📅 2023-yil 6-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 6 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 6 ноября 2023 г. · Постановления Президента
Официальный текст. Официальный документ. Редакционные примечания не включены.
📅 6 November 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
СХЕМАСИ
Ёниш ва портлаш хавфи юқори бўлган кимёвий моддалар билан боғлиқ фавқулодда вазиятларнинг олдини олиш бўйича чора-тадбирлар самарадорлигини ошириш тўғрисида
Ёниш ва портлаш хавфи юқори бўлган кимёвий моддаларни (маҳсулотларни) сақлаш, ташиш, улардан фойдаланиш ва йўқ қилиш жараёнида фавқулодда вазиятларнинг олдини олиш ҳамда уларнинг оқибатларини тезкорлик билан бартараф этиш борасидаги чора-тадбирлар самарадорлигини ошириш мақсадида:
1. Фавқулодда вазиятлар вазирлигига ёниш ва портлаш хавфи юқори бўлган кимёвий моддаларни (маҳсулотларни) (кейинги ўринларда — кимёвий моддалар (маҳсулотлар)) сақлаш, ташиш, улардан фойдаланиш ва йўқ қилиш соҳасидаги фаолиятни мувофиқлаштириш, шунингдек, ушбу соҳада белгиланган талабларга риоя этилиши устидан назоратни амалга ошириш вазифалари юклансин.
2. Фавқулодда вазиятлар вазирлигининг Фавқулодда вазиятлар профилактикаси бошқармаси ва унинг ҳудудий бўлимлари тузилмасида вазирликнинг умумий штатлар сони доирасида ёниш ва портлаш хавфи юқори бўлган кимёвий моддалар билан боғлиқ фавқулодда вазиятлардан муҳофаза қилиш бўлими ҳамда бўлинмалари (кейинги ўринларда — бўлим (бўлинмалар)) ташкил этилсин.
3. Қуйидагилар бўлимнинг (бўлинмаларнинг) асосий вазифалари этиб белгилансин:
вазирлик, идора ва бошқа ташкилотлар, шунингдек, тадбиркорлик субъектлари томонидан кимёвий моддаларни (маҳсулотларни) сақлаш, ташиш, улардан фойдаланиш ва йўқ қилишда белгиланган хавфсизлик талабларига риоя этилиши устидан назоратни амалга ошириш;
республика ҳудудига олиб кирилган, республика ҳудудида жойлашган объектларда сақланаётган ҳамда республика ҳудуди орқали транзит ташилаётган кимёвий моддалар (маҳсулотлар) тўғрисида ягона марказлашган маълумотлар базасини яратиш ва доимий юритиб бориш;
кимёвий моддаларни (маҳсулотларни) сақлаш, ташиш, улардан фойдаланиш ва йўқ қилишда юзага келадиган техноген авариялар ва фавқулодда вазиятларнинг олдини олиш, шунингдек, оқибатларини бартараф этиш ишларини мувофиқлаштириш;
кимёвий моддаларни (маҳсулотларни) сақлаш, ташиш, улардан фойдаланиш ва йўқ қилиш соҳасида манфаатдор ташкилотлар билан ҳамкорлик қилиш.
4. Фавқулодда вазиятлар вазирлиги:
Божхона қўмитаси билан биргаликда бир ой муддатда республика ҳудудига олиб кириладиган кимёвий моддалар (маҳсулотлар) бўйича электрон маълумот алмашинуви тизимини йўлга қўйсин;
бўлимни (бўлинмаларни) ва кимёвий моддалар (маҳсулотлар) билан боғлиқ техноген авариялар ва фавқулодда вазиятларни бартараф этишга жалб этиладиган радиацион, кимёвий ва тиббий-биологик муҳофаза гуруҳларини махсус техникалар ва зарур асбоб-анжомлар билан таъминласин.
5. Фавқулодда вазиятлар вазирлиги Ички ишлар вазирлиги, Олий таълим, фан ва инновациялар вазирлиги, Қурилиш ва уй-жой коммунал хўжалиги вазирлиги, Транспорт вазирлиги, Энергетика вазирлиги ҳамда Саноат, радиация ва ядро хавфсизлиги қўмитаси билан биргаликда бир ой муддатда бўлим (бўлинмалар) ходимларини қайта тайёрлаш дастурини тасдиқласин ва уларни «Контехназоратўқув» давлат муассасаси базасида ушбу дастур асосида тайёргарликдан ўтказсин.
6. Шундай тартиб ўрнатилсинки, унга мувофиқ 2024 йил 1 январдан бошлаб:
республика ҳудудига олиб кирилган ҳамда белгиланган тартибда божхона расмийлаштирувидан ўтказилган кимёвий моддалар (маҳсулотлар) ва уларни олиб кирувчи субъектлар тўғрисидаги маълумотлар Божхона қўмитасининг Ягона автоматлаштирилган ахборот тизими орқали Фавқулодда вазиятлар вазирлигига реал вақт режимида тақдим этиб борилади;
кимёвий моддалар (маҳсулотлар) фақат фавқулодда вазиятларнинг (ёнғинларнинг) олдини олиш ва саноат хавфсизлиги талабларига жавоб берадиган омборларда сақланишига рухсат берилади.
