📅 2023-yil 16-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 16 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 16 октября 2023 г. · Постановления Президента
Официальный текст. Официальный документ. Редакционные примечания не включены.
📅 16 October 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Авиация фаолиятини самарали ташкил этишга оид қўшимча чора-тадбирлар тўғрисида
Ўзбекистон Республикасида маҳаллий аҳоли ва сайёҳларни ички авиақатновларда ташишни ривожлантириш учун қулай шарт-шароитлар яратиш, кўрсатилаётган хизматлар сифатини янада яхшилаш мақсадида:
1. Транспорт вазирлиги, Иқтисодиёт ва молия вазирлиги, «Uzbekistan Airways» АЖ ҳамда «Uzbekistan Airports» АЖ бошқарув органларининг:
«SILK AVIA» МЧЖ устав капиталидаги «Uzbekistan Airports» АЖнинг 100 фоиз улушини унинг брендини сақлаб қолган ҳолда «Uzbekistan Airways» АЖ таркибидаги «Uzbekistan Helicopters» МЧЖ устав капиталига ўтказиш;
«Uzbekistan Аirports» АЖнинг 3 та «АТR72-600» русумли ҳаво кемасини «SILK AVIA» МЧЖга беғараз ўтказиш;
«SILK AVIA» МЧЖ фаолиятини самарали ташкил этиш ва ривожлантириш стратегиясини амалга ошириш доирасида «АТR72-600» русумли ҳаво кемалари сонини ошириш;
«Uzbekistan Airways» АЖ таркибидаги «Uzbekistan Helicopters» МЧЖ зиммасига маҳаллий авиақатновларнинг сонини ошириш, парвозлар географиясини кенгайтириш, янги йўналишларни йўлга қўйиш ҳамда «АТR72-600» русумли ҳаво кемалари паркини ривожлантириш вазифаларини юклаш тўғрисидаги таклифларига розилик берилсин.
2. Белгилансинки:
«Uzbekistan Airports» АЖнинг устав капиталидаги давлат улуши «SILK AVIA» МЧЖдаги улушнинг қолдиқ (баланс) қийматига камайтирилади ҳамда «Uzbekistan Airways» АЖдаги давлат улуши ва «Uzbekistan Airways» АЖнинг «Uzbekistan Helicopters» МЧЖдаги улуши ушбу қийматга оширилади;
«Uzbekistan Airports» АЖнинг устав капиталидаги давлат улуши «Uzbekistan Airways» АЖ ва «Uzbekistan Аirports» АЖ вакилларидан ташкил этилган ишчи гуруҳ томонидан аниқланадиган «SILK AVIA» МЧЖга ўтказилаётган 3 та «АТR72-600» русумли ҳаво кемалари билан боғлиқ харажатлар суммасига камайтирилади;
мазкур қарорга асосан активларни бир ташкилотдан бошқа ташкилотга ўтказиш товарни реализация қилиш бўйича айланма сифатида эътироф этилмайди ва иқтисодий жиҳатдан ўзини оқлайдиган бепул товар берилишига тенглаштирилади;
«Uzbekistan Аirports» АЖ ва «Ўзмиллийбанк» АЖ ўртасида имзоланган кредит шартномаси асосида тўланган 13,62 миллион АҚШ долларининг (12,5 миллион АҚШ доллари миқдоридаги асосий қарз ва 1,12 миллион АҚШ доллари миқдоридаги кредит фоизи) сўмдаги эквивалентига тенг миқдорда «Uzbekistan Аirports» АЖнинг 2022 йил якунига кўра олган соф фойдасидан Давлат бюджетига тўлаши лозим бўлган дивидендлари уч йил давомида тенг улушларда бўлиб тўланишига рухсат берилади, бунда кечиктирилган дивиденд суммаси Марказий банкнинг тўлов кунидаги курсида ҳисобга олинади.
