UzbekAI

Ўзбекистон Республикаси Президентининг

Қарори

Тадбиркорлик фаолиятини ривожлантиришда микромолия хизматларининг ўрни ва улушини ошириш бўйича қўшимча чора-тадбирлар тўғрисида

Микромолиявий хизматлар оммабоплигини ошириш, аҳолининг кенг қатламлари тадбиркорлик ташаббусларини қўллаб-қувватлаш, ҳудудларда микромолиявий хизматлардан фойдаланиш кўламини кенгайтириш, микромолия ташкилотлари учун қўшимча молиявий ресурслар, шу жумладан депозит жалб қилиш имкониятини яратиш, микромолия ташкилотлари ва тижорат банклари ўртасидаги «занжир»ни мустаҳкамлаш мақсадида:

1. Иқтисодиёт ва молия вазирлиги ҳамда Марказий банкнинг 2024 — 2026 йилларда қуйидаги мақсадли кўрсаткичларга эришишга қаратилган микромолиявий хизматлар оммабоплигини ошириш дастурини амалга ошириш тўғрисидаги таклифи маъқуллансин:

микромолиялаш бозори ҳажмини камида 5 баробарга ошириш;

микромолиявий хизматлар билан 1 миллиондан ортиқ тадбиркорлик субъектларини қамраб олиш;

микромолия ташкилотлари ресурс базасида жисмоний шахслардан жалб қилинадиган маблағлар миқдорини 2 баробарга ошириш;

микромолиявий хизматлар кўрсатиш орқали расмий даромадга эга бўлмаган 500 мингга яқин шахсларни ўзини ўзи банд қилиш ва бизнесни ривожлантиришга кўмаклашиш.

2. Белгилансинки, 2024 йил 1 январдан бошлаб:

микроқарзнинг энг юқори миқдори 50 млн сўмдан 100 млн сўмгача оширилади;

нобанк кредит ташкилотлари акциядорлик жамияти ёки масъулияти чекланган жамият шаклида ташкил этилади;

микромолия ташкилотларига норезидентлардан хорижий валютада қарз маблағларини жалб қилиш ҳамда юридик шахсларга хорижий валютада молиявий хизматлар кўрсатишга рухсат берилади;

жисмоний шахс бўлган иштирокчилардан (акциядорлардан) устав фондига (устав капиталига) киритилган ҳисса суммасининг ёки уларнинг эгалигидаги акциялар номинал қийматининг икки бараваридан ошмайдиган миқдорда қарз маблағларини жалб этишга рухсат берилади;

микромолия ташкилотлари тегишли лицензия олган ҳолда тўлов ташкилоти фаолиятини амалга ошириш ҳуқуқига эга бўлади;

жисмоний ва юридик шахслар томонидан нобанк кредит ташкилотининг устав капиталидаги улушга эгалик қилиш учун Марказий банк дастлабки рухсатномасини олиш талаби қонунчиликда белгиланган 10 фоизлик улушни 20 фоизга ошириш орқали юмшатилади. Бунда, олинаётган улуш миқдори 10 фоиздан 20 фоизгача бўлганда Марказий банкни хабардор қилиш тартиби жорий этилади;

микромолия ташкилотларига тижорат банкларидан кредит ресурслари жалб этилганда ёки тадбиркорлик субъектларига микромолия ташкилотларидан микрокредит олинганда «Тадбиркорликни ривожлантириш компанияси» АЖ кафиллигини бериш имконияти яратилади;

тижорат банкларига микромолия ташкилотларига кредит ажратишда уларнинг кўрсатилган микромолиявий хизматлари бўйича талаб қилиб олиш ҳуқуқини гаровга олиш ҳуқуқи берилади.

3. Марказий банк, Молия бозори иштирокчилари миллий ассоциацияси ҳамда Иқтисодиёт ва молия вазирлигининг микромолиявий хизматлар бозорини ҳудудларда ривожлантириш мақсадида базавий банк хизматларини кўрсатувчи микромолия банкларини ташкил этиш ва микромолия ташкилотларини микромолия банкларига трансформация қилиш механизмини яратиш тўғрисидаги таклифига розилик берилсин.

