UzbekAI

Ўзбекистон Республикасининг Қонуни

Ўзбекистон Республикаси Қуролли Кучлари тизимида қонунийликни таъминлаш бўйича қўшимча чора-тадбирлар белгиланганлиги муносабати билан «Прокуратура тўғрисида»ги Ўзбекистон Республикаси Қонунига қўшимча ва ўзгартиришлар киритиш ҳақида

Қонунчилик палатаси томонидан 2023 йил 4 майда қабул қилинган Сенат томонидан 2023 йил 30 сентябрда маъқулланган

Кейинги йилларда мамлакатимиз хавфсизлигини ва халқимиз осойишталигини таъминлаш, замонавий қуролланган ва қудратли армияни шакллантириш, Ўзбекистон Республикаси Қуролли Кучлари тизимининг ҳарбий хизматчилари ва ходимларини қўллаб-қувватлаш юзасидан кенг кўламли ишлар амалга оширилди.

Шу билан бирга ҳарбий соҳадаги давлат дастурларининг амалга оширилишини ўз вақтида ва самарали ташкил этиш, ҳарбий хизматчиларнинг ҳуқуқ ва эркинликларини ҳимоя қилиш тизимидаги коррупциявий хавф-хатарларнинг, шу жумладан Ўзбекистон Республикаси Давлат бюджети маблағларидан мақсадсиз фойдаланиш ҳолларининг барвақт олдини олиш, шунингдек ушбу соҳадаги Ўзбекистон Республикаси қонунларининг ижро этилиши устидан назоратни янада кучайтириш талаб этилмоқда.

Мазкур Қонун билан «Прокуратура тўғрисида»ги Ўзбекистон Республикаси Қонунига Ўзбекистон Республикаси Қуролли Кучлари тизимида Ўзбекистон Республикаси қонунларига сўзсиз риоя этилиши устидан ҳарбий прокуратура органларининг назорати кучайтирилишини, шунингдек ҳарбий прокуратура органларига ходимларни ҳарбий хизматга қабул қилиш ва ундан бўшатиш тартиби ҳамда уларга ҳарбий унвонлар бериш тартиби белгиланишини назарда тутувчи қўшимча ва ўзгартиришлар киритилмоқда.

Ушбу Қонун Ўзбекистон Республикаси Қуролли Кучлари тизимида қонунларнинг аниқ ва бир хилда ижро этилиши устидан назоратни амалга ошириш бўйича ҳарбий прокуратура органларининг чинакам мустақил фаолияти учун мустаҳкам ҳуқуқий асос яратади, ҳуқуқбузарликлар профилактикаси юзасидан, шу жумладан бюджет маблағларини ва давлат мулкини талон-торож қилиш ҳолларининг олдини олиш бўйича кўрилаётган чора-тадбирлар самарадорлигини оширишга хизмат қилади.

1-модда. Ўзбекистон Республикасининг 1992 йил 9 декабрда қабул қилинган «Прокуратура тўғрисида»ги 746-ХII-сонли Қонунига (Ўзбекистон Республикасининг 2001 йил 29 августда қабул қилинган 257-II-сонли Қонуни таҳририда) (Ўзбекистон Республикаси Олий Мажлисининг Ахборотномаси, 2001 йил, № 9-10, 168-модда; 2003 йил, № 5, 67-модда; 2005 йил, № 1, 18-модда; Ўзбекистон Республикаси Олий Мажлиси палаталарининг Ахборотномаси, 2007 йил, № 6, 249-модда; 2008 йил, № 9, 487-модда, № 12, 636-модда; 2011 йил, № 4, 101-модда; 2012 йил, № 9/2, 244-модда; 2015 йил, № 8, 310-модда; 2016 йил, № 9, 276-модда; 2017 йил, № 3, 47-модда, № 6, 300-модда, № 9, 510-модда, № 10, 605-модда; 2018 йил, № 4, 218-модда, № 7, 431-модда; 2019 йил, № 1, 1, 5-моддалар, № 5, 267-модда, № 11, 791-модда, № 12, 891-модда; 2020 йил, № 1, 4-модда; 2021 йил, 4-сонга илова, № 11, 1061-модда; 2022 йил, № 5, 466-модда; 2023 йил, № 4, 265-модда) қуйидаги қўшимча ва ўзгартиришлар киритилсин:

