📅 2023-yil 15-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 15 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 ноября 2023 г. · Постановления Президента
Официальный текст. Официальный документ. Редакционные примечания не включены.
📅 15 November 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
ТАРКИБИ
Аҳолини кичик ва ўрта бизнесга кенг жалб қилишнинг қўшимча чора-тадбирлари тўғрисида
Кичик ва ўрта бизнесни молиявий қўллаб-қувватлаш, жумладан аҳолида тадбиркорлик кўникмаларини шакллантириш, уларнинг бизнес ташаббусларини молиялаштириш ва лойиҳаларини амалга оширишга кўмаклашиш бўйича яхлит тизим жорий этиш мақсадида:
1. Аҳолини кичик ва ўрта бизнесга кенг жалб қилишнинг қуйидаги устувор йўналишлари белгилансин:
аҳоли ва тадбиркорлик субъектларини ўқитиш орқали уларнинг бизнес ташаббусларини молиявий ва консультатив қўллаб-қувватлаш тизимини йўлга қўйиш ва «оилавий тадбиркор — микробизнес — кичик бизнес — ўрта бизнес» занжири асосида уларнинг фаолиятини кенгайтириш учун зарур шарт-шароитлар яратиш;
давлат дастурлари доирасида кичик ва ўрта бизнес лойиҳаларини «Бизнесни ривожлантириш банки» АТБ, «Тадбиркорликни ривожлантириш компанияси» АЖ ва бошқа ҳамкор тижорат банкларидан иборат яхлит молиявий тизим асосида қўллаб-қувватлаш;
тадбиркорликка ўқитиш, кичик ва ўрта бизнес лойиҳаларини молиялаштириш ҳамда бизнес жараёнларининг барча босқичларида доимий ҳамроҳлик қилишни «Кичик бизнесга кўмаклашиш маркази» МЧЖлар ва «Тадбиркорликни ривожлантириш компанияси» АЖда, шунингдек, ваколатли органлар ва тижорат банкларининг тадбиркорлик йўналишидаги электрон платформаларида (кейинги ўринларда — электрон платформалар) амалга ошириш.
2. 2024 — 2026 йиллар учун «Бизнесни ривожлантириш банки» АТБ ва «Тадбиркорликни ривожлантириш компанияси» АЖ фаолиятининг асосий мақсадли кўрсаткичлари этиб қуйидагилар белгилансин:
а) «Бизнесни ривожлантириш банки» АТБ бўйича:
кичик тадбиркорлик субъектларига ажратиладиган кредитлар қолдиғини 1,7 бараварга ошириш орқали кредит портфелидаги улушини 28 фоиздан 43 фоизга етказиш;
кичик бизнес лойиҳаларини молиялаштириш учун халқаро молия институтлари ва хорижий ҳукумат молия ташкилотларидан жами 800 миллион АҚШ долларигача миқдорда ресурслар жалб қилиш;
300 миллион АҚШ доллари миқдорида облигация (евробонд)ларни халқаро капитал бозорларида муомалага чиқариш;
150 мингта кичик тадбиркорлик субъекти фаолиятини йўлга қўйиш ва кенгайтириш;
б) «Тадбиркорликни ривожлантириш компанияси» АЖ бўйича:
кичик ва ўрта тадбиркорлик субъектларига кўрсатиладиган молиявий хизматлар ҳажмини 8 триллион сўмдан 14 триллион сўмга етказиш;
150 та ўрта бизнес корхонасига улуш киритиш ва хизматлар ипотекаси асосида 300 та лойиҳани тадбиркорлик субъектларига сотиш;
300 миллиард сўм миқдорида корпоратив облигацияларни маҳаллий капитал бозорларида муомалага чиқариш.
3. Қуйидагилар:
Аҳолини кичик ва ўрта бизнесга кенг жалб қилиш бўйича республика комиссияси (кейинги ўринларда — Республика комиссияси) 1-иловага мувофиқ таркибда;
Аҳолини кичик ва ўрта бизнесга кенг жалб қилиш бўйича ҳудудий комиссиялар 2-иловага мувофиқ намунавий таркибда ташкил этилсин.
4. Республика комиссияси (Қўчқоров) 2023 йил 15 декабрга қадар:
ҳудудлар ва давлат дастурлари йўналишлари кесимида 2024 йилда 2 миллион аҳолини бизнесга жалб қилишнинг мақсадли кўрсаткичларини;
«Бизнесни ривожлантириш банки» АТБ ва «Тадбиркорликни ривожлантириш компанияси» АЖ фаолиятининг асосий мақсадли кўрсаткичларига эришиш бўйича аниқ чора-тадбирларни (тармоқ жадвалларини) тасдиқласин.
Иқтисодиёт ва молия вазирининг биринчи ўринбосари И.И. Норқулов, Марказий банк раиси ўринбосари А.А. Турдалиев ва ўзларига бириктирилган ҳудудлар бўйича Республика комиссияси аъзолари зиммасига аҳолини кичик ва ўрта бизнесга кенг жалб қилишнинг устувор йўналишларини рўёбга чиқариш ва мақсадли кўрсаткичларга эришиш вазифаси юклансин.
Республика комиссияси аъзолари бир ой муддатда ўзлари бириктирилган ҳудудда ҳар бир туман ва шаҳарга чиққан ҳолда, аҳоли ва тадбиркорлик субъектлари учун ўқув семинарларини ташкил қилсин.