4. 2024 йил 1 январдан бошлаб тижорат банклари томонидан оилавий тадбиркорликни ривожлантириш дастурлари доирасида олдин ажратилган кредитларнинг қайтарилган қисмидан:

кичик тадбиркорлик лойиҳаларини молиялаштириш учун 1 трлн сўм маблағларни микромолия ташкилотларига жойлаштиришга;

ваколатли банклар томонидан микромолия хизматлари кўрсатишга 2 трлн сўм маблағлар йўналтирилишига рухсат этилсин.

5. Иқтисодиёт ва молия вазирлиги АТБ «Халқ банки» билан биргаликда 2024 йилда микромолия ташкилотларига танлов асосида (мавжуд хатар ва иқтисодий кўрсаткичларни инобатга олган ҳолда) жойлаштириш учун халқаро молия институтлари ресурсларини жалб этсин. Бунда, мазкур ресурслар кичик тадбиркорлик субъектларига микромолия хизматлари кўрсатиш учун йўналтирилиши назарда тутилсин.

6. АТБ «Микрокредитбанк» 2024 йил 1 апрелга қадар микромолия хизматлари соҳасига ихтисослашган стратегик хорижий инвесторлар иштирокида асосий вазифалари қуйидагилардан иборат бўлган рақамли технологиялар асосида фаолият юритувчи янги микромолия ташкилотининг ташкил этилишини ва йил якунига қадар унинг устав капитали 30 млн АҚШ доллари эквивалентига етказилишини таъминласин:

расмий даромадга эга бўлмаган шахслар учун ўзини ўзи банд қилиш ва оилавий бизнеснинг янги йўналишларини топишга кўмаклашиш;

қишлоқ хўжалиги соҳасида норасмий банд бўлган қатламлар учун комплекс молиявий хизматлар пакетини жорий қилиш ва уларга бепул маслаҳат хизматларини кўрсатиш электрон порталини яратиш;

банкнинг мавжуд инфратузилмалари орқали молиявий хизматлар бўйича етарли билимга эга бўлмаган аҳоли қатламлари учун молиявий саводхонликни ошириш дастурларини амалга ошириш;

ер майдонларида ижара асосида фаолият юритаётган деҳқон хўжаликлари учун барча турдаги микромолиявий хизматлардан фойдаланиш имкониятларини яратиш, шу жумладан кичик ускуналар ва қишлоқ хўжалиги техникаларини сотиб олишга кредитлар ажратиш.

7. АТБ «Халқ банки» 2024 йил давомида микромолиялаштириш мақсадлари учун халқаро молия институтларидан қўшимча 100 млн АҚШ доллари миқдоридаги маблағларни жалб қилиш чораларини кўрсин.

Тикланиш ва тараққиёт жамғармаси 2023 йил якунига қадар АТБ «Халқ банки»га ликвидликни яхшилаш учун ажратилган 100 млн АҚШ доллари миқдоридаги депозит маблағларининг шартлари ўзгартирилмаган ҳолда уни қайтариш муддатини қўшимча 3 йилга узайтирсин ва АТБ «Халқ банки» ушбу маблағларни микромолиялаштириш мақсадларига йўналтириши белгилансин.

8. Микромолия институтлари ва Молия бозори иштирокчилари миллий ассоциациясига:

микромолиялаш фаолиятини амалга оширувчи ташкилотлар томонидан аҳоли ва тадбиркорлик субъектларига кўрсатилаётган хизматлар тўғрисида таҳлилий ахборот портали фаолиятини йўлга қўйиш;

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда жойларда аҳоли ва тадбиркорлик субъектлари ўртасида микромолия ташкилотларини ҳамда микромолия банкларини ташкил этиш бўйича кенг тарғибот ишларини олиб бориш;

микромолия банклари ва микромолия ташкилотлари ходимлари учун микромолиявий хизматлар кўрсатилишини такомиллаштириш бўйича семинар-тренинглар ташкил этиш тавсия этилсин.

