📅 2023-yil 4-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 4 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 4 ноября 2023 г. · Постановления Кабинета Министров
Официальный текст. Официальный документ. Редакционные примечания не включены.
📅 4 November 2023 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
МАЪМУРИЙ РЕГЛАМЕНТИ
ТАҚДИМНОМА
СХЕМАСИ
СЎРОВНОМА
ГУВОҲНОМА
ГУВОҲНОМА
Спортчиларга спорт унвонлари ва спорт разрядларини бериш бўйича давлат хизматларини кўрсатишнинг маъмурий регламентини тасдиқлаш тўғрисида
Ўзбекистон Республикаси Президентининг «2022 — 2026 йилларга мўлжалланган Янги Ўзбекистоннинг тараққиёт стратегиясини «Инсонга эътибор ва сифатли таълим йили»да амалга оширишга оид давлат дастури тўғрисида» 2023 йил 28 февралдаги ПФ-27-сон Фармони ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг 2023 йил 28 февралдаги ПФ-27-сон Фармони билан тасдиқланган 2022 — 2026 йилларга мўлжалланган Янги Ўзбекистоннинг тараққиёт стратегиясини «Инсонга эътибор ва сифатли таълим йили»да амалга оширишга оид давлат дастурининг 16-бандида спорт турлари бўйича спорт унвонлари ва спорт разрядларини бериш бўйича давлат хизматларини Ягона интерактив давлат хизматлари портали ҳамда Давлат хизматлари маркази орқали кўрсатишни йўлга қўйиш белгиланганлиги маълумот учун қабул қилинсин.
2. Қуйидагиларни назарда тутувчи Спортчиларга спорт унвонлари ва спорт разрядларини бериш бўйича давлат хизматларини кўрсатишнинг маъмурий регламенти иловага мувофиқ тасдиқлансин:
спортчиларнинг спорт турлари бўйича спорт унвонлари ва спорт разрядларини олиш учун мурожаат қилиш тартиби;
спорт унвонлари ва спорт разрядларини олиш учун ариза ҳамда ҳужжатларни юбориш, кўриб чиқиш ва гувоҳномани бериш тартиби;
спорт унвонлари ва спорт разрядларининг амал қилиш муддатини белгилаш ҳамда қайта расмийлаштириш.
3. Белгилансинки, ушбу қарор билан тасдиқланган маъмурий регламентга мувофиқ кўрсатиладиган давлат хизматидан фойдаланиш учун жисмоний шахслар фақат давлат хизматлари марказлари ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали мурожаат қиладилар.
4. Ўзбекистон Республикаси Ёшлар сиёсати ва спорт вазирлиги Адлия вазирлиги билан биргаликда бир ой муддатда давлат хизматлари марказларининг ходимлари иштирокида ушбу қарор билан тасдиқланган маъмурий регламентни амалда қўллашнинг самарадорлиги ва натижадорлигини оширишга йўналтирилган ўқув семинарлари ташкил этилиши ва ўтказилишини таъминласин.
5. Ўзбекистон Республикаси Ёшлар сиёсати ва спорт вазирлиги Рақамли технологиялар вазирлиги ҳамда Адлия вазирлиги билан биргаликда 2024 йил 1 январга қадар:
спортчиларга спорт унвонлари ва спорт разрядларини бериш бўйича давлат хизматлари ЯИДХП орқали кўрсатилишини таъминласин;
спортчиларга спорт унвонлари ва спорт разрядларини бериш бўйича давлат хизматларидан фойдаланиш учун давлат хизматлари марказлари ёки ЯИДХП орқали ариза бериш ҳамда 16 ёшга тўлмаган ариза берувчилар учун ЯИДХП орқали уларнинг ота-онаси ёки қонуний вакили томонидан ариза бериш имкониятини яратсин;
ЯИДХПда давлат хизматлари кўрсатилишининг ҳар бир босқичида мурожаатларнинг кўриб чиқилишини кузатиб бориш тартибини жорий этсин;
«ERP sport» ягона электрон бошқарув тизимини ЯИДХПга интеграция қилиш чораларини кўрсин.
6. Ўзбекистон Республикаси Адлия вазирлиги:
давлат органлари ва бошқа ташкилотлар томонидан давлат хизматлари кўрсатилишининг белгиланган тартиби бажарилиши юзасидан уларнинг фаолияти бўйича, шу жумладан, ЯИДХП орқали доимий назорат ўрнатсин;
ушбу қарор билан тасдиқланган маъмурий регламент талабларини бузганлик учун давлат органлари ва бошқа ташкилотлар мансабдор шахсларига нисбатан белгиланган тартибда маъмурий жазоларни қўлласин.
7. Ўзбекистон Республикаси Ёшлар сиёсати ва спорт вазирлиги бошқа манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.
8. Мазкур қарорнинг бажарилишини назорат қилиш Ўзбекистон Республикаси ёшлар сиёсати ва спорт вазири А.И. Икрамов зиммасига юклансин.
Вазирлар Маҳкамасининг 2023 йил 4 ноябрдаги 588-сон қарорига ИЛОВА
Спортчиларга спорт унвонлари ва спорт разрядларини бериш бўйича давлат хизматларини кўрсатишнинг
1-боб. Умумий қоидалар
1. Мазкур Регламент жисмоний шахсларга (кейинги ўринларда — ариза берувчи) давлат хизматлари марказлари ва Ягона интерактив давлат хизматлари портали орқали (кейинги ўринларда — ЯИДХП) спорт унвонлари ва спорт разрядларини бериш бўйича давлат хизматларини (кейинги ўринларда — давлат хизмати) кўрсатиш тартибини белгилайди.
2. Ушбу Регламентда қуйидаги асосий тушунчалардан фойдаланилади:
ариза берувчи — спорт унвонлари ва спорт разрядлари беришни сўраб белгиланган тартибда мурожаат қилган Ўзбекистон Республикаси фуқароси, Ўзбекистон Республикаси ҳудудида яшаш гувоҳномасига эга бўлган чет эл фуқароси ёки фуқаролиги бўлмаган шахс (ўн олти ёшга тўлмаган шахс номидан мурожаат қилганда, унинг қонуний вакили);
Ягона спорт таснифи (кейинги ўринларда — ЯСТ) — спорт турлари реестрига киритилган спорт турлари бўйича тегишли спорт унвонлари ва спорт разрядларини бериш учун бажарилиши зарур бўлган нормалар ҳамда талаблар, шунингдек, уларни бажариш шартлари;
спортчи — танлаган спорт тури ёки турлари билан мунтазам шуғулланадиган, ўзининг спорт маҳоратини доимий ошириб борадиган ва спорт тадбирларида қатнашадиган жисмоний шахс;
спорт мусобақаси — спортчилар ўртасида ёки спортчилар жамоалари ўртасида спорт турлари бўйича мусобақанинг энг яхши иштирокчисини аниқлаш мақсадида жисмоний тарбия ёки спорт тадбирининг ташкилотчиси томонидан ўтказиладиган беллашув;
спорт тури — жисмоний тарбия ва спорт соҳасидаги фаолият тури;
спорт тадбирлари — спорт мусобақаларини, ўқув-машқ жараёнини ва спортчилар иштирокида спорт мусобақаларига тайёргарлик кўриш бўйича бошқа тадбирларни ўз ичига оладиган жараёнлар;
спорт унвонини бериш тўғрисида тақдимнома — республика спорт федерациялари (уюшмалари) ёки уларнинг ҳудудий бўлинмалари, спорт клублари, Ўзбекистон Мудофаасига кўмаклашувчи «Ватанпарвар» ташкилоти Марказий Кенгаши ва Ўзбекистон Республикаси Мудофаа вазирлигининг Марказий ҳарбий спорт клуби раҳбари (ёки унинг вазифасини бажарувчи шахс) томонидан ушбу Регламентга 1-иловага мувофиқ имзоланган ва ташкилот муҳри билан (муҳр мавжуд бўлганда) тасдиқланган ҳолда, ариза берувчининг 2 йил ичидаги ЯСТ нормалари ва талаблари, шунингдек, уларни бажариш шартлари бажарилганлиги ҳамда расмий спорт мусобақалари ютуқлари тўғрисидаги маълумотларни ўзида акс эттирувчи ҳужжат;
спорт разрядларини бериш тўғрисидаги тақдимнома — спорт-таълим ташкилотлари, республика спорт федерациялари (уюшмалари) ёки уларнинг ҳудудий бўлинмалари, спорт клублари, Ўзбекистон Мудофаасига кўмаклашувчи «Ватанпарвар» ташкилоти Марказий Кенгаши ёки унинг минтақавий кенгашлари, Ўзбекистон Республикаси Мудофаа вазирлигининг Марказий ҳарбий спорт клуби, Ўзбекистон талабалар спорти ассоциацияси ёки унинг минтақавий бўлимлари раҳбари (ёки унинг вазифасини бажарувчи шахс) томонидан ушбу Регламентга 1-иловага мувофиқ имзоланган ва ташкилот муҳри билан (муҳр мавжуд бўлганда) тасдиқланган ҳолда, ариза берувчининг 6 ой ичидаги ЯСТ нормалари ва талаблари, шунингдек, уларни бажариш шартлари бажарилганлиги тўғрисидаги маълумотларни ўзида акс эттирувчи ҳужжат;
спортнинг техник ва амалий турлари — спорт натижаларига эришиш учун спортчи томонидан умумий жисмоний машқлар мажмуасидан ташқари спорт техникасидан, мосламаларидан ёки техника воситаларидан фойдалана билиш ва уларни бошқариш соҳасидаги кўникмалар ва маҳорат қўлланиладиган, шунингдек, спорт турларидан олинган, амалий аҳамиятга эга бўлган машқлар бирикмасидан фойдаланиладиган спорт турлари.
3. Ушбу Регламентга мувофиқ ариза берувчига:
а) спорт унвонлари:
Халқаро тоифадаги Ўзбекистон спорт устаси;
Ўзбекистон спорт устаси ёки Ўзбекистон гроссмейстери;
б) спорт разрядлари:
Ўзбекистон спорт усталигига ёки Ўзбекистон гроссмейстерлигига номзод;
биринчи спорт разряди;
иккинчи спорт разряди;
учинчи спорт разряди;
ўсмирлар учун биринчи спорт разряди;
ўсмирлар учун иккинчи спорт разряди;
ўсмирлар учун учинчи спорт разряди берилади.
4. Халқаро гроссмейстер спорт унвони тегишли халқаро спорт ташкилоти томонидан берилади. Халқаро гроссмейстер спорт унвонини олган спортчилар Халқаро тоифадаги Ўзбекистон спорт устаси спорт унвонини олган спортчиларга тенглаштирилади.
5. Спорт унвонлари республика спорт федерациялари (уюшмалари) ёки уларнинг ҳудудий бўлинмалари, спорт клублари, Ўзбекистон Мудофаасига кўмаклашувчи «Ватанпарвар» ташкилоти Марказий Кенгаши ва Ўзбекистон Республикаси Мудофаа вазирлигининг Марказий ҳарбий спорт клубининг тақдимномаларига асосан Ўзбекистон Республикаси Спорт вазирлиги томонидан берилади.