3. Транспорт вазирлиги ҳамда Иқтисодиёт ва молия вазирлигининг:
«Ўзмиллийбанк» АЖ томонидан «Uzbekistan Аirports» АЖга 3 та «АТR72-600» русумли ҳаво кемасини харид қилиш учун берилган 50 миллион АҚШ доллари миқдоридаги кредитнинг тегишли қисмини «Uzbekistan Airways» АЖга кредит шартларини қайта кўриб чиққан ҳолда қайта расмийлаштириш;
«Uzbekistan Аirports» АЖнинг гаров таъминоти сифатида тақдим этилган кўчмас мулкини гаровдан чиқариб, 3 та «АТR72-600» русумли ҳаво кемаси учун ажратилган кредит қийматининг 125 фоизи миқдоридаги «Uzbekistan Аirways» АЖнинг мулки ҳамда харид қилинаётган ҳаво кемаларини гаров таъминоти сифатида тақдим этиш;
асосий қарз, фоизлар, комиссия ва бошқа тўловлар билан боғлиқ келгусидаги харажатларни «Ўзмиллийбанк» АЖ билан имзоланган кредит шартномасида кўрсатилган миқдордан келиб чиққан ҳолда, «SILK AVIA» МЧЖ ҳамда «Uzbekistan Аirways» АЖ ҳисобидан тўлаш;
«Uzbekistan Airways» АЖ ва «Uzbekistan Аirports» АЖ вакилларидан ташкил этилган ишчи гуруҳ томонидан «Uzbekistan Аirports» АЖнинг «SILK AVIA» МЧЖ бўйича тузилган барча шартномалари ва молиявий харажатларини хатловдан ўтказиб, ушбу хатлов асосида аниқланган шартномалар бўйича «Uzbekistan Airways» АЖни «Uzbekistan Аirports» АЖнинг ҳуқуқий вориси этиб белгилаш тўғрисидаги таклифлари маъқуллансин.
4. Транспорт вазирлиги аҳоли ва хорижий сайёҳларнинг талаб ҳамда эҳтиёжларидан келиб чиқиб, ҳудудларни ўзаро боғлаш мақсадида талаб юқори бўлган ҳудудларни аниқлаб, уларда авиақатновлар сонини ошириш ва йўналишларни мувофиқлаштиришга алоҳида эътибор қаратган ҳолда, ҳар йили бир марта ички авиақатновлар йўналишларини қайта кўриб чиқсин.
5. Иқтисодиёт ва молия вазирлиги:
бир ой муддатда «Uzbekistan Airports» АЖнинг «SILK AVIA» МЧЖдаги 100 фоиз улуши «Uzbekistan Helicopters» МЧЖга ўтказилишини ҳамда мазкур қарорга мувофиқ жамиятлар устав капиталлари ўзгартирилишини;
«Uzbekistan Airways» АЖнинг соф фойдасидан давлат улушига ҳисобланадиган дивидендларни мазкур қарорга мувофиқ жамиятга расмийлаштириладиган кредитни қайтариш учун йўналтириш ва мазкур дивидендлар ҳисобидан жамият устав фондидаги давлат улушини ошириш масаласи жамият бошқарув органларида кўриб чиқилишини таъминласин.
6. Ўзбекистон Республикаси Президентининг 2022 йил 26 октябрдаги «Республикада маҳаллий авиақатновларни ривожлантиришга оид қўшимча чора-тадбирлар тўғрисида»ги ПҚ-412-сон қарорига иловага мувофиқ ўзгартиришлар киритилсин.
7. Мазкур қарорнинг ижросини самарали ташкил қилишга масъул ва шахсий жавобгар этиб транспорт вазири И.Р. Махкамов белгилансин.