9. Марказий банк:

а) 2024 йил 1 январга қадар микромолия ташкилотлари томонидан исломий молиялаштиришга оид хизматлар кўрсатишнинг норматив-ҳуқуқий базасини ишлаб чиқсин ва белгиланган тартибда тасдиқласин;

б) 2024 йил 1 апрелга қадар соҳага оид илғор хорижий тажриба асосида Ўзбекистон Республикасининг « Ўзбекистон Республикасининг Марказий банки тўғрисида »ги, « Банклар ва банк фаолияти тўғрисида »ги, « Нобанк кредит ташкилотлари ва микромолиялаштириш фаолияти тўғрисида »ги, « Лицензиялаш, рухсат бериш ва хабардор қилиш тартиб-таомиллари тўғрисида »ги, « Фуқароларнинг банклардаги омонатларини ҳимоялаш кафолатлари тўғрисида »ги қонунлари ва бошқа қонун ҳужжатларига қуйидагиларни назарда тутувчи ўзгартириш ва қўшимчалар киритиш бўйича таклифларни Вазирлар Маҳкамасига киритсин:

микромолия банкларининг ташкилий-ҳуқуқий шаклини белгилашни;

микромолия банклари томонидан амалга ошириладиган молиявий операцияларнинг рухсат бериладиган турларини ва уларнинг энг кўп миқдорини белгилашни;

микромолия банкларига аҳоли ва юридик шахслардан рухсат этилган миқдорда омонат (депозит) жалб қилиш ва уларга микромолиявий хизматларни кўрсатиш ҳуқуқини беришни;

хорижий банклар билан вакиллик муносабатларини ўрнатишни ва мижозларнинг ташқи савдо операциялари бўйича хизмат кўрсатишни тақиқлашни;

микромолия ташкилотларини микромолия банкларига ва микромолия банкларини тижорат банкларига ҳамда аксинча трансформация қилиш тартибини;

микромолия банкларининг устав капиталининг энг кам миқдорини 50 млрд сўм қилиб белгилашни;

микромолия банклари фаолиятини назорат қилиш ва тартибга солиш тартибини.

10. Иқтисодиёт ва молия вазирлиги Марказий банк билан биргаликда микромолиявий хизматлар соҳасини такомиллаштириш, ходимларни ўқитиш ва замонавий бошқарув тизимини жорий қилиш мақсадида халқаро молия институтларининг техник кўмагини жалб этсин.

11. Марказий банк манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

12. Мазкур қарорнинг ижросини назорат қилиш Бош вазир ўринбосари Ж.А. Қўчқоров ва Марказий банк раиси М.Б. Нурмуратов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2023 йил 10 ноябрь,

ПҚ-364-сон

(Қонунчилик маълумотлари миллий базаси, 11.11.2023 й., 07/23/364/0843-сон)

lex.uz

Oʻzbekiston Respublikasi Prezidentining

Qarori

Tadbirkorlik faoliyatini rivojlantirishda mikromoliya xizmatlarining oʻrni va ulushini oshirish boʻyicha qoʻshimcha chora-tadbirlar toʻgʻrisida

Mikromoliyaviy xizmatlar ommabopligini oshirish, aholining keng qatlamlari tadbirkorlik tashabbuslarini qoʻllab-quvvatlash, hududlarda mikromoliyaviy xizmatlardan foydalanish koʻlamini kengaytirish, mikromoliya tashkilotlari uchun qoʻshimcha moliyaviy resurslar, shu jumladan depozit jalb qilish imkoniyatini yaratish, mikromoliya tashkilotlari va tijorat banklari oʻrtasidagi “zanjir”ni mustahkamlash maqsadida:

1. Iqtisodiyot va moliya vazirligi hamda Markaziy bankning 2024 — 2026-yillarda quyidagi maqsadli koʻrsatkichlarga erishishga qaratilgan mikromoliyaviy xizmatlar ommabopligini oshirish dasturini amalga oshirish toʻgʻrisidagi taklifi maʼqullansin:

mikromoliyalash bozori hajmini kamida 5 barobarga oshirish;

mikromoliyaviy xizmatlar bilan 1 milliondan ortiq tadbirkorlik subyektlarini qamrab olish;

mikromoliya tashkilotlari resurs bazasida jismoniy shaxslardan jalb qilinadigan mablagʻlar miqdorini 2 barobarga oshirish;

mikromoliyaviy xizmatlar koʻrsatish orqali rasmiy daromadga ega boʻlmagan 500 mingga yaqin shaxslarni oʻzini oʻzi band qilish va biznesni rivojlantirishga koʻmaklashish.

