📅 2023-yil 7-oktabr · Vazirlik va idoralar hujjatlari · Bosh prokuraturasi Oliy sudi Davlat xavfsizlik xizmati Ichki ishlar vazirligi Milliy gvardiyasi Iqtisodiyot va moliya vazirligi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 7 октябрь · Вазирлик ва идоралар ҳужжатлари · Бош прокуратураси Олий суди Давлат хавфсизлик хизмати Ички ишлар вазирлиги Миллий гвардияси Иқтисодиёт ва молия вазирлиги
Расмий матн. Расмий ҳужжат. Таҳририй изоҳлар киритилмаган.
📅 7 октября 2023 г. · Документы министерств и ведомств · Генеральной прокуратуры Министерства внутренних дел Национальной гвардии Верховного суда Министерства экономики и финансов Службы государственной безопасности
Официальный текст. Официальный документ. Редакционные примечания не включены.
📅 7 October 2023 · Ministry and agency documents · Bosh prokuraturasi Oliy sudi Davlat xavfsizlik xizmati Ichki ishlar vazirligi Milliy gvardiyasi Iqtisodiyot va moliya vazirligi
Official text. Official document. Editorial notes are not included.
Ўзбекистон Республикаси Бош прокуратураси Ўзбекистон Республикаси Олий суди Ўзбекистон Республикаси Давлат хавфсизлик хизмати Ўзбекистон Республикаси Ички ишлар вазирлиги Ўзбекистон Республикаси Миллий гвардияси Ўзбекистон Республикаси Иқтисодиёт ва молия вазирлигининг
Қарори
НИЗОМ
Ўзбекистон Республикаси Ҳуқуқни муҳофаза қилиш академияси талабалари ва тингловчилари томонидан малакавий амалиёт ҳамда стажировкани ўташ тартиби тўғрисидаги низомни тасдиқлаш ҳақида
Ўзбекистон Республикаси Президентининг 2022 йил 28 ноябрдаги ПФ-257-сон «Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида»ги Фармонига мувофиқ Ўзбекистон Республикаси Бош прокуратураси, Олий суди, Давлат хавфсизлик хизмати, Ички ишлар вазирлиги, Миллий гвардияси ва Иқтисодиёт ва молия вазирлиги қарор қилади:
1. Ўзбекистон Республикаси Ҳуқуқни муҳофаза қилиш академияси талабалари ва тингловчилари томонидан малакавий амалиёт ҳамда стажировкани ўташ тартиби тўғрисидаги низом иловага мувофиқ тасдиқлансин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Бош прокуратурасининг 2023 йил 7 октябрдаги 32-ҚҚ-сон, Олий судининг 2023 йил 26 сентябрдаги 750-сон, Давлат хавфсизлик хизматининг 2023 йил 7 октябрдаги 13-сон, Ички ишлар вазирлигининг 2023 йил 25 сентябрдаги 41-сон, Миллий гвардиясининг 2023 йил 26 сентябрдаги 23-сон ва Иқтисодиёт ва молия вазирлигининг 2023 йил 7 октябрдаги 78-сон қарорига ИЛОВА
Ўзбекистон Республикаси Ҳуқуқни муҳофаза қилиш академияси талабалари ва тингловчилари томонидан малакавий амалиёт ҳамда стажировкани ўташ тартиби тўғрисидаги
Ушбу Низом Ўзбекистон Республикаси Ҳуқуқни муҳофаза қилиш академияси (бундан буён матнда Академия деб юритилади) бакалавриат талабалари (бундан буён матнда талабалар деб юритилади) ва магистратура тингловчилари (бундан буён матнда тингловчилар деб юритилади) томонидан малакавий амалиёт ҳамда стажировкани ўташ тартибини белгилайди.
1-боб. Умумий қоидалар
1. Малакавий амалиёт ва стажировка ўташнинг асосий мақсади назарий тайёргарликнинг ҳуқуқни қўллаш амалиёти билан узвий боғлиқлигини, талаба ва тингловчиларнинг қизиқиши, интилиши ва қобилиятлари инобатга олинган ҳолда уларни касбга йўналтиришни, келгусида суд ва ҳуқуқни муҳофаза қилувчи органлар ҳамда бошқа ташкилотларга ишга жойлашишини таъминлашдан иборат ҳисобланади.
2. Мазкур Низомда қуйидаги тушунчалардан фойдаланилади:
малакавий амалиёт — талабаларнинг назарий билимларини чуқурлаштириш ва мустаҳкамлаш, махсус касбий кўникмаларни шакллантириш ва ривожлантириш, жиноят ишлари бўйича мустақил иш юритиш кўникмаларини ривожлантиришга қаратилган ўқув жараёнининг бир қисми;
стажировка — тингловчиларда амалий кўникма ва педагогик маҳорат ҳосил қилишга, ҳуқуқни муҳофаза қилиш фаолиятининг энг долзарб масалалари бўйича комплекс илмий тадқиқотларни тизимли асосда амалга оширишга кўмаклашишга қаратилган амалиёт тури;
Академиядан бириктирилган малакавий амалиёт (стажировка) раҳбари — Академия бошлиғининг буйруғи билан малакавий амалиётни (стажировкани) ташкил этишга масъул бўлган профессор-ўқитувчи;
қабул қилувчи ташкилот — талабалар (тингловчилар) томонидан малакавий амалиёт (стажировка) ўталадиган суд ва ҳуқуқни муҳофаза қилувчи органлар ҳамда бошқа ташкилотлар;
қабул қилувчи ташкилотдан бириктирилган малакавий амалиёт (стажировка) раҳбари — талабаларда (тингловчиларда) амалий кўникмаларни шакллантириш ва ривожлантиришга, талабаларнинг (тингловчиларнинг) малакавий амалиёт (стажировка) ўташини назорат қилишга масъул бўлган қабул қилувчи ташкилот ходими.
3. Малакавий амалиётни (стажировкани) ўташ Академия томонидан ўқув режаларга мувофиқ ишлаб чиқилган ва тасдиқланган, мазкур Низомнинг 1-иловасида белгиланган шаклдаги малакавий амалиёт (стажировка) дастури асосида амалга оширилади.
4. Малакавий амалиётни (стажировканинг) ўташ муддати ва жойи малакавий амалиёт (стажировка) дастурида белгиланади.
Талабаларни (тингловчиларни) малакавий амалиётни (стажировкани) ўташдан озод қилишга йўл қўйилмайди.
5. Қабул қилувчи ташкилотлар талабани (тингловчини) малакавий амалиёт (стажировка) дастурида кўзда тутилмаган вазифаларни бажаришга жалб қилиши, шунингдек Академияни хабардор қилмаган ҳолда малакавий амалиёт (стажировка) жойини ўзгартириши ман этилади.
6. Малакавий амалиётни (стажировкани) ўташ даврида талабаларда (тингловчиларда) стипендия олиш ҳуқуқи сақланиб қолади.
2-боб. Малакавий амалиётни (стажировкани) ташкил этиш
7. Малакавий амалиётни (стажировкани) самарали ташкил этиш мақсадида Академия бошлиғи томонидан малакавий амалиёт (стажировка) бошланишидан бир ой олдин буйруқ қабул қилинади.
Бунда, ушбу буйруқда малакавий амалиётни (стажировкани) ўташ муддати ва жойи, малакавий амалиётга (стажировкага) юборилаётган талабалар (тингловчилар) ва Академиядан бириктирилган малакавий амалиёт (стажировка) раҳбарларининг рўйхати белгиланади.
8. Малакавий амалиётни (стажировкани) ташкил этишга масъул бўлган факультетлар томонидан талабалар (тингловчилар) малакавий амалиётни (стажировкани) ўташ муддати ва жойи, Академиядан бириктирилган малакавий амалиёт (стажировка) раҳбарлари ҳақида буйруқ қабул қилинган кундан эътиборан беш иш куни ичида ёзма ёки электрон шаклда хабардор қилинади.