5. Тикланиш ва тараққиёт жамғармаси (Вафаев) бир ой муддатда «Кичик бизнесни узлуксиз қўллаб-қувватлаш» комплекс дастури доирасида лойиҳаларни молиялаштириш учун «Бизнесни ривожлантириш банки» АТБга жами 300 миллион АҚШ доллари миқдорида, шу жумладан:
75 миллион АҚШ доллари «Бизнесни ривожлантириш банки» АТБнинг устав капиталини оширишга;
225 миллион АҚШ доллари субординар қарз сифатида 15 йил муддатга, 5 йиллик имтиёзли давр билан йиллик 5 фоиз ставкада маблағлар ажратсин.
6. Белгилансинки:
а) кичик ва ўрта тадбиркорлик субъектларига «ягона дарча» тамойили асосида хизмат кўрсатиш учун «Кичик бизнесга кўмаклашиш маркази» МЧЖлар ва «Тадбиркорликни ривожлантириш компанияси» АЖнинг вакиллари белгиланган тартибда Савдо-саноат палатасининг ҳудудий бошқармалари биноларига жойлаштирилади;
б) Савдо-саноат палатаси (Ваҳобов), Тадбиркорларнинг ҳуқуқларини ҳимоя қилиш бўйича вакил (Қосимов), Маҳаллабай ишлаш ва тадбиркорликни ривожлантириш агентлиги (Убайдуллаев) ҳар ҳафта:
маҳаллаларга чиққан ҳолда аҳоли ва тадбиркорлик субъектлари ўртасида давлат дастурларида кичик ва ўрта бизнес учун белгиланган молиявий имкониятлар тўғрисида тарғибот-ташвиқот ишларини олиб боради;
«Кичик бизнесга кўмаклашиш маркази» МЧЖларда намунавий қўлланмалар асосида аҳоли ва тадбиркорлик субъектлари учун ўқув семинарларини ўтказиб боради;
салоҳиятли тадбиркорлик субъектларини аниқлаб, «Кичик бизнесга кўмаклашиш маркази» МЧЖларга ва «Тадбиркорликни ривожлантириш компанияси» АЖнинг вакилларига уларнинг лойиҳаларини амалга ошириш бўйича тавсиялар беради.
7. Белгилаб қўйилсинки, давлат дастурлари доирасида ажратилаётган кредитлардан самарали фойдаланиш, уларнинг ўз вақтида қайтарилишини таъминлаш мақсадида 2024 йил 1 июлдан бошлаб:
кредит ажратишнинг барча босқичлари (аризани кўриб чиқиш, қарор қабул қилиш, кафиллик бериш ва кредит ажратиш) рақамлаштирилган ҳолда электрон платформаларда амалга оширилади;
кредит таъминотларини назорат қилиш, гаровга олинган мулкларни тақиқдан тўлиқ ёки қисман чиқариш ҳамда алмаштириш жараёнлари электрон платформалар орқали марказлашган ҳолда ташкил қилинади;
ахборот технологиялари ёрдамида мижозлар бизнес-режалар асосида фаолият юритиши, пул оқимлари ва бошқа кўрсаткичларини таҳлил қилиш орқали хатарларни олдиндан аниқлаш механизми амалиётга киритилади;
давлат дастурлари доирасида туман (шаҳар) ва маҳаллаларга ажратиладиган кредитлар ҳажми юзага келган муаммоли кредитлар улушидан келиб чиқиб белгиланади.
8. 2024 йил 1 январдан 2026 йил 1 январга қадар давлат харидлари махсус ахборот порталида давлат иштирокидаги йирик корхоналар билан кооперация асосида ташкил қилинган кичик тадбиркорлик субъектларига ўзлари ишлаб чиқарган товарларни (маҳсулотларни) давлат буюртмачиларига бир молия йили давомида жами 10 миллиард сўмгача қийматда тўғридан-тўғри шартномалар асосида сотишга рухсат берилсин.
Иқтисодиёт ва молия вазирлиги бир ой муддатда мазкур бандда назарда тутилган шартномаларни тузиш ва рўйхатдан ўтказиш учун давлат харидлари махсус ахборот порталида алоҳида саҳифа ташкил этсин ва уни вазирлик ва идоралар маълумотлар базалари билан интеграция қилсин.
