UzbekAI

Ўзбекистон Республикасининг Қонуни

Ўзбекистон Республикасининг айрим қонун ҳужжатларига деҳқон хўжалигини юритиш учун ажратиладиган ер участкаларининг ўлчамини оширишга қаратилган ўзгартиришлар ва қўшимча киритиш тўғрисида

Қонунчилик палатаси томонидан 2023 йил 15 августда қабул қилинган Сенат томонидан 2023 йил 28 октябрда маъқулланган

Кейинги йилларда чорвачилик тармоғини қўллаб-қувватлаш ва янада ривожлантириш, чорвачилик маҳсулотлари ишлаб чиқаришни кўпайтириш ҳисобидан озиқ-овқат хавфсизлигини таъминлаш борасида зарур чора-тадбирлар амалга оширилмоқда.

Шу билан бирга мамлакатнинг айрим ҳудудларида чорва озуқаси экинларини етиштириш учун кенг имкониятлар мавжудлиги деҳқон хўжалиги учун ажратиладиган ер участкаларининг қонунчиликда белгиланган ўлчамини қайта кўриб чиқиш ва ошириш заруратини юзага келтирмоқда.

Мазкур Қонун билан Ўзбекистон Республикасининг Ер кодексига ва «Деҳқон хўжалиги тўғрисида»ги Ўзбекистон Республикаси Қонунига мамлакатнинг айрим ҳудудларида чорва озуқаси экинларини етиштириш мақсадида деҳқон хўжалигини юритиш учун ажратиладиган ер участкаларининг энг кўп ўлчамини 1 гектардан 5 гектарга оширишни назарда тутувчи ўзгартиришлар ва қўшимча киритилмоқда.

Ушбу Қонун мамлакатнинг айрим ҳудудларида чорвачилик маҳсулотлари етиштирувчиларни қўллаб-қувватлашга ва мазкур соҳада маҳсулот ишлаб чиқаришнинг барқарор ўсишини таъминлашга хизмат қилади.

1-модда . Ўзбекистон Республикасининг 1998 йил 30 апрелда қабул қилинган 598-I-сонли Қонуни билан тасдиқланган Ўзбекистон Республикасининг Ер кодекси (Ўзбекистон Республикаси Олий Мажлисининг Ахборотномаси, 1998 йил, № 5-6, 82-модда; 2003 йил, № 9-10, 149-модда; 2004 йил, № 5, 90-модда; 2005 йил, № 1, 18-модда; Ўзбекистон Республикаси Олий Мажлиси палаталарининг Ахборотномаси, 2007 йил, № 12, 608-модда; 2009 йил, № 1, 1-модда, № 12, 472-модда; 2011 йил, № 1, 1-модда; 2014 йил, № 1, 2-модда, № 9, 244-модда; 2015 йил, № 8, 312-модда; 2017 йил, № 9, 510-модда; 2018 йил, № 1, 1-модда, № 4, 224-модда, № 7, 432-модда, № 12, 781-модда; 2019 йил, № 1, 1-модда, № 3, 161-модда, № 4, 199-модда, № 8, 469-модда, № 11, 792-модда; 2020 йил, № 9, 540-модда; 2021 йил, № 1, 3-модда, 4-сонга илова, № 8, 800-модда; 2022 йил, № 6, 570, 577-моддалар) 46 1 -моддасининг 1-банди қуйидаги мазмундаги 1 ва 1 1 -бандлар билан алмаштирилсин:

«1) деҳқон хўжалигини юритиш учун (бундан ушбу модданинг 1 1 -бандида назарда тутилган ҳоллар мустасно) — 0,06 гектардан 1 гектаргача;

1 1 ) деҳқон хўжалигини юритиш учун чорва озуқаси экинларини етиштириш мақсадида Ўзбекистон Республикаси Президентининг қарорлари билан белгиланган айрим ҳудудларда — 0,06 гектардан 5 гектаргача».

2-модда . Ўзбекистон Республикасининг 2021 йил 1 апрелда қабул қилинган «Деҳқон хўжалиги тўғрисида»ги ЎРҚ-680-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2021 йил, № 4, 286-модда; 2022 йил, № 11, 1061-модда) 8-моддасига қуйидаги ўзгартиришлар ва қўшимча киритилсин:

биринчи қисмдаги «иккинчи қисмида» деган сўзлар «иккинчи ва учинчи қисмларида» деган сўзлар билан алмаштирилсин;

қуйидаги мазмундаги иккинчи қисм билан тўлдирилсин:

«Деҳқон хўжалигини юритиш учун чорва озуқаси экинларини етиштириш мақсадида Ўзбекистон Республикаси Президентининг қарорлари билан белгиланган айрим ҳудудларда 0,06 гектардан 5 гектаргача бўлган ўлчамда ер участкалари берилади»;

иккинчи қисм учинчи қисм деб ҳисоблансин.

3-модда . Ўзбекистон Республикаси Қишлоқ хўжалиги вазирлиги, Адлия вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

4-модда . Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.