9. Академия томонидан малакавий амалиётга (стажировкага) юборилаётган талабалар (тингловчилар) рўйхати буйруқ қабул қилинган кундан эътиборан уч иш куни ичида ёзма ёки электрон шаклда қабул қилувчи ташкилотга юборилади.
Қабул қилувчи ташкилот малакавий амалиёт (стажировка) бошланишидан бир ҳафта олдин талабаларга (тингловчиларга) қабул қилувчи ташкилотдан бириктирилган малакавий амалиёт (стажировка) раҳбарларини бириктиради.
10. Қабул қилувчи ташкилотда талабалар (тингловчилар) томонидан малакавий амалиётни (стажировкани) ўташ уни ташкил этишга оид буйруқ қабул қилинган кундан эътиборан бир ой муддат ичида бошланиши шарт.
3-боб. Малакавий амалиётни (стажировкани) ўташ
11. Малакавий амалиётни (стажировкани) ўташ қуйидаги босқичларда амалга оширилади:
малакавий амалиётга (стажировкага) тайёргарлик кўриш;
малакавий амалиётни (стажировкани) ўташ;
малакавий амалиёт (стажировка) бўйича имтиҳон.
12. Қабул қилувчи ташкилот томонидан малакавий амалиётни (стажировкани) ўташ бошланган куннинг ўзида Академиядан ва қабул қилувчи ташкилотдан бириктирилган малакавий амалиёт (стажировка) раҳбари, талабалар (тингловчилар) иштирокида йиғилиш ўтказилади.
Бунда, ушбу йиғилишда қабул қилувчи ташкилот томонидан талабалар (тингловчилар) мазкур Низом ва малакавий амалиёт (стажировка) дастури билан таништирилади, жумладан малакавий амалиёт (стажировка) дастурининг мақсад ва вазифаларига тааллуқли кўрсатмалар, уни бажариш бўйича қўлланмаларни олади, малакавий амалиёт (стажировка) даврида бажарилган ишлар бўйича мазкур Низомнинг 2-иловасига мувофиқ шаклдаги ҳисобот тузиш тартиби ҳақида хабардор қилинади.
13. Талабалар (тингловчилар) томонидан малакавий амалиётни (стажировкани) ўташ бошланган куннинг ўзида малакавий амалиёт (стажировка) дастурини бажариш бўйича режа-жадвал тайёрланади ва ушбу режа-жадвал қабул қилувчи ташкилотдан бириктирилган малакавий амалиёт (стажировка) раҳбари томонидан тасдиқланади.
14. Талабалар (тингловчилар) қабул қилувчи ташкилотдан бириктирилган малакавий амалиёт (стажировка) раҳбарининг кўрсатмаси асосида малакавий амалиёт (стажировка) дастурини бажариш бўйича режа-жадвалда белгиланган ишларни бажаради.
15. Малакавий амалиёт (стажировка) якунлангандан сўнг, талаба (тингловчи) томонидан малакавий амалиёт (стажировка) даврида бажарилган ишлар бўйича ҳисобот тайёрланади ва ушбу ҳисобот малакавий амалиёт (стажировка) якунланган куннинг ўзида қабул қилувчи ташкилотдан бириктирилган малакавий амалиёт (стажировка) раҳбари томонидан тасдиқланади.
16. Талабалар (тингловчилар) малакавий амалиёт (стажировка) даврида бажарилган ишлар бўйича ҳисоботни малакавий амалиёт (стажировка) якунланган кундан эътиборан беш кун ичида Академиянинг Ўқув-услубий бошқармасига тақдим этади.
17. Академиянинг Ўқув-услубий бошқармаси томонидан малакавий амалиёт (стажировка) якунланган кундан эътиборан ўн кун ичида талабалардан (тингловчилардан) ёзма шаклда малакавий амалиёт (стажировка) бўйича имтиҳон қабул қилинади.
Бунда, Академиянинг Ўқув-услубий бошқармаси томонидан талабалар (тингловчилар) малакавий амалиёт (стажировка) бўйича имтиҳон бошланишидан беш кун олдин ушбу имтиҳон бошланиш вақти ва жойи ҳақида ёзма ёки электрон шаклда хабардор қилинади.
18. Малакавий амалиёт (стажировка) бўйича имтиҳон ўтказилаётган хонага талабалар (тингловчилар) томонидан мобил алоқа воситаси, компьютер ёки бошқа алоқа ва телекоммуникация воситалари, китоб, луғат, шпаргалка ва бошқа материаллар олиб кириш ҳамда фойдаланиш, шунингдек бошқа талабалар (тингловчилар) билан суҳбатлашиш тақиқланади.
19. Малакавий амалиёт (стажировка) бўйича имтиҳонни ўтказиш вақтида талабаларнинг (тингловчиларнинг) натижалари 100 баллик тизимда баҳоланади.
Бунда, талабалар (тингловчилар) 86 — 100 баллар оралиғида балл тўпласа, унинг билими «аъло» деб, 71 —85 баллар оралиғида балл тўпласа, «яхши» деб, 56 — 70 баллар оралиғида балл тўпласа, «қониқарли» деб баҳоланади ва малакавий амалиётни (стажировкани) ўзлаштирган деб ҳисобланади.
Малакавий амалиёт (стажировка) бўйича имтиҳон натижалари бўйича талабалар (тингловчилар) 55 ва ундан кам балл тўплаган ҳолларда унинг билими «қониқарсиз» деб баҳоланади ва малакавий амалиётни (стажировкани) ўзлаштирмаган деб ҳисобланади.