Қарорнинг ўз вақтида ва самарали ижро этилишини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 16 октябрдаги ПҚ-337-сон қарорига ИЛОВА
Ўзбекистон Республикаси Президентининг 2022 йил 26 октябрдаги «Республикада маҳаллий авиақатновларни ривожлантиришга оид қўшимча чора-тадбирлар тўғрисида»ги ПҚ-412-сон қарорига киритилаётган ўзгартиришлар
1. 5-банд қуйидаги таҳрирда баён этилсин:
«5. «Ўзмиллийбанк» АЖ томонидан «Uzbekistan Аirways» АЖга 50,0 млн АҚШ доллари миқдорида ажратиладиган кредит бўйича:
«Uzbekistan Аirways» АЖнинг 3 та «АТR72-600» русумли ҳаво кемалари учун ажратилган кредит қийматининг 125 фоизи миқдоридаги мулки ҳамда харид қилинаётган ҳаво кемалари гаров таъминоти сифатида тақдим этилади;
асосий қарз, фоизлар, комиссия ва бошқа тўловлар билан боғлиқ харажатлар «Ўзмиллийбанк» АЖ билан имзоланган кредит шартномасида кўрсатилган миқдордан келиб чиққан ҳолда, «SILK AVIA» МЧЖ ҳамда «Uzbekistan Аirways» АЖ ҳисобидан қопланади».
2. 7-банднинг биринчи хатбошисидаги «билан биргаликда» сўзлари «билан биргаликда 2023 йил якунига қадар» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 16 октябрь,
ПҚ-337-сон
Oʻzbekiston Respublikasi Prezidentining
Qarori
Aviatsiya faoliyatini samarali tashkil etishga oid qoʻshimcha chora-tadbirlar toʻgʻrisida
Oʻzbekiston Respublikasida mahalliy aholi va sayyohlarni ichki aviaqatnovlarda tashishni rivojlantirish uchun qulay shart-sharoitlar yaratish, koʻrsatilayotgan xizmatlar sifatini yanada yaxshilash maqsadida:
1. Transport vazirligi, Iqtisodiyot va moliya vazirligi, “Uzbekistan Airways” AJ hamda “Uzbekistan Airports” AJ boshqaruv organlarining:
“SILK AVIA” MChJ ustav kapitalidagi “Uzbekistan Airports” AJning 100 foiz ulushini uning brendini saqlab qolgan holda “Uzbekistan Airways” AJ tarkibidagi “Uzbekistan Helicopters” MChJ ustav kapitaliga oʻtkazish;
“Uzbekistan Airports” AJning 3 ta “ATR72-600” rusumli havo kemasini “SILK AVIA” MChJga begʻaraz oʻtkazish;
“SILK AVIA” MChJ faoliyatini samarali tashkil etish va rivojlantirish strategiyasini amalga oshirish doirasida “ATR72-600” rusumli havo kemalari sonini oshirish;
“Uzbekistan Airways” AJ tarkibidagi “Uzbekistan Helicopters” MChJ zimmasiga mahalliy aviaqatnovlarning sonini oshirish, parvozlar geografiyasini kengaytirish, yangi yoʻnalishlarni yoʻlga qoʻyish hamda “ATR72-600” rusumli havo kemalari parkini rivojlantirish vazifalarini yuklash toʻgʻrisidagi takliflariga rozilik berilsin.
2. Belgilansinki:
“Uzbekistan Airports” AJning ustav kapitalidagi davlat ulushi “SILK AVIA” MChJdagi ulushning qoldiq (balans) qiymatiga kamaytiriladi hamda “Uzbekistan Airways” AJdagi davlat ulushi va “Uzbekistan Airways” AJning “Uzbekistan Helicopters” MChJdagi ulushi ushbu qiymatga oshiriladi;
“Uzbekistan Airports” AJning ustav kapitalidagi davlat ulushi “Uzbekistan Airways” AJ va “Uzbekistan Airports” AJ vakillaridan tashkil etilgan ishchi guruh tomonidan aniqlanadigan “SILK AVIA” MChJga oʻtkazilayotgan 3 ta “ATR72-600” rusumli havo kemalari bilan bogʻliq xarajatlar summasiga kamaytiriladi;
mazkur qarorga asosan aktivlarni bir tashkilotdan boshqa tashkilotga oʻtkazish tovarni realizatsiya qilish boʻyicha aylanma sifatida eʼtirof etilmaydi va iqtisodiy jihatdan oʻzini oqlaydigan bepul tovar berilishiga tenglashtiriladi;
“Uzbekistan Airports” AJ va “Oʻzmilliybank” AJ oʻrtasida imzolangan kredit shartnomasi asosida toʻlangan 13,62 million AQSh dollarining (12,5 million AQSh dollari miqdoridagi asosiy qarz va 1,12 million AQSh dollari miqdoridagi kredit foizi) soʻmdagi ekvivalentiga teng miqdorda “Uzbekistan Airports” AJning 2022-yil yakuniga koʻra olgan sof foydasidan Davlat budjetiga toʻlashi lozim boʻlgan dividendlari uch yil davomida teng ulushlarda boʻlib toʻlanishiga ruxsat beriladi, bunda kechiktirilgan dividend summasi Markaziy bankning toʻlov kunidagi kursida hisobga olinadi.