6. Спорт разрядлари:
спорт турларини ривожлантириш республика марказлари, ихтисослаштирилган спорт мактаблари, спорт мактаблари, Ўзбекистон Мудофаасига кўмаклашувчи «Ватанпарвар» ташкилотининг минтақавий кенгашлари, Ўзбекистон Республикаси Мудофаа вазирлигининг Марказий ҳарбий спорт клуби спортчиларига Ўзбекистон спорт усталигига номзод, Ўзбекистон гроссмейстерлигига номзод ва биринчи спорт разрядлари — мазкур ташкилотларнинг тақдимномасига асосан қатъий равишда Қорақалпоғистон Республикаси Спорт вазирлиги, вилоятлар ва Тошкент шаҳар спорт бошқармалари томонидан;
ихтисослаштирилган спорт мактаблари, спорт мактаблари, Ўзбекистон Мудофаасига кўмаклашувчи «Ватанпарвар» ташкилотининг минтақавий кенгашлари, Ўзбекистон Республикаси Мудофаа вазирлигининг Марказий ҳарбий спорт клуби спортчиларига иккинчи ва учинчи спорт разрядлари, ўсмирлар учун биринчи, иккинчи ва учинчи спорт разрядлари — қатъий равишда ушбу ташкилотлар томонидан спортчилар тренерларининг тақдимномаларига асосан;
ўрта махсус, профессионал таълим ҳамда олий таълим муассасаларининг спортчиларига биринчи спорт разряди — қатъий равишда Ўзбекистон талабалар спорти ассоциацияси, иккинчи ва учинчи спорт разрядлари — қатъий равишда Ўзбекистон талабалар спорти ассоциациясининг минтақавий бўлимлари томонидан спортчилар тренерларининг тақдимномаларига асосан;
бошқа жисмоний тарбия-спорт ташкилотлари спортчиларига — Ўзбекистон спорт усталигига номзод, Ўзбекистон гроссмейстерига номзод, биринчи, иккинчи ва учинчи спорт разрядлари, ўсмирлар учун биринчи, иккинчи ва учинчи спорт разрядлари ушбу ташкилотларнинг ёхуд тегишли спорт тури бўйича спорт федерацияларининг (уюшмаларининг) ёки уларнинг ҳудудий бўлинмаларининг тақдимномаларига асосан — тегишлича Қорақалпоғистон Республикаси Спорт вазирлиги, вилоятлар ва Тошкент шаҳар спорт бошқармалари томонидан, бунда спортнинг техник ва амалий турлари бўйича иккинчи ва учинчи спорт разрядлари, ўсмирлар учун биринчи, иккинчи ва учинчи спорт разрядлари — тегишлича Ўзбекистон Мудофаасига кўмаклашувчи «Ватанпарвар» ташкилотининг минтақавий кенгашлари томонидан берилади.
7. Спорт унвонлари ва спорт разрядлари спортчиларга умрбод берилади.
8. Спорт тури бўйича ЯСТ мавжуд бўлмаса, ушбу спорт тури бўйича спорт унвонлари ва спорт разрядлари берилмайди.
ЯСТ Олимпия ва Паралимпия ўйинлари ўтказилишининг даврийлигини инобатга олиб, ҳар 4 йилда бир марта келгуси 4 йил муддатга спорт федерацияларининг (уюшмаларининг), спортнинг техник ва амалий турлари бўйича эса — Ўзбекистон Мудофаасига кўмаклашувчи «Ватанпарвар» ташкилоти Марказий Кенгашининг тақдимномаларига асосан Олимпия ўйинлари ўтказилган йил якунига қадар Ўзбекистон Республикаси спорт вазирининг буйруғи билан тасдиқланади.
9. Ариза берувчиларга давлат хизмати давлат хизматлари марказлари ва ЯИДХП орқали:
спорт унвонлари олиш учун — Ўзбекистон Республикаси Спорт вазирлиги томонидан;
спорт разрядлари олиш учун — доимий яшаш ҳудудидаги Қорақалпоғистон Республикаси Спорт вазирлиги, вилоятлар ва Тошкент шаҳар спорт бошқармалари (кейинги ўринларда — ҳудудий бошқармалар) томонидан кўрсатилади.
2-боб. Давлат хизматини кўрсатиш тартиби
10. Спорт унвонлари ва спорт разрядларини бериш бўйича давлат хизмати мазкур Регламентга 2-иловага мувофиқ схема асосида кўрсатилади.
11. Ариза берувчи спорт унвонлари ва спорт разрядларини олиш учун исталган Давлат хизматлари марказига мурожаат қилади ёки ЯИДХПда давлат хизматидан электрон шаклда фойдаланиш учун рўйхатдан ўтади.
12. Ариза берувчининг мурожаатига асосан Давлат хизматлари маркази ходими ариза берувчининг номидан, ЯИДХП орқали мурожаат қилинганда эса — ариза берувчи мустақил равишда ушбу Регламентга 3-иловага мувофиқ сўровномани электрон шаклда тўлдиради ва қуйидаги ҳужжатларни илова қилади:
а) спорт унвонларини олишда:
агар ариза ўн олти ёшга тўлмаган шахснинг қонуний вакили томонидан берилса, унинг шахсий идентификация рақами (ЖШШИР) ва боланинг қонуний вакили эканлигини тасдиқловчи ҳужжат;
расмий спорт мусобақаларидаги ютуқлари акс эттирилган дипломлари (сертификатлари), ушбу мусобақа баёни (протокол) нусхаси;
спорт унвонини бериш тўғрисидаги тақдимнома;
спорт паспортининг нусхаси (агар мавжуд бўлса);
б) спорт разрядларини олишда:
агар ариза ўн олти ёшга тўлмаган шахснинг қонуний вакили томонидан берилса, унинг шахсий идентификация рақами (ЖШШИР) ва боланинг қонуний вакили эканлигини тасдиқловчи ҳужжат;
спорт разрядларини бериш тўғрисидаги тақдимнома;
расмий спорт мусобақаларидаги ютуқлари акс эттирилган дипломлари (сертификатлари) нусхаси (агар мавжуд бўлса);
спорт паспортининг нусхаси (агар мавжуд бўлса).
Ариза берувчидан ушбу бандда кўрсатилмаган маълумотлар ва ҳужжатларни тақдим қилишни талаб қилиш қатъиян тақиқланади.
Тақдим этилган ҳужжатлардаги маълумотларнинг тўғрилиги ва ҳаққонийлиги учун ариза берувчи шахсан жавобгар ҳисобланади.
13. Зарур маълумотлар сўровномага киритилгандан сўнг ариза берувчи маълумотларнинг тўғрилигини текширади ва имзоларни идентификация қилишнинг замонавий воситалари (электрон имзо, дактилоскопия, ягона идентификация тизимидаги логин ва пароль, Мобил-ID ва бошқалар) билан тасдиқлайди.
Ариза берувчи ЯИДХП орқали мурожаат этган тақдирда, сўровномани ЭРИ билан тасдиқлаш талаб этилмайди.
Сўровнома тасдиқлангандан сўнг автоматик равишда тегишлилиги бўйича Ўзбекистон Республикаси Спорт вазирлиги ёки унинг ҳудудий бошқармасига юборилади.
14. Сўровномага илова қилинган ҳужжатлар ва улардаги маълумотларнинг тўғри расмийлаштирилганлиги Давлат хизматлари маркази ходими томонидан текшириб олинади.
15. Давлат хизмати бепул кўрсатилади.
16. Ариза берувчи давлат хизматларидан фойдаланишдан уни кўрсатишнинг ҳар қандай босқичида бош тортиш ҳуқуқига эга. Ариза берувчи давлат хизматларидан фойдаланишдан бош тортганда, унинг сўровномаси кўрилмасдан қолдирилади.
17. Ариза берувчи Давлат хизматлари марказига келиб мурожаат этган тақдирда, унинг сўровномаси Давлат хизматлари маркази ходими томонидан тўлдирилиб, ариза берувчи тасдиқлагандан сўнг 10 дақиқа ичида, ЯИДХП орқали мурожаат этганда, автоматик тарзда спорт унвонларини олиш бўйича Ўзбекистон Республикаси Спорт вазирлигига ёки спорт разрядларини олиш бўйича вазирликнинг ҳудудий бошқармасига электрон шаклда юборилади.
18. Ариза тегишлилиги бўйича Ўзбекистон Республикаси Спорт вазирлиги ёки унинг ҳудудий бошқармасига келиб тушган кундан бошлаб 5 иш куни ичида вазирлик ёки бошқарма томонидан:
спортчининг сўровномасида кўрсатилган маълумотлар текширилади;
спортчининг спорт унвони ёки спорт разряди расмийлаштирилади;
расмийлаштирилган спорт унвони ёки спорт разряди ягона электрон бошқарув тизимида қайд этилади.
Агар сўровномага илова қилинган ҳужжатларнинг ҳақиқийлигини «ERP sport» ягона электрон бошқарув тизими орқали аниқлашнинг имкони бўлмаса, тегишлилиги бўйича Ўзбекистон Республикаси Спорт вазирлиги ёки унинг ҳудудий бошқармаси спорт унвонини ёки спорт разрядини бериш тўғрисидаги тақдимномани расмийлаштирган ташкилотга илова қилинган ҳужжатларнинг ҳақиқийлигини тасдиқлаш бўйича мурожаат юборади.
Бунда Ўзбекистон Республикаси Спорт вазирлиги ёки унинг ҳудудий бошқармаси томонидан юборилган сўровнинг электрон шакли (pdf форматда) идоралараро электрон тизимга жойлаштирилганда, аризани кўриб чиқиш муддати 15 иш кунига узайтирилади ҳамда ариза берувчига ЯИДХП орқали электрон шаклда хабарнома юборилади.
19. Ўзбекистон Республикаси Спорт вазирлиги ёки унинг ҳудудий бошқармаси мазкур Регламентга 4 ва 4а-иловаларга мувофиқ спорт унвони ёки спорт разряди тўғрисидаги гувоҳнома ёки асосланган рад жавобини бериш ҳақидаги маълумотни QR-код (матрик штрихли код) қўйилган ҳолда расмийлаштиради ҳамда уни ўз ЭРИси билан тасдиқлаган ҳолда, бир иш куни ичида Давлат хизматлари марказига (ўзи келган ҳолда мурожаат қилинганда) ёки ариза берувчига (электрон шаклда мурожаат қилинганда) ЯИДХП орқали электрон шаклда юборади.
Ариза берувчи спорт унвони ёки спорт разряди расмийлаштирилганлиги тўғрисидаги хабарномани олгандан сўнг Давлат хизматлари марказига келиб, электрон шаклдаги спорт унвони ёки спорт разрядини тасдиқловчи гувоҳномани олиш ҳуқуқига эга бўлади.