7. Рақамли технологиялар вазирлиги Фавқулодда вазиятлар вазирлиги буюртмасига асосан икки ой муддатда республика бюджети маблағлари ҳисобидан республика ҳудудига кимёвий моддаларни (маҳсулотларни) олиб кирувчи субъектлар томонидан божхона расмийлаштирувидан ўтказилган кимёвий моддалар (маҳсулотлар) ва уларни сақлаш жойлари тўғрисидаги маълумотларни киритиш имкониятига эга бўлган ахборот платформасини (кейинги ўринларда — ахборот платформаси) яратсин.
8. Белгилаб қўйилсинки, кимёвий моддаларни (маҳсулотларни) сақлаш, ташиш, улардан фойдаланиш ва йўқ қилишда хавфсизлик талабларига риоя этилишини таъминлашга қуйидагилар жавобгар ҳисобланади:
кимёвий моддалар (маҳсулотларни) омборга жойлаштирилгунига қадар — ташувчи;
кимёвий моддалар (маҳсулотлар) омборга жойлаштирилганда — омбор эгаси;
кимёвий моддалардан (маҳсулотлардан) фойдаланиш ва йўқ қилишда — улардан фойдаланувчи субъект.
9. 2024 йил 1 январдан бошлаб Ўзбекистон Республикаси ҳудудига кимёвий моддаларни (маҳсулотларни) олиб кириш, ташиш, сақлаш, улардан фойдаланиш ва йўқ қилишда белгиланган талабларга риоя этилишини доимий назорат қилишнинг қуйидаги тартиби жорий этилсин:
а) Фавқулодда вазиятлар вазирлиги, Божхона қўмитаси, Ички ишлар вазирлиги ва Саноат, радиация ва ядро хавфсизлиги қўмитаси кимёвий моддаларни (маҳсулотларни) сақлаш, ташиш, улардан фойдаланиш ва йўқ қилишда мазкур қарорга иловадаги схемага мувофиқ ўзаро ҳамкорлик қилади;
б) Божхона қўмитаси кимёвий моддаларни (маҳсулотларни) божхона расмийлаштирувидан ўтказади ҳамда бир кун муддатда Ягона автоматлаштирилган ахборот тизими орқали кимёвий моддалар (маҳсулотлар) тури, миқдори ва уларни олиб кирувчи субъект тўғрисидаги маълумотларни Фавқулодда вазиятлар вазирлигининг Фавқулодда вазиятларда ҳаракат қилиш ва бошқариш миллий марказига (кейинги ўринларда — Миллий марказ) тақдим этади;
в) кимёвий моддаларни (маҳсулотларни) олиб кирувчи субъектлар ушбу моддалар (маҳсулотлар) божхона расмийлаштирувидан ўтказилган куннинг ўзида ахборот платформаси орқали кимёвий моддаларнинг (маҳсулотларнинг) сақланадиган жойи (омбор) ҳақидаги маълумотларни Миллий марказга тақдим этади. Бунда, Миллий марказга тақдим этилган маълумотлар тўғрилиги ва ишончлилиги учун жавобгарлик кимёвий моддаларни (маҳсулотларни) олиб кирувчи субъектнинг раҳбари зиммасига юкланади;
г) Миллий марказ кимёвий моддалар (маҳсулотлар) билан боғлиқ ҳар бир ҳаракат тўғрисидаги маълумотларни доимий равишда янгилаб боради;
д) Фавқулодда вазиятлар вазирлиги:
жойига чиққан ҳолда кимёвий моддаларни (маҳсулотларни) сақлаш, улардан фойдаланиш ва йўқ қилишда белгиланган талабларга риоя этилиши устидан назоратни амалга оширади, шу жумладан уларнинг омборда тўғри жойлаштирилганлиги, емирувчи ёки бошқача таъсирга чидамли тарада сақланаётганлиги, шунингдек, бир-бирига ўзаро таъсир қилмаслиги ва хавфли оқибатларни келтириб чиқарувчи реакцияга киришмаслигини таъминловчи шароитлар яратилганлигини ўрганади;
ахборот платформасига киритилган маълумотларни мониторинг қилади;
кимёвий моддаларни (маҳсулотларни) тегишли манзилга ташиш давомида юзага келадиган техноген авариялар ва фавқулодда вазиятларни бартараф этиш чораларини кўради;
кимёвий моддаларни (маҳсулотларни) сақлаш, ташиш, улардан фойдаланиш ва йўқ қилиш соҳасидаги қонунчилик ҳужжатлари талаблари бузилишида айбдор бўлган шахсларни белгиланган тартибда жавобгарликка тортиш чораларини кўради;
манфаатдор вазирлик, идора ва бошқа ташкилотларга кимёвий моддаларни (маҳсулотларни) сақлаш учун объектнинг (омборнинг) ёнғин ва саноат хавфсизлиги талабларига мувофиқлиги юзасидан хулоса беради;
е) Саноат, радиация ва ядро хавфсизлиги қўмитаси:
қонунчиликда белгиланган тартибда кимёвий моддалардан (маҳсулотлардан) фойдаланиш устидан назоратни амалга оширади;
кимёвий моддаларни (маҳсулотларни) сақлаш учун объектнинг (омборнинг) саноат хавфсизлиги талабларига мувофиқлиги юзасидан Фавқулодда вазиятлар вазирлигига хулоса тақдим этади;
ж) Ички ишлар вазирлиги:
кимёвий моддалар (маҳсулотлар) тегишли манзилга хавфсиз тарзда етказилиши (ташилиши) учун қонунчиликда белгиланган тартибда кузатувни амалга оширади;
кимёвий моддалар (маҳсулотлар) билан боғлиқ техноген авариялар ва фавқулодда вазиятларда жамоат тартибини сақлаш чораларини кўради.