9. Иқтисодиёт ва молия вазирлиги (Норқулов):
Марказий банк (Турдалиев), «Бизнесни ривожлантириш банки» АТБ (Аннақличев), «Тадбиркорликни ривожлантириш компанияси» АЖ, Савдо-саноат палатаси (Ваҳобов) ва Тадбиркорларнинг ҳуқуқларини ҳимоя қилиш бўйича вакил (Қосимов) билан биргаликда бир ҳафта муддатда давлат дастурларида назарда тутилган имкониятлар ва уларда иштирок этиш шартлари тўғрисида тақдимот материаллари ва видеороликлардан иборат намунавий қўлланмалар тайёрлаб, Республика комиссияси аъзолари ва ҳудудий комиссияларга етказилиши ҳамда электрон платформаларда жойлаштирилишини таъминласин;
манфаатдор идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Қўчқоров ва Марказий банк раиси М.Б. Нурмуратов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 15 ноябрдаги ПҚ-366-сон қарорига 1-ИЛОВА
Аҳолини кичик ва ўрта бизнесга кенг жалб қилиш бўйича республика комиссияси
Т/р Ф.И.О. Лавозими Бириктирилган ҳудуд 1. Ж.А. Қўчқоров — Бош вазир ўринбосари — иқтисодиёт ва молия вазири, Республика комиссияси раиси 2. И.И. Норқулов — иқтисодиёт ва молия вазирининг биринчи ўринбосари, Республика комиссияси раиси ўринбосари 3. А.А. Турдалиев — Марказий банк раиси ўринбосари, Республика комиссияси раиси ўринбосари 4. С.С. Аннакличев — «Бизнесни ривожлантириш банки» АТБ бошқаруви раиси Қорақалпоғистон Республикаси 5. А.А. Камалов — Марказий банк раиси ўринбосари Андижон вилояти 6. О.А. Бутаев — «Микрокредитбанк» АТБ бошқаруви раиси Бухоро вилояти 7. Р.У. Маматкулов — «Агробанк» АТБ бошқаруви раиси Жиззах вилояти 8. М.М. Убайдуллаев — Маҳаллабай ишлаш ва тадбиркорликни ривожлантириш агентлиги директори Қашқадарё вилояти 9. Ч.С. Мирзаев — «Турон банк» АТБ бошқаруви раиси Навоий вилояти 10. Қ.А. Туляганов — «Асакабанк» АЖ бошқаруви раиси Наманган вилояти 11. А.К. Мирсоатов — «Ўзмиллийбанк» АЖ бошқаруви раиси Самарқанд вилояти 12. Д.А. Ваҳобов — Савдо-саноат палатаси раиси Сурхондарё вилояти 13. Д.С. Қосимов — Тадбиркорларнинг ҳуқуқларини ҳимоя қилиш бўйича вакил Сирдарё вилояти 14. Ш.Х. Атабаев — АТ «Халқ банки» бошқаруви раиси Тошкент вилояти 15. А.А. Акбаржонов — «Ўзсаноатқурилишбанк» АТБ бошқаруви раиси Фарғона вилояти 16. Н.К. Мусамухамедов — Божхона қўмитаси раиси ўринбосари Хоразм вилояти 17. Ш.Д. Кудбиев — Солиқ қўмитаси раиси Тошкент шаҳри 18. Т.Н. Хусанов — Иқтисодиёт ва молия вазирлиги департамент директори, Республика комиссияси котиби
Ўзбекистон Республикаси Президентининг 2023 йил 15 ноябрдаги ПҚ-366-сон қарорига 2-ИЛОВА
Аҳолини кичик ва ўрта бизнесга кенг жалб қилиш бўйича ҳудудий комиссияларнинг намунавий
1. Лавозими бўйича — Аҳолини кичик ва ўрта бизнесга кенг жалб қилиш бўйича республика комиссиясидан бириктирилган вакил, Ҳудудий комиссия раиси 2. Лавозими бўйича — Қорақалпоғистон Республикаси Вазирлар Кенгаши Раисининг, вилоятлар ва Тошкент шаҳар ҳокимларининг биринчи ўринбосарлари, Ҳудудий комиссия раиси ўринбосари 3. Лавозими бўйича — Қорақалпоғистон Республикаси иқтисодиёт ва молия вазири, вилоятлар ва Тошкент шаҳар иқтисодиёт ва молия бош бошқармалари бошлиқлари 4. Лавозими бўйича — Қорақалпоғистон Республикаси камбағалликни қисқартириш ва бандлик вазири, вилоятлар ва Тошкент шаҳар камбағалликни қисқартириш ва бандлик бош бошқармалари бошлиқлари 5. Лавозими бўйича — Марказий банк ҳудудий бош бошқармаси бошлиғи 6. Лавозими бўйича — ҳудудий солиқ бошқармаси бошлиғи 7. Лавозими бўйича — Маҳаллабай ишлаш ва тадбиркорликни ривожлантириш агентлигининг ҳудудий бошқармаси бошлиғи 8. Лавозими бўйича — Савдо-саноат палатаси ҳудудий бошқармаси бошлиғи 9. Лавозими бўйича — Тадбиркорларнинг ҳуқуқларини ҳимоя қилиш бўйича вакил девонининг ҳудуддаги бош инспектори 10. Лавозими бўйича — «Кичик бизнесга кўмаклашиш маркази» МЧЖ раҳбари 11. Лавозими бўйича — «Микрокредитбанк» АТБ ҳудудий филиали бошқарувчиси 12. Лавозими бўйича — «Агробанк» АТБ ҳудудий филиали бошқарувчиси 13. Лавозими бўйича — АТ «Халқ банки» ҳудудий филиали бошқарувчиси 14. Лавозими бўйича — «Ҳунарманд» уюшмасининг ҳудудий бошқармаси бошлиғи 15. Лавозими бўйича — Ўзбекистон фермер, деҳқон хўжаликлари ва томорқа ер эгалари кенгашининг ҳудудий филиали раҳбари 16. Лавозими бўйича — Тадбиркорлик ва ишбилармонлик муҳитини ривожлантириш, экспортга кўмаклашиш ва қўллаб-қувватлаш гуруҳи раҳбари, Ҳудудий комиссия котиби
