📅 2023-yil 31-oktabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 31 октябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 31 октября 2023 г. · Указы Президента
Официальный текст. Официальный документ. Редакционные примечания не включены.
📅 31 October 2023 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига ўзгартириш ва қўшимчалар киритиш тўғрисида
Маҳаллий заргарлик буюмларини ишлаб чиқаришни ривожлантириш, уларнинг ички ва ташқи бозорда рақобатбардошлигини таъминлаш ҳамда аффинаж корхоналари ва заргарлик буюмлари ишлаб чиқарувчиларнинг қувватларини янада кенгайтириш мақсадида:
1. Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига иловага мувофиқ қуйидагиларни назарда тутувчи ўзгартириш ва қўшимчалар киритилсин:
аффинаж корхоналари ва заргарлик буюмлари ишлаб чиқарувчиларни қимматбаҳо металларни ҳамда таркибида қимматбаҳо металлар мавжуд бўлган хомашёни божхона ҳудудида қайта ишлаш божхона режимига жойлаштиришда лицензия олиш мажбуриятидан озод этиш;
тайёр заргарлик буюмларини олиб чиқиш тартибини соддалаштириш.
2. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 31 октябрдаги ПФ-185-сон Фармонига ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2017 йил 3 ноябрдаги «Махсус турдаги товарлар экспорти ва импортини лицензиялаш, шунингдек экспорт контрактларини рўйхатга олиш ва импорт контрактларини экспертизадан ўтказишни тартибга солиш чора-тадбирлари тўғрисида»ги ПФ-5215-сон Фармонига 1-иловада :
а) 4-банднинг «товар номи» устунидаги «буюмлар» сўзи «буюмлар*» сўзи билан алмаштирилсин;
б) қуйидаги мазмундаги изоҳ билан тўлдирилсин:
2. Ўзбекистон Республикаси Президентининг 2019 йил 18 майдаги «Ўзбекистон Республикасида заргарлик тармоғини жадал ривожлантириш чора-тадбирлари тўғрисида»ги ПФ-5721-сон Фармони 1-бандининг олтинчи хатбоши қуйидаги таҳрирда баён этилсин:
«жисмоний шахсларга қиймати 100 миллион сўмгача бўлган тайёр заргарлик буюмларини йўловчи божхона декларациясини тўлдирмасдан, 100 миллион сўм ва ундан ортиқ бўлганларини йўловчи божхона декларацияси асосида Ўзбекистон Республикаси божхона ҳудудидан ташқарига олиб чиқишга рухсат берилади».
3. Вазирлар Маҳкамасининг 2020 йил 14 майдаги 283-сон қарори билан тасдиқланган Ташқи савдо операциялари амалга оширилиши мониторингини олиб бориш ва назорат қилиш тартиби тўғрисидаги низомнинг 18-банди қуйидаги мазмундаги иккинчи хатбоши билан тўлдирилсин:
«Бунда, заргарлик буюмларини ишлаб чиқарувчи якка тартибдаги тадбиркорларга заргарлик буюмларини йўловчи божхона декларациясини тўлдирган ҳолда маълумотларни ТСОЯЭАТга киритмасдан Ўзбекистон Республикаси божхона ҳудудидан ташқарига тижорат мақсадларида олиб чиқишга рухсат берилади».
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 31 октябрь,
ПФ-185-сон
Oʻzbekiston Respublikasi Prezidentining
Farmoni
Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga oʻzgartirish va qoʻshimchalar kiritish toʻgʻrisida
Mahalliy zargarlik buyumlarini ishlab chiqarishni rivojlantirish, ularning ichki va tashqi bozorda raqobatbardoshligini taʼminlash hamda affinaj korxonalari va zargarlik buyumlari ishlab chiqaruvchilarning quvvatlarini yanada kengaytirish maqsadida:
1. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:
affinaj korxonalari va zargarlik buyumlari ishlab chiqaruvchilarni qimmatbaho metallarni hamda tarkibida qimmatbaho metallar mavjud boʻlgan xomashyoni bojxona hududida qayta ishlash bojxona rejimiga joylashtirishda litsenziya olish majburiyatidan ozod etish;
tayyor zargarlik buyumlarini olib chiqish tartibini soddalashtirish.
2. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 31-oktabrdagi PF-185-son Farmoniga ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2017-yil 3-noyabrdagi “Maxsus turdagi tovarlar eksporti va importini litsenziyalash, shuningdek eksport kontraktlarini roʻyxatga olish va import kontraktlarini ekspertizadan oʻtkazishni tartibga solish chora-tadbirlari toʻgʻrisida”gi PF-5215-son Farmoniga 1-ilovada :
a) 4-bandning “tovar nomi” ustunidagi “buyumlar” soʻzi “buyumlar*” soʻzi bilan almashtirilsin;
b) quyidagi mazmundagi izoh bilan toʻldirilsin:
2. Oʻzbekiston Respublikasi Prezidentining 2019-yil 18-maydagi “Oʻzbekiston Respublikasida zargarlik tarmogʻini jadal rivojlantirish chora-tadbirlari toʻgʻrisida”gi PF-5721-son Farmoni 1-bandining oltinchi xatboshi quyidagi tahrirda bayon etilsin:
“jismoniy shaxslarga qiymati 100 million soʻmgacha boʻlgan tayyor zargarlik buyumlarini yoʻlovchi bojxona deklaratsiyasini toʻldirmasdan, 100 million soʻm va undan ortiq boʻlganlarini yoʻlovchi bojxona deklaratsiyasi asosida Oʻzbekiston Respublikasi bojxona hududidan tashqariga olib chiqishga ruxsat beriladi”.
3. Vazirlar Mahkamasining 2020-yil 14-maydagi 283-son qarori bilan tasdiqlangan Tashqi savdo operatsiyalari amalga oshirilishi monitoringini olib borish va nazorat qilish tartibi toʻgʻrisidagi nizomning 18-bandi quyidagi mazmundagi ikkinchi xatboshi bilan toʻldirilsin:
“Bunda, zargarlik buyumlarini ishlab chiqaruvchi yakka tartibdagi tadbirkorlarga zargarlik buyumlarini yoʻlovchi bojxona deklaratsiyasini toʻldirgan holda maʼlumotlarni TSOYEATga kiritmasdan Oʻzbekiston Respublikasi bojxona hududidan tashqariga tijorat maqsadlarida olib chiqishga ruxsat beriladi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 31-oktabr,
PF-185-son
Президента Республики Узбекистан
Указ
О внесении изменений и дополнений в некоторые решения Президента Республики Узбекистан и Правительства Республики Узбекистан
В целях развития производства отечественных ювелирных изделий, обеспечения их конкурентоспособности на внутреннем и внешнем рынках, а также дальнейшего наращивания мощностей аффинажных предприятий и производителей ювелирных изделий:
1. Внести изменения и дополнения в некоторые решения Президента Республики Узбекистан и Правительства Республики Узбекистан согласно приложению , предусматривающие:
освобождение аффинажных предприятий и производителей ювелирных изделий от обязательства получения лицензии при помещении драгоценных металлов и сырья, содержащего драгоценные металлы, под таможенный режим переработки на таможенной территории;
упрощение порядка вывоза готовых ювелирных изделий.
2. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 31 октября 2023 года № УП-185
Изменения и дополнения, вносимые в некоторые решения Президента Республики Узбекистан и Правительства Республики Узбекистан
1. В тексте на государственном языке приложения № 1 к Указу Президента Республики Узбекистан от 3 ноября 2017 года № УП-5215 «О мерах по упорядочению лицензирования экспорта и импорта специфических товаров, а также регистрации экспортных и экспертизы импортных контрактов»:
а) в пункте 4 в графе «товар номи» слово «буюмлар» заменить словом «буюмлар*»;
б) дополнить примечанием следующего содержания:
2. Абзац шестой пункта 1 Указа Президента Республики Узбекистан от 18 мая 2019 года № УП-5721 «О мерах по ускоренному развитию ювелирной отрасли в Республике Узбекистан» изложить в следующей редакции:
«физическим лицам разрешается вывозить за пределы таможенной территории Республики Узбекистан готовые ювелирные изделия стоимостью до 100 миллионов сумов — без заполнения пассажирской таможенной декларации, стоимостью 100 миллионов сумов и более — на основе пассажирской таможенной декларации».
3. Пункт 18 Положения о порядке ведения мониторинга и контроля за осуществлением внешнеторговых операций, утвержденного постановлением Кабинета Министров от 14 мая 2020 года № 283, дополнить абзацем вторым следующего содержания:
«При этом индивидуальным предпринимателям, осуществляющим деятельность по изготовлению ювелирных изделий, разрешается вывозить ювелирные изделия за пределы таможенной территории Республики Узбекистан в коммерческих целях без внесения информации в ЕЭИСВО с заполнением пассажирской таможенной декларации».
Президент Республики Узбекистан Ш. МИРЗИЁЕВ
г. Ташкент,
31 октября 2023 г.,
№ УП-185