Бунда, кимёвий моддаларни (маҳсулотларни) ташиш, сақлаш, улардан фойдаланиш ва йўқ қилишда белгиланган талабларга риоя этилишини назорат қилиш республикада ишлаб чиқарилган кимёвий моддаларга (маҳсулотларга) нисбатан ҳам татбиқ этилади.
10. Белгилансинки, бўлим (бўлинмалар) ҳамда кимёвий моддалар (маҳсулотлар) билан боғлиқ техноген авариялар ва фавқулодда вазиятларни бартараф этишга жалб этиладиган радиацион, кимёвий ва тиббий-биологик муҳофаза гуруҳларини махсус техникалар ва зарур асбоб-анжомлар билан таъминлаш Фавқулодда вазиятлар вазирлигига ҳар йили ажратиладиган бюджет маблағлари доирасида, шунингдек, вазирликнинг бюджетдан ташқари маблағлари ва қонунчиликда тақиқланмаган бошқа манбалар ҳисобидан амалга оширилади.
11. Фавқулодда вазиятлар вазирлиги манфаатдор вазирлик ва идоралар, Қорақалпоғистон Республикаси Вазирлар Кенгаши, вилоятлар ҳамда Тошкент шаҳри ҳокимликлари билан биргаликда икки ой муддатда:
ташкилий-ҳуқуқий шаклидан қатъи назар, юридик шахсларга тегишли кимёвий моддалар (маҳсулотлар) сақланадиган ёки фойдаланиладиган объектларни тўлиқ хатловдан ўтказсин;
ушбу моддаларни (маҳсулотларни) сақлашда йўл қўйилган камчиликларни бартараф этиш юзасидан тезкор чора-тадбирларни белгиласин ва амалга оширсин.
12. Саноат, радиация ва ядро хавфсизлиги қўмитаси Ўзбекистон техник жиҳатдан тартибга солиш агентлиги ҳамда манфаатдор вазирлик ва идоралар билан биргаликда икки ой муддатда кимёвий моддаларга (маҳсулотларга) оид хавфсизлик қоидалари ва техник регламентларни хатловдан ўтказиб, уларнинг талабларини тадбиркорлик субъектлари ва бошқа масъул ташкилотларга етказсин.
13. Тоғ-кон саноати ва геология вазирлиги Фавқулодда вазиятлар вазирлиги, Божхона қўмитаси ҳамда бошқа манфаатдор вазирлик ва идоралар билан биргаликда 2023 йил 15 декабрга қадар:
кимёвий моддалар (маҳсулотлар) рўйхатини (Ташқи иқтисодий фаолият товар номенклатураси кодлари ва номланиши асосида);
кимёвий моддаларни (маҳсулотларни) сақлаш, ташиш, улардан фойдаланиш ва йўқ қилиш устидан назоратни амалга ошириш тартибини тасдиқлашни назарда тутувчи Ҳукумат қарори лойиҳасини белгиланган тартибда Вазирлар Маҳкамасига киритсин.
14. Фавқулодда вазиятлар вазирлиги Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда ҳар йили аҳоли ва ҳудудларни фавқулодда вазиятлардан муҳофаза қилиш бўйича асосий тадбирлар режалари асосида кимёвий моддалар (маҳсулотлар) билан боғлиқ фаолиятни амалга оширувчи тадбиркорлик субъектлари, давлат органлари ва бошқа ташкилотлар ходимлари учун кимёвий моддаларни (маҳсулотларни) сақлаш, ташиш, улардан фойдаланиш ва уларни йўқ қилиш тадбирларини хавфсиз ташкил этиш бўйича кўргазмали семинар ва ўқув машқларини ўтказиб борсин.
15. Фавқулодда вазиятлар вазирлиги манфаатдор вазирлик ва идоралар билан биргаликда икки ой муддатда қонунчиликка ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
16. Мазкур қарор ижросини самарали ташкил қилишга масъул ва шахсий жавобгар этиб фавқулодда вазиятлар вазири А.Х. Кулдашев белгилансин.
Қарорнинг ижросини ҳар чоракда муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 6 ноябрдаги ПҚ-357-сон қарорига ИЛОВА
Ёниш ва портлаш хавфи юқори бўлган кимёвий моддалар (маҳсулотлар) билан боғлиқ техноген авариялар ва фавқулодда вазиятларнинг олдини олиш бўйича ҳамкорлик қилиш
Шартли белгилар:
ФВВ — Фавқулодда вазиятлар вазирлиги, ФВБ — фавқулодда вазиятлар бошқармаси
СРЯХҚ — Саноат, радиация ва ядро хавфсизлиги қўмитаси, СРЯХҚ ҲБ — Саноат, радиация ва ядро хавфсизлиги қўмитасининг ҳудудий бошқармаси
ИИВ — Ички ишлар вазирлиги, ИИБ — ички ишлар бошқармаси
БҚ — Божхона қўмитаси
Омбор эгаси — ёниш ва портлаш хавфи юқори бўлган кимёвий моддаларни (маҳсулотларни) сақлайдиган шахс
КМ — ёниш ва портлаш хавфи юқори бўлган кимёвий моддалар (маҳсулотлар)
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 6 ноябрь,
ПҚ-357-сон
Oʻzbekiston Respublikasi Prezidentining
Qarori
SXEMASI
Yonish va portlash xavfi yuqori boʻlgan kimyoviy moddalar bilan bogʻliq favqulodda vaziyatlarning oldini olish boʻyicha chora-tadbirlar samaradorligini oshirish toʻgʻrisida
Yonish va portlash xavfi yuqori boʻlgan kimyoviy moddalarni (mahsulotlarni) saqlash, tashish, ulardan foydalanish va yoʻq qilish jarayonida favqulodda vaziyatlarning oldini olish hamda ularning oqibatlarini tezkorlik bilan bartaraf etish borasidagi chora-tadbirlar samaradorligini oshirish maqsadida:
1. Favqulodda vaziyatlar vazirligiga yonish va portlash xavfi yuqori boʻlgan kimyoviy moddalarni (mahsulotlarni) (keyingi oʻrinlarda — kimyoviy moddalar (mahsulotlar)) saqlash, tashish, ulardan foydalanish va yoʻq qilish sohasidagi faoliyatni muvofiqlashtirish, shuningdek, ushbu sohada belgilangan talablarga rioya etilishi ustidan nazoratni amalga oshirish vazifalari yuklansin.
