UzbekAI

Ўзбекистон Республикаси Президентининг

Фармойиши

ДАСТУРИ

ТАРКИБИ

Ўзбекистон Республикаси Конституцияси куни байрамига тайёргарлик кўриш ва уни ўтказиш тўғрисида

2023 йил 30 апрель куни бўлиб ўтган умумхалқ референдумида халқимиз ўзининг юксак сиёсий онги, ҳуқуқий маданияти ва дунёқарашини намоён этиб, янги таҳрирдаги Ўзбекистон Республикаси Конституциясини қабул қилди. Янги таҳрирдаги Ўзбекистон Республикаси Конституцияси давлатчилик, ижтимоий-сиёсий, ижтимоий-иқтисодий ва суд-ҳуқуқ соҳаларини бундан кейин ҳам барқарор ривожлантириш учун мустаҳкам замин яратди.

Ўзбекистон Республикаси Конституцияси кунини муносиб кутиб олиш ва юксак савияда нишонлаш, Асосий қонунимизда белгиланган демократия, эркинлик ва тенглик, ижтимоий адолат ва бирдамлик ғоялари атрофида фуқароларни жипслаштириш, «Конституция — халқчил давлат, барқарор тараққиёт ва фаровон ҳаёт асоси!» деган бош ғояни ўзида мужассам этган ташкилий-амалий ҳамда маънавий-маърифий тадбирларни самарали ташкил этиш мақсадида:

1. Қуйидагилар:

Ўзбекистон Республикаси Конституцияси кунига бағишланган байрам тадбирларига тайёргарлик кўриш ва уларни ўтказиш дастури (кейинги ўринларда — Дастур) 1-иловага мувофиқ;

Ўзбекистон Республикаси Конституцияси куни байрамига тайёргарлик кўриш ва уни ўтказиш бўйича ташкилий қўмитанинг (кейинги ўринларда — Ташкилий қўмита) таркиби 2-иловага мувофиқ тасдиқлансин.

2. Ташкилий қўмита (А. Арипов):

Дастурда назарда тутилган чора-тадбирларнинг самарали бажарилиши ҳамда Ўзбекистон Республикаси Конституцияси куни байрамининг Қорақалпоғистон Республикаси, вилоятлар марказлари ва Тошкент шаҳрида, шунингдек, барча шаҳар ва туманлар, қишлоқ ва овулларда нишонланишини таъминласин;

барча ҳудудларда аҳолининг кенг қатламлари ўртасида Ўзбекистон Республикаси Конституцияси куни байрамига бағишланган маънавий-маърифий анжуманлар, очиқ мулоқот ва суҳбатлар, бадиий кечалар, фестиваллар, сайиллар, маданият ва спорт тадбирларини самарали ўтказиш мақсадида атоқли илм-фан намояндалари, маданият ва санъат арбоблари, кекса ва ёш авлод вакиллари, таниқли спортчиларни жалб этган ҳолда байрам тадбирларини амалга оширсин.

3. Жойларда Ўзбекистон Республикаси Конституцияси куни байрамини бугунги давр руҳига ҳамоҳанг тарзда нишонлаш мақсадида қуйидаги масалаларга алоҳида эътибор қаратилсин:

янгиланган Конституциямиз мазмун-моҳияти ва «Ўзбекистон — 2030» стратегиясининг асосий устувор йўналишлари доирасида белгиланган туб ислоҳотлар ҳақида маҳаллалар, таълим ва меҳнат жамоаларида маърифий учрашув ва суҳбатлар ўтказиш;

сўнгги йилларда иқтисодий, ижтимоий, маданий-маънавий ҳаётнинг турли соҳаларида амалга оширилаётган кенг кўламли ислоҳотлар ва бу борада эришилаётган натижаларни мустаҳкамлашда янги таҳрирдаги Конституциянинг ўрни ва ролини ёритиш;

«Конституция — халқчил давлат, барқарор тараққиёт ва фаровон ҳаёт асоси!» деган ҳаётий шиорнинг моҳияти ва аҳамиятини, янги таҳрирдаги Конституция асосида инсон ҳуқуқ ва эркинликлари соҳасида мутлақо янги босқичга ўтилганлигини очиб бериш;

мулкий ҳуқуқларнинг ишончли ҳимоясини таъминлаш, ушбу ҳуқуқларни чеклаётган омилларни бартараф этиш, соғлиқни сақлаш, илм-фан, маданият, санъат ва спорт соҳаларини ривожлантириш, нуронийлар, хотин-қизлар ва ёшларга доимий эътибор ва ғамхўрлик кўрсатиш, оила, оналик, болалик ва оталикни ҳимоя қилиш бўйича амалга оширилаётган ислоҳотларнинг аҳамиятини кенг тарғиб қилиш;

«Конституция ҳафталиги»да умумий ўрта, ўрта махсус, профессионал ва олий таълим ташкилотларида барча ўқувчи ва талабаларни қамраб олган ҳолда Конституция дарсларини ўтказиш.

4. Белгилаб қўйилсинки, ўтказиладиган байрам тадбирлари:

Қорақалпоғистон Республикаси, вилоятларда — тегишли маҳаллий бюджетларнинг қўшимча манбалари, вазирлик ва идораларнинг бюджетдан ташқари маблағлари, қонунчиликда тақиқланмаган бошқа маблағлар ҳисобидан;

Тошкент шаҳрида — Ташкилий қўмита томонидан тасдиқланган харажатлар сметасига мувофиқ Ўзбекистон Республикаси Вазирлар Маҳкамасининг ва Тошкент шаҳар ҳокимлигининг захира жамғармалари ҳисобидан тенг улушларда молиялаштирилади.

5. Ўзбекистон Миллий телерадиокомпанияси, Ўзбекистон Миллий ахборот агентлиги, «Дунё» ахборот агентлиги ва бошқа оммавий ахборот воситаларига Ўзбекистон Республикаси Конституцияси куни байрамига тайёргарлик кўриш ва уни ўтказиш бўйича амалга оширилаётган ишларни кенг ёритиб бориш тавсия этилсин.

6. Мазкур фармойишнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президентининг 2023 йил 16 ноябрдаги Ф-72-сон фармойишига 1-ИЛОВА

Ўзбекистон Республикаси Конституцияси кунига бағишланган байрам тадбирларига тайёргарлик кўриш ва уларни ўтказиш