1) 11-модданинг матни «Ўзбекистон Республикаси Бош прокурорининг» деган сўзлардан кейин «Ўзбекистон Республикаси Ҳарбий прокурорининг» деган сўзлар билан тўлдирилсин;

2) 13-модда иккинчи қисмининг олтинчи хатбошиси қуйидаги таҳрирда баён этилсин:

«прокуратура органлари ходимларига даражали унвонлар (ҳарбий унвонлар) беради ва олий даражали унвонлар (ҳарбий унвонлар) бериш тўғрисидаги тақдимнома билан Ўзбекистон Республикаси Президентига мурожаат этади»;

3) 15-модданинг :

учинчи қисми қуйидаги таҳрирда баён этилсин:

«Қорақалпоғистон Республикаси прокурори тегишинча туманлар, шаҳарлар прокуратураларининг ва уларга тенглаштирилган прокуратураларнинг фаолиятига раҳбарлик қилади, қонунларга, Ўзбекистон Республикаси Бош прокурорининг буйруқларига асосан ва уларни ижро этиш мақсадида ўзига бўйсунувчи ходимлар учун мажбурий бўлган буйруқлар, кўрсатмалар, фармойишлар чиқаради»;

олтинчи қисмидаги «прокурорнинг ички хавфсизликни таъминлаш бўйича ёрдамчиси, катта прокурор-криминалист» деган сўзлар чиқариб ташлансин;

4) 16-модданинг матни қуйидаги таҳрирда баён этилсин:

«Вилоятлар, Тошкент шаҳар прокуратураларига ва Ўзбекистон Республикаси Транспорт прокуратурасига тегишли прокурорлар бошчилик қилади. Ўзбекистон Республикаси Ҳарбий прокуратурасига лавозимига кўра Ўзбекистон Республикаси Бош прокурорининг ўринбосари бўлган Ўзбекистон Республикаси Ҳарбий прокурори бошчилик қилади. Мазкур прокурорлар Ўзбекистон Республикаси Бош прокурорига бўйсунади ва унинг олдида ҳисобдордир.

Вилоятлар, Тошкент шаҳар прокурорлари, Ўзбекистон Республикаси Транспорт прокурори Ўзбекистон Республикаси Бош прокурори томонидан лавозимга тайинланади ва лавозимидан озод этилади. Ўзбекистон Республикаси Ҳарбий прокурори Ўзбекистон Республикаси Бош прокурорининг тақдимига биноан Ўзбекистон Республикаси Президенти томонидан лавозимга тайинланади ва лавозимидан озод этилади.

Ўзбекистон Республикаси Ҳарбий прокурори, Ўзбекистон Республикаси Транспорт прокурори, вилоятлар, Тошкент шаҳар прокурорлари тегишинча туманлар, шаҳарлар прокуратураларининг ва уларга тенглаштирилган прокуратураларнинг фаолиятига раҳбарлик қилади, қонунларга, Ўзбекистон Республикаси Бош прокурорининг буйруқларига асосан ва уларни ижро этиш мақсадида ўзига бўйсунувчи ходимлар учун мажбурий бўлган буйруқлар, кўрсатмалар, фармойишлар чиқаради.

Ўзбекистон Республикаси Ҳарбий прокурорининг, Ўзбекистон Республикаси Транспорт прокурорининг, вилоятлар, Тошкент шаҳар прокурорларининг Ўзбекистон Республикаси Бош прокурори томонидан лавозимга тайинланадиган ҳамда лавозимидан озод этиладиган биринчи ўринбосари ва ўринбосарлари бўлади.

Вилоятлар, Тошкент шаҳар прокуратураларида ва уларга тенглаштирилган прокуратураларда бошқармалар ҳамда бўлимлар ташкил этилади.

Бошқармалар ва бўлимларнинг бошлиқлари, прокурорларнинг катта ёрдамчилари Ўзбекистон Республикаси Бош прокурори томонидан лавозимга тайинланади ҳамда лавозимидан озод этилади.

Бошқармалар ва бўлимлар бошлиқларининг ўринбосарлари Ўзбекистон Республикаси Бош прокурорининг розилиги билан Ўзбекистон Республикаси Ҳарбий прокурори, Ўзбекистон Республикаси Транспорт прокурори, вилоятлар ва Тошкент шаҳар прокурорлари томонидан лавозимга тайинланади ҳамда лавозимидан озод этилади.