Сўровномада ариза берувчи томонидан давлат хизматларини кўрсатишнинг натижасини олиб кетишга масъул шахс кўрсатилган ҳолатларда давлат хизматларини кўрсатишнинг натижасини ушбу шахсга тақдим этишда тегишли ишончнома талаб этилмайди.
20. Қуйидагилар давлат хизматини кўрсатишни рад этиш учун асос ҳисобланади:
ариза берувчи томонидан сўровномада нотўғри маълумотларнинг кўрсатилиши;
мазкур Регламентнинг 12-бандида кўрсатилган ҳужжатлар тўлиқ илова қилинмаганда;
тақдимномани расмийлаштирган ташкилотга юборилган сўров натижасига кўра сўровномага илова қилинган ҳужжатларнинг ҳақиқий эмаслиги аниқланганда.
Давлат хизматини кўрсатишни бошқа асослар бўйича рад этиш тақиқланади.
Ушбу банднинг иккинчи ва учинчи хатбошиларида кўрсатилган камчиликлар аниқланганда, Ўзбекистон Республикаси Спорт вазирлиги ёки унинг ҳудудий бошқармаси уларни бартараф этиш учун ариза берувчига бир иш куни ичида камчиликларни бартараф этиш зарурлиги тўғрисида хабарнома юборади.
Хабарнома тақдим этилган ҳужжатларда аниқланган камчиликлар ҳамда уларни бартараф этиш усуллари, шунингдек, ариза берувчи кўрсатилган сабабларни бартараф қилиб, тегишли ҳужжатларни кўриб чиқиш учун такроран тақдим этиши мумкин бўлган муддат кўрсатилган ҳолда юборилади. Хабарномада кўрсатилган муддат камчиликларни бартараф этиш учун зарур бўладиган вақтга мутаносиб бўлиши, лекин беш иш кунидан кам бўлмаслиги лозим.
Камчиликларни бартараф этиш бўйича хабарнома юборилган тақдирда, аризани кўриб чиқиш муддати хабарномада кўрсатилган муддатга тўхтатиб турилади.
Ҳужжатлар хабарномада кўрсатилган камчиликларни бартараф этмасдан ёки хабарномада кўрсатилган муддат ўтгандан кейин тақдим этилган тақдирда, Ўзбекистон Республикаси Спорт вазирлиги ёки унинг ҳудудий бошқармаси спорт унвони ёки спорт разрядини беришни рад этиш ҳақида қарор қабул қилишга ҳақли. Бунда спорт унвони ёки спорт разрядини беришни камчиликларни бартараф этиш тўғрисидаги хабарномада кўрсатилмаган янги асослар бўйича рад этишга йўл қўйилмайди.
21. Аризанинг тегишлилиги бўйича Ўзбекистон Республикаси Спорт вазирлиги ёки унинг ҳудудий бошқармаси томонидан тақдимномани расмийлаштирган ташкилотга юборилган сўровга 15 иш кунида жавоб олинмаганда, шунингдек, мурожаатга илова қилинган ҳужжатларнинг ҳақиқий ёки ҳақиқий эмаслиги ҳақида кечикиб жавоб олинганда, Ўзбекистон Республикаси Спорт вазирлиги ёки унинг ҳудудий бошқармаси бу ҳақда ЯИДХП орқали ариза берувчини хабардор қилади.
Бунда мурожаатга илова қилинган ҳужжатларнинг ҳақиқийлиги тақдимномани расмийлаштирган ташкилот томонидан 15 иш куни ўтиб тасдиқланганда, ариза берувчи мазкур Регламент талабларига мувофиқ такроран мурожаат этмасдан, унга спорт унвони ёки спорт разрядини тасдиқловчи гувоҳнома берилади.
22. Спорт унвони ёки спорт разряди гувоҳномаси спортчининг фамилияси, исми ва (ёки) отасининг исми ўзгарганда алмаштирилади.
Спорт унвони ёки спорт разряди гувоҳномасини қайта расмийлаштириш учун ҳужжатлар Ўзбекистон Республикаси Спорт вазирлиги ёки унинг ҳудудий бошқармасига Давлат хизматлари маркази ёки ЯИДХП орқали тақдим этилади.
Спорт унвони ёки спорт разряди гувоҳномасини қайта расмийлаштириш тўғрисидаги ариза олдин берилган спорт унвони ёки спорт разряди гувоҳномаси илова қилинган ҳолда, Ўзбекистон Республикаси Спорт вазирлиги ёки унинг ҳудудий бошқармасига келиб тушган кундан бошлаб беш иш куни ичида спорт унвони ёки спорт разряди гувоҳномаси қайта расмийлаштириб берилади.
Спорт унвони ёки спорт разряди гувоҳномасини қайта расмийлаштиришда реестрга тегишли ўзгартиришлар киритилади.
Спорт унвони ёки спорт разряди гувоҳномасини қайта расмийлаштиришда, спорт унвони ёки спорт разряди гувоҳномасини берганлик учун йиғим ундирилмайди.
3-боб. Якунловчи қоидалар
23. Давлат хизматлари марказлари ҳамда Ўзбекистон Республикаси Спорт вазирлиги ёки унинг ҳудудий бошқармаси ўз фаолиятини амалга ошириши натижасида олинган маълумотларнинг сир сақланишини таъминлайди.
24. Ўзбекистон Республикаси Адлия вазирлиги, Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари ва давлат хизматлари марказлари ушбу Регламент талаблари бажарилиши бўйича давлат органлари ва бошқа ташкилотларнинг фаолиятини доимий назорат қиладилар ва мониторинг олиб борадилар.
25. Ариза берувчи давлат органлари ва бошқа ташкилотлар ходимларининг хатти-ҳаракатлари юзасидан қонунчилик ҳужжатларида белгиланган тартибда шикоят қилишлари мумкин.
26. Спорт унвонини ва спорт разрядини бериш тўғрисидаги тақдимномада кўрсатилган маълумотларнинг ҳақиқийлиги бўйича тақдимномани расмийлаштирган ташкилотлар жавобгар ҳисобланади.
27. Ушбу Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Спортчиларга спорт унвонлари ва спорт разрядларини бериш бўйича давлат хизматларини кўрсатишнинг маъмурий регламентига 1-ИЛОВА
Спорт унвони ёки спорт разрядини бериш тўғрисида
Тақдимнома Унвон/Разряд Спортчининг 3х4 ўлчамли рангли фотосурати Спорт тури - Ф.И.О. - Миллати - Туғилган санаси: (куни, ой, йил) - Спорт билан шуғулланиш стажи - Спортчини тайёрлаган мураббийларнинг Ф.И.О - Асосий кўрсаткичлари (нормативлари) Бажарилиш санаси ( кун, ой, йил ) Мусобақа номи (соҳа коди) Мусобақа даражаси, тоифаси Кўрсатилган натижа - - - - Расмий спорт мусобақаларидаги ютуқлари ( агар мавжуд бўлса ) Мусобақа номи Мусобақа санаси (кун, ой, йил) Мусобақа ўтказилган жой Кўрсатган натижаси - - - - Ваколатли ташкилотнинг номи - Таълим муассасаси ( иш жойи ), лавозими - Жойлашган манзили. - Бошланғич жисмоний тарбия ташкилоти - Раҳбар ____________________ __________________ ____________________ Ф.И.О. (имзо, муҳр) Сана: _____ йил «___»__________
Спортчиларга спорт унвонлари ва спорт разрядларини бериш бўйича давлат хизматларини кўрсатишнинг маъмурий регламентига 2-ИЛОВА
Спорт унвонлари ва спорт разрядларини бериш бўйича давлат хизматларини кўрсатиш
Босқич Масъуллар Чора-тадбирлар Бажариш муддати 1 - босқич Ариза берувчи Давлат хизматидан фойдаланиш учун Давлат хизматлари марказига ўзи келган ҳолда ёки ЯИДХП орқали мурожаат қилади. ЯСТ нормалари ва талаблари, шунингдек, уларни бажариш шартлари бажарилган кундан бошлаб икки йил ичида 2 - босқич 1. Давлат хизматлари маркази 1. Давлат хизматлари маркази ходими ариза берувчи номидан тегишли сўровномани тўлдиради ва электрон шаклда спорт унвонларини олиш бўйича Спорт вазирлигига, спорт разрядларини олиш бўйича Спорт вазирлигининг ҳудудий бошқармасига юборади. 1. Ўн дақиқа ичида 2. ЯИДХП 2. Тўлдирилган сўровномани ЯИДХП орқали спорт унвонларини олиш бўйича — Спорт вазирлигига, спорт разрядларини олиш бўйича — Спорт вазирлигининг ҳудудий бошқармасига юборади. 2. Автоматик тарзда. 3 - босқич Спорт вазирлиги ва унинг ҳудудий бошқармаси 1. Сўровнома ва унга илова қилинган ҳужжатларни ўрганиб чиқади. 2. Спорт унвони ёки спорт разрядини бериш ёхуд беришни рад этиш тўғрисида қарор қабул қилади. 3. Спорт унвони ёки спорт разрядини бериш тўғрисида қарор қабул қилинганда, шу куннинг ўзида QR-код қўйилган гувоҳномани расмийлаштиради ва ЭРИси билан тасдиқлаб, тегишли Давлат хизматлари марказига (ўзи мурожаат этганда) ёки ариза берувчига ЯИДХП орқали (электрон шаклда мурожаат этганда) электрон шаклда юборади. 4. Спорт унвони ёки спорт разрядини бериш рад этилганда, бу ҳақда ариза берувчига ЯИДХП орқали электрон шаклда хабарнома юборади. Мурожаат келиб тушгандан сўнг беш иш кунида (аризани кўриб чиқиш муддати узайтирилган ҳолатлар бундан мустасно) 4 - босқич Давлат хизматлари маркази ёки ЯИДХП 1. Спорт унвони ёки спорт разряди гувоҳномасини электрон шаклда талабгорнинг электрон манзилига юборади ва уни бу ҳақда ахборот-коммуникация тизими орқали хабардор қилади. Спорт унвони ёки спорт разряди гувоҳномаси электрон шаклда келиб тушгандан сўнг ўн дақиқа мобайнида 2. Ариза берувчи Давлат хизматлари марказига ўзи келиб мурожаат қилган тақдирда, унинг сўровига кўра унга спорт унвони ёки спорт разряди гувоҳномасини электрон ёки қоғоз шаклда беради. Ариза берувчининг сўровига кўра
Спортчиларга спорт унвонлари ва спорт разрядларини бериш бўйича давлат хизматларини кўрсатишнинг маъмурий регламентига 3-ИЛОВА
Спорт унвонлари ва спорт разрядларини бериш бўйича давлат хизматларидан фойдаланиш учун
Ариза т/р Қабул қилиш санаси Қабул қилган шахс - - - Хизмат тури Спорт унвони ёки спорт разрядини олиш I. Ариза берувчи ҳақида маълумот: 1.1. Ф.И.О.: - 1.2. Туғилган санаси: кун/ой/йил 1.3. Жисмоний шахснинг шахсий идентификация рақами (ЖШШИР) (мавжуд бўлса): - 1.4. Телефон рақами: - 1.5. Электрон почта манзили: - 1.6. Яшаш жойи: туман (шаҳар), вилоят, республика II. Ўн олти ёшга тўлмаган шахс ва унинг қонуний вакили ҳақидаги маълумотлар: 2.1.1. Ўн олти ёшга тўлмаган шахснинг Ф.И.О.: - 2.1.2. Туғилган санаси: йил/кун/ой 2.1.3. Туғилганлик ҳақидаги гувоҳнома рақами: 2.2.1. Боланинг қонуний вакили Ф.И.О. Бунда боланинг қонуний вакили эканлигини тасдиқловчи ҳужжат илова қилинади (ота-онаси томонидан топширилган аризалар бундан мустасно): илова қилинади (pdf, png, jpg, jpeg форматда) 2.2.2. Қонуний вакилининг шахсий идентификация рақами (ЖШШИР): - 2.2.3. Телефон рақами: - 2.2.4. Электрон почта манзили: - 2.2.5. Доимий яшаш жойи: туман (шаҳар), вилоят, республика III. Спорт унвонлари ва спорт разрядларини олиш ҳақидаги маълумотлар: Спорт унвонларини олиш бўйича 3.1. Спорт унвонлари тури (танланади) 3.2. Расмий спорт мусобақаларидаги ютуқлари акс эттирилган дипломлар (сертификатлари) нусхаси (илова қилинади) 3.3. Спорт унвонини бериш тўғрисидаги тақдимнома (илова қилинади) 3.4. Спорт паспортининг нусхаси (агар мавжуд бўлса) Спорт разрядларини олиш бўйича 3.5. Спорт разрядлари тури (танланади) 3.6. Спорт разрядларини бериш тўғрисидаги тақдимнома (илова қилинади) 3.7. Расмий спорт мусобақаларидаги ютуқлари акс эттирилган дипломлар (сертификатлар) нусхаси (агар мавжуд бўлса) (илова қилинади) 3.8. Спорт паспортининг нусхаси (агар мавжуд бўлса) (илова қилинади) IV. Давлат хизматини кўрсатиш натижасини олиб кетувчи шахс (агар мавжуд бўлса) тўғрисидаги маълумотлар: ЖШШИР
Спортчиларга спорт унвонлари ва спорт разрядларини бериш бўйича давлат хизматларини кўрсатишнинг маъмурий регламентига 4-ИЛОВА
Спорт унвони ҳақида
(тавсифи)
Спорт унвонлари ҳақидаги гувоҳнома А5 форматдаги оқ қоғозда, саккиз хил рангдан: матн учун — қора ранг, расмлар тасвири учун — яшил, кўк, сариқ, ҳаво ранг, жигар ранг, кул ранг ва қизил ранглардан, фон учун — оқ рангдан фойдаланган ҳолда босиб чиқарилади.