Т/р Тадбир номи Ижро муддати Масъул ташкилотлар I. Туман ва шаҳарларни байрамга тайёрлаш, тарғибот-ташвиқот материалларини ишлаб чиқиш бўйича чора-тадбирлар Ўзбекистон Республикаси Конституциясидаги ғоя ва асосий тамойилларнинг мазмунини ўзида акс эттирувчи шиорлар, фотолавҳалар, плакатлар, паннолар, қисқа видеороликлар ва бошқа кўргазмали воситаларни тайёрлаш. Конституция куни муносабати билан Конституция рамзини (байроқ, герб элементига эга) ва ушбу рамз туширилган маҳсулотларни (флаер, стикер, байроқча, кўкрак белгиси, шарф, кепка, блокнот, ручка, сумка ва б.) тайёрлаш ва аҳолига тарқатиш . 2023 йил 1 — 10 декабрь Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, «Тасвирий ойина» ижодий уюшмаси Ўзбекистон Республикаси Конституциясига оид тарғибот-ташвиқот воситаларини ( баннер, видео роликлар ) қуйидагиларда жойлаштириш : 1) вилоят, шаҳар, туман марказлари шоҳ кўчалари, хиёбонлар, байрам тадбирлари ўтадиган жойларда, ташқи реклама объектларида, билбордларда, LED-экранли конструкцияларда; 2) жамоат транспортида (автобус, метро, поезд, самолёт) ва улардаги мониторларда; 3) жамоат жойларида (бозорлар, савдо дўконлари, гипермаркет ва бошқа савдо шохобчалари, бекатлар, аэропорт ва авиакассалар, темирйўл вокзаллари ва кассалари, автомобиль ёқилғи қуйиш шохобчалари ва б.). 2023 йил 1 — 10 декабрь Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, ЎзМТРК, «Тасвирий ойина» ижодий уюшмаси, Олий таълим, фан ва инновациялар вазирлиги, Транспорт вазирлиги Маҳаллаларда, мактаблар ҳовлиларида 7 декабрда Конституция куни муносабати билан давлат байроғини кўтариш маросимини ташкил этиш, унда Конституциядаги бирдамлик ғоялари ифодаланган саҳна кўринишлари, шеър ва ашулаларни ўз ичига олган тадбирлар ташкил этиш. 2023 йил 7 декабрь Мактабгача ва мактаб таълими вазирлиги, Ёшлар ишлари агентлиги, Бандлик ва камбағалликни қисқартириш вазирлиги Туман ва шаҳар марказларида (Тошкент шаҳрининг Сайилгоҳ кўчасида) Ўзбекистон Республикаси Конституцияси кунига бағишлаб «Конституция кўчаси»ни ташкил этиш, унда: Конституциянинг яратилиши, такомиллаштириш босқичларини ифода этадиган «Конституция тарихи» бурчаги ва фотокўргазмасини ташкил этиш; Конституцияни ўргатиш бўйича замонавий методика асосида тайёрланган дарсликлар, ўқув қўлланмалари ва махсус адабиётлар кўргазмасини ташкил этиш; конституциявий ҳуқуқлар бўйича суд ва ҳуқуқни муҳофаза қилувчи органлар бурчакларини ташкил этиш ва уларга кўргазмали материалларни жойлаштириш; болалар ва ёшларга Конституцияда белгиланган нормаларнинг мазмун-моҳиятини очиб берувчи кўргазмали материаллар бурчагини ташкил этиш; «Конституция кўчаси»ни тарғибот ва кўргазмали баннерлар билан безатиш; Конституцияга оид турли кўнгилочар тадбирлар, куиз ва челленжлар ташкил этиш, фуқароларнинг Конституцияга оид билимларини синовдан ўтказиш бўйича викторина лойиҳасини амалга ошириш, ғолиб фуқароларни Конституция китоби, Конституция рамзи туширилган маҳсулотлар билан тақдирлаш. 2023 йил 5 — 8 декабрь Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, Адлия вазирлиги, Маданият вазирлиги, Олий таълим, фан ва инновациялар вазирлиги, Мактабгача ва мактаб таълими вазирлиги, Ёшлар сиёсати ва спорт вазирлиги, ИИВ, Бош прокуратура, Миллий гвардия, Олий суд, Инсон ҳуқуқлари бўйича Миллий марказ II. Байрам тадбирларини оммавий ахборот воситаларида, ижтимоий тармоқларда кенг ёритиш бўйича чора-тадбирлар Ўзбекистон Республикаси Конституциясининг мазмун-моҳиятини, унинг ислоҳотларнинг мустаҳкам ҳуқуқий пойдевор бўлиб хизмат қилаётганини тарғиб қилувчи махсус ижтимоий роликлар тайёрлаш ҳамда ОАВда кенг ёритиш. 2023 йил 1 — 8 декабрь ЎзМТРК, ЎММА, ЎзА, АОКА, Адлия вазирлиги, Ёшлар ишлари агентлиги Оммавий ахборот воситаларида янги таҳрирдаги Ўзбекистон Республикаси Конституциясининг мазмун-моҳиятига оид медиа тадбирларни (махсус кўрсатув, пресс-клуб, ток-шоу, интервью, репортаж, видеоролик, титр, радиоэшиттириш, викторина, мақола ва муносабатлар) амалга ошириш (алоҳида медиа режа асосида). Телеканаллар белгиси ёнида Конституция рамзини жойлаштириш. 2023 йил ноябрь-декабрь АОКА, ЎзМТРК, ЎММА, ЎзА, Адлия вазирлиги Конституциявий комиссиянинг айрим аъзолари билан янги таҳрирдаги Ўзбекистон Республикаси Конституцияси қабул қилиниши тарихига бағишланган интервьюлар тайёрлаш ҳамда босма ва электрон оммавий ахборот воситаларида ёритиш. 2023 йил 1 — 8 декабрь Конституциявий суд, ЎзМТРК, ЎзА, ЎММА, «Халқ сўзи» ва «Янги Ўзбекистон» газеталари, Адлия вазирлиги Конституция куни муносабати билан радиовикторина ўтказиш ва ғолибларни тақдирлаш. 2023 йил 7-8 декабрь ЎзМТРК , ЎММА, АОКА, Адлия вазирлиги Марказий ва ҳудудий босма ва электрон оммавий ахборот воситаларида (газета ва журналларда): 1) Конституциямизнинг мазмун-моҳиятини, унинг ҳаётимизда юз бераётган ўзгаришлар ва қўлга киритилаётган ютуқларнинг бош омили эканини тарғиб этиш, шу мавзуда телемулоқотлар, давра суҳбатлари, учрашувлар ташкил этиш; 2) Ўзбекистон Республикаси Конституцияси кунига бағишланган алоҳида рукнлар ташкил этиш, ҳуқуқий журналларнинг махсус сонларини чоп этиш. 2023 йил 1 — 8 декабрь ЎзМТРК , ЎММА, ЎзА, «Халқ сўзи» ва «Янги Ўзбекистон» газеталари, АОКА, Адлия вазирлиги, Республика Маънавият ва маърифат маркази, ИИВ, Олий суд, Конституциявий суд, Миллий гвардия, Бош прокуратура Давлат ва жамоат арбоблари, актёр, хонанда, машҳур спортчилар, блогер ва фаолларнинг ижтимоий тармоқлардаги саҳифаларига Конституцияга оид муносабатларни жойлаштириш. 2023 йил 7-8 декабрь Маданият вазирлиги, Ёшлар сиёсати ва спорт вазирлиги, Республика Маънавият ва маърифат маркази, АОКА, Адлия вазирлиги Журналист ва блогерлар ўртасида «Конституцияда белгиланган қоидаларни тушунтирадиган энг яхши пост ва мақола» танловини ўтказиш. 2023 йил ноябрь-декабрь Адлия вазирлиги, Бош прокуратура, АОКА «Constitution.uz» веб-сайтини унинг яратилиш тарихига оид, унинг жамиятимиз ҳаётидаги ўрни ва аҳамиятини кўрсатиб берувчи турли маълумотлар билан тўлдирган ҳолда мунтазам янгилаб бориш. 2023 йил ноябрь-декабрь Рақамли технологиялар вазирлиги, Конституциявий суд, Қонунчилик ва ҳуқуқий сиёсат институти, Адлия вазирлиги #Meningkonstitutsiyam , #Konstitutsiyakuni хештеглари остида маълумотларни ижтимоий тармоқларга жойлаштириш. 2023 йил 1 — 10 декабрь Олий таълим, фан ва инновациялар вазирлиги, Ёшлар ишлари агентлиги, АОКА III. «Конституция ҳафталиги» доирасида ўтказиладиган байрам ва бошқа кўнгилочар тадбирлар Ўзбекистон Республикаси Конституцияси кунига бағишлаб, Тошкент шаҳри, Қорақалпоғистон Республикаси ва вилоятлар марказларида ўтказиладиган концерт тадбирларини санъат усталари ва ёш ижрочилар иштирокида юқори савияда ташкил этиш ва ўтказиш . 2023 йил 7 декабрь Тошкент шаҳри ҳокимлиги, Маданият вазирлиги Қорақалпоғистон Республикаси, вилоятлар ва Тошкент шаҳрида (Яккасарой туманидаги Конституция кўчасида) Конституция сайилларини ташкил этиш, унда томоша ва байрам тадбирларини юқори савияда ташкил этиш ва ўтказиш . 