2. Favqulodda vaziyatlar vazirligining Favqulodda vaziyatlar profilaktikasi boshqarmasi va uning hududiy boʻlimlari tuzilmasida vazirlikning umumiy shtatlar soni doirasida yonish va portlash xavfi yuqori boʻlgan kimyoviy moddalar bilan bogʻliq favqulodda vaziyatlardan muhofaza qilish boʻlimi hamda boʻlinmalari (keyingi oʻrinlarda — boʻlim (boʻlinmalar)) tashkil etilsin.
3. Quyidagilar boʻlimning (boʻlinmalarning) asosiy vazifalari etib belgilansin:
vazirlik, idora va boshqa tashkilotlar, shuningdek, tadbirkorlik subyektlari tomonidan kimyoviy moddalarni (mahsulotlarni) saqlash, tashish, ulardan foydalanish va yoʻq qilishda belgilangan xavfsizlik talablariga rioya etilishi ustidan nazoratni amalga oshirish;
respublika hududiga olib kirilgan, respublika hududida joylashgan obyektlarda saqlanayotgan hamda respublika hududi orqali tranzit tashilayotgan kimyoviy moddalar (mahsulotlar) toʻgʻrisida yagona markazlashgan maʼlumotlar bazasini yaratish va doimiy yuritib borish;
kimyoviy moddalarni (mahsulotlarni) saqlash, tashish, ulardan foydalanish va yoʻq qilishda yuzaga keladigan texnogen avariyalar va favqulodda vaziyatlarning oldini olish, shuningdek, oqibatlarini bartaraf etish ishlarini muvofiqlashtirish;
kimyoviy moddalarni (mahsulotlarni) saqlash, tashish, ulardan foydalanish va yoʻq qilish sohasida manfaatdor tashkilotlar bilan hamkorlik qilish.
4. Favqulodda vaziyatlar vazirligi:
Bojxona qoʻmitasi bilan birgalikda bir oy muddatda respublika hududiga olib kiriladigan kimyoviy moddalar (mahsulotlar) boʻyicha elektron maʼlumot almashinuvi tizimini yoʻlga qoʻysin;
boʻlimni (boʻlinmalarni) va kimyoviy moddalar (mahsulotlar) bilan bogʻliq texnogen avariyalar va favqulodda vaziyatlarni bartaraf etishga jalb etiladigan radiatsion, kimyoviy va tibbiy-biologik muhofaza guruhlarini maxsus texnikalar va zarur asbob-anjomlar bilan taʼminlasin.
5. Favqulodda vaziyatlar vazirligi Ichki ishlar vazirligi, Oliy taʼlim, fan va innovatsiyalar vazirligi, Qurilish va uy-joy kommunal xoʻjaligi vazirligi, Transport vazirligi, Energetika vazirligi hamda Sanoat, radiatsiya va yadro xavfsizligi qoʻmitasi bilan birgalikda bir oy muddatda boʻlim (boʻlinmalar) xodimlarini qayta tayyorlash dasturini tasdiqlasin va ularni “Kontexnazoratoʻquv” davlat muassasasi bazasida ushbu dastur asosida tayyorgarlikdan oʻtkazsin.
6. Shunday tartib oʻrnatilsinki, unga muvofiq 2024-yil 1-yanvardan boshlab:
respublika hududiga olib kirilgan hamda belgilangan tartibda bojxona rasmiylashtiruvidan oʻtkazilgan kimyoviy moddalar (mahsulotlar) va ularni olib kiruvchi subyektlar toʻgʻrisidagi maʼlumotlar Bojxona qoʻmitasining Yagona avtomatlashtirilgan axborot tizimi orqali Favqulodda vaziyatlar vazirligiga real vaqt rejimida taqdim etib boriladi;
kimyoviy moddalar (mahsulotlar) faqat favqulodda vaziyatlarning (yongʻinlarning) oldini olish va sanoat xavfsizligi talablariga javob beradigan omborlarda saqlanishiga ruxsat beriladi.
