📅 2023-yil 7-noyabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 7 ноябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 7 ноября 2023 г. · Указы Президента
Официальный текст. Официальный документ. Редакционные примечания не включены.
📅 7 November 2023 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Янги таҳрирдаги Ўзбекистон Республикаси Конституцияси қабул қилинганлиги муносабати билан Ўзбекистон Республикаси Президентининг айрим ҳужжатларига ўзгартириш ва қўшимчалар киритиш тўғрисида
Юртимизда 2023 йил 30 апрель куни ўтказилган референдумда янги таҳрирдаги Ўзбекистон Республикаси Конституцияси қабул қилиниши орқали Янги Ўзбекистон стратегиясини амалга оширишнинг сиёсий-ҳуқуқий асослари яратилиб, миллий давлатчилик тараққиётининг тарихий муҳим босқичида давлат ва жамиятни янада ривожлантиришнинг устувор йўналишлари белгилаб берилди. Шу муносабат билан амалдаги қонуности ҳужжатларни янги таҳрирдаги Ўзбекистон Республикаси Конституциясига мувофиқлаштириш талаб этилмоқда.
Янги таҳрирдаги Ўзбекистон Республикаси Конституциясини тўлақонли амалга ошириш, унда мустаҳкамланган устувор принципларни рўёбга чиқариш, давлат органларининг фаолиятини янгича конституциявий-ҳуқуқий шароитларда самарали йўлга қўйиш мақсадида:
1. Ўзбекистон Республикаси Президентининг айрим ҳужжатларига иловага мувофиқ уларни янги таҳрирдаги Ўзбекистон Республикаси Конституциясига мувофиқлаштириш бўйича қуйидагиларни назарда тутувчи ўзгартириш ва қўшимчалар киритилсин:
Судьялар олий кенгаши раиси ва аъзоларини, Коррупцияга қарши курашиш агентлиги директорини ҳамда Рақобатни ривожлантириш ва истеъмолчилар ҳуқуқларини ҳимоя қилиш қўмитасининг раисини Ўзбекистон Республикаси Президентининг тақдимига биноан Олий Мажлис Сенати томонидан сайлаш тартибини белгилаш;
янги таҳрирдаги Ўзбекистон Республикаси Конституциясидаги давлат хизматини ўташ билан боғлиқ чекловлар қонун билан белгиланишига оид талабдан келиб чиқиб, қонуности ҳужжатлардаги бундай чекловларни бекор қилиш;
меҳнатга ҳақ тўлашнинг энг кам миқдорини белгилашда инсоннинг муносиб турмуш даражасини таъминлаш заруратини ҳисобга олиш.
2 . Вазирликлар, Бош прокуратура ва Олий суд 2024 йил 1 январга қадар ўзларига бириктирилган соҳа ва тармоқлар кесимида қонуности ҳужжатларни пухта хатловдан ўтказган ҳолда уларни янги таҳрирдаги Ўзбекистон Республикаси Конституциясига мазмунан мувофиқлаштириш бўйича Адлия вазирлигига таклиф киритсин, бунда қуйидаги масалаларга алоҳида эътибор қаратсин:
мулк ҳуқуқининг конституциявий кафолатларини таъминлаш, шу жумладан, мулкдор ўз мол-мулкидан қонунда назарда тутилган ҳоллардан ва тартибдан ташқари ҳамда суднинг қарорига асосланмаган ҳолда маҳрум этилиши мумкин эмаслиги ҳақидаги конституциявий нормадан келиб чиқиб, ушбу масалаларни фақат қонунлар билан белгилаш;
инсоннинг ҳуқуқ ва эркинликлари фақат қонунга мувофиқ чекланиши мумкинлиги тўғрисидаги конституциявий талаб асосида барча қонуности ҳужжатларини қайта кўриб чиқиш;
давлат органлари томонидан инсонга нисбатан қўлланиладиган ҳуқуқий таъсир чоралари мутаносиблик принципига асосланиши ва қонунларда назарда тутилган мақсадларга эришиш учун етарли бўлиши кераклиги тўғрисидаги конституциявий нормадан келиб чиқиб, қонуности ҳужжатларидаги ҳуқуқий таъсир чораларини қайта кўриб чиқиш;
уй-жой дахлсизлиги ҳуқуқини таъминлаш, ҳеч ким суднинг қарорисиз ва қонунга зид тарзда уй-жойидан маҳрум этилиши мумкин эмаслигига оид конституциявий нормалардан келиб чиқиб, қонуности ҳужжатларини қайта кўриб чиқиш;
Ўзбекистон Республикаси ҳудудида иқтисодий макон бирлиги, товарлар, хизматлар, меҳнат ресурслари ва молиявий маблағларнинг эркин ҳаракатланиши тўғрисидаги конституциявий нормага мувофиқ қонуности ҳужжатларини қайта кўриб чиқиш.
3. Адлия вазирлиги 2024 йил 1 февралга қадар киритилган таклифлар асосида қонуности ҳужжатларини янги таҳрирдаги Ўзбекистон Республикаси Конституциясига мувофиқлаштириш бўйича норматив-ҳуқуқий ҳужжатлар лойиҳаларини ишлаб чиқсин ва Вазирлар Маҳкамасига киритсин.
4. Вазирлик ва идоралар 2024 йил 1 январга қадар ўзлари қабул қилган идоравий норматив-ҳуқуқий ҳужжатларни тўлиқ хатловдан ўтказиб, уларни янги таҳрирдаги Ўзбекистон Республикаси Конституциясига мувофиқлаштириш бўйича зарур чораларни кўрсин.