2. Belgilansinki, 2024-yil 1-yanvardan boshlab:

mikroqarzning eng yuqori miqdori 50 mln soʻmdan 100 mln soʻmgacha oshiriladi;

nobank kredit tashkilotlari aksiyadorlik jamiyati yoki masʼuliyati cheklangan jamiyat shaklida tashkil etiladi;

mikromoliya tashkilotlariga norezidentlardan xorijiy valyutada qarz mablagʻlarini jalb qilish hamda yuridik shaxslarga xorijiy valyutada moliyaviy xizmatlar koʻrsatishga ruxsat beriladi;

jismoniy shaxs boʻlgan ishtirokchilardan (aksiyadorlardan) ustav fondiga (ustav kapitaliga) kiritilgan hissa summasining yoki ularning egaligidagi aksiyalar nominal qiymatining ikki baravaridan oshmaydigan miqdorda qarz mablagʻlarini jalb etishga ruxsat beriladi;

mikromoliya tashkilotlari tegishli litsenziya olgan holda toʻlov tashkiloti faoliyatini amalga oshirish huquqiga ega boʻladi;

jismoniy va yuridik shaxslar tomonidan nobank kredit tashkilotining ustav kapitalidagi ulushga egalik qilish uchun Markaziy bank dastlabki ruxsatnomasini olish talabi qonunchilikda belgilangan 10 foizlik ulushni 20 foizga oshirish orqali yumshatiladi. Bunda, olinayotgan ulush miqdori 10 foizdan 20 foizgacha boʻlganda Markaziy bankni xabardor qilish tartibi joriy etiladi;

mikromoliya tashkilotlariga tijorat banklaridan kredit resurslari jalb etilganda yoki tadbirkorlik subyektlariga mikromoliya tashkilotlaridan mikrokredit olinganda “Tadbirkorlikni rivojlantirish kompaniyasi” AJ kafilligini berish imkoniyati yaratiladi;

tijorat banklariga mikromoliya tashkilotlariga kredit ajratishda ularning koʻrsatilgan mikromoliyaviy xizmatlari boʻyicha talab qilib olish huquqini garovga olish huquqi beriladi.

3. Markaziy bank, Moliya bozori ishtirokchilari milliy assotsiatsiyasi hamda Iqtisodiyot va moliya vazirligining mikromoliyaviy xizmatlar bozorini hududlarda rivojlantirish maqsadida bazaviy bank xizmatlarini koʻrsatuvchi mikromoliya banklarini tashkil etish va mikromoliya tashkilotlarini mikromoliya banklariga transformatsiya qilish mexanizmini yaratish toʻgʻrisidagi taklifiga rozilik berilsin.

4. 2024-yil 1-yanvardan boshlab tijorat banklari tomonidan oilaviy tadbirkorlikni rivojlantirish dasturlari doirasida oldin ajratilgan kreditlarning qaytarilgan qismidan:

kichik tadbirkorlik loyihalarini moliyalashtirish uchun 1 trln soʻm mablagʻlarni mikromoliya tashkilotlariga joylashtirishga;

vakolatli banklar tomonidan mikromoliya xizmatlari koʻrsatishga 2 trln soʻm mablagʻlar yoʻnaltirilishiga ruxsat etilsin.

5. Iqtisodiyot va moliya vazirligi ATB “Xalq banki” bilan birgalikda 2024-yilda mikromoliya tashkilotlariga tanlov asosida (mavjud xatar va iqtisodiy koʻrsatkichlarni inobatga olgan holda) joylashtirish uchun xalqaro moliya institutlari resurslarini jalb etsin. Bunda, mazkur resurslar kichik tadbirkorlik subyektlariga mikromoliya xizmatlari koʻrsatish uchun yoʻnaltirilishi nazarda tutilsin.

6. ATB “Mikrokreditbank” 2024-yil 1-aprelga qadar mikromoliya xizmatlari sohasiga ixtisoslashgan strategik xorijiy investorlar ishtirokida asosiy vazifalari quyidagilardan iborat boʻlgan raqamli texnologiyalar asosida faoliyat yurituvchi yangi mikromoliya tashkilotining tashkil etilishini va yil yakuniga qadar uning ustav kapitali 30 mln AQSh dollari ekvivalentiga yetkazilishini taʼminlasin:

rasmiy daromadga ega boʻlmagan shaxslar uchun oʻzini oʻzi band qilish va oilaviy biznesning yangi yoʻnalishlarini topishga koʻmaklashish;

qishloq xoʻjaligi sohasida norasmiy band boʻlgan qatlamlar uchun kompleks moliyaviy xizmatlar paketini joriy qilish va ularga bepul maslahat xizmatlarini koʻrsatish elektron portalini yaratish;

bankning mavjud infratuzilmalari orqali moliyaviy xizmatlar boʻyicha yetarli bilimga ega boʻlmagan aholi qatlamlari uchun moliyaviy savodxonlikni oshirish dasturlarini amalga oshirish;

yer maydonlarida ijara asosida faoliyat yuritayotgan dehqon xoʻjaliklari uchun barcha turdagi mikromoliyaviy xizmatlardan foydalanish imkoniyatlarini yaratish, shu jumladan kichik uskunalar va qishloq xoʻjaligi texnikalarini sotib olishga kreditlar ajratish.