7. Raqamli texnologiyalar vazirligi Favqulodda vaziyatlar vazirligi buyurtmasiga asosan ikki oy muddatda respublika budjeti mablagʻlari hisobidan respublika hududiga kimyoviy moddalarni (mahsulotlarni) olib kiruvchi subyektlar tomonidan bojxona rasmiylashtiruvidan oʻtkazilgan kimyoviy moddalar (mahsulotlar) va ularni saqlash joylari toʻgʻrisidagi maʼlumotlarni kiritish imkoniyatiga ega boʻlgan axborot platformasini (keyingi oʻrinlarda — axborot platformasi) yaratsin.
8. Belgilab qoʻyilsinki, kimyoviy moddalarni (mahsulotlarni) saqlash, tashish, ulardan foydalanish va yoʻq qilishda xavfsizlik talablariga rioya etilishini taʼminlashga quyidagilar javobgar hisoblanadi:
kimyoviy moddalar (mahsulotlarni) omborga joylashtirilguniga qadar — tashuvchi;
kimyoviy moddalar (mahsulotlar) omborga joylashtirilganda — ombor egasi;
kimyoviy moddalardan (mahsulotlardan) foydalanish va yoʻq qilishda — ulardan foydalanuvchi subyekt.
9. 2024-yil 1-yanvardan boshlab Oʻzbekiston Respublikasi hududiga kimyoviy moddalarni (mahsulotlarni) olib kirish, tashish, saqlash, ulardan foydalanish va yoʻq qilishda belgilangan talablarga rioya etilishini doimiy nazorat qilishning quyidagi tartibi joriy etilsin:
a) Favqulodda vaziyatlar vazirligi, Bojxona qoʻmitasi, Ichki ishlar vazirligi va Sanoat, radiatsiya va yadro xavfsizligi qoʻmitasi kimyoviy moddalarni (mahsulotlarni) saqlash, tashish, ulardan foydalanish va yoʻq qilishda mazkur qarorga ilovadagi sxemaga muvofiq oʻzaro hamkorlik qiladi;
b) Bojxona qoʻmitasi kimyoviy moddalarni (mahsulotlarni) bojxona rasmiylashtiruvidan oʻtkazadi hamda bir kun muddatda Yagona avtomatlashtirilgan axborot tizimi orqali kimyoviy moddalar (mahsulotlar) turi, miqdori va ularni olib kiruvchi subyekt toʻgʻrisidagi maʼlumotlarni Favqulodda vaziyatlar vazirligining Favqulodda vaziyatlarda harakat qilish va boshqarish milliy markaziga (keyingi oʻrinlarda — Milliy markaz) taqdim etadi;
v) kimyoviy moddalarni (mahsulotlarni) olib kiruvchi subyektlar ushbu moddalar (mahsulotlar) bojxona rasmiylashtiruvidan oʻtkazilgan kunning oʻzida axborot platformasi orqali kimyoviy moddalarning (mahsulotlarning) saqlanadigan joyi (ombor) haqidagi maʼlumotlarni Milliy markazga taqdim etadi. Bunda, Milliy markazga taqdim etilgan maʼlumotlar toʻgʻriligi va ishonchliligi uchun javobgarlik kimyoviy moddalarni (mahsulotlarni) olib kiruvchi subyektning rahbari zimmasiga yuklanadi;
g) Milliy markaz kimyoviy moddalar (mahsulotlar) bilan bogʻliq har bir harakat toʻgʻrisidagi maʼlumotlarni doimiy ravishda yangilab boradi;
d) Favqulodda vaziyatlar vazirligi:
joyiga chiqqan holda kimyoviy moddalarni (mahsulotlarni) saqlash, ulardan foydalanish va yoʻq qilishda belgilangan talablarga rioya etilishi ustidan nazoratni amalga oshiradi, shu jumladan ularning omborda toʻgʻri joylashtirilganligi, yemiruvchi yoki boshqacha taʼsirga chidamli tarada saqlanayotganligi, shuningdek, bir-biriga oʻzaro taʼsir qilmasligi va xavfli oqibatlarni keltirib chiqaruvchi reaksiyaga kirishmasligini taʼminlovchi sharoitlar yaratilganligini oʻrganadi;
axborot platformasiga kiritilgan maʼlumotlarni monitoring qiladi;
kimyoviy moddalarni (mahsulotlarni) tegishli manzilga tashish davomida yuzaga keladigan texnogen avariyalar va favqulodda vaziyatlarni bartaraf etish choralarini koʻradi;
kimyoviy moddalarni (mahsulotlarni) saqlash, tashish, ulardan foydalanish va yoʻq qilish sohasidagi qonunchilik hujjatlari talablari buzilishida aybdor boʻlgan shaxslarni belgilangan tartibda javobgarlikka tortish choralarini koʻradi;
manfaatdor vazirlik, idora va boshqa tashkilotlarga kimyoviy moddalarni (mahsulotlarni) saqlash uchun obyektning (omborning) yongʻin va sanoat xavfsizligi talablariga muvofiqligi yuzasidan xulosa beradi;
e) Sanoat, radiatsiya va yadro xavfsizligi qoʻmitasi:
qonunchilikda belgilangan tartibda kimyoviy moddalardan (mahsulotlardan) foydalanish ustidan nazoratni amalga oshiradi;
kimyoviy moddalarni (mahsulotlarni) saqlash uchun obyektning (omborning) sanoat xavfsizligi talablariga muvofiqligi yuzasidan Favqulodda vaziyatlar vazirligiga xulosa taqdim etadi;
j) Ichki ishlar vazirligi:
kimyoviy moddalar (mahsulotlar) tegishli manzilga xavfsiz tarzda yetkazilishi (tashilishi) uchun qonunchilikda belgilangan tartibda kuzatuvni amalga oshiradi;
kimyoviy moddalar (mahsulotlar) bilan bogʻliq texnogen avariyalar va favqulodda vaziyatlarda jamoat tartibini saqlash choralarini koʻradi.