3. Transport vazirligi hamda Iqtisodiyot va moliya vazirligining:
“Oʻzmilliybank” AJ tomonidan “Uzbekistan Airports” AJga 3 ta “ATR72-600” rusumli havo kemasini xarid qilish uchun berilgan 50 million AQSh dollari miqdoridagi kreditning tegishli qismini “Uzbekistan Airways” AJga kredit shartlarini qayta koʻrib chiqqan holda qayta rasmiylashtirish;
“Uzbekistan Airports” AJning garov taʼminoti sifatida taqdim etilgan koʻchmas mulkini garovdan chiqarib, 3 ta “ATR72-600” rusumli havo kemasi uchun ajratilgan kredit qiymatining 125 foizi miqdoridagi “Uzbekistan Airways” AJning mulki hamda xarid qilinayotgan havo kemalarini garov taʼminoti sifatida taqdim etish;
asosiy qarz, foizlar, komissiya va boshqa toʻlovlar bilan bogʻliq kelgusidagi xarajatlarni “Oʻzmilliybank” AJ bilan imzolangan kredit shartnomasida koʻrsatilgan miqdordan kelib chiqqan holda, “SILK AVIA” MChJ hamda “Uzbekistan Airways” AJ hisobidan toʻlash;
“Uzbekistan Airways” AJ va “Uzbekistan Airports” AJ vakillaridan tashkil etilgan ishchi guruh tomonidan “Uzbekistan Airports” AJning “SILK AVIA” MChJ boʻyicha tuzilgan barcha shartnomalari va moliyaviy xarajatlarini xatlovdan oʻtkazib, ushbu xatlov asosida aniqlangan shartnomalar boʻyicha “Uzbekistan Airways” AJni “Uzbekistan Airports” AJning huquqiy vorisi etib belgilash toʻgʻrisidagi takliflari maʼqullansin.
4. Transport vazirligi aholi va xorijiy sayyohlarning talab hamda ehtiyojlaridan kelib chiqib, hududlarni oʻzaro bogʻlash maqsadida talab yuqori boʻlgan hududlarni aniqlab, ularda aviaqatnovlar sonini oshirish va yoʻnalishlarni muvofiqlashtirishga alohida eʼtibor qaratgan holda, har yili bir marta ichki aviaqatnovlar yoʻnalishlarini qayta koʻrib chiqsin.
5. Iqtisodiyot va moliya vazirligi:
bir oy muddatda “Uzbekistan Airports” AJning “SILK AVIA” MChJdagi 100 foiz ulushi “Uzbekistan Helicopters” MChJga oʻtkazilishini hamda mazkur qarorga muvofiq jamiyatlar ustav kapitallari oʻzgartirilishini;
“Uzbekistan Airways” AJning sof foydasidan davlat ulushiga hisoblanadigan dividendlarni mazkur qarorga muvofiq jamiyatga rasmiylashtiriladigan kreditni qaytarish uchun yoʻnaltirish va mazkur dividendlar hisobidan jamiyat ustav fondidagi davlat ulushini oshirish masalasi jamiyat boshqaruv organlarida koʻrib chiqilishini taʼminlasin.
6. Oʻzbekiston Respublikasi Prezidentining 2022-yil 26-oktabrdagi “Respublikada mahalliy aviaqatnovlarni rivojlantirishga oid qoʻshimcha chora-tadbirlar toʻgʻrisida”gi PQ-412-son qaroriga ilovaga muvofiq oʻzgartirishlar kiritilsin.