20. Талабаларнинг (тингловчиларнинг) малакавий амалиёт (стажировка) бўйича билимларини баҳолаш қуйидаги мезонлар асосида амалга оширилади:
а) «аъло» баҳо (86 — 100 балл) олиш учун талабалар (тингловчилар):
малакавий амалиёт (стажировка) дастурининг барча бўлимлари бўйича тизимли, тўла ва чуқур билимга эга бўлиши, зарур далиллар билан асослантириши;
илмий терминологиядан (шу жумладан, хорижий тилда ҳам) аниқ фойдаланиши, саволларга жавобни мантиқан тўғри, стилистик саводли равишда ифодалаши;
муаммоли саволларни аниқлаши, ўз ҳуқуқий позициясини илмий-амалий тилда асослаб бера олиши;
малакавий амалиёт (стажировка) дастурининг таянч тушунчаларини билиши ва уни қисқа вақт ичида илмий ва амалий масалаларни ечишда самарали қўллай олиши;
ностандарт вазиятларда муаммоларни мустақил ва ижодий ҳал қила олиш қобилиятини кўрсата олиши;
амалий масалаларни қисқа, асосланган ва рационал равишда ҳал этиши;
малакавий амалиёт (стажировка) дастурида тавсия этилган асосий ва қўшимча адабиётларни тўлиқ ва чуқур ўзлаштириши;
малакавий амалиёт (стажировка) дастури бўйича назариялар, концепциялар ва йўналишлар моҳиятини англаш, уларга танқидий баҳо бериш ва илмий ютуқларни қўллай олиши;
б) «яхши» баҳо (71 — 85 балл) олиш учун талабалар (тингловчилар):
малакавий амалиёт (стажировка) дастурининг барча бўлимлари бўйича тизимли, тўла ва чуқур билимга эга бўлиши, зарур далиллар билан асослантириши;
илмий терминологиядан (шу жумладан, хорижий тилда ҳам) аниқ фойдаланиши, саволларга жавобни мантиқан тўғри, стилистик саводли равишда ифодалаши;
ўз фикрини исботлашда ёки бошқа назарий материални баён қилишда юзага келган ноаниқликларни мустақил бартараф эта олиши;
малакавий амалиёт (стажировка) дастурининг таянч тушунчаларини билиши, қисқа вақт ичида илмий ва касбий вазифаларни қўйиш ҳамда ҳал қилишда ундан унумли фойдаланиши;
стандарт вазиятларда муаммоларни ўқув дастури доирасида мустақил ҳал қила олиши;
норматив-ҳуқуқий ҳужжатларни яхши билишини намойиш қилиши, ушбу билимларни янги вазиятларда тўғри (лекин доим ҳам рационал эмас) қўллай олиши, бунда бажарилган иш натижаларини етарли даражада расмийлаштира олмаслиги;
малакавий амалиёт (стажировка) дастурида тавсия қилинган асосий адабиётларни ўзлаштириши;
малакавий амалиёт (стажировка) дастури бўйича назариялар, концепциялар ва йўналишлар моҳиятини англай олиши ва уларга танқидий баҳо бериши;
в) «қониқарли» баҳо (56 — 70 балл) олиш учун талабалар (тингловчилар):
давлат таълим стандартлари доирасида етарли билим ҳажмига эга бўлиши;
илмий терминологияни ишлатиши, саволларга жавобларни тўғри баён қилиши, лекин бунда айрим хатоларга йўл қўйиши;
жавоб беришга ёки айрим махсус кўникмаларни намойиш қилишда қийналганда, малакавий амалиёт (стажировка) дастури ва норматив-ҳуқуқий ҳужжатлар бўйича асосий тушунчага эга эканлигини намойиш этиши;
малакавий амалиёт (стажировка) дастурининг умумий тушунчалари бўйича қисман билимга эга бўлиши ва уни стандарт (намунавий) вазиятларни ҳал этишда қўллай олиши;
малакавий амалиёт (стажировка) дастури бўйича асосий назариялар, концепциялар ва йўналишлар моҳиятини англаши, уларга баҳо бера олиши;
г) «қониқарсиз» баҳо (0 — 55 балл) олиш учун талабалар (тингловчилар):
саволларга жавоб бера олмаса, савол мазмуни ва хусусиятларини тушунмаса, савол ва фан мавзуси тўғрисида тасаввурга эга бўлмаса, эгаллаган кўникмаларни амалиётда қўллай олмаса;
малакавий амалиёт (стажировка) дастури бўйича етарли билимга эга бўлмаса, фақат айрим билимларга эга бўлса, зарур далиллар билан асослантира олмаса;
терминологиядан аниқ, ўз ўрнида фойдалана олмаса, саволларга жавобни тўғри ифодалай олмаса;
муаммоли ҳолатларда ўз позициясини ифодалай олмаса.
21. Малакавий амалиёт (стажировка) бўйича имтиҳон натижалари у ўтказилган куннинг ўзида талабаларга (тингловчиларга) эълон қилинади ва Академиянинг Ўқув-услубий бошқармаси раҳбари томонидан тасдиқланадиган баённомада қайд этилади.
22. Малакавий амалиёт (стажировка) бўйича имтиҳонда узрли сабабларга кўра (касаллиги, йўл-транспорт ҳодисаси, яқин қариндошининг вафоти, никоҳ тузиш, фарзанд туғилиши сабабли) иштирок этмаган ёки унда «қониқарсиз» баҳоланган талабалар (тингловчилар) малакавий амалиёт (стажировка) якунланган кундан эътиборан икки ой муддат ичида ўз аризасига мувофиқ малакавий амалиётни (стажировкани) қайта топшириш ҳуқуқига эга.
4-боб. Талабаларнинг (тингловчиларнинг) апелляция шикоятларини кўриб чиқиш
23. Талабаларнинг (тингловчиларнинг) апелляция шикоятларини кўриб чиқиш учун Академия бошлиғининг буйруғи билан Академиянинг камида беш нафар мутахассисларидан иборат таркибда Апелляция комиссияси ташкил этилади.
Малакавий амалиёт (стажировка) бўйича имтиҳонни ўтказишга масъул бўлган шахсларнинг Апелляция комиссияси таркибига киритилишига йўл қўйилмайди.
24. Малакавий амалиёт (стажировка) бўйича имтиҳон натижаларидан норози бўлган талаба (тингловчи) мазкур имтиҳонлар натижалари эълон қилинган кундан бошлаб етти иш куни ичида Апелляция комиссиясига ёзма ёки электрон шаклда апелляция шикояти бериши мумкин.
Бунда, Апелляция комиссияси апелляция шикояти билан мурожаат қилган талабани (тингловчини) шикоят кўриб чиқилишидан икки кун олдин уни кўриб чиқиш вақти ва жойи ҳақида огоҳлантиради.
25. Апелляция комиссияси апелляция шикоятини, у келиб тушган кундан бошлаб уч кун муддат ичида кўриб чиқади. Бунда, апелляция шикояти билан мурожаат қилган талаба (тингловчи) мазкур шикоятни кўриб чиқишда иштирок этиш ҳуқуқига эга.
26. Апелляция комиссияси унда аъзоларнинг камида учдан икки қисми иштирок этганда ваколатли ҳисобланади. Апелляция комиссиясининг қарори оддий кўпчилик овоз билан қабул қилинади ва мажлисда иштирок этган барча аъзолар томонидан тасдиқланадиган баённома билан расмийлаштирилади.
27. Апелляция комиссияси томонидан апелляция шикоятини кўриб чиқиш давомида талабага (тингловчига) уни қайта баҳолашга қаратилган саволлар берилишига йўл қўйилмайди.
28. Шикоятни кўриб чиқиш натижалари бўйича Апелляция комиссияси томонидан қуйидаги қарорлардан бири қабул қилинади:
малакавий амалиёт (стажировка) бўйича имтиҳон натижаларини ўзгаришсиз қолдириш;
малакавий амалиёт (стажировка) бўйича имтиҳон натижаларига ўзгартириш киритиш.
Апелляция шикоятини кўришда талабанинг (тингловчининг) малакавий амалиёт (стажировка) бўйича имтиҳон натижасида олган балини пасайтиришга йўл қўйилмайди.
29. Апелляция комиссияси апелляция шикояти билан мурожаат қилган талабага (тингловчига) ўз қарорини у қабул қилинган куннинг ўзида маълум қилиши керак.
30. Апелляция комиссиясининг малакавий амалиёт (стажировка) бўйича имтиҳон натижаларига ўзгартириш киритиш тўғрисидаги қарори асосида талаба (тингловчи) малакавий амалиётни (стажировкани) ўзлаштирган деб ҳисобланади.
31. Апелляция комиссияси қарори устидан талаба (тингловчи) юқори турувчи органга ёки судга шикоят қилиши мумкин.
5-боб. Якунловчи қоида
32. Мазкур Низом талабларини бузилишида айбдор бўлган шахслар қонунчилик ҳужжатларига мувофиқ жавоб беради.