2023 йил 4 — 7 декабрь Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, Маданият вазирлиги Суд ва ҳуқуқни муҳофаза қилувчи органлар, Адвокатлар палатаси, шунингдек, «юриспруденция» таълим йўналиши мавжуд бўлган олий таълим муассасалари ходимлари иштирокида республика «Заковат» интеллектуал турнирини ташкил этиш. 2023 йил 7 декабрь «Заковат» интеллектуал клуби ННТ, Конституциявий суд, Олий суд, Судьялар олий кенгаши, ИИВ, Бош прокуратура, Адлия вазирлиги, Давлат божхона қўмитаси, Миллий гвардия Ҳарбий қисм ва бўлинмаларда Ўзбекистон Республикаси Конституцияси қабул қилинганининг ўттиз бир йиллигига бағишланган тантанали сафланиш тадбирларини ўтказиш , ҳарбий ва ўқув тайёргарликда алоҳида намуна кўрсатган ҳарбий хизматчиларни рағбатлантириш ва тақдирлаш. 2023 йил 4 — 7 декабрь Мудофаа вазирлиги, ИИВ, ДХХ Янги таҳрирдаги Ўзбекистон Республикаси Конституциясини Ахборот ва оммавий коммуникациялар агентлигига бюджетдан қўшимча ажратилган маблағлар доирасида 3 минг нусхада брайль алифбосида нашр этиш. 2023 йил декабрь АОКА, Ўзбекистон кўзи ожизлар жамияти (келишув асосида) Ўзбекистон Республикаси Конституциясининг яратилиш тарихига бағишланган архив ҳужжатларининг кўргазмасини ташкил этиш. 2023 йил 1 — 7 декабрь Олий Мажлис палаталари, Конституциявий суд (келишув асосида), «Ўзархив» агентлиги Кинотеатрларда ҳар бир фильм намойишидан олдин Конституция куни байрамига бағишланган ижтимоий видеороликларни томошабинларга кўрсатиш. 2023 йил 1 — 8 декабрь Маданият вазирлиги, Савдо-саноат палатаси Фуқароларга Конституция куни байрами муносабати билан SMS-хабар сифатида табрик йўллаш. 2023 йил 8 декабрь Рақамли технологиялар вазирлиги IV. «Конституция ҳафталиги» доирасида давлат ташкилотларида ва сиёсий партияларда ташкил этиладиган тадбирлар Давлат ҳокимияти ва бошқарув органларида, маҳаллий ҳокимликларда, умумий ўрта ва ўрта махсус, профессионал ва олий таълим ташкилотларида, маҳаллаларда, суд ва ҳуқуқни муҳофаза қилувчи органлар ва бошқа давлат ташкилотларида «Менинг Конституциям 31 ёшда» шиори остида «Менинг Конституциям ва давлат тилим» мавзусида оммавий умумреспублика диктантини ташкил этиш. 2023 йил 1 — 8 декабрь Мактабгача ва мактаб таълими вазирлиги, Олий таълим, фан ва инновациялар вазирлиги, вазирлик ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари Ихтиёрий бўлган умуммиллий Конституция имтиҳонини ўтказиш. 2023 йил 1 — 8 декабрь Адлия вазирлиги, Давлат хизматини ривожлантириш агентлиги, ТДЮУ Ўзбекистоннинг чет элдаги муассасаларида ва халқаро ташкилотлар қошидаги ваколатхоналари ёки халқаро ташкилотлар штаб-квартираларида Конституциямиз қабул қилинганининг ўттиз бир йиллигига бағишланган «Ўзбекистон Конституцияси куни» маърифий тадбирларини ташкил этиш . 2023 йил 1 — 8 декабрь Ташқи ишлар вазирлиги, «Дунё» АА Ўзбекистоннинг чет элдаги муассасалари ва халқаро ташкилотлар қошидаги ваколатхоналари веб-сайтларида ҳамда хорижий мамлакатларнинг оммавий ахборот воситаларида Конституция куни байрамига бағишланган материалларни жойлаштириш. 2023 йил 1 — 8 декабрь Ташқи ишлар вазирлиги, «Дунё» АА Конституциявий суднинг мамлакатдаги конституциявий қонунийлик ҳолати тўғрисида ахборотини тақдим этиш ва ижтимоий тармоқларда кенг муҳокама қилиш. 2023 йил 5 декабрь Конституциявий суд (келишув асосида) «Конституция ҳафталиги» доирасида Олий Мажлис палаталарида «Очиқ эшиклар куни»ни ўтказиш ва унинг доирасида Қонунчилик палатаси ва Сенат биноси бўйлаб экскурсия ташкил этиш, мажлислар зали ва музей, кутубхона, депутат ва сенаторларнинг фаолияти билан таништириш. 2023 йил 1 — 7 декабрь Олий Мажлис Қонунчилик палатаси ва Сенати (келишув асосида) Давлат хизматлари марказларида «Конституция бурчаги»ни ташкил қилиш (флаерлар тайёрлаш ва уларни ташриф буюрган фуқароларга бепул тарқатиш). 2023 йил 1 — 8 декабрь Адлия вазирлиги Сиёсий партиялар томонидан ўз дастурининг устувор йўналишларига мос бўлган Конституциянинг тегишли нормаларининг мазмун-моҳиятини очиб берувчи туркум тадбирларни ташкил этиш. 2023 йил 1 — 8 декабрь Олий Мажлис Қонунчилик палатаси, сиёсий партиялар (келишув асосида) Ички ишлар органларида Ўзбекистон Республикаси Конституцияси куни 16 ёшга тўладиган Ўзбекистон Республикаси фуқароларига ID-картани топшириш жараёнларини байрамона ташкил этиш. 2023 йил 7 декабрь ИИВ, Адлия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари V. «Конституция ҳафталиги» доирасида таълим ташкилотлари ва илмий жамоаларда ўтказиладиган тадбирлар Умумий ўрта, ўрта махсус, профессионал ва олий таълим ташкилотларида барча ўқувчи ва талабаларни қамраб олган ҳолда Конституция дарсларини ўтказиш (намунавий дарс материаллари асосида). 2023 йил 1 — 8 декабрь Мактабгача ва мактаб таълими вазирлиги, Олий таълим, фан ва инновациялар вазирлиги, ТДЮУ Умумий ўрта, ўрта махсус, профессионал ва олий таълим ташкилотларида Ўзбекистон Республикаси Конституцияси қоидалари ва тамойилларини ўрганиш бўйича олимпиада ташкил этиш ва ОАВда кенг ёритиш. 2023 йил 1 — 8 декабрь Мактабгача ва мактаб таълими вазирлиги, Олий таълим, фан ва инновациялар вазирлиги, Адлия вазирлиги, Ёшлар ишлари агентлиги, ЎзМТРК, ЎММА Мактаб ўқувчилари ўртасида «Халқ Конституцияси», «Конституция — бахтимиз қомуси», «Конституция — келажагим машъали» мавзуларида расмлар ва иншолар танловини ўтказиш ва ғолибларни тақдирлаш. 2023 йил 1 — 8 декабрь Мактабгача ва мактаб таълими вазирлиги «Баркамол авлод» болалар мактабларида «Конституция ўқувчилар нигоҳида» мавзусида ижодий ишлар танлови ва кўргазмаларини ташкил этиш. 2023 йил 1 — 8 декабрь Мактабгача ва мактаб таълими вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари Таълим муассасаларида ҳуқуқни муҳофаза қилиш идоралари ходимлари, ҳуқуқшунос олимлар иштирокида «Конституцияни ўрганамиз», «Конституция — адолат тантанаси» мавзуларида учрашувлар, очиқ мулоқотлар, ҳуқуқий-маърифий тадбирлар ташкил этиш. 2023 йил 1 — 8 декабрь Ёшлар ишлари агентлиги, Мактабгача ва мактаб таълими вазирлиги, Олий таълим, фан ва инновациялар вазирлиги Таълим ташкилотларини байроқлар ва шарлар, шунингдек, ўқувчилар ясаган ўйинчоқлар, рамзлар билан безатиш. 2023 йил 1 — 8 декабрь Мактабгача ва мактаб таълими вазирлиги, Олий таълим, фан ва инновациялар вазирлиги, Ёшлар ишлари агентлиги Ўзбекистон Республикаси Конституцияси кунига бағишланган ёшлар конференциясини ўтказиш. 2023 йил 5 декабрь Олий таълим, фан ва инновациялар вазирлиги, Ёшлар ишлари агентлиги Барча олий таълим ва илмий ташкилотларда талабалар, магистрлар, тадқиқотчилар, таянч докторантлар ва докторантлар ўртасида «Янги Конституция — тараққиёт қомуси» мавзусида илмий мақолалар танловини ташкил этиш 2023 йил 1 — 8 декабрь Олий таълим, фан ва инновациялар вазирлиги, Ёшлар ишлари агентлиги Илмий жамоатчиликни кенг жалб қилган ҳолда Конституция ва унинг нормаларини амалга оширишга бағишланган халқаро илмий-амалий конференция ўтказиш. 2023 йил 6 декабрь Конституциявий суд, Олий Мажлис палаталари (келишув асосида) , Адлия вазирлиги, Ташқи ишлар вазирлиги, Қонунчилик ва ҳуқуқий сиёсат институти, ДБА, ТДЮУ, ЖИДУ Конституция кунига бағишланган спорт марафонлари (югуриш, марш) ва мусобақаларини (волейбол, футбол, шахмат ва б.) уюштириш, жаҳон, Осиё ва Олимпия ўйинлари ғолиблари, иштирокчилари билан учрашувлар ташкил этиш. 2023 йил 1 — 8 декабрь Ёшлар сиёсати ва спорт вазирлиги, Олий таълим, фан ва инновациялар вазирлиги, «Соғлом авлод учун» халқаро хайрия жамғармаси (келишув асосида)