7. ATB “Xalq banki” 2024-yil davomida mikromoliyalashtirish maqsadlari uchun xalqaro moliya institutlaridan qoʻshimcha 100 mln AQSh dollari miqdoridagi mablagʻlarni jalb qilish choralarini koʻrsin.

Tiklanish va taraqqiyot jamgʻarmasi 2023-yil yakuniga qadar ATB “Xalq banki”ga likvidlikni yaxshilash uchun ajratilgan 100 mln AQSh dollari miqdoridagi depozit mablagʻlarining shartlari oʻzgartirilmagan holda uni qaytarish muddatini qoʻshimcha 3 yilga uzaytirsin va ATB “Xalq banki” ushbu mablagʻlarni mikromoliyalashtirish maqsadlariga yoʻnaltirishi belgilansin.

8. Mikromoliya institutlari va Moliya bozori ishtirokchilari milliy assotsiatsiyasiga:

mikromoliyalash faoliyatini amalga oshiruvchi tashkilotlar tomonidan aholi va tadbirkorlik subyektlariga koʻrsatilayotgan xizmatlar toʻgʻrisida tahliliy axborot portali faoliyatini yoʻlga qoʻyish;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda joylarda aholi va tadbirkorlik subyektlari oʻrtasida mikromoliya tashkilotlarini hamda mikromoliya banklarini tashkil etish boʻyicha keng targʻibot ishlarini olib borish;

mikromoliya banklari va mikromoliya tashkilotlari xodimlari uchun mikromoliyaviy xizmatlar koʻrsatilishini takomillashtirish boʻyicha seminar-treninglar tashkil etish tavsiya etilsin.

9. Markaziy bank:

a) 2024-yil 1-yanvarga qadar mikromoliya tashkilotlari tomonidan islomiy moliyalashtirishga oid xizmatlar koʻrsatishning normativ-huquqiy bazasini ishlab chiqsin va belgilangan tartibda tasdiqlasin;

b) 2024-yil 1-aprelga qadar sohaga oid ilgʻor xorijiy tajriba asosida Oʻzbekiston Respublikasining “ Oʻzbekiston Respublikasining Markaziy banki toʻgʻrisida ”gi, “ Banklar va bank faoliyati toʻgʻrisida ”gi, “ Nobank kredit tashkilotlari va mikromoliyalashtirish faoliyati toʻgʻrisida ”gi, “ Litsenziyalash, ruxsat berish va xabardor qilish tartib-taomillari toʻgʻrisida ”gi, “ Fuqarolarning banklardagi omonatlarini himoyalash kafolatlari toʻgʻrisida ”gi qonunlari va boshqa qonun hujjatlariga quyidagilarni nazarda tutuvchi oʻzgartirish va qoʻshimchalar kiritish boʻyicha takliflarni Vazirlar Mahkamasiga kiritsin:

mikromoliya banklarining tashkiliy-huquqiy shaklini belgilashni;

mikromoliya banklari tomonidan amalga oshiriladigan moliyaviy operatsiyalarning ruxsat beriladigan turlarini va ularning eng koʻp miqdorini belgilashni;

mikromoliya banklariga aholi va yuridik shaxslardan ruxsat etilgan miqdorda omonat (depozit) jalb qilish va ularga mikromoliyaviy xizmatlarni koʻrsatish huquqini berishni;

xorijiy banklar bilan vakillik munosabatlarini oʻrnatishni va mijozlarning tashqi savdo operatsiyalari boʻyicha xizmat koʻrsatishni taqiqlashni;

mikromoliya tashkilotlarini mikromoliya banklariga va mikromoliya banklarini tijorat banklariga hamda aksincha transformatsiya qilish tartibini;

mikromoliya banklarining ustav kapitalining eng kam miqdorini 50 mlrd soʻm qilib belgilashni;

mikromoliya banklari faoliyatini nazorat qilish va tartibga solish tartibini.