Ўзбекистон Республикаси Ҳуқуқни муҳофаза қилиш академияси талабалари ва тингловчилари томонидан малакавий амалиёт ҳамда стажировкани ўташ тартиби тўғрисидаги низомга 1-ИЛОВА
ЎЗБЕКИСТОН РЕСПУБЛИКАСИ БОШ ПРОКУРАТУРАСИ ЎЗБЕКИСТОН РЕСПУБЛИКАСИ ОЛИЙ СУДИ ЎЗБЕКИСТОН РЕСПУБЛИКАСИ ДАВЛАТ ХАВФСИЗЛИК ХИЗМАТИ ЎЗБЕКИСТОН РЕСПУБЛИКАСИ ИЧКИ ИШЛАР ВАЗИРЛИГИ ЎЗБЕКИСТОН РЕСПУБЛИКАСИ МИЛЛИЙ ГВАРДИЯСИ ЎЗБЕКИСТОН РЕСПУБЛИКАСИ ИҚТИСОДИЁТ ВА МОЛИЯ ВАЗИРИЛИГИ Ўзбекистон Республикаси Ҳуқуқни муҳофаза қилиш академияси талабалари (тингловчилари) билан «малакавий амалиёт ҳамда стажировка»ни ташкил этиш ва ўтказиш ДАСТУРИ Тошкент ЎЗБЕКИСТОН РЕСПУБЛИКАСИ БОШ ПРОКУРАТУРАСИ ЎЗБЕКИСТОН РЕСПУБЛИКАСИ ОЛИЙ СУДИ ЎЗБЕКИСТОН РЕСПУБЛИКАСИ ДАВЛАТ ХАВФСИЗЛИК ХИЗМАТИ ЎЗБЕКИСТОН РЕСПУБЛИКАСИ ИЧКИ ИШЛАР ВАЗИРЛИГИ ЎЗБЕКИСТОН РЕСПУБЛИКАСИ МИЛЛИЙ ГВАРДИЯСИ ЎЗБЕКИСТОН РЕСПУБЛИКАСИ ИҚТИСОДИЁТ ВА МОЛИЯ ВАЗИРИЛИГИ «ТАСДИҚАЙМАН» Бош прокурор ўринбосари __________________________ 20___ йил «__» ___________ «ТАСДИҚАЙМАН» Давлат хавфсизлик хизмати раиси ўринбосари __________________________ 20___ йил «__» ____________ «ТАСДИҚАЙМАН» Миллий гвардия қўмондонининг ўринбосари __________________________ 20___ йил «__» ____________ «ТАСДИҚАЙМАН» Олий суд раиси ўринбосари __________________________ 20___ йил «__» ___________ «ТАСДИҚАЙМАН» Ички ишлар вазири ўринбосари __________________________ 20___ йил «__» ___________ «ТАСДИҚАЙМАН» Иқтисодиёт ва молия вазири ўринбосари __________________________ 20___ йил «__» ___________ Ўзбекистон Республикаси Ҳуқуқни муҳофаза қилиш академияси талабалари (тингловчилари) билан «малакавий амалиёт ҳамда стажировка»ни ташкил этиш ва ўтказиш ДАСТУРИ Тошкент 20___ йил I. УМУМИЙ ҚОИДАЛАР 1. ____________________________________________________________________________________________________________ 2. ____________________________________________________________________________________________________________ 3. ____________________________________________________________________________________________________________ 4. ____________________________________________________________________________________________________________ 5. _____________________________________________________________________________________________________________ II. МАЛАКАВИЙ АМАЛИЁТНИНГ (СТАЖИРОВКАНИНГ) МАҚСАДИ ВА ВАЗИФАЛАРИ 1. ____________________________________________________________________________________________________________ 2. ____________________________________________________________________________________________________________ 3. ____________________________________________________________________________________________________________ 4. ____________________________________________________________________________________________________________ 5._____________________________________________________________________________________________________________ III. МАЛАКАВИЙ АМАЛИЁТНИНГ (СТАЖИРОВКАНИНГ) МАЗМУНИ 1. ____________________________________________________________________________________________________________ 2. ____________________________________________________________________________________________________________ 3. ____________________________________________________________________________________________________________ 4. ____________________________________________________________________________________________________________ 5._____________________________________________________________________________________________________________ IV. МАЛАКАВИЙ АМАЛИЁТНИ (СТАЖИРОВКАНИ) ТАШКИЛ ЭТИШ ВА ЎТКАЗИШ ТАРТИБИ 1. ____________________________________________________________________________________________________________ 2. ____________________________________________________________________________________________________________ 3. ____________________________________________________________________________________________________________ 4. ____________________________________________________________________________________________________________ 5._____________________________________________________________________________________________________________ V. ТАЛАБАЛАРНИНГ МАЛАКАВИЙ АМАЛИЁТ (СТАЖИРОВКА) ДАВРИДА ҲУҚУҚ ВА МАЖБУРИЯТЛАРИ 1. ____________________________________________________________________________________________________________ 2. ____________________________________________________________________________________________________________ 3. ____________________________________________________________________________________________________________ 4. ____________________________________________________________________________________________________________ 5._____________________________________________________________________________________________________________ VI. ҚАБУЛ ҚИЛУВЧИ ТАШКИЛОТДАН БИРИКТИРИЛГАН МАЛАКАВИЙ АМАЛИЁТ (СТАЖИРОВКА) РАҲБАРИНИНГ ҲУҚУҚ ВА МАЖБУРИЯТЛАРИ 1. ____________________________________________________________________________________________________________ 2. ____________________________________________________________________________________________________________ 3. ____________________________________________________________________________________________________________ 4. ____________________________________________________________________________________________________________ 5._____________________________________________________________________________________________________________ VII. МАЛАКАВИЙ АМАЛИЁТНИ (СТАЖИРОВКАНИ) ЯКУНЛАШ 1. ____________________________________________________________________________________________________________ 2. ____________________________________________________________________________________________________________ 3. ____________________________________________________________________________________________________________ 4. ____________________________________________________________________________________________________________ 5._____________________________________________________________________________________________________________ «КЕЛИШИЛГАН» Ҳуқуқни муҳофаза қилиш академияси бошлиғи __________________________ 20___ йил «__» ___________ «КЕЛИШИЛГАН» Давлат хавфсизлик хизмати раиси ўринбосари __________________________ 20___ йил «__» ____________ «КЕЛИШИЛГАН» Миллий гвардия Таълим жараёнини ташкил этиш бошқармаси бошлиғи __________________________ 20___ йил «__» ____________ «КЕЛ?ШИЛГАН» Олий суд раиси ўринбосари __________________________ 20___ йил «__» ___________ «КЕЛИШИЛГАН» Ички ишлар вазирлиги Маънавий маърифий ишлар ва кадрлар билан таъминлаш департаменти бошлиғининг ўринбосари, Таълим жараёнини ташкил этиш бошқармаси бошлиғи __________________________ 20___ йил «__» ___________ «КЕЛИШИЛГАН» Иқтисодиёт ва молия вазири ўринбосари __________________________ 20___ йил «__» ____________
Ўзбекистон Республикаси Ҳуқуқни муҳофаза қилиш академияси талабалари ва тингловчилари томонидан малакавий амалиёт ҳамда стажировкани ўташ тартиби тўғрисидаги низомга 2-ИЛОВА