Bunda, kimyoviy moddalarni (mahsulotlarni) tashish, saqlash, ulardan foydalanish va yoʻq qilishda belgilangan talablarga rioya etilishini nazorat qilish respublikada ishlab chiqarilgan kimyoviy moddalarga (mahsulotlarga) nisbatan ham tatbiq etiladi.
10. Belgilansinki, boʻlim (boʻlinmalar) hamda kimyoviy moddalar (mahsulotlar) bilan bogʻliq texnogen avariyalar va favqulodda vaziyatlarni bartaraf etishga jalb etiladigan radiatsion, kimyoviy va tibbiy-biologik muhofaza guruhlarini maxsus texnikalar va zarur asbob-anjomlar bilan taʼminlash Favqulodda vaziyatlar vazirligiga har yili ajratiladigan budjet mablagʻlari doirasida, shuningdek, vazirlikning budjetdan tashqari mablagʻlari va qonunchilikda taqiqlanmagan boshqa manbalar hisobidan amalga oshiriladi.
11. Favqulodda vaziyatlar vazirligi manfaatdor vazirlik va idoralar, Qoraqalpogʻiston Respublikasi Vazirlar Kengashi, viloyatlar hamda Toshkent shahri hokimliklari bilan birgalikda ikki oy muddatda:
tashkiliy-huquqiy shaklidan qatʼi nazar, yuridik shaxslarga tegishli kimyoviy moddalar (mahsulotlar) saqlanadigan yoki foydalaniladigan obyektlarni toʻliq xatlovdan oʻtkazsin;
ushbu moddalarni (mahsulotlarni) saqlashda yoʻl qoʻyilgan kamchiliklarni bartaraf etish yuzasidan tezkor chora-tadbirlarni belgilasin va amalga oshirsin.
12. Sanoat, radiatsiya va yadro xavfsizligi qoʻmitasi Oʻzbekiston texnik jihatdan tartibga solish agentligi hamda manfaatdor vazirlik va idoralar bilan birgalikda ikki oy muddatda kimyoviy moddalarga (mahsulotlarga) oid xavfsizlik qoidalari va texnik reglamentlarni xatlovdan oʻtkazib, ularning talablarini tadbirkorlik subyektlari va boshqa masʼul tashkilotlarga yetkazsin.
13. Togʻ-kon sanoati va geologiya vazirligi Favqulodda vaziyatlar vazirligi, Bojxona qoʻmitasi hamda boshqa manfaatdor vazirlik va idoralar bilan birgalikda 2023-yil 15-dekabrga qadar:
kimyoviy moddalar (mahsulotlar) roʻyxatini (Tashqi iqtisodiy faoliyat tovar nomenklaturasi kodlari va nomlanishi asosida);
kimyoviy moddalarni (mahsulotlarni) saqlash, tashish, ulardan foydalanish va yoʻq qilish ustidan nazoratni amalga oshirish tartibini tasdiqlashni nazarda tutuvchi Hukumat qarori loyihasini belgilangan tartibda Vazirlar Mahkamasiga kiritsin.
14. Favqulodda vaziyatlar vazirligi Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda har yili aholi va hududlarni favqulodda vaziyatlardan muhofaza qilish boʻyicha asosiy tadbirlar rejalari asosida kimyoviy moddalar (mahsulotlar) bilan bogʻliq faoliyatni amalga oshiruvchi tadbirkorlik subyektlari, davlat organlari va boshqa tashkilotlar xodimlari uchun kimyoviy moddalarni (mahsulotlarni) saqlash, tashish, ulardan foydalanish va ularni yoʻq qilish tadbirlarini xavfsiz tashkil etish boʻyicha koʻrgazmali seminar va oʻquv mashqlarini oʻtkazib borsin.
15. Favqulodda vaziyatlar vazirligi manfaatdor vazirlik va idoralar bilan birgalikda ikki oy muddatda qonunchilikka ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
16. Mazkur qaror ijrosini samarali tashkil qilishga masʼul va shaxsiy javobgar etib favqulodda vaziyatlar vaziri A.X. Kuldashev belgilansin.
Qarorning ijrosini har chorakda muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 6-noyabrdagi PQ-357-son qaroriga ILOVA
Yonish va portlash xavfi yuqori boʻlgan kimyoviy moddalar (mahsulotlar) bilan bogʻliq texnogen avariyalar va favqulodda vaziyatlarning oldini olish boʻyicha hamkorlik qilish
Shartli belgilar:
FVV — Favqulodda vaziyatlar vazirligi, FVB — favqulodda vaziyatlar boshqarmasi
SRYAXQ — Sanoat, radiatsiya va yadro xavfsizligi qoʻmitasi, SRYAXQ HB — Sanoat, radiatsiya va yadro xavfsizligi qoʻmitasining hududiy boshqarmasi
IIV — Ichki ishlar vazirligi, IIB — ichki ishlar boshqarmasi
BQ — Bojxona qoʻmitasi
Ombor egasi — yonish va portlash xavfi yuqori boʻlgan kimyoviy moddalarni (mahsulotlarni) saqlaydigan shaxs
KM — yonish va portlash xavfi yuqori boʻlgan kimyoviy moddalar (mahsulotlar)
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 6-noyabr,
PQ-357-son
Президента Республики Узбекистан
Постановление
СХЕМА
О повышении эффективности мер по предотвращению чрезвычайных ситуаций, связанных с химическими веществами высокой степени пожаро- и взрывоопасности
В целях повышения эффективности мер по предотвращению чрезвычайных ситуаций в процессе хранения, транспортировки, использования и уничтожения химических веществ (продукции) высокой степени пожаро- и взрывоопасности и оперативной ликвидации их последствий:
1. Возложить на Министерство по чрезвычайным ситуациям задачи по координации деятельности в сфере хранения, транспортировки, использования и уничтожения химических веществ (продукции) высокой степени пожаро- и взрывоопасности (далее — химические вещества (продукция)), а также по осуществлению контроля за соблюдением установленных требований в данной сфере.