Ўзбекистон Республикаси Ҳарбий прокурорининг, Ўзбекистон Республикаси Транспорт прокурорининг, вилоятлар ва Тошкент шаҳар прокурорларининг ёрдамчилари, бошқармалар ва бўлимларнинг катта прокурорлари ҳамда прокурорлари, алоҳида муҳим ишлар бўйича катта терговчилар ва алоҳида муҳим ишлар бўйича терговчилар, катта терговчилар ҳамда терговчилар тегишинча Ўзбекистон Республикаси Ҳарбий прокурори, Ўзбекистон Республикаси Транспорт прокурори, вилоятлар ва Тошкент шаҳар прокурорлари томонидан лавозимга тайинланади ҳамда лавозимидан озод этилади»;

5) 17-модданинг иккинчи ва учинчи қисмлари қуйидаги таҳрирда баён этилсин:

«Туманлар, шаҳарлар прокурорларининг ва уларга тенглаштирилган прокурорларнинг Ўзбекистон Республикаси Бош прокурори билан келишилган ҳолда тегишинча Ўзбекистон Республикаси Ҳарбий прокурори, Ўзбекистон Республикаси Транспорт прокурори, Қорақалпоғистон Республикаси прокурори, вилоятлар ва Тошкент шаҳар прокурорлари томонидан лавозимга тайинланадиган ҳамда лавозимидан озод этиладиган ўринбосарлари бўлиши мумкин.

Туманлар, шаҳарлар прокурорларининг ва уларга тенглаштирилган прокурорларнинг катта ёрдамчилари, ёрдамчилари, прокуратура катта терговчилари ва терговчилари, иш ўрганувчилари тегишинча Ўзбекистон Республикаси Ҳарбий прокурори, Ўзбекистон Республикаси Транспорт прокурори, Қорақалпоғистон Республикаси прокурори, вилоятлар ва Тошкент шаҳар прокурорлари томонидан лавозимга тайинланади ҳамда лавозимидан озод этилади»;

6) 43-модданинг учинчи қисми қуйидаги таҳрирда баён этилсин:

«Ўзбекистон Республикаси Бош прокурори, Ўзбекистон Республикаси Ҳарбий прокурори, Ўзбекистон Республикаси Транспорт прокурори, Қорақалпоғистон Республикаси прокурори, вилоятлар ва Тошкент шаҳар прокурорлари, шунингдек туманлар, шаҳарлар прокурорлари ҳамда уларга тенглаштирилган прокурорлар лавозимига йигирма беш ёшдан кичик бўлмаган шахслар тайинланади»;

7) 45-модда биринчи қисмининг биринчи жумласи қуйидаги таҳрирда баён этилсин:

«Ўзбекистон Республикаси Ҳарбий прокурорининг, Ўзбекистон Республикаси Транспорт прокурорининг, Қорақалпоғистон Республикаси прокурорининг, шунингдек вилоятлар ва Тошкент шаҳар прокурорларининг, туманлар, шаҳарлар прокурорларининг ҳамда уларга тенглаштирилган прокурорларнинг фаолияти тегишли юқори турувчи прокурорлар томонидан уларнинг ваколатлари муддати ичида камида икки марта комплекс ўрганиб чиқилади»;

8) 48-модданинг биринчи қисми қуйидаги таҳрирда баён этилсин:

«Прокуратура органлари ва муассасаларида хизматни ўташ, прокуратура органлари ва муассасаларининг ходимларига даражали унвонлар ва ҳарбий унвонлар бериш ҳамда улардан маҳрум этиш, уларни рағбатлантириш ва интизомий жавобгарликка тортиш тартиби ушбу Қонунда, Ўзбекистон Республикаси Президенти томонидан тасдиқланадиган Ўзбекистон Республикаси прокуратура органлари ва муассасаларида хизматни ўташ тўғрисидаги низомда, шунингдек бошқа қонунчилик ҳужжатларида белгиланади»;

9) 54-модданинг матнидаги «марказлаштирилган тартибда» деган сўзлар чиқариб ташлансин.

2-модда. Ўзбекистон Республикаси Бош прокуратураси ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

3-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.

4-модда. Ушбу Қонун расмий эълон қилинган кундан эътиборан кучга киради.