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 15 ноябрь,
ПҚ-366-сон
Oʻzbekiston Respublikasi Prezidentining
Qarori
TARKIBI
TARKIBI
Aholini kichik va oʻrta biznesga keng jalb qilishning qoʻshimcha chora-tadbirlari toʻgʻrisida
Kichik va oʻrta biznesni moliyaviy qoʻllab-quvvatlash, jumladan aholida tadbirkorlik koʻnikmalarini shakllantirish, ularning biznes tashabbuslarini moliyalashtirish va loyihalarini amalga oshirishga koʻmaklashish boʻyicha yaxlit tizim joriy etish maqsadida:
1. Aholini kichik va oʻrta biznesga keng jalb qilishning quyidagi ustuvor yoʻnalishlari belgilansin:
aholi va tadbirkorlik subyektlarini oʻqitish orqali ularning biznes tashabbuslarini moliyaviy va konsultativ qoʻllab-quvvatlash tizimini yoʻlga qoʻyish va “oilaviy tadbirkor — mikrobiznes — kichik biznes — oʻrta biznes” zanjiri asosida ularning faoliyatini kengaytirish uchun zarur shart-sharoitlar yaratish;
davlat dasturlari doirasida kichik va oʻrta biznes loyihalarini “Biznesni rivojlantirish banki” ATB, “Tadbirkorlikni rivojlantirish kompaniyasi” AJ va boshqa hamkor tijorat banklaridan iborat yaxlit moliyaviy tizim asosida qoʻllab-quvvatlash;
tadbirkorlikka oʻqitish, kichik va oʻrta biznes loyihalarini moliyalashtirish hamda biznes jarayonlarining barcha bosqichlarida doimiy hamrohlik qilishni “Kichik biznesga koʻmaklashish markazi” MCHJlar va “Tadbirkorlikni rivojlantirish kompaniyasi” AJda, shuningdek, vakolatli organlar va tijorat banklarining tadbirkorlik yoʻnalishidagi elektron platformalarida (keyingi oʻrinlarda — elektron platformalar) amalga oshirish.
2. 2024 — 2026-yillar uchun “Biznesni rivojlantirish banki” ATB va “Tadbirkorlikni rivojlantirish kompaniyasi” AJ faoliyatining asosiy maqsadli koʻrsatkichlari etib quyidagilar belgilansin:
a) “Biznesni rivojlantirish banki” ATB boʻyicha:
kichik tadbirkorlik subyektlariga ajratiladigan kreditlar qoldigʻini 1,7 baravarga oshirish orqali kredit portfelidagi ulushini 28 foizdan 43 foizga yetkazish;
kichik biznes loyihalarini moliyalashtirish uchun xalqaro moliya institutlari va xorijiy hukumat moliya tashkilotlaridan jami 800 million AQSH dollarigacha miqdorda resurslar jalb qilish;
300 million AQSH dollari miqdorida obligatsiya (yevrobond)larni xalqaro kapital bozorlarida muomalaga chiqarish;
150 mingta kichik tadbirkorlik subyekti faoliyatini yoʻlga qoʻyish va kengaytirish;
b) “Tadbirkorlikni rivojlantirish kompaniyasi” AJ boʻyicha:
kichik va oʻrta tadbirkorlik subyektlariga koʻrsatiladigan moliyaviy xizmatlar hajmini 8 trillion soʻmdan 14 trillion soʻmga yetkazish;
150 ta oʻrta biznes korxonasiga ulush kiritish va xizmatlar ipotekasi asosida 300 ta loyihani tadbirkorlik subyektlariga sotish;
300 milliard soʻm miqdorida korporativ obligatsiyalarni mahalliy kapital bozorlarida muomalaga chiqarish.
3. Quyidagilar:
Aholini kichik va oʻrta biznesga keng jalb qilish boʻyicha respublika komissiyasi (keyingi oʻrinlarda — Respublika komissiyasi) 1-ilovaga muvofiq tarkibda;
Aholini kichik va oʻrta biznesga keng jalb qilish boʻyicha hududiy komissiyalar 2-ilovaga muvofiq namunaviy tarkibda tashkil etilsin.
4. Respublika komissiyasi (Qoʻchqorov) 2023-yil 15-dekabrga qadar:
hududlar va davlat dasturlari yoʻnalishlari kesimida 2024-yilda 2 million aholini biznesga jalb qilishning maqsadli koʻrsatkichlarini;
“Biznesni rivojlantirish banki” ATB va “Tadbirkorlikni rivojlantirish kompaniyasi” AJ faoliyatining asosiy maqsadli koʻrsatkichlariga erishish boʻyicha aniq chora-tadbirlarni (tarmoq jadvallarini) tasdiqlasin.
Iqtisodiyot va moliya vazirining birinchi oʻrinbosari I.I. Norqulov, Markaziy bank raisi oʻrinbosari A.A. Turdaliyev va oʻzlariga biriktirilgan hududlar boʻyicha Respublika komissiyasi aʼzolari zimmasiga aholini kichik va oʻrta biznesga keng jalb qilishning ustuvor yoʻnalishlarini roʻyobga chiqarish va maqsadli koʻrsatkichlarga erishish vazifasi yuklansin.
Respublika komissiyasi aʼzolari bir oy muddatda oʻzlari biriktirilgan hududda har bir tuman va shaharga chiqqan holda, aholi va tadbirkorlik subyektlari uchun oʻquv seminarlarini tashkil qilsin.