Ўзбекистон Республикаси Президентининг 2023 йил 16 ноябрдаги Ф-72-сон фармойишига 2-ИЛОВА

Ўзбекистон Республикаси Конституцияси куни байрамига тайёргарлик кўриш ва уни ўтказиш бўйича ташкилий қўмита

1. А.Н. Арипов — Ўзбекистон Республикаси Бош вазири, Ташкилий қўмита раиси 2. Р.Қ. Давлетов — Ўзбекистон Республикаси Президентининг маслаҳатчиси, Ташкилий қўмита раисининг ўринбосари 3. Х.М. Султонов — Ўзбекистон Республикаси Президентининг маслаҳатчиси — Спичрайтери 4. Қ.Қ. Қуронбоев — Ўзбекистон Республикаси Президенти Администрацияси Ёшлар сиёсати департаменти раҳбари 5. Ж.А. Қўчқоров — Бош вазир ўринбосари, иқтисодиёт ва молия вазири 6. Ш.Б. Умурзаков — Тошкент шаҳар ҳокими в.б., Ташкилий қўмита раисининг ўринбосари 7. А.Ж. Тошқулов — адлия вазири 8. О.А. Назарбеков — маданият вазири 9. Б.О. Саидов — ташқи ишлар вазири 10. П.Р. Бобожонов — ички ишлар вазири 11. А.Ҳ. Қўлдошев — фавқулодда вазиятлар вазири 12. Р.М. Жўраев — Миллий гвардия қўмондони 13. Х.У. Умарова — мактабгача ва мактаб таълими вазири 14. А.Ш. Иноятов — соғлиқни сақлаш вазири 15. Ш.Х. Шерматов — рақамли технологиялар вазири 16. А.И. Икрамов — ёшлар сиёсати ва спорт вазири 17. Б.А. Мусаев — камбағалликни қисқартириш ва бандлик вазири 18. А.А. Ходжаев — Ахборот ва оммавий коммуникациялар агентлиги директори 19. Р.Ж. Қурбонов — Миллатлараро муносабатлар ва хорижий мамлакатлар билан дўстлик алоқалари қўмитаси раиси 20. Ф.Ф. Абдуҳолиқов — Кинематография агентлиги бош директори 21. А.З. Саъдуллаев — Ёшлар ишлари агентлиги директори 22. А.Ж. Ходжаев — Ўзбекистон Миллий телерадиокомпанияси раиси 23. А. Кўчимов — Ўзбекистон Миллий ахборот агентлиги бош директори 24. М.М. Ҳожиматов — Республика Маънавият ва маърифат маркази раҳбари 25. Лавозимига кўра — Қорақалпоғистон Республикаси Вазирлар Кенгаши Раиси ва вилоятлар ҳокимлари

Ўзбекистон Республикаси Президенти Ш. МИРЗИЁЕВ

Тошкент ш.,

2023 йил 16 ноябрь,

Ф-72-сон

lex.uz

Oʻzbekiston Respublikasi Prezidentining

Farmoyishi

DASTURI

TARKIBI

Oʻzbekiston Respublikasi Konstitutsiyasi kuni bayramiga tayyorgarlik koʻrish va uni oʻtkazish toʻgʻrisida

2023-yil 30-aprel kuni boʻlib oʻtgan umumxalq referendumida xalqimiz oʻzining yuksak siyosiy ongi, huquqiy madaniyati va dunyoqarashini namoyon etib, yangi tahrirdagi Oʻzbekiston Respublikasi Konstitutsiyasini qabul qildi. Yangi tahrirdagi Oʻzbekiston Respublikasi Konstitutsiyasi davlatchilik, ijtimoiy-siyosiy, ijtimoiy-iqtisodiy va sud-huquq sohalarini bundan keyin ham barqaror rivojlantirish uchun mustahkam zamin yaratdi.

Oʻzbekiston Respublikasi Konstitutsiyasi kunini munosib kutib olish va yuksak saviyada nishonlash, Asosiy qonunimizda belgilangan demokratiya, erkinlik va tenglik, ijtimoiy adolat va birdamlik gʻoyalari atrofida fuqarolarni jipslashtirish, “Konstitutsiya — xalqchil davlat, barqaror taraqqiyot va farovon hayot asosi!” degan bosh gʻoyani oʻzida mujassam etgan tashkiliy-amaliy hamda maʼnaviy-maʼrifiy tadbirlarni samarali tashkil etish maqsadida:

1. Quyidagilar:

Oʻzbekiston Respublikasi Konstitutsiyasi kuniga bagʻishlangan bayram tadbirlariga tayyorgarlik koʻrish va ularni oʻtkazish dasturi (keyingi oʻrinlarda — Dastur) 1-ilovaga muvofiq;

Oʻzbekiston Respublikasi Konstitutsiyasi kuni bayramiga tayyorgarlik koʻrish va uni oʻtkazish boʻyicha tashkiliy qoʻmitaning (keyingi oʻrinlarda — Tashkiliy qoʻmita) tarkibi 2-ilovaga muvofiq tasdiqlansin.

2. Tashkiliy qoʻmita (A. Aripov):

Dasturda nazarda tutilgan chora-tadbirlarning samarali bajarilishi hamda Oʻzbekiston Respublikasi Konstitutsiyasi kuni bayramining Qoraqalpogʻiston Respublikasi, viloyatlar markazlari va Toshkent shahrida, shuningdek, barcha shahar va tumanlar, qishloq va ovullarda nishonlanishini taʼminlasin;

barcha hududlarda aholining keng qatlamlari oʻrtasida Oʻzbekiston Respublikasi Konstitutsiyasi kuni bayramiga bagʻishlangan maʼnaviy-maʼrifiy anjumanlar, ochiq muloqot va suhbatlar, badiiy kechalar, festivallar, sayillar, madaniyat va sport tadbirlarini samarali oʻtkazish maqsadida atoqli ilm-fan namoyandalari, madaniyat va sanʼat arboblari, keksa va yosh avlod vakillari, taniqli sportchilarni jalb etgan holda bayram tadbirlarini amalga oshirsin.