Ўзбекистон Республикасининг Президенти Ш. МИРЗИЁЕВ

Тошкент ш.,

2023 йил 30 октябрь,

ЎРҚ-873-сон

(Қонунчилик маълумотлари миллий базаси, 31.10.2023 й., 03/23/873/0808-сон)

lex.uz

Oʻzbekiston Respublikasining Qonuni

Oʻzbekiston Respublikasi Qurolli Kuchlari tizimida qonuniylikni taʼminlash boʻyicha qoʻshimcha chora-tadbirlar belgilanganligi munosabati bilan “Prokuratura toʻgʻrisida”gi Oʻzbekiston Respublikasi Qonuniga qoʻshimcha va oʻzgartirishlar kiritish haqida

Qonunchilik palatasi tomonidan 2023-yil 4-mayda qabul qilingan Senat tomonidan 2023-yil 30-sentabrda maʼqullangan

Keyingi yillarda mamlakatimiz xavfsizligini va xalqimiz osoyishtaligini taʼminlash, zamonaviy qurollangan va qudratli armiyani shakllantirish, Oʻzbekiston Respublikasi Qurolli Kuchlari tizimining harbiy xizmatchilari va xodimlarini qoʻllab-quvvatlash yuzasidan keng koʻlamli ishlar amalga oshirildi.

Shu bilan birga harbiy sohadagi davlat dasturlarining amalga oshirilishini oʻz vaqtida va samarali tashkil etish, harbiy xizmatchilarning huquq va erkinliklarini himoya qilish tizimidagi korrupsiyaviy xavf-xatarlarning, shu jumladan Oʻzbekiston Respublikasi Davlat budjeti mablagʻlaridan maqsadsiz foydalanish hollarining barvaqt oldini olish, shuningdek ushbu sohadagi Oʻzbekiston Respublikasi qonunlarining ijro etilishi ustidan nazoratni yanada kuchaytirish talab etilmoqda.

Mazkur Qonun bilan “Prokuratura toʻgʻrisida”gi Oʻzbekiston Respublikasi Qonuniga Oʻzbekiston Respublikasi Qurolli Kuchlari tizimida Oʻzbekiston Respublikasi qonunlariga soʻzsiz rioya etilishi ustidan harbiy prokuratura organlarining nazorati kuchaytirilishini, shuningdek harbiy prokuratura organlariga xodimlarni harbiy xizmatga qabul qilish va undan boʻshatish tartibi hamda ularga harbiy unvonlar berish tartibi belgilanishini nazarda tutuvchi qoʻshimcha va oʻzgartirishlar kiritilmoqda.

Ushbu Qonun Oʻzbekiston Respublikasi Qurolli Kuchlari tizimida qonunlarning aniq va bir xilda ijro etilishi ustidan nazoratni amalga oshirish boʻyicha harbiy prokuratura organlarining chinakam mustaqil faoliyati uchun mustahkam huquqiy asos yaratadi, huquqbuzarliklar profilaktikasi yuzasidan, shu jumladan budjet mablagʻlarini va davlat mulkini talon-toroj qilish hollarining oldini olish boʻyicha koʻrilayotgan chora-tadbirlar samaradorligini oshirishga xizmat qiladi.

1-modda. Oʻzbekiston Respublikasining 1992-yil 9-dekabrda qabul qilingan “Prokuratura toʻgʻrisida”gi 746-XII-sonli Qonuniga (Oʻzbekiston Respublikasining 2001-yil 29-avgustda qabul qilingan 257-II-sonli Qonuni tahririda) (Oʻzbekiston Respublikasi Oliy Majlisining Axborotnomasi, 2001-yil, № 9-10, 168-modda; 2003-yil, № 5, 67-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 6, 249-modda; 2008-yil, № 9, 487-modda, № 12, 636-modda; 2011-yil, № 4, 101-modda; 2012-yil, № 9/2, 244-modda; 2015-yil, № 8, 310-modda; 2016-yil, № 9, 276-modda; 2017-yil, № 3, 47-modda, № 6, 300-modda, № 9, 510-modda, № 10, 605-modda; 2018-yil, № 4, 218-modda, № 7, 431-modda; 2019-yil, № 1, 1, 5-moddalar, № 5, 267-modda, № 11, 791-modda, № 12, 891-modda; 2020-yil, № 1, 4-modda; 2021-yil, 4-songa ilova, № 11, 1061-modda; 2022-yil, № 5, 466-modda; 2023-yil, № 4, 265-modda) quyidagi qoʻshimcha va oʻzgartirishlar kiritilsin:

1) 11-moddaning matni “Oʻzbekiston Respublikasi Bosh prokurorining” degan soʻzlardan keyin “Oʻzbekiston Respublikasi Harbiy prokurorining” degan soʻzlar bilan toʻldirilsin;