Варақнинг чап юқори қисмида Ягона интерактив давлат хизматлари портали тасвири, ўртасида Ўзбекистон Республикаси Давлат герби тасвири, ўнг юқори қисмида ваколатли органнинг номи ҳамда давлат тилида лотин ёзуви билан қуйидагилар жойлаштирилади:
Спорт унвонлари:
а) қуйидаги тартибда:
Халқаро тоифадаги Ўзбекистон спорт устаси тўғрисида;
Халқаро тоифадаги Ўзбекистон спорт гроссмейстери тўғрисида;
Ўзбекистон спорт устаси тўғрисида;
Ўзбекистон спорт гроссмейстери тўғрисида;
ГУВОҲНОМА
ХТSU № 000000;
QR-код жойи;
б) Гувоҳноманинг чап қисмида давлат тилида лотин ёзувида қуйидагилар жойлаштирилади:
спортчининг фамилияси, исми, отасининг исми;
спорт турининг номи;
спорт унвони номи;
ваколатли шахснинг номи;
в) Гувоҳнома:
тартиб рақами тўрт лотин ҳарфидан «ХТSU» ва олтита рақамли сондан иборат бўлиши;
барча матн ва тасвирлар оқ рангли фонда жойлаштирилиши;
такрорланмайдиган рақамлардан, олтита ҳимояга эга ва кетма-кет ўзгарувчи рақамлардан иборат бўлиши;
ёруғлик воситасида нусха кўчирилишини мураккаблаштириш учун бўёқнинг очиқ рангларидан иборат бўлиши лозим;
г) Гувоҳноманинг электрон шакли ҳисобга олиш серияси, QR-код ва тартиб рақамига эга бўлади.
QR-код гувоҳнома пастки қисмининг ўнг томонига жойлаштирилади.
Мазкур гувоҳнома қоғоз ёки электрон шаклда берилиши мумкин.
Oʻzbekiston Respublikasi Sport vazirligi Sport turlari boʻyicha sportchiga sport unvoni berilganligi toʻgʻrisida GUVOHNOMA XTSU № 000000 F.I.O.__________________________________________________________________________________________________________ Sport turi ______________________________________________________________________________________________________ «_____________________________» sport unvoni berildi. Vakolatli shaxs __________________ QR-kod Mazkur hujjat Vazirlar Mahkamasining 2017-yil 15-sentabrdagi 728-son qarori bilan tasdiqlangan Oʻzbekiston Respublikasi Yagona interaktiv davlat xizmatlari portali toʻgʻrisidagi nizomga muvofiq shakllantirilgan elektron hujjatning nusxasi hisoblanadi. Elektron hujjatning nusxasida koʻrsatilgan maʼlumotlar toʻgʻriligini tekshirish uchun edoc.gov.uz veb-saytiga oʻting va elektron hujjatning noyob raqamini kiriting yoki mobil telefon yordamida QR-kodni skaner qiling. Diqqat! Vazirlar Mahkamasining 2017-yil 15-sentabrdagi 728-son qaroriga muvofiq elektron hujjatlardagi maʼlumotlar qonuniy hisoblanadi. Davlat organlariga Yagona portalda shakllantirilgan elektron hujjatlarning nusxalarini qabul qilishni rad etishlari qatʼiyan taqiqlangan.
Спортчиларга спорт унвонлари ва спорт разрядларини бериш бўйича давлат хизматларини кўрсатишнинг маъмурий регламентига 4а-ИЛОВА
Спорт разряди ҳақида
(тавсифи)
Спорт разряди ҳақидаги гувоҳнома А5 форматдаги оқ қоғозда, саккиз хил рангдан: матн учун — қора ранг, расмлар тасвири учун — яшил, кўк, сариқ, ҳаво ранг, жигар ранг, кул ранг ва қизил ранглардан, фон учун — оқ рангдан фойдаланган ҳолда босиб чиқарилади.
Варақнинг чап юқори қисмида Ягона интерактив давлат хизматлари портали тасвири, ўртасида Ўзбекистон Республикаси Давлат герби тасвири, ўнг юқори қисмида ваколатли органнинг номи ҳамда давлат тилида лотин ёзуви билан қуйидагилар жойлаштирилади:
Спорт разрядлари:
а) қуйидаги тартибда:
Ўзбекистон спорт усталигига номзод тўғрисида;
Ўзбекистон гроссмейстерлигига номзод тўғрисида;
биринчи спорт разряди тўғрисида;
иккинчи спорт разряди тўғрисида;
учинчи спорт разряди тўғрисида;
ўсмирлар учун биринчи спорт разряди тўғрисида;
ўсмирлар учун иккинчи спорт разряди тўғрисида;
ўсмирлар учун учинчи спорт разряди тўғрисида;
ГУВОҲНОМА
SR № 000000;
QR-код жойи;
б) Гувоҳноманинг чап қисмида давлат тилида лотин ёзувида қуйидагилар жойлаштирилади:
спортчининг фамилияси, исми, отасининг исми;
спорт турининг номи;
спорт разряди номи;
ваколатли шахснинг номи;
в) Гувоҳнома:
тартиб рақами иккита лотин ҳарфидан «SR» ва олтита рақамли сондан иборат бўлиши;
барча матн ва тасвирлар оқ рангли фонда жойлаштирилиши;
такрорланмайдиган рақамлардан, олтита ҳимояга эга ва кетма-кет ўзгарувчи рақамлардан иборат бўлиши;
ёруғлик воситасида нусха кўчирилишини мураккаблаштириш учун бўёқнинг очиқ рангларидан иборат бўлиши лозим;
г) Гувоҳноманинг электрон шакли ҳисобга олиш серияси, QR-код ва тартиб рақамига эга бўлади.
QR-код гувоҳнома пастки қисмининг ўнг томонига жойлаштирилади.
Мазкур гувоҳнома қоғоз ёки электрон шаклда берилиши мумкин.
Qoraqalpogʻiston Respublikasi Sport vazirligi, viloyatlar va Toshkent shahar sport boshqarmalari Sport turlari boʻyicha sportchiga sport razryadi berilganligi toʻgʻrisida GUVOHNOMA SR № 000000 F.I.O.__________________________________________________________________________________________________________ Sport turi ______________________________________________________________________________________________________ «_____________________________» sportrazryadi berildi. Vakolatli shaxs __________________ QR-kod Mazkur hujjat Vazirlar Mahkamasining 2017-yil 15-sentabrdagi 728-son qarori bilan tasdiqlangan Oʻzbekiston Respublikasi Yagona interaktiv davlat xizmatlari portali toʻgʻrisidagi nizomga muvofiq shakllantirilgan elektron hujjatning nusxasi hisoblanadi. Elektron hujjatning nusxasida koʻrsatilgan maʼlumotlar toʻgʻriligini tekshirish uchun edoc.gov.uz veb-saytiga oʻting va elektron hujjatning noyob raqamini kiriting yoki mobil telefon yordamida QR-kodni skaner qiling. Diqqat! Vazirlar Mahkamasining 2017-yil 15-sentabrdagi 728-son qaroriga muvofiq elektron hujjatlardagi maʼlumotlar qonuniy hisoblanadi. Davlat organlariga Yagona portalda shakllantirilgan elektron hujjatlarning nusxalarini qabul qilishni rad etishlari qatʼiyan taqiqlangan.