Адлия вазирлиги идоравий норматив-ҳуқуқий ҳужжатларни янги таҳрирдаги Ўзбекистон Республикаси Конституциясига мослаштириш бўйича ишларни мувофиқлаштириб борсин ҳамда заруратга кўра вазирлик ва идораларга ушбу масала бўйича тақдимномалар киритиб борсин.
5. Ўзбекистон Республикасининг «Ўзбекистон Республикаси Конституцияси тўғрисида»ги Конституциявий Қонунига мувофиқ, янги таҳрирдаги Ўзбекистон Республикаси Конституцияси кучга киргунига қадар Ўзбекистон Республикаси ҳудудида амалда бўлган қонунлар ва бошқа норматив-ҳуқуқий ҳужжатлар унга зид бўлмаган қисмида қўлланилиши маълумот учун қабул қилинсин.
Вазирлик ва идоралар раҳбарлари қуйидаги масалалар учун шахсан жавобгар эканлиги белгилаб қўйилсин:
ўзларига бириктирилган соҳа ва тармоқларда янги таҳрирдаги Ўзбекистон Республикаси Конституцияси нормаларини тўғридан-тўғри қўллаш;
амалдаги ва янги ишлаб чиқиладиган қонуности ҳужжатларида янги таҳрирдаги Ўзбекистон Республикаси Конституциясига зид нормалар аниқланганда, уларни бартараф этиш бўйича ўз вақтида зарур чоралар кўриш;
ўзларига бириктирилган соҳа ва тармоқларда янги таҳрирдаги Ўзбекистон Республикаси Конституциясида фақат қонунлар билан тартибга солиниши назарда тутилган масалалар юзасидан норматив-ҳуқуқий ҳужжатлар лойиҳаларини ўз вақтида ишлаб чиқиш ва Ҳукуматга киритиш.
6. Ўзбекистон Республикаси Президенти ҳузуридаги Қонунчилик ва ҳуқуқий сиёсат институти янги таҳрирдаги Ўзбекистон Республикаси Конституцияси қоидаларини қонуности ҳужжатларида ривожлантириш, аниқлаштириш ва амалга ошириш механизмларини белгилаш бўйича ишларни ахборот-таҳлилий ҳамда экспертлик жиҳатдан таъминлаб борсин.
7. Олий Мажлис Қонунчилик палатаси ва Сенатига янги таҳрирдаги Ўзбекистон Республикаси Конституциясида қонун билан тартибга солиниши белгиланган масалаларни қонуности ҳужжатларидан чиқариш ва қонун даражасига кўтариш бўйича ишларни амалга оширишда вазирлик ва идораларга услубий кўмаклашиш тавсия этилсин.
8. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 7 ноябрдаги ПФ-188-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2017 йил 21 февралдаги «Ўзбекистон Республикаси суд тизими тузилмасини тубдан такомиллаштириш ва фаолияти самарадорлигини ошириш чора-тадбирлари тўғрисида»ги ПФ-4966-сон Фармонининг 6-банди қуйидаги таҳрирда баён этилсин:
«6. Белгилансинки, Кенгаш раиси, раис ўринбосари, Кенгаш аъзолари ва котиби Ўзбекистон Республикаси Президентининг тақдимига биноан Ўзбекистон Республикаси Олий Мажлиси Сенати томонидан сайланади».
2. Ўзбекистон Республикаси Президентининг 2017 йил 29 майдаги «Ўзбекистон Республикасида сиёсий бошпана бериш тартиби тўғрисидаги низомни тасдиқлаш тўғрисида»ги ПФ-5060-сон Фармонининг муқаддимасидаги «93» рақами «109» рақами билан алмаштирилсин.
3. Ўзбекистон Республикаси Президентининг 2017 йил 30 ноябрдаги «Суд-тергов фаолиятида фуқароларнинг ҳуқуқ ва эркинликлари кафолатларини кучайтириш бўйича қўшимча чора-тадбирлар тўғрисида»ги ПФ-5268-сон Фармони муқаддимасининг саккизинчи хатбошисидаги «83» рақами «98» рақами билан алмаштирилсин.
4. Ўзбекистон Республикаси Президентининг 2018 йил 8 майдаги «Ўзбекистон Республикасида афв этишни амалга ошириш тартиби тўғрисидаги низомни тасдиқлаш ҳақида»ги ПФ-5439-сон Фармонининг муқаддимасидаги «93» рақами «109» рақами билан алмаштирилсин.
5. Ўзбекистон Республикаси Президентининг 2019 йил 21 майдаги «Меҳнатга ҳақ тўлаш, пенсиялар ва бошқа тўловлар миқдорларини аниқлаш тартибини такомиллаштириш тўғрисида»ги ПФ-5723-сон Фармони 2-бандининг «а» кичик банди қуйидаги мазмундаги хатбоши билан тўлдирилсин:
«инсоннинг муносиб турмуш даражасини таъминлаш зарурати ҳисобга олинган ҳолда белгиланади ҳамда минимал истеъмол харажатлари қийматидан кам бўлиши мумкин эмас»;
6. Ўзбекистон Республикаси Президентининг 2019 йил 15 ноябрдаги «Миллатлараро муносабатлар соҳасида Ўзбекистон Республикаси давлат сиёсати концепциясини тасдиқлаш тўғрисида»ги ПФ-5876-сон Фармонида :
6-банднинг учинчи хатбошисидаги «шахсий ва» сўзлари чиқариб ташлансин;
1-илова 2-бандининг учинчи хатбошисидаги ва 5-бандининг иккинчи хатбошисидаги «шахсий ва» сўзлари чиқариб ташлансин.