2) 13-modda ikkinchi qismining oltinchi xatboshisi quyidagi tahrirda bayon etilsin:

“prokuratura organlari xodimlariga darajali unvonlar (harbiy unvonlar) beradi va oliy darajali unvonlar (harbiy unvonlar) berish toʻgʻrisidagi taqdimnoma bilan Oʻzbekiston Respublikasi Prezidentiga murojaat etadi”;

3) 15-moddaning :

uchinchi qismi quyidagi tahrirda bayon etilsin:

“Qoraqalpogʻiston Respublikasi prokurori tegishincha tumanlar, shaharlar prokuraturalarining va ularga tenglashtirilgan prokuraturalarning faoliyatiga rahbarlik qiladi, qonunlarga, Oʻzbekiston Respublikasi Bosh prokurorining buyruqlariga asosan va ularni ijro etish maqsadida oʻziga boʻysunuvchi xodimlar uchun majburiy boʻlgan buyruqlar, koʻrsatmalar, farmoyishlar chiqaradi”;

oltinchi qismidagi “prokurorning ichki xavfsizlikni taʼminlash boʻyicha yordamchisi, katta prokuror-kriminalist” degan soʻzlar chiqarib tashlansin;

4) 16-moddaning matni quyidagi tahrirda bayon etilsin:

“Viloyatlar, Toshkent shahar prokuraturalariga va Oʻzbekiston Respublikasi Transport prokuraturasiga tegishli prokurorlar boshchilik qiladi. Oʻzbekiston Respublikasi Harbiy prokuraturasiga lavozimiga koʻra Oʻzbekiston Respublikasi Bosh prokurorining oʻrinbosari boʻlgan Oʻzbekiston Respublikasi Harbiy prokurori boshchilik qiladi. Mazkur prokurorlar Oʻzbekiston Respublikasi Bosh prokuroriga boʻysunadi va uning oldida hisobdordir.

Viloyatlar, Toshkent shahar prokurorlari, Oʻzbekiston Respublikasi Transport prokurori Oʻzbekiston Respublikasi Bosh prokurori tomonidan lavozimga tayinlanadi va lavozimidan ozod etiladi. Oʻzbekiston Respublikasi Harbiy prokurori Oʻzbekiston Respublikasi Bosh prokurorining taqdimiga binoan Oʻzbekiston Respublikasi Prezidenti tomonidan lavozimga tayinlanadi va lavozimidan ozod etiladi.

Oʻzbekiston Respublikasi Harbiy prokurori, Oʻzbekiston Respublikasi Transport prokurori, viloyatlar, Toshkent shahar prokurorlari tegishincha tumanlar, shaharlar prokuraturalarining va ularga tenglashtirilgan prokuraturalarning faoliyatiga rahbarlik qiladi, qonunlarga, Oʻzbekiston Respublikasi Bosh prokurorining buyruqlariga asosan va ularni ijro etish maqsadida oʻziga boʻysunuvchi xodimlar uchun majburiy boʻlgan buyruqlar, koʻrsatmalar, farmoyishlar chiqaradi.

Oʻzbekiston Respublikasi Harbiy prokurorining, Oʻzbekiston Respublikasi Transport prokurorining, viloyatlar, Toshkent shahar prokurorlarining Oʻzbekiston Respublikasi Bosh prokurori tomonidan lavozimga tayinlanadigan hamda lavozimidan ozod etiladigan birinchi oʻrinbosari va oʻrinbosarlari boʻladi.

Viloyatlar, Toshkent shahar prokuraturalarida va ularga tenglashtirilgan prokuraturalarda boshqarmalar hamda boʻlimlar tashkil etiladi.

Boshqarmalar va boʻlimlarning boshliqlari, prokurorlarning katta yordamchilari Oʻzbekiston Respublikasi Bosh prokurori tomonidan lavozimga tayinlanadi hamda lavozimidan ozod etiladi.

Boshqarmalar va boʻlimlar boshliqlarining oʻrinbosarlari Oʻzbekiston Respublikasi Bosh prokurorining roziligi bilan Oʻzbekiston Respublikasi Harbiy prokurori, Oʻzbekiston Respublikasi Transport prokurori, viloyatlar va Toshkent shahar prokurorlari tomonidan lavozimga tayinlanadi hamda lavozimidan ozod etiladi.