5. Tiklanish va taraqqiyot jamgʻarmasi (Vafayev) bir oy muddatda “Kichik biznesni uzluksiz qoʻllab-quvvatlash” kompleks dasturi doirasida loyihalarni moliyalashtirish uchun “Biznesni rivojlantirish banki” ATBga jami 300 million AQSH dollari miqdorida, shu jumladan:
75 million AQSH dollari “Biznesni rivojlantirish banki” ATBning ustav kapitalini oshirishga;
225 million AQSH dollari subordinar qarz sifatida 15 yil muddatga, 5 yillik imtiyozli davr bilan yillik 5 foiz stavkada mablagʻlar ajratsin.
6. Belgilansinki:
a) kichik va oʻrta tadbirkorlik subyektlariga “yagona darcha” tamoyili asosida xizmat koʻrsatish uchun “Kichik biznesga koʻmaklashish markazi” MCHJlar va “Tadbirkorlikni rivojlantirish kompaniyasi” AJning vakillari belgilangan tartibda Savdo-sanoat palatasining hududiy boshqarmalari binolariga joylashtiriladi;
b) Savdo-sanoat palatasi (Vahobov), Tadbirkorlarning huquqlarini himoya qilish boʻyicha vakil (Qosimov), Mahallabay ishlash va tadbirkorlikni rivojlantirish agentligi (Ubaydullayev) har hafta:
mahallalarga chiqqan holda aholi va tadbirkorlik subyektlari oʻrtasida davlat dasturlarida kichik va oʻrta biznes uchun belgilangan moliyaviy imkoniyatlar toʻgʻrisida targʻibot-tashviqot ishlarini olib boradi;
“Kichik biznesga koʻmaklashish markazi” MCHJlarda namunaviy qoʻllanmalar asosida aholi va tadbirkorlik subyektlari uchun oʻquv seminarlarini oʻtkazib boradi;
salohiyatli tadbirkorlik subyektlarini aniqlab, “Kichik biznesga koʻmaklashish markazi” MCHJlarga va “Tadbirkorlikni rivojlantirish kompaniyasi” AJning vakillariga ularning loyihalarini amalga oshirish boʻyicha tavsiyalar beradi.
7. Belgilab qoʻyilsinki, davlat dasturlari doirasida ajratilayotgan kreditlardan samarali foydalanish, ularning oʻz vaqtida qaytarilishini taʼminlash maqsadida 2024-yil 1-iyuldan boshlab:
kredit ajratishning barcha bosqichlari (arizani koʻrib chiqish, qaror qabul qilish, kafillik berish va kredit ajratish) raqamlashtirilgan holda elektron platformalarda amalga oshiriladi;
kredit taʼminotlarini nazorat qilish, garovga olingan mulklarni taqiqdan toʻliq yoki qisman chiqarish hamda almashtirish jarayonlari elektron platformalar orqali markazlashgan holda tashkil qilinadi;
axborot texnologiyalari yordamida mijozlar biznes-rejalar asosida faoliyat yuritishi, pul oqimlari va boshqa koʻrsatkichlarini tahlil qilish orqali xatarlarni oldindan aniqlash mexanizmi amaliyotga kiritiladi;
davlat dasturlari doirasida tuman (shahar) va mahallalarga ajratiladigan kreditlar hajmi yuzaga kelgan muammoli kreditlar ulushidan kelib chiqib belgilanadi.
8. 2024-yil 1-yanvardan 2026-yil 1-yanvarga qadar davlat xaridlari maxsus axborot portalida davlat ishtirokidagi yirik korxonalar bilan kooperatsiya asosida tashkil qilingan kichik tadbirkorlik subyektlariga oʻzlari ishlab chiqargan tovarlarni (mahsulotlarni) davlat buyurtmachilariga bir moliya yili davomida jami 10 milliard soʻmgacha qiymatda toʻgʻridan-toʻgʻri shartnomalar asosida sotishga ruxsat berilsin.
Iqtisodiyot va moliya vazirligi bir oy muddatda mazkur bandda nazarda tutilgan shartnomalarni tuzish va roʻyxatdan oʻtkazish uchun davlat xaridlari maxsus axborot portalida alohida sahifa tashkil etsin va uni vazirlik va idoralar maʼlumotlar bazalari bilan integratsiya qilsin.