10. Iqtisodiyot va moliya vazirligi Markaziy bank bilan birgalikda mikromoliyaviy xizmatlar sohasini takomillashtirish, xodimlarni oʻqitish va zamonaviy boshqaruv tizimini joriy qilish maqsadida xalqaro moliya institutlarining texnik koʻmagini jalb etsin.

11. Markaziy bank manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

12. Mazkur qarorning ijrosini nazorat qilish Bosh vazir oʻrinbosari J.A. Qoʻchqorov va Markaziy bank raisi M.B. Nurmuratov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 10-noyabr,

PQ-364-son

(Qonunchilik maʼlumotlari milliy bazasi, 11.11.2023-y., 07/23/364/0843-son)

lex.uz

Президента Республики Узбекистан

Постановление

О дополнительных мерах по повышению роли и доли микрофинансовых услуг в развитии предпринимательской деятельности

В целях повышения доступности микрофинансовых услуг, поддержки предпринимательских инициатив широких слоев населения, расширения масштаба пользования микрофинансовыми услугами в регионах, создания возможности привлечения дополнительных финансовых ресурсов, включая депозиты, для микрофинансовых организаций, а также укрепления цепочки, связывающей микрофинансовые организации и коммерческие банки:

1. Одобрить предложение Министерства экономики и финансов и Центрального банка о реализации Программы повышения доступности микрофинансовых услуг в 2024 — 2026 годах, направленной на достижение следующих целевых показателей:

увеличение объема рынка микрофинансирования не менее чем в 5 раз;

охват микрофинансовыми услугами свыше 1 миллиона субъектов предпринимательства;

увеличение в 2 раза размера привлекаемых средств физических лиц в ресурсной базе микрофинансовых организаций;

оказание содействия в самозанятости и развитии своего бизнеса около 500 тысячам граждан, не имеющих официального дохода, посредством предоставления микрофинансовых услуг.

2. Установить, что начиная с 1 января 2024 года:

предельный размер микрозаймов повышается с 50 млн сумов до 100 млн сумов;

небанковские кредитные организации образуются в форме акционерного общества или общества с ограниченной ответственностью;

микрофинансовым организациям разрешается привлекать заемные средства от нерезидентов и оказывать финансовые услуги юридическим лицам в иностранной валюте;

разрешается привлекать заемные средства от участников (акционеров) — физических лиц, не превышающие двукратного размера суммы вклада, внесенной в уставный фонд (уставный капитал), или номинальной стоимости акций, находящихся у них в собственности;

микрофинансовые организации имеют право на осуществление деятельности платежной организации после получения соответствующей лицензии;

требование получения предварительного разрешения Центрального банка для приобретения физическими и юридическими лицами доли в уставном капитале небанковской кредитной организации смягчается путем увеличения установленной законодательством 10-процентной доли на 20 процентов. При этом, если размер приобретаемой доли составляет от 10 процентов до 20 процентов, внедряется порядок уведомления Центрального банка;

при привлечении микрофинансовыми организациями кредитных ресурсов коммерческих банков либо получении субъектами предпринимательства микрокредитов в микрофинансовых организациях создается возможность предоставления поручительств АО «Компания по развитию предпринимательства»;

коммерческим банкам при выделении кредитов микрофинансовым организациям предоставляется право на принятие в залог права этих организаций на истребование по оказанным ими микрофинансовым услугам.

3. Согласиться с предложением Центрального банка, Национальной ассоциации участников финансового рынка, а также Министерства экономики и финансов по образованию микрофинансовых банков, занимающихся оказанием базовых банковских услуг, а также созданию механизма трансформации микрофинансовых организаций в микрофинансовые банки в целях развития рынка микрофинансовых услуг в регионах страны.

4. Разрешить начиная с 1 января 2024 года за счет погашенной части кредитов, ранее выделенных коммерческими банками в рамках программ развития семейного предпринимательства:

разместить в микрофинансовых организациях 1 трлн сумов для финансирования проектов малого предпринимательства;

уполномоченным банкам направить 2 трлн сумов на оказание микрофинансовых услуг.

5. Министерству экономики и финансов совместно с АКБ «Халк банки» привлечь ресурсы международных финансовых институтов для размещения (с учетом имеющихся рисков и экономических показателей) на конкурсной основе в микрофинансовые организации в 2024 году. При этом предусмотреть направление данных ресурсов на оказание микрофинансовых услуг субъектам малого предпринимательства.