Oʻzbekiston Respublikasi Harbiy prokurorining, Oʻzbekiston Respublikasi Transport prokurorining, viloyatlar va Toshkent shahar prokurorlarining yordamchilari, boshqarmalar va boʻlimlarning katta prokurorlari hamda prokurorlari, alohida muhim ishlar boʻyicha katta tergovchilar va alohida muhim ishlar boʻyicha tergovchilar, katta tergovchilar hamda tergovchilar tegishincha Oʻzbekiston Respublikasi Harbiy prokurori, Oʻzbekiston Respublikasi Transport prokurori, viloyatlar va Toshkent shahar prokurorlari tomonidan lavozimga tayinlanadi hamda lavozimidan ozod etiladi”;

5) 17-moddaning ikkinchi va uchinchi qismlari quyidagi tahrirda bayon etilsin:

“Tumanlar, shaharlar prokurorlarining va ularga tenglashtirilgan prokurorlarning Oʻzbekiston Respublikasi Bosh prokurori bilan kelishilgan holda tegishincha Oʻzbekiston Respublikasi Harbiy prokurori, Oʻzbekiston Respublikasi Transport prokurori, Qoraqalpogʻiston Respublikasi prokurori, viloyatlar va Toshkent shahar prokurorlari tomonidan lavozimga tayinlanadigan hamda lavozimidan ozod etiladigan oʻrinbosarlari boʻlishi mumkin.

Tumanlar, shaharlar prokurorlarining va ularga tenglashtirilgan prokurorlarning katta yordamchilari, yordamchilari, prokuratura katta tergovchilari va tergovchilari, ish oʻrganuvchilari tegishincha Oʻzbekiston Respublikasi Harbiy prokurori, Oʻzbekiston Respublikasi Transport prokurori, Qoraqalpogʻiston Respublikasi prokurori, viloyatlar va Toshkent shahar prokurorlari tomonidan lavozimga tayinlanadi hamda lavozimidan ozod etiladi”;

6) 43-moddaning uchinchi qismi quyidagi tahrirda bayon etilsin:

“Oʻzbekiston Respublikasi Bosh prokurori, Oʻzbekiston Respublikasi Harbiy prokurori, Oʻzbekiston Respublikasi Transport prokurori, Qoraqalpogʻiston Respublikasi prokurori, viloyatlar va Toshkent shahar prokurorlari, shuningdek tumanlar, shaharlar prokurorlari hamda ularga tenglashtirilgan prokurorlar lavozimiga yigirma besh yoshdan kichik boʻlmagan shaxslar tayinlanadi”;

7) 45-modda birinchi qismining birinchi jumlasi quyidagi tahrirda bayon etilsin:

“Oʻzbekiston Respublikasi Harbiy prokurorining, Oʻzbekiston Respublikasi Transport prokurorining, Qoraqalpogʻiston Respublikasi prokurorining, shuningdek viloyatlar va Toshkent shahar prokurorlarining, tumanlar, shaharlar prokurorlarining hamda ularga tenglashtirilgan prokurorlarning faoliyati tegishli yuqori turuvchi prokurorlar tomonidan ularning vakolatlari muddati ichida kamida ikki marta kompleks oʻrganib chiqiladi”;

8) 48-moddaning birinchi qismi quyidagi tahrirda bayon etilsin:

“Prokuratura organlari va muassasalarida xizmatni oʻtash, prokuratura organlari va muassasalarining xodimlariga darajali unvonlar va harbiy unvonlar berish hamda ulardan mahrum etish, ularni ragʻbatlantirish va intizomiy javobgarlikka tortish tartibi ushbu Qonunda, Oʻzbekiston Respublikasi Prezidenti tomonidan tasdiqlanadigan Oʻzbekiston Respublikasi prokuratura organlari va muassasalarida xizmatni oʻtash toʻgʻrisidagi nizomda, shuningdek boshqa qonunchilik hujjatlarida belgilanadi”;

9) 54-moddaning matnidagi “markazlashtirilgan tartibda” degan soʻzlar chiqarib tashlansin.