3. Joylarda Oʻzbekiston Respublikasi Konstitutsiyasi kuni bayramini bugungi davr ruhiga hamohang tarzda nishonlash maqsadida quyidagi masalalarga alohida eʼtibor qaratilsin:

yangilangan Konstitutsiyamiz mazmun-mohiyati va “Oʻzbekiston — 2030” strategiyasining asosiy ustuvor yoʻnalishlari doirasida belgilangan tub islohotlar haqida mahallalar, taʼlim va mehnat jamoalarida maʼrifiy uchrashuv va suhbatlar oʻtkazish;

soʻnggi yillarda iqtisodiy, ijtimoiy, madaniy-maʼnaviy hayotning turli sohalarida amalga oshirilayotgan keng koʻlamli islohotlar va bu borada erishilayotgan natijalarni mustahkamlashda yangi tahrirdagi Konstitutsiyaning oʻrni va rolini yoritish;

“Konstitutsiya — xalqchil davlat, barqaror taraqqiyot va farovon hayot asosi!” degan hayotiy shiorning mohiyati va ahamiyatini, yangi tahrirdagi Konstitutsiya asosida inson huquq va erkinliklari sohasida mutlaqo yangi bosqichga oʻtilganligini ochib berish;

mulkiy huquqlarning ishonchli himoyasini taʼminlash, ushbu huquqlarni cheklayotgan omillarni bartaraf etish, sogʻliqni saqlash, ilm-fan, madaniyat, sanʼat va sport sohalarini rivojlantirish, nuroniylar, xotin-qizlar va yoshlarga doimiy eʼtibor va gʻamxoʻrlik koʻrsatish, oila, onalik, bolalik va otalikni himoya qilish boʻyicha amalga oshirilayotgan islohotlarning ahamiyatini keng targʻib qilish;

“Konstitutsiya haftaligi”da umumiy oʻrta, oʻrta maxsus, professional va oliy taʼlim tashkilotlarida barcha oʻquvchi va talabalarni qamrab olgan holda Konstitutsiya darslarini oʻtkazish.

4. Belgilab qoʻyilsinki, oʻtkaziladigan bayram tadbirlari:

Qoraqalpogʻiston Respublikasi, viloyatlarda — tegishli mahalliy budjetlarning qoʻshimcha manbalari, vazirlik va idoralarning budjetdan tashqari mablagʻlari, qonunchilikda taqiqlanmagan boshqa mablagʻlar hisobidan;

Toshkent shahrida — Tashkiliy qoʻmita tomonidan tasdiqlangan xarajatlar smetasiga muvofiq Oʻzbekiston Respublikasi Vazirlar Mahkamasining va Toshkent shahar hokimligining zaxira jamgʻarmalari hisobidan teng ulushlarda moliyalashtiriladi.

5. Oʻzbekiston Milliy teleradiokompaniyasi, Oʻzbekiston Milliy axborot agentligi, “Dunyo” axborot agentligi va boshqa ommaviy axborot vositalariga Oʻzbekiston Respublikasi Konstitutsiyasi kuni bayramiga tayyorgarlik koʻrish va uni oʻtkazish boʻyicha amalga oshirilayotgan ishlarni keng yoritib borish tavsiya etilsin.

6. Mazkur farmoyishning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2023-yil 16-noyabrdagi F-72-son farmoyishiga 1-ILOVA

Oʻzbekiston Respublikasi Konstitutsiyasi kuniga bagʻishlangan bayram tadbirlariga tayyorgarlik koʻrish va ularni oʻtkazish