9. Iqtisodiyot va moliya vazirligi (Norqulov):
Markaziy bank (Turdaliyev), “Biznesni rivojlantirish banki” ATB (Annaqlichev), “Tadbirkorlikni rivojlantirish kompaniyasi” AJ, Savdo-sanoat palatasi (Vahobov) va Tadbirkorlarning huquqlarini himoya qilish boʻyicha vakil (Qosimov) bilan birgalikda bir hafta muddatda davlat dasturlarida nazarda tutilgan imkoniyatlar va ularda ishtirok etish shartlari toʻgʻrisida taqdimot materiallari va videoroliklardan iborat namunaviy qoʻllanmalar tayyorlab, Respublika komissiyasi aʼzolari va hududiy komissiyalarga yetkazilishi hamda elektron platformalarda joylashtirilishini taʼminlasin;
manfaatdor idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov va Markaziy bank raisi M.B. Nurmuratov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 15-noyabrdagi PQ-366-son qaroriga 1-ILOVA
Aholini kichik va oʻrta biznesga keng jalb qilish boʻyicha respublika komissiyasi
T/r F.I.O. Lavozimi Biriktirilgan hudud 1. J.A. Qoʻchqorov — Bosh vazir oʻrinbosari — iqtisodiyot va moliya vaziri, Respublika komissiyasi raisi 2. I.I. Norqulov — iqtisodiyot va moliya vazirining birinchi oʻrinbosari, Respublika komissiyasi raisi oʻrinbosari 3. A.A. Turdaliyev — Markaziy bank raisi oʻrinbosari, Respublika komissiyasi raisi oʻrinbosari 4. S.S. Annaklichev — “Biznesni rivojlantirish banki” ATB boshqaruvi raisi Qoraqalpogʻiston Respublikasi 5. A.A. Kamalov — Markaziy bank raisi oʻrinbosari Andijon viloyati 6. O.A. Butayev — “Mikrokreditbank” ATB boshqaruvi raisi Buxoro viloyati 7. R.U. Mamatkulov — “Agrobank” ATB boshqaruvi raisi Jizzax viloyati 8. M.M. Ubaydullayev — Mahallabay ishlash va tadbirkorlikni rivojlantirish agentligi direktori Qashqadaryo viloyati 9. Ch.S. Mirzayev — “Turon bank” ATB boshqaruvi raisi Navoiy viloyati 10. Q.A. Tulyaganov — “Asakabank” AJ boshqaruvi raisi Namangan viloyati 11. A.K. Mirsoatov — “Oʻzmilliybank” AJ boshqaruvi raisi Samarqand viloyati 12. D.A. Vahobov — Savdo-sanoat palatasi raisi Surxondaryo viloyati 13. D.S. Qosimov — Tadbirkorlarning huquqlarini himoya qilish boʻyicha vakil Sirdaryo viloyati 14. Sh.X. Atabayev — AT “Xalq banki” boshqaruvi raisi Toshkent viloyati 15. A.A. Akbarjonov — “Oʻzsanoatqurilishbank” ATB boshqaruvi raisi Fargʻona viloyati 16. N.K. Musamuxamedov — Bojxona qoʻmitasi raisi oʻrinbosari Xorazm viloyati 17. Sh.D. Kudbiyev — Soliq qoʻmitasi raisi Toshkent shahri 18. T.N. Xusanov — Iqtisodiyot va moliya vazirligi departament direktori, Respublika komissiyasi kotibi
Oʻzbekiston Respublikasi Prezidentining 2023-yil 15-noyabrdagi PQ-366-son qaroriga 2-ILOVA
Aholini kichik va oʻrta biznesga keng jalb qilish boʻyicha hududiy komissiyalarning namunaviy
1. Lavozimi boʻyicha — Aholini kichik va oʻrta biznesga keng jalb qilish boʻyicha respublika komissiyasidan biriktirilgan vakil, Hududiy komissiya raisi 2. Lavozimi boʻyicha — Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining birinchi oʻrinbosarlari, Hududiy komissiya raisi oʻrinbosari 3. Lavozimi boʻyicha — Qoraqalpogʻiston Respublikasi iqtisodiyot va moliya vaziri, viloyatlar va Toshkent shahar iqtisodiyot va moliya bosh boshqarmalari boshliqlari 4. Lavozimi boʻyicha — Qoraqalpogʻiston Respublikasi kambagʻallikni qisqartirish va bandlik vaziri, viloyatlar va Toshkent shahar kambagʻallikni qisqartirish va bandlik bosh boshqarmalari boshliqlari 5. Lavozimi boʻyicha — Markaziy bank hududiy bosh boshqarmasi boshligʻi 6. Lavozimi boʻyicha — hududiy soliq boshqarmasi boshligʻi 7. Lavozimi boʻyicha — Mahallabay ishlash va tadbirkorlikni rivojlantirish agentligining hududiy boshqarmasi boshligʻi 8. Lavozimi boʻyicha — Savdo-sanoat palatasi hududiy boshqarmasi boshligʻi 9. Lavozimi boʻyicha — Tadbirkorlarning huquqlarini himoya qilish boʻyicha vakil devonining hududdagi bosh inspektori 10. Lavozimi boʻyicha — “Kichik biznesga koʻmaklashish markazi” MCHJ rahbari 11. Lavozimi boʻyicha — “Mikrokreditbank” ATB hududiy filiali boshqaruvchisi 12. Lavozimi boʻyicha — “Agrobank” ATB hududiy filiali boshqaruvchisi 13. Lavozimi boʻyicha — AT “Xalq banki” hududiy filiali boshqaruvchisi 14. Lavozimi boʻyicha — “Hunarmand” uyushmasining hududiy boshqarmasi boshligʻi 15. Lavozimi boʻyicha — Oʻzbekiston fermer, dehqon xoʻjaliklari va tomorqa yer egalari kengashining hududiy filiali rahbari 16. Lavozimi boʻyicha — Tadbirkorlik va ishbilarmonlik muhitini rivojlantirish, eksportga koʻmaklashish va qoʻllab-quvvatlash guruhi rahbari, Hududiy komissiya kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 15-noyabr,
PQ-366-son
Президента Республики Узбекистан
Постановление
СОСТАВ
ТИПОВОЙ СОСТАВ
О дополнительных мерах по широкому вовлечению населения в малый и средний бизнес
В целях внедрения единой системы финансовой поддержки малого и среднего бизнеса, включая оказание содействия в формировании у населения предпринимательских навыков, финансировании бизнес-инициатив и реализации проектов:
1. Определить приоритетными направлениями широкого вовлечения населения в малый и средний бизнес:
внедрение системы финансовой и консультативной поддержки бизнес-инициатив населения и субъектов предпринимательства путем их обучения, а также создание условий, необходимых для расширения их деятельности на основе цепочки «семейный предприниматель — микробизнес — малый бизнес — средний бизнес»;
поддержку проектов малого и среднего бизнеса на основе единой финансовой системы, состоящей из АКБ «Банк развития бизнеса», АО «Компания по развитию предпринимательства» и других коммерческих банков — партнеров, в рамках государственных программ;
осуществление обучения предпринимательству, финансирования проектов малого и среднего бизнеса и непрерывного сопровождения на всех этапах бизнес-процессов в ООО «Центр содействия малому бизнесу» и АО «Компания по развитию предпринимательства», а также на электронных платформах в направлении предпринимательства уполномоченных органов и коммерческих банков (далее — электронные платформы).