2-modda. Oʻzbekiston Respublikasi Bosh prokuraturasi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

3-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

4-modda. Ushbu Qonun rasmiy eʼlon qilingan kundan eʼtiboran kuchga kiradi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2023-yil 30-oktabr,

OʻRQ-873-son

(Qonunchilik maʼlumotlari milliy bazasi, 31.10.2023-y., 03/23/873/0808-son)

lex.uz

Закон Республики Узбекистан

О внесении дополнений и изменений в Закон Республики Узбекистан «О прокуратуре» в связи с определением дополнительных мер по обеспечению законности в системе Вооруженных Сил Республики Узбекистан

Принят Законодательной палатой 4 мая 2023 года Одобрен Сенатом 30 сентября 2023 года

За последние годы проведена широкомасштабная работа по обеспечению безопасности нашей страны и благополучия народа, формированию современно вооруженной и мощной армии, поддержке военнослужащих и сотрудников системы Вооруженных Сил Республики Узбекистан.

Вместе с тем требуется дальнейшее усиление надзора за своевременной и эффективной организацией реализации государственных программ в военной сфере, ранним предупреждением коррупционных рисков в системе защиты прав и свобод военнослужащих, в том числе случаев нецелевого использования средств Государственного бюджета Республики Узбекистан, а также за исполнением законов Республики Узбекистан в этой области.

Данным Законом вносятся дополнения и изменения в Закон Республики Узбекистан «О прокуратуре», предусматривающие усиление надзора органов военной прокуратуры за неукоснительным соблюдением законов Республики Узбекистан в системе Вооруженных Сил Республики Узбекистан, а также установление порядка приема сотрудников на военную службу в органы военной прокуратуры и увольнения с нее, и порядка присвоения им воинских званий.

Настоящий Закон создает прочную правовую основу для подлинной независимой деятельности органов военной прокуратуры по осуществлению надзора за точным и единообразным исполнением законов в системе Вооруженных Сил Республики Узбекистан, послужит повышению эффективности принимаемых мер по профилактике правонарушений, в том числе по предупреждению случаев хищения бюджетных средств и государственного имущества.

Статья 1. Внести в Закон Республики Узбекистан от 9 декабря 1992 года «О прокуратуре» № 746-ХII (в редакции Закона Республики Узбекистан от 29 августа 2001 года № 257-II) (Ведомости Олий Мажлиса Республики Узбекистан, 2001 г., № 9-10, ст. 168; 2003 г., № 5, ст. 67; 2005 г., № 1, ст. 18; Ведомости палат Олий Мажлиса Республики Узбекистан, 2007 г., № 6, ст. 249; 2008 г., № 9, ст. 487, № 12, ст. 636; 2011 г., № 4, ст. 101; 2012 г., № 9/2, ст. 244; 2015 г., № 8, ст. 310; 2016 г., № 9, ст. 276; 2017 г., № 3, ст. 47, № 6, ст. 300, № 9, ст. 510, № 10, ст. 605; 2018 г., № 4, ст. 218, № 7, ст. 431; 2019 г., № 1, ст.ст. 1, 5, № 5, ст. 267, № 11, ст. 791, № 12, ст. 891; 2020 г., № 1, ст. 4; 2021 г., приложение к № 4, № 11, ст. 1061; 2022 г., № 5, ст. 466; 2023 г., № 4, ст. 265) следующие дополнения и изменения:

1) текст статьи 11 после слов «Генерального прокурора Республики Узбекистан» дополнить словами «Военного прокурора Республики Узбекистан»;

2) абзац шестой части второй статьи 13 изложить в следующей редакции:

«присваивает работникам органов прокуратуры классные чины (воинские звания) и обращается к Президенту Республики Узбекистан с представлением о присвоении высших классных чинов (воинских званий)»;

3) в статье 15 :

часть третью изложить в следующей редакции:

«Прокурор Республики Каракалпакстан руководит соответственно деятельностью прокуратур районов, городов и приравненных к ним прокуратур, на основании и в целях исполнения законов, приказов Генерального прокурора Республики Узбекистан издает приказы, указания, распоряжения обязательные для подчиненных сотрудников»;

из части шестой слова «помощник прокурора по обеспечению внутренней безопасности, старший прокурор-криминалист» исключить;

4) текст статьи 16 изложить в следующей редакции:

«Прокуратуры областей, города Ташкента и Транспортную прокуратуру Республики Узбекистан возглавляют соответствующие прокуроры. Военную прокуратуру Республики Узбекистан возглавляет Военный прокурор Республики Узбекистан, являющийся по должности заместителем Генерального прокурора Республики Узбекистан. Данные прокуроры подчинены и подотчетны Генеральному прокурору Республики Узбекистан.

Прокуроры областей, города Ташкента, Транспортный прокурор Республики Узбекистан назначаются на должность и освобождаются от должности Генеральным прокурором Республики Узбекистан. Военный прокурор Республики Узбекистан назначается на должность и освобождается от должности Президентом Республики Узбекистан по представлению Генерального прокурора Республики Узбекистан.