7. Ўзбекистон Республикаси Президентининг 2020 йил 29 июндаги «Ўзбекистон Республикасида коррупцияга қарши курашиш тизимини такомиллаштириш бўйича қўшимча чора-тадбирлар тўғрисида»ги ПФ-6013-сон Фармони 1-бандининг бешинчи хатбошиси қуйидаги таҳрирда баён этилсин:
«Ўзбекистон Республикаси Президентининг тақдимига биноан Ўзбекистон Республикаси Олий Мажлисининг Сенати томонидан сайланадиган директор томонидан бошқарилади».
8. Ўзбекистон Республикаси Президентининг 2020 йил 7 декабрдаги «Судьяларнинг чинакам мустақиллигини таъминлаш ҳамда суд тизимида коррупциянинг олдини олиш самарадорлигини ошириш чора-тадбирлари тўғрисида»ги ПФ-6127-сон Фармонининг 4-бандида :
иккинчи хатбоши чиқариб ташлансин;
учинчи — тўққизинчи хатбошилар тегишлича иккинчи — саккизинчи хатбошилар деб ҳисоблансин.
9. Ўзбекистон Республикаси Президентининг 2021 йил 1 июлдаги ПФ-6255-сон Фармони билан тасдиқланган Ўзбекистон Республикасининг экстремизм ва терроризмга қарши курашиш бўйича 2021 — 2026 йилларга мўлжалланган миллий стратегиясида :
а) муқаддиманинг учинчи хатбошиси қуйидаги таҳрирда баён этилсин:
«Ўзбекистон Республикасининг ташқи сиёсати давлатларнинг суверен тенглиги, куч ишлатмаслик ёки куч билан таҳдид қилмаслик, чегараларнинг бузилмаслиги, давлатларнинг ҳудудий яхлитлиги, низоларни тинч йўл билан ҳал этиш, бошқа давлатларнинг ички ишларига аралашмаслик, хавфсизликнинг бўлинмаслиги, ўз хавфсизлигини бошқа давлатлар хавфсизлиги ҳисобига мустаҳкамлашга йўл қўйилмаслиги, халқаро мажбуриятларни виждонан бажариш принципларига ҳамда халқаро ҳуқуқнинг умумэътироф этилган бошқа принциплари ва нормаларига асосланади»;
б) 1-боб 2-параграфининг тўққизинчи ва ўнинчи хатбошилари қуйидаги таҳрирда баён этилсин:
«Ўзбекистон Республикасининг Конституциясида «Ўзбекистон Республикасида барча фуқаролар бир хил ҳуқуқ ва эркинликларга эга бўлиб, жинси, ирқи, миллати, тили, дини, эътиқоди, ижтимоий келиб чиқиши, ижтимоий мавқеидан қатъи назар, қонун олдида тенгдирлар» деб кафолатланган.
Шу билан бирга, Конституцияда «инсон ўз ҳуқуқ ва эркинликларини амалга оширишда бошқа шахсларнинг, жамият ҳамда давлатнинг ҳуқуқлари, эркинликлари ва қонуний манфаатларига путур етказмаслиги шарт» деб таъкидланган».
10. Ўзбекистон Республикаси Президентининг 2023 йил 10 февралдаги «Тадбиркорлик субъектларини тоифаларга ажратиш мезонлари ҳамда солиқ сиёсати ва солиқ маъмуриятчилигини янада такомиллаштириш чора-тадбирлари тўғрисида»ги ПФ-21-сон Фармони 7-бандининг тўртинчи хатбошиси чиқариб ташлансин.
11. Ўзбекистон Республикаси Президентининг 2017 йил 18 апрелдаги ПҚ-2896-сон қарори билан тасдиқланган Ички ишлар органлари таянч пункти тўғрисидаги низомнинг 22-банди биринчи ва олтинчи хатбошиларидаги «(оқсоқоллари)» сўзи чиқариб ташлансин.
12. Ўзбекистон Республикаси Президентининг 2017 йил 29 ноябрдаги ПҚ-3413-сон қарори билан тасдиқланган Ички ишлар органларида хизматни ўташ тартиби тўғрисидаги низомнинг 11-бандида :
иккинчи хатбоши чиқариб ташлансин;
учинчи — бешинчи хатбошилар тегишлича иккинчи — тўртинчи хатбошилар деб ҳисоблансин.
13. Ўзбекистон Республикаси Президентининг 2019 йил 24 январдаги «Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси фаолиятини ташкил этиш тўғрисида»ги ПҚ-4126-сон қарори 3-бандининг бешинчи хатбошиси қуйидаги таҳрирда баён этилсин:
«Рақобатни ривожлантириш ва истеъмолчилар ҳуқуқларини ҳимоя қилиш қўмитасининг раиси Ўзбекистон Республикаси Президентининг тақдимига биноан Ўзбекистон Республикаси Олий Мажлисининг Сенати томонидан сайланади, унинг ўринбосарлари Ўзбекистон Республикаси Президенти томонидан лавозимга тайинланади ва лавозимдан озод этилади, мақоми, тиббий ва транспорт хизмат кўрсатиш шароитлари бўйича тегишли равишда вазир ва вазир ўринбосарига тенглаштирилади».