Ўзбекистон Республикасининг Бош вазири А. АРИПОВ
Тошкент ш.,
2023 йил 4 ноябрь,
588-сон
Oʻzbekiston Respublikasi Vazirlar Mahkamasining
qarori
MAʼMURIY REGLAMENTI
TAQDIMNOMA
SXEMASI
SOʻROVNOMA
GUVOHNOMA
GUVOHNOMA
Sportchilarga sport unvonlari va sport razryadlarini berish boʻyicha davlat xizmatlarini koʻrsatishning maʼmuriy reglamentini tasdiqlash toʻgʻrisida
Oʻzbekiston Respublikasi Prezidentining “2022 — 2026-yillarga moʻljallangan Yangi Oʻzbekistonning taraqqiyot strategiyasini “Insonga eʼtibor va sifatli taʼlim yili”da amalga oshirishga oid davlat dasturi toʻgʻrisida” 2023-yil 28-fevraldagi PF-27-son Farmoni ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining 2023-yil 28-fevraldagi PF-27-son Farmoni bilan tasdiqlangan 2022 — 2026-yillarga moʻljallangan Yangi Oʻzbekistonning taraqqiyot strategiyasini “Insonga eʼtibor va sifatli taʼlim yili”da amalga oshirishga oid davlat dasturining 16-bandida sport turlari boʻyicha sport unvonlari va sport razryadlarini berish boʻyicha davlat xizmatlarini Yagona interaktiv davlat xizmatlari portali hamda Davlat xizmatlari markazi orqali koʻrsatishni yoʻlga qoʻyish belgilanganligi maʼlumot uchun qabul qilinsin.
2. Quyidagilarni nazarda tutuvchi Sportchilarga sport unvonlari va sport razryadlarini berish boʻyicha davlat xizmatlarini koʻrsatishning maʼmuriy reglamenti ilovaga muvofiq tasdiqlansin:
sportchilarning sport turlari boʻyicha sport unvonlari va sport razryadlarini olish uchun murojaat qilish tartibi;
sport unvonlari va sport razryadlarini olish uchun ariza hamda hujjatlarni yuborish, koʻrib chiqish va guvohnomani berish tartibi;
sport unvonlari va sport razryadlarining amal qilish muddatini belgilash hamda qayta rasmiylashtirish.
3. Belgilansinki, ushbu qaror bilan tasdiqlangan maʼmuriy reglamentga muvofiq koʻrsatiladigan davlat xizmatidan foydalanish uchun jismoniy shaxslar faqat davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali murojaat qiladilar.
4. Oʻzbekiston Respublikasi Yoshlar siyosati va sport vazirligi Adliya vazirligi bilan birgalikda bir oy muddatda davlat xizmatlari markazlarining xodimlari ishtirokida ushbu qaror bilan tasdiqlangan maʼmuriy reglamentni amalda qoʻllashning samaradorligi va natijadorligini oshirishga yoʻnaltirilgan oʻquv seminarlari tashkil etilishi va oʻtkazilishini taʼminlasin.
5. Oʻzbekiston Respublikasi Yoshlar siyosati va sport vazirligi Raqamli texnologiyalar vazirligi hamda Adliya vazirligi bilan birgalikda 2024-yil 1-yanvarga qadar:
sportchilarga sport unvonlari va sport razryadlarini berish boʻyicha davlat xizmatlari YIDXP orqali koʻrsatilishini taʼminlasin;
sportchilarga sport unvonlari va sport razryadlarini berish boʻyicha davlat xizmatlaridan foydalanish uchun davlat xizmatlari markazlari yoki YIDXP orqali ariza berish hamda 16 yoshga toʻlmagan ariza beruvchilar uchun YIDXP orqali ularning ota-onasi yoki qonuniy vakili tomonidan ariza berish imkoniyatini yaratsin;
YIDXPda davlat xizmatlari koʻrsatilishining har bir bosqichida murojaatlarning koʻrib chiqilishini kuzatib borish tartibini joriy etsin;
“ERP sport” yagona elektron boshqaruv tizimini YIDXPga integratsiya qilish choralarini koʻrsin.
6. Oʻzbekiston Respublikasi Adliya vazirligi:
davlat organlari va boshqa tashkilotlar tomonidan davlat xizmatlari koʻrsatilishining belgilangan tartibi bajarilishi yuzasidan ularning faoliyati boʻyicha, shu jumladan, YIDXP orqali doimiy nazorat oʻrnatsin;
ushbu qaror bilan tasdiqlangan maʼmuriy reglament talablarini buzganlik uchun davlat organlari va boshqa tashkilotlar mansabdor shaxslariga nisbatan belgilangan tartibda maʼmuriy jazolarni qoʻllasin.
7. Oʻzbekiston Respublikasi Yoshlar siyosati va sport vazirligi boshqa manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.
8. Mazkur qarorning bajarilishini nazorat qilish Oʻzbekiston Respublikasi yoshlar siyosati va sport vaziri A.I. Ikramov zimmasiga yuklansin.
Vazirlar Mahkamasining 2023-yil 4-noyabrdagi 588-son qaroriga ILOVA
Sportchilarga sport unvonlari va sport razryadlarini berish boʻyicha davlat xizmatlarini koʻrsatishning
1-bob. Umumiy qoidalar
1. Mazkur Reglament jismoniy shaxslarga (keyingi oʻrinlarda — ariza beruvchi) davlat xizmatlari markazlari va Yagona interaktiv davlat xizmatlari portali orqali (keyingi oʻrinlarda — YIDXP) sport unvonlari va sport razryadlarini berish boʻyicha davlat xizmatlarini (keyingi oʻrinlarda — davlat xizmati) koʻrsatish tartibini belgilaydi.
2. Ushbu Reglamentda quyidagi asosiy tushunchalardan foydalaniladi:
ariza beruvchi — sport unvonlari va sport razryadlari berishni soʻrab belgilangan tartibda murojaat qilgan Oʻzbekiston Respublikasi fuqarosi, Oʻzbekiston Respublikasi hududida yashash guvohnomasiga ega boʻlgan chet el fuqarosi yoki fuqaroligi boʻlmagan shaxs (oʻn olti yoshga toʻlmagan shaxs nomidan murojaat qilganda, uning qonuniy vakili);
Yagona sport tasnifi (keyingi oʻrinlarda — YAST) — sport turlari reyestriga kiritilgan sport turlari boʻyicha tegishli sport unvonlari va sport razryadlarini berish uchun bajarilishi zarur boʻlgan normalar hamda talablar, shuningdek, ularni bajarish shartlari;
sportchi — tanlagan sport turi yoki turlari bilan muntazam shugʻullanadigan, oʻzining sport mahoratini doimiy oshirib boradigan va sport tadbirlarida qatnashadigan jismoniy shaxs;
sport musobaqasi — sportchilar oʻrtasida yoki sportchilar jamoalari oʻrtasida sport turlari boʻyicha musobaqaning eng yaxshi ishtirokchisini aniqlash maqsadida jismoniy tarbiya yoki sport tadbirining tashkilotchisi tomonidan oʻtkaziladigan bellashuv;
sport turi — jismoniy tarbiya va sport sohasidagi faoliyat turi;
sport tadbirlari — sport musobaqalarini, oʻquv-mashq jarayonini va sportchilar ishtirokida sport musobaqalariga tayyorgarlik koʻrish boʻyicha boshqa tadbirlarni oʻz ichiga oladigan jarayonlar;
sport unvonini berish toʻgʻrisida taqdimnoma — respublika sport federatsiyalari (uyushmalari) yoki ularning hududiy boʻlinmalari, sport klublari, Oʻzbekiston Mudofaasiga koʻmaklashuvchi “Vatanparvar” tashkiloti Markaziy Kengashi va Oʻzbekiston Respublikasi Mudofaa vazirligining Markaziy harbiy sport klubi rahbari (yoki uning vazifasini bajaruvchi shaxs) tomonidan ushbu Reglamentga 1-ilovaga muvofiq imzolangan va tashkilot muhri bilan (muhr mavjud boʻlganda) tasdiqlangan holda, ariza beruvchining 2 yil ichidagi YAST normalari va talablari, shuningdek, ularni bajarish shartlari bajarilganligi hamda rasmiy sport musobaqalari yutuqlari toʻgʻrisidagi maʼlumotlarni oʻzida aks ettiruvchi hujjat;
sport razryadlarini berish toʻgʻrisidagi taqdimnoma — sport-taʼlim tashkilotlari, respublika sport federatsiyalari (uyushmalari) yoki ularning hududiy boʻlinmalari, sport klublari, Oʻzbekiston Mudofaasiga koʻmaklashuvchi “Vatanparvar” tashkiloti Markaziy Kengashi yoki uning mintaqaviy kengashlari, Oʻzbekiston Respublikasi Mudofaa vazirligining Markaziy harbiy sport klubi, Oʻzbekiston talabalar sporti assotsiatsiyasi yoki uning mintaqaviy boʻlimlari rahbari (yoki uning vazifasini bajaruvchi shaxs) tomonidan ushbu Reglamentga 1-ilovaga muvofiq imzolangan va tashkilot muhri bilan (muhr mavjud boʻlganda) tasdiqlangan holda, ariza beruvchining 6 oy ichidagi YAST normalari va talablari, shuningdek, ularni bajarish shartlari bajarilganligi toʻgʻrisidagi maʼlumotlarni oʻzida aks ettiruvchi hujjat;
sportning texnik va amaliy turlari — sport natijalariga erishish uchun sportchi tomonidan umumiy jismoniy mashqlar majmuasidan tashqari sport texnikasidan, moslamalaridan yoki texnika vositalaridan foydalana bilish va ularni boshqarish sohasidagi koʻnikmalar va mahorat qoʻllaniladigan, shuningdek, sport turlaridan olingan, amaliy ahamiyatga ega boʻlgan mashqlar birikmasidan foydalaniladigan sport turlari.
3. Ushbu Reglamentga muvofiq ariza beruvchiga:
a) sport unvonlari:
Xalqaro toifadagi Oʻzbekiston sport ustasi;
Oʻzbekiston sport ustasi yoki Oʻzbekiston grossmeysteri;
b) sport razryadlari:
Oʻzbekiston sport ustaligiga yoki Oʻzbekiston grossmeysterligiga nomzod;
birinchi sport razryadi;
ikkinchi sport razryadi;
uchinchi sport razryadi;
oʻsmirlar uchun birinchi sport razryadi;
oʻsmirlar uchun ikkinchi sport razryadi;
oʻsmirlar uchun uchinchi sport razryadi beriladi.
4. Xalqaro grossmeyster sport unvoni tegishli xalqaro sport tashkiloti tomonidan beriladi. Xalqaro grossmeyster sport unvonini olgan sportchilar Xalqaro toifadagi Oʻzbekiston sport ustasi sport unvonini olgan sportchilarga tenglashtiriladi.
5. Sport unvonlari respublika sport federatsiyalari (uyushmalari) yoki ularning hududiy boʻlinmalari, sport klublari, Oʻzbekiston Mudofaasiga koʻmaklashuvchi “Vatanparvar” tashkiloti Markaziy Kengashi va Oʻzbekiston Respublikasi Mudofaa vazirligining Markaziy harbiy sport klubining taqdimnomalariga asosan Oʻzbekiston Respublikasi Sport vazirligi tomonidan beriladi.