T/r Tadbir nomi Ijro muddati Masʼul tashkilotlar I. Tuman va shaharlarni bayramga tayyorlash, targʻibot-tashviqot materiallarini ishlab chiqish boʻyicha chora-tadbirlar Oʻzbekiston Respublikasi Konstitutsiyasidagi gʻoya va asosiy tamoyillarning mazmunini oʻzida aks ettiruvchi shiorlar, fotolavhalar, plakatlar, pannolar, qisqa videoroliklar va boshqa koʻrgazmali vositalarni tayyorlash. Konstitutsiya kuni munosabati bilan Konstitutsiya ramzini (bayroq, gerb elementiga ega) va ushbu ramz tushirilgan mahsulotlarni (flayer, stiker, bayroqcha, koʻkrak belgisi, sharf, kepka, bloknot, ruchka, sumka va b.) tayyorlash va aholiga tarqatish . 2023-yil 1 — 10-dekabr Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, “Tasviriy oyina” ijodiy uyushmasi Oʻzbekiston Respublikasi Konstitutsiyasiga oid targʻibot-tashviqot vositalarini ( banner, video roliklar ) quyidagilarda joylashtirish : 1) viloyat, shahar, tuman markazlari shoh koʻchalari, xiyobonlar, bayram tadbirlari oʻtadigan joylarda, tashqi reklama obyektlarida, bilbordlarda, LED-ekranli konstruksiyalarda; 2) jamoat transportida (avtobus, metro, poyezd, samolyot) va ulardagi monitorlarda; 3) jamoat joylarida (bozorlar, savdo doʻkonlari, gipermarket va boshqa savdo shoxobchalari, bekatlar, aeroport va aviakassalar, temiryoʻl vokzallari va kassalari, avtomobil yoqilgʻi quyish shoxobchalari va b.). 2023-yil 1 — 10-dekabr Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, OʻzMTRK, “Tasviriy oyina” ijodiy uyushmasi, Oliy taʼlim, fan va innovatsiyalar vazirligi, Transport vazirligi Mahallalarda, maktablar hovlilarida 7-dekabrda Konstitutsiya kuni munosabati bilan davlat bayrogʻini koʻtarish marosimini tashkil etish, unda Konstitutsiyadagi birdamlik gʻoyalari ifodalangan sahna koʻrinishlari, sheʼr va ashulalarni oʻz ichiga olgan tadbirlar tashkil etish. 2023-yil 7-dekabr Maktabgacha va maktab taʼlimi vazirligi, Yoshlar ishlari agentligi, Bandlik va kambagʻallikni qisqartirish vazirligi Tuman va shahar markazlarida (Toshkent shahrining Sayilgoh koʻchasida) Oʻzbekiston Respublikasi Konstitutsiyasi kuniga bagʻishlab “Konstitutsiya koʻchasi”ni tashkil etish, unda: Konstitutsiyaning yaratilishi, takomillashtirish bosqichlarini ifoda etadigan “Konstitutsiya tarixi” burchagi va fotokoʻrgazmasini tashkil etish; Konstitutsiyani oʻrgatish boʻyicha zamonaviy metodika asosida tayyorlangan darsliklar, oʻquv qoʻllanmalari va maxsus adabiyotlar koʻrgazmasini tashkil etish; konstitutsiyaviy huquqlar boʻyicha sud va huquqni muhofaza qiluvchi organlar burchaklarini tashkil etish va ularga koʻrgazmali materiallarni joylashtirish; bolalar va yoshlarga Konstitutsiyada belgilangan normalarning mazmun-mohiyatini ochib beruvchi koʻrgazmali materiallar burchagini tashkil etish; “Konstitutsiya koʻchasi”ni targʻibot va koʻrgazmali bannerlar bilan bezatish; Konstitutsiyaga oid turli koʻngilochar tadbirlar, kuiz va chellenjlar tashkil etish, fuqarolarning Konstitutsiyaga oid bilimlarini sinovdan oʻtkazish boʻyicha viktorina loyihasini amalga oshirish, gʻolib fuqarolarni Konstitutsiya kitobi, Konstitutsiya ramzi tushirilgan mahsulotlar bilan taqdirlash. 2023-yil 5 — 8-dekabr Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Adliya vazirligi, Madaniyat vazirligi, Oliy taʼlim, fan va innovatsiyalar vazirligi, Maktabgacha va maktab taʼlimi vazirligi, Yoshlar siyosati va sport vazirligi, IIV, Bosh prokuratura, Milliy gvardiya, Oliy sud, Inson huquqlari boʻyicha Milliy markaz II. Bayram tadbirlarini ommaviy axborot vositalarida, ijtimoiy tarmoqlarda keng yoritish boʻyicha chora-tadbirlar Oʻzbekiston Respublikasi Konstitutsiyasining mazmun-mohiyatini, uning islohotlarning mustahkam huquqiy poydevor boʻlib xizmat qilayotganini targʻib qiluvchi maxsus ijtimoiy roliklar tayyorlash hamda OAVda keng yoritish. 2023-yil 1 — 8-dekabr OʻzMTRK, OʻMMA, OʻzA, AOKA, Adliya vazirligi, Yoshlar ishlari agentligi Ommaviy axborot vositalarida yangi tahrirdagi Oʻzbekiston Respublikasi Konstitutsiyasining mazmun-mohiyatiga oid media tadbirlarni (maxsus koʻrsatuv, press-klub, tok-shou, intervyu, reportaj, videorolik, titr, radioeshittirish, viktorina, maqola va munosabatlar) amalga oshirish (alohida media reja asosida). Telekanallar belgisi yonida Konstitutsiya ramzini joylashtirish. 2023-yil noyabr-dekabr AOKA, OʻzMTRK, OʻMMA, OʻzA, Adliya vazirligi Konstitutsiyaviy komissiyaning ayrim aʼzolari bilan yangi tahrirdagi Oʻzbekiston Respublikasi Konstitutsiyasi qabul qilinishi tarixiga bagʻishlangan intervyular tayyorlash hamda bosma va elektron ommaviy axborot vositalarida yoritish. 2023-yil 1 — 8-dekabr Konstitutsiyaviy sud, OʻzMTRK, OʻzA, OʻMMA, “Xalq soʻzi” va “Yangi Oʻzbekiston” gazetalari, Adliya vazirligi Konstitutsiya kuni munosabati bilan radioviktorina oʻtkazish va gʻoliblarni taqdirlash. 2023-yil 7-8-dekabr OʻzMTRK , OʻMMA, AOKA, Adliya vazirligi Markaziy va hududiy bosma va elektron ommaviy axborot vositalarida (gazeta va jurnallarda): 1) Konstitutsiyamizning mazmun-mohiyatini, uning hayotimizda yuz berayotgan oʻzgarishlar va qoʻlga kiritilayotgan yutuqlarning bosh omili ekanini targʻib etish, shu mavzuda telemuloqotlar, davra suhbatlari, uchrashuvlar tashkil etish; 2) Oʻzbekiston Respublikasi Konstitutsiyasi kuniga bagʻishlangan alohida ruknlar tashkil etish, huquqiy jurnallarning maxsus sonlarini chop etish. 2023-yil 1 — 8-dekabr OʻzMTRK , OʻMMA, OʻzA, “Xalq soʻzi” va “Yangi Oʻzbekiston” gazetalari, AOKA, Adliya vazirligi, Respublika Maʼnaviyat va maʼrifat markazi, IIV, Oliy sud, Konstitutsiyaviy sud, Milliy gvardiya, Bosh prokuratura Davlat va jamoat arboblari, aktyor, xonanda, mashhur sportchilar, bloger va faollarning ijtimoiy tarmoqlardagi sahifalariga Konstitutsiyaga oid munosabatlarni joylashtirish. 2023-yil 7-8-dekabr Madaniyat vazirligi, Yoshlar siyosati va sp�rt vazirligi, Respublika Maʼnaviyat va maʼrifat markazi, AOKA, Adliya vazirligi Jurnalist va blogerlar oʻrtasida “Konstitutsiyada belgilangan qoidalarni tushuntiradigan eng yaxshi post va maqola” tanlovini oʻtkazish. 2023-yil noyabr-dekabr Adliya vazirligi, Bosh prokuratura, AOKA “Constitution.uz” veb-saytini uning yaratilish tarixiga oid, uning jamiyatimiz hayotidagi oʻrni va ahamiyatini koʻrsatib beruvchi turli maʼlumotlar bilan toʻldirgan holda muntazam yangilab borish. 2023-yil noyabr-dekabr Raqamli texnologiyalar vazirligi, Konstitutsiyaviy sud, Qonunchilik va huquqiy siyosat instituti, Adliya vazirligi #-Meningkonstitutsiyam , #-Konstitutsiyakuni xeshteglari ostida maʼlumotlarni ijtimoiy tarmoqlarga joylashtirish. 2023-yil 1 — 10-dekabr Oliy taʼlim, fan va innovatsiyalar vazirligi, Yoshlar ishlari agentligi, AOKA III. “Konstitutsiya haftaligi” doirasida oʻtkaziladigan bayram va boshqa koʻngilochar tadbirlar Oʻzbekiston Respublikasi Konstitutsiyasi kuniga bagʻishlab, Toshkent shahri, Qoraqalpogʻiston Respublikasi va viloyatlar markazlarida oʻtkaziladigan konsert tadbirlarini sanʼat ustalari va yosh ijrochilar ishtirokida yuqori saviyada tashkil etish va oʻtkazish . 2023-yil 7-dekabr Toshkent shahri hokimligi, Madaniyat vazirligi Qoraqalpogʻiston Respublikasi, viloyatlar va Toshkent shahrida (Yakkasaroy tumanidagi Konstitutsiya koʻchasida) Konstitutsiya sayillarini tashkil etish, unda tomosha va bayram tadbirlarini yuqori saviyada tashkil etish va oʻtkazish . 2023-yil 4 — 7-dekabr Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Madaniyat vazirligi Sud va huquqni muhofaza qiluvchi organlar, Advokatlar palatasi, shuningdek, “yurisprudensiya” taʼlim yoʻnalishi mavjud boʻlgan oliy taʼlim muassasalari xodimlari ishtirokida respublika “Zakovat” intellektual turnirini tashkil etish. 