2. Образовать в структуре Управления по профилактике чрезвычайных ситуаций Министерства по чрезвычайным ситуациям и его территориальных подразделений отдел и отделения по защите от чрезвычайных ситуаций, связанных с химическими веществами (продукцией) высокой степени пожаро- и взрывоопасности (далее — отдел (отделения)) в пределах общей штатной численности министерства.
3. Определить основными задачами отдела (отделений):
осуществление контроля за соблюдением установленных требований безопасности при хранении, транспортировке, использовании и уничтожении химических веществ (продукции) министерствами, ведомствами и другими организациями, а также субъектами предпринимательства;
создание и ведение на постоянной основе единой централизованной базы данных о химических веществах (продукции), ввозимых на территорию республики, хранимых на объектах, расположенных на территории республики, и перевозимых транзитом через территорию республики;
координацию работ по предотвращению техногенных аварий и чрезвычайных ситуаций, возникающих при хранении, транспортировке, использовании и уничтожении химических веществ (продукции), а также по ликвидации их последствий;
осуществление взаимодействия с заинтересованными организациями в сфере хранения, транспортировки, использования и уничтожения химических веществ (продукции).
4. Министерству по чрезвычайным ситуациям:
совместно с Таможенным комитетом в месячный срок наладить систему электронного обмена данными по химическим веществам (продукции), ввозимым на территорию республики;
обеспечить отдел (отделения) и группы радиационной, химической и медико-биологической защиты, привлекаемые к ликвидации техногенных аварий и чрезвычайных ситуаций, связанных с химическими веществами (продукцией), специальной техникой и необходимым оборудованием.
5. Министерству по чрезвычайным ситуациям совместно с Министерством внутренних дел, Министерством высшего образования, науки и инноваций, Министерством строительства и жилищно-коммунального хозяйства, Министерством транспорта, Министерством энергетики и Комитетом промышленной, радиационной и ядерной безопасности в месячный срок утвердить программу переподготовки работников отдела (отделений) и провести их подготовку на базе государственного учреждения «Контехназоратукув» на основе данной программы.
6. Установить порядок, в соответствии с которым с 1 января 2024 года:
сведения о химических веществах (продукции), ввезенных на территорию республики и прошедших таможенное оформление в установленном порядке, и субъектах, завозящих их, предоставляются Министерству по чрезвычайным ситуациям посредством Единой автоматизированной информационной системы Таможенного комитета в режиме реального времени;
хранение химических веществ (продукции) разрешается исключительно на складах, соответствующих требованиям по предотвращению чрезвычайных ситуаций (пожаров) и промышленной безопасности.
7. Министерству цифровых технологий на основе запроса Министерства по чрезвычайным ситуациям в двухмесячный срок за счет средств республиканского бюджета создать информационную платформу, имеющую возможность внесения субъектами, завозящими химические вещества (продукцию) на территорию республики, сведений о химических веществах (продукции), прошедших таможенное оформление, и местах их хранения (далее — информационная платформа).
8. Установить, что ответственными за обеспечение соблюдения требований безопасности при хранении, транспортировке, использовании и уничтожении химических веществ (продукции) являются:
перевозчик — до размещения химических веществ (продукции) на складе;
владелец склада — при размещении химических веществ (продукции) на складе;
субъект, использующий химические вещества (продукцию) — при их использовании и уничтожении.