2. Определить основными целевыми показателями деятельности АКБ «Банк развития бизнеса» и АО «Компания по развитию предпринимательства» на 2024 — 2026 годы:
а) по АКБ «Банк развития бизнеса»:
доведение доли в кредитном портфеле с 28 процентов до 43 процентов путем увеличения остатка кредитов, выделяемых субъектам малого предпринимательства, в 1,7 раза;
привлечение ресурсов международных финансовых институтов и зарубежных правительственных финансовых организаций в размере до 800 миллионов долларов США для финансирования проектов малого бизнеса;
выпуск в обращение облигаций (евробондов) на международных рынках капитала в размере 300 миллионов долларов США;
налаживание и расширение деятельности 150 тысяч субъектов малого предпринимательства;
б) по АО «Компания по развитию предпринимательства»:
доведение объема финансовых услуг, оказываемых субъектам малого и среднего предпринимательства, с 8 триллионов сумов до 14 триллионов сумов;
внесение доли в 150 предприятий среднего бизнеса и реализацию субъектам предпринимательства 300 проектов на основе ипотеки услуг;
выпуск в обращение корпоративных облигаций на отечественных рынках капитала в размере 300 миллиардов сумов.
3. Создать:
Республиканскую комиссию по широкому вовлечению населения в малый и средний бизнес (далее — Республиканская комиссия) в составе согласно приложению № 1 ;
территориальные комиссии по широкому вовлечению населения в малый и средний бизнес в типовом составе согласно приложению № 2 .
4. Республиканской комиссии (Кучкаров) в срок до 15 декабря 2023 года утвердить:
Целевые показатели вовлечения в бизнес 2 миллионов граждан в 2024 году в разрезе регионов и направлений государственных программ;
Конкретные меры (сетевые графики) по достижению основных целевых показателей деятельности АКБ «Банк развития бизнеса» и АО «Компания по развитию предпринимательства».
Возложить на первого заместителя министра экономики и финансов И.И. Норкулова, заместителя председателя Центрального банка А.А. Турдалиева и членов Республиканской комиссии по закрепленным за ними регионам задачу реализации приоритетных направлений широкого вовлечения населения в малый и средний бизнес и достижения целевых показателей.
Членам Республиканской комиссии в месячный срок организовать учебные семинары для населения и субъектов предпринимательства с выездом в каждый район и город закрепленного за ними региона.
5. Фонду реконструкции и развития (Вафаев) в месячный срок выделить АКБ «Банк развития бизнеса» 300 миллионов долларов США для финансирования проектов в рамках Комплексной программы непрерывной поддержки малого бизнеса, в частности:
75 миллионов долларов США — на увеличение уставного капитала АКБ «Банк развития бизнеса»;
225 миллионов долларов США — в качестве субординированного долга на срок 15 лет, включая пятилетний льготный период, по ставке 5 процентов годовых.
6. Установить, что:
а) ООО «Центр содействия малому бизнесу» и представители АО «Компания по развитию предпринимательства» размещаются в зданиях территориальных управлений Торгово-промышленной палаты в установленном порядке в целях оказания услуг субъектам малого и среднего предпринимательства по принципу «единое окно»;
б) Торгово-промышленная палата (Вахобов), Уполномоченный по защите прав предпринимателей (Касимов), Агентство по работе махаллабай и развитию предпринимательства (Убайдуллаев) еженедельно:
посещают махалли и ведут пропагандистско-разъяснительную работу среди населения и субъектов предпринимательства о финансовых возможностях, определенных в государственных программах для малого и среднего бизнеса;
проводят в ООО «Центр содействия малому бизнесу» учебные семинары для населения и субъектов предпринимательства по типовым пособиям;
выявляют потенциальных субъектов предпринимательства, предоставляют рекомендации по реализации их проектов ООО «Центр содействия малому бизнесу» и представителям АО «Компания по развитию предпринимательства».
7. Определить, что с 1 июля 2024 года в целях обеспечения эффективного использования и своевременного возврата кредитов, выделяемых в рамках государственных программ:
все этапы выделения кредитов (рассмотрение заявлений, принятие решения, предоставление поручительств и выделение кредитов) осуществляются в цифровом формате на электронных платформах;
процессы контроля кредитного обеспечения, полного либо частичного снятия ареста и замены имущества, переданного в залог, организуются централизованно посредством электронных платформ;
внедряется в практику механизм заблаговременного определения рисков с помощью информационных технологий путем анализа деятельности клиентов, осуществляемой на основе бизнес-планов, денежных потоков и других показателей;
объемы кредитов, выделяемых районам (городам) и махаллям в рамках государственных программ, определяются исходя из доли образовавшихся проблемных кредитов.
