📅 2023-yil 30-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 30 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 октября 2023 г. · Постановления Президента
Официальный текст. Официальный документ. Редакционные примечания не включены.
📅 30 October 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Президентининг айрим қарорларига қўшимча ва ўзгартиришлар киритиш тўғрисида
[Кўчирма]
Мамлакатимизда ёшларни ватанпарварлик руҳида тарбиялаш, Ўзбекистон Республикаси Қуролли Кучлари ва давлат хизмати учун кадрлар захирасини тайёрлаш тизимига ўсмир қизларни кенг жалб этиш, ижтимоий ҳимояга муҳтож болаларнинг ижтимоий мослашувини таъминлаш, болаларга психологик ёрдам кўрсатиш тизимини сифат жиҳатдан янги босқичга кўтариш, шунингдек, Миллий гвардия тасарруфида бўлган бино ва иншоотларнинг энергия самарадорлигини ошириш мақсадида:
1. Ўзбекистон Республикаси Президентининг айрим қарорларига иловага мувофиқ қуйидагиларни назарда тутувчи қўшимча ва ўзгартиришлар киритилсин:
Миллий гвардия Тошкент «Темурбеклар мактаби» ҳарбий-академик лицейига аёл жинсидаги Ўзбекистон Республикаси фуқароларини қабул қилиш имкониятини яратиш;
Миллий гвардия Қўриқлаш бош бошқармаси Болалар психологияси маркази ишчи ва хизматчиларининг лавозим маошларини ошириш.
2. Миллий гвардиянинг Миллий гвардия тизимида энергия тежовчи технологияларни жорий қилиш ва қайта тикланувчи энергия манбаларини ривожлантириш орқали энергетика ресурсларини тежаш даражасини ошириш мақсадида Миллий гвардия Қўриқлаш бош бошқармаси маблағлари ҳисобидан Миллий гвардия бўлинмалари ва ҳарбий қисмларининг объектларига қуёш фотоэлектр станциялари ва қуёш сув иситиш қурилмаларини босқичма-босқич ўрнатиш тўғрисидаги таклифи маъқуллансин.
3. Мазкур қарорнинг ижросини назорат қилиш Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президентининг 2023 йил 30 октябрдаги ПҚ-349-сон қарорига ИЛОВА
Ўзбекистон Республикаси Президентининг айрим қарорларига киритилаётган қўшимча ва ўзгартиришлар
1. Ўзбекистон Республикаси Президентининг 2019 йил 28 июндаги ПҚ-4375-сон қарори билан тасдиқланган «Темурбеклар мактаби» ҳарбий-академик лицейи тўғрисидаги низомнинг 15-банди қуйидаги мазмундаги хатбоши билан тўлдирилсин:
«2024/2025 ўқув йилидан бошлаб Ўзбекистон Республикаси Миллий гвардияси Тошкент «Темурбеклар мактаби» ҳарбий-академик лицейига аёл жинсидаги Ўзбекистон Республикаси фуқароларининг ҳар йилги қабул квотаси умумий қабул квотаси доирасида Миллий гвардия эҳтиёжларини инобатга олган ҳолда Миллий гвардия қўмондони томонидан белгиланади».
2. Ўзбекистон Республикаси Президентининг 2021 йил 20 февралдаги «Ўзбекистон Республикаси Миллий гвардияси Қўриқлаш бош бошқармасининг фаолиятини сифат жиҳатидан янги босқичга кўтариш чора-тадбирлари тўғрисида»ги ПҚ-4997-сон қарорида :
б) 5-бандда :
«б» кичик банднинг иккинчи хатбошиси чиқариб ташлансин;
учинчи хатбоши иккинчи хатбоши деб ҳисоблансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 30 октябрь,
ПҚ-349-сон
Oʻzbekiston Respublikasi Prezidentining
Qarori
Oʻzbekiston Respublikasi Prezidentining ayrim qarorlariga qoʻshimcha va oʻzgartirishlar kiritish toʻgʻrisida
[Koʻchirma]
Mamlakatimizda yoshlarni vatanparvarlik ruhida tarbiyalash, Oʻzbekiston Respublikasi Qurolli Kuchlari va davlat xizmati uchun kadrlar zaxirasini tayyorlash tizimiga oʻsmir qizlarni keng jalb etish, ijtimoiy himoyaga muhtoj bolalarning ijtimoiy moslashuvini taʼminlash, bolalarga psixologik yordam koʻrsatish tizimini sifat jihatdan yangi bosqichga koʻtarish, shuningdek, Milliy gvardiya tasarrufida boʻlgan bino va inshootlarning energiya samaradorligini oshirish maqsadida:
1. Oʻzbekiston Respublikasi Prezidentining ayrim qarorlariga ilovaga muvofiq quyidagilarni nazarda tutuvchi qoʻshimcha va oʻzgartirishlar kiritilsin:
Milliy gvardiya Toshkent “Temurbeklar maktabi” harbiy-akademik litseyiga ayol jinsidagi Oʻzbekiston Respublikasi fuqarolarini qabul qilish imkoniyatini yaratish;
Milliy gvardiya Qoʻriqlash bosh boshqarmasi Bolalar psixologiyasi markazi ishchi va xizmatchilarining lavozim maoshlarini oshirish.