14. Ўзбекистон Республикаси Президентининг 2021 йил 22 апрелдаги ПҚ-5089-сон қарори билан тасдиқланган Ўзбекистон Республикаси Миллий гвардияси ходимларининг хизматни ўташ тартиби тўғрисидаги низомнинг 9-банди ўз кучини йўқотган деб ҳисоблансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 7 ноябрь,
ПФ-188-сон
Oʻzbekiston Respublikasi Prezidentining
Farmoni
Yangi tahrirdagi Oʻzbekiston Respublikasi Konstitutsiyasi qabul qilinganligi munosabati bilan Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisida
Yurtimizda 2023-yil 30-aprel kuni oʻtkazilgan referendumda yangi tahrirdagi Oʻzbekiston Respublikasi Konstitutsiyasi qabul qilinishi orqali Yangi Oʻzbekiston strategiyasini amalga oshirishning siyosiy-huquqiy asoslari yaratilib, milliy davlatchilik taraqqiyotining tarixiy muhim bosqichida davlat va jamiyatni yanada rivojlantirishning ustuvor yoʻnalishlari belgilab berildi. Shu munosabat bilan amaldagi qonunosti hujjatlarni yangi tahrirdagi Oʻzbekiston Respublikasi Konstitutsiyasiga muvofiqlashtirish talab etilmoqda.
Yangi tahrirdagi Oʻzbekiston Respublikasi Konstitutsiyasini toʻlaqonli amalga oshirish, unda mustahkamlangan ustuvor prinsiplarni roʻyobga chiqarish, davlat organlarining faoliyatini yangicha konstitutsiyaviy-huquqiy sharoitlarda samarali yoʻlga qoʻyish maqsadida:
1. Oʻzbekiston Respublikasi Prezidentining ayrim hujjatlariga ilovaga muvofiq ularni yangi tahrirdagi Oʻzbekiston Respublikasi Konstitutsiyasiga muvofiqlashtirish boʻyicha quyidagilarni nazarda tutuvchi oʻzgartirish va qoʻshimchalar kiritilsin:
Sudyalar oliy kengashi raisi va aʼzolarini, Korrupsiyaga qarshi kurashish agentligi direktorini hamda Raqobatni rivojlantirish va isteʼmolchilar huquqlarini himoya qilish qoʻmitasining raisini Oʻzbekiston Respublikasi Prezidentining taqdimiga binoan Oliy Majlis Senati tomonidan saylash tartibini belgilash;
yangi tahrirdagi Oʻzbekiston Respublikasi Konstitutsiyasidagi davlat xizmatini oʻtash bilan bogʻliq cheklovlar qonun bilan belgilanishiga oid talabdan kelib chiqib, qonunosti hujjatlardagi bunday cheklovlarni bekor qilish;
mehnatga haq toʻlashning eng kam miqdorini belgilashda insonning munosib turmush darajasini taʼminlash zaruratini hisobga olish.
2 . Vazirliklar, Bosh prokuratura va Oliy sud 2024-yil 1-yanvarga qadar oʻzlariga biriktirilgan soha va tarmoqlar kesimida qonunosti hujjatlarni puxta xatlovdan oʻtkazgan holda ularni yangi tahrirdagi Oʻzbekiston Respublikasi Konstitutsiyasiga mazmunan muvofiqlashtirish boʻyicha Adliya vazirligiga taklif kiritsin, bunda quyidagi masalalarga alohida eʼtibor qaratsin:
mulk huquqining konstitutsiyaviy kafolatlarini taʼminlash, shu jumladan, mulkdor oʻz mol-mulkidan qonunda nazarda tutilgan hollardan va tartibdan tashqari hamda sudning qaroriga asoslanmagan holda mahrum etilishi mumkin emasligi haqidagi konstitutsiyaviy normadan kelib chiqib, ushbu masalalarni faqat qonunlar bilan belgilash;
insonning huquq va erkinliklari faqat qonunga muvofiq cheklanishi mumkinligi toʻgʻrisidagi konstitutsiyaviy talab asosida barcha qonunosti hujjatlarini qayta koʻrib chiqish;
davlat organlari tomonidan insonga nisbatan qoʻllaniladigan huquqiy taʼsir choralari mutanosiblik prinsipiga asoslanishi va qonunlarda nazarda tutilgan maqsadlarga erishish uchun yetarli boʻlishi kerakligi toʻgʻrisidagi konstitutsiyaviy normadan kelib chiqib, qonunosti hujjatlaridagi huquqiy taʼsir choralarini qayta koʻrib chiqish;
uy-joy daxlsizligi huquqini taʼminlash, hech kim sudning qarorisiz va qonunga zid tarzda uy-joyidan mahrum etilishi mumkin emasligiga oid konstitutsiyaviy normalardan kelib chiqib, qonunosti hujjatlarini qayta koʻrib chiqish;
Oʻzbekiston Respublikasi hududida iqtisodiy makon birligi, tovarlar, xizmatlar, mehnat resurslari va moliyaviy mablagʻlarning erkin harakatlanishi toʻgʻrisidagi konstitutsiyaviy normaga muvofiq qonunosti hujjatlarini qayta koʻrib chiqish.
3. Adliya vazirligi 2024-yil 1-fevralga qadar kiritilgan takliflar asosida qonunosti hujjatlarini yangi tahrirdagi Oʻzbekiston Respublikasi Konstitutsiyasiga muvofiqlashtirish boʻyicha normativ-huquqiy hujjatlar loyihalarini ishlab chiqsin va Vazirlar Mahkamasiga kiritsin.
4. Vazirlik va idoralar 2024-yil 1-yanvarga qadar oʻzlari qabul qilgan idoraviy normativ-huquqiy hujjatlarni toʻliq xatlovdan oʻtkazib, ularni yangi tahrirdagi Oʻzbekiston Respublikasi Konstitutsiyasiga muvofiqlashtirish boʻyicha zarur choralarni koʻrsin.