Ўзбекистон Республикаси Ҳуқуқни муҳофаза қилиш академияси бакалавриати кундузги таълим шакли ___-ўқув курс талабаси ________________________________ нинг «малакавий амалиёт ҳамда стажировка» давомида ўрганган ва амалга оширган ишлари тўғрисида ҲИСОБОТ Мен, ________________________________________ «малакавий амалиёт ҳамда стажировка»ни ўтадим ва қуйидагиларни ўргандим ва амалда бажардим: _________________________________________________________________________________________________ _________________________________________________________________________________________________ _________________________________________________________________________________________________ _________________________________________________________________________________________________ _________________________________________________________________________________________________ _________________________________________________________________________________________________ _________________________________________________________________________________________________ _________________________________________________________________________________________________ _________________________________________________________________________________________________ _________________________________________________________________________________________________ _________________________________________________________________________________________________ _________________________________________________________________________________________________ _________________________________________________________________________________________________ _____-ўқув курс ______гуруҳ талабаси ______________________________________ (Ф.И.О.) _________________________________ Амалиёт мураббийи ______________________________________ (Ф.И.О.) ____________________ (имзо) ____________________ (имзо) 20___ йил «___» _________
Бош прокурор Н. ЙЎЛДОШЕВ
Ички ишлар вазири П. БОБОЖОНОВ
Миллий гвардия қўмондони Р. ДЖУРАЕВ
Олий суд раиси Б. ИСЛАМОВ
Иқтисодиёт ва молия вазири Д. КУЧКАРОВ
Давлат хавфсизлик хизмати раиси А. АЗИЗОВ
Тошкент ш.,
2023 йил 7 октябрь,
Тошкент ш.,
2023 йил 25 сентябрь,
Тошкент ш.,
2023 йил 26 сентябрь,
Тошкент ш.,
2023 йил 26 сентябрь,
Тошкент ш.,
2023 йил 7 октябрь,
Тошкент ш.,
2023 йил 7 октябрь,
ҚҚ-32-сон
41-сон
23-сон
750-сон
78-сон
13-сон
Oʻzbekiston Respublikasi Bosh prokuraturasi Oʻzbekiston Respublikasi Oliy sudi Oʻzbekiston Respublikasi Davlat xavfsizlik xizmati Oʻzbekiston Respublikasi Ichki ishlar vazirligi Oʻzbekiston Respublikasi Milliy gvardiyasi Oʻzbekiston Respublikasi Iqtisodiyot va moliya vazirligining
Qarori
NIZOM
Oʻzbekiston Respublikasi Huquqni muhofaza qilish akademiyasi talabalari va tinglovchilari tomonidan malakaviy amaliyot hamda stajirovkani oʻtash tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining 2022-yil 28-noyabrdagi PF-257-son “Jinoyatlarni tergov qilish sohasida malakali kadrlarni tayyorlashning sifat jihatidan yangi tizimini joriy etish toʻgʻrisida”gi Farmoniga muvofiq Oʻzbekiston Respublikasi Bosh prokuraturasi, Oliy sudi, Davlat xavfsizlik xizmati, Ichki ishlar vazirligi, Milliy gvardiyasi va Iqtisodiyot va moliya vazirligi qaror qiladi:
1. Oʻzbekiston Respublikasi Huquqni muhofaza qilish akademiyasi talabalari va tinglovchilari tomonidan malakaviy amaliyot hamda stajirovkani oʻtash tartibi toʻgʻrisidagi nizom ilovaga muvofiq tasdiqlansin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Bosh prokuraturasining 2023-yil 7-oktabrdagi 32-QQ-son, Oliy sudining 2023-yil 26-sentabrdagi 750-son, Davlat xavfsizlik xizmatining 2023-yil 7-oktabrdagi 13-son, Ichki ishlar vazirligining 2023-yil 25-sentabrdagi 41-son, Milliy gvardiyasining 2023-yil 26-sentabrdagi 23-son va Iqtisodiyot va moliya vazirligining 2023-yil 7-oktabrdagi 78-son qaroriga ILOVA
Oʻzbekiston Respublikasi Huquqni muhofaza qilish akademiyasi talabalari va tinglovchilari tomonidan malakaviy amaliyot hamda stajirovkani oʻtash tartibi toʻgʻrisidagi
Ushbu Nizom Oʻzbekiston Respublikasi Huquqni muhofaza qilish akademiyasi (bundan buyon matnda Akademiya deb yuritiladi) bakalavriat talabalari (bundan buyon matnda talabalar deb yuritiladi) va magistratura tinglovchilari (bundan buyon matnda tinglovchilar deb yuritiladi) tomonidan malakaviy amaliyot hamda stajirovkani oʻtash tartibini belgilaydi.
1-bob. Umumiy qoidalar
1. Malakaviy amaliyot va stajirovka oʻtashning asosiy maqsadi nazariy tayyorgarlikning huquqni qoʻllash amaliyoti bilan uzviy bogʻliqligini, talaba va tinglovchilarning qiziqishi, intilishi va qobiliyatlari inobatga olingan holda ularni kasbga yoʻnaltirishni, kelgusida sud va huquqni muhofaza qiluvchi organlar hamda boshqa tashkilotlarga ishga joylashishini taʼminlashdan iborat hisoblanadi.
2. Mazkur Nizomda quyidagi tushunchalardan foydalaniladi:
malakaviy amaliyot — talabalarning nazariy bilimlarini chuqurlashtirish va mustahkamlash, maxsus kasbiy koʻnikmalarni shakllantirish va rivojlantirish, jinoyat ishlari boʻyicha mustaqil ish yuritish koʻnikmalarini rivojlantirishga qaratilgan oʻquv jarayonining bir qismi;
stajirovka — tinglovchilarda amaliy koʻnikma va pedagogik mahorat hosil qilishga, huquqni muhofaza qilish faoliyatining eng dolzarb masalalari boʻyicha kompleks ilmiy tadqiqotlarni tizimli asosda amalga oshirishga koʻmaklashishga qaratilgan amaliyot turi;
Akademiyadan biriktirilgan malakaviy amaliyot (stajirovka) rahbari — Akademiya boshligʻining buyrugʻi bilan malakaviy amaliyotni (stajirovkani) tashkil etishga masʼul boʻlgan professor-oʻqituvchi;
qabul qiluvchi tashkilot — talabalar (tinglovchilar) tomonidan malakaviy amaliyot (stajirovka) oʻtaladigan sud va huquqni muhofaza qiluvchi organlar hamda boshqa tashkilotlar;
qabul qiluvchi tashkilotdan biriktirilgan malakaviy amaliyot (stajirovka) rahbari — talabalarda (tinglovchilarda) amaliy koʻnikmalarni shakllantirish va rivojlantirishga, talabalarning (tinglovchilarning) malakaviy amaliyot (stajirovka) oʻtashini nazorat qilishga masʼul boʻlgan qabul qiluvchi tashkilot xodimi.
3. Malakaviy amaliyotni (stajirovkani) oʻtash Akademiya tomonidan oʻquv rejalarga muvofiq ishlab chiqilgan va tasdiqlangan, mazkur Nizomning 1-ilovasida belgilangan shakldagi malakaviy amaliyot (stajirovka) dasturi asosida amalga oshiriladi.
4. Malakaviy amaliyotni (stajirovkaning) oʻtash muddati va joyi malakaviy amaliyot (stajirovka) dasturida belgilanadi.
Talabalarni (tinglovchilarni) malakaviy amaliyotni (stajirovkani) oʻtashdan ozod qilishga yoʻl qoʻyilmaydi.
5. Qabul qiluvchi tashkilotlar talabani (tinglovchini) malakaviy amaliyot (stajirovka) dasturida koʻzda tutilmagan vazifalarni bajarishga jalb qilishi, shuningdek Akademiyani xabardor qilmagan holda malakaviy amaliyot (stajirovka) joyini oʻzgartirishi man etiladi.
6. Malakaviy amaliyotni (stajirovkani) oʻtash davrida talabalarda (tinglovchilarda) stipendiya olish huquqi saqlanib qoladi.
2-bob. Malakaviy amaliyotni (stajirovkani) tashkil etish
7. Malakaviy amaliyotni (stajirovkani) samarali tashkil etish maqsadida Akademiya boshligʻi tomonidan malakaviy amaliyot (stajirovka) boshlanishidan bir oy oldin buyruq qabul qilinadi.
Bunda, ushbu buyruqda malakaviy amaliyotni (stajirovkani) oʻtash muddati va joyi, malakaviy amaliyotga (stajirovkaga) yuborilayotgan talabalar (tinglovchilar) va Akademiyadan biriktirilgan malakaviy amaliyot (stajirovka) rahbarlarining roʻyxati belgilanadi.
8. Malakaviy amaliyotni (stajirovkani) tashkil etishga masʼul boʻlgan fakultetlar tomonidan talabalar (tinglovchilar) malakaviy amaliyotni (stajirovkani) oʻtash muddati va joyi, Akademiyadan biriktirilgan malakaviy amaliyot (stajirovka) rahbarlari haqida buyruq qabul qilingan kundan eʼtiboran besh ish kuni ichida yozma yoki elektron shaklda xabardor qilinadi.
9. Akademiya tomonidan malakaviy amaliyotga (stajirovkaga) yuborilayotgan talabalar (tinglovchilar) roʻyxati buyruq qabul qilingan kundan eʼtiboran uch ish kuni ichida yozma yoki elektron shaklda qabul qiluvchi tashkilotga yuboriladi.
Qabul qiluvchi tashkilot malakaviy amaliyot (stajirovka) boshlanishidan bir hafta oldin talabalarga (tinglovchilarga) qabul qiluvchi tashkilotdan biriktirilgan malakaviy amaliyot (stajirovka) rahbarlarini biriktiradi.