5-модда . Ушбу Қонун расмий эълон қилинган кундан эътиборан кучга киради.

Ўзбекистон Республикасининг Президенти Ш. МИРЗИЁЕВ

Тошкент ш.,

2023 йил 9 ноябрь,

ЎРҚ-876-сон

(Қонунчилик маълумотлари миллий базаси, 09.11.2023 й., 03/23/876/0839-сон)

lex.uz

Oʻzbekiston Respublikasining Qonuni

Oʻzbekiston Respublikasining ayrim qonun hujjatlariga dehqon xoʻjaligini yuritish uchun ajratiladigan yer uchastkalarining oʻlchamini oshirishga qaratilgan oʻzgartirishlar va qoʻshimcha kiritish toʻgʻrisida

Qonunchilik palatasi tomonidan 2023-yil 15-avgustda qabul qilingan Senat tomonidan 2023-yil 28-oktabrda maʼqullangan

Keyingi yillarda chorvachilik tarmogʻini qoʻllab-quvvatlash va yanada rivojlantirish, chorvachilik mahsulotlari ishlab chiqarishni koʻpaytirish hisobidan oziq-ovqat xavfsizligini taʼminlash borasida zarur chora-tadbirlar amalga oshirilmoqda.

Shu bilan birga mamlakatning ayrim hududlarida chorva ozuqasi ekinlarini yetishtirish uchun keng imkoniyatlar mavjudligi dehqon xoʻjaligi uchun ajratiladigan yer uchastkalarining qonunchilikda belgilangan oʻlchamini qayta koʻrib chiqish va oshirish zaruratini yuzaga keltirmoqda.

Mazkur Qonun bilan Oʻzbekiston Respublikasining Yer kodeksiga va “Dehqon xoʻjaligi toʻgʻrisida”gi Oʻzbekiston Respublikasi Qonuniga mamlakatning ayrim hududlarida chorva ozuqasi ekinlarini yetishtirish maqsadida dehqon xoʻjaligini yuritish uchun ajratiladigan yer uchastkalarining eng koʻp oʻlchamini 1 gektardan 5 gektarga oshirishni nazarda tutuvchi oʻzgartirishlar va qoʻshimcha kiritilmoqda.

Ushbu Qonun mamlakatning ayrim hududlarida chorvachilik mahsulotlari yetishtiruvchilarni qoʻllab-quvvatlashga va mazkur sohada mahsulot ishlab chiqarishning barqaror oʻsishini taʼminlashga xizmat qiladi.

1-modda . Oʻzbekiston Respublikasining 1998-yil 30-aprelda qabul qilingan 598-I-sonli Qonuni bilan tasdiqlangan Oʻzbekiston Respublikasining Yer kodeksi (Oʻzbekiston Respublikasi Oliy Majlisining Axborotnomasi, 1998-yil, № 5-6, 82-modda; 2003-yil, № 9-10, 149-modda; 2004-yil, № 5, 90-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 12, 608-modda; 2009-yil, № 1, 1-modda, № 12, 472-modda; 2011-yil, № 1, 1-modda; 2014-yil, № 1, 2-modda, № 9, 244-modda; 2015-yil, № 8, 312-modda; 2017-yil, № 9, 510-modda; 2018-yil, № 1, 1-modda, № 4, 224-modda, № 7, 432-modda, № 12, 781-modda; 2019-yil, № 1, 1-modda, № 3, 161-modda, № 4, 199-modda, № 8, 469-modda, № 11, 792-modda; 2020-yil, № 9, 540-modda; 2021-yil, № 1, 3-modda, 4-songa ilova, № 8, 800-modda; 2022-yil, № 6, 570, 577-moddalar) 46 1 -moddasining 1-bandi quyidagi mazmundagi 1 va 1 1 -bandlar bilan almashtirilsin:

“1) dehqon xoʻjaligini yuritish uchun (bundan ushbu moddaning 1 1 -bandida nazarda tutilgan hollar mustasno) — 0,06 gektardan 1 gektargacha;

1 1 ) dehqon xoʻjaligini yuritish uchun chorva ozuqasi ekinlarini yetishtirish maqsadida Oʻzbekiston Respublikasi Prezidentining qarorlari bilan belgilangan ayrim hududlarda — 0,06 gektardan 5 gektargacha”.

2-modda . Oʻzbekiston Respublikasining 2021-yil 1-aprelda qabul qilingan “Dehqon xoʻjaligi toʻgʻrisida”gi OʻRQ-680-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2021-yil, № 4, 286-modda; 2022-yil, № 11, 1061-modda) 8-moddasiga quyidagi oʻzgartirishlar va qoʻshimcha kiritilsin:

birinchi qismdagi “ikkinchi qismida” degan soʻzlar “ikkinchi va uchinchi qismlarida” degan soʻzlar bilan almashtirilsin;

quyidagi mazmundagi ikkinchi qism bilan toʻldirilsin:

“Dehqon xoʻjaligini yuritish uchun chorva ozuqasi ekinlarini yetishtirish maqsadida Oʻzbekiston Respublikasi Prezidentining qarorlari bilan belgilangan ayrim hududlarda 0,06 gektardan 5 gektargacha boʻlgan oʻlchamda yer uchastkalari beriladi”;

ikkinchi qism uchinchi qism deb hisoblansin.