6. Sport razryadlari:
sport turlarini rivojlantirish respublika markazlari, ixtisoslashtirilgan sport maktablari, sport maktablari, Oʻzbekiston Mudofaasiga koʻmaklashuvchi “Vatanparvar” tashkilotining mintaqaviy kengashlari, Oʻzbekiston Respublikasi Mudofaa vazirligining Markaziy harbiy sport klubi sportchilariga Oʻzbekiston sport ustaligiga nomzod, Oʻzbekiston grossmeysterligiga nomzod va birinchi sport razryadlari — mazkur tashkilotlarning taqdimnomasiga asosan qatʼiy ravishda Qoraqalpogʻiston Respublikasi Sport vazirligi, viloyatlar va Toshkent shahar sport boshqarmalari tomonidan;
ixtisoslashtirilgan sport maktablari, sport maktablari, Oʻzbekiston Mudofaasiga koʻmaklashuvchi “Vatanparvar” tashkilotining mintaqaviy kengashlari, Oʻzbekiston Respublikasi Mudofaa vazirligining Markaziy harbiy sport klubi sportchilariga ikkinchi va uchinchi sport razryadlari, oʻsmirlar uchun birinchi, ikkinchi va uchinchi sport razryadlari — qatʼiy ravishda ushbu tashkilotlar tomonidan sportchilar trenerlarining taqdimnomalariga asosan;
oʻrta maxsus, professional taʼlim hamda oliy taʼlim muassasalarining sportchilariga birinchi sport razryadi — qatʼiy ravishda Oʻzbekiston talabalar sporti assotsiatsiyasi, ikkinchi va uchinchi sport razryadlari — qatʼiy ravishda Oʻzbekiston talabalar sporti assotsiatsiyasining mintaqaviy boʻlimlari tomonidan sportchilar trenerlarining taqdimnomalariga asosan;
boshqa jismoniy tarbiya-sport tashkilotlari sportchilariga — Oʻzbekiston sport ustaligiga nomzod, Oʻzbekiston grossmeysteriga nomzod, birinchi, ikkinchi va uchinchi sport razryadlari, oʻsmirlar uchun birinchi, ikkinchi va uchinchi sport razryadlari ushbu tashkilotlarning yoxud tegishli sport turi boʻyicha sport federatsiyalarining (uyushmalarining) yoki ularning hududiy boʻlinmalarining taqdimnomalariga asosan — tegishlicha Qoraqalpogʻiston Respublikasi Sport vazirligi, viloyatlar va Toshkent shahar sport boshqarmalari tomonidan, bunda sportning texnik va amaliy turlari boʻyicha ikkinchi va uchinchi sport razryadlari, oʻsmirlar uchun birinchi, ikkinchi va uchinchi sport razryadlari — tegishlicha Oʻzbekiston Mudofaasiga koʻmaklashuvchi “Vatanparvar” tashkilotining mintaqaviy kengashlari tomonidan beriladi.
7. Sport unvonlari va sport razryadlari sportchilarga umrbod beriladi.
8. Sport turi boʻyicha YAST mavjud boʻlmasa, ushbu sport turi boʻyicha sport unvonlari va sport razryadlari berilmaydi.
YAST Olimpiya va Paralimpiya oʻyinlari oʻtkazilishining davriyligini inobatga olib, har 4 yilda bir marta kelgusi 4 yil muddatga sport federatsiyalarining (uyushmalarining), sportning texnik va amaliy turlari boʻyicha esa — Oʻzbekiston Mudofaasiga koʻmaklashuvchi “Vatanparvar” tashkiloti Markaziy Kengashining taqdimnomalariga asosan Olimpiya oʻyinlari oʻtkazilgan yil yakuniga qadar Oʻzbekiston Respublikasi sport vazirining buyrugʻi bilan tasdiqlanadi.
9. Ariza beruvchilarga davlat xizmati davlat xizmatlari markazlari va YIDXP orqali:
sport unvonlari olish uchun — Oʻzbekiston Respublikasi Sport vazirligi tomonidan;
sport razryadlari olish uchun — doimiy yashash hududidagi Qoraqalpogʻiston Respublikasi Sport vazirligi, viloyatlar va Toshkent shahar sport boshqarmalari (keyingi oʻrinlarda — hududiy boshqarmalar) tomonidan koʻrsatiladi.
2-bob. Davlat xizmatini koʻrsatish tartibi
10. Sport unvonlari va sport razryadlarini berish boʻyicha davlat xizmati mazkur Reglamentga 2-ilovaga muvofiq sxema asosida koʻrsatiladi.
11. Ariza beruvchi sport unvonlari va sport razryadlarini olish uchun istalgan Davlat xizmatlari markaziga murojaat qiladi yoki YIDXPda davlat xizmatidan elektron shaklda foydalanish uchun roʻyxatdan oʻtadi.
12. Ariza beruvchining murojaatiga asosan Davlat xizmatlari markazi xodimi ariza beruvchining nomidan, YIDXP orqali murojaat qilinganda esa — ariza beruvchi mustaqil ravishda ushbu Reglamentga 3-ilovaga muvofiq soʻrovnomani elektron shaklda toʻldiradi va quyidagi hujjatlarni ilova qiladi:
a) sport unvonlarini olishda:
agar ariza oʻn olti yoshga toʻlmagan shaxsning qonuniy vakili tomonidan berilsa, uning shaxsiy identifikatsiya raqami (JSHSHIR) va bolaning qonuniy vakili ekanligini tasdiqlovchi hujjat;
rasmiy sport musobaqalaridagi yutuqlari aks ettirilgan diplomlari (sertifikatlari), ushbu musobaqa bayoni (protokol) nusxasi;
sport unvonini berish toʻgʻrisidagi taqdimnoma;
sport pasportining nusxasi (agar mavjud boʻlsa);
b) sport razryadlarini olishda:
agar ariza oʻn olti yoshga toʻlmagan shaxsning qonuniy vakili tomonidan berilsa, uning shaxsiy identifikatsiya raqami (JSHSHIR) va bolaning qonuniy vakili ekanligini tasdiqlovchi hujjat;
sport razryadlarini berish toʻgʻrisidagi taqdimnoma;
rasmiy sport musobaqalaridagi yutuqlari aks ettirilgan diplomlari (sertifikatlari) nusxasi (agar mavjud boʻlsa);
sport pasportining nusxasi (agar mavjud boʻlsa).
Ariza beruvchidan ushbu bandda koʻrsatilmagan maʼlumotlar va hujjatlarni taqdim qilishni talab qilish qatʼiyan taqiqlanadi.
Taqdim etilgan hujjatlardagi maʼlumotlarning toʻgʻriligi va haqqoniyligi uchun ariza beruvchi shaxsan javobgar hisoblanadi.
13. Zarur maʼlumotlar soʻrovnomaga kiritilgandan soʻng ariza beruvchi maʼlumotlarning toʻgʻriligini tekshiradi va imzolarni identifikatsiya qilishning zamonaviy vositalari (elektron imzo, daktiloskopiya, yagona identifikatsiya tizimidagi login va parol, Mobil-ID va boshqalar) bilan tasdiqlaydi.
Ariza beruvchi YIDXP orqali murojaat etgan taqdirda, soʻrovnomani ERI bilan tasdiqlash talab etilmaydi.
Soʻrovnoma tasdiqlangandan soʻng avtomatik ravishda tegishliligi boʻyicha Oʻzbekiston Respublikasi Sport vazirligi yoki uning hududiy boshqarmasiga yuboriladi.
14. Soʻrovnomaga ilova qilingan hujjatlar va ulardagi maʼlumotlarning toʻgʻri rasmiylashtirilganligi Davlat xizmatlari markazi xodimi tomonidan tekshirib olinadi.
15. Davlat xizmati bepul koʻrsatiladi.
16. Ariza beruvchi davlat xizmatlaridan foydalanishdan uni koʻrsatishning har qanday bosqichida bosh tortish huquqiga ega. Ariza beruvchi davlat xizmatlaridan foydalanishdan bosh tortganda, uning soʻrovnomasi koʻrilmasdan qoldiriladi.
17. Ariza beruvchi Davlat xizmatlari markaziga kelib murojaat etgan taqdirda, uning soʻrovnomasi Davlat xizmatlari markazi xodimi tomonidan toʻldirilib, ariza beruvchi tasdiqlagandan soʻng 10 daqiqa ichida, YIDXP orqali murojaat etganda, avtomatik tarzda sport unvonlarini olish boʻyicha Oʻzbekiston Respublikasi Sport vazirligiga yoki sport razryadlarini olish boʻyicha vazirlikning hududiy boshqarmasiga elektron shaklda yuboriladi.
18. Ariza tegishliligi boʻyicha Oʻzbekiston Respublikasi Sport vazirligi yoki uning hududiy boshqarmasiga kelib tushgan kundan boshlab 5 ish kuni ichida vazirlik yoki boshqarma tomonidan:
sportchining soʻrovnomasida koʻrsatilgan maʼlumotlar tekshiriladi;
sportchining sport unvoni yoki sport razryadi rasmiylashtiriladi;
rasmiylashtirilgan sport unvoni yoki sport razryadi yagona elektron boshqaruv tizimida qayd etiladi.
Agar soʻrovnomaga ilova qilingan hujjatlarning haqiqiyligini “ERP sport” yagona elektron boshqaruv tizimi orqali aniqlashning imkoni boʻlmasa, tegishliligi boʻyicha Oʻzbekiston Respublikasi Sport vazirligi yoki uning hududiy boshqarmasi sport unvonini yoki sport razryadini berish toʻgʻrisidagi taqdimnomani rasmiylashtirgan tashkilotga ilova qilingan hujjatlarning haqiqiyligini tasdiqlash boʻyicha murojaat yuboradi.
Bunda Oʻzbekiston Respublikasi Sport vazirligi yoki uning hududiy boshqarmasi tomonidan yuborilgan soʻrovning elektron shakli (pdf formatda) idoralararo elektron tizimga joylashtirilganda, arizani koʻrib chiqish muddati 15 ish kuniga uzaytiriladi hamda ariza beruvchiga YIDXP orqali elektron shaklda xabarnoma yuboriladi.
19. Oʻzbekiston Respublikasi Sport vazirligi yoki uning hududiy boshqarmasi mazkur Reglamentga 4 va 4a-ilovalarga muvofiq sport unvoni yoki sport razryadi toʻgʻrisidagi guvohnoma yoki asoslangan rad javobini berish haqidagi maʼlumotni QR-kod (matrik shtrixli kod) qoʻyilgan holda rasmiylashtiradi hamda uni oʻz ERIsi bilan tasdiqlagan holda, bir ish kuni ichida Davlat xizmatlari markaziga (oʻzi kelgan holda murojaat qilinganda) yoki ariza beruvchiga (elektron shaklda murojaat qilinganda) YIDXP orqali elektron shaklda yuboradi.
Ariza beruvchi sport unvoni yoki sport razryadi rasmiylashtirilganligi toʻgʻrisidagi xabarnomani olgandan soʻng Davlat xizmatlari markaziga kelib, elektron shakldagi sport unvoni yoki sport razryadini tasdiqlovchi guvohnomani olish huquqiga ega boʻladi.