10. Qabul qiluvchi tashkilotda talabalar (tinglovchilar) tomonidan malakaviy amaliyotni (stajirovkani) oʻtash uni tashkil etishga oid buyruq qabul qilingan kundan eʼtiboran bir oy muddat ichida boshlanishi shart.
3-bob. Malakaviy amaliyotni (stajirovkani) oʻtash
11. Malakaviy amaliyotni (stajirovkani) oʻtash quyidagi bosqichlarda amalga oshiriladi:
malakaviy amaliyotga (stajirovkaga) tayyorgarlik koʻrish;
malakaviy amaliyotni (stajirovkani) oʻtash;
malakaviy amaliyot (stajirovka) boʻyicha imtihon.
12. Qabul qiluvchi tashkilot tomonidan malakaviy amaliyotni (stajirovkani) oʻtash boshlangan kunning oʻzida Akademiyadan va qabul qiluvchi tashkilotdan biriktirilgan malakaviy amaliyot (stajirovka) rahbari, talabalar (tinglovchilar) ishtirokida yigʻilish oʻtkaziladi.
Bunda, ushbu yigʻilishda qabul qiluvchi tashkilot tomonidan talabalar (tinglovchilar) mazkur Nizom va malakaviy amaliyot (stajirovka) dasturi bilan tanishtiriladi, jumladan malakaviy amaliyot (stajirovka) dasturining maqsad va vazifalariga taalluqli koʻrsatmalar, uni bajarish boʻyicha qoʻllanmalarni oladi, malakaviy amaliyot (stajirovka) davrida bajarilgan ishlar boʻyicha mazkur Nizomning 2-ilovasiga muvofiq shakldagi hisobot tuzish tartibi haqida xabardor qilinadi.
13. Talabalar (tinglovchilar) tomonidan malakaviy amaliyotni (stajirovkani) oʻtash boshlangan kunning oʻzida malakaviy amaliyot (stajirovka) dasturini bajarish boʻyicha reja-jadval tayyorlanadi va ushbu reja-jadval qabul qiluvchi tashkilotdan biriktirilgan malakaviy amaliyot (stajirovka) rahbari tomonidan tasdiqlanadi.
14. Talabalar (tinglovchilar) qabul qiluvchi tashkilotdan biriktirilgan malakaviy amaliyot (stajirovka) rahbarining koʻrsatmasi asosida malakaviy amaliyot (stajirovka) dasturini bajarish boʻyicha reja-jadvalda belgilangan ishlarni bajaradi.
15. Malakaviy amaliyot (stajirovka) yakunlangandan soʻng, talaba (tinglovchi) tomonidan malakaviy amaliyot (stajirovka) davrida bajarilgan ishlar boʻyicha hisobot tayyorlanadi va ushbu hisobot malakaviy amaliyot (stajirovka) yakunlangan kunning oʻzida qabul qiluvchi tashkilotdan biriktirilgan malakaviy amaliyot (stajirovka) rahbari tomonidan tasdiqlanadi.
16. Talabalar (tinglovchilar) malakaviy amaliyot (stajirovka) davrida bajarilgan ishlar boʻyicha hisobotni malakaviy amaliyot (stajirovka) yakunlangan kundan eʼtiboran besh kun ichida Akademiyaning Oʻquv-uslubiy boshqarmasiga taqdim etadi.
17. Akademiyaning Oʻquv-uslubiy boshqarmasi tomonidan malakaviy amaliyot (stajirovka) yakunlangan kundan eʼtiboran oʻn kun ichida talabalardan (tinglovchilardan) yozma shaklda malakaviy amaliyot (stajirovka) boʻyicha imtihon qabul qilinadi.
Bunda, Akademiyaning Oʻquv-uslubiy boshqarmasi tomonidan talabalar (tinglovchilar) malakaviy amaliyot (stajirovka) boʻyicha imtihon boshlanishidan besh kun oldin ushbu imtihon boshlanish vaqti va joyi haqida yozma yoki elektron shaklda xabardor qilinadi.
18. Malakaviy amaliyot (stajirovka) boʻyicha imtihon oʻtkazilayotgan xonaga talabalar (tinglovchilar) tomonidan mobil aloqa vositasi, kompyuter yoki boshqa aloqa va telekommunikatsiya vositalari, kitob, lugʻat, shpargalka va boshqa materiallar olib kirish hamda foydalanish, shuningdek boshqa talabalar (tinglovchilar) bilan suhbatlashish taqiqlanadi.
19. Malakaviy amaliyot (stajirovka) boʻyicha imtihonni oʻtkazish vaqtida talabalarning (tinglovchilarning) natijalari 100 ballik tizimda baholanadi.
Bunda, talabalar (tinglovchilar) 86 — 100 ballar oraligʻida ball toʻplasa, uning bilimi “aʼlo” deb, 71 —85 ballar oraligʻida ball toʻplasa, “yaxshi” deb, 56 — 70 ballar oraligʻida ball toʻplasa, “qoniqarli” deb baholanadi va malakaviy amaliyotni (stajirovkani) oʻzlashtirgan deb hisoblanadi.
Malakaviy amaliyot (stajirovka) boʻyicha imtihon natijalari boʻyicha talabalar (tinglovchilar) 55 va undan kam ball toʻplagan hollarda uning bilimi “qoniqarsiz” deb baholanadi va malakaviy amaliyotni (stajirovkani) oʻzlashtirmagan deb hisoblanadi.
20. Talabalarning (tinglovchilarning) malakaviy amaliyot (stajirovka) boʻyicha bilimlarini baholash quyidagi mezonlar asosida amalga oshiriladi:
a) “aʼlo” baho (86 — 100 ball) olish uchun talabalar (tinglovchilar):
malakaviy amaliyot (stajirovka) dasturining barcha boʻlimlari boʻyicha tizimli, toʻla va chuqur bilimga ega boʻlishi, zarur dalillar bilan asoslantirishi;
ilmiy terminologiyadan (shu jumladan, xorijiy tilda ham) aniq foydalanishi, savollarga javobni mantiqan toʻgʻri, stilistik savodli ravishda ifodalashi;
muammoli savollarni aniqlashi, oʻz huquqiy pozitsiyasini ilmiy-amaliy tilda asoslab bera olishi;
malakaviy amaliyot (stajirovka) dasturining tayanch tushunchalarini bilishi va uni qisqa vaqt ichida ilmiy va amaliy masalalarni yechishda samarali qoʻllay olishi;
nostandart vaziyatlarda muammolarni mustaqil va ijodiy hal qila olish qobiliyatini koʻrsata olishi;
amaliy masalalarni qisqa, asoslangan va ratsional ravishda hal etishi;
malakaviy amaliyot (stajirovka) dasturida tavsiya etilgan asosiy va qoʻshimcha adabiyotlarni toʻliq va chuqur oʻzlashtirishi;
malakaviy amaliyot (stajirovka) dasturi boʻyicha nazariyalar, konsepsiyalar va yoʻnalishlar mohiyatini anglash, ularga tanqidiy baho berish va ilmiy yutuqlarni qoʻllay olishi;
b) “yaxshi” baho (71 — 85 ball) olish uchun talabalar (tinglovchilar):
malakaviy amaliyot (stajirovka) dasturining barcha boʻlimlari boʻyicha tizimli, toʻla va chuqur bilimga ega boʻlishi, zarur dalillar bilan asoslantirishi;
ilmiy terminologiyadan (shu jumladan, xorijiy tilda ham) aniq foydalanishi, savollarga javobni mantiqan toʻgʻri, stilistik savodli ravishda ifodalashi;