8. Разрешить в период с 1 января 2024 года по 1 января 2026 года субъектам малого предпринимательства, созданным на основе кооперации с крупными предприятиями с государственным участием, реализацию произведенных ими товаров (продукции) общей стоимостью до 10 миллиардов сумов в течение одного финансового года государственным заказчикам на специальном информационном портале государственных закупок на основании прямых договоров.
Министерству экономики и финансов в месячный срок в целях заключения и регистрации договоров, предусмотренных настоящим пунктом, создать отдельную страницу на специальном информационном портале государственных закупок и осуществить ее интеграцию с базами данных министерств и ведомств.
9. Министерству экономики и финансов (Норкулов):
совместно с Центральным банком (Турдалиев), АКБ «Банк развития бизнеса» (Аннакличев), АО «Компания по развитию предпринимательства», Торгово-промышленной палатой (Вахобов) и Уполномоченным по защите прав предпринимателей (Касимов) в недельный срок обеспечить подготовку типовых пособий, состоящих из презентационных материалов и видеороликов о предусмотренных государственными программами возможностях и условиях участия в них, с доведением вышеуказанных типовых пособий до членов Республиканской и территориальных комиссий и размещением их на электронных платформах;
совместно с заинтересованными ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
10. Возложить на заместителя Премьер-министра Д.А. Кучкарова и председателя Центрального банка М.Б. Нурмуратова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к постановлению Президента Республики Узбекистан от 15 ноября 2023 года № ПП-366
Республиканской комиссии по широкому вовлечению населения в малый и средний бизнес
№ Ф.И.О. Должность Прикрепленный регион 1. Д.А. Кучкаров — заместитель Премьер-министра — министр экономики и финансов, председатель Республиканской комиссии 2. И.И. Норкулов — первый заместитель министра экономики и финансов, заместитель председателя Республиканской комиссии 3. А.А. Турдалиев — заместитель председателя Центрального банка, заместитель председателя Республиканской комиссии 4. С.С. Аннакличев — председатель правления АКБ «Банк развития бизнеса» Республика Каракалпакстан 5. А.А. Камалов — заместитель председателя Центрального банка Андижанская область 6. О.А. Бутаев — председатель правления АКБ «Микрокредитбанк» Бухарская область 7. Р.У. Маматкулов — председатель правления АКБ «Агробанк» Джизакская область 8. М.М. Убайдуллаев — директор Агентства по работе махаллабай и развитию предпринимательства Кашкадарьинская область 9. Ч.С. Мирзаев — председатель правления АКБ «Туронбанк» Навоийская область 10. К.А. Туляганов — председатель правления АО «Асакабанк» Наманганская область 11. А.К. Мирсоатов — председатель правления АО «Узнацбанк» Самаркандская область 12. Д.А. Вахобов — председатель Торгово-промышленной палаты Сурхандарьинская область 13. Д.С. Касимов — Уполномоченный по защите прав предпринимателей Сырдарьинская область 14. Ш.Х. Атабаев — председатель правления АК «Халк банки» Ташкентская область 15. А.А. Акбаржонов — председатель правления АКБ «Узпромстройбанк» Ферганская область 16. Н.К. Мусамухамедов — заместитель председателя Таможенного комитета Хорезмская область 17. Ш.Д. Кудбиев — председатель Налогового комитета г. Ташкент 18. Т.Н. Хусанов — директор департамента Министерства экономики и финансов, секретарь Республиканской комиссии
ПРИЛОЖЕНИЕ № 2 к постановлению Президента Республики Узбекистан от 15 ноября 2023 года № ПП-366
территориальных комиссий по широкому вовлечению населения в малый и средний бизнес
1. По должности — представитель, прикрепленный от Республиканской комиссии по широкому вовлечению населения к малому и среднему бизнесу, председатель Территориальной комиссии 2. По должности — первые заместители Председателя Совета Министров Республики Каракалпакстан, хокимов областей и города Ташкента, заместитель председателя Территориальной комиссии 3. По должности — министр экономики и финансов Республики Каракалпакстан, начальники главных управлений экономики и финансов областей и города Ташкента 4. По должности — министр занятости и сокращения бедности Республики Каракалпакстан, начальники главных управлений занятости и сокращения бедности областей и города Ташкента 5. По должности — начальник территориального главного управления Центрального банка 6. По должности — начальник территориального налогового управления 7. По должности — начальник территориального управления Агентства по работе махаллабай и развитию предпринимательства 8. По должности — начальник территориального управления Торгово-промышленной палаты 9. По должности — главный инспектор аппарата Уполномоченного по защите прав предпринимателей в регионе 10. По должности — Руководитель ООО «Центр содействия малому бизнесу» 11. По должности — управляющий регионального филиала АКБ «Микрокредитбанк» 12. По должности — управляющий регионального филиала АКБ «Агробанк» 13. По должности — управляющий регионального филиала АК «Халк банки» 14. По должности — начальник территориального управления Ассоциации «Хунарманд» 15. По должности — руководитель территориального филиала Совета фермерских, дехканских хозяйств и владельцев приусадебных земель Узбекистана 16. По должности — руководитель Группы по развитию предпринимательской и деловой среды, содействия и поддержки экспорта, секретарь Территориальной комиссии
Президент Республики Узбекистан Ш. МИРЗИЁЕВ
г. Ташкент,
15 ноября 2023 г.,
№ ПП-366