Adliya vazirligi idoraviy normativ-huquqiy hujjatlarni yangi tahrirdagi Oʻzbekiston Respublikasi Konstitutsiyasiga moslashtirish boʻyicha ishlarni muvofiqlashtirib borsin hamda zaruratga koʻra vazirlik va idoralarga ushbu masala boʻyicha taqdimnomalar kiritib borsin.
5. Oʻzbekiston Respublikasining “Oʻzbekiston Respublikasi Konstitutsiyasi toʻgʻrisida”gi Konstitutsiyaviy Qonuniga muvofiq, yangi tahrirdagi Oʻzbekiston Respublikasi Konstitutsiyasi kuchga kirguniga qadar Oʻzbekiston Respublikasi hududida amalda boʻlgan qonunlar va boshqa normativ-huquqiy hujjatlar unga zid boʻlmagan qismida qoʻllanilishi maʼlumot uchun qabul qilinsin.
Vazirlik va idoralar rahbarlari quyidagi masalalar uchun shaxsan javobgar ekanligi belgilab qoʻyilsin:
oʻzlariga biriktirilgan soha va tarmoqlarda yangi tahrirdagi Oʻzbekiston Respublikasi Konstitutsiyasi normalarini toʻgʻridan-toʻgʻri qoʻllash;
amaldagi va yangi ishlab chiqiladigan qonunosti hujjatlarida yangi tahrirdagi Oʻzbekiston Respublikasi Konstitutsiyasiga zid normalar aniqlanganda, ularni bartaraf etish boʻyicha oʻz vaqtida zarur choralar koʻrish;
oʻzlariga biriktirilgan soha va tarmoqlarda yangi tahrirdagi Oʻzbekiston Respublikasi Konstitutsiyasida faqat qonunlar bilan tartibga solinishi nazarda tutilgan masalalar yuzasidan normativ-huquqiy hujjatlar loyihalarini oʻz vaqtida ishlab chiqish va Hukumatga kiritish.
6. Oʻzbekiston Respublikasi Prezidenti huzuridagi Qonunchilik va huquqiy siyosat instituti yangi tahrirdagi Oʻzbekiston Respublikasi Konstitutsiyasi qoidalarini qonunosti hujjatlarida rivojlantirish, aniqlashtirish va amalga oshirish mexanizmlarini belgilash boʻyicha ishlarni axborot-tahliliy hamda ekspertlik jihatdan taʼminlab borsin.
7. Oliy Majlis Qonunchilik palatasi va Senatiga yangi tahrirdagi Oʻzbekiston Respublikasi Konstitutsiyasida qonun bilan tartibga solinishi belgilangan masalalarni qonunosti hujjatlaridan chiqarish va qonun darajasiga koʻtarish boʻyicha ishlarni amalga oshirishda vazirlik va idoralarga uslubiy koʻmaklashish tavsiya etilsin.
8. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 7-noyabrdagi PF-188-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2017-yil 21-fevraldagi “Oʻzbekiston Respublikasi sud tizimi tuzilmasini tubdan takomillashtirish va faoliyati samaradorligini oshirish chora-tadbirlari toʻgʻrisida”gi PF-4966-son Farmonining 6-bandi quyidagi tahrirda bayon etilsin:
“6. Belgilansinki, Kengash raisi, rais oʻrinbosari, Kengash aʼzolari va kotibi Oʻzbekiston Respublikasi Prezidentining taqdimiga binoan Oʻzbekiston Respublikasi Oliy Majlisi Senati tomonidan saylanadi”.
2. Oʻzbekiston Respublikasi Prezidentining 2017-yil 29-maydagi “Oʻzbekiston Respublikasida siyosiy boshpana berish tartibi toʻgʻrisidagi nizomni tasdiqlash toʻgʻrisida”gi PF-5060-son Farmonining muqaddimasidagi “93” raqami “109” raqami bilan almashtirilsin.
3. Oʻzbekiston Respublikasi Prezidentining 2017-yil 30-noyabrdagi “Sud-tergov faoliyatida fuqarolarning huquq va erkinliklari kafolatlarini kuchaytirish boʻyicha qoʻshimcha chora-tadbirlar toʻgʻrisida”gi PF-5268-son Farmoni muqaddimasining sakkizinchi xatboshisidagi “83” raqami “98” raqami bilan almashtirilsin.
4. Oʻzbekiston Respublikasi Prezidentining 2018-yil 8-maydagi “Oʻzbekiston Respublikasida afv etishni amalga oshirish tartibi toʻgʻrisidagi nizomni tasdiqlash haqida”gi PF-5439-son Farmonining muqaddimasidagi “93” raqami “109” raqami bilan almashtirilsin.
5. Oʻzbekiston Respublikasi Prezidentining 2019-yil 21-maydagi “Mehnatga haq toʻlash, pensiyalar va boshqa toʻlovlar miqdorlarini aniqlash tartibini takomillashtirish toʻgʻrisida”gi PF-5723-son Farmoni 2-bandining “a” kichik bandi quyidagi mazmundagi xatboshi bilan toʻldirilsin:
“insonning munosib turmush darajasini taʼminlash zarurati hisobga olingan holda belgilanadi hamda minimal isteʼmol xarajatlari qiymatidan kam boʻlishi mumkin emas”;
6. Oʻzbekiston Respublikasi Prezidentining 2019-yil 15-noyabrdagi “Millatlararo munosabatlar sohasida Oʻzbekiston Respublikasi davlat siyosati konsepsiyasini tasdiqlash toʻgʻrisida”gi PF-5876-son Farmonida :
6-bandning uchinchi xatboshisidagi “shaxsiy va” soʻzlari chiqarib tashlansin;
1-ilova 2-bandining uchinchi xatboshisidagi va 5-bandining ikkinchi xatboshisidagi “shaxsiy va” soʻzlari chiqarib tashlansin.