2. Milliy gvardiyaning Milliy gvardiya tizimida energiya tejovchi texnologiyalarni joriy qilish va qayta tiklanuvchi energiya manbalarini rivojlantirish orqali energetika resurslarini tejash darajasini oshirish maqsadida Milliy gvardiya Qoʻriqlash bosh boshqarmasi mablagʻlari hisobidan Milliy gvardiya boʻlinmalari va harbiy qismlarining obyektlariga quyosh fotoelektr stansiyalari va quyosh suv isitish qurilmalarini bosqichma-bosqich oʻrnatish toʻgʻrisidagi taklifi maʼqullansin.
3. Mazkur qarorning ijrosini nazorat qilish Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidentining 2023-yil 30-oktabrdagi PQ-349-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan qoʻshimcha va oʻzgartirishlar
1. Oʻzbekiston Respublikasi Prezidentining 2019-yil 28-iyundagi PQ-4375-son qarori bilan tasdiqlangan “Temurbeklar maktabi” harbiy-akademik litseyi toʻgʻrisidagi nizomning 15-bandi quyidagi mazmundagi xatboshi bilan toʻldirilsin:
“2024/2025 oʻquv yilidan boshlab Oʻzbekiston Respublikasi Milliy gvardiyasi Toshkent “Temurbeklar maktabi” harbiy-akademik litseyiga ayol jinsidagi Oʻzbekiston Respublikasi fuqarolarining har yilgi qabul kvotasi umumiy qabul kvotasi doirasida Milliy gvardiya ehtiyojlarini inobatga olgan holda Milliy gvardiya qoʻmondoni tomonidan belgilanadi”.
2. Oʻzbekiston Respublikasi Prezidentining 2021-yil 20-fevraldagi “Oʻzbekiston Respublikasi Milliy gvardiyasi Qoʻriqlash bosh boshqarmasining faoliyatini sifat jihatidan yangi bosqichga koʻtarish chora-tadbirlari toʻgʻrisida”gi PQ-4997-son qarorida :
b) 5-bandda :
“b” kichik bandning ikkinchi xatboshisi chiqarib tashlansin;
uchinchi xatboshi ikkinchi xatboshi deb hisoblansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 30-oktabr,
PQ-349-son
Президента Республики Узбекистан
Постановление
О внесении дополнений и изменений в некоторые постановления Президента Республики Узбекистан
[Извлечение]
В целях воспитания молодежи страны в духе патриотизма, широкого привлечения девочек-подростков в систему подготовки кадрового резерва для Вооруженных сил Республики Узбекистан и государственной службы, обеспечения социальной адаптации детей, нуждающихся в социальной защите, поднятия на качественно новый уровень системы оказания психологической помощи детям, а также повышения энергоэффективности зданий и сооружений, находящихся в ведении Национальной гвардии:
1. Внести дополнения и изменения в некоторые постановления Президента Республики Узбекистан согласно приложению , предусматривающие:
создание возможности для приема граждан Республики Узбекистан женского пола в Ташкентский военно-академический лицей «Темурбеклар мактаби» Национальной гвардии;
повышение должностного оклада рабочих и служащих Центра детской психологии Главного управления охраны Национальной гвардии.
2. Одобрить предложение Национальной гвардии о поэтапной установке солнечных фотоэлектрических станций и солнечных водонагревательных устройств на объектах подразделений и военных частей Национальной гвардии за счет средств Главного управления охраны Национальной гвардии в целях повышения уровня сбережения энергетических ресурсов посредством внедрения энергосберегающих технологий и развития возобновляемых источников энергии в системе Национальной гвардии.
3. Контроль за исполнением настоящего постановления возложить на секретаря Совета безопасности при Президенте Республики Узбекистан В.В. Махмудова.
ПРИЛОЖЕНИЕ к постановлению Президента Республики Узбекистан от 30 октября 2023 года № ПП-349
Дополнения и изменения, вносимые в некоторые постановления Президента Республики Узбекистан
1. Пункт 15 Положения о военно-академическом лицее «Темурбеклар мактаби», утвержденного постановлением Президента Республики Узбекистан от 28 июня 2019 года № ПП-4375, дополнить абзацем следующего содержания:
«Ежегодная квота приема граждан Республики Узбекистан женского пола в Ташкентский военно-академический лицей «Темурбеклар мактаби» Национальной гвардии Республики Узбекистан начиная с 2024/2025 учебного года устанавливается командующим Национальной гвардией в пределах общей квоты приема с учетом потребностей Национальной гвардии».
2. В постановлении Президента Республики Узбекистан от 20 февраля 2021 года № ПП-4997 «О мерах по поднятию на качественно новый уровень деятельности Главного управления охраны Национальной гвардии Республики Узбекистан»:
б) в пункте 5 :
абзац второй подпункта «б» исключить;
абзац третий считать абзацем вторым.
Президент Республики Узбекистан Ш. МИРЗИЁЕВ
г. Ташкент,
30 октября 2023 г.,
№ ПП-349