oʻz fikrini isbotlashda yoki boshqa nazariy materialni bayon qilishda yuzaga kelgan noaniqliklarni mustaqil bartaraf eta olishi;
malakaviy amaliyot (stajirovka) dasturining tayanch tushunchalarini bilishi, qisqa vaqt ichida ilmiy va kasbiy vazifalarni qoʻyish hamda hal qilishda undan unumli foydalanishi;
standart vaziyatlarda muammolarni oʻquv dasturi doirasida mustaqil hal qila olishi;
normativ-huquqiy hujjatlarni yaxshi bilishini namoyish qilishi, ushbu bilimlarni yangi vaziyatlarda toʻgʻri (lekin doim ham ratsional emas) qoʻllay olishi, bunda bajarilgan ish natijalarini yetarli darajada rasmiylashtira olmasligi;
malakaviy amaliyot (stajirovka) dasturida tavsiya qilingan asosiy adabiyotlarni oʻzlashtirishi;
malakaviy amaliyot (stajirovka) dasturi boʻyicha nazariyalar, konsepsiyalar va yoʻnalishlar mohiyatini anglay olishi va ularga tanqidiy baho berishi;
v) “qoniqarli” baho (56 — 70 ball) olish uchun talabalar (tinglovchilar):
davlat taʼlim standartlari doirasida yetarli bilim hajmiga ega boʻlishi;
ilmiy terminologiyani ishlatishi, savollarga javoblarni toʻgʻri bayon qilishi, lekin bunda ayrim xatolarga yoʻl qoʻyishi;
javob berishga yoki ayrim maxsus koʻnikmalarni namoyish qilishda qiynalganda, malakaviy amaliyot (stajirovka) dasturi va normativ-huquqiy hujjatlar boʻyicha asosiy tushunchaga ega ekanligini namoyish etishi;
malakaviy amaliyot (stajirovka) dasturining umumiy tushunchalari boʻyicha qisman bilimga ega boʻlishi va uni standart (namunaviy) vaziyatlarni hal etishda qoʻllay olishi;
malakaviy amaliyot (stajirovka) dasturi boʻyicha asosiy nazariyalar, konsepsiyalar va yoʻnalishlar mohiyatini anglashi, ularga baho bera olishi;
g) “qoniqarsiz” baho (0 — 55 ball) olish uchun talabalar (tinglovchilar):
savollarga javob bera olmasa, savol mazmuni va xususiyatlarini tushunmasa, savol va fan mavzusi toʻgʻrisida tasavvurga ega boʻlmasa, egallagan koʻnikmalarni amaliyotda qoʻllay olmasa;
malakaviy amaliyot (stajirovka) dasturi boʻyicha yetarli bilimga ega boʻlmasa, faqat ayrim bilimlarga ega boʻlsa, zarur dalillar bilan asoslantira olmasa;
terminologiyadan aniq, oʻz oʻrnida foydalana olmasa, savollarga javobni toʻgʻri ifodalay olmasa;
muammoli holatlarda oʻz pozitsiyasini ifodalay olmasa.
21. Malakaviy amaliyot (stajirovka) boʻyicha imtihon natijalari u oʻtkazilgan kunning oʻzida talabalarga (tinglovchilarga) eʼlon qilinadi va Akademiyaning Oʻquv-uslubiy boshqarmasi rahbari tomonidan tasdiqlanadigan bayonnomada qayd etiladi.
22. Malakaviy amaliyot (stajirovka) boʻyicha imtihonda uzrli sabablarga koʻra (kasalligi, yoʻl-transport hodisasi, yaqin qarindoshining vafoti, nikoh tuzish, farzand tugʻilishi sababli) ishtirok etmagan yoki unda “qoniqarsiz” baholangan talabalar (tinglovchilar) malakaviy amaliyot (stajirovka) yakunlangan kundan eʼtiboran ikki oy muddat ichida oʻz arizasiga muvofiq malakaviy amaliyotni (stajirovkani) qayta topshirish huquqiga ega.
4-bob. Talabalarning (tinglovchilarning) apellatsiya shikoyatlarini koʻrib chiqish
23. Talabalarning (tinglovchilarning) apellatsiya shikoyatlarini koʻrib chiqish uchun Akademiya boshligʻining buyrugʻi bilan Akademiyaning kamida besh nafar mutaxassislaridan iborat tarkibda Apellatsiya komissiyasi tashkil etiladi.
Malakaviy amaliyot (stajirovka) boʻyicha imtihonni oʻtkazishga masʼul boʻlgan shaxslarning Apellatsiya komissiyasi tarkibiga kiritilishiga yoʻl qoʻyilmaydi.
24. Malakaviy amaliyot (stajirovka) boʻyicha imtihon natijalaridan norozi boʻlgan talaba (tinglovchi) mazkur imtihonlar natijalari eʼlon qilingan kundan boshlab yetti ish kuni ichida Apellatsiya komissiyasiga yozma yoki elektron shaklda apellatsiya shikoyati berishi mumkin.
Bunda, Apellatsiya komissiyasi apellatsiya shikoyati bilan murojaat qilgan talabani (tinglovchini) shikoyat koʻrib chiqilishidan ikki kun oldin uni koʻrib chiqish vaqti va joyi haqida ogohlantiradi.
25. Apellatsiya komissiyasi apellatsiya shikoyatini, u kelib tushgan kundan boshlab uch kun muddat ichida koʻrib chiqadi. Bunda, apellatsiya shikoyati bilan murojaat qilgan talaba (tinglovchi) mazkur shikoyatni koʻrib chiqishda ishtirok etish huquqiga ega.
26. Apellatsiya komissiyasi unda aʼzolarning kamida uchdan ikki qismi ishtirok etganda vakolatli hisoblanadi. Apellatsiya komissiyasining qarori oddiy koʻpchilik ovoz bilan qabul qilinadi va majlisda ishtirok etgan barcha aʼzolar tomonidan tasdiqlanadigan bayonnoma bilan rasmiylashtiriladi.
27. Apellatsiya komissiyasi tomonidan apellatsiya shikoyatini koʻrib chiqish davomida talabaga (tinglovchiga) uni qayta baholashga qaratilgan savollar berilishiga yoʻl qoʻyilmaydi.
28. Shikoyatni koʻrib chiqish natijalari boʻyicha Apellatsiya komissiyasi tomonidan quyidagi qarorlardan biri qabul qilinadi:
malakaviy amaliyot (stajirovka) boʻyicha imtihon natijalarini oʻzgarishsiz qoldirish;
malakaviy amaliyot (stajirovka) boʻyicha imtihon natijalariga oʻzgartirish kiritish.
Apellatsiya shikoyatini koʻrishda talabaning (tinglovchining) malakaviy amaliyot (stajirovka) boʻyicha imtihon natijasida olgan balini pasaytirishga yoʻl qoʻyilmaydi.
29. Apellatsiya komissiyasi apellatsiya shikoyati bilan murojaat qilgan talabaga (tinglovchiga) oʻz qarorini u qabul qilingan kunning oʻzida maʼlum qilishi kerak.
30. Apellatsiya komissiyasining malakaviy amaliyot (stajirovka) boʻyicha imtihon natijalariga oʻzgartirish kiritish toʻgʻrisidagi qarori asosida talaba (tinglovchi) malakaviy amaliyotni (stajirovkani) oʻzlashtirgan deb hisoblanadi.
31. Apellatsiya komissiyasi qarori ustidan talaba (tinglovchi) yuqori turuvchi organga yoki sudga shikoyat qilishi mumkin.