2023-yil 7-dekabr “Zakovat” intellektual klubi NNT, Konstitutsiyaviy sud, Oliy sud, Sudyalar oliy kengashi, IIV, Bosh prokuratura, Adliya vazirligi, Davlat bojxona qoʻmitasi, Milliy gvardiya Harbiy qism va boʻlinmalarda Oʻzbekiston Respublikasi Konstitutsiyasi qabul qilinganining oʻttiz bir yilligiga bagʻishlangan tantanali saflanish tadbirlarini oʻtkazish , harbiy va oʻquv tayyorgarlikda alohida namuna koʻrsatgan harbiy xizmatchilarni ragʻbatlantirish va taqdirlash. 2023-yil 4 — 7-dekabr Mudofaa vazirligi, IIV, DXX Yangi tahrirdagi Oʻzbekiston Respublikasi Konstitutsiyasini Axborot va ommaviy kommunikatsiyalar agentligiga budjetdan qoʻshimcha ajratilgan mablagʻlar doirasida 3 ming nusxada brayl alifbosida nashr etish. 2023-yil dekabr AOKA, Oʻzbekiston koʻzi ojizlar jamiyati (kelishuv asosida) Oʻzbekiston Respublikasi Konstitutsiyasining yaratilish tarixiga bagʻishlangan arxiv hujjatlarining koʻrgazmasini tashkil etish. 2023-yil 1 — 7-dekabr Oliy Majlis palatalari, Konstitutsiyaviy sud (kelishuv asosida), “Oʻzarxiv” agentligi Kinoteatrlarda har bir film namoyishidan oldin Konstitutsiya kuni bayramiga bagʻishlangan ijtimoiy videoroliklarni tomoshabinlarga koʻrsatish. 2023-yil 1 — 8-dekabr Madaniyat vazirligi, Savdo-sanoat palatasi Fuqarolarga Konstitutsiya kuni bayrami munosabati bilan SMS-xabar sifatida tabrik yoʻllash. 2023-yil 8-dekabr Raqamli texnologiyalar vazirligi IV. “Konstitutsiya haftaligi” doirasida davlat tashkilotlarida va siyosiy partiyalarda tashkil etiladigan tadbirlar Davlat hokimiyati va boshqaruv organlarida, mahalliy hokimliklarda, umumiy oʻrta va oʻrta maxsus, professional va oliy taʼlim tashkilotlarida, mahallalarda, sud va huquqni muhofaza qiluvchi organlar va boshqa davlat tashkilotlarida “Mening Konstitutsiyam 31 yoshda” shiori ostida “Mening Konstitutsiyam va davlat tilim” mavzusida ommaviy umumrespublika diktantini tashkil etish. 2023-yil 1 — 8-dekabr Maktabgacha va maktab taʼlimi vazirligi, Oliy taʼlim, fan va innovatsiyalar vazirligi, vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari Ixtiyoriy boʻlgan umummilliy Konstitutsiya imtihonini oʻtkazish. 2023-yil 1 — 8-dekabr Adliya vazirligi, Davlat xizmatini rivojlantirish agentligi, TDYU Oʻzbekistonning chet eldagi muassasalarida va xalqaro tashkilotlar qoshidagi vakolatxonalari yoki xalqaro tashkilotlar shtab-kvartiralarida Konstitutsiyamiz qabul qilinganining oʻttiz bir yilligiga bagʻishlangan “Oʻzbekiston Konstitutsiyasi kuni” maʼrifiy tadbirlarini tashkil etish . 2023-yil 1 — 8-dekabr Tashqi ishlar vazirligi, “Dunyo” AA Oʻzbekistonning chet eldagi muassasalari va xalqaro tashkilotlar qoshidagi vakolatxonalari veb-saytlarida hamda xorijiy mamlakatlarning ommaviy axborot vositalarida Konstitutsiya kuni bayramiga bagʻishlangan materiallarni joylashtirish. 2023-yil 1 — 8-dekabr Tashqi ishlar vazirligi, “Dunyo” AA Konstitutsiyaviy sudning mamlakatdagi konstitutsiyaviy qonuniylik holati toʻgʻrisida axborotini taqdim etish va ijtimoiy tarmoqlarda keng muhokama qilish. 2023-yil 5-dekabr Konstitutsiyaviy sud (kelishuv asosida) “Konstitutsiya haftaligi” doirasida Oliy Majlis palatalarida “Ochiq eshiklar kuni”ni oʻtkazish va uning doirasida Qonunchilik palatasi va Senat binosi boʻylab ekskursiya tashkil etish, majlislar zali va muzey, kutubxona, deputat va senatorlarning faoliyati bilan tanishtirish. 2023-yil 1 — 7-dekabr Oliy Majlis Qonunchilik palatasi va Senati (kelishuv asosida) Davlat xizmatlari markazlarida “Konstitutsiya burchagi”ni tashkil qilish (flayerlar tayyorlash va ularni tashrif buyurgan fuqarolarga bepul tarqatish). 2023-yil 1 — 8-dekabr Adliya vazirligi Siyosiy partiyalar tomonidan oʻz dasturining ustuvor yoʻnalishlariga mos boʻlgan Konstitutsiyaning tegishli normalarining mazmun-mohiyatini ochib beruvchi turkum tadbirlarni tashkil etish. 2023-yil 1 — 8-dekabr Oliy Majlis Qonunchilik palatasi, siyosiy partiyalar (kelishuv asosida) Ichki ishlar organlarida Oʻzbekiston Respublikasi Konstitutsiyasi kuni 16 yoshga toʻladigan Oʻzbekiston Respublikasi fuqarolariga ID-kartani topshirish jarayonlarini bayramona tashkil etish. 2023-yil 7-dekabr IIV, Adliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari V. “Konstitutsiya haftaligi” doirasida taʼlim tashkilotlari va ilmiy jamoalarda oʻtkaziladigan tadbirlar Umumiy oʻrta, oʻrta maxsus, professional va oliy taʼlim tashkilotlarida barcha oʻquvchi va talabalarni qamrab olgan holda Konstitutsiya darslarini oʻtkazish (namunaviy dars materiallari asosida). 2023-yil 1 — 8-dekabr Maktabgacha va maktab taʼlimi vazirligi, Oliy taʼlim, fan va innovatsiyalar vazirligi, TDYU Umumiy oʻrta, oʻrta maxsus, professional va oliy taʼlim tashkilotlarida Oʻzbekiston Respublikasi Konstitutsiyasi qoidalari va tamoyillarini oʻrganish boʻyicha olimpiada tashkil etish va OAVda keng yoritish. 2023-yil 1 — 8-dekabr Maktabgacha va maktab taʼlimi vazirligi, Oliy taʼlim, fan va innovatsiyalar vazirligi, Adliya vazirligi, Yoshlar ishlari agentligi, OʻzMTRK, OʻMMA Maktab oʻquvchilari oʻrtasida “Xalq Konstitutsiyasi”, “Konstitutsiya — baxtimiz qomusi”, “Konstitutsiya — kelajagim mashʼali” mavzularida rasmlar va insholar tanlovini oʻtkazish va gʻoliblarni taqdirlash. 2023-yil 1 — 8-dekabr Maktabgacha va maktab taʼlimi vazirligi “Barkamol avlod” bolalar maktablarida “Konstitutsiya oʻquvchilar nigohida” mavzusida ijodiy ishlar tanlovi va koʻrgazmalarini tashkil etish. 2023-yil 1 — 8-dekabr Maktabgacha va maktab taʼlimi vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari Taʼlim muassasalarida huquqni muhofaza qilish idoralari xodimlari, huquqshunos olimlar ishtirokida “Konstitutsiyani oʻrganamiz”, “Konstitutsiya — adolat tantanasi” mavzularida uchrashuvlar, ochiq muloqotlar, huquqiy-maʼrifiy tadbirlar tashkil etish. 2023-yil 1 — 8-dekabr Yoshlar ishlari agentligi, Maktabgacha va maktab taʼlimi vazirligi, Oliy taʼlim, fan va innovatsiyalar vazirligi Taʼlim tashkilotlarini bayroqlar va sharlar, shuningdek, oʻquvchilar yasagan oʻyinchoqlar, ramzlar bilan bezatish. 2023-yil 1 — 8-dekabr Maktabgacha va maktab taʼlimi vazirligi, Oliy taʼlim, fan va innovatsiyalar vazirligi, Yoshlar ishlari agentligi Oʻzbekiston Respublikasi Konstitutsiyasi kuniga bagʻishlangan yoshlar konferensiyasini oʻtkazish. 2023-yil 5-dekabr Oliy taʼlim, fan va innovatsiyalar vazirligi, Yoshlar ishlari agentligi Barcha oliy taʼlim va ilmiy tashkilotlarda talabalar, magistrlar, tadqiqotchilar, tayanch doktorantlar va doktorantlar oʻrtasida “Yangi Konstitutsiya — taraqqiyot qomusi” mavzusida ilmiy maqolalar tanlovini tashkil etish 2023-yil 1 — 8-dekabr Oliy taʼlim, fan va innovatsiyalar vazirligi, Yoshlar ishlari agentligi Ilmiy jamoatchilikni keng jalb qilgan holda Konstitutsiya va uning normalarini amalga oshirishga bagʻishlangan xalqaro ilmiy-amaliy konferensiya oʻtkazish. 2023-yil 6-dekabr Konstitutsiyaviy sud, Oliy Majlis palatalari (kelishuv asosida) , Adliya vazirligi, Tashqi ishlar vazirligi, Qonunchilik va huquqiy siyosat instituti, DBA, TDYU, JIDU Konstitutsiya kuniga bagʻishlangan sport marafonlari (yugurish, marsh) va musobaqalarini (voleybol, futbol, shaxmat va b.) uyushtirish, jahon, Osiyo va Olimpiya oʻyinlari gʻoliblari, ishtirokchilari bilan uchrashuvlar tashkil etish. 2023-yil 1 — 8-dekabr Yoshlar siyosati va sport vazirligi, Oliy taʼlim, fan va innovatsiyalar vazirligi, “Sogʻlom avlod uchun” xalqaro xayriya jamgʻarmasi (kelishuv asosida)