7. Mazkur qarorning ijrosini samarali tashkil qilishga masʼul va shaxsiy javobgar etib transport vaziri I.R. Maxkamov belgilansin.
Qarorning oʻz vaqtida va samarali ijro etilishini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 16-oktabrdagi PQ-337-son qaroriga ILOVA
Oʻzbekiston Respublikasi Prezidentining 2022-yil 26-oktabrdagi “Respublikada mahalliy aviaqatnovlarni rivojlantirishga oid qoʻshimcha chora-tadbirlar toʻgʻrisida”gi PQ-412-son qaroriga kiritilayotgan oʻzgartirishlar
1. 5-band quyidagi tahrirda bayon etilsin:
“5. “Oʻzmilliybank” AJ tomonidan “Uzbekistan Airways” AJga 50,0 mln AQSh dollari miqdorida ajratiladigan kredit boʻyicha:
“Uzbekistan Airways” AJning 3 ta “ATR72-600” rusumli havo kemalari uchun ajratilgan kredit qiymatining 125 foizi miqdoridagi mulki hamda xarid qilinayotgan havo kemalari garov taʼminoti sifatida taqdim etiladi;
asosiy qarz, foizlar, komissiya va boshqa toʻlovlar bilan bogʻliq xarajatlar “Oʻzmilliybank” AJ bilan imzolangan kredit shartnomasida koʻrsatilgan miqdordan kelib chiqqan holda, “SILK AVIA” MChJ hamda “Uzbekistan Airways” AJ hisobidan qoplanadi”.
2. 7-bandning birinchi xatboshisidagi “bilan birgalikda” soʻzlari “bilan birgalikda 2023-yil yakuniga qadar” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 16-oktabr,
PQ-337-son
Президента Республики Узбекистан
Постановление
О дополнительных мерах по эффективной организации авиационной деятельности
В целях создания благоприятных условий для развития перевозок местного населения и туристов на внутренних авиасообщениях, дальнейшего улучшения качества оказываемых услуг в Республике Узбекистан:
1. Согласиться с предложениями Министерства транспорта, Министерства экономики и финансов и органов управления АО «Uzbekistan Airways» и АО «Uzbekistan Airports»:
о передаче 100-процентной доли АО «Uzbekistan Airports» в уставном капитале ООО «SILK AVIA» с сохранением его бренда в уставный капитал ООО «Uzbekistan Helicopters» в составе АО «Uzbekistan Airways»;
о безвозмездной передаче трех воздушных судов модели «АТR72-600», принадлежащих АО «Uzbekistan Airports», ООО «SILK AVIA»;
об увеличении количества воздушных судов модели «АТR72-600» в рамках реализации Стратегии по эффективной организации и развитию деятельности ООО «SILK AVIA»;
о возложении на ООО «Uzbekistan Helicopters» в составе АО «Uzbekistan Airways» задач по увеличению количества местных авиасообщений, расширению географии полетов, налаживанию новых маршрутов и развитию парка воздушных судов модели «АТR72-600».
2. Установить, что:
государственная доля в уставном капитале АО «Uzbekistan Airports» уменьшается на остаточную (балансовую) стоимость доли в ООО «SILK AVIA», а государственная доля в АО «Uzbekistan Airways» и доля АО «Uzbekistan Airways» в ООО «Uzbekistan Helicopters» увеличиваются на указанную стоимость;
государственная доля в уставном капитале АО «Uzbekistan Airports» уменьшается на сумму расходов, определяемых рабочей группой, созданной из представителей АО «Uzbekistan Airways» и АО «Uzbekistan Airports», связанных с тремя воздушными судами модели «АТR72-600», передаваемыми ООО «SILK AVIA»;
передача активов из одной организации в другую организацию на основании настоящего постановления не рассматривается в качестве оборота по реализации товара и приравнивается к экономически оправданной безвозмездной передаче товара;
разрешается оплачивать в рассрочку в течение трех лет равными долями подлежащие уплате в Государственный бюджет дивиденды с чистой прибыли, полученной АО «Uzbekistan Airports» по итогам 2022 года, в размере, равном эквиваленту 13,62 миллиона долларов США (12,5 миллиона долларов США — основной долг,1,12 миллиона долларов США — проценты по кредитам), выплаченные на основании кредитного договора, подписанного между АО «Uzbekistan Airports» и АО «Узмиллийбанк», при этом сумма просроченных дивидендов учитывается по курсу Центрального банка на день оплаты.
