzolanishini taʼminlasin.
4. Toshkent shahri va Toshkent viloyati hokimliklari:
a) 2024-yil 1-yanvarga qadar Osiyo taraqqiyot banki ishtirokida amalga oshirilayotgan “Toshkent shahrida qattiq maishiy chiqindilarni boshqarish” loyihasi doirasida Toshkent viloyati Ohangaron tumanidagi 59 gektar yer maydonida joylashgan “Ohangaron” maishiy chiqindilar poligoniga tutash hududsa yangi maishiy chiqindi poligonini qurish va ishga tushirish ishlari yakunlanishini;
b) Davlat aktivlarini boshqarish agentligi bilan birgalikda:
bir oy muddatda Poligonlarda hosil boʻlgan chiqindi gazidan muqobil elektr energiyasini ishlab chiqarish faoliyatini taʼminlashga xizmat qiluvchi havo elektr uzatish liniyasi uchun zarur boʻlgan yer maydonlari tayanch qurilmalar egallaydigan yer koordinatalaridan kelib chiqib, Vazirlikka doimiy foydalanish huquqi asosida bepul oʻtkazib berilishini;
2024-yil 1-martga qadar “Ohangaron” qattiq maishiy chiqindi poligonini Vazirlikka operativ boshqarish huquqi asosida bepul oʻtkazib berilishini taʼminlasin.
5. Belgilansinki, Vazirlik tomonidan:
a) 2045 yilgacha Loyiha ijrochisiga:
Poligonlar hamda ulardagi mavjud infratuzilma obyektlari, bino va inshootlar Investitsiya loyihasi doirasida chiqindi gazidan muqobil elektr energiyasini ishlab chiqarish uchun tekin foydalanishga;
muqobil elektr energiyasini ishlab chiqarish faoliyatini taʼminlashga xizmat qiluvchi havo elektr uzatish liniyasi uchun ajratilgan yer maydonlari ijaraga beriladi;
b) loyiha ijrochisi Investitsiya loyihasi doirasida elektr stansiyasini yagona elektr energiyasi tarmogʻiga ulash uchun quriladigan havo elektr uzatish tarmoqlari va oshiruvchi podstansiya qurib ishga tushirganidan soʻng elektr uzatish tarmoqlari joylashgan yer maydonlari “Oʻzbekiston milliy elektr tarmoqlari” AJ yoki “Hududiy elektr tarmoqlari” AJga jamoat ehtiyojlari uchun bozor qiymatida ijaraga beriladi.
6. Vazirlik manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
7. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Xodjayev hamda ekologiya, atrof-muhitni muhofaza qilish va iqlim oʻzgarishi vaziri A.A. Abduxakimov belgilansin.
Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 16-oktabr,
PQ-335-son
Президента Республики Узбекистан
Постановление
О дополнительных мерах по производству альтернативной электрической энергии из свалочного газа, образующегося на полигонах бытовых отходов
В целях последовательного продолжения в стране осуществляемых реформ по дальнейшему совершенствованию сферы работ, связанных с обращением твердых бытовых отходов, переработке либо сжиганию на максимальном уровне образующихся новых отходов без направления их на полигоны по принципу «ноль отходов», внедрению в сферу практики циркулярной экономики, а также созданию новых рабочих мест в данном направлении:
1. Принять к сведению, что:
с участием компании «Sejin G&E Со., Ltd» (Республика Корея) (далее — Инвестор) реализуется проект «Производство альтернативной электрической энергии суммарной производственной мощностью 16 МВт из свалочного газа (метана), образующегося на полигонах твердых бытовых отходов «Ахангаран» (Ахангаранский район) и «Майдонтол» (Паркентский район) Ташкентской области» (далее — Инвестиционный проект) за счет прямых иностранных инвестиций;
в целях реализации Инвестиционного проекта Инвестором образовано иностранное предприятие «Sejin Uz» в форме общества с ограниченной ответственностью (далее — исполнитель Проекта);
между Правительством Республики Узбекистан в лице Министерства инвестиций, промышленности и торговли и Инвестором 14 сентября 2018 года подписано Инвестиционное соглашение по реализации Инвестиционного проекта «Производство электрической энергии за счет переработки свалочного газа, образующегося на полигонах твердых бытовых отходов «Ахангаран» и «Майдонтол» в Ташкентской области (далее — Полигоны)».
2. Согласиться с предложением Министерства экологии, охраны окружающей среды и изменения климата (далее — Министерство), Министерства инвестиций, промышленности и торговли, Министерства экономики и финансов, Министерства энергетики, а также хокимиятов Ташкентской области и города Ташкента о продолжении реализации Инвестиционного проекта с участием Инвестора.
Определить Министерство и Министерство инвестиций, промышленности и торговли ответственными за реализацию Инвестиционного проекта в 2023 — 2026 годах.
3. Нижеследующим в месячный срок обеспечить:
Министерству и Министерству инвестиций, промышленности и торговли — заключение дополнительного соглашения к Инвестиционному соглашению, предусматривающего обновление сроков реализации Инвестиционного проекта и конкретное установление требований по обеспечению полного исполнения сторонами своих обязательств;
Министерству энергетики совместно с Инвестором — подписание Соглашения о закупке электрической энергии между АО «Национальные электрические сети Узбекистана» и исполнителем Проекта по производимым 16 МВт электрической энергии в целях обеспечения полной реализации Инвестиционного проекта.
4. Хокимиятам города Ташкента и Ташкентской области:
а) до 1 января 2024 года обеспечить завершение работ по строительству и вводу в эксплуатацию нового полигона бытовых отходов на 59 гектарах земельной площади территории, прилегающей к полигону бытовых отходов «Ахангаран» в Ахангаранском районе Ташкентской области, в рамках проекта «Управление твердыми бытовыми отходами в городе Ташкенте», реализуемого с участием Азиатского банка развития;
б) совместно с Агентством по управлению государственными активами:
в месячный срок обеспечить безвозмездное выделение Министерству земельных площадей, необходимых для воздушных линий электропередач, служащих обеспечению деятельности по производству альтернативной электрической энергии из свалочного газа, образующегося на полигонах, исходя из координат земли, занятой опорными сооружениями, на основе права постоянного пользования;
в срок до 1 марта 2024 года обеспечить безвозмездную передачу полигона бытовых отходов «Ахангаран» на основе права оперативного управления.
5. Установить, что Министерство передает:
а) исполнителю Проекта на срок до 2045 года:
полигоны и расположенные на них действующие объекты инфраструктуры, здания и сооружения для производства альтернативной электрической энергии из свалочного газа в рамках Инвестиционного проекта — в безвозмездное пользование;
земельные площади, выделенные для воздушных линий электропередач, служащие обеспечению деятельности по производству альтернативной электрической энергии — в аренду;
б) после строительства и сдачи в эксплуатацию исполнителем Проекта повышающей подстанции и воздушных линий электропередач АО «Национальные электрические сети Узбекистана» или АО «Региональные электрические сети» для подключения электростанции к единой сети передачи электрической энергии в рамках Инвестиционного проекта в аренду земельные площади, на которых расположены сети передачи электрической энергии, по рыночной стоимости для общественных нужд.
6. Министерству совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
7. Возложить на заместителя Премьер-министра Ж.А. Ходжаева и министра экологии, охраны окружающей среды и изменения климата А.А. Абдухакимова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
16 октября 2023 г.,
№ ПП-335