9. Внедрить с 1 января 2024 года следующий порядок постоянного контроля за соблюдением установленных требований при ввозе на территорию Республики Узбекистан, транспортировке, хранении, использовании и уничтожении химических веществ (продукции):
а) Министерство по чрезвычайным ситуациям, Таможенный комитет, Министерство внутренних дел и Комитет промышленной, радиационной и ядерной безопасности осуществляют взаимодействие при хранении, транспортировке, использовании и уничтожении химических веществ (продукции) в соответствии со схемой в приложении к настоящему постановлению;
б) Таможенный комитет проводит таможенное оформление химических веществ (продукции) и в однодневный срок предоставляет Национальному центру управления и реагирования на чрезвычайные ситуации Министерства по чрезвычайным ситуациям (далее — Национальный центр) сведения о виде, объеме химических веществ (продукции) и субъекте, завозящем их, посредством Единой автоматизированной информационной системы;
в) после прохождения таможенного оформления химических веществ (продукции) субъект, завозящий их, в тот же день предоставляет Национальному центру сведения о месте (складе) хранения химических веществ (продукции) посредством информационной платформы. При этом ответственность за достоверность и надежность сведений, предоставленных Национальному центру, возлагается на руководителя субъекта, завозящего химические вещества (продукцию);
г) Национальный центр осуществляет постоянное обновление сведений о каждом действии, связанном с химическими веществам (продукцией);
д) Министерство по чрезвычайным ситуациям:
осуществляет контроль за соблюдением установленных требований при хранении, использовании и уничтожении химических веществ (продукции) с выездом на место, в том числе изучает правильность их размещения на складе, хранение в таре, устойчивой к разрушительному и иному воздействию, а также создание условий, препятствующих их взаимодействию друг с другом и вступлению в реакцию, вызывающую опасные последствия;
осуществляет мониторинг сведений, внесенных в информационную платформу;
принимает меры по ликвидации техногенных аварий и чрезвычайных ситуаций, возникающих при транспортировке химических веществ (продукции) в пункт назначения;
принимает меры по привлечению к ответственности лиц, виновных в нарушении требований актов законодательства в сфере хранения, транспортировки, использования и уничтожения химических веществ (продукции), в установленном порядке;
выдает ответственным министерствам, ведомствам и другим организациями заключение на предмет соответствия объекта (склада) для хранения химических веществ (продукции) требованиям пожарной и промышленной безопасности;
е) Комитет промышленной, радиационной и ядерной безопасности:
осуществляет контроль за использованием химических веществ (продукции) в порядке, установленном законодательством;
выдает Министерству по чрезвычайным ситуациям заключение на предмет соответствия объекта (склада) для хранения химических веществ (продукции) требованиям промышленной безопасности;
ж) Министерство внутренних дел:
осуществляет сопровождение для безопасной поставки (транспортировки) химических веществ (продукции) в пункт назначения в порядке, установленном законодательством;
принимает меры по охране общественного порядка при техногенных авариях и чрезвычайных ситуациях, связанных с химическими веществами (продукцией).
При этом контроль за соблюдением установленных требований при транспортировке, хранении, использовании и уничтожении химических веществ (продукции) распространяется также на химические вещества (продукцию), произведенные в республике.
10. Установить, что обеспечение отдела (отделений) и групп радиационной, химической и медико-биологической защиты, привлекаемых к ликвидации техногенных аварий и чрезвычайных ситуаций, связанных с химическими веществами (продукцией), специальной техникой и необходимым оборудованием осуществляется в рамках бюджетных средств, ежегодно выделяемых Министерству по чрезвычайным ситуациям, а также за счет внебюджетных средств министерства и иных источников, не запрещенных законодательством.
11. Министерству по чрезвычайным ситуациям совместно с заинтересованными министерствами и ведомствами, Советом Министров Республики Каракалпакстан, хокимиятами областей и города Ташкента в двухмесячный срок:
провести полную инвентаризацию объектов, принадлежащих юридическим лицам, независимо от организационно-правовой формы, на которых хранятся и используются химические вещества (продукция);
определить и реализовать оперативные меры по устранению недостатков, допущенных при хранении данных веществ (продукции).
12. Комитета промышленной, радиационной и ядерной безопасности совместно с Узбекским агентством по техническому регулированию и заинтересованными министерствами и ведомствами в двухмесячный срок провести инвентаризацию правил безопасности и технических регламентов, касающихся химических веществ (продукции), и довести их требования до субъектов предпринимательства и других ответственных организаций.
13. Министерству горнодобывающей промышленности и геологии совместно с Министерством по чрезвычайным ситуациям, Таможенным комитетом, другими заинтересованными министерствами и ведомствами до 15 декабря 2023 года внести в установленном порядке в Кабинет Министров проект постановления Правительства, предусматривающего утверждение:
перечня химических веществ (продукции) (на основе кодов и наименований Товарной номенклатуры внешнеэкономической деятельности);
порядка осуществления контроля за хранением, транспортировкой, использованием и уничтожением химических веществ (продукции).
14. Министерству по чрезвычайным ситуациям совместно с Советом Министров Республики Каракалпакстан, хокимиятами областей и города Ташкента ежегодно на основе плана основных мероприятий по защите населения и территорий от чрезвычайных ситуаций провести для субъектов предпринимательства, работников государственных органов и других организаций показательные семинары и учения по безопасной организации мероприятий по хранению, транспортировке, использованию и уничтожению химических веществ (продукции).
15. Министерству по чрезвычайным ситуациям совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
16. Возложить на министра по чрезвычайным ситуациям А.Х. Кулдашева персональную ответственность за эффективную организацию исполнения настоящего постановления.
Ежеквартальное обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 6 ноября 2023 года № ПП-357
взаимодействия по предотвращению техногенных аварий и чрезвычайных ситуаций, связанных с химическими веществами (продукцией) высокой степени пожаро- и взрывоопасности
Условные обозначения:
МЧС — Министерство по чрезвычайным ситуациям, УЧС — Управление по чрезвычайным ситуациям
КПРЯБ — Комитет промышленной, радиационной и ядерной безопасности, ТУ КПРЯБ — территориальное управление Комитета промышленной, радиационной и ядерной безопасности
МВД — Министерство внутренних дел, УВД — Управление внутренних дел
ТК — Таможенный комитет
Владелец склада — лицо, осуществляющее хранение химических веществ (продукции) высокой степени пожаро- и взрывоопасности
ХВ — химические вещества (продукция) высокой степени пожаро- и взрывоопасности
Президент Республики Узбекистан Ш. МИРЗИЁЕВ
г. Ташкент,
6 ноября 2023 г.,
№ ПП-357