5-bob. Yakunlovchi qoida
32. Mazkur Nizom talablarini buzilishida aybdor boʻlgan shaxslar qonunchilik hujjatlariga muvofiq javob beradi.
Oʻzbekiston Respublikasi Huquqni muhofaza qilish akademiyasi talabalari va tinglovchilari tomonidan malakaviy amaliyot hamda stajirovkani oʻtash tartibi toʻgʻrisidagi nizomga 1-ILOVA
OʻZBEKISTON RESPUBLIKASI BOSh PROKURATURASI OʻZBEKISTON RESPUBLIKASI OLIY SUDI OʻZBEKISTON RESPUBLIKASI DAVLAT XAVFSIZLIK XIZMATI OʻZBEKISTON RESPUBLIKASI IChKI IShLAR VAZIRLIGI OʻZBEKISTON RESPUBLIKASI MILLIY GVARDIYASI OʻZBEKISTON RESPUBLIKASI IQTISODIYOT VA MOLIYA VAZIRILIGI Oʻzbekiston Respublikasi Huquqni muhofaza qilish akademiyasi talabalari (tinglovchilari) bilan “malakaviy amaliyot hamda stajirovka”ni tashkil etish va oʻtkazish DASTURI Toshkent OʻZBEKISTON RESPUBLIKASI BOSh PROKURATURASI OʻZBEKISTON RESPUBLIKASI OLIY SUDI OʻZBEKISTON RESPUBLIKASI DAVLAT XAVFSIZLIK XIZMATI OʻZBEKISTON RESPUBLIKASI IChKI IShLAR VAZIRLIGI OʻZBEKISTON RESPUBLIKASI MILLIY GVARDIYASI OʻZBEKISTON RESPUBLIKASI IQTISODIYOT VA MOLIYA VAZIRILIGI “TASDIQAYMAN” Bosh prokuror oʻrinbosari __________________________ 20___ yil “__” ___________ “TASDIQAYMAN” Davlat xavfsizlik xizmati raisi oʻrinbosari __________________________ 20___ yil “__” ____________ “TASDIQAYMAN” Milliy gvardiya qoʻmondonining oʻrinbosari __________________________ 20___ yil “__” ____________ “TASDIQAYMAN” Oliy sud raisi oʻrinbosari __________________________ 20___ yil “__” ___________ “TASDIQAYMAN” Ichki ishlar vaziri oʻrinbosari __________________________ 20___ yil “__” ___________ “TASDIQAYMAN” Iqtisodiyot va moliya vaziri oʻrinbosari __________________________ 20___ yil “__” ___________ Oʻzbekiston Respublikasi Huquqni muhofaza qilish akademiyasi talabalari (tinglovchilari) bilan “malakaviy amaliyot hamda stajirovka”ni tashkil etish va oʻtkazish DASTURI Toshkent 20___ yil I. UMUMIY QOIDALAR 1. ____________________________________________________________________________________________________________ 2. ____________________________________________________________________________________________________________ 3. ____________________________________________________________________________________________________________ 4. ____________________________________________________________________________________________________________ 5. _____________________________________________________________________________________________________________ II. MALAKAVIY AMALIYOTNING (STAJIROVKANING) MAQSADI VA VAZIFALARI 1. ____________________________________________________________________________________________________________ 2. ____________________________________________________________________________________________________________ 3. ____________________________________________________________________________________________________________ 4. ____________________________________________________________________________________________________________ 5._____________________________________________________________________________________________________________ III. MALAKAVIY AMALIYOTNING (STAJIROVKANING) MAZMUNI 1. ____________________________________________________________________________________________________________ 2. ____________________________________________________________________________________________________________ 3. ____________________________________________________________________________________________________________ 4. ____________________________________________________________________________________________________________ 5._____________________________________________________________________________________________________________ IV. MALAKAVIY AMALIYOTNI (STAJIROVKANI) TAShKIL ETISh VA OʻTKAZISh TARTIBI 1. ____________________________________________________________________________________________________________ 2. ____________________________________________________________________________________________________________ 3. ____________________________________________________________________________________________________________ 4. ____________________________________________________________________________________________________________ 5._____________________________________________________________________________________________________________ V. TALABALARNING MALAKAVIY AMALIYOT (STAJIROVKA) DAVRIDA HUQUQ VA MAJBURIYATLARI 1. ____________________________________________________________________________________________________________ 2. ____________________________________________________________________________________________________________ 3. ____________________________________________________________________________________________________________ 4. ____________________________________________________________________________________________________________ 5._____________________________________________________________________________________________________________ VI. QABUL QILUVChI TAShKILOTDAN BIRIKTIRILGAN MALAKAVIY AMALIYOT (STAJIROVKA) RAHBARINING HUQUQ VA MAJBURIYATLARI 1. ____________________________________________________________________________________________________________ 2. ____________________________________________________________________________________________________________ 3. ____________________________________________________________________________________________________________ 4. ____________________________________________________________________________________________________________ 5._____________________________________________________________________________________________________________ VII. MALAKAVIY AMALIYOTNI (STAJIROVKANI) YAKUNLASh 1. ____________________________________________________________________________________________________________ 2. ____________________________________________________________________________________________________________ 3. ____________________________________________________________________________________________________________ 4. ____________________________________________________________________________________________________________ 5._____________________________________________________________________________________________________________ “KELIShILGAN” Huquqni muhofaza qilish akademiyasi boshligʻi __________________________ 20___ yil “__” ___________ “KELIShILGAN” Davlat xavfsizlik xizmati raisi oʻrinbosari __________________________ 20___ yil “__” ____________ “KELIShILGAN” Milliy gvardiya Taʼlim jarayonini tashkil etish boshqarmasi boshligʻi __________________________ 20___ yil “__” ____________ “KEL?ShILGAN” Oliy sud raisi oʻrinbosari __________________________ 20___ yil “__” ___________ “KELIShILGAN” Ichki ishlar vazirligi Maʼnaviy maʼrifiy ishlar va kadrlar bilan taʼminlash departamenti boshligʻining oʻrinbosari, Taʼlim jarayonini tashkil etish boshqarmasi boshligʻi __________________________ 20___ yil “__” ___________ “KELIShILGAN” Iqtisodiyot va moliya vaziri oʻrinbosari __________________________ 20___ yil “__” ____________
Oʻzbekiston Respublikasi Huquqni muhofaza qilish akademiyasi talabalari va tinglovchilari tomonidan malakaviy amaliyot hamda stajirovkani oʻtash tartibi toʻgʻrisidagi nizomga 2-ILOVA
Oʻzbekiston Respublikasi Huquqni muhofaza qilish akademiyasi bakalavriati kunduzgi taʼlim shakli ___-oʻquv kurs talabasi ________________________________ ning “malakaviy amaliyot hamda stajirovka” davomida oʻrgangan va amalga oshirgan ishlari toʻgʻrisida HISOBOT Men, ________________________________________ “malakaviy amaliyot hamda stajirovka”ni oʻtadim va quyidagilarni oʻrgandim va amalda bajardim: _________________________________________________________________________________________________ _________________________________________________________________________________________________ _________________________________________________________________________________________________ _________________________________________________________________________________________________ _________________________________________________________________________________________________ _________________________________________________________________________________________________ _________________________________________________________________________________________________ _________________________________________________________________________________________________ _________________________________________________________________________________________________ _________________________________________________________________________________________________ _________________________________________________________________________________________________ _________________________________________________________________________________________________ _________________________________________________________________________________________________ _____-oʻquv kurs ______guruh talabasi ______________________________________ (F.I.O.) _________________________________ Amaliyot murabbiyi ______________________________________ (F.I.O.) ____________________ (imzo) ____________________ (imzo) 20___ yil “___” _________
Bosh prokuror N. YOʻLDOShEV
Ichki ishlar vaziri P. BOBOJONOV
Milliy gvardiya qoʻmondoni R. DJURAYEV
Oliy sud raisi B. ISLAMOV
Iqtisodiyot va moliya vaziri D. KUChKAROV
Davlat xavfsizlik xizmati raisi A. AZIZOV
Toshkent sh.,
2023-yil 7-oktabr,
Toshkent sh.,
2023-yil 25-sentabr,
Toshkent sh.,
2023-yil 26-sentabr,
Toshkent sh.,
2023-yil 26-sentabr,
Toshkent sh.,
2023-yil 7-oktabr,
Toshkent sh.,
2023-yil 7-oktabr,
QQ-32-son
41-son
23-son
750-son
78-son
13-son