Oʻzbekiston Respublikasi Prezidentining 2023-yil 16-noyabrdagi F-72-son farmoyishiga 2-ILOVA

Oʻzbekiston Respublikasi Konstitutsiyasi kuni bayramiga tayyorgarlik koʻrish va uni oʻtkazish boʻyicha tashkiliy qoʻmita

1. A.N. Aripov — Oʻzbekiston Respublikasi Bosh vaziri, Tashkiliy qoʻmita raisi 2. R.Q. Davletov — Oʻzbekiston Respublikasi Prezidentining maslahatchisi, Tashkiliy qoʻmita raisining oʻrinbosari 3. X.M. Sultonov — Oʻzbekiston Respublikasi Prezidentining maslahatchisi — Spichrayteri 4. Q.Q. Quronboyev — Oʻzbekiston Respublikasi Prezidenti Administratsiyasi Yoshlar siyosati departamenti rahbari 5. J.A. Qoʻchqorov — Bosh vazir oʻrinbosari, iqtisodiyot va moliya vaziri 6. Sh.B. Umurzakov — Toshkent shahar hokimi v.b., Tashkiliy qoʻmita raisining oʻrinbosari 7. A.J. Toshqulov — adliya vaziri 8. O.A. Nazarbekov — madaniyat vaziri 9. B.O. Saidov — tashqi ishlar vaziri 10. P.R. Bobojonov — ichki ishlar vaziri 11. A.H. Qoʻldoshev — favqulodda vaziyatlar vaziri 12. R.M. Joʻrayev — Milliy gvardiya qoʻmondoni 13. X.U. Umarova — maktabgacha va maktab taʼlimi vaziri 14. A.Sh. Inoyatov — sogʻliqni saqlash vaziri 15. Sh.X. Shermatov — raqamli texnologiyalar vaziri 16. A.I. Ikramov — yoshlar siyosati va sport vaziri 17. B.A. Musayev — kambagʻallikni qisqartirish va bandlik vaziri 18. A.A. Xodjayev — Axborot va ommaviy kommunikatsiyalar agentligi direktori 19. R.J. Qurbonov — Millatlararo munosabatlar va xorijiy mamlakatlar bilan doʻstlik aloqalari qoʻmitasi raisi 20. F.F. Abduholiqov — Kinematografiya agentligi bosh direktori 21. A.Z. Saʼdullayev — Yoshlar ishlari agentligi direktori 22. A.J. Xodjayev — Oʻzbekiston Milliy teleradiokompaniyasi raisi 23. A. Koʻchimov — Oʻzbekiston Milliy axborot agentligi bosh direktori 24. M.M. Hojimatov — Respublika Maʼnaviyat va maʼrifat markazi rahbari 25. Lavozimiga koʻra — Qoraqalpogʻiston Respublikasi Vazirlar Kengashi Raisi va viloyatlar hokimlari

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 16-noyabr,

F-72-son

lex.uz

Президента Республики Узбекистан

Распоряжение

О подготовке и проведении праздника Дня Конституции Республики Узбекистан

На состоявшемся 30 апреля 2023 года всенародном референдуме наш народ, продемонстрировав свое высокое политическое сознание, правовую культуру и мировоззрение, принял Конституцию Республики Узбекистан в новой редакции. Конституция Республики Узбекистан в новой редакции создала прочный фундамент для дальнейшего стабильного развития государственности, общественно-политической, социально-экономической и судебно-правовой сфер.

В целях достойной встречи и празднования на высоком уровне Дня Конституции Республики Узбекистан, сплочения граждан во имя утвержденных в нашем Основном законе идей демократии, свободы и равенства, социальной справедливости и единства, а также эффективного проведения организационно-практических и духовно-просветительских мероприятий, воплотивших в себе главную идею «Конституция — основа подлинно народного государства, стабильного развития и процветающей жизни!»:

1. Утвердить:

Программу по подготовке и проведению праздничных мероприятий, посвященных Дню Конституции Республики Узбекистан (далее — Программа), согласно приложению № 1 * ;

состав Организационного комитета по подготовке и проведению праздника Дня Конституции Республики Узбекистан (далее — Организационный комитет) согласно приложению № 2 * .

2. Организационному комитету (А. Арипов):

обеспечить эффективное выполнение предусмотренных в Программе мер, а также празднование Дня Конституции Республики Узбекистан в Республике Каракалпакстан, областных центрах, городе Ташкенте, во всех городах и районах, кишлаках и аулах;

в целях эффективного проведения во всех регионах среди широких слоев населения духовно-просветительских конференций, открытых диалогов и бесед, художественных вечеров, фестивалей, народных гуляний, культурных и спортивных мероприятий, посвященных празднику Дня Конституции Республики Узбекистан, провести праздничные мероприятия с привлечением известных деятелей науки, культуры и искусства, представителей старшего и молодого поколения, знаменитых спортсменов.

3. В целях празднования на местах праздника Дня Конституции Республики Узбекистан в созвучии духу нынешнего времени обратить особое внимание на следующие вопросы:

проведение просветительских встреч и бесед о сути и содержании обновленной Конституции и коренных реформах, намеченных в рамках основных приоритетных направлений Стратегии «Узбекистан — 2030», в махаллях, образовательных и трудовых коллективах;

освещение широкомасштабных реформ, осуществляемых в последние годы в различных сферах экономической, социальной, культурно-духовной жизни, места и роли Конституции в новой редакции в укреплении результатов, достигаемых в этом направлении;

раскрытие сути и значения жизненного девиза «Конституция — основа подлинно народного государства, стабильного развития и процветающей жизни!», перехода на совершенно новый этап в области прав и свобод человека на основе Конституции в новой редакции;

широкая пропаганда значения реформ, реализуемых по обеспечению надежной защиты имущественных прав, устранению факторов, ограничивающих эти права, развитию сфер здравоохранения, науки, культуры, искусства и спорта, проявлению постоянного внимания и заботы о представителях старшего поколения, женщинах и молодежи, защите семьи, материнства, детства и отцовства;

проведение уроков Конституции с охватом всех учащихся и студентов общих средних, средних специальных, профессиональных и высших образовательных организаций в рамках «Недели Конституции».

4. Установить, что проводимые праздничные мероприятия финансируются:

в Республике Каракалпакстан, областях — за счет соответствующих дополнительных источников местных бюджетов, внебюджетных средств министерств и ведомств, других средств, не запрещенных законодательством;

в городе Ташкенте — за счет резервных фондов Кабинета Министров Республики Узбекистан и хокимията города Ташкента согласно смете расходов, утвержденной Организационным комитетом, в равных долях.

5. Рекомендовать Национальной телерадиокомпании Узбекистана, Национальному информационному агентству Узбекистана, информационному агентству «Дунё» и другим средствам массовой информации широко освещать работу, осуществляемую по подготовке и проведению праздника Дня Конституции Республики Узбекистан.

6. Контроль за исполнением настоящего распоряжения возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

16 ноября 2023 г.,

№ Р-72

lex.uz