7. Oʻzbekiston Respublikasi Prezidentining 2020-yil 29-iyundagi “Oʻzbekiston Respublikasida korrupsiyaga qarshi kurashish tizimini takomillashtirish boʻyicha qoʻshimcha chora-tadbirlar toʻgʻrisida”gi PF-6013-son Farmoni 1-bandining beshinchi xatboshisi quyidagi tahrirda bayon etilsin:
“Oʻzbekiston Respublikasi Prezidentining taqdimiga binoan Oʻzbekiston Respublikasi Oliy Majlisining Senati tomonidan saylanadigan direktor tomonidan boshqariladi”.
8. Oʻzbekiston Respublikasi Prezidentining 2020-yil 7-dekabrdagi “Sudyalarning chinakam mustaqilligini taʼminlash hamda sud tizimida korrupsiyaning oldini olish samaradorligini oshirish chora-tadbirlari toʻgʻrisida”gi PF-6127-son Farmonining 4-bandida :
ikkinchi xatboshi chiqarib tashlansin;
uchinchi — toʻqqizinchi xatboshilar tegishlicha ikkinchi — sakkizinchi xatboshilar deb hisoblansin.
9. Oʻzbekiston Respublikasi Prezidentining 2021-yil 1-iyuldagi PF-6255-son Farmoni bilan tasdiqlangan Oʻzbekiston Respublikasining ekstremizm va terrorizmga qarshi kurashish boʻyicha 2021 — 2026-yillarga moʻljallangan milliy strategiyasida :
a) muqaddimaning uchinchi xatboshisi quyidagi tahrirda bayon etilsin:
“Oʻzbekiston Respublikasining tashqi siyosati davlatlarning suveren tengligi, kuch ishlatmaslik yoki kuch bilan tahdid qilmaslik, chegaralarning buzilmasligi, davlatlarning hududiy yaxlitligi, nizolarni tinch yoʻl bilan hal etish, boshqa davlatlarning ichki ishlariga aralashmaslik, xavfsizlikning boʻlinmasligi, oʻz xavfsizligini boshqa davlatlar xavfsizligi hisobiga mustahkamlashga yoʻl qoʻyilmasligi, xalqaro majburiyatlarni vijdonan bajarish prinsiplariga hamda xalqaro huquqning umumeʼtirof etilgan boshqa prinsiplari va normalariga asoslanadi”;
b) 1-bob 2-paragrafining toʻqqizinchi va oʻninchi xatboshilari quyidagi tahrirda bayon etilsin:
“Oʻzbekiston Respublikasining Konstitutsiyasida “Oʻzbekiston Respublikasida barcha fuqarolar bir xil huquq va erkinliklarga ega boʻlib, jinsi, irqi, millati, tili, dini, eʼtiqodi, ijtimoiy kelib chiqishi, ijtimoiy mavqeyidan qatʼi nazar, qonun oldida tengdirlar” deb kafolatlangan.
Shu bilan birga, Konstitutsiyada “inson oʻz huquq va erkinliklarini amalga oshirishda boshqa shaxslarning, jamiyat hamda davlatning huquqlari, erkinliklari va qonuniy manfaatlariga putur yetkazmasligi shart” deb taʼkidlangan”.
10. Oʻzbekiston Respublikasi Prezidentining 2023-yil 10-fevraldagi “Tadbirkorlik subyektlarini toifalarga ajratish mezonlari hamda soliq siyosati va soliq maʼmuriyatchiligini yanada takomillashtirish chora-tadbirlari toʻgʻrisida”gi PF-21-son Farmoni 7-bandining toʻrtinchi xatboshisi chiqarib tashlansin.
11. Oʻzbekiston Respublikasi Prezidentining 2017-yil 18-apreldagi PQ-2896-son qarori bilan tasdiqlangan Ichki ishlar organlari tayanch punkti toʻgʻrisidagi nizomning 22-bandi birinchi va oltinchi xatboshilaridagi “(oqsoqollari)” soʻzi chiqarib tashlansin.
12. Oʻzbekiston Respublikasi Prezidentining 2017-yil 29-noyabrdagi PQ-3413-son qarori bilan tasdiqlangan Ichki ishlar organlarida xizmatni oʻtash tartibi toʻgʻrisidagi nizomning 11-bandida :
ikkinchi xatboshi chiqarib tashlansin;
uchinchi — beshinchi xatboshilar tegishlicha ikkinchi — toʻrtinchi xatboshilar deb hisoblansin.
13. Oʻzbekiston Respublikasi Prezidentining 2019-yil 24-yanvardagi “Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi faoliyatini tashkil etish toʻgʻrisida”gi PQ-4126-son qarori 3-bandining beshinchi xatboshisi quyidagi tahrirda bayon etilsin:
“Raqobatni rivojlantirish va isteʼmolchilar huquqlarini himoya qilish qoʻmitasining raisi Oʻzbekiston Respublikasi Prezidentining taqdimiga binoan Oʻzbekiston Respublikasi Oliy Majlisining Senati tomonidan saylanadi, uning oʻrinbosarlari Oʻzbekiston Respublikasi Prezidenti tomonidan lavozimga tayinlanadi va lavozimdan ozod etiladi, maqomi, tibbiy va transport xizmat koʻrsatish sharoitlari boʻyicha tegishli ravishda vazir va vazir oʻrinbosariga tenglashtiriladi”.