6. АКБ «Микрокредитбанк» в срок до 1 апреля 2024 года обеспечить создание новой микрофинансовой организации с участием стратегических иностранных инвесторов, осуществляющей деятельность на основе цифровых технологий, специализированной на сфере оказания микрофинансовых услуг, а также доведение ее уставного капитала до эквивалента 30 млн долларов США, определив ее основными задачами:

оказание содействия в самозанятости и поиске новых направлений семейного бизнеса гражданам, не имеющим официального дохода;

внедрение пакета комплексных финансовых услуг для категории населения, занятой в сфере сельского хозяйства неофициально, и создание электронного портала по оказанию указанной категории бесплатных консультативных услуг;

реализацию программ повышения финансовой грамотности для слоев населения, не имеющих достаточных знаний по финансовым услугам, посредством действующих банковских инфраструктур;

создание возможности доступа ко всем видам микрофинансовых услуг для дехканских хозяйств, осуществляющих деятельность на земельных площадях на основе аренды, включая выделение им кредитов на закупку мини-оборудования и сельскохозяйственной техники.

7. АКБ «Халк банки» принять меры по привлечению в течение 2024 года дополнительных средств международных финансовых институтов в размере 100 млн долларов США на цели микрофинансирования.

Фонду реконструкции и развития в срок до конца 2023 года продлить дополнительно на 3 года срок возврата депозитных средств в размере 100 млн долларов США, выделенных для улучшения ликвидности АКБ «Халк банки», без изменения условий, а также определить направление АКБ «Халк банки» данных средств на цели микрофинансирования.

8. Рекомендовать микрофинансовым институтам и Национальной ассоциации участников финансового рынка:

организацию деятельности информационно-аналитического портала об услугах, оказываемых населению и субъектам предпринимательства организациями, осуществляющими микрофинансовую деятельность;

проведение совместно с Советом Министров Республики Каракалпакстан, хокимиятами областей и города Ташкента широкой пропагандистской работы о создании микрофинансовых организаций и микрофинансовых банков среди населения и субъектов предпринимательства на местах;

организацию семинаров-тренингов о совершенствовании оказания микрофинансовых услуг для работников микрофинансовых банков и микрофинансовых организаций.

9. Центральному банку:

а) в срок до 1 января 2024 года разработать и в установленном порядке утвердить нормативно-правовую базу оказания услуг исламского финансирования микрофинансовыми организациями;

б) в срок до 1 апреля 2024 года на основе передового зарубежного опыта в сфере представить Кабинету Министров предложения о внесении изменений и дополнений в законы Республики Узбекистан « О Центральном банке Республики Узбекистан », « О банках и банковской деятельности », « О небанковских кредитных организациях и микрофинансовой деятельности », « О лицензировании, разрешительных и уведомительных процедурах », « О гарантиях защиты вкладов граждан в банках » и другие акты законодательства, предусматривающие:

определение организационно-правовой формы микрофинансовых банков;

определение разрешенных видов и предельного количества финансовых операций, осуществляемых микрофинансовыми банками;

предоставление микрофинансовым банкам права на привлечение от населения и юридических лиц вкладов (депозитов) в разрешенном размере и оказание им микрофинансовых услуг;

запрет на установление корреспондентских отношений с зарубежными банками и оказание клиентам услуг по внешнеторговым операциям;

порядок трансформации микрофинансовых организаций в микрофинансовые банки и микрофинансовых банков в коммерческие банки и наоборот;

определение минимального размера уставного капитала микрофинансовых банков — 50 млрд сумов;

порядок осуществления контроля и регулирования деятельности микрофинансовых банков.

10. Министерству экономики и финансов совместно с Центральным банком обеспечить привлечение технического содействия международных финансовых институтов на цели совершенствования сферы микрофинансовых услуг, обучения работников и внедрения современной системы управления в данной сфере.

11. Центральному банку совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.

12. Контроль за исполнением настоящего постановления возложить на заместителя Премьер-министра Д.А. Кучкарова и председателя Центрального банка М.Б. Нурмуратова.

Президент Республики Узбекистан Ш. МИРЗИЁЕВ

г. Ташкент,

10 ноября 2023 г.,

№ ПП-364

(Национальная база данных законодательства, 11.11.2023 г., № 07/23/364/0843)

lex.uz