3-modda . Oʻzbekiston Respublikasi Qishloq xoʻjaligi vazirligi, Adliya vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

4-modda . Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

5-modda . Ushbu Qonun rasmiy eʼlon qilingan kundan eʼtiboran kuchga kiradi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2023-yil 9-noyabr,

OʻRQ-876-son

(Qonunchilik maʼlumotlari milliy bazasi, 09.11.2023-y., 03/23/876/0839-son)

lex.uz

Закон Республики Узбекистан

О внесении изменений и дополнения в некоторые законодательные акты Республики Узбекистан, направленных на увеличение размера земельных участков, выделяемых для ведения дехканского хозяйства

Принят Законодательной палатой 15 августа 2023 года Одобрен Сенатом 28 октября 2023 года

В последние годы реализуются необходимые меры по поддержке и дальнейшему развитию отрасли животноводства, обеспечению продовольственной безопасности за счет увеличения производства животноводческой продукции.

Вместе с тем наличие широких возможностей для выращивания кормовых культур для скота в отдельных регионах страны вызывает необходимость пересмотра и увеличения установленных законодательством размеров земельных участков, выделяемых для дехканского хозяйства.

Настоящим Законом вносятся изменения и дополнение в Земельный кодекс Республики Узбекистан и Закон Республики Узбекистан «О дехканском хозяйстве», предусматривающие увеличение максимального размера земельных участков, выделяемых для ведения дехканского хозяйства, с 1 гектара до 5 гектаров с целью выращивания кормовых культур для скота в отдельных регионах страны.

Настоящий Закон послужит поддержке производителей животноводческой продукции в отдельных регионах страны и обеспечению устойчивого роста производства продукции в данной сфере.

Статья 1 . Пункт 1 статьи 46 1 Земельного кодекса Республики Узбекистан, утвержденного Законом Республики Узбекистан от 30 апреля 1998 года № 598-I (Ведомости палат Олий Мажлиса Республики Узбекистан, 1998 г., № 5-6, ст. 82; 2003 г., № 9-10, ст. 149; 2004 г., № 5, ст. 90; 2005 г., № 1, ст. 18; Ведомости палат Олий Мажлиса Республики Узбекистан, 2007 г., № 12, ст. 608; 2009 г., № 1, ст. 1, № 12, ст. 472; 2011 г., № 1, ст. 1; 2014 г., № 1, ст. 2, № 9, ст. 244; 2015 г., № 8, ст. 312; 2017 г., № 9, ст. 510; 2018 г., № 1, ст. 1, № 4, ст. 224, № 7, ст. 432, № 12, ст. 781; 2019 г., № 1, ст. 1, № 3, ст. 161, № 4, ст. 199, № 8, ст. 469, № 11, ст. 792; 2020 г., № 9, ст. 540; 2021 г., № 1, ст. 3, приложение к № 4, № 8, ст. 800; 2022 г., № 6, ст.ст. 570, 577), заменить пунктами 1 и 1 1 следующего содержания:

«1) для ведения дехканского хозяйства (за исключением случаев предусмотренных пунктом 1 1 настоящей статьи) — от 0,06 гектара до 1 гектара;

1 1 ) для ведения дехканского хозяйства с целью выращивания кормовых культур для скота в отдельных регионах, определенных решениями Президента Республики Узбекистан, — от 0,06 гектара до 5 гектаров».

Статья 2 . Внести в статью 8 Закона Республики Узбекистан от 1 апреля 2021 года № ЗРУ-680 «О дехканском хозяйстве» (Ведомости палат Олий Мажлиса Республики Узбекистан, 2021 г., № 4, ст. 286; 2022 г., № 11, ст. 1061) следующие изменения и дополнение:

в части первой слова «частью второй» заменить словами «частями второй и третьей»;

дополнить частью второй следующего содержания:

«Для ведения дехканского хозяйства с целью выращивания кормовых культур для скота земельные участки в отдельных регионах, определенных решениями Президента Республики Узбекистан, предоставляются в размере от 0,06 гектара до 5 гектаров»;

часть вторую считать частью третьей.

Статья 3 . Министерству сельского хозяйства, Министерству юстиции Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.

Статья 4 . Кабинету Министров Республики Узбекистан:

привести решения правительства в соответствие с настоящим Законом;

обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.

Статья 5 . Настоящий Закон вступает в силу со дня его официального опубликования.

Президент Республики Узбекистан Ш. МИРЗИЁЕВ

г. Ташкент,

9 ноября 2023 г.,

№ ЗРУ-876

(Национальная база данных законодательства, 09.11.2023 г., № 03/23/876/0839)

lex.uz