14. Oʻzbekiston Respublikasi Prezidentining 2021-yil 22-apreldagi PQ-5089-son qarori bilan tasdiqlangan Oʻzbekiston Respublikasi Milliy gvardiyasi xodimlarining xizmatni oʻtash tartibi toʻgʻrisidagi nizomning 9-bandi oʻz kuchini yoʻqotgan deb hisoblansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 7-noyabr,
PF-188-son
Президента Республики Узбекистан
Указ
О внесении изменений и дополнений в некоторые акты Президента Республики Узбекистан в связи с принятием Конституции Республики Узбекистан в новой редакции
В стране путем принятия Конституции Республики Узбекистан в новой редакции на референдуме, проведенном 30 апреля 2023 года, созданы политико-правовые основы реализации Стратегии Нового Узбекистана, определены приоритетные направления дальнейшего развития государства и общества на важном историческом этапе развития национальной государственности. В этой связи требуется приведение действующих подзаконных актов в соответствие с Конституцией Республики Узбекистан в новой редакции.
В целях полноценной реализации Конституции Республики Узбекистан в новой редакции, осуществления приоритетных принципов, закрепленных в ней, эффективного налаживания деятельности государственных органов в новых конституционно-правовых условиях:
1. Внести изменения и дополнения в некоторые акты Президента Республики Узбекистан по их приведению в соответствие с Конституцией Республики Узбекистан в новой редакции согласно приложению , предусматривающие:
определение порядка избрания председателя и членов Высшего судейского совета, директора Агентства по противодействию коррупции и председателя Комитета по развитию конкуренции и защите прав потребителей Сенатом Олий Мажлиса по представлению Президента Республики Узбекистан;
отмену в подзаконных актах ограничений, связанных с прохождением государственной службы, исходя из требования в Конституции Республики Узбекистан в новой редакции касательно закрепления данных ограничений законом;
учет необходимости обеспечения достойного уровня жизни человека при определении минимального размера оплаты труда.
2. Министерствам, Генеральной прокуратуре и Верховному суду до 1 января 2024 года внести в Министерство юстиции предложение по приведению в соответствие со смысловым содержанием Конституции Республики Узбекистан в новой редакции подзаконных актов в разрезе закрепленных за ними сферах и отраслях с проведением их тщательной инвентаризации, при этом уделить особое внимание вопросам:
обеспечения конституционных гарантий прав собственности, в том числе закрепления данных вопросов исключительно законами исходя из конституционной нормы о том, что собственник не может быть лишен своего имущества иначе как в случаях и в порядке, предусмотренных законом, и на основании решения суда;
пересмотра всех подзаконных актов на основании конституционного требования о возможности ограничения прав и свобод человека исключительно на основании закона;
пересмотра мер правового воздействия в подзаконных актах исходя из конституционной нормы о том, что меры правового воздействия на человека, применяемые государственными органами, должны основываться на принципе соразмерности и быть достаточными для достижения целей, предусмотренных законами;
пересмотра подзаконных актов исходя из конституционных норм касательно права на неприкосновенность жилища, недопущения лишения своего жилища иначе как по решению суда и в соответствии с законом;
пересмотра подзаконных актов в соответствии с конституционной нормой о единстве на территории Республики Узбекистан экономического пространства, свободном перемещении товаров, услуг, трудовых ресурсов и финансовых средств.
3. Министерству юстиции до 1 февраля 2024 года на основе внесенных предложений разработать и внести в Кабинет Министров проекты нормативно-правовых актов по приведению подзаконных актов в соответствие с Конституцией Республики Узбекистан в новой редакции.
4. Министерствам и ведомствам до 1 января 2024 года принять необходимые меры по приведению принятых ими ведомственных нормативно-правовых актов в соответствие с Конституцией Республики Узбекистан в новой редакции с проведением их полной инвентаризации.
Министерству юстиции осуществлять координацию работ по приведению ведомственных нормативно-правовых актов в соответствие с Конституцией Республики Узбекистан в новой редакции, а также при необходимости вносить в министерства и ведомства представления по данному вопросу.
5. Принять к сведению, что в соответствии с Конституционным Законом Республики Узбекистан «О Конституции Республики Узбекистан» законы и иные нормативно-правовые акты, действовавшие на территории Республики Узбекистан до вступления в силу Конституции Республики Узбекистан в новой редакции, применяются в части, не противоречащей ей.
Возложить персональную ответственность на руководителей министерств и ведомств по:
прямому применению норм Конституции Республики Узбекистан в новой редакции в закрепленных за ними сферах и отраслях;
своевременному принятию необходимых мер по устранению норм, противоречащих Конституции Республики Узбекистан в новой редакции, при их определении в действующих и разрабатываемых новых подзаконных актах;
своевременной разработке и внесении в Правительство проектов нормативно-правовых актов по вопросам, упорядочение которых предусмотрено в Конституции Республики Узбекистан в новой редакции исключительно законами, в закрепленных за ними сферах и отраслях.
6. Институту законодательства и правовой политики при Президенте Республики Узбекистан обеспечить информационно-аналитическое и экспертное сопровождение работ по развитию, детализации и закреплению механизмов реализации положений Конституции Республики Узбекистан в новой редакции в подзаконных актах.
7. Рекомендовать Законодательной палате и Сенату Олий Мажлиса оказывать министерствам и ведомствам методическое содействие в осуществлении работ по исключению из подзаконных актов вопросов, упорядочение которых предусмотрено в Конституции Республики Узбекистан в новой редакции законами, и поднятию их на уровень закона.
8. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 7 ноября 2023 года № УП-188
Изменения и дополнения, вносимые в некоторые акты Президента Республики Узбекистан
1. Пункт 6 Указа Президента Республики Узбекистан от 21 февраля 2017 года № УП-4966 «О мерах по коренному совершенствованию структуры и повышению эффективности деятельности судебной системы Республики Узбекистан» изложить в следующей редакции:
«6. Определить, что председатель Совета, его заместитель, члены и секретарь Совета избираются Сенатом Олий Мажлиса Республики Узбекистан по представлению Президента Республики Узбекистан».
2. В преамбуле Указа Президента Республики Узбекистан от 29 мая 2017 года № УП-5060 «Об утверждении Положения о порядке предоставления политического убежища в Республике Узбекистан» цифру «93» заменить цифрой «109».
3. В абзаце восьмом преамбулы Указа Президента Республики Узбекистан от 30 ноября 2017 года № УП-5268 «О дополнительных мерах по усилению гарантий прав и свобод граждан в судебно-следственной деятельности» цифру «83» заменить цифрой «98».
4. В преамбуле Указа Президента Республики Узбекистан от 8 мая 2018 года № УП-5439 «Об утверждении Положения о порядке осуществления помилования в Республике Узбекистан» цифру «93» заменить цифрой «109».
5. Подпункт «а» пункта 2 Указа Президента Республики Узбекистан от 21 мая 2019 года № УП-5723 «О совершенствовании порядка определения размеров оплаты труда, пенсий и иных платежей» дополнить абзацем следующего содержания:
«устанавливается с учетом необходимости обеспечения достойного уровня жизни человека и не может быть ниже стоимости минимальных потребительских расходов».
6. В Указе Президента Республики Узбекистан от 15 ноября 2019 года № УП-5876 «Об утверждении Концепции государственной политики Республики Узбекистан в сфере межнациональных отношений»:
в абзаце третьем пункта 6 слова «личного и» исключить;
в абзаце третьем пункта 2 и абзаце втором пункта 5 приложения № 1 слова «личного и» исключить.
7. Абзац пятый пункта 1 Указа Президента Республики Узбекистан от 29 июня 2020 года № УП-6013 «О дополнительных мерах по совершенствованию системы противодействия коррупции в Республике Узбекистан» изложить в следующей редакции:
«возглавляется директором, избираемым Сенатом Олий Мажлиса Республики Узбекистан по представлению Президента Республики Узбекистан».
8. В пункте 4 Указа Президента Республики Узбекистан от 7 декабря 2020 года № УП-6127 «О мерах по обеспечению подлинной независимости судей и повышению эффективности предупреждения коррупции в судебной системе»:
абзац второй исключить;
абзацы третий — девятый считать абзацами вторым — восьмым соответственно.
9. В Национальной стратегии Республики Узбекистан по противодействию экстремизму и терроризму на 2021 — 2026 годы, утвержденной Указом Президента Республики Узбекистан от 1 июля 2021 года № УП-6255:
а) абзац третий преамбулы изложить в следующей редакции:
«Внешняя политика Республики Узбекистан основывается на принципах суверенного равенства государств, неприменения силы или угрозы силой, нерушимости границ, территориальной целостности государств, мирного урегулирования споров, невмешательства во внутренние дела других государств, неделимости безопасности, недопустимости укрепления собственной безопасности за счет безопасности других государств, добросовестного выполнения международных обязательств и иных общепризнанных принципах и нормах международного права»;
б) абзацы девятый и десятый параграфа 2 главы 1 изложить в следующей редакции:
«Конституция Республики Узбекистан гарантирует, что «в Республике Узбекистан все граждане имеют одинаковые права и свободы, равны перед законом независимо от пола, расы, национальности, языка, религии, убеждений, социального происхождения, общественного положения».
В то же время конституционно закреплено, что «осуществление прав и свобод человеком не должно нарушать прав, свобод и законных интересов других лиц, общества и государства».
10. Абзац четвертый пункта 7 Указа Президента Республики Узбекистан от 10 февраля 2023 года № УП-21 «О мерах по дальнейшему совершенствованию критериев разделения субъектов предпринимательства на категории, а также налоговой политики и налогового администрирования» исключить.
11. В абзацах первом и шестом пункта 22 Положения об опорном пункте органов внутренних дел, утвержденного постановлением Президента Республики Узбекистан от 18 апреля 2017 года № ПП-2896, слово «(аксакалами)» исключить.
12. В пункте 11 Положения о порядке прохождения службы в органах внутренних дел, утвержденного постановлением Президента Республики Узбекистан от 29 ноября 2017 года № ПП-3413:
абзац второй исключить;
абзацы третий — пятый считать абзацами вторым — четвертым соответственно.
13. Абзац пятый пункта 3 постановления Президента Республики Узбекистан от 24 января 2019 года № ПП-4126 «Об организации деятельности Комитета по развитию конкуренции и защите прав потребителей Республики Узбекистан» изложить в следующей редакции:
«председатель Комитета по развитию конкуренции и защите прав потребителей избирается Сенатом Олий Мажлиса Республики Узбекистан по представлению Президента Республики Узбекистан, его заместители назначаются на должность и освобождаются от должности Президентом Республики Узбекистан, по статусу, условиям медицинского и транспортного обслуживания приравниваются соответственно к министру и заместителю министра».
14. Пункт 9 Положения о порядке прохождения службы сотрудниками Национальной гвардии Республики Узбекистан, утвержденного постановлением Президента Республики Узбекистан от 22 апреля 2021 года № ПП-5089, признать утратившим силу.
Президент Республики Узбекистан Ш. МИРЗИЁЕВ
г. Ташкент,
7 ноября 2023 г.,
№ УП-188