3. Одобрить предложения Министерства транспорта и Министерства экономики и финансов:
о переоформлении на АО «Uzbekistan Airways» соответствующей части кредита в размере 50 миллионов долларов США, выделенного АО «Узмиллийбанк» для АО «Uzbekistan Airports» на закупку трех воздушных судов модели «АТR72-600», с пересмотром условий кредита;
о выведении из-под залога предоставленного в качестве залогового обеспечения недвижимого имущества АО «Uzbekistan Airports» и передаче в качестве залогового обеспечения имущества АО «Uzbekistan Airways» в размере 125 процентов стоимости кредита, выделенного на три воздушных судна модели «АТR72-600», а также закупаемых воздушных судов;
об оплате основного долга, процентов, комиссий и предстоящих расходов, связанных с иными платежами, за счет ООО «SILK AVIA» и АО «Uzbekistan Airways» исходя из суммы, указанной в кредитном договоре, подписанном с АО «Узмиллийбанк»;
о проведении инвентаризации всех финансовых расходов и договоров, заключенных АО «Uzbekistan Airports» по ООО «SILK AVIA», рабочей группой, созданной из числа представителей АО «Uzbekistan Airways» и АО «Uzbekistan Airports», с определением АО «Uzbekistan Airways» правопреемником АО «Uzbekistan Airports» по договорам, определенным на основании данной инвентаризации.
4. Министерству транспорта исходя из спроса и потребностей населения и иностранных туристов выявлять востребованные территории и ежегодно пересматривать маршруты внутренних авиасообщений, при этом уделять особое внимание увеличению количества авиасообщений и координации маршрутов в направлении указанных территорий в целях авиасоединения регионов.
5. Министерству экономики и финансов обеспечить:
в месячный срок передачу 100-процентной доли АО «Uzbekistan Airports» в уставном капитале ООО «SILK AVIA» в уставный капитал ООО «Uzbekistan Helicopters» и изменение уставных капиталов обществ в соответствии с настоящим постановлением;
направление дивидендов с чистой прибыли АО «Uzbekistan Airways», начисленных по государственной доле, на погашение кредита, оформляемого на общество в соответствии с настоящим постановлением, а также рассмотрение в органах управления общества вопроса увеличения государственной доли в уставном фонде общества за счет вышеуказанных дивидендов.
6. Внести изменения в постановление Президента Республики Узбекистан от 26 октября 2022 года № ПП-412 «О дополнительных мерах по развитию местных авиасообщений в республике» согласно приложению .
7. Возложить на министра транспорта И.Р. Махкамова персональную ответственность за эффективную организацию исполнения настоящего постановления.
Контроль за своевременным и эффективным исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 16 октября 2023 года № ПП-337
Изменения, вносимые в постановление Президента Республики Узбекистан от 26 октября 2022 года № ПП-412 «О дополнительных мерах по развитию местных авиасообщений в республике»
1. Пункт 5 изложить в следующей редакции:
«5. По кредиту АО «Узмиллийбанк», выделяемому АО «Uzbekistan Airways» в размере 50,0 млн долларов США:
в качестве залогового обеспечения предоставляются имущество АО «Uzbekistan Airways» в размере 125 процентов стоимости кредита, выделенного на 3 воздушных судна марки «ATR72-600» и закупаемые воздушные суда;
расходы, связанные с основным долгом, процентами, комиссией и иными выплатами, производятся за счет средств ООО «SILK AVIA» и АО «Uzbekistan Airways» исходя из суммы, указанной в кредитном договоре, подписанном с АО «Узмиллийбанк».
2. В абзаце первом пункта 7 после слов «АО «Uzbekistan Airways» дополнить словами «до конца 2023 года».
Президент Республики Узбекистан Ш. МИРЗИЁЕВ
г. Ташкент,
16 октября 2023 г.,
№ ПП-337