Военный прокурор Республики Узбекистан, Транспортный прокурор Республики Узбекистан, прокуроры областей, города Ташкента руководят соответственно деятельностью прокуратур районов, городов и приравненных к ним прокуратур, на основании и во исполнение законов, приказов Генерального прокурора Республики Узбекистан издают приказы, указания, распоряжения обязательные для подчиненных работников.

Военный прокурор Республики Узбекистан, Транспортный прокурор Республики Узбекистан, прокуроры областей, города Ташкента имеют первого заместителя и заместителей, назначаемых на должность и освобождаемых от должности Генеральным прокурором Республики Узбекистан.

В прокуратурах областей, города Ташкента и приравненных к ним прокуратурах образуются управления и отделы.

Начальники управлений и отделов, старшие помощники прокуроров назначаются на должность и освобождаются от должности Генеральным прокурором Республики Узбекистан.

Заместители начальников управлений и отделов назначаются на должность и освобождаются от должности Военным прокурором Республики Узбекистан, Транспортным прокурором Республики Узбекистан, прокурорами областей и города Ташкента с согласия Генерального прокурора Республики Узбекистан.

Помощники Военного прокурора Республики Узбекистан, Транспортного прокурора Республики Узбекистан, прокуроров областей и города Ташкента, старшие прокуроры и прокуроры управлений и отделов, старшие следователи по особо важным делам и следователи по особо важным делам, старшие следователи и следователи назначаются на должность и освобождаются от должности соответственно Военным прокурором Республики Узбекистан, Транспортным прокурором Республики Узбекистан, прокурорами областей и города Ташкента»;

5) части вторую и третью статьи 17 изложить в следующей редакции:

«Прокуроры районов, городов и приравненные к ним прокуроры могут иметь заместителей, назначаемых на должность и освобождаемых от должности соответственно Военным прокурором Республики Узбекистан, Транспортным прокурором Республики Узбекистан, прокурором Республики Каракалпакстан, прокурорами областей и города Ташкента по согласованию с Генеральным прокурором Республики Узбекистан.

Старшие помощники, помощники прокуроров, старшие следователи и следователи, стажеры прокуратур районов, городов и приравненных к ним прокуратур назначаются на должность и освобождаются от должности соответственно Военным прокурором Республики Узбекистан, Транспортным прокурором Республики Узбекистан, прокурором Республики Каракалпакстан, прокурорами областей и города Ташкента»;

6) часть третью статьи 43 изложить в следующей редакции:

«На должности Генерального прокурора Республики Узбекистан, Военного прокурора Республики Узбекистан, Транспортного прокурора Республики Узбекистан, прокурора Республики Каракалпакстан, прокуроров областей и города Ташкента, а также прокуроров районов, городов и приравненных к ним прокуроров назначаются лица не моложе двадцати пяти лет»;

7) первое предложение части первой статьи 45 изложить в следующей редакции:

«Деятельность Военного прокурора Республики Узбекистан, Транспортного прокурора Республики Узбекистан, прокурора Республики Каракалпакстан, а также прокуроров областей и города Ташкента, прокуроров районов, городов и приравненных к ним прокуроров комплексно изучается соответствующими вышестоящими прокурорами не реже двух раз в срок их полномочий»;

8) часть первую статьи 48 изложить в следующей редакции:

«Порядок прохождения службы в органах и учреждениях прокуратуры, присвоения и лишения классных чинов и воинских званий, поощрения и привлечения к дисциплинарной ответственности работников органов и учреждений прокуратуры определяется настоящим Законом, Положением о прохождении службы в органах и учреждениях прокуратуры Республики Узбекистан, утверждаемым Президентом Республики Узбекистан, а также иными актами законодательства»;

9) из текста статьи 54 слова «в централизованном порядке» исключить.

Статья 2. Генеральной прокуратуре Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.

Статья 3. Кабинету Министров Республики Узбекистан:

привести решения правительства в соответствие с настоящим Законом;

обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.

Статья 4. Настоящий Закон вступает в силу со дня его официального опубликования.

Президент Республики Узбекистан Ш. МИРЗИЁЕВ

г. Ташкент,

30 октября 2023 г.,

№ ЗРУ-873

(Национальная база данных законодательства, 31.10.2023 г., № 03/23/873/0808)

lex.uz