Soʻrovnomada ariza beruvchi tomonidan davlat xizmatlarini koʻrsatishning natijasini olib ketishga masʼul shaxs koʻrsatilgan holatlarda davlat xizmatlarini koʻrsatishning natijasini ushbu shaxsga taqdim etishda tegishli ishonchnoma talab etilmaydi.
20. Quyidagilar davlat xizmatini koʻrsatishni rad etish uchun asos hisoblanadi:
ariza beruvchi tomonidan soʻrovnomada notoʻgʻri maʼlumotlarning koʻrsatilishi;
mazkur Reglamentning 12-bandida koʻrsatilgan hujjatlar toʻliq ilova qilinmaganda;
taqdimnomani rasmiylashtirgan tashkilotga yuborilgan soʻrov natijasiga koʻra soʻrovnomaga ilova qilingan hujjatlarning haqiqiy emasligi aniqlanganda.
Davlat xizmatini koʻrsatishni boshqa asoslar boʻyicha rad etish taqiqlanadi.
Ushbu bandning ikkinchi va uchinchi xatboshilarida koʻrsatilgan kamchiliklar aniqlanganda, Oʻzbekiston Respublikasi Sport vazirligi yoki uning hududiy boshqarmasi ularni bartaraf etish uchun ariza beruvchiga bir ish kuni ichida kamchiliklarni bartaraf etish zarurligi toʻgʻrisida xabarnoma yuboradi.
Xabarnoma taqdim etilgan hujjatlarda aniqlangan kamchiliklar hamda ularni bartaraf etish usullari, shuningdek, ariza beruvchi koʻrsatilgan sabablarni bartaraf qilib, tegishli hujjatlarni koʻrib chiqish uchun takroran taqdim etishi mumkin boʻlgan muddat koʻrsatilgan holda yuboriladi. Xabarnomada koʻrsatilgan muddat kamchiliklarni bartaraf etish uchun zarur boʻladigan vaqtga mutanosib boʻlishi, lekin besh ish kunidan kam boʻlmasligi lozim.
Kamchiliklarni bartaraf etish boʻyicha xabarnoma yuborilgan taqdirda, arizani koʻrib chiqish muddati xabarnomada koʻrsatilgan muddatga toʻxtatib turiladi.
Hujjatlar xabarnomada koʻrsatilgan kamchiliklarni bartaraf etmasdan yoki xabarnomada koʻrsatilgan muddat oʻtgandan keyin taqdim etilgan taqdirda, Oʻzbekiston Respublikasi Sport vazirligi yoki uning hududiy boshqarmasi sport unvoni yoki sport razryadini berishni rad etish haqida qaror qabul qilishga haqli. Bunda sport unvoni yoki sport razryadini berishni kamchiliklarni bartaraf etish toʻgʻrisidagi xabarnomada koʻrsatilmagan yangi asoslar boʻyicha rad etishga yoʻl qoʻyilmaydi.
21. Arizaning tegishliligi boʻyicha Oʻzbekiston Respublikasi Sport vazirligi yoki uning hududiy boshqarmasi tomonidan taqdimnomani rasmiylashtirgan tashkilotga yuborilgan soʻrovga 15 ish kunida javob olinmaganda, shuningdek, murojaatga ilova qilingan hujjatlarning haqiqiy yoki haqiqiy emasligi haqida kechikib javob olinganda, Oʻzbekiston Respublikasi Sport vazirligi yoki uning hududiy boshqarmasi bu haqda YIDXP orqali ariza beruvchini xabardor qiladi.
Bunda murojaatga ilova qilingan hujjatlarning haqiqiyligi taqdimnomani rasmiylashtirgan tashkilot tomonidan 15 ish kuni oʻtib tasdiqlanganda, ariza beruvchi mazkur Reglament talablariga muvofiq takroran murojaat etmasdan, unga sport unvoni yoki sport razryadini tasdiqlovchi guvohnoma beriladi.
22. Sport unvoni yoki sport razryadi guvohnomasi sportchining familiyasi, ismi va (yoki) otasining ismi oʻzgarganda almashtiriladi.
Sport unvoni yoki sport razryadi guvohnomasini qayta rasmiylashtirish uchun hujjatlar Oʻzbekiston Respublikasi Sport vazirligi yoki uning hududiy boshqarmasiga Davlat xizmatlari markazi yoki YIDXP orqali taqdim etiladi.
Sport unvoni yoki sport razryadi guvohnomasini qayta rasmiylashtirish toʻgʻrisidagi ariza oldin berilgan sport unvoni yoki sport razryadi guvohnomasi ilova qilingan holda, Oʻzbekiston Respublikasi Sport vazirligi yoki uning hududiy boshqarmasiga kelib tushgan kundan boshlab besh ish kuni ichida sport unvoni yoki sport razryadi guvohnomasi qayta rasmiylashtirib beriladi.
Sport unvoni yoki sport razryadi guvohnomasini qayta rasmiylashtirishda reyestrga tegishli oʻzgartirishlar kiritiladi.
Sport unvoni yoki sport razryadi guvohnomasini qayta rasmiylashtirishda, sport unvoni yoki sport razryadi guvohnomasini berganlik uchun yigʻim undirilmaydi.
3-bob. Yakunlovchi qoidalar
23. Davlat xizmatlari markazlari hamda Oʻzbekiston Respublikasi Sport vazirligi yoki uning hududiy boshqarmasi oʻz faoliyatini amalga oshirishi natijasida olingan maʼlumotlarning sir saqlanishini taʼminlaydi.
24. Oʻzbekiston Respublikasi Adliya vazirligi, Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari va davlat xizmatlari markazlari ushbu Reglament talablari bajarilishi boʻyicha davlat organlari va boshqa tashkilotlarning faoliyatini doimiy nazorat qiladilar va monitoring olib boradilar.
25. Ariza beruvchi davlat organlari va boshqa tashkilotlar xodimlarining xatti-harakatlari yuzasidan qonunchilik hujjatlarida belgilangan tartibda shikoyat qilishlari mumkin.
26. Sport unvonini va sport razryadini berish toʻgʻrisidagi taqdimnomada koʻrsatilgan maʼlumotlarning haqiqiyligi boʻyicha taqdimnomani rasmiylashtirgan tashkilotlar javobgar hisoblanadi.
27. Ushbu Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Sportchilarga sport unvonlari va sport razryadlarini berish boʻyicha davlat xizmatlarini koʻrsatishning maʼmuriy reglamentiga 1-ILOVA
Sport unvoni yoki sport razryadini berish toʻgʻrisida
Taqdimnoma Unvon/Razryad Sportchining 3x4 oʻlchamli rangli fotosurati Sport turi - F.I.O. - Millati - Tugʻilgan sanasi: (kuni, oy, yil) - Sport bilan shugʻullanish staji - Sportchini tayyorlagan murabbiylarning F.I.O - Asosiy koʻrsatkichlari (normativlari) Bajarilish sanasi ( kun, oy, yil ) Musobaqa nomi (soha kodi) Musobaqa darajasi, toifasi Koʻrsatilgan natija - - - - Rasmiy sport musobaqalaridagi yutuqlari ( agar mavjud boʻlsa ) Musobaqa nomi Musobaqa sanasi (kun, oy, yil) Musobaqa oʻtkazilgan joy Koʻrsatgan natijasi - - - - Vakolatli tashkilotning nomi - Taʼlim muassasasi ( ish joyi ), lavozimi - Joylashgan manzili. - Boshlangʻich jismoniy tarbiya tashkiloti - Rahbar ____________________ __________________ ____________________ F.I.O. (imzo, muhr) Sana: _____ yil “___”__________
Sportchilarga sport unvonlari va sport razryadlarini berish boʻyicha davlat xizmatlarini koʻrsatishning maʼmuriy reglamentiga 2-ILOVA
Sport unvonlari va sport razryadlarini berish boʻyicha davlat xizmatlarini koʻrsatish
Bosqich Masʼullar Chora-tadbirlar Bajarish muddati 1 - bosqich Ariza beruvchi Davlat xizmatidan foydalanish uchun Davlat xizmatlari markaziga oʻzi kelgan holda yoki YIDXP orqali murojaat qiladi. YAST normalari va talablari, shuningdek, ularni bajarish shartlari bajarilgan kundan boshlab ikki yil ichida 2 - bosqich 1. Davlat xizmatlari markazi 1. Davlat xizmatlari markazi xodimi ariza beruvchi nomidan tegishli soʻrovnomani toʻldiradi va elektron shaklda sport unvonlarini olish boʻyicha Sport vazirligiga, sport razryadlarini olish boʻyicha Sport vazirligining hududiy boshqarmasiga yuboradi. 1. Oʻn daqiqa ichida 2. YIDXP 2. Toʻldirilgan soʻrovnomani YIDXP orqali sport unvonlarini olish boʻyicha — Sport vazirligiga, sport razryadlarini olish boʻyicha — Sport vazirligining hududiy boshqarmasiga yuboradi. 2. Avtomatik tarzda. 3 - bosqich Sport vazirligi va uning hududiy boshqarmasi 1. Soʻrovnoma va unga ilova qilingan hujjatlarni oʻrganib chiqadi. 2. Sport unvoni yoki sport razryadini berish yoxud berishni rad etish toʻgʻrisida qaror qabul qiladi. 3. Sport unvoni yoki sport razryadini berish toʻgʻrisida qaror qabul qilinganda, shu kunning oʻzida QR-kod qoʻyilgan guvohnomani rasmiylashtiradi va ERIsi bilan tasdiqlab, tegishli Davlat xizmatlari markaziga (oʻzi murojaat etganda) yoki ariza beruvchiga YIDXP orqali (elektron shaklda murojaat etganda) elektron shaklda yuboradi. 4. Sport unvoni yoki sport razryadini berish rad etilganda, bu haqda ariza beruvchiga YIDXP orqali elektron shaklda xabarnoma yuboradi. Murojaat kelib tushgandan soʻng besh ish kunida (arizani koʻrib chiqish muddati uzaytirilgan holatlar bundan mustasno) 4 - bosqich Davlat xizmatlari markazi yoki YIDXP 1. Sport unvoni yoki sport razryadi guvohnomasini elektron shaklda talabgorning elektron manziliga yuboradi va uni bu haqda axborot-kommunikatsiya tizimi orqali xabardor qiladi. Sport unvoni yoki sport razryadi guvohnomasi elektron shaklda kelib tushgandan soʻng oʻn daqiqa mobaynida 2. Ariza beruvchi Davlat xizmatlari markaziga oʻzi kelib murojaat qilgan taqdirda, uning soʻroviga koʻra unga sport unvoni yoki sport razryadi guvohnomasini elektron yoki qogʻoz shaklda beradi. Ariza beruvchining soʻroviga koʻra
Sportchilarga sport unvonlari va sport razryadlarini berish boʻyicha davlat xizmatlarini koʻrsatishning maʼmuriy reglamentiga 3-ILOVA
Sport unvonlari va sport razryadlarini berish boʻyicha davlat xizmatlaridan foydalanish uchun
Ariza t/r Qabul qilish sanasi Qabul qilgan shaxs - - - Xizmat turi Sport unvoni yoki sport razryadini olish I. Ariza beruvchi haqida maʼlumot: 1.1. F.I.O.: - 1.2. Tugʻilgan sanasi: kun/oy/yil 1.3. Jismoniy shaxsning shaxsiy identifikatsiya raqami (JSHSHIR) (mavjud boʻlsa): - 1.4. Telefon raqami: - 1.5. Elektron pochta manzili: - 1.6. Yashash joyi: tuman (shahar), viloyat, respublika II. Oʻn olti yoshga toʻlmagan shaxs va uning qonuniy vakili haqidagi maʼlumotlar: 2.1.1. Oʻn olti yoshga toʻlmagan shaxsning F.I.O.: - 2.1.2. Tugʻilgan sanasi: yil/kun/oy 2.1.3. Tugʻilganlik haqidagi guvohnoma raqami: 2.2.1. Bolaning qonuniy vakili F.I.O. Bunda bolaning qonuniy vakili ekanligini tasdiqlovchi hujjat ilova qilinadi (ota-onasi tomonidan topshirilgan arizalar bundan mustasno): ilova qilinadi (pdf, png, jpg, jpeg formatda) 2.2.2. Qonuniy vakilining shaxsiy identifikatsiya raqami (JSHSHIR): - 2.2.3. Telefon raqami: - 2.2.4. Elektron pochta manzili: - 2.2.5. Doimiy yashash joyi: tuman (shahar), viloyat, respublika III. Sport unvonlari va sport razryadlarini olish haqidagi maʼlumotlar: Sport unvonlarini olish boʻyicha 3.1. Sport unvonlari turi (tanlanadi) 3.2. Rasmiy sport musobaqalaridagi yutuqlari aks ettirilgan diplomlar (sertifikatlari) nusxasi (ilova qilinadi) 3.3. Sport unvonini berish toʻgʻrisidagi taqdimnoma (ilova qilinadi) 3.4. Sport pasportining nusxasi (agar mavjud boʻlsa) Sport razryadlarini olish boʻyicha 3.5. Sport razryadlari turi (tanlanadi) 3.6. Sport razryadlarini berish toʻgʻrisidagi taqdimnoma (ilova qilinadi) 3.7. Rasmiy sport musobaqalaridagi yutuqlari aks ettirilgan diplomlar (sertifikatlar) nusxasi (agar mavjud boʻlsa) (ilova qilinadi) 3.8. Sport pasportining nusxasi (agar mavjud boʻlsa) (ilova qilinadi) IV. Davlat xizmatini koʻrsatish natijasini olib ketuvchi shaxs (agar mavjud boʻlsa) toʻgʻrisidagi maʼlumotlar: JSHSHIR
Sportchilarga sport unvonlari va sport razryadlarini berish boʻyicha davlat xizmatlarini koʻrsatishning maʼmuriy reglamentiga 4-ILOVA
Sport unvoni haqida
(tavsifi)
Sport unvonlari haqidagi guvohnoma A5 formatdagi oq qogʻozda, sakkiz xil rangdan: matn uchun — qora rang, rasmlar tasviri uchun — yashil, koʻk, sariq, havo rang, jigar rang, kul rang va qizil ranglardan, fon uchun — oq rangdan foydalangan holda bosib chiqariladi.
Varaqning chap yuqori qismida Yagona interaktiv davlat xizmatlari portali tasviri, oʻrtasida Oʻzbekiston Respublikasi Davlat gerbi tasviri, oʻng yuqori qismida vakolatli organning nomi hamda davlat tilida lotin yozuvi bilan quyidagilar joylashtiriladi:
Sport unvonlari:
a) quyidagi tartibda:
Xalqaro toifadagi Oʻzbekiston sport ustasi toʻgʻrisida;
Xalqaro toifadagi Oʻzbekiston sport grossmeysteri toʻgʻrisida;
Oʻzbekiston sport ustasi toʻgʻrisida;
Oʻzbekiston sport grossmeysteri toʻgʻrisida;
GUVOHNOMA
XTSU № 000000;
QR-kod joyi;
b) Guvohnomaning chap qismida davlat tilida lotin yozuvida quyidagilar joylashtiriladi:
sportchining familiyasi, ismi, otasining ismi;
sport turining nomi;
sport unvoni nomi;
vakolatli shaxsning nomi;
v) Guvohnoma:
tartib raqami toʻrt lotin harfidan “XTSU” va oltita raqamli sondan iborat boʻlishi;
barcha matn va tasvirlar oq rangli fonda joylashtirilishi;
takrorlanmaydigan raqamlardan, oltita himoyaga ega va ketma-ket oʻzgaruvchi raqamlardan iborat boʻlishi;
yorugʻlik vositasida nusxa koʻchirilishini murakkablashtirish uchun boʻyoqning ochiq ranglaridan iborat boʻlishi lozim;
g) Guvohnomaning elektron shakli hisobga olish seriyasi, QR-kod va tartib raqamiga ega boʻladi.
QR-kod guvohnoma pastki qismining oʻng tomoniga joylashtiriladi.
Mazkur guvohnoma qogʻoz yoki elektron shaklda berilishi mumkin.
Oʻzbekiston Respublikasi Sport vazirligi Sport turlari boʻyicha sportchiga sport unvoni berilganligi toʻgʻrisida GUVOHNOMA XTSU № 000000 F.I.O.__________________________________________________________________________________________________________ Sport turi ______________________________________________________________________________________________________ “_____________________________” sport unvoni berildi. Vakolatli shaxs __________________ QR-kod Mazkur hujjat Vazirlar Mahkamasining 2017-yil 15-sentabrdagi 728-son qarori bilan tasdiqlangan Oʻzbekiston Respublikasi Yagona interaktiv davlat xizmatlari portali toʻgʻrisidagi nizomga muvofiq shakllantirilgan elektron hujjatning nusxasi hisoblanadi. Elektron hujjatning nusxasida koʻrsatilgan maʼlumotlar toʻgʻriligini tekshirish uchun edoc.gov.uz veb-saytiga oʻting va elektron hujjatning noyob raqamini kiriting yoki mobil telefon yordamida QR-kodni skaner qiling. Diqqat! Vazirlar Mahkamasining 2017-yil 15-sentabrdagi 728-son qaroriga muvofiq elektron hujjatlardagi maʼlumotlar qonuniy hisoblanadi. Davlat organlariga Yagona portalda shakllantirilgan elektron hujjatlarning nusxalarini qabul qilishni rad etishlari qatʼiyan taqiqlangan.
Sportchilarga sport unvonlari va sport razryadlarini berish boʻyicha davlat xizmatlarini koʻrsatishning maʼmuriy reglamentiga 4a-ILOVA
Sport razryadi haqida
(tavsifi)
Sport razryadi haqidagi guvohnoma A5 formatdagi oq qogʻozda, sakkiz xil rangdan: matn uchun — qora rang, rasmlar tasviri uchun — yashil, koʻk, sariq, havo rang, jigar rang, kul rang va qizil ranglardan, fon uchun — oq rangdan foydalangan holda bosib chiqariladi.
Varaqning chap yuqori qismida Yagona interaktiv davlat xizmatlari portali tasviri, oʻrtasida Oʻzbekiston Respublikasi Davlat gerbi tasviri, oʻng yuqori qismida vakolatli organning nomi hamda davlat tilida lotin yozuvi bilan quyidagilar joylashtiriladi:
Sport razryadlari:
a) quyidagi tartibda:
Oʻzbekiston sport ustaligiga nomzod toʻgʻrisida;
Oʻzbekiston grossmeysterligiga nomzod toʻgʻrisida;
birinchi sport razryadi toʻgʻrisida;
ikkinchi sport razryadi toʻgʻrisida;
uchinchi sport razryadi toʻgʻrisida;
oʻsmirlar uchun birinchi sport razryadi toʻgʻrisida;
oʻsmirlar uchun ikkinchi sport razryadi toʻgʻrisida;
oʻsmirlar uchun uchinchi sport razryadi toʻgʻrisida;
GUVOHNOMA
SR № 000000;
QR-kod joyi;
b) Guvohnomaning chap qismida davlat tilida lotin yozuvida quyidagilar joylashtiriladi:
sportchining familiyasi, ismi, otasining ismi;
sport turining nomi;
sport razryadi nomi;
vakolatli shaxsning nomi;
v) Guvohnoma:
tartib raqami ikkita lotin harfidan “SR” va oltita raqamli sondan iborat boʻlishi;
barcha matn va tasvirlar oq rangli fonda joylashtirilishi;
takrorlanmaydigan raqamlardan, oltita himoyaga ega va ketma-ket oʻzgaruvchi raqamlardan iborat boʻlishi;
yorugʻlik vositasida nusxa koʻchirilishini murakkablashtirish uchun boʻyoqning ochiq ranglaridan iborat boʻlishi lozim;
g) Guvohnomaning elektron shakli hisobga olish seriyasi, QR-kod va tartib raqamiga ega boʻladi.
QR-kod guvohnoma pastki qismining oʻng tomoniga joylashtiriladi.
Mazkur guvohnoma qogʻoz yoki elektron shaklda berilishi mumkin.
Qoraqalpogʻiston Respublikasi Sport vazirligi, viloyatlar va Toshkent shahar sport boshqarmalari Sport turlari boʻyicha sportchiga sport razryadi berilganligi toʻgʻrisida GUVOHNOMA SR № 000000 F.I.O.__________________________________________________________________________________________________________ Sport turi ______________________________________________________________________________________________________ “_____________________________” sportrazryadi berildi. Vakolatli shaxs __________________ QR-kod Mazkur hujjat Vazirlar Mahkamasining 2017-yil 15-sentabrdagi 728-son qarori bilan tasdiqlangan Oʻzbekiston Respublikasi Yagona interaktiv davlat xizmatlari portali toʻgʻrisidagi nizomga muvofiq shakllantirilgan elektron hujjatning nusxasi hisoblanadi. Elektron hujjatning nusxasida koʻrsatilgan maʼlumotlar toʻgʻriligini tekshirish uchun edoc.gov.uz veb-saytiga oʻting va elektron hujjatning noyob raqamini kiriting yoki mobil telefon yordamida QR-kodni skaner qiling. Diqqat! Vazirlar Mahkamasining 2017-yil 15-sentabrdagi 728-son qaroriga muvofiq elektron hujjatlardagi maʼlumotlar qonuniy hisoblanadi. Davlat organlariga Yagona portalda shakllantirilgan elektron hujjatlarning nusxalarini qabul qilishni rad etishlari qatʼiyan taqiqlangan.
Oʻzbekiston Respublikasining Bosh vaziri A. ARIPOV
Toshkent sh.,
2023-